شاعر اللحظات
02-05-2011, 10:33 AM
اذا انفلت زمام القلم .. تضيق في عيني مساحاتي البيضاء...حتى ابدء في استدراك القصصات.. لأعاده تكريرها لتصبح برشامه صغيرة تساندي على الخوض في امتحان الحياة ....
ادري ادري بتقولون بلاش فلسفة وهاااات من الاخر !!!
انشالله تأمرون امر ... بصراحه انا ماعرف شلون ابدء في موضوع معين .. اجي من قصاااااي وفي الاخير يطلع كذا .. موضوع فلسفي قابل للانفجار ... او الانتحار ..
يقول شكسبير :- غرور واشباع حاجات المرأة كوب بغير قاع لا يمتلئ....
وانا بكل ماأوتيت من قوه اقول .. خشمك ياشسكبير ... اشهد انك جبتها صح ...
تعال .. تعال .. اخذ لفه نص دائرية من وراء الكرسي واجلس ..ودي اسولف معك شوي ..
مدام الموضوع عن المرأة ...ماهوب انت اللي تقوووول : في الحب تخلص المرأة لعجزها عن الخيانة أما الرجل فيخلص لأنة تعب من الخيانةابتسم شكسبير وحواجبه نازله على عيونه وقال : نعم وهو يهز راأسه بكل بطء ..
قلت له لافض فووووك ... ياشكسبير ....
هو صحيح .. ان المرأة غاسله شراع الرجل ... من حيث المصاريف وكثره الطلبات ... ولو عطيتها ضعف راتبك مصروف ودلعتها .. وسفرتها ... وصرت في عيون غيرها الزوج المثالي ... اللي تتمناها كل بنت مكبوته سواء متوهقه قصدي متزوجه ... او غير متزوجه ...في الاخير وبعد هالمحاولات اليائسة لارضاء الزوجة الاسفنجة .. تكون في عينها مقصر ... وتسوي لنفسك اعادة تأهيل وتبرمج نفسك على مزاجها ... وتطلع مقصر .... وتقصر على روحك وعلى نفسك وتكون هي في المقام الاول من حيث الاهتمام .. وتطلع مقصر ....وتشيلها على كفوف الراحه ... ويااااادهينه لاتنكتين ....وتطلع مقصر ..
لذالك نصيحه للزوج اللي متعب نفسه ومسوي فيها مثالي ( قصر من البدايه وفك روحك مدام السالفه كذا ) اما اذا كانت بنت ناس ويثمر في عينها العطا ... لاولله ياخووي الا خلها على كفوف الراحه تراها مثل جنيه الذهب عملة نادرة وماهي مثل نص ريال النسخه المطورة ( علوك ابو سهم )
وسكت شكسبير قليلا ... واردف ...(( حلوووه اردف جايكم جايكم لاتستعجلون )) وقال :
في حياة المرأة ثلاث رجال : الأب وهو الرجل الذي تحترمه ، والأخ وهو الرجل الذي تخافه ، والزوج وهو الرجل الذي يحبها وتحبه ..
وبعد ماخلص كلامه ... قمت اطالعه من فوق لتحت ... وانا اهز راسي ..وحطيت رؤؤس اصابعي على اطراف شنبي وانا امسح عليها بكل حنيه وكنت ناوي اسوي مناجاه مع نفسي ...
ولكن ويش الفايدة ماراح تعرفون ويش باقول .. لذالك ابتسمت ابتسامه فيها قليل من الاننحاء وباين عليها انها ابتسامه مبتذله وقلت :-
ياشكسبير .. انت صحيح فيلسوف وكاتب .. ولكن احس تنقصك بعض الخبرة ...احنا في المجتمع الخليجي المحافظ قديما ... نبحث عن المرأة التي تحترم وتخاف وتحب زوجها ... وبالمقابل يكون هو الاب والاخ والزوج ...وكانت الحياه زي العسل وماشيه عال العال ... وتصدق ياشكسبير ماكان فيه مركز استشارات عائلية ... ولا حقوق المرأة والطفل .... ولا الخدمه الاجتماعيه ...تدري ليش ... لان الزوج والزوجه قديما ايام اول اول ... ايام العادات والتقاليد .. كانوا يكملون بعضهم البعض ويحتاجون للاخر.. وازيدك من الشعر بيت ياشكسبير ... العيال يتربون احلى تربيه ... اول مايصير ابو 10 سنوات تشوف ملامح الرجوله فيه ويعرف الصح والغلط .. تدري ليش ... لان الولد ماتربيه خدامه ... يكون خاضع لتربيه الاب والام ... والخال والعم .... يوم كنا صغار العم يربي والخال يربي .... يعني يجيك وا حد منهم يصرقع لك وانت ماشي علشان يعلمك شغله معينه مب مثل الحين ... اذا قلت حق ولد اخوك نصيحه ....ولا هاوشته علشان مصلحته ... نقز لك اخوووك وزعل عليك شهر ... بحجه ليش تهاوش ولدي ...
