اقتراح للاخوان في اشغال (لجنه الاختناقات) او المرور - توجد صورة

[مهل]

السلام عليكم ورحمة الله

دوار التلفزيون

و انت جاي من دوار المرخيه متجه لدوار التلفزيون (باتجاه الشرق) احيانا تكون زحمه شديده على الدوار و تقريبا ثلث السيارات بتروح يمين بتجاه السد .
طريق الخدمات الجانبي يمتد من اول الشارع لين دوار التلفزيون .. اقتراحي ان يتم اقتطاع اخر ٣٠٠ متر من شارع الخدمات و فصلها برصيف يفصل بين نهايه منطقه الخدمات و بدايه الطريق الجديد المقترح و الي يوجد له مساحه كافيه (مساحه مزروعه بالعشب) ممكن اقتطاع منها جزء ليكون مسار جديد منفصل عن الدوار و الاشاره الي فيه يوديك يمين بدون لا توقف في الاشاره .

http://www.m5zn.com/uploads/2011/5/4/photo/050411170520srpz4t67bdrmlykw.png

[مشتاقة لقطر]

فكرة.. جدا منطقية

[الموضوعي]

ان شاء الله يوصل اقتراحك ، للعلم دوار التلفزيون عليه إزالة لاستكمال طريق دخان السريع حتى دوار البريد في ميزانية 2012 -2013

[مهل]

فكرة.. جدا منطقية

شكرا :)


ان شاء الله يوصل اقتراحك ، للعلم دوار التلفزيون عليه إزالة لاستكمال طريق دخان السريع حتى دوار البريد في ميزانية 2012 -2013

معروف ان دوار التلفزيون عليه ازاله و الله يعين على مده استكمال المشروع . و هذا حل سريع مؤقت لايحتاج الى اكثر من اسبوع عمل مكثف
و النتيجه باذن الله جدا طيبه

[بوحارب]

اخوي مهل ما يصير لأنه اللي بيطلعون من اللفه بتكون قدامهم دخله يمين للسوق فيمكن يصير كراش $$

[مهل]

اخوي مهل ما يصير لأنه اللي بيطلعون من اللفه بتكون قدامهم دخله يمين للسوق فيمكن يصير كراش $$

صحيح بوحارب ولكن فيه مسافه كافيه .. و اذا تحب تشوف مكان مطبقين فيه نفس العمليه
شوف اشارات المطار و انت جايها من صوب المول ،، فيه مسار منفصل عن الاشاره يدخلك يمين و تدخل بعدها على الشارع الرئيسي الي يوديك الوكده .. بعد اللفه هذي فيه ناس كثير يدخلون يمين جهه الفملي فود سنتر و المطاعم .. تصير شوي دربكه احيانا بسبب الهنود و الجنس اللطيف الي انت تحبه بس افضل من الزحمه وحرقه الاعصاب

[jeep-srt8]

هذه عند بيتنا بالظبط

كثير اعلق وانا رايح السد !!!!!!

فكرة حلوة ولكن هيهات

[الشاااهين]

اتمنى لو يحطون مخارج عند كل دوار أو اشاره



الزحمه بتخف اتوقع 40%:nice:

[bu 3li]

ياليت والله ياخذون بـ اقتراحك اخوي .. لانه اغلب الوقت الواحد يوقف في سيد طويل ونص اللي على الخط اليمين يبون يروحون سيده لكن ياخذون هـ المسار لانه اسرع واسهل في طلعة الدوار

واهم شي يكون فيه رصيف او حاجز كبير اشوي عشان نفتك من سالفة (( التجاوز من اليمين ))

[wadha-qa]

اخوي ممكن توصل اقتراحك لهيئه الاشغال العامه اداره تصاميم الطرق؟
او قسم التخطيط و السلامه المروريه بالمرور او التخطيط العمراني و ان شاء الله ياخذونه بعين الاعتبار ..

[الحال مايساعد]

إقتراح جميل وانا أأيد هذا 100%
وبعد على صوب اليسار عند المطاعم أتمنى المدخل حق المطاعم يتحول إلى مخرج وتكون الدخلة من عند فتول والطريق يصير بالعكس مثل حال المحلات عند بيت الموضة مقابل المطار

[fhd4]

اقتراحك أكيد حلو يا مهل ...

لكن أشوف ما له داعي ... ليش؟؟

لأن فيه لفة قبل الدوار بمسافة ... تاخذك من وراء المحلات وتقدر تتجاوز الدوار ...

http://img34.imageshack.us/img34/8923/31583609.jpg

[الخزرجي قطر]

اقتراح جيد ان شاالله يدرسوا الموضوع لحل الازمه على الدوار