البشاره ياهل قطر ..عن السوق المركزي [الأرشيف] - منتديات شبكة الأسهم القطرية

إلا..إذا

01-05-2011, 06:55 PM

[/COLOR][COLOR="Blue"]في برنامج الدار قبل قليل طلع الشيخ ... .المسؤل اخشى اني اغلط باسمه:rolleyes2: وقال الصحافه كبرت الموضوع وان المواطن من حقه يشتري من السطحه بسس اللي ممنوع يشترون من المزاد اللي بيكون من صباح الله خير وللتجار فقط :nice:

الظاهر كانو يبون يخلصون البضاعه يقولون امس لين الساعه 2 الظهر والناس تشتري

خليفـة

01-05-2011, 07:35 PM

الناس تبي تشتري وقت المزاد
وليس بعد المزاد

إلا..إذا

01-05-2011, 07:39 PM

:shy:

بوخالد911

01-05-2011, 07:46 PM

لعله خير

السندان

01-05-2011, 10:44 PM

اشوف فيه تجاهل من السؤولين لاي موضوع يعم الشارع ولا يتم التوضيح الا بعد ما الناس تشبع تحليلات وتساؤلات .. اطلع من اول ووضح للناس

رمــش الغلا

01-05-2011, 10:52 PM

يعني عادي انروح سوق الخضرة في الساحة ونشتري نفس قبل؟؟؟؟

مهل

01-05-2011, 11:09 PM

اشوف فيه تجاهل من السؤولين لاي موضوع يعم الشارع ولا يتم التوضيح الا بعد ما الناس تشبع تحليلات وتساؤلات .. اطلع من اول ووضح للناس

مهو هذا هو المقياس ،،، الشمس مايخفيها المنخال .. يطلعون القانون في الصحافه و يشوفون رده فعل الشارع عبر المجالس و المنتديات والبلاك بيري و على اساسها تكون رده الفعل اما تاكيد للقرار اما لا شدعوى مب هذا قصدنا الصحافه كبرت الموضوع او فهمت القرار خطا !!

اجزم ان منتدى الاسهم احد الاماكن الرئيسيه لاستطلاع الاراء :waiting:

القطو السمين

01-05-2011, 11:14 PM

كذب الكلام انا رحت اليوم وكانت الكبرة العودة اللي تبيع فواكهه وخضروات مصكرة والمكان فاضي والكبرة القطرية مفتوحة واسعارها نار الله لايوفق من يضع قرارات دون ان يعرف من المتضرر وبكرة انا برووح لاني ماقدرت اشتري من الزعل طلعت وانا ادعي من قمة راسي

بن موسى

01-05-2011, 11:28 PM

الا ابشركم ان الاسعار في المحلات نازلة الليلة بحدود النصف عن المعتاد في اغلب الانواع

وحسب مافهمتة من الهندي ان اكثر المحلات المنتشرة واللي هي في الاصل باسماء قطريين والحقيقة ملك لهم اي للهنود مع البنغال سوف تغلق بسبب ارتفاع الاجارات وعدم مقدرتهم على تعويض ذلك من جيوب المواطنين الغير قادرين على الذهاب للسوق المركزي بسبب تحديد الاسعار
فا اشكر الحكومة اشكر من اتخذ القرار والحمدلله ياربي

القطو السمين

01-05-2011, 11:36 PM

الكلام غير صحيح والتسعيرة انا شفتها نار نارنار الي حاطها مايعرف الاسعار من قبل اواحد التجار اللي في السوق حماية المستهلك اهلكتونا مامنكم فايدة

مضاد

01-05-2011, 11:38 PM

طيب ,, ليش تم تجميد صلاحيات رئيس قسم بلدية السوق المركزي .!؟

http://qatarshares.com/vb/showthread.php?t=452015

مسمس12

01-05-2011, 11:52 PM

يعني عادي انروح سوق الخضرة في الساحة ونشتري نفس قبل؟؟؟؟

نفس السؤؤؤؤؤؤؤؤؤؤؤؤال:omg:

مشتاقة لقطر

01-05-2011, 11:52 PM

قلناها من قبل القرار في صالح من ؟؟

لا التاجر ولا الزبون

kitmat

02-05-2011, 12:15 AM

والله على بالي بشارة بزيادة الرواتب يافرحة ماتمت في قطر

abdulla4u

02-05-2011, 12:54 AM

الكل كان مستفيد التجار والمستهلكين .. وخربوها احين في وجه التجار الصغار الي مايقدرون يخاطرون ... والفال للكباريه ... والمستهلكين لكم الله بدل الطمام صلصه ....

