مستشفى حمد يسمح للزوار بركن سياراتهم في مواقف الأطباء

[فارس الكلمة]

قررت إدارة مستشفى حمد العام اعتبارا من اليوم فتح مواقف السيارات المخصصة للأطباء الاستشاريين الواقعة في الجهة الشرقية للمواقف الرئيسية وعددها 200 موقف لاستخدام زوار المستشفى وذلك يوميا من الساعة الثالثة عصرا وحتى العاشرة مساء.
وذكرت مؤسسة حمد الطبية أن هذا القرار يأتي تفاعلا من إدارة المستشفى لتوفير أكبر عدد من مواقف السيارات أمام الزوار وخاصة في المنطقة القريبة من البوابة الرئيسية للمستشفى .
الجدير بالذكر أن مواعيد زيارة المرضى في مستشفى حمد تمتد يوميا من السادسة صباحا وحتى التاسعة مساء..

[Rashid554]

شي حلو وخطوه رائعه من مستشفى حمد
والله يبعدنا عن زيارتها بشكل دائم
وخوش مواضيع هالايام نحو الايجابيه في دولة قطر
لكن للأسف هذي المواضيع ماتلاقي اقبال كبير يحبون السلبيه

[القحطاني505]

جزاهم الله خير

شيءٌ جميل أن قاموا بذلك

[boamir]

والله شي حلوو
بس المفروض يشوفون حل حق إلي يجوون الصبح
لأنه شبه مستحيل تحصل لك موقف
اقل شي إذا انت محظوظ تقعد نص ساعه تدوور

[الدوحة 2010]

من زمان مفتوح

[بو خليفه 123]

جزاهم الله خير و نشكرهم على تعاونهم

الظاهر من كثر ماشافوني اوقف سيارتي عند الدكاتره قالوا فلوا الحجاج و خلوها عامه


لك خالص الشكر فارس الكلمه على الخبر - و مايشوفون شر مرضاكم جميع

[بولينجر]

جزاهم الله خير يسروا امور المسلمين.... والله يشافي مرضانا ومرضى المسلمين....

[jajassim]

جزاهم الله خير وتسلم يالغالي على هالخبر ،،

[ZURICH]

الله يعطيك العافية على الخبر الزين

لو يشيلون المخالفات المسجلة في مواقف مستشفى حمد ويلغون المخالفات مستقبلاً داخل محيط المستشفى
بتصير الفرحة فرحتين :)

[Locale]

الله يجزيهم الخير

[ع.م]

قرار فيه مرونة وتفهم :)

يسلم راس اللي فكر واللي قرر :)

[بويوسف]

قرار جيد .. والله كريم نسمع قرارات ايجابية أكثر لصالح الوطن والمواطن ..

[R 7 A L]

بارك الله فيهم

[السندان]

جزاهم الله خير

واعتقد زحمة الصباح مع المواعيد اكثر

[حقيقه]

ياربي الزحمه مب طبيعيه في مستشفى حمد
عادي ادور ساعه او ساعه ونص وانت ادور موقف

احنا بدل ماندور موقف وطبعاً مستحيل انحصل موقف

نعطي اي سايق عشره عشرين ريال ويطلع من الموقف

نشتري المواقف ياعالم معقوله :eek3:

ان شاءالله هالخطوه تحل الازمه الحاصله

[الحياة الخالدة]

يا جماعة لا تنسون الخدمـــة الموجودة ..

تععطونهم السيارة يوقفونها لكم كل 3 ساعات ب 15 ريال ..

حلت جزء كبير من الأزمة ..

صح يا دوب تلحق .. بس العوض و لا الحريمة ..
و نأمل تطورها للأفضل بإذن اللـــــــه ..

[فارس الكلمة]

شكراً لردودكم .. و جميل مداخلتكم فرداً .. فرداً ..

هذا الأمر قد يحل شيئاً من المشكلة ..

[سهيل قطر]

الله يجزااهم خير ويشفى مرضانا ومرضى المسملين
امين اللهم أمين

[فتى الجود]

فارس الكلمة : مشكور على الخبر


مستشفى حمد : مشكوريين وماقصرتوا

وفعلاً ايام اللى فيها العيادات المسائية يكون في ظغط على المواقف

[simsim1963]

ياريت يعملون موقف ثاني متعدد الطوابق.

[مهاوي الشمال]

جزاهم الله خير

ومشكورين على هالقرار

ونتمنى إيجاد حل للمواقف في الفترة الصباحية