القهوة الخربوطية .. على الخطوط القطرية ..!!!

[المُلهم]

السلام عليكم ورحمة الله وبركاته ..!

دفعت الدولة مئات الملايين من الدولارات .. لجعل التراث القطري .. سفيرنا في جميع المحافل ..!!
فهاهي الفرق الشعبية تسابق الريح .. في اصقاع الارض .. جهد بدني وعقلي .. لإسعاد الكثير من متذوقي تراثنا الجميل ..!!
وهاهن اخواتنا وامهاتنا .. يفارقن أولادهن وأحبابهن .. في سبيل توصيل فن الطبخ الشعبي ..!
وفي سبيل رفعت إسم هذا البلد ..!!
يسافر الكثير .. لنشر تاريخنا وثقافاتنا .. المتعددة ... بدو .. حضر .. شرقي .. غربي .. جنوبي .. شمالي ..!!
بلد متعددة .. الاصول .. والاعراق ..!!
مختلفة .. العادات .. والاذواق .. على نطاق الإسر الضيق ..!!
ولكنها .. تتفق .. على .طريقة القهوة .. العربية الأصيلة ... ذات (المسمار) او القرنفل .. والزعفران .. والهيل .. أو أي طريقة تخرج طبخ القهوة .. شقراء اللون غمق اللون ام خف .. والتمر .. الحساوي أو القصيمي.. او التمور بانواعها اللتي لا تعد ولا تحصى ..!!


قهوة القطرية .. الفشيلة ..!!

قهوة امريكية .. مخلوطة .. بحبتين هيل .. !!

وبكل بجاحة ... Do you want Arabic Coffee
لا .. والتمر ..!!
تمر .. يسمونة اهل التمر ومتذوقيه .. ( حولي) .. اي من دوران الحول عليه ..!!

تمر القطرية .. مهو .. حولي ... هذا .. مشمّس ..!!


ياقطرية ..!!!
الدولة .. ترسل مسافرين .. في كل مكان .. لنشر عبق تاريخنا .. وطعم قهوتنا الاصيلة ..!!

وانتم تحملون .. ملايين المسافرين ولا .. تبذلون قليل الجهد .. لنشر قهوتنا . واللتي هي جزء بسيط .. من تاريخنا ..!!

المعادلة .. سهلة .. جداً ..!!!


المُلهم ..!

[روح الاطلس]

احلا شي قهوة الخطوط السعودية

وكبستهم ريحتها تعبي الطيارة تقول داخل مطعم بخاري:nice:

[العقل الحر]

القطرية القلم مرفوع عنها

عجزنا وحنا صارخ ... لين راحت اصواتنا مهب الريح

[$بنت شيوخ$]

حتى الاكل لوعه ذاك اليوم كاتبين كاري وعاد انا احب عيش وصالونه قطريه لنخاع قسم بالله كنه زوااااااع

[fhd4]

والأجانب وشدراهم ان هذي قهوة مب قطرية ... بيصدقون .... وبعدين من القطري اللي في القطرية عشان يعلمهم القهوة السنعة ...

[المُلهم]

والأجانب وشدراهم ان هذي قهوة مب قطرية ... بيصدقون .... وبعدين من القطري اللي في القطرية عشان يعلمهم القهوة السنعة ...




أستوقفني ردك بصراحة ..!!


وشدراهم ..!!

المفروض .. ماننتظر رأيهم ..!!

العمل يحتاج .. إخلاص .. إخلاص .. إخلاص ..!!

ولا عذر بعد .. إجتهاد ..!!


المُلهم

[مزعله النساء]

السلام عليكم ورحمه الله وبركاته

والله انت صاج اخوي الملهم قهوه ماتنشرب ولا تمت بصله لقهوتنا القطريه بس حد بيلتفت ولا بيسمع ولا التمر لاطعم ولا شكل

[عيون الدوحة]

هاهاي ولا السندويشات الي يقدمونها
سندويش بزارررر

[الأصيلة]

لـ حد الان لم أذق قهوة عربية أصيلة
ولا على أي طيران ماعدا الإماراتية لم أركبها حتى الآن فلم أذق قهوتها...

