هل يجوز في قانون الوزارات الحكومية ان يشتكي الموظف على مديرة المباشر ؟؟

[برق لمع]

اولا السلام عليكم ورحمة الله وبركاته
اتوجه بسؤالي هذا الى اصحاب الخبرة في التعامل مع مدراء الادارات في الوزارات الحكومية واتمنى القى جواب شافي
انا موظف حكومي خريج جامعة قطر ،، بعد تطبيق قانون المنحنى والذي انظلم فيه ناس وايد خاطبت مديري المباشر باعتباره اخي الكبير نتيجه لشعوري بالظلم من تقييمه خاصة وانه قيم موظف معي بنفس المكتب بامتياز رغم ان هذا الموظف لديه بعض التجاوزات التي لا يعاتبه فيها المدير ابدا كغيابه المتكرر من غير اي عذر طبي او من الاجازة السنوية لدرجة ان هذا الموظف لا يكاد يداوم اسبوع كامل دون ان يغيب وايضا يحضر كل يوم المكتب بعد الساعة الثامنة صباحا كل يوم .
وعندما ذكرت هذه الملاحظات على هذا الموظف ثار وغضب واتهمني باني تعديت الادب في حواري ،،وقال هل تقصد باني احابي هذا الشخص؟؟( بالنسبة لي نعم ويشهد الله انه يحابي هذا الشخص لانه يعرف ابوه واعمامه) لكني لم اتلفظ بهذه الكلمة وبدأ يصرخ ويزمجر ويجرح بالكلام !!!
ومن الامثلة على محاباته صادف في يوم من الايام اني غبت نتيجة لمرضي واحضرت معي الاجازة الطبية رفض توقيعها لانه صادف ان الموظف الاخر تغيب في نفس اليوم واليكم المفاجأة الكبرى ان هذا الشخص لم يقدم اي عذر طبي او اجازة عارضة او اي عذر اخر واكتفى بتأنيبي انا فقط ولم يتكلم مع هذا الشخص نهائياً ماذا اقول الا حسبي الله ونعم الوكيل !!
اريد منكم النصح يا اخوان واللي يفهمون اكثر مني .
كيف اتصرف مع هذا المدير وهل يحق لي برفع شكوى ضده؟؟
اريد حقي من هذا المدير ؟؟؟

[Rashid554]

اذا تبي النصيحه انطر التقيم القادم وشوف شيصير ..
لكن مو من اول تقيم بتقدم شكوى هو صح تقدر تقدم تظلم
لكن بتخلق لك عداوات فالافضل انك تنطر للتقيم القادم وتشوف شيصير وياك
اما اذا بتشوف كلام الاخوان الي بعدي كلهم بيقولون لك اشتكي عليه

والله يوفقك ان شاء الله ونشوفك مترقي السنه الجايه :)

[aljaber1]

اولا السلام عليكم ورحمة الله وبركاته
خاصة وانه قيم موظف معي بنفس المكتب بامتياز رغم ان هذا الموظف لديه بعض التجاوزات التي لا يعاتبه فيها المدير ابدا كغيابه المتكرر من غير اي عذر طبي او من الاجازة السنوية لدرجة ان هذا الموظف لا يكاد يداوم اسبوع كامل دون ان يغيب وايضا يحضر كل يوم المكتب بعد الساعة الثامنة صباحا كل يوم .


من وجهة نظري من المفترض ان تطالب بحقك بعيداً عن ذكر الاخرين
يعني لو هالموظف كان تقييمه مقبول وانت جيد هذا يرضيك
انت ترى انك ظلمت في التقييم السنوي ارفع تظلم للمؤسسة او الوزارة الي تعمل بها
واذا احسست بظلم فوكل امرك لله لانك لست من يقيم نفسه وكل مسؤل وضميره وذمته
وعسى الله يوفقك ويسعدك بابتسامة الرضى

مجرد وجهة نظر

[برق لمع]

من وجهة نظري من المفترض ان تطالب بحقك بعيداً عن ذكر الاخرين
يعني لو هالموظف كان تقييمه مقبول وانت جيد هذا يرضيك
انت ترى انك ظلمت في التقييم السنوي ارفع تظلم للمؤسسة او الوزارة الي تعمل بها
واذا احسست بظلم فوكل امرك لله لانك لست من يقيم نفسه وكل مسؤل وضميره وذمته
وعسى الله يوفقك ويسعدك بابتسامة الرضى

مجرد وجهة نظر

اخوي الجابر اشكرك على نصيحتك القيمة لكن انا اضطررت لذكر هذا الموظف كمثال للتسيب وهو مثال واضح للعيان ولكي اثبت للمدير انه اخطأ في تقييمه له لي كل الحق بما ان الامتياز لا يعطى الا لعدد معين في الوزارات الحكومية

[روح الاطلس]

من هذا الموقف اعتقد اتضحت لك بعض الامور

من الخطأ مقارنة الشخص بغيره امام مسؤله


نصيحة لا تشتكي لان الشكوى بتضرك انت وماراح يسوون له شي

دام ماعندك ظهر ولا واسطة وتوك جديد

خلك في السليم احسن

وحاول تنقل من اداراته الى ادارة ثانيه ان قدرت بس بسكات وبهدوء وبدون شوشره

لاتظن بشكواك احد بيوقف معك وان وقف معك تخيل موقفك مع مديرك المشتكي عليه شلون بتكون؟؟ بيزيد تعامله من سيء الى اسوأ
هل تتوقع بيبتسم لك ويعاملك بشكل جيد وانت مشتكي عليه!!

[ابوخالد السل]

الشكوى ضد المديريين من الكبائر. ولكن يمكنك ان تتظلم من التقييم وتطلب اعادة النظر وليس من المدير وان كانت هناك لجنة تظلم محايدة بتنصفك و أشجعك ما تسكت عن حقك ان كنت تعتقد انك صح ترى ان سكت مرة بتسكت مرات *

[الساهر 17]

من هذا الموقف اعتقد اتضحت لك بعض الامور

من الخطأ مقارنة الشخص بغيره امام مسؤله


نصيحة لا تشتكي لان الشكوى بتضرك انت وماراح يسوون له شي

دام ماعندك ظهر ولا واسطة وتوك جديد

خلك في السليم احسن

وحاول تنقل من اداراته الى ادارة ثانيه ان قدرت بس بسكات وبهدوء وبدون شوشره

لاتظن بشكواك احد بيوقف معك وان وقف معك تخيل موقفك مع مديرك المشتكي عليه شلون بتكون؟؟ بيزيد تعامله من سيء الى اسوأ
هل تتوقع بيبتسم لك ويعاملك بشكل جيد وانت مشتكي عليه!!


انا معاه في الرائ لاكن لابد ان تتقدم بتظلم وهذا من حقك وان لا تقارن نفسك مع اي موظف في القسم من خلال كتابك فقط اشعر مسئولك المباشر بانك مظلوم من تقيمه بكتاب رسمي وانتظر الرد خلال 15 يوم واذا لم يتم الرد اذهب الى الي بعد من الروساء حتى لايتم التعديه عليه قانونينا ولا تخاف من اي مدير مادام لك حق بتاخذه ودائما حط هذه الفكره براسك بان المديرين بشر مثلك او اقل منك كل يدافع عن كرسيه ... وخصوصا الذين يحابون ناس عن ناس والله يعينك

المفروض هناك في اي ادارة شوؤن قانونيه اذا قدرت تسئل احد عن الاجراات ( ولا تقولهم عنك انت قولهم اعرف واحد موضوعه كذا وكذا ) والله يوفقك :telephone:

[برق لمع]

تسلمون اخواني الله لا يهينكم ويجزاكم عني كل خير
انا خطاي اني قارنت نفسي بشخص ثاني لكن والله من القهر اللي اشوفه والتفرقة بالمعاملة عيني عينك
ما اقول الا الله لا يوفق اي مدير يحابي شخص على حساب شخص

[غير البشر]

الله يعينك اخوي
تعودنا على المدراء والمسئولين القطريين هذي سوالفهم
على العموم

اذا انت ناوي تشتكي على مديرك ومتهئ ان المدير ممكن يقعد لك قعده مستقبلا الخطوات :

1- ترفع كتاب للجنه التحقيق الخاصه بالوازاره او المؤسسه الي عندكم

اذا مانفع القرار وحسيت انه في ظلم لك

2- تتقدم للجنه التحقيق ( التأديب ) العامه
واعتقد في وزاره العمل

وفي الاخير ماعتقد تحصل شي يسرك
طبعا في كل الاحوال المدير معاه الحق :rolleyes2:

