يوميات مواطن قطري

[limited]

انا ساكن بجنوب قطر واقرب مركز صحي لنا هو السد او الريان على بعد 75 كيلو متر ... وبيوم 25 يناير 2010 كان عندي بنوته صابها تشنج حراري ووديتها لمستشفى السد وكنت امشي بسرعة 180 وطفت اربع رادارات واخذت تقرير من مستشفى السد ووديته للمرور ................والمرور قالو لا .. لازم نيابه ........ وراح كتاب المرور مع تقرير المستشفى للنيابه ..... عااااااااااااد النيابه قالو لا ... تستمر المخالفات .... جيت النيابه ... غير بدل ... قالوا لا..... رديت المرور..... يا ناس غيرو بدلو... قالوا ... عبدالله بن ناصر او سعد الخرجي .... وتعال من الساعه ست ونص .... ويالله اكلم مديري بالشغل ... ابيض وجه يسمح لي ...... ومن عقب صلاة الفجر ........... اكل جباتي وكرك من مطعم بو عيسى واقرا الرايه ..... ويالله الوقت يمر بطئ .... كيقيني ببطء معاملتي ..... الساعه ست ونص ...داخل المرور المبجل ... حشا ... موب داخل مرور .... داخل البيت الابيض ... شيبان قطر ... وعجايزهم تارسين المكتب ....تقريبا 25 شخص اللي جاي من الشمال واللي من الرويس واللي من جنوب قطر مثلي
وننتظر واقرا الرايه الاقتصاديه من الملل ..... حتى البلاك بيري اللي يوطوط 24 ساعه وقف هذيك اللحظات وكنه يدري بي ويبي يقهرني
المهم
الساعه 8 و25 دقيقه

جانا الفرج


شرطي مصري يطلع علينا


....صبحكم الله بالخير يا قماعه

عبدالله بن ناصر كان عندو اقتماع امبارح ومش حيقي اليوم ... السموحه يا قماعه معلش ...

انفعالات بمختلف الفئات .... اللي مطنقرواللي ماله حول ولا قوة ....


اللي يشوفه يقول اهل قطر فاضين
ما درا بعضهم مخلي دوامه وجا
وبعضهم عنده موعد بالمستشفى
بعضهم عنده سكر
بعضهم خامس مره يجي وما توفق
وبعضهم مثلي انقرف

وكثير منهم
من الياس
بس
يبي يشوف وش شكل هذولا الناس اللي بيديهم حل هالامور المستعصيه .... والبعض الاخر يحط في خياله هالات ملائكيه لهولاء الناس



ختاما ....


السيد " سعد الخرجي مدير المرور المحترم
السيد " عبدالله بن ناصر ال ثاني نائب المدير

ليش ما تلغون مخالفاتي دام معاها تقرير من مستشفى السد ان الحاله كانت طارئه؟؟؟؟؟؟

سعادة النائب العام



اذا تقرير من مستشفى السد بان معي حاله عاجله ما يكفي لازالة المخالفه فما الذي يزيلها؟؟؟




.... حكمة قالها لي .... واحد من الربع يوم درا بموضوعي


قال لي بالحرف الواحد : ذل جيبك ولا تذل نفسك


........................................زززززززززز زززززز

..........................خخخخ

...........................ررررررررررررررررررررررر ر

ناسف

جزء من المخ مفقود



محدثكم يمر بحالة زهايمر

وهلوسة

زنقه زنقه

دار دار

رادار رادار

وينكم يا اهل القرار

[limited]

على فكره يا الربع



نسيت في خضم الهلوسه اقول لكم


الاستماره انتهت من كثر المراجعات

ما باقي الا استمارة مخي ....

[بوخالد911]

هلا

بما انت ساكن بالجنوب
فأقرب طواري لك هو بالمطار بمركز المطار الصحي
طواري 24س



وحاليا افتحوا بالوكرة



وسلامات
وهدي من سرررعتك


((((((((((((((( هين قرشك ولا تهيين نفسك ))))))))))))))))))))))))))

[البارح]

الله يعينك على عقولهم
هذول مثل كيوتل ادفع وانت ساكت

[مهل]

هذي المركزيه طال عمرك

ولا تذل جيبك ولاشي .. الوضع الي كنت فيه مستغرب ان النيابه ما خذو بعذرك
ادخل على الي تقدر تدخل عليه و الله يعينك بس ابد لاتدفع المخالفات
و تستاهل سلامه بنتك هذا اهم مافي الموضوع