من كم سنة كنا مسافرين على السعودية والوالدة الله يحفظها مسوية قهوة وحاطتها في شنطة وخلت الخدامة تشيلها
فلما جاتنا المضيفة تصب القهوة..قالت لها الوالدة وهذي تسمينها قهوة
ونادت الخدامة قالت لها جيبي لنا من قهوتنا ...

[قطرية وافتخر]

لـ حد الان لم أذق قهوة عربية أصيلة
ولا على أي طيران ماعدا الإماراتية لم أركبها حتى الآن فلم أذق قهوتها...

من كم سنة كنا مسافرين على السعودية والوالدة الله يحفظها مسوية قهوة وحاطتها في شنطة وخلت الخدامة تشيلها
فلما جاتنا المضيفة تصب القهوة..قالت لها الوالدة وهذي تسمينها قهوة
ونادت الخدامة قالت لها جيبي لنا من قهوتنا ...

ههههههه عجيبه الوالدة عدل شغلها

[بوحارب]

الوجبات على الخطوط القطرية تسسسسسسسسسسسسسسسد النفس استغفرالله :(

[ألعب بعيد]

اقول

يمدحون تخليص الدلة قبل لاتركب الطيارة

ويبغيلك مندي قبل تركب هع

[fhd4]

أستوقفني ردك بصراحة ..!!


وشدراهم ..!!

المفروض .. ماننتظر رأيهم ..!!

العمل يحتاج .. إخلاص .. إخلاص .. إخلاص ..!!

ولا عذر بعد .. إجتهاد ..!!


المُلهم

يالغالي الظاهر ما فهمت ردي …

اللي قصدته ان القطرية ما تهتم الا بالاجانب … والاجانب ما يدرون عن عاداتنا…
والقطرية توصلهم الشكل بس بدون المضمون … يعني ما تهمهم القهوة اذا صج قطرية … اهم شي الشكل وبس …

شوف الافلام الامريكية اذا جابوا لك خليجي لبسوه فوطة وسير كتب على راسه عاد انه غترة وعقال … وما يهتمون بالتفاصيل … اللي يهمهم انه خليجي وبس …

والقطرية نفس الشي … يهمهم الشكل وبس واللي يعجب الاجانب … اسمها بس قطرية …

لو فيها قطريين لهم تأثير في الشركة … كان اهتموا بالتفاصيل مثل القهوة …

[مساهم فنان]

احلا شي قهوة الخطوط السعودية

وكبستهم ريحتها تعبي الطيارة تقول داخل مطعم بخاري:nice:
فعلاً أحلى قهوة هي قهوة الخطوط السعودية .... أما القطرية فقهوتهم باردة وموب قهوة قطرية (كأنها قهوة أهل الإمارات وعمان ).
أما الأكل على الدرجة الأولى فهو يمكن ع المستوى العالمي زين ، أما المستوى الخليجي فـ لا، العيش معصود واللحم أو الدجاج يابس موب حلو ...(ع الأقل يحطون صحن خليجي ، موب عيش بالزعفران معصود جنه ...إزو... ).

[مشتاقة لقطر]

اكلهم وقهوتهم .. شغلة مشي حالك

[بوخالد911]

شي يفشل

والله يعيينا

[الفرحه]

اي والله شغل عدل ياليت كنت معاكم

[bohilal191]

شغل سريعا جلدي بابا،،،هذا مافي جين

[Doha Sun]

في خاطري احد يرد علينا من القطرية ..
واقترح يمسك الضيافة على الطيارة ولد البلد علشان يعلمهم سلوم العرب والسنع !!
واما القهوة على السعودية مالها حل مزاااااااااااااااااااااااااااااااااااااااج

[الجغميني]

في خاطري احد يرد علينا من القطرية ..
واقترح يمسك الضيافة على الطيارة ولد البلد علشان يعلمهم سلوم العرب والسنع !! واما القهوة على السعودية مالها حل مزاااااااااااااااااااااااااااااااااااااااج


