حبيت تفيدوني عن الاماكن السياحية في سلطنة عمان

[ألماسة]

السلام عليكم .... شلونكم وشخباركم ...؟

حبيت تفيدوني عن الاماكن السياحية في سلطنة عمان ..!:eek5:


وبالأخص صلاله..!!:rolleyes2:

وياليت اللي يقدر يفيدنا بجدول سياحي لصلاله :nice:

طبعا السفرة بتكون في نص شهر 6/2011 ان شاء الله

وشــــــاكرة لكم :)

[تحداني]

في منتدى اسمه المسافرون العرب
رائع وفيه معلومات وارقام وصور .. راح تستفيدين منه وايد



جملك الله برضى الرحمن

[ANONYMOUS]

صلاله ماتنفع شهر 6

في 8 اوكي

[ألماسة]

ثانكس للي ردو ... نورتو الصفحة

[القلم الصريح]

روحي صلاله في موسم الخريف اتوقع هالسنه ييصادف في شهر 8

[فيزيائية]

كان ودي اروح لصلاله بس تقاريرها ماتشجع
فالخدمات السياحية قليلة فيها
والبعوض منتشر...
كان الحين تغيرت لا اعلم ...

[سلمان]

اقترح عليج تروحين الطيران العماني بيفدونج اكثر

[القلم الصريح]

انا رحت صلاله في سنه 1997 مع الكشافه ، وقعدنا في ريف صلاله 10 ايام مانشوف فيها الشمس كله مطر

وكانت ذيكي الاوقات بدائيه بس من ناحية الطبيعه ماعليها كلام بلاد خضره والشلالات والعيون تهدر من كل

صوب ماشاءالله ، طبعلا يكثر فيها البعوض والضفادع ماعليهم زود يطلعون من بيت بيت زنقه زنقه

[البدع]

الجبل الاخضر

كهف هوته

وادي بني خالد

ينابيع الرستاق ( ينابيع ساخنة من تخت الارض)

[ألماسة]

تسلموووون جميعا ع الرد والإفادة

لا خلا ولا عدم منكم

[تحداني]

الله يسلمك يارب
حطي في بالك الوقت الي بتروحين له مثل ماقالوا الاخوان
لان راح تفرق وايد .. والمتعه راح تفقدينها


سلطنه عمان جميله جدا جدا
فلا تترددين فيها


جملك الله برضى الرحمن

[toghma]

مثل ما تفضلوا الزملاء
صلالة ما ينفع لها إلا شهر 8 وشهر 9 ـ الخريف
لكن انا لي نصيحة خاصة ـ شهر الخريف صلالة زحمة ومنتشر فيها البعوض والضباب ـ
لو تاخذين نصيحتي ـ روحي على أواخر شهر 9 وراح تكون الشمس يا دوب طالعة على المدينة
صلالة كل ابوها كبر الوكرة عندنا
:)
وما تضيع شوارها كلش
واماكنها الطبيعية كلها جنب بعض ـ تخلصينها في اسبوع
حتى أسماء المناطق كلها عبرية ـ لان الاسماء قديمة وما تغيرت

لكن ما تتفوت ـ انصحك بالزيارة

[ألماسة]

تسلمون وماتقصرون اخواني وخواتي ع الرد

اما بخصوص الوقت .. فهي جات جيـه أني اروحها شهر 6/2011

يعني على حظي :shy:

مب مقتنعه في داخلي ولكن فرصه اتعرف على مكان ماقد رحته من قبل :)

شـــاكرة لكم مرة ثانية