[R 7 A L]

هلا

بما انت ساكن بالجنوب
فأقرب طواري لك هو بالمطار بمركز المطار الصحي
طواري 24س



وحاليا افتحوا بالوكرة



وسلامات
وهدي من سرررعتك


((((((((((((((( هين قرشك ولا تهيين نفسك ))))))))))))))))))))))))))








الرجال مايقصد جنوب شرق

الرجال يقصد جنوب غرب


يعني في احدى القرى





اخوي صاحب الموضوع
والله ثم والله ثم والله لو انك اجنبي كان ماصار الى صار معك
ثلاث حالات اجنبية مرت على الى انت مريت علية

وانحلت مشكلتهم بدون مايصير فيهم مثل الى صار فيك


عليك بالصبر والابتسامة :)

[قطري وافتخر]

يابن الحلال وش تقول انا من شفتهم على الطريق الدولي الوحيد حاطين عشرين رادار .. وانا مقنع من خيرهم !!! لا وطول الطريق كله على بعضه مايجي 100 كيلو هذا لو كل جسر بدور فيه بعد ..... أنا أشوف على كثر هالرادارات أحسن للواحد يمشي ريوس ويريح عمره ويفتك !!!!! شحقه الخرجي والا عبد الله بن ناصر أصلا العذر موجود الرجال معاه تقرير . والا عشان المبلغ يستاهل مثلا ..!!!

[limited]

هلا

بما انت ساكن بالجنوب
فأقرب طواري لك هو بالمطار بمركز المطار الصحي
طواري 24س



وحاليا افتحوا بالوكرة



وسلامات
وهدي من سرررعتك


((((((((((((((( هين قرشك ولا تهيين نفسك ))))))))))))))))))))))))))




بوخالد فديتك


انا من الجنوب من صوب ابو سمره ... وين توديني المطار الله يهديك؟؟

[limited]

يابن الحلال وش تقول انا من شفتهم على الطريق الدولي الوحيد حاطين عشرين رادار .. وانا مقنع من خيرهم !!! لا وطول الطريق كله على بعضه مايجي 100 كيلو هذا لو كل جسر بدور فيه بعد ..... أنا أشوف على كثر هالرادارات أحسن للواحد يمشي ريوس ويريح عمره ويفتك !!!!! شحقه الخرجي والا عبد الله بن ناصر أصلا العذر موجود الرجال معاه تقرير . والا عشان المبلغ يستاهل مثلا ..!!!

والله ياخوك جيتهم راس راس في مرور خليفه وبديت باسفل الهرم ولكن ما نفعني تقريري .... شكله لازم تكون عيوني زرق وشعري كستنائي علشان يخلص موضوعي

[limited]

هذي المركزيه طال عمرك

ولا تذل جيبك ولاشي .. الوضع الي كنت فيه مستغرب ان النيابه ما خذو بعذرك
ادخل على الي تقدر تدخل عليه و الله يعينك بس ابد لاتدفع المخالفات
و تستاهل سلامه بنتك هذا اهم مافي الموضوع




على يدك طال عمرك

[مهل]

على يدك طال عمرك

لو حولي شي ماذخرته و انا اخوك .. الوكاد اخوي طاحت عنه ٦ مخالفات رادار سرعتها فوق ٢٠٠ من عند الخرجي وهو مايعرف حد و كان السبب مقنع جدا و مثبت

[بوحارب]

الله يعينك اخوي والله من حقك تعصب وتقفل وتهلوس بسبب اجرائات المرور ومعاملتهم البايخه

ونفس ما قال رحال لو انت بوعيون زرق كان الموضوع سهالااااااااات


والله يشافي بنتك يارب ويبعد عنها كل سوء

[limited]

الله يعينك اخوي والله من حقك تعصب وتقفل وتهلوس بسبب اجرائات المرور ومعاملتهم البايخه

ونفس ما قال رحال لو انت بوعيون زرق كان الموضوع سهالااااااااات


والله يشافي بنتك يارب ويبعد عنها كل سوء


ابو حارب


تسلم

7

7


7


7



7



7




7




7

ولا يسلم ردي العزايم

[الـراسي]

ما تشوف شر البنت

والله كريم

اللي عنده ما يدفع واللي ما عنده يدفع

هذي الدنيا

[الزجاجي]

موضوعك ما ينفع فيه الا الخرجي !

[limited]

موضوعك ما ينفع فيه الا الخرجي !

متاكد؟؟؟

وينه الخرجي؟؟