شباب بغيت احسن محل حق الباليس @@@

[Qt.1]

والله عجزنا ياكثرهم محلات الباليس , لكن وين احسنهم ماندري انا كنت قبل كله عند الوسام لكن الحين مب عارف اي محل اروح له بغيت محل عنده touch up paint حق الشموخ يعني ايخفف اثرهم , نصيحتكم شباب اي محل اروح ؟؟

[الرمـــاح]

انشالله بيساعدونك الاعضاء

وبالتوفيق

[صعب توصلني]

السلام عليكم

انصح الجميع بعدم تجربة بولش زيبارت والله اني متحسف سويت عنده بولش خارجي وداخلي ودافع مبلغ 1699 ريال ع الفاضي وقطع الصبغ وشموخ صراحه وازيدكم هذا وموتري أبيض :anger1: لو اسود الله يستر بس
وبس من الداخل لا بأس لكن بعد ما يشفعله دافع مبلغ كبير وهم من الداخل عليه ملاحظات

الشيخ انا انصحك بمحلين صراحه المحل الاول محل اسمه الهلال في تيسير ^_^ واعتقد الفرويل 700 ريال
ومحل الثاني وهذا ما جربته بس يمدحونه اسمه بهزاد في شارع المطار التجاري الفرويل 650 ريال

وهذا رقم محل بولش الهلال إلي في محطة التيسير اسمه عادل العلالي (( يمنع وضع رقم الهاتف -- الادارة ))

والسموحه ع القصور

تحياتي

[ن.سهيل]

الله يوفقلك

التقنيه

الي في المسيله

الاسود ب ( 500 ريال )

باقي الألوان ب ( 400 ريال )

[بومحمد911]

الوسام اتعس مكان لتلميع السيارة تحسفت اني رحت له

انصحك يا اخوي في محل اسمه 3mغسلت عنده الفرش قبل كم يوم شغله عدل بس التلميع ما ادري عنه بس اظاهر شغلهم اوكيه شفتهم قاعدين يلمعون المواتر في المحل وسعره حلو

موقع المحل على طريق سلوى الشارع الي فيه النهدي ومعارض السيارات تحصله في النص وهذا رقم المسؤول الفلبيني اسمه لاري (( يمنع وضع رقم الهاتف -- الادارة ))

وبالتوفيق

[Dany]

3m وايد زين دامه محل العايله

شغل مضبوط ومرتب

طريق سلوى بجانب دار العز

[Qt.1]

بيض الله اوجيهكم وماقصرتو

[eXpert*]

الوسام : لو أنه الوحيد في قطر ماراح أتعامل معاه .

كان عندي كروزر أسود ،، الله لا يرويك الدفاشة في الفك والتركيب قدام عيني يفك ويحذف على الارض !!

الهاند بريك تزلق من الحذف وقطعة الحزام اللي يركب فيها بعد تزلقت ،، القير جاوا بيبطلوا التلبيسه اللي عليه من الدفاشه أنكسرت البلاستيك اللي ماسكه السلك حق الدبل وصارت عصا الدبل تلعب بروحها ،، واجهتهم تهربوا من الموضوع ،، مريت الوكالة عند واحد اعرفه غير لي الربله البلاستيك وانا واقف.

غير التلميع اللي الله بالخير ،، شغل بسرعة بسرعة علشان يلحق ياخذ موتر غيرك :(

للامانة : أنا اتكلم عن فرع اللاند مارك ،، ما دري عن الفروع الثانية .

نصيحة للي بيستلم موترة ياخذه الظهر علشان يبين فيه البوليش اذا مضبوط او لا ،، اذا لا لاتستلمه .

المحل اللي في محطة البترول عند مستشفى العمادي (دول المول) ممتاز شغلهم .

[وطن]

أنا جربت عند تيتانيوووم

عجبني شغلهم

بس ما جربت حد ثاني عشان احكم