استفسار : حد يفيدني فندق صن وي لاقون - ماليزيا

[بوشاهين2]

أنا قبل ماروح أي بلد أنا متعود أشوف بأي فندق بسكن ويكون قريب من منطقة العرب - وصارلي فتره أدور بموقع booking وأمدحوا فندق صن وي لاقون قلت بشوفه على الخريطه وبعدها بتوكل وبحجز ..
أبي أحد يفيدني هل فندق صن وي لاقون قريب من فندق جي دبليو ماريوت ؟

[HiTec]

ان شاء الله الاخوان يفيدوك اكثر
بس حسب استطلاعي
سن واي لاكون .. يحجزون فيه يومين والا ثلاث ، لغرض الاستمتاع بالمنتجع نفسه او المدينة المائية الي فيه
مع التأكد من ايام عمل المدينة المائية

وفيه خيارات قريبة كثيرة .. وابسط ..

[عيون الدوحة]

لا أخووووي وين بعيد ساعة الا ربع بالسيارة

[عيون الدوحة]

الدبليو ماريوت بشارع العرب أنت وش تبي بالضبط فندق بشارع العرب ؟؟

[collection]

السلام عليكم
هلا اخوي انا سكنت بجي دبليو ماريوت...عجيب الفندق صراحة...وبوسط شارع العرب ..وانا سكنتة عن طريق ريجنسي ب 600 ريال لليوم الواحد..ويوم وصلت هناك لقيتة ب400 ريال وهاي كان بشهر 2 ومقابلة اسواق راقية ماركة لويس فيتون ومطاعم عربية...اما بالنسبة لصن وي لاقون هو بعيد عن جي دبيلو ماريوت بحدود ربع ساعة ..وهو حلو للمتزوجين بدون اطفال اذا بغيت تحجزة لان فيها بركة سباحة...خاص للفيلا
وبالموقع اللي افادني بماليزياوانشاء اللة يفيدك...اسمة(دليل ماليزيا)www.daleel-malaysia.com
وانصحك بسفاري زون...وبالتوفيق اخوي...

[بـــ ح ـــر]

صن واي لاقون فيه اثنين

الاول وسط كالالمبور ولم اسكن فيه موقعه عالمي ويبعد حوالي نص ساعه من الماريوت

والموقع الثاني في منطقه اسمها سيلانجور ويوجد فيه الحدئقه المائيه ويبعد من الماريوت حوالي ساعه مع العلم ام يوم الثلاثاء صيانه للحديقه

تحيتي

[طماطه]

اذا تبي على شارع العرب مااافي احلى من الماريوت .. وانا بروح شهر 6 في بدايته ولقيته ب 700 وشي

واذا مالقيت حجز فيه .. عندك الملينيوم بعد مكانه على شارع العرب ومقابل الماريوت ..

اما فندق صن وي لقون بعيييده عن شارع العرب .. ويكفي فيها ليلتين لان انا شخصيا ماعجبتني لانها تنفع للاطفال لو معاك ..

[بوشاهين2]

أش تنصحوني .. أبي فندق يكون قريب من المجمعات وقريب من شارع العرب .. وأي الأشهور ألي مافيها زحمه؟

[بـــ ح ـــر]

انصحك بفندق مندرين بجانب الابراج ويبعد من منطقه العرب 5 دقايق والزحمه فتره الصيف فقط

[عذايب قطر]

عليك بالماريوت
مكانه استراتيجي عجيب
كل شي قريب منك

احنا حجزنا فيه مرتين
صن واي لاقون اذا في خاطرك احجز فيه كمن يوم بس

تحياتي لك

[بوشاهين2]

تسلمون على المشاركات وماقصرتوا و أنتظر ردود أكثر أتفيدني أكثر.

[البحار00]

عليك بفندق ويستن جنب الماريوت

أنا سكنت فيه صراحه روعه وأفخم من الماريوت

وسعره حلو خذت الليله في حدود ٥٠٠ ريال

وموقعه جنب الماريوت في شارع العرب

ولو بغيت رقم سواق ماليزي مسلم خبرني ،،كل الي خذو رقمه من عندي اشكروني عليه

[بوشاهين2]

طرشلي رقمه ولا عليك أمر ..

[A bin M]

بالنسبة لي احسن الفنادق اللي سكنت فيها الماريوت والريتز في شارع العرررب

[halcrow]

بوشاهين شوف تبي تستانس لاتروح بالصيف مثل ماتعرف زحمة والاسعار أتزيد من ناحية الفندق والسواقين .
عندك شهر 5 وبداية 6 بتاخذ راحتك اكثر او بعد الصيف بعد مالعالم ترد من اجازاتها .
وبخصوص الفندق عندك ويستن اللي بجنب الماريوت خذها مني احجزه مع الفطور وقدام الفندق مطاعم عربيه
تروح لهم مشي .
وبخصوص صن واي لاجون
هذا منتجع سياحي ضخم يضم فندق وفلل ومجمع تجاري وحديقة مائيه والله يعزك بعض الحيوانات
تقعد فيه بهالمنتجع يومين بالكثير اذا لك خاطر .

وتروح وترد بالسلامه

[مسافر123]

جمييييل

[OREO]

اخوي بوشاهين،،

صان وي لاجون موقعه في مدينة سلانجور و تبعد عن مدينة كوالالمبور حروة الــ 45 دقيقه يعني تقدر تقول مثل الدوحه و الخور ،،، يعني تقدر تقول الفنددقين مالهم خص بتاتا في بعض لان الفندقين كل وحده فيهم في مدينه ،،،

صن وي لاجون سكنت فيه يومين و الفندق هذا ميزته ان فيه مدينه مائيه و تقدر تستمتع فيه اذا انك تحب الالعاب المائيه و جذي ،،، اما اذا ما تحب الغي فكرة الفندق هذا لان المدينه مافيها شي و هي عباره عن فندقين او ثلاث و مافي اماكن سنعه تدور فيها ،،، يعني اذا سكنت في الفندق راح تستمتع بمرافقها اللي هي عباره عن مجمع و الالعاب المائيه و بس،،

اما فندق جي دبليو ماريوت ،، في كوالامبور و موقعه بالضبط اول شارع العرب و مقابل مجمع ميلينيوم و شارع العرب تخيله شارع النصر لكن افخم لان فيها مجمعات و مطاعم والخ ،،،

اتمنى اني جاوبتك و رحله سعيده ان شاءالله ،،

[سهم قطر]

عندك فندق الرتز وعندهم شقق راقية جدا وموقعه خلف شارع العرب مباشرة

[فـيـراري قطر]

اخوي انا انصحك بفندقين الاولي مندرين والثاني مالينيوم والله مالهم حل انا توني راجع من شهرين

[صمتي حزن]

الله يوفقك اخوي

[صمتي حزن]

ممكن حد يفيدني ياخوان انا بروح ماليزيا بس عقب الصيف لاني ماحب الزحمه وبقعد تقريبا 14 يوم
وانا احب البحر والمنتجعات يعني ريلكس احب اقعد الصباح واعمل رياضه واسبح واستمتع ومامعاي لايهال ول حرمه
ولو اقعد يومين في كلالمبور وبعدها اروح مدن ثانيه على البحر واقعد في منتجعات اذا حد يقدر يفيدني ابي اسامي المدن الحلوه والالعاب وابغي الفنادق الفخمه وجزاكم الله الف خير

[بوشاهين2]

تسلمون على المشاركات والله أني أستفدت وايد من مشاركاتكم وقاعد أسجل أسماء الفنادق وأبي الأماكن السياحية من حدائق وجزر ..

[سودانثيل1]

لو سمحت بغيت رقم السواق

[بوشاهين2]

ياخوي يا سودانثيل 1 أنا مثلك أنتظر من (البحار . .) رقم السواق ولا طرشه لي ..

[الســـهم]

عليك بفندق ويستن جنب الماريوت

أنا سكنت فيه صراحه روعه وأفخم من الماريوت

وسعره حلو خذت الليله في حدود ٥٠٠ ريال

وموقعه جنب الماريوت في شارع العرب

ولو بغيت رقم سواق ماليزي مسلم خبرني ،،كل الي خذو رقمه من عندي اشكروني عليه

وانا مع اخوي البحار ..

ويستن جنب الماريوت بالضبط وبينهم سكه صغيره ..

انظف واحدث من الماريوت وارخص منه بعد ..

انصحك فيه وبشده , وحتى الريتز قريب منهم ..

[بوشاهين2]

تسلم ياخوي (السهم)

[Charisma]

قريب من المجمعات وقريب من شارع العرب عندك الماريوت او كراون بلازا

شغله وحده انصحك تسويها لو رحت ماليزيا اطلع رحله رافتنق rafting "رياضه قوارب الانهار السريعه"

بتستانس عندهم موقع فيه شلالات ورافتنق يبعد ساعه او ساعه ونص عن كوالا

استفسر من الفندق اللي بتنزل فيه عن هالرحله

[بوشاهين2]

تسلم ياخوي pilot

[كازانوفا]

ياريت يا بو شاهين تصور لنااا وتكتب لنا الاسعار مع المده وكم شخص يمكن اغير بدل ما اشرق كل سنه
هالمره اغرب ملينااا كله شرق شرق :)

تروح وترجع بالسلامه

[بوشاهين2]

ياخوي كازانوفا أنا أمنزل موضوع أستفسر عن فندق معيين والجماعة ماقصروا وأشرحولي بالتفصيل .. وأنا أول مره بروح ماليزيا.

[كازانوفا]

ياخوي كازانوفا أنا أمنزل موضوع أستفسر عن فندق معيين والجماعة ماقصروا وأشرحولي بالتفصيل .. وأنا أول مره بروح ماليزيا.

:omg: اهااا يعني انت مش رايح ؟؟؟؟:secret:

اختك كازا :shy:

[بوشاهين2]

أختي كازانوفا أنا إن شاء الله بروح شهر 9 أو 10 وبرسلك أسم مشارك وشاركني على الخاص وبصراحه أفادني أفاده ..

[كازانوفا]

أختي كازانوفا أنا إن شاء الله بروح شهر 9 أو 10 وبرسلك أسم مشارك وشاركني على الخاص وبصراحه أفادني أفاده ..

اها يعني بتروح :nice:

ان شالله بتنبسط بالرحله وييسرلك ربي امورك
وبانتظار التقارير عن الرحله

[اناقه]

السلام عليكم

اخوي بو شاهين

انا رحت ماليزيا شهر 11 و كان جدولي كالتالي

ليلتين في سيلانجور فندق صن واي لاجون و كانت القعده فيه للراحه من تعب السفر و تمشاية في نفس الوقت خذت غرفة كلوب على البارك

و في فلل منفصلة و التوصيل لهذه الفلل من خلال رسبشن صن واي لاجون يوفرون لك سيارة تنقلك للرسبشن الخاص بالفلل و لكن الفلل ممنوع فيها الاطفال

ميزة الفندق انه هادي و مرتب انا عن نفسي وايد عجبني الفندق و احلى شي انه قريب من المطار تقريبا 30 الى 45 دقيقه و الحلو بعد انه فيه مدينه للالعاب المائية و فيه مجمع تجاري كبير ملاصق للفندق تماما يعني ما راح تتملل اذا قعدت فيه يومين

و بعدها توجهت الى بيناننج قعدت في فندق بارك رويال لمدة 4 ايام

و عقب رجعت مرة ثانية لكوالالمبور و قعدت في فندق جي دبليو ماريوت فندق راقي و قريب من كل شي
و فيه بعض محلات الماركات و فيه مطاعم يعني اذا جعت تقدر تطلب من المطاعم الموجوده في الفندق ما يحتاج تطلع برع و انصحك بمطعم طربوش

و للعلم اخوي ترى سيلانجور و كوالالمبور واحد ما يفرق بينهم شي غير المسافة فقط و لكن التغيير في السفر مطلوب الواحد يتملل اذا قعد في مكان واحد

ولا تنسى تزور مرتفعات جنتج ترى زيارتها ما تتوفت

* ملاحظه كانت هاي اول زيارة لي لماليزيا و كل الحجوزات و الترتيبات سويتها بنفسي من النت و كنت متخوفة لكن بالعكس كل شي كان مرتب و شعبهم متعاون و في حاله يعني مالهم في المشاكل

اذا محتاج اي معلومات عن طريقة الحجز سواء فنادق او طيران داخلي انا حاظرة و تقدر تطلع على موقع دليل ماليزيا فيه توضيحات نوعا ما دقيقه عن الفنادق و الاماكن السياحية و لكن اسعار الفنادق تختلف عن موقع بوكنج .. افضل الحجز عن طريق موقع بوكينج لانك تقدر تكنسل و تغير حجزك في اي وقت

اتمنى اكون فدتك و اسمح لي على الاطاله

سفرة موفقه باذن الله

[نورهان88]

أنا قبل ماروح أي بلد أنا متعود أشوف بأي فندق بسكن ويكون قريب من منطقة العرب - وصارلي فتره أدور بموقع booking وأمدحوا فندق صن وي لاقون قلت بشوفه على الخريطه وبعدها بتوكل وبحجز ..
أبي أحد يفيدني هل فندق صن وي لاقون قريب من فندق جي دبليو ماريوت ؟







فندق زون أل يوستز للشقق الفندقية ( The Zon All Suites Residences )
الفندق من فئة الأربع نجوم ويقع في منطقة البرجين


http://www.zonhotel-kualalumpur.com/ppc/




فندق صن واي لاقون
Sun Way Lagoon




http://www.sunway.com.my/lagoon/




فندق ماريوت بوتراجايا
Marriott Putrajaya Ioi Resort




marriott.com/hotels/travel/kulpg-putrajaya-marriott-hotel




فندق ريتز كارلتون
The Ritz Carlton




http://www.ritzcarlton.com/en/Default.htm



هاي بعض الفنادق مع الرابط .... أن شاءالله تفيدك أخوي



أضغط على contact بيطلع لك تلفون الفندق

[QatarSupport]

ادخل دليل ماليزيا وبتلاقي كل اللي تبيه

كل الفنادق اللي موجوده واسعارها

كولالمبور عندك ملنيوم .. مندرين و الماريت

بينيغ .. عندك فندق اسمه قولدن حاجه

لنكاوي عندك ويستن

اما سيلانجور عندك سانوي لاقون .. ممتاز خاصه للي رايحين شهر عسل


اكون معاك صريح انا ما رحت .. لكن رايح الشهر الجاي

و لي 6 شهور وانا اسال و ادور افضل الفنادق في كل منطقه

واللي ذكرته لك في البدايه هم الافضل تقريبآ

و مووفق باذن الله

[بوشاهين2]

تسلمون يا خواتي ( أناقه) و ( نورهان88) على المعلومات الطيبه فعلاً أستفدت وقاعد أشييك ع المواقع .. وبالنسبه ل أخوي qatar support أتروح وترجع بالسلامه بس ياليت أتراسلني ع الخاص أول ماتعوود من السفره وأتمنى لك إجازه سعيده.

[المرسى الأخير]

مثل ماقالوا لك الاخوان

موقع دليل ماليزيا فيه كل شي

وارخص من محلات السفر والسياحه

انا سافرت عن طريقهم وارتحت معاهم

ويجيبون لك اسعار حلوه

انت عليك تكتب لهم كم يوم تبغي اتم هناك وهم يسوون لك جدول سياحي رهيب

واتمني لك الاستمتاع والسلامه

[بوشاهين2]

تسلم يا .. المرسى الأخير

[اناقه]

مثل ماقالوا لك الاخوان

موقع دليل ماليزيا فيه كل شي

وارخص من محلات السفر والسياحه

انا سافرت عن طريقهم وارتحت معاهم

ويجيبون لك اسعار حلوه

انت عليك تكتب لهم كم يوم تبغي اتم هناك وهم يسوون لك جدول سياحي رهيب

واتمني لك الاستمتاع والسلامه

انا معاك اخوي في الترتيب ما عليهم كلام و لكن في الاسعار كل جهة تبي تربح اكيد

بس انا ارجح انك تحجز بروحك

انا عن نفسي و فرت يمكن 5000 ريال تقريبا :victory:

[عيش سفاري]

مرحبا الفندقين ابعاد عن بعض وممكن المبيت في صن واي لاقون ليلتين والعودة للماريوت في شارع العرب ومندرين حلو بعد
رحلة موفقة

[مهل]

السلام عليكم


طال عمرك صن واي لاغون مكانها برى العاصمه كوالا لمبور و ادري الشباب وضحولك هالشي بس هي من الاماكن الي لازم تزورها و السكن في فندقها روعه خصوصا اذا ماخذ شاليه سعره حول 2000 ريال فيه بركه داخليه و مكان قمه في الروعه و الخصوصيه العاليه و المنطقه اساسا جبل و فيه بحيده حولوها الى ملاهي مائيه .. بس اذا معاك عيال صغار مايسكنونك في الشاليه لانهم يعتبرون البركه خطر على الاطفال و يسكنونك في الفندق نفسه .

بالنسبه للسكن في كوالا لمبور ،، لاتدور غير فندق وستن تقريبا ملاصق للماريوت الي هو في شارع العرب نفسه و انا اقولك من تجربه ،، سكنت في الفندقين وستن و الماريوت .. وستن افضل و ارقى من الماريوت و فيه شقق ايضا ولكن كفندق رووووعه و نظيف . عليهم ريوق يجيب مش طبيعي :(

ابتعد عن ماليزيا في الصيف ان كنت ماتحب الزحمه

[بوشاهين2]

تسلمون على التوضيح وماقصرتوا يا (عيش سفاري) ويا (مهل)

[ريحة الورد 1]

ماريوت احسن شي يا أخوي جربه وفالك طيب

[عربسات]

اخوي خذ مني عن تجربه ناجحه 100%

اول يومين تقضيها في فندق صنواي لاجون لانها تستاهل غير الالعاب المائيه الحلوه فيها مدينة العاب وحديقه حيوانات وتقدرتاخذ تذكره واحده شامله

وبعدها تروح لاهم واحلى مكان جزيرة لنكاوي والي ما يروحها كأنه ماسافر ماليزيا انا قعدت فيها 3 ليال وتحسفت اني ما قعدت اكثر وحجزت في فندق الشيراتون

وخذيت مركب كبير (عباره) وانتقلت فيها لجزيرة بيننج وتكفيها 3 ليال وسكنت في فندق الماريديان الصراحه مش ذاك الزود

وبعدها تروح كوالالمبور لمدة 5 ايام وفندق الماريوت لا يعلى عليه في اول شارع العرب
ونصيحه اذا بتروح جينتنج لا تسكن فيها من كوالا اتفق مع اي تاكسي يوديك ويجيبك وتروحلها من الصبح المكان وايد يستاهل

وبالتوفيق يالغالي هذا الباكيج سويته من 4 سنيين لشهر العسل

[دمي قطري]

صج المااريووت عججيب سكنااة من قبل ومكاانة استرااتيجي وعندك بعد الريتز اسعاارة على 500 ريال

خلك في شاارع العررب ابرك لك كل شي فية من تكااسي ومطااعم عرربية ومجمعاات واسوااق الماركات

واسوااق رخيصة ودكااكين

وهنااك التكااسي يوودوونك كل مكاان لان كل مكاان ترفيهي في جهة ماافي امااكن تررفيهية جنب بعض

وسنووي لاقوون انصحك تسكن فية يوومين عشاان تتونسوون ماا يصلح اكثر من يوومين لانة بعيد عن وسط ا

المدينة

[بوخالد911]

صن ولا لاغون : بعيد نوما ما
حوالي 30 - 45د


الماريوت: بوسط ش العرب والمطاعم الخليجية والعربية والمحلات التجارية

مووفقين

[بنت الصقور]

احجز اول يومين بصن واي لاقون وبعدين المندرين

[خشوف]

هو بعيد عن شارع العرب في منطقه ثانيه اسمها ولاية سلينجور
سلا نجور على حدود العاصمة يعني تقريبا حدود 30 دقيقة او 20 تختلف بس قريبة جدا من السنتر افضل فندق الخيول الذهبية او صن واي لاقون اذا عنك اطفال وتبغى تلعبه طبعا الفندقين اسعارهم غالية شوي بس يستاهلون وافضل ان تكون في بداية الرحلة للاستراحة من عناء السفر ومن ثم اذهب لبيننغ اولنكاوي وفي الاخير اسكن بفنادق بالسنتر في كوالالمبور بشارع البوكيت مثل ( برجايا تايم سكوير او ويستن او ريجنت اورويال بينتغ والاخير اربع نجوم بس خدماتهم طيبة وسعره معقول وارخص من الي قبله)

