حلبة قطر للاستعراض الحر وفضايحها

[واحد قطري]

السلام عليكم ورحمة الله وبركاته

اليوم بتكلم عن حلبة قطر للأستعراض الحر والاستهتار اللي صاير فيها من قبل بعض المنضمين

أولا أنفتحت الحلبه قبل فتره وجيزه بعد فوز الغرافه بالكأس

طبعا الشباب القطري مالهم الى هالمكان لتفريغ طاقاتهم المكبوته وهذا كان الهدف من بناء

الحلبه طبعا لاكن للأسف صار هناك بعض الأمور اللي أشتكى منها الكثير والكثر من الشباب

وبعدها لكم على شكل نقاط (الرجاء التركيز على النقطه رقم 3 )

1- الحلبه عشان تشارك فيها لازم تدفع رمز مادي وهو 200 ريال للمشاركين معنى الحلبات

ببعض الدول الخليجيه لين تفتح مايكون هناك أي مقابل للمشاركت الشباب وهو الفعل الامثل

لانه الهدف من هاذي الحلبات الحد من الاستعراض بالشوارع وياليتهم يفتحونها دايم لاكن

للاسف الحلبه تفتح ببعض المناسبات وليس هناك أي تنسيق أو اعلان بفتوحها كله بالخش

والسبب مجهول

2- زادوا سعر التذكره من 20 ريال الى 30 ريال من غير سبب والطامه الكبرى يوم الشباب

راحوا يشترون التذاكر التذكره مكتوب عليها 20 ريال ومشطوب عليها بالقلم ومغيرينها الى 30

3- الهدف من كتابة الموضوع وهو النقطه الرئيسيه اللي خلتني اشكي الحال بين أخواني

بمنتدى الأسهم القطرية حادثت الشاب القطري اللي صارت وهي أنه الشباب يوم راحوا يجلسون

على الكراسي المخصصه للجماهير كانت كراسي غير مستقره وغير ثابته وعلى كلام الكثير

من اللي راحوا الحلبه الكراسي كانت تهتز وتتحرك والوصول لها كان صعب جدا وغير انها

كانت ملحوووووووومه طبعا هالشي كان يسبب سقوط الكثير من مسافه عاليه جدا وتعرضهم

للأصابه نرجع لموضوع الشاب اللي تعور الرجال طاح من فوق بسبب عدم اتزان الكراسي

والمشكله الرجال أغمى عليه ناهيكم عن النزيف الكبير اللي تعرض له الرجال طبعا وصلت

الأسعاف وشلوا الرجال وجانا خبر انه الششاب جاله شلخ بالجمجمه .

4- سوء تعامل المنظمين من المنظمين مع الجمهور من خياس نفس وتعامل ردئ .

يجماعه بالعقل حلبه مبنيه بالمبلغ وقدره عيزانين يحطون كراسي نفس العالم على الاقل

تحافظ على سلامة الشباب بس لوكان مسؤال جاي حطوا له كراسي جلد وثاني شغله

سعر التذكره والتعامل التعبان مع الشباب ياخي ماطلبنا تعاملنا مثل الملوك لاكن عاملونا

كزباين بالحلبه دافعين فلوس ولازم ناخذ ثمن التذكره من خدمه راقيه وتعامل حسن

وأرد وقول مانتوا عجزانين عن سعر كراسي تحافظ على الأقل على سلامة الشباب

وهذا جانب من انتقادات الشباب بقطر سبيد

http://www.qatarspeed.com/forum/t141167.html

بالنهايه أسف على الاطاله بس والله حرقت قلب يجماعة الخير

ياريت المسؤللين يجوفون لنا حل بالقريب العاجل

[ظبيــღــه]

اح :(

الله يشفيه ويعاافيه ..مايسوى عليه مسكين :(

[meme~qatar]

نو كومنت

[qatari 111]

وانا انصح الشباب مرتادي سحات الاستعراض بأن الأدخنه المنبعثه من الاطارات هي مواد كيماويه سامه وعند اشتنشاق الدخان يدخل الرئه واضرارها هي :
عندما نحرق الإطارات* ‬،* ‬فالإطار هو عبارة عن مركب معقد من المواد الكيميائية الخطرة والمركبات هذه عبارة عن مركبات هيدروكربونية ومركبات كبريتية ومركبات تحتوى على عنصر الكربون بكميات كبير وبالتالي* ‬هذه المواد والعناصر حين تحرق تنتج خليطاً* ‬من العناصر أو الانبعاثات السامة ‬يحتوي* ‬على مواد هيدروكربونية متطايرة وبالتالي* ‬تتشتت في* ‬الجو ومن ثم* ‬يستنشقها الإنسان فتسبب له أمراض الصدر سواء كان التحسس أو الالتهابات وأمراض الصدر المختلفة وأول المتأثرين بهذا الانبعاث أو السموم هم الأطفال*.‬

[واحد قطري]

اح :(

الله يشفيه ويعاافيه ..مايسوى عليه مسكين :(

مشكوره اختي على المرور


نو كومنت

من حق والله نو كومنت :)



وانا انصح الشباب مرتادي سحات الاستعراض بأن الأدخنه المنبعثه من الاطارات هي مواد كيماويه سامه وعند اشتنشاق الدخان يدخل الرئه واضرارها هي :
عندما نحرق الإطارات* ‬،* ‬فالإطار هو عبارة عن مركب معقد من المواد الكيميائية الخطرة والمركبات هذه عبارة عن مركبات هيدروكربونية ومركبات كبريتية ومركبات تحتوى على عنصر الكربون بكميات كبير وبالتالي* ‬هذه المواد والعناصر حين تحرق تنتج خليطاً* ‬من العناصر أو الانبعاثات السامة ‬يحتوي* ‬على مواد هيدروكربونية متطايرة وبالتالي* ‬تتشتت في* ‬الجو ومن ثم* ‬يستنشقها الإنسان فتسبب له أمراض الصدر سواء كان التحسس أو الالتهابات وأمراض الصدر المختلفة وأول المتأثرين بهذا الانبعاث أو السموم هم الأطفال*.‬

مشكور أخوي على الأفاده بس مادري شعلاقتها بموضوعنا ويمكن انت ماقريته عدل !!

[R 7 A L]

ان شاء الله يطلع المسئولين على هذه الملاحظات
ويعدلون السلبيات

[Doha Sun]

في واحد اشتكى في برنامج وطني الحبيب ونشر غسيلهم ..
بس حزنت على الرجال اللي طاح ..

[boamir]

الصراحه انا ماحظرت بس شفت الشباب يتكلمون وكانوا عايشين رعب في المدرجات خصوصا بعد ماطاح واحد الله يشفيه إن شاء الله
كل واحدخايف على نفسه ولا على غيره يطيح والمكان وااايد مرتفع

الله يعيينهم والله

[سويسرا]

آيه عليه اللي طاح..

كسر خاطري
مايشوف شر حرااام...

شدعوه اخوانا عيزانين يحطون كراسي عدله ولا حق ناس وناس!

[بوسحيم]

عندهم تخبط عجيب غريب كل واحد فالحلبة يخيط ويبيط حتى لو كان ناطور والناس كلها مب راضية عليها بس مجرد مضيعة وقت وتجنب التحريات والشرطة ف الشوارع

[بوخالد911]

الله يهديهم

[chillis]

لا تعليق

[بوحارب]

الطمع شيييييييييين يامنسقين الحلبة

سوو شي محترم للشباب تراهم يستاهلون :)

[R.S.C]

نص اللي يشاركون في الحلبة عن طريق الواسطة والمعارف ويدخلونهم بسرعه غير ان اللي يبي يقعد في المنصه لازم يعرف حد في الاتحاد عشان يقعد ابلاش واذا مايعرف حد بيدفع مبلغ

[bu 3li]

وهذا احنا .. حتى في ابسط المجالات تدخل ( الواسطه ) ويصير فيه تلاعب وبوق !!!!
سبحان الله اللي يسمع عن الامور اللي حاصله فـ البلاد مايحس انه في قانون يحكمها

الشكوى لله بس .. مادري وين المسؤولين عن هـ السوالف يعني معقوله بلاد مافيها حد مسؤول
كل القطاعات والمجالات سواء تعليميه رياضيه طبيه وغيره وغيره ... شكاوي على شكاوي
انزين مافي مسؤول يحاول يشوف بنفسه اللي صاير ؟؟ حتى لو سمع من بلاك بيري ولا اشاعات

الله يعين اللي طاح ويشفيه .. والله يستر من اللي جاي دام الحال وصل لـ هـ المرحله

[سعادة الوزير]

سبحان الله في امرهم!! ... الحين هم يشكون من الشباب ومن استهتار الشباب ومن ازعاج الشباب ، ومب قادرين يوفرون بيئة آمنه لتفريغ هالطاقات الي عندهم؟ .. والمصيبه ان هالحلبه الي ماتفتح الا في السنة حسنة ماكلة ملايين من خزينة الدوله!!

[bohilal191]

الحمدلله ولا عمري رحت هالحلبة والله يحفظ الشباب

[مهل]

لو الميزانيات المرصوده تكون علنيه كان محد شاف مثل هذي الامور

راح الكل يعرف كم رصد لهذه المنشأه و كم كانت التكلفه

[واحد قطري]

مشكورين جميعا على المشاركه وبنتظار اراء البقيه

[ALKASER]

الي طاح المفروض يشتكس على مسؤولين الحلبة عشان يتأدبون ويشوفون شغلهم عدل

لا حول ولا قوة الا بالله

[واحد قطري]

الي طاح المفروض يشتكس على مسؤولين الحلبة عشان يتأدبون ويشوفون شغلهم عدل

لا حول ولا قوة الا بالله

صدقني ياخوي لوهالشي كان بدولة اوروبية أو امريكا حتى كان دفعهم ملايين بسبت طيحته

[بوسلمان 2010]

الله المستعان والله يحفظ الشباب من الاستعراضات والحوادث الي راحو ضحيتها شباب في عمر الزهور


اتمنى من الشباب تقضيت وقتهم في الاعمال التطوعيه ولا البحر طراد وقط اشروخ وحداق القعده في المجالس


والله انها وناسه والله يهديهم ويصلحهم