فكرة (غير مبتكرة) للقضاء على زحام الشوارع بنسبة لا تقل عن (30%).. ومستعد للتحدي

[أبو عبدالعزيز]

الفكرة باختصار وببساطة تتمثل في إلزام الجهات التي تستقبل الجماهير بالرد على الاتصالات الهاتفية التي تردها
فكم من مشوار لنا جميعا ضاع من حيث الوقت والجهد والمال بسبب عدم تفاعل الجهات المعنية مع الاتصالات التي تردها!!

تحياتي وخالص تقديري

[ملاك]

هالحل راح يحل جزء بسيط جدا من الزحمه اخوي ابو عبدالعزيز

بس ياخوي هالمشكله صارت عويصه وصعبه ويبيلها حل جذري

[The Watcher]

كلامك صحيح

المشكلة في اغلب الاماكن الحكومية ماتقدر تخلص امورك الا لما تروحلهم

والافضل من التليفون موقع فيه كل الخدمات اللي يقدمونها

[برق لمع]

حتى على مستوى المدارس المستقلة تتصل يهم ما يتنزلون يردون عليك لازم تتعنى وتروح لهم المدرسة

[أبو عبدالعزيز]

هالحل راح يحل جزء بسيط جدا من الزحمه اخوي ابو عبدالعزيز

بس ياخوي هالمشكله صارت عويصه وصعبه ويبيلها حل جذري


أشكرك على التعقيب
أنا اقترحت هالحل من واقع تجربة متكررة بشكل مضطرد
فكثير من مراجعاتنا للدوائر الرسمية وغير الرسمية ما يكون لها داعي لو كان يوجد موظفين بالعدد الكافي ولديهم معرفة للإجابة عن استفسارات المراجعين

آخر مشاور لي مثلا خذ مني قريب ساعتين في زحمة الدوحة
اتصلت ببدالة بنك قطر الوطني استفسر عن أرباح بروة فقالوا يمكنك تستلم الشيك من الفرع الفلاني، فتحركت وسط زحمة الطريق ثم زحمة المواقف ثم زحمة المراجعين... وآخر شيء تبين إن المعلومة غير صحيحة، وإن الشيكات بتوصل بالبريد.

مثال آخر: أحتاج كثير من الأحيان أتحرك لمستشفى حمد حتى آخذ موعد، مع إنهم حاطين أرقام هواتف لأخذ المواعيد لكن كثير من الأحيان ما يردون عليها.

مثال آخر: بروة حددت مؤخرا توزيع الأرباح عن طريق البريد ابتداء من 28 ابريل.. ومن ذاك التاريخ ترددت على البريد 3 مرات دون أي جدوى، مع إن البريد حاط رقم للاستعلامات لكن نادرا أن يدردوا عليه

ساعات طويلة تضيع من أوقاتنا بسبب تجاهل الجهات من تفعيل الرد على الاتصالات بالشكل الصحيح

[أبو عبدالعزيز]

كلامك صحيح
المشكلة في اغلب الاماكن الحكومية ماتقدر تخلص امورك الا لما تروحلهم
والافضل من التليفون موقع فيه كل الخدمات اللي يقدمونها


مش الحكومية وبس
وإنما جميع القطاعات التي تستقبل عموم المراجعين
وقد اقترحت التلفون لمناسبته لكافة شرائح المراجعين
سرني جدا مرورك

[أبو عبدالعزيز]

حتى على مستوى المدارس المستقلة تتصل يهم ما يتنزلون يردون عليك لازم تتعنى وتروح لهم المدرسة

الكل يا الحبيب مثل ما وصفت
وكأنهم يتلذذون ويشعرون بأهميتهم لما يشوفون الخلق مصفوفين قدامهم
سرني مرورك

[bu 3li]

وانا اتمنى فرض رسوم ( على الاجانب ) في بعض الشوارع والمناطق المزدحمه
على الاقل مايروحون ويجون على الفاضي ويزيدون الزحمه
ويشوفون لهم طرق بديله وبـ جذي بتتوزع الزحمه وتخف عن الشوارع المعروفه

[أبو عبدالعزيز]

وانا اتمنى فرض رسوم ( على الاجانب ) في بعض الشوارع والمناطق المزدحمه
على الاقل مايروحون ويجون على الفاضي ويزيدون الزحمه
ويشوفون لهم طرق بديله وبـ جذي بتتوزع الزحمه وتخف عن الشوارع المعروفه



عقدة (الأجنبي فوبيا) في أوضح تجلياتها
من يحب يدرس هذي الحالة النفسية يشوف هالمداخلة وأخواتها

[ahmaaaddd]

[COLOR="Black"][SIZE="4"][B]
وانا اتمنى فرض رسوم ( على الاجانب ) في بعض الشوارع والمناطق المزدحمه
على الاقل مايروحون ويجون على الفاضي ويزيدون الزحمه
ويشوفون لهم طرق بديله وبـ جذي بتتوزع الزحمه وتخف عن الشوارع المعروفه

واشلون بتعرف المواطن من غيره ؟
وكم شرطي تبيلك في الشارع ؟
واشي كثيييييييييييييييييرة ما ودي اجولها

[bu 3li]

عقدة (الأجنبي فوبيا) في أوضح تجلياتها
من يحب يدرس هذي الحالة النفسية يشوف هالمداخلة وأخواتها

الغالي انت طارح موضوع عشان تلقى حلول وردود ولا عشان تتطنز بارك الله فيك ؟؟؟!!!!
ياخي اتمنى وانت واقف فـ الزحمه تلتفت وتشوف حواليك بتعرف انا ليش قلت اجانب
فيه جاليات عربيه وجنسيات ثانيه من شرق اسيا وغيرها من البلدان تلقاهم مسويين زحمه على ولا شي .. تجمعات ولا مشاوير مالها داعي ..

على سبيل المثال خط الكورنيش .. دوم تشوفه مزحوم سواء بسيارات صغيره ولا باصات
ولما تروح الهاي وي الجديد تشوفه اخف .. يعني لو فرضوا رسوم على هـ الشارع في وقت معين او فالويك اند بتشوف الهنود وغيرهم رايحين ورادين عليه بس جذي ولا بتشوفهم يروحون من طرق بديله عشان سالفة الرسوم ؟؟ بتشوفهم يلفون ويزيدون الزحمه وكل سياره مافيها الا واحد .. ولا متجمعين في سياره وحده وطالعين مع بعض ؟؟؟

ياخي هي مب مسألة عقده مثل ماتقول بس هذا رايي وهاي نظرتي الشخصيه
ياليت تحترم كلامي لو تبي الناس يردون عليك وياخذون ويعطون بدال لاتجي تقول حاله نفسيه ومادري شنو .. :victory:

[أبو عبدالعزيز]

الغالي انت طارح موضوع عشان تلقى حلول وردود ولا عشان تتطنز بارك الله فيك ؟؟؟!!!!
ياخي اتمنى وانت واقف فـ الزحمه تلتفت وتشوف حواليك بتعرف انا ليش قلت اجانب
فيه جاليات عربيه وجنسيات ثانيه من شرق اسيا وغيرها من البلدان تلقاهم مسويين زحمه على ولا شي .. تجمعات ولا مشاوير مالها داعي ..
على سبيل المثال خط الكورنيش .. دوم تشوفه مزحوم سواء بسيارات صغيره ولا باصات
ولما تروح الهاي وي الجديد تشوفه اخف .. يعني لو فرضوا رسوم على هـ الشارع في وقت معين او فالويك اند بتشوف الهنود وغيرهم رايحين ورادين عليه بس جذي ولا بتشوفهم يروحون من طرق بديله عشان سالفة الرسوم ؟؟ بتشوفهم يلفون ويزيدون الزحمه وكل سياره مافيها الا واحد .. ولا متجمعين في سياره وحده وطالعين مع بعض ؟؟؟
ياخي هي مب مسألة عقده مثل ماتقول بس هذا رايي وهاي نظرتي الشخصيه
ياليت تحترم كلامي لو تبي الناس يردون عليك وياخذون ويعطون بدال لاتجي تقول حاله نفسيه ومادري شنو .. :victory:


