## متابعــــــات لبرنامج وطني الحبيب صباح الخيــــــر ##

[fhd4]

السلام عليكم ورحمة الله وبركاته ...

يطرح في برنامج وطني الحبيب صباح الخير أحيانا بعض القضايا المهمة التي تهم الكثيرين ...

لكن للاسف نظراً لطبيعة عملي والكثيرين غيري ... لا نستطيع متابعة جميع الحلقات ... (وأحيانا في أحسن الأحوال ... حلقة واحدة في الاسبوع .. وحتى مب كاملة :weeping:)

فمثلا نستمع لمشكلة معينة ... ولكن الرد من الجهات المعنية يكون في يوم ثاني ...

والعكس صحيح ... أحيانا تسمع الرد بس ما تعرف القصة أو المشكلة ...

وأحيانا يكون فيه موضوع معين له تبعات وأخذ و رد لعدة ايام وما تقدر تلحق على التفاصيل ...


فالصراحة جات في بالي فكرة ...

منتدى الأسهم القطرية ... ما شاء الله الأعضاء كثر ... فعلى الأقل لازم تحصل مجموعة سمعوا حلقة اليوم مثلا ... فيقدرون يوافونا بتفاصيل أهم مواضيع الحلقة ...

وبعد كذا يوم إذا جاء الرد من الجهات المختصة ... يكون مجموعة ثانية من الأعضاء سمعوا الرد ويحطونه لنا في هذا الموضوع ...

وبكذا تكون عندنا التفاصيل كاملة عن أهم المواضيع المطروحة في برنامج وطني الحبيب صباح الخير ...


أبتدي مثلا بالمشكلة اللي سمعتها اليوم ...

عن الطالب القطري المبتعث من طيران القطرية إلى أسبانيا ... والذي أنهوا خدماته وأوقفوا دراسته بدون أي سبب هو و3 طلاب آخرين ... فقط لأنه كان طالب مجتهد وحاصل على درجات عالية ... والمسؤول كان قطري ...

طبعا هذا كلام أمه ... يعني من جهة وحدة ...


خاطري أسمع رد القطرية على هذا الموضوع ...




أتمنى تفاعل باقي الأعضاء مع هذا الموضوع ....

[ملاك]

بالفعل انا سمعت الموضوع اليوم وتأثرت وايد بكلام ام الطالب بس في النهايه ما نقدر نسمع من طرف واحد وان شالله يوم الاحد يردون ع الموضوع

[ملاك]

نسيت اقولك ان الفكره عجبتني واتمنى يكون في هناك تفاعل من الاعضاء

يعطيك العافيه

[بوخالد911]

المشكلة ان القطرية ما ترررد ع الشكاوى


بحكم اني مستمع دائم لوطني الحبيب

خبرر خير الحبايب

أم يا ترى لا يفقهون العربية !!!

لستُ أدري

!!@@!!

[نورهان88]

متاببببببببببببببببببببببببع

[مخاوي الشيبة]

السلام عليكم ورحمه الله وبركاته

بنسبه الى توقيف الطلاب الثلاثه وبعثاتهم ماوقفوهم الا لسبب وسبب اكيد واضح من عندهم والله يعلم وش ذا السبب

ووطني الحبيب صباح الخير

اذا لكم خاطر تسمعون الحلقات اللي طافت اكتبو في قوقل وطني الحبيب صباح الخير قطر وادخلو الموقع واسمعو الحلقات الطايفه اذا لكم خاطر

وشكرا

[البسمة العذبه]

المؤسف انه مافي جهة رسمية تدعم برنامج وطني الحبيب

والمفروض يلزمون كل القطاعات سواء الحكومية والخاصة بالرد على كل الشكاوي

لان اكثر من جهة مطنشة للبرنامج

صارلنا اكثر من شهر نسمع المذيعين يناشدون مصرف قطر المركزي و الخطوط الجوية القطرية

وعمك اصمخ :nice:

[fhd4]

بالفعل انا سمعت الموضوع اليوم وتأثرت وايد بكلام ام الطالب بس في النهايه ما نقدر نسمع من طرف واحد وان شالله يوم الاحد يردون ع الموضوع


متاببببببببببببببببببببببببع

أشكر مروركم وتفاعلكم ... يعطيكم العافية ...

[fhd4]

المشكلة ان القطرية ما ترررد ع الشكاوى


بحكم اني مستمع دائم لوطني الحبيب

خبرر خير الحبايب

أم يا ترى لا يفقهون العربية !!!

لستُ أدري

!!@@!!



كلامك صحيح ...

الظاهر ما يهمهم أحد ... والزعلان يضرب راسه بأقرب جناح طيارة ...

[basma222]

تفضلواااا

http://www.qatarradio.net/body.html

[fhd4]

السلام عليكم ورحمه الله وبركاته

بنسبه الى توقيف الطلاب الثلاثه وبعثاتهم ماوقفوهم الا لسبب وسبب اكيد واضح من عندهم والله يعلم وش ذا السبب

ووطني الحبيب صباح الخير

اذا لكم خاطر تسمعون الحلقات اللي طافت اكتبو في قوقل وطني الحبيب صباح الخير قطر وادخلو الموقع واسمعو الحلقات الطايفه اذا لكم خاطر

وشكرا

كلامك صحيح ... كل الحلقات موجودة ... لكن المشكلة الواحد ما عنده وقت يسمع الحلقات ...

أشكرك على مرورك الطيب ...

[الوثيقة]

اقترح ان يتم طرح المشكلة باللغة الاسيوية علشان يفهمون ويردون عليناا :nice:

[بوخالد911]

اقترح ان يتم طرح المشكلة باللغة الاسيوية علشان يفهمون ويردون عليناا :nice:

:eek5::eek5::eek5:
حدد بليييز

:secret::secret::secret:

[فتى الجود]

فكرتك جميلة ومهمة وانا من المؤيدين

لكن بالنسبة للمواضيع اللى تمس القطرية

انسى ماراح يجيك رد

في سنة 2006
قالت الله يذكرها بالخير المذيعه الدكتوره (( الهام بدر)) :
(( خطاباً موجه الى الخطوط القطرية ))
يالقطرية عندنا استفسارات لهااكثر من سنتين
اذا تريدون الشكاوى مسجله على أشرطة كاسيت
ممكن يالقطرية نزودكم بها
وذكرت اللهام بدر انه اهي متأكده ان القطرية لاترد ولن ترد .
هذا الكلام من اكثر من 5 سنين
وفعلاً كلامها صحيح

عمركم سمعتوا رد من القطرية
سواءً عن شنط ظاعت
او اسعار التذاكر اللى ارتفعت
وامور كثيره


الله المستعان

[أين الحل ؟]

يا زين الطيران الأروبي بس قول أي وشوف الرد والعناية من قبلهم فعلا شركات محترمه وتقدر مستخدمينها .

[فــهــ قطر ــد]

فكرة مميزة

نتمنى التفاعل من الاعضاء

وبالنسبة للخطوط الجوية القطرية يامــا سمعنا شكاوي كثيرة وفالنهايه مافي رد

الله يعين الطلاب ^^

[observer]

ياجماعة الخير شرايكم في برنامج ستوديو1 ابوظبي ؟

واللة قمت اسمعة في الفترة الاخيