رياض اطفال

[ابوالعز]

السلام عليكم ورحمة الله وبركاته
اخواني حاب استفسر عن افضل رياض اطفال
بالنسبه للغه الانجليزيه بحيث تكون رياض اطفال
ومدرسه انجليزيه ابتدائيه ان امكن وخبركم الانجليزي هالوقت مهم جدا
حاب ادخل بنتي بأذن الله هالسنه ان شاء الله حتى تتأسس صح
ويفضل تكون في المناطق المحيطه لزغوى ودحيل ان امكن ولكم الشكر

[ابوالعز]

معقوله مافيه روضه وبنفس الوقت
مدرسه ابتدائي انجليزيه
وسمعتها زينه وتعاملها راقي مع الاطفال

[راشد محمد]

عندك المهما في الدفنة زينة واهم شي الشريعة والعربي

[نور الحور]

أخوي أبو العز .. أقرب شي بالنسبة لهلمناطق المدارس في الدفنة ..
وفي قطر معروف إن المدارس ورياض الأطفال يتركزون أكثر شي في الدفنة والمعمورة ..

بالنسبة لرياض الأطفال : عندك روضة ممتازة اسمها كرييتف جايلد في مجمع الريفيرا السكني على خط الجامعة
هي حضانة وروضة وتمهيدي

أذا بغيت روضة ومعاها مدرسة :
عندك الشويفات يمدحونها بس دراستهم صعبة شوي وشديدة على ما سمعت
وعندك قطر الدولية (على ما اعتقد اسمها جذي ) في الدفنة بعد جنب المدرسة اللبنانية في الدفنة
وعندك نيوتن (مختلف على مستواها بصراحة)
وفي مدينة خليفة فيه المدرسة الانجليزية الحديثة (أو اسم مشابه) بعد مسجد عمر بن الخطاب وانت جاي على الخط السريع من الخريطيات .. سمعت بعضهم يمدحونها
وفي الغرافة مدرسة الخليج العالمية

وعندك بعد في المدينة التعليمية قطر أكاديمي

عموما إذا تبي مدارس زينه أغلبها مدارس عالمية، لكن للأسف مختلطة .
إذا حاب مدارس أجنبية لها نهج إسلامي فعندك المها (مع إن مستواها نزل للأسف) ، والحياة العالمية ، ودار الأرقم ، و اقرأ .. لكن بيكونون بعيد عليك ..

إن شاء الله أكون أفدتك ..
بس نصيحة لوجه الله .. حاول تبتعد قدر المستطاع عن الاختلاط خاصة للبنات وحتى صفوف متقدمة ، وحاول تسأل عن مدى اهتمامهم بالعربي والشرعية ..والله ييسر لك الخير ..

[ابوالعز]

مشكور اخوي راشد
ويعطيك العافيه

[ابوالعز]

نور الحور
عزالله ماقصرتي وافدتيني
شكرا على المعلومات والمرور الكريم

[المرسى الأخير]

اخوي شوف مدرسة أوفاز العالمية جديدة يمدحونها و مبنى الروضة فيها بمراحلها الثلاثة منفصل عن مبنى الابتدائي روح شوف المدرسة للاطلاع اكثر على مناهجها و معاينة مرافق المدرسة

في الجبيلات وهي المنطقة بين اشارات الجامعه و دوار دحيل في المنطقة الي فيها الملحقية الثقافية السعودية


عندك مدرسة الحياة العالمية وهي مميزة بطريقة التدريس في معيذر مقابل وذنان مول

و كذلك عندك كيدز ار اس اسمع ناس وايد يمدحونها عند دوار دحل الحمام

و اكاديمية لويدنس في الدفنة عند دوار نادي قطر

هذولي المدارس قريبين من المناطق الي ذكرتهم والي اسمع عنهم انهم زينين بالانجلش والعربي والدين و يأسسون الاطفال بشكل جيد في الروضة والابتدائي

[ابوالعز]

الله يجزاك خير
فعلا اللي ذكرتهم يعتبرون الاقرب لي
والله لايهينك على مرورك الكريم