تسمح لي طال عمرك، ما قصدت إنك أنت مبتلى بحالة نفسية وإنما أعني الرهاب الجماعي لدى البعض تجاه الأجانب في الحق وفي الباطل
وعلى كلٍ: أشكرك على المداخلة.. ولا أتفق معك فيما ذكرته لاعتبارات عدة:
1. إن مجتمعنا سيوصف بأنه عنصري، وقد نتمادى بعدها في اجراءات أكبر وأخطر وبحيث تفرض علينا عقوبات.
2. أن مقترحك غير عملي حيث إن تكاليف فرز المواطنين عن الأجانب في الطرقات العامة لن يتأتى إلا بتكاليف باهظة وخسائر قد تضاهي أو تزيد على تكاليف الزحام ذاته.
3. أننا لو كنا في دولة أجنبية وتم فرض مثل ما تقول علينا؛ لكنت أنت أول الصارخين والمطالبين بالتعامل الإنساني ....الخ يعني نحب لغيرنا ما نحبه لنفسنا بقدر الإمكان.. تحياتي وتقديري

[بصمة قطرية]

فكــرة ممتازة أخوي بو عبدالعزيز ..
نتمنى تتطبق على الأقل تخف الزحمة شوي ..
يا ما أضطرينا نطلع والسبب عدم الإجابة على الهاتف ..!!

[khaldoon]

وانا اتمنى فرض رسوم ( على الاجانب ) في بعض الشوارع والمناطق المزدحمه
على الاقل مايروحون ويجون على الفاضي ويزيدون الزحمه
ويشوفون لهم طرق بديله وبـ جذي بتتوزع الزحمه وتخف عن الشوارع المعروفه

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...

او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال

[Bin Hood]

يقدرون يعدلون اوقات الدوام

مثلا يخلونها على ثلاث فترات

7 الى 1
7.30 الى 1.30
8 الى 2

وجذي يخف الضغط على الشوارع

[Bin Hood]

وانا اتمنى فرض رسوم ( على الاجانب ) في بعض الشوارع والمناطق المزدحمه
على الاقل مايروحون ويجون على الفاضي ويزيدون الزحمه
ويشوفون لهم طرق بديله وبـ جذي بتتوزع الزحمه وتخف عن الشوارع المعروفه

الحين الاجانب صاروا يروحون وايون على الفاضي !!!

[أبو عبدالعزيز]

يقدرون يعدلون اوقات الدوام
مثلا يخلونها على ثلاث فترات
7 الى 1
7.30 الى 1.30
8 الى 2
وجذي يخف الضغط على الشوارع

خذت الفكرة الثانية اللي كانت في ذهني
ومثل ما قلت يتم تنويع فترات الدوام بحسب القطاعات
فمثلا القطاع التعليمي يبدأ من 7 إلى 1
والقطاع المالي يبدأ من 9 إلى 3
والقطاع الصحي....

القصد يتم تحديد 3 مجموعات أو مجموعتين على الأقل كل مجموعة يندرج تحتها قطاعات معينة
ويختلف وقت دوام كل مجموعة عن الأخرى
والفائدة من ذلك ليس مجرد تخفيف الزحام
وإنما أيضا التخفيف من التسيب الذي يأكل أوقات الدوام بحجة مراجعة معاملة بنكية ضرورية أو موعد صحي...الخ
وتقبل تقديري

[ummalaz]

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...