[Qa6ar]

ليش ماتثبت بالادله والبراهين انه محابي لشخص المعين

وتثبت بالطريقه الثانيه شهاده الشهود

ومايضيع حق وراه مطالب

ولايقطع الراس الا من ركبه

[قناص 787]

عندي لك حل ادبغه بسسس بطريقه دبلوماسيه :nice:

يعني من لديه حيله فل يحتال :anger1:

[برق لمع]

عندي لك حل ادبغه بسسس بطريقه دبلوماسيه :nice:

يعني من لديه حيله فل يحتال :anger1:
انزين ما يصير تدبغه انت بدالي ولك مني كيس كامل جبس عمان وقرشة فلفل:eek5:

[برق لمع]

ليش ماتثبت بالادله والبراهين انه محابي لشخص المعين

وتثبت بالطريقه الثانيه شهاده الشهود

ومايضيع حق وراه مطالب

ولايقطع الراس الا من ركبه

على قولة الاخوان وهم صاجين اللي ما عنده واسطه لا يغامر ويسوي له مشاكل
انا واسطتي رب العالمين اشوف فيه يوم انشالله

[الخاتم]

والله من تجربة تقدر لكن الافضل انك تستشير محامي حتى في الكتاب اللي ترفعه وتبتعد عن الاسلوب الهجومي حاول انك تذكر نقاط معينه دون تجريح لانه يمكن يطلع المدير ومدير الشؤون القانونية ربع ويصيرلك اللي صارلي اهم شي خلك حكيم وابتعد عن الاندفاعيه وتقدر توصل للي تبيه وتوكل على الله ولا تسكت على حقك لكن بالمنطق

[khaldoon]

اخوي لا ترفع كتاب ولا تسوي شي ...وكل امرك لله

اللي ماله حظ لا يتعب و لا يشقى و اقولك من الحين السنه الجايه بيكون تقييم الموظف احسن من تقييمك ...تعرف ليش ...لانك انت غير هذا الموظف و الموظف غير عنك...مستحيل تكونون مثل بعض في نظر المدير

لو رفعت كتاب و عرف هالشي راح يضرك ويفتري عليك و بعدين اللي راح ترفع لهم الكتاب تعتقد انهم بينصفونك والا بيشوفون مين الموظف الاهم لهم ...انت والا مديرك...اعتقد انهم راح يوقفون مع مديرك

خذها قاعده دائمة في حياتك...لو طلبت حقك بطريقة ليش غيري ياخذ و انا ما اخذ ما راح تحصل شي الا العناد و الرفض....للاسف المدراء بشكل عام يحبون انه الناس تطلب حقها بذل وخنوع و كأنه يعطيهم حقهم كهبة تمنح لهم و يتفضل عليهم و ليس حق يأخذونه بقوتهم و لسانهم

[ام عبدالعزيز]

فيه لجنة تظلمات اكتب كتابك وتظلم..

وفيه انك ترفع كتاب لسعادة وزيرك..

وفيه ترفع كتاب للامانه العامه..

وقبل كل شي((حسبي الله ونعم الوكيل على كل ظالم..))خصوصااً مدراء الادارات اللي ينافقون بالتقييم

[khalid969]

