استفسار : بخصوص بطاقة مصرف الريان pay and go وموقع بوكنيج

[.Qa6ar]

السلام عليكم ورحمة الله وبركاته

حبيت استفسر أذ عندكم خلفية بخصوص بطاقة مصرف الريان pay and go

هي نفس الفيزا بس المشكله ماعليها اسمك ويقولون تقدر تحجز من النت

سؤالي : هل أقدر احجر فنادق من موقع بوكينغ ؟ لاني حصلت خانة مكتوب عليها الاسم اللي على الفيزا

وبس:rolleyes2:

[الزجاجي]

والله يا الشيخ انا ما جربت مصرف الريان
لكن بطاقه المجموعه جربتها وشغاله تمام على موقع booking.com

[خشوف]

اهم شي تكون فيزا اذا فيزا يصير

انا سمعت عند بطايق مصرف الريان مب دوليه !! ماتفع حق سفرات برا

ان دوم احجز في فيزا المصرف الاسلامي + فيزا البنك التجاري + امريكان اكسبرس

[.Qa6ar]

ههههههههه

أشوف العنوان الأولي أحلى

بس مب مشكلة

لو ممكن معلومة عن فيزا المصرف الاسلامي

هل نظامها اسلامي ؟ وشلون ؟

[Rashid554]

ممتازه فيزا المصرف بس عيبها اللمت يكون محدد 5000 ريال ..

الاسم مش مشكله انا حجزت من بوكنج اكثر من مره وكنت اكتب اسمي عادي مع انه مش موجود بالبطاقه

مقارنة بين بطاقة المجموعه وبي اند قو

1- المجموعه بطاقتها ماستر كارد الريان فيزا

2- المجموعه بطاقتها بلاستك ( وراح تواجه مشاكل كبيره في السحب ) الريان ( بطاقته شريحه )

3- المجموعه الشحن لازم تروح المجموعه ومادري شنو الريان ( تعبيها في أي وقت وتشحن معاك كذلك تقدر تعبيها بالتلفون ولكن امانه واجهتني مشاكل فيها مو راضين يشحنون لكن اعتقد الحين غيرو النظام )

بكل الحالات الافضل بطاقه الريان ميزتها كذلك تنفع للمشتروات عكس المجموعه لانها بطاقه بلاستك عاديه ماتنفع :)

[rawad]

اختي الكريمة افضل بطاقة للدفع والتعامل عن طريق الانترنت
هي بطاقة اسمها كليك من بنك الدوحة .... بطاقة معتمدة دوليا وبامكانك الدفع في اي موقع بالعالم
وهي بطاقة تقدري تحطين فيها المبلغ الي تحبي
وتستخدميها اون لاين ..... وفي حال خلصت البطاقة تقدري تحطي اي مبلغ مباشرة فيها عن طريق الانترنت
باستخدام حسابك في بنك الدوحة

[.Qa6ar]

يعطيكم العافيه

اولا : أخوي راشد انا سمعت عن مميزات بطاقة الريان حلوه الصراحه وحتى بدون ماتبطل عندهم حساب

بس الاخت خشوف قالت انها مب دولية وأذ مب دولية يعني ماقدر أحجز من موقع بوكينق
وبعض الفنادق اللي في اوروبا يمكن تطلب الأسم وعش التوهيقه

وانا مستحيل أخذ كردت كارد !!

ثانيآ أخوي رواد بنك الدوحه قلت بنفسك افتح حساب وانا مب مجبور وانا ابي بطاقه ذات طابع أسلامي :)

[Rashid554]

يعطيكم العافيه

اولا : أخوي راشد انا سمعت عن مميزات بطاقة الريان حلوه الصراحه وحتى بدون ماتبطل عندهم حساب

بس الاخت خشوف قالت انها مب دولية وأذ مب دولية يعني ماقدر أحجز من موقع بوكينق
وبعض الفنادق اللي في اوروبا يمكن تطلب الأسم وعش التوهيقه

وانا مستحيل أخذ كردت كارد !!

ثانيآ أخوي رواد بنك الدوحه قلت بنفسك افتح حساب وانا مب مجبور وانا ابي بطاقه ذات طابع أسلامي :)


اخوي انا توني راد من شهرين تقريباً وحاجز 4 فنادق في السفره الاخيره عن طريق بوكنج وماواجهتني أي مشكلة :)

[.Qa6ar]

حلووووو والله

انزين نظام موقع بوكينغ هل ياخذ من البطاقه والدفع كاش ولا شنوو ؟

[Rashid554]

اخوي الموقع نهائياً ما يسحب من البطاقه
كله يعتمد على سياسة الفندق ..