ما اعتقد اذا مسك ولد البلد الضبافة انه راح يعلمهم السنع !!
لسبب واحد انه ما عنده سنع !!!!!!! كيف ؟؟
هل تعتقدين ولد البلد اذا كان مهتم بالمشروبات يعرف السنع

ولد البلد ما يمسك قسم الضيافة لنه محافظ بشكل عام واذا في شخص بايعه فهو موضوع ثاني وهو الي يستحق السنع:rolleyes2:



شاكر لك صاحب الموضوع
القهوة صج ما تنشرب ولا التمر ينكل :anger1:

الاهتمام فقط على خط باريس + لندن
درجة اولى اطباف كافيار لفاتح الشهية ههممممممم وانت رايح الى الانتهاء بالاجبان الفرنسية و دلع نفسك قهوة سبرسووو للاسف مب قهوة قطرية

المشكلة الوحيدة انك راكاب الطيارة في عز الصيف وريحة الازفرة ضاربة من اول درية لين ما تقعد على الكرسي طبعا هذا درجة اولى اما درجة الفقارة فلهم الله
الحمد الله حمدا كثيرا


خط امريكا طبعا ما عندهم درجة اولى هو بين الاولى والبزنس ما عندهم غير الاستيك و الله يعز النعمة

رحلات دول مجلس التعاون
درجة اولى معقول نوعا ما
السياحية مثل ما تفضل احد الاعضاء السندويش وععععععع الدجاج او الخضرة جنهم معجون طاحنينهم طحن هي عظمة هي ........:secret: ما يندرى والريحة بعد التسخين السريع في الميكروويف وبعض السندويتشات تسخن اكثر من مرة وتصير حصاة صمي والله تجيب لي الصمرقع واللوعة خاطري افتح الدريشة واشم هواء طبيعي برع
ليش كل دريشة ما يسوون لها زر تنفتح كل واحد وبكيفه يفتح والا يسكر دريشته على الاقل اريح من ريحة ما يسمى بالضيافة:anger1:

[Doha Sun]

ما اعتقد اذا مسك ولد البلد الضبافة انه راح يعلمهم السنع !!
لسبب واحد انه ما عنده سنع !!!!!!! كيف ؟؟
هل تعتقدين ولد البلد اذا كان مهتم بالمشروبات يعرف السنع
ولد البلد ما يمسك قسم الضيافة لنه محافظ بشكل عام واذا في شخص بايعه فهو موضوع ثاني وهو الي يستحق السنع:rolleyes2:



شاكر لك صاحب الموضوع
القهوة صج ما تنشرب ولا التمر ينكل :anger1:

الاهتمام فقط على خط باريس + لندن
درجة اولى اطباف كافيار لفاتح الشهية ههممممممم وانت رايح الى الانتهاء بالاجبان الفرنسية و دلع نفسك قهوة سبرسووو للاسف مب قهوة قطرية

المشكلة الوحيدة انك راكاب الطيارة في عز الصيف وريحة الازفرة ضاربة من اول درية لين ما تقعد على الكرسي طبعا هذا درجة اولى اما درجة الفقارة فلهم الله
الحمد الله حمدا كثيرا


خط امريكا طبعا ما عندهم درجة اولى هو بين الاولى والبزنس ما عندهم غير الاستيك و الله يعز النعمة

رحلات دول مجلس التعاون
درجة اولى معقول نوعا ما
السياحية مثل ما تفضل احد الاعضاء السندويش وععععععع الدجاج او الخضرة جنهم معجون طاحنينهم طحن هي عظمة هي ........:secret: ما يندرى والريحة بعد التسخين السريع في الميكروويف وبعض السندويتشات تسخن اكثر من مرة وتصير حصاة صمي والله تجيب لي الصمرقع واللوعة خاطري افتح الدريشة واشم هواء طبيعي برع
ليش كل دريشة ما يسوون لها زر تنفتح كل واحد وبكيفه يفتح والا يسكر دريشته على الاقل اريح من ريحة ما يسمى بالضيافة:anger1:


ارثي للحال اللي وصلنا له ..
الله المستعان عندي سفرة بكرة ان شاء الله وباطرح عليهم موضوع القهوة والمشروبات ومن اللي ماسك هالموضوع وباشوف ردهم :omen2:

[ضي البدر]

انتو من صجكم حاطين أمل بالخطووط القطرية؟؟؟!!!

خلاص كل واحد يسوي قهوته وياخذ دلته معاه.. انزين صج عادي اودي قهوتي معاي !! يعني يخلوووني ادخلها؟؟

[Doha Sun]

انتو من صجكم حاطين أمل بالخطووط القطرية؟؟؟!!!

خلاص كل واحد يسوي قهوته وياخذ دلته معاه.. انزين صج عادي اودي قهوتي معاي !! يعني يخلوووني ادخلها؟؟



مستحيل ..:weeping:
اما قهوتهم ولا ماشي يجيهم من برا الطياره :anger1:

[فرحة الكواري]

الامارتيه وبس ^_^

[المعضادي]

السلام عليكم ورحمة الله وبركاته ..!

دفعت الدولة مئات الملايين من الدولارات .. لجعل التراث القطري .. سفيرنا في جميع المحافل ..!!
فهاهي الفرق الشعبية تسابق الريح .. في اصقاع الارض .. جهد بدني وعقلي .. لإسعاد الكثير من متذوقي تراثنا الجميل ..!!
وهاهن اخواتنا وامهاتنا .. يفارقن أولادهن وأحبابهن .. في سبيل توصيل فن الطبخ الشعبي ..!
وفي سبيل رفعت إسم هذا البلد ..!!
يسافر الكثير .. لنشر تاريخنا وثقافاتنا .. المتعددة ... بدو .. حضر .. شرقي .. غربي .. جنوبي .. شمالي ..!!
بلد متعددة .. الاصول .. والاعراق ..!!
مختلفة .. العادات .. والاذواق .. على نطاق الإسر الضيق ..!!
ولكنها .. تتفق .. على .طريقة القهوة .. العربية الأصيلة ... ذات (المسمار) او القرنفل .. والزعفران .. والهيل .. أو أي طريقة تخرج طبخ القهوة .. شقراء اللون غمق اللون ام خف .. والتمر .. الحساوي أو القصيمي.. او التمور بانواعها اللتي لا تعد ولا تحصى ..!!


قهوة القطرية .. الفشيلة ..!!

قهوة امريكية .. مخلوطة .. بحبتين هيل .. !!

وبكل بجاحة ... Do you want Arabic Coffee
لا .. والتمر ..!!
تمر .. يسمونة اهل التمر ومتذوقيه .. ( حولي) .. اي من دوران الحول عليه ..!!

تمر القطرية .. مهو .. حولي ... هذا .. مشمّس ..!!


ياقطرية ..!!!
الدولة .. ترسل مسافرين .. في كل مكان .. لنشر عبق تاريخنا .. وطعم قهوتنا الاصيلة ..!!

وانتم تحملون .. ملايين المسافرين ولا .. تبذلون قليل الجهد .. لنشر قهوتنا . واللتي هي جزء بسيط .. من تاريخنا ..!!

المعادلة .. سهلة .. جداً ..!!!


المُلهم ..!

اسمحلي ياخوي ولا تزعل مني بس بصراحه ماعندك سالفة ، هي اصلا القطريه مفتكرة فيك

ولا في اهل قطر !!!!!!! ؟ امركم غريب يالربع القطرية كلها من فوق لين تحت ماهمهم رايك

ولا رايي ولا حتى دروا بنا حجزنا عليها ولا لا هههههههههههههه

بسم الله على قلبك هدي نفسك يبه انا مطلق القطرية بالثلاث ولاتسوى ريال في عيني

لا من مديرها الين اصغر موظف فيها :victory: ، يبه خلك على الاماراتيه وبس ولا الاتحاد

ذل قرشك ولا أتذلل حق طقة موظفينها . والله بصراحه انت مغتر فيها من قلب قطريتك هذي !!