اولا السلام عليكم ورحمة الله وبركاته
اتوجه بسؤالي هذا الى اصحاب الخبرة في التعامل مع مدراء الادارات في الوزارات الحكومية واتمنى القى جواب شافي
انا موظف حكومي خريج جامعة قطر ،، بعد تطبيق قانون المنحنى والذي انظلم فيه ناس وايد خاطبت مديري المباشر باعتباره اخي الكبير نتيجه لشعوري بالظلم من تقييمه خاصة وانه قيم موظف معي بنفس المكتب بامتياز رغم ان هذا الموظف لديه بعض التجاوزات التي لا يعاتبه فيها المدير ابدا كغيابه المتكرر من غير اي عذر طبي او من الاجازة السنوية لدرجة ان هذا الموظف لا يكاد يداوم اسبوع كامل دون ان يغيب وايضا يحضر كل يوم المكتب بعد الساعة الثامنة صباحا كل يوم .
وعندما ذكرت هذه الملاحظات على هذا الموظف ثار وغضب واتهمني باني تعديت الادب في حواري ،،وقال هل تقصد باني احابي هذا الشخص؟؟( بالنسبة لي نعم ويشهد الله انه يحابي هذا الشخص لانه يعرف ابوه واعمامه) لكني لم اتلفظ بهذه الكلمة وبدأ يصرخ ويزمجر ويجرح بالكلام !!!ومن الامثلة على محاباته صادف في يوم من الايام اني غبت نتيجة لمرضي واحضرت معي الاجازة الطبية رفض توقيعها لانه صادف ان الموظف الاخر تغيب في نفس اليوم واليكم المفاجأة الكبرى ان هذا الشخص لم يقدم اي عذر طبي او اجازة عارضة او اي عذر اخر واكتفى بتأنيبي انا فقط ولم يتكلم مع هذا الشخص نهائياً ماذا اقول الا حسبي الله ونعم الوكيل !!
اريد منكم النصح يا اخوان واللي يفهمون اكثر مني .
كيف اتصرف مع هذا المدير وهل يحق لي برفع شكوى ضده؟؟
اريد حقي من هذا المدير ؟؟؟

وضح .......

[OREO]

انزين ما يصير تدبغه انت بدالي ولك مني كيس كامل جبس عمان وقرشة فلفل:eek5:

قاعد اقرى الردود بتمعن و مندمج حبتين مع الموضوع و يوم وصلت لردك هذا انفقعت من الضحك لدرجة ان المارد طلع من القمقم و قال ياخي قصر حسك و الا انا اللي بدبغك احين ههههههههههههههههههههههههههههههههههههه

اخوي عزيزي حبيبي ،،، انت غلطت غلطه كبيره يوم قارنت نفسك بغيرك ،، من المفروض تتكلم عن نفسك فقط و ما عليك من فلان و علان ،، لان المسؤول سم ضروسه اذا قلتله ليش فلان و ليش علان ،، بالنسبه له تعتبر اهانه و تقصير و تلاعب ،، فلذا نصيحتي انتقل من الاداره و لا تضيع مجهودك ع الفاضي ،، لان ما راح ينسالك الموقف هذا و بيضرك اكثر من ما ينفك في المستقبل ،،،

للاسف عندنا ناس اذا سلموهم وظايف عليا تعتبر بالنسبه لهم ملك الدنيا و ما حولها ،،،
ربي يوفقك اخوي و اطلب له الهدايه و انا اخوك ،،،

[حمد بن خالد]

إذا تبي تتظلم على التقييم روح الأمانة العامة لمجلس الوزراء

وإذا تبي حقك من مديرك من معاملته السيئة لك روح حق اللي فوقه

وموفق يارب

:)

[موضي قطر]

اخوي الشكوى لغير الله مذله والقانون واضح اذا تقييمك جيد جداً مالك حق الاعتراض واسألني انا لأنها صارت لي وحالياً انا اجازة بدون راتب تقدر تسميها احتجاج سلمي من مواطنة وموظفة قطرية

[بنت قطريه]

أخوي الله يعينك وللاسف اللي ماشي بالوزارة واي جهة حكومية الوااااااااااااااااااااااااااااااسطه بكل حرف فيها يطبقونها بس هالشي لصالحك ... انصحك ترجع حق قانون الموارد البشريه وشوف المواد الخاصه بالموضوع المذكور ... وانت الوحيد اللي تقدر تقرر اذا تقدر تصبر وبتشوف انك اذا سكت بيتغير مديرك فتحمل لين ماتلقى مكان ثاني ... أخوي انت توك في البدايه ربي يعينك وييسر امورك .... أما اذا شفت انك كل يوم تروح الشغل ويجيك ظلم وقهر وماتتحمل فبدء بالخطوات التظلم واذا رفضوه قدم شكوى واطلب تحقيق ويحق لكل موظف/موظفه بالوزارة تطلب تحقيق ويحققون معاك ومعاه وعقب يتخذون الاجراء اللازم .... والشيخ تميم ماقصر خصص مكتب للشكاوى على الوزارات والجهات الحكومية تقدر تروح تقدم شكوى وربي ينصر كل مظلوم

[bo_hamad]

والله للاسف الظلم في كل مكان حتى في المحاكم

الله المستعان

[eXpert*]

أنا أشوف بأن الدنيا دواره .