رحال

02-05-2011, 06:22 AM

والحديد اللي طوقوا فيه السوق ...
اليوم أنا ذهبت للخضار والأسعار نار مقارنة بالسوق
مانقول الا حسبنا الله ونعم الوكيل

ابوسعود

02-05-2011, 07:35 AM

الله يعطيك العافيه على الخبر
واتمنى ان يكون في صالح المواطن فقط

النائب

02-05-2011, 08:14 AM

الله يعطيك العافيه على الخبر
واتمنى ان يكون في صالح المواطن فقط

للعلم لن ترى اي قرار في صالح المواطنين حسب مااشوف من الواقع الذي نعيشة وإستنباط من بعض الأمور التى تجرى من حولنا .
وهناك في الطريق قرارات جديده سوف تجعل الحليم حيران اتمنى أن تكون غير صحيحة ...!

وهي / تناكر المواطنين سواء التى تجلب الماء او تناكر شفط الصرف الصحي الله يكرمكم سوف تؤول إلى بروه قريبا .

/ الكهرباء والماء حسب رؤية قطر 2011 - 2016 ستكون برسوم على المواطنين . والله أعلم .

والله يكفينا شر القرارات الأخرى .

نورالهدى

02-05-2011, 08:20 AM

الله المعين
أنا أصلا مارحت السوق إلا جم مرة
أستسهل اللولو

basma222

02-05-2011, 09:18 AM

الموضوع مفهوم اول لمدة ساعتين مزاد والتجار هم اللى يشترون

وبعدين التجار يبعون البضائع والناس تشتري على حسب التسعيرة الجديدة

يعني الناس ما يقدرون يشترون في المزاد

يعني المصالحه لهم واحنا نشتري بعدين والاسعار نار

حسبي الله ونعم الوكيل الغني ياكل الفقير

والارامل والمطلقات والمتقاعدين مل لهم الا الله

راشد محمد

02-05-2011, 09:24 AM

حسبي الله ونعم الوكيل

Xx QATARI xX

02-05-2011, 09:55 AM

مادرينا
واحد يقول كذب او واحد يقول صج
واحد يقول الاسعار نازله والثاني يقول الاسعار مرتفعه

واحد يرفع والثاني يكبس

سهم داق

02-05-2011, 10:46 AM

الحل في كسر احتكار سوق الخضرة اللي محتكره الخلف والحيدري وخليفة هم اللي وصلوا الاسعار لهذه القيمة ولا يهمهم المواطن وبيضربون جميع القرارات عرض الحائط ولاهمهم المواطن ولا الولاء للوطن اللي المواطن جزء منه

خلنا نتكلم بصراحة ليش انخش رووسنا بالرمل هاي الواقع

أتمنى أن يكون سوق الخضرة اللي بيسوونه تحت يد الحكومة علشان ما يكون هناك أحتكار والتلاعب بالأسعار من قبل شلة تجار لا يخافون الله بالعكس راح يخلون المواطن في حالة حزن وهم أو مرة أشوف التجار يضغطون على المواطنين بهالشكل ؟؟!

الفاخر

02-05-2011, 11:35 AM

واحد يرفع والثاني يكبس

هههههههههه
اي والله
حتى لو تسوي بلوك قدام التجار ما في فايده
لان كورة الاسعار المرتفعة اخرتها في وجه المواطن:playball:

cavok

02-05-2011, 05:42 PM

يعني والحل يا حكومة

الماريّة

02-05-2011, 06:53 PM

HAMAD9030

02-05-2011, 07:13 PM

يـــاجماعة الخير اللي انا فاهمه فالسوووق واللي اشوووفه ,,,
انه السوق المركزي هو سوووق الجمله
يعني الواحد اللي بيشتري من هناك مايشتري بالكيلووو
ولا مره رحت وشفت مزاااااااد على شي من الخضار /
للتوووضيح فقط
وغيره انه الموضوووع ومافيه خلاص انه المواطن مايشتري من السوووق المركزي
ولا اللي هناك مايبيعون حق اي شخص (( غير التجار اللي هم اصحاب المحلات))
واللي يبي يشتري يروح محلات الخضار
وبتكون اسعار ثابته لكل شي
هدا اللي انا فهمته
يعني الموضوع ومافيه مب من صالحنا :anger1:
السمووحه منكم