اسمحوا لنا ياربع طلعنا من الموضوع الاساسي اللي هو موضوع المرأة ... نرجع له مره ثانيه ...
شكسبير .. ماهوب انت اللي تقول : أغبى امرأة تستطيع أن تخدع أذكى رجلوأذكى امرأة تنخدع بسهولة من أهبل رجل !!ابتسم مره ثانيه وهز راسه وقال : نعم .. نعم
سكت شوي وانا العب في مسباحي ... وقلت : خلووووووها
الــرجل في هالمجتمع فكرته غير
يحتاج له زوجه ولكن غبيــــــــــه
عشان ماتلغي عـــــليه المشاوير
يــــــقضي حياته بين روحه وجيه
عندها ضحك شكسبير حتى تحولت ضحكته الي قهقه واضحه ورجع بالكرسي الا الوراء وهو يضحك وسقط على ظهرة ... ونهض وهو يمسح معطفة من الغبار وقال ...
اسمع ايها القطري ... لقد اشغلتني .. وعبثت في مجرى افكاري واقوالي ... ولن استطيع بعد هذه المسيرة الحافلة بالاحداث والحكم والمواعظ ان اغير في صفيحة تجربتي لمواكبه تذبذب مؤشر عادتكم وتقاليدكم ..
ولكن خذها مني سوف اقول لك حكمه لايغيرها الزمان ولا المكان ... ولا المجتع ولا الحكومه ..
لا تطلب الفتاة من الدنيا إلا زوجاً.. فإذا جاء طلبت منهُ كل شيء..
وسكت .. وعندها اغرقت عيناه بالدموع ...وارخى راسة واطبق جفنية ...فقمت من مكاني متاثرا بالموقف والدمعه حايره في عيني ... فضممته بكل قوه وهو يجهش بالبكاء ... وانا اخفف عليه واقول : ياشكسبير خلك كبير .....
وسكت قليلا وهو مازال يتعبر ... وتنهد وقال : انتوا يالقطريين ... حريمكم غير .. يبي لهم شكسبير خاص فيهم ..
مع تحيات اخوكم شاعر اللحظات
ادري ادري بتقولون بلاش فلسفة وهاااات من الاخر !!!
انشالله تأمرون امر ... بصراحه انا ماعرف شلون ابدء في موضوع معين .. اجي من قصاااااي وفي الاخير يطلع كذا .. موضوع فلسفي قابل للانفجار ... او الانتحار ..
يقول شكسبير :- غرور واشباع حاجات المرأة كوب بغير قاع لا يمتلئ....
وانا بكل ماأوتيت من قوه اقول .. خشمك ياشسكبير ... اشهد انك جبتها صح ...
تعال .. تعال .. اخذ لفه نص دائرية من وراء الكرسي واجلس ..ودي اسولف معك شوي ..
مدام الموضوع عن المرأة ...ماهوب انت اللي تقوووول : في الحب تخلص المرأة لعجزها عن الخيانة أما الرجل فيخلص لأنة تعب من الخيانةابتسم شكسبير وحواجبه نازله على عيونه وقال : نعم وهو يهز راأسه بكل بطء ..
قلت له لافض فووووك ... ياشكسبير ....
هو صحيح .. ان المرأة غاسله شراع الرجل ... من حيث المصاريف وكثره الطلبات ... ولو عطيتها ضعف راتبك مصروف ودلعتها .. وسفرتها ... وصرت في عيون غيرها الزوج المثالي ... اللي تتمناها كل بنت مكبوته سواء متوهقه قصدي متزوجه ... او غير متزوجه ...في الاخير وبعد هالمحاولات اليائسة لارضاء الزوجة الاسفنجة .. تكون في عينها مقصر ... وتسوي لنفسك اعادة تأهيل وتبرمج نفسك على مزاجها ... وتطلع مقصر .... وتقصر على روحك وعلى نفسك وتكون هي في المقام الاول من حيث الاهتمام .. وتطلع مقصر ....وتشيلها على كفوف الراحه ... ويااااادهينه لاتنكتين ....وتطلع مقصر ..
لذالك نصيحه للزوج اللي متعب نفسه ومسوي فيها مثالي ( قصر من البدايه وفك روحك مدام السالفه كذا ) اما اذا كانت بنت ناس ويثمر في عينها العطا ... لاولله ياخووي الا خلها على كفوف الراحه تراها مثل جنيه الذهب عملة نادرة وماهي مثل نص ريال النسخه المطورة ( علوك ابو سهم )
وسكت شكسبير قليلا ... واردف ...(( حلوووه اردف جايكم جايكم لاتستعجلون )) وقال :
في حياة المرأة ثلاث رجال : الأب وهو الرجل الذي تحترمه ، والأخ وهو الرجل الذي تخافه ، والزوج وهو الرجل الذي يحبها وتحبه ..
وبعد ماخلص كلامه ... قمت اطالعه من فوق لتحت ... وانا اهز راسي ..وحطيت رؤؤس اصابعي على اطراف شنبي وانا امسح عليها بكل حنيه وكنت ناوي اسوي مناجاه مع نفسي ...
ولكن ويش الفايدة ماراح تعرفون ويش باقول .. لذالك ابتسمت ابتسامه فيها قليل من الاننحاء وباين عليها انها ابتسامه مبتذله وقلت :-
ياشكسبير .. انت صحيح فيلسوف وكاتب .. ولكن احس تنقصك بعض الخبرة ...احنا في المجتمع الخليجي المحافظ قديما ... نبحث عن المرأة التي تحترم وتخاف وتحب زوجها ... وبالمقابل يكون هو الاب والاخ والزوج ...وكانت الحياه زي العسل وماشيه عال العال ... وتصدق ياشكسبير ماكان فيه مركز استشارات عائلية ... ولا حقوق المرأة والطفل .... ولا الخدمه الاجتماعيه ...تدري ليش ... لان الزوج والزوجه قديما ايام اول اول ... ايام العادات والتقاليد .. كانوا يكملون بعضهم البعض ويحتاجون للاخر.. وازيدك من الشعر بيت ياشكسبير ... العيال يتربون احلى تربيه ... اول مايصير ابو 10 سنوات تشوف ملامح الرجوله فيه ويعرف الصح والغلط .. تدري ليش ... لان الولد ماتربيه خدامه ... يكون خاضع لتربيه الاب والام ... والخال والعم .... يوم كنا صغار العم يربي والخال يربي .... يعني يجيك وا حد منهم يصرقع لك وانت ماشي علشان يعلمك شغله معينه مب مثل الحين ... اذا قلت حق ولد اخوك نصيحه ....ولا هاوشته علشان مصلحته ... نقز لك اخوووك وزعل عليك شهر ... بحجه ليش تهاوش ولدي ...
اسمحوا لنا ياربع طلعنا من الموضوع الاساسي اللي هو موضوع المرأة ... نرجع له مره ثانيه ...
شكسبير .. ماهوب انت اللي تقول : أغبى امرأة تستطيع أن تخدع أذكى رجلوأذكى امرأة تنخدع بسهولة من أهبل رجل !!ابتسم مره ثانيه وهز راسه وقال : نعم .. نعم
سكت شوي وانا العب في مسباحي ... وقلت : خلووووووها
الــرجل في هالمجتمع فكرته غير
يحتاج له زوجه ولكن غبيــــــــــه
عشان ماتلغي عـــــليه المشاوير
يــــــقضي حياته بين روحه وجيه
عندها ضحك شكسبير حتى تحولت ضحكته الي قهقه واضحه ورجع بالكرسي الا الوراء وهو يضحك وسقط على ظهرة ... ونهض وهو يمسح معطفة من الغبار وقال ...
اسمع ايها القطري ... لقد اشغلتني .. وعبثت في مجرى افكاري واقوالي ... ولن استطيع بعد هذه المسيرة الحافلة بالاحداث والحكم والمواعظ ان اغير في صفيحة تجربتي لمواكبه تذبذب مؤشر عادتكم وتقاليدكم ..
ولكن خذها مني سوف اقول لك حكمه لايغيرها الزمان ولا المكان ... ولا المجتع ولا الحكومه ..
لا تطلب الفتاة من الدنيا إلا زوجاً.. فإذا جاء طلبت منهُ كل شيء..
وسكت .. وعندها اغرقت عيناه بالدموع ...وارخى راسة واطبق جفنية ...فقمت من مكاني متاثرا بالموقف والدمعه حايره في عيني ... فضممته بكل قوه وهو يجهش بالبكاء ... وانا اخفف عليه واقول : ياشكسبير خلك كبير .....
وسكت قليلا وهو مازال يتعبر ... وتنهد وقال : انتوا يالقطريين ... حريمكم غير .. يبي لهم شكسبير خاص فيهم ..
مع تحيات اخوكم شاعر اللحظات