واللي ما يعجبنا الحين ،، لو إنحطينا في نفس منصب المدير مستقبلاً بنتعامل بنفس الطريقة نوعاً ما.

كان معانا موظف ضد الواسطات ويحاربها كثر ما يقدر وكل الامور كان يمشيها حسب االوائح والقوانين ،، لما ترقى وصار مدير ،، نسى أو تناسى بعض مبادئه !!! لما سألته شاللي حصل ؟؟ قال : لما يجيك طلب من الوزير الفلانيّ ولا من الشخصية الفلانية هل تقدر تقول لا !! ؟:)

مع العلم بإن الشخصية الفلانية في حال ما لبيت له الطلب ما راح يزعل ولا بيتصرف أي تصرف ضدك ..

ولكن من باب نفعنّي و أنفعك ،، إذا خدمته اليوم ، بكره أمورك كلها تمشي مثل ما يمشي الدم في الوريد :):)

[eXpert*]

اخوي لا ترفع كتاب ولا تسوي شي ...وكل امرك لله

اللي ماله حظ لا يتعب و لا يشقى و اقولك من الحين السنه الجايه بيكون تقييم الموظف احسن من تقييمك ...تعرف ليش ...لانك انت غير هذا الموظف و الموظف غير عنك...مستحيل تكونون مثل بعض في نظر المدير

لو رفعت كتاب و عرف هالشي راح يضرك ويفتري عليك و بعدين اللي راح ترفع لهم الكتاب تعتقد انهم بينصفونك والا بيشوفون مين الموظف الاهم لهم ...انت والا مديرك...اعتقد انهم راح يوقفون مع مديرك

خذها قاعده دائمة في حياتك...لو طلبت حقك بطريقة ليش غيري ياخذ و انا ما اخذ ما راح تحصل شي الا العناد و الرفض....للاسف المدراء بشكل عام يحبون انه الناس تطلب حقها بذل وخنوع و كأنه يعطيهم حقهم كهبة تمنح لهم و يتفضل عليهم و ليس حق يأخذونه بقوتهم و لسانهم

توني أشوف ردك ،، كلامك سليم :)

[Doha Sun]

الله يكون في عونك والله على الظالم !!

[برق لمع]

الحمدالله على كل حال وكفى به حسيباًً

[الرادار]

السلام عليكم
كلم مديرك مره ثانيه وعلى انفراد , واسأله اذا في خاطره شي من المقابله الأخيره ؟ اذا قالك لأ , سامحه ولا تكتب فيه شكوى ( تكون خذت احتياطك من شيئين 1- ان ما ياخذ موقف عدائي منك في المستقبل 2- ان ما يظلمك في التقرير القادم).
اما اذا قالك نعم وشفته ما تخلى عن موقفه السابق
اكتب تظلم بخصوص تقييمك ( اثبات موقف ) عشان اتجنب ان يظلمك في التقييم القادم وتختصر الوقت , يعني يجيك التقييم القادم ويعطيك جيد وتندم انك سكت عنه لمدة سنه كامله .

[برق لمع]

السلام عليكم
كلم مديرك مره ثانيه وعلى انفراد , واسأله اذا في خاطره شي من المقابله الأخيره ؟ اذا قالك لأ , سامحه ولا تكتب فيه شكوى ( تكون خذت احتياطك من شيئين 1- ان ما ياخذ موقف عدائي منك في المستقبل 2- ان ما يظلمك في التقرير القادم).
اما اذا قالك نعم وشفته ما تخلى عن موقفه السابق
اكتب تظلم بخصوص تقييمك ( اثبات موقف ) عشان اتجنب ان يظلمك في التقييم القادم وتختصر الوقت , يعني يجيك التقييم القادم ويعطيك جيد وتندم انك سكت عنه لمدة سنه كامله .
مشكور اخوي الرادار على الكلام الطيب انا على طول رفعت تظلم بنفس الوقت لان من حقي التظلم
وتبي الصج والله ماعاد تفرق معاي رضى ولا مارضى بالطقاق يطقه دامني ماشي سيدة ماله اي شي عندي
وانا يوم تكلمت كان بس خاطري ابين له هو شخصياً اني متابع حركاته والمحاباة واضحة وخل ينتبه المرة الجاية ويحسب لي الف حساب