او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال

:nice::nice::nice::nice::nice::nice:

[أبو عبدالعزيز]

[size="2"][b]

واشلون بتعرف المواطن من غيره ؟
وكم شرطي تبيلك في الشارع ؟
واشي كثيييييييييييييييييرة ما ودي اجولها



[color="sandybrown"]وسع صدرك
اللي قاله الأخ عبارة عن استعجال في إبداء الرأي
فنتج عنه رأي غير مقبول من حيث الواقع والمنطق

[أبو عبدالعزيز]

فكــرة ممتازة أخوي بو عبدالعزيز ..
نتمنى تتطبق على الأقل تخف الزحمة شوي ..
يا ما أضطرينا نطلع والسبب عدم الإجابة على الهاتف ..!!


سرني مرورك وثناؤك على المقترح
تحياتي

[أبو عبدالعزيز]

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...

او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال


هههههه
خف على الأخ

[أسد الجزيرة]

الافضل تأخير دوام الموظفين الى 7 و نصف

[مرتبش]

فكرة جميلة
واضيف لها اهتمام المؤسسات بمواقعها على الانترنت
بتفعيل الخدمات وتوفير المعلومات وطبعا تحديثها بشكل مستمر

مثلا..تبي تعرف كم الفايدة في البنك الفلاني.. تشوف موقعهم يقول لك بعد لف ودوران اتصل على اقرب فرع

او مثلا تبي تطلب تأشيرة خادمة .. لازم تروح الجوازات ما تقدر من النت ..واشياء من هذا القبيل

[ابو محمد7]

اقتراح جيد وهو موجود ولكن يحتاج الى الكثير من التطوير

من أجل الزحمة او حتى لو ماكان في زحمة المفروض يتم تقديم العديد من الخدمات عن طريق الهاتف او الانترنت الزمن تغير وتطور

ايضا ممكن يكون في التسوق عن طريق الانترنت والتوصيل للمنازل

[Rashid554]

هو حلك اخوي مايأثر ولا 0.1% من مشكلة الزحمه نادر كم عددهم الاخوان الي يتصلون محد يرد عليهم 10 او 20 في اليوم

نجي بالبدايه لأسباب الزحمه :-
1- كافة مواعيد العمل والمدارس في وقت واحد
2- الدوارات وما ادراك ما الدوارات


الحلول بسيطة في طريقة سردها ولكن صعبه في تنفيذها

الحل الاول :

أولاً دوام الجهات الحكومية والمؤسسات
من الساعه 8:00 الى 1:30

ثانياً دوام الطلاب
من الساعه 7:00 الى الساعه 2:30
واضافة جسور متحركة على كافة الدوارات لحل الازمة

الحل الثاني :-

يتثبت دوام الطلاب كما هو عليه ويتم تطبيق نظام الشفتات على كافة المؤسسات الحكومية والخاصة وبجذي تكون كافة الخدمات على مدار الساعه حتى يطبقون النظام الالكتروني الكامل لتخليص المعاملات واضافة علاوة بدل شفت للموظفين
وبالمرة قضينا على مشكلة دوارة الشباب في منتصف الليل في الشوارع لانها راح تكون مزدحمه شوي + ضفنا علاوة دورية للموظفين

[الـقـاسـي]

الحل يفكونا من هالدوارات والتقاطعات اللي تجي بعد الجسور والانفاق .. يخلون كل الشوارع الرئيسيه highway ويحطون مخارج على كل منطقه بس بشرط المخارج هذي ماتنزلني على اشاره او دوار لان في هالحاله مراح استفيد من الجسر او النفق الا اني اغير مكان الزحمة

[عيون الدوحة]

أذا اللجنة الطبية قسم العلاج بالخارج ردو على الهواتف باقي الوزاراة بترد

[MAZEN37]