واسمحلي ياغالي مافيني شيء شخصي ولا اقصد اقلل من احترامك بس انا قاعد اناقشك

بمنطقهم :shy: . انت بالنسبه لهم هم يالقطري سندارة ولا اخرتها بيشوتونك في الطوفة

مالك حق هههههههههه .

[ازغوىAAA]

المفروض الاسم يكون الخطوط القطريه الهندية

[المُلهم]

اسمحلي ياخوي ولا تزعل مني بس بصراحه ماعندك سالفة ، هي اصلا القطريه مفتكرة فيك

ولا في اهل قطر !!!!!!! ؟ امركم غريب يالربع القطرية كلها من فوق لين تحت ماهمهم رايك

ولا رايي ولا حتى دروا بنا حجزنا عليها ولا لا هههههههههههههه

بسم الله على قلبك هدي نفسك يبه انا مطلق القطرية بالثلاث ولاتسوى ريال في عيني

لا من مديرها الين اصغر موظف فيها :victory: ، يبه خلك على الاماراتيه وبس ولا الاتحاد

ذل قرشك ولا أتذلل حق طقة موظفينها . والله بصراحه انت مغتر فيها من قلب قطريتك هذي !!

واسمحلي ياغالي مافيني شيء شخصي ولا اقصد اقلل من احترامك بس انا قاعد اناقشك

بمنطقهم :shy: . انت بالنسبه لهم هم يالقطري سندارة ولا اخرتها بيشوتونك في الطوفة

مالك حق هههههههههه .


أضحك الله سنّك ... :) :) :)

ويسعد لي صباحك ..!!

داش عرض وبقوّة ... ههههههه

بس .. سندارة .. هذى مالها حل :)

شكراً على إضافتك

المُلهم

[جام جح]

انتو من صجكم حاطين أمل بالخطووط القطرية؟؟؟!!!

خلاص كل واحد يسوي قهوته وياخذ دلته معاه.. انزين صج عادي اودي قهوتي معاي !! يعني يخلوووني ادخلها؟؟

اختي ممنوع
الا اذا بتاخذين المقادير وتطبخينها في مطبخ الطيارة :)
اما قهوة ماخذتها من البيت مستحيل طبعاً

[ضحية البورصة]

شنقول شنخلى

[احمـد]

ياخوي هي جاءت على القطريه , وهي جات على التراث .. الله يعطيك العافيه ولاتفتح الباب خل الامور مستوره ..؟

[الحياة الخالدة]

إحبااااااااااط ..

من كل النواحي إحباااط ..

وين ما نطقهـــــا عوووووية ..

الله يعين بس .. الله يعين ..

[غزلان]

من مساوء الصدف ان الكرسي مقابل المطبخ وشفت المضيفه وهي تعد القهوه في ثواني حطت القهوه في الدله وصبت عليها ماي حااار وحركتها وانتهى الأمر

عمري ماشربت قهوتهم غير قهوتنا ما اقدر اشرب

[R 7 A L]

ماشفنا لاتمر ولا قهوة

14 ساعة مافية غير الكيك وعصير 25 سم

[00soma00]

ههههههههههههههههههه عجبنى العنوان

[جرير]

شدعوه . . . . لهدرجه مافيه اي رد يمدح القطريه

عيل على شنو معطينها 5 نجوم . . . . والعالم كله تمدحها

وانتو نازلين عليها بشكل غير طبيعي . . . ممكن تكون القهوه تعبانه

والتمر لك عليه . . . بس مو معناته اني اعطي فكره ان القطريه ماتسوى شي

اوكيه قلنا التذاكر غاليه . . . . وقهوتهم ماتنشرب

بس خدماتهم ياجماعه شي عجيب . . . خلكم منصفين شوي

[مسمس12]

صراحة اكلهم وشربهم كله دون المستوى جات عالقهوة

[bu abdulla]

يا رجال الموضوع بس على القهوه و التمر روح شوف الشيشه الى ف سوق واقف و اللبس الغير محتشم و الثقافه الهزيله الى تدخل علينا كل يوم .... وسع افاق تفكيرك الشيخ وخلك من التمر و القهوة الى يقدمونها على خطوط الجويه القطريه