في فنادق تسحب المبلغ كامل قبل ماتسكن بليله
في فنادق تسحب الليله الاولى بس
كله يعتمد على سياسة الفندق اذا كان المبلغ " مسترجع " او " غير مسترجع "

وسفره موفقه

[غلا الريان]

اخوي راشد لازم اكون فاتحه حساب عندهم ؟؟
و يعطيك العافية ع الافادة

[Rashid554]

^
لا اختي مو شرط

عندهم بطاقتين
الاولى : قابلة للتعبئة
الثانيه : غير قابلة للتعبئه

واحنا نتكلم عن الاولى طبعاً
لكن في حال ماكان عندج حساب ماتقدرين تعبينها عن طريق التلفون وتكتفين بالتعبئه عن طريق الذهاب الى اي فرع لمصرف الريان

[غلا الريان]

تسلم اخوي راشد ماقصرت ع الرد
طلعت افضل من المجموعه

[عيون الدوحة]

تعتبر باي اند قو أفضل بطاقة بقطر حالياَ
خصوصاً أنك تقدر تسحب كاش من أي اي تي ام تابع للبنك

[.Qa6ar]

يعطيكم العافيه

وخاصه اخوي راشد

يعني خانة الاسم في مكان اسم صاحب الفيزا

ماتهم ولا لازم بعض الفنادق يطالبون فيها ( البعض)

[عيون الدوحة]

يعطيكم العافيه

وخاصه اخوي راشد

يعني خانة الاسم في مكان اسم صاحب الفيزا

ماتهم ولا لازم بعض الفنادق يطالبون فيها ( البعض)

عادي أختي حطي أسمج مو شرط تكون مكتوبه على البطاقة

[Rashid554]

هلا اخوي هذا شرح سريع وخفيف طريقه الحجز في بوكينج سويته لك عشان مشكلة الاسم الي مو موجود في بطاقه الريان وتحس ان البطاقه مو ملكك

هذا حجز وهمي


في هالصوره اهم شغله عندنا الشروط وهي نظام الحجز

في حال مكتوب غير مسترد معناته راح يتم سحب المبلغ كامل حتى لو الغيت الحجز قبل الموعد بسنه :victory:

في حال مكتوب الغاء مجاني بما معناه انك تقدر تلغي قبل الموعد بـ 24 ساعه من غير ماياخذون منك اي مبلغ وفي حال ماحضرت نهائياً ياخذون مبلغ اول ليله بس

http://im2.gulfup.com/2011-05-04/1304481508811.jpg

الي عليك بالخطوه الثانيه تكتب اسمك الاول + اسم العائلة حسب الجواز وهو من نفسه بيرتب اسمك تحت بالاسم الكامل
كذلك تعبي ايميلك + عدد النزلاء + اذا فيه شروط تبيها

http://im2.gulfup.com/2011-05-04/1304481508222.jpg



في الخطوه الاخير وهي الي اهم
العنوان/المدينة / الرمز البريدي /البلد / الهاتف .. كلها واضحه
نوع بطاقة الائتمان ( VISA ) اذا كانت PAY AND GO
رقم البطاقه الرقم الي في واجهه البطاقه مكون من 12 رقم اعتقد
اسم حامل البطاقه هو نفسه الاسم الكامل للنزيل
تاريخ الانتهاء محدد في واجهه البطاقه
رقم تحقق البطاقه موجود خلف البطاقه 3 ارقام


الفندق عليه يتحقق من الاسم الكامل للنزيل واخر 4 ارقام للبطاقه اذا كانت متوافقه فمبروك عليك الحجز :victory:

http://im2.gulfup.com/2011-05-04/1304481509853.jpg

[قهوجي]

انا عندي وحده مافيها اي مشاكل
شوفي اذا عندك حساب عندهم تقدريت تعبيها وانتي قاعده في البيت واذا ماعندك حساب عندهم تروحين عندهم وتعبيها عندهم
2 تقدريت تشتري فيها من اي مكان في قطر المحلات والجمعيات
3 تقدريت تسحبين من اي مكينه سحب تابعه للريان فقط
4 والاسم بكون مكتوب عليها اسم احرف وارقام حطيها حيكون نفس الاسم

[.Qa6ar]