اقترح وضع موضوع مثبت وكل شخص يقترح اقتراحه وصدقوني بيكون للصالح العام
خلنا نفكر معاكم خلنا نتفاعل والفكره الي ما تعجبكم لا تاخذون فيها

انا فكرتي عمل وصل للشارع من نهاية الصناعيه للوكير الي ما يتعدى 3 كيلو
عمل اكتاف لدوار شارع 10 من كل ناحيه بدل الامه الي متجمعه على الدوار

[بوخالد911]

خوووش فكررة


يا ريت



تحياتي قبل تقديم اقتراحااتي

[عيون الدوحة]

يقوم الموظفين بتشكيل مجموعات في كل سيارة من ثلاثة أو أربعة أشخاص وبهذا راح يتم تقليص عدد السيارات الى النصف كحد أدنى

[الحال مايساعد]

أشكرك على التعقيب
أنا اقترحت هالحل من واقع تجربة متكررة بشكل مضطرد
فكثير من مراجعاتنا للدوائر الرسمية وغير الرسمية ما يكون لها داعي لو كان يوجد موظفين بالعدد الكافي ولديهم معرفة للإجابة عن استفسارات المراجعين

آخر مشاور لي مثلا خذ مني قريب ساعتين في زحمة الدوحة
اتصلت ببدالة بنك قطر الوطني استفسر عن أرباح بروة فقالوا يمكنك تستلم الشيك من الفرع الفلاني، فتحركت وسط زحمة الطريق ثم زحمة المواقف ثم زحمة المراجعين... وآخر شيء تبين إن المعلومة غير صحيحة، وإن الشيكات بتوصل بالبريد.

مثال آخر: أحتاج كثير من الأحيان أتحرك لمستشفى حمد حتى آخذ موعد، مع إنهم حاطين أرقام هواتف لأخذ المواعيد لكن كثير من الأحيان ما يردون عليها.

مثال آخر: بروة حددت مؤخرا توزيع الأرباح عن طريق البريد ابتداء من 28 ابريل.. ومن ذاك التاريخ ترددت على البريد 3 مرات دون أي جدوى، مع إن البريد حاط رقم للاستعلامات لكن نادرا أن يدردوا عليه

ساعات طويلة تضيع من أوقاتنا بسبب تجاهل الجهات من تفعيل الرد على الاتصالات بالشكل الصحيح


أخوي بالنسبة لشيكات بروة وبنك قطر الوطني المفروض انك تتقدم بشكوى على الموظف إللي يفترض انك ماخذ بياناته خلال المكالمة ، أنا من فترة غيرت رقمي ولازم أعدل عندهم في البنك طرشت كتاب لهم ولين أسبوعين ماتغير إلين (( هددت )) الموظف إللي على البدالة وطلبت منه كل بياناته وأنذرته على نهاية اليوم لو الخدمة ما إشتغلت راح أقدم شكوى فيه ، والله كلها ساعة ولا ساعة ونص والخدمة شغالة
لكن بخصوص الزحمة انا اعتقد انه المفروض نغير توقيت الدوام يعني مب لازم كل قطر تكون في الدوام الساعة 7 الصبح
ولكم جزيل الشكر

[boamir]

والله فكره حلوه الصراحه
واااااايد نااس تخلص اشغالهم بالإتصالات خصوصا إلي يجون حق الإستفسارات ويتلتهون
عندك المدارس والمستشفيات شبه مستحيل يردون عليك

بس عندي فكره اهم من كل الأفكار
ياريت لو يعدلون الشوارع المكسره ويخلصونا منها زهقنا والله نص الفرجان بالدوحه كسروا شوارعها تكسييرر

اتحداك تدش فريج وماتحصل صبيات خل يفكونا من هالشي سنييين واحنا مع هالشوارع إلي تتصلح وتتصلح وإذا خلصوها بعد يردون يكسرونها مره ثانيه

[bu 3li]

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...

او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال


الحين الاجانب صاروا يروحون وايون على الفاضي !!!