تعتبر ولاية سيلانجور من أغنى الولايات فى ماليزيا وأكثرها تقدما ونموا ، كما تتميز بوجود معظم الأماكن السياحية ومدن الملاهى والألعاب على أراضيها ، كما أنها ولاية صناعية من الدرجة الأولى حيث تنتشر المصانع العالمية فى معظم أنحاء الولاية خصوصا منطقة بتالينج جايا ، ومن الأماكن الهامة فى الولاية هى منتجع صن واى لاجون مع مدينة الألعاب المائية والسوق التجارى الملحق وهو صن واى بيراميد ، ومدينة الملاهى الليلية ماينز وندر لاند مع فندق الخيول الذهبية الشهير ومنتجع ماينز وندر لاند وكذلك المركز التجارى الذى يخترقه نهر من البحيرة الصناعية ، كما يوجد بالولاية واحد من أكبر مساجد ماليزيا وهو مسجد السلطان صلاح الدين فى شاه علم عاصمة الولاية ، كما أن حديقة الحيوان والمعبد الهندى والفراشات المضيئة تقع ضمن حدود الولاية ، كذلك المركز الزراعى الماليزى بوكيت شايا سرى علم الشهير موجود فى الولاية ، كذلك يقع ميناء ماليزيا الرئيسى وهو ميناء كلانج وجزيرة موريب وكارى وأنداه وجزيرة كيتام كلها تقع ضمن الولاية ، كذلك المطار الدولى يقع ضمن أراضيها ، ويكاد لا يوجد فرق بين ولاية سيلانجور وولاية كوالالمبور ، فكود التليفون واحد للولايتين وهو 03 كما أن حدود سيلانجور تبعد عن كوالالمبور مسافة لا تتعدى 15 كم تقريبا وهذه الحدود موجودة فى الطريق الى منتجع صن واى لاجون حيث تلاحظ بوابة على فيدرال ها واى تذكر العابرين بأنه تم دخول ولاية سيلانجور عند تخطى هذه البوابة



معلومات منقوله للفائده

[بوشاهين2]

تسلمين وماقصرتي على التوضيح ..

[مبرمج QA]

عليك بالماريوت أو الريتز

[بوناصر 1]

السلام عليكم نصيحتي لك يابوشاهين بشارع العرب بالفنادق إلي فيها مجمع تجاري وألعاب أطفال أحسن لك وايد لأنك فاليل بتمشى في المجمع التجاري بس الحريم بتحول عيونهم بسبب الخصومات تصل حتى 70%في المحلات أنا العام رديت الدوحة باربع أشناط كبيرة وهذي السنة شكلها دبل هههههاي شنو نسوي هاي حريمنا وبخصصوص سيارات الأجرة لا تاخذه باليوم الكامل لأنه المكان إلي بتروحلة بتاخذ فيه فترة طويلة فوجودة مامنه فايدة لا تخاف سيارات الأجرة متوفرة بكثرة أخذه بالمشوار أحسن لك ومتواجديين في كل مكان وتحت الفندق موجوديين وخذ تاكسي ماليزي أحسن لك ونصيحتي لك أدخل موقع السياحة في ماليزيا وخذ فكرأكثر. وابشرك الأمور سهلات ( والله يوفقك في السفره وتستانسون وبتروح لها مره ثانية ) واااااايد حلوه آسيا الحقيقية

[بوشاهين2]

تسلم يابوناصر1 وكل يوم آخذ معلومه وفكره جديده حق ترتيب جدول الرحلة ..

[المتحدث الرسمي]

انصحك ياخوي بفندق مندرين اورينتال في العاصمه كوالا


وهو على مسافة 5 الى 10 دقايق مشي من شارع العرب

والفندق جديد و نظيف و فخم


وخدمتهم ممتازة

[بوناصر 1]

السلام عليكم ياجماعة الخير والله ماقصرتو مع بوشاهين وهذي شيمكم ياأهل قطر وبالتوفيق ياخوي بوشاهين

[التيما]

سن لاغون ما يسوى صراحة ومو ذاك الزود ابدا وانصدمت لمن رحت مو على ما سمعنا .. ترى هالفندق بس صيت ولا خدمة ونظافة وسياحة ضعيف .. على كلام الاخوان شارع العرب وايد ممتاز واحلى شي الريتز انا قعدت فيه اسبوعين والريتز داخل معاه مجمع راقي .. وكل المجمعات جنبه .. وعندك الماريوت بعد بس ماقعدت فيه صراحة

[بوناصر 1]

بالتوفيق إنشاء الله لجميع المسافرين

[we-r-sawa]

شوف هذا الموقع راح يفيدك ويعطيك عروض حلوة في ماليزيا
http://www.snl-manager.com/LetterView.aspx?V=1&LID=S1o8AsSa3qUpCryACRYmX35UMgxJNda2eGRjPSElBeV7MD uF2b5HgD5XTdTsDmgj

[بوشاهين2]

تسلمون ياشباب وماقصرتوا ..

[احساس غريب]

اخوي انصحك بفندق جي دبليو ماريوت خوش فندق وف شارع العرب ..