يعطيك الف عافيه أخوووي

راشـــد كفيت ووفيت طال عمرك

ما شاء الله عليك مبدع في اسلوبك وشرحك

تعد من الأعضاء المتميزين الصراحه

بس عندي ملاحظه بسيطه وياكثر ملاحظاتي ههه

دام الحين الحمدلله أنحلت مشكلة حجوزات الفنادق

هل أقدر اتسوق فيها برااا ولا لا

والف شكر لك

ومابه قصور بالأعضاء الباقين اللي ردوا يعطيهم العافيه

[Rashid554]

ربي يسلمك اخوي

بخصوص التسوق في قطر والخارج تقدر شرط عن طريق ( مكاين المشتروات ) ..فقط
حاسب تجربها بمكاين الـ atm عدى مكاين المصرف نفسها

سفره موفقه

[غلا الريان]

اخوي راشد طلعت لي وحده وجربتها بموقع ابل .. لحد الحين تمام
بس طلع لها لمت 5000 .. توقعتها عكس المصرف احط المبلغ اللي ابيه
بس ممتازه البطاقة
يعطيك العافية

[.Qa6ar]

ممتازه فيزا المصرف بس عيبها اللمت يكون محدد 5000 ريال ..

الاسم مش مشكله انا حجزت من بوكنج اكثر من مره وكنت اكتب اسمي عادي مع انه مش موجود بالبطاقه

مقارنة بين بطاقة المجموعه وبي اند قو

1- المجموعه بطاقتها ماستر كارد الريان فيزا

2- المجموعه بطاقتها بلاستك ( وراح تواجه مشاكل كبيره في السحب ) الريان ( بطاقته شريحه )

3- المجموعه الشحن لازم تروح المجموعه ومادري شنو الريان ( تعبيها في أي وقت وتشحن معاك كذلك تقدر تعبيها بالتلفون ولكن امانه واجهتني مشاكل فيها مو راضين يشحنون لكن اعتقد الحين غيرو النظام )

بكل الحالات الافضل بطاقه الريان ميزتها كذلك تنفع للمشتروات عكس المجموعه لانها بطاقه بلاستك عاديه ماتنفع :)

دامها اشتغلت حلوو والله

ولكن اصلآ اخوي راشد حدد في الرد هذا وقال ليمتها 5000

وتقدر تعبي في أي وقت وأذ عندك حساب تقدر من النت
:secret:
عكس المصرف اذ خلصت تطلع وحده جديده

[بسمة حزن]

السلام عليكم
بقيت اسال اذا حجزت من موقع بوكينغ ....الفندق ياخذ التأمين كيف؟
لما اروح لهم او من البطاقه نفسها؟؟؟؟؟

[Doha Sun]

اشكركم على الافادة كنت ابي اطلع لي بطاقة من عندهم ..
والله يعطيك العافية يا راعي الموضوع

[HiTec]

اخوي الـ أي تي أم العادية ان مكتوب عليها كلمة " فيزا " فتقدر تستخدمها ع البوكنك
بس انت عبي البيانات عادي

[دايموند]

سؤال خارج الموضوع اذا ممكن؟؟

شنو الفرق بين الفيزا والماستركارد؟

[مشتاقة لقطر]

انا السنة اللي طافت كنت استخدم بطاقة قديمة لزوجي مافيها رصيد ..

احتياط يعني .. اخاف من البوقات ولاني اول مرة استخدمها..

فكنت ادخل بيانات البطاقة ويوم جينا لقينا حجزنا موجود بباريس

ويوم بننتقل الليومين اللي بعدها لفندق ثاني سوينا نفس الحركة ولقينا الحجز موجود

وثالث فندق بعد نفس الشي

وندفع كاش بكل الحالات
يعني تقريبا هم ياخذون رقم البطاقة كضمان

[.Qa6ar]

السلام عليكم
بقيت اسال اذا حجزت من موقع بوكينغ ....الفندق ياخذ التأمين كيف؟
لما اروح لهم او من البطاقه نفسها؟؟؟؟؟


نفس السؤال

[فيصـــل]

استفسار ياجماعة الخير بخصوص موقع بوكينج ..

هل اقدر احجز عن طريق بطاقة المجموعه اللي تتعبى ؟

وكيف طريقة الحجز هل ياخذون الفلوس دايركت ولا يعملون لها بلوك وهناك اعطيهم .. ولا شالترتيب ؟

وكم اللمت في بطاقة المجموعه ؟

وسؤال اخر .. هل بطاقات الـ atm العاديه اللي ينزل عليها الراتب ( حساب جاري ) هل اقدر احجز عن طريقها عبر الانترنت ولا لازم فيزا ؟