الحين زعلانين من كلامي وكل واحد فيكم يعلق على كلامي وهادين الموضوع !!!!؟؟؟
مادري ليش ( ماتحترمون راي الغير ) .. سواء كان صح ولا غلط !!

[مهل]

البنك الي هو يتعامل في الفلوووووس و ما ادراك ما الفلووووس

تتصل يطلب التالي :
١- رقم الحساب
٢- اسم العميل
٣- تاريخ الميلاد
٤- الرقم الشخصي
٥- و اذا موظف جديد بيقولك حسابك في فرع :secret:

المهم بعد الاجابه على هذه الاسئله تفتح لك حريه الاختيار و التعديل و الطلبات على حسابك .

ليش الجهات الحكوميه ماتعامل بنفس الطريقه .. حتى المرور و الشرطه تتصل تبلغ عن امر يمس سلامه الاشخاص ،، يقولك تعال قدم بلاغ .. يا اخي اخذو جميع الضمانات عشان تتاكدون من هويتي و الاتصال مسجل و اذا ثبت تلاعب عاقبو المذنب اشد عقاب .

اتمنى الجهات الرسميه في الدوله تتعامل بنفس الفكر الخاص بالبنوك

[D0ha]

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...
او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال

حل ممتاز واتفق معاك على كل هذه النقاط المذكورة...او بما ان هذه المشاركة تنظم الى صفوف الاقتراحات...اعتقد بناء ملجأ يكون حل مناسب اسوة بالدول الاخرى لتجمع شتات من يتعقد من كلمة أجنبي او يبحث عن كلمة مواطن في كل أرض يتسكع بها.

[مهل]

ليش ما تقترح حظر تجول و حظر جوي للاجانب من الساعه 4 العصر الى الساعه 4 الصبح...

او على الاقل لو تبي التعامل برحمة مع الاجانب بناء على اقتراحك فيكون في شخص مسؤول على اول الشارع يستجوب المقيم وين رايح و متى برد و مين دله على هالطريق و ليش مستخدم هذا الطريق و اثبات انه ما حصل طريق بديل و انه ما راح يرجع يستخدم نفس الطريق قبل 72 ساعه على الاقل مره ثانيه مع 2 شهود/كفيل يعملون في الحكومه براتب لا يقل عن 10000 ريال


حل ممتاز واتفق معاك على كل هذه النقاط المذكورة...او بما ان هذه المشاركة تنظم الى صفوف الاقتراحات...اعتقد بناء ملجأ يكون حل مناسب اسوة بالدول الاخرى لتجمع شتات من يتعقد من كلمة أجنبي او يبحث عن كلمة مواطن في كل أرض يتسكع بها.


بعيد عن سبب هذه المداخله .. انا راضي يطلعون الاجانب من البلد و اتمنى من كل قلبي ان ترجع البلد مثل قبل خط الشمال مسارين و اشارات السد دوار

[ابوخالد السل]

الفكرة ممتازة وياليت يتم تفعيل الخدمات عن طريق الانترنت السؤال والجواب وتخليص المعاملات وتسديد الفواتير والغرامات والرسوم *

[jeep-srt8]

اعوذ بالله من تفكير البعض

[D0ha]

وبعض الردود مثيرة للشفقة...اللهم خفف علينا وقلل زحمة البعض في شوارعنا

[القلم الصريح]

الحل الامثل للتقضاء على الزحام هو :

اللغاء او تصغير الجزيره اللي تتوسط بين الشارعين وعمل مسار رابع للشارع بدلا من 3 مسارت

[(حوريه)]

الحرص على انهاء مشاريع تصليح الشوراع الحل الجذري لمشكلة الازدحام.

وكذلك ابتكار مواقف للسيارات مثل اليابان على شكل بنايات صغيرة
الالتزام والنظام هو الحل لكافة الازدحامات المعنوية والمادية