موافقة الداخلية عالزواج [الأرشيف] - منتديات شبكة الأسهم القطرية

مشاهدة النسخة كاملة : موافقة الداخلية عالزواج

تاجرة صغيرة

01-05-2011, 03:10 PM

السلام عليكم

بغيت اسألكم الموافقه للزواج من غير قطري كم يبيلها؟؟؟؟

للعلم الموافقه اطلعت من اللجنة بس يقولون باقي توقيع الوزير
ناس قالوا يبيلها اسبوع بالكثير اسبوعين وناس تقول مو اقل من 6 شهور

تاجرة صغيرة

01-05-2011, 10:26 PM

:(

ممكن تفيدونا بارك الله فيكم

سلوى حسن

01-05-2011, 10:34 PM

naklan

01-05-2011, 11:43 PM

افا وين شباب الديره عنكم
وبعدين الموافقه للزواج من الداخليه هل هي تطلب للخليجي او للعربي او للهندي
قولو امين عسا الله يعطيكم ابن الحلال ومن ديرتكم وما تحتاجون للاجنبي
موفقين صادتني حاله تشائم حاده :(

eXpert*

01-05-2011, 11:55 PM

الله يصلح الحال ،، مع الاسف محد يشوف تبعات هذه الزيّج.
سواء قطري من آجنبية أم قطرية من أجنبي .

عيال البلاد كثار والصالح فيهم اكثر ،، واللي تبي الستر ربي بيستر عليها.

والمثل يقول اخطب لبنتك ولا تخطب لابنك.

شوفوا الجرايد والقطريات المتزوجات من اجانب ، وش حال لسانهم يقول.

الله يستر علي الجميع .

ضوى

02-05-2011, 12:03 AM

يعني يمكن خليجين وين المشكلة ؟؟

simsim1963

02-05-2011, 12:13 AM

ياجماعه الخير فتحوا مخكم زين وش فيكم . هذيلا البنات هي قطريه بس ممكن يقول ولد خالها ولد عمها واحد من جماعه من جنسيه ثانيه .

sara jsm

02-05-2011, 01:01 AM

امممم ساعات يقولون على حسب المزاج ,, :o
وساعات على حسب العيله ,,
يعني لو البنت قطرية بالتجنيس راح يوافقون بسرعه ,,
واذا بنت عيله ,, يطولون وايد ويمكن ينرفض الطلب ,,
بس دام انه مابقى الا التوقيع ,, ان شاءالله خلال هالشهر الامور تكون خالصه ,,
وبالتوفيق ان شاءالله :)

روان قطر

04-05-2011, 09:20 AM

شددعوه يعني القطريه اذا بتزوج من خليجي لازم ورقه من الداخليه ؟؟؟؟

دااانة قطر

04-05-2011, 09:24 AM

ياجماعه الخير فتحوا مخكم زين وش فيكم . هذيلا البنات هي قطريه بس ممكن يقول ولد خالها ولد عمها واحد من جماعه من جنسيه ثانيه .

في هذي ماافي مشااكل الله يوفقهم

بوحارب

04-05-2011, 01:56 PM

توقيع الوزير من اسبوع لين شهرين وبالتوفيق

alwahesh

04-05-2011, 02:11 PM

من اقل من 6 شهور من غير اجازة الصيف شهرين (7+8)

تاجرة صغيرة

06-05-2011, 10:34 PM

شكرا للجميع

فارس الكلمة

06-05-2011, 10:41 PM

يعني يمكن خليجين وين المشكلة ؟؟

الزواج من خليجي .. لا يحتاج موافقة من الداخلية ..

ذيب ازغوى

07-05-2011, 12:01 AM

الله يوفقكم لما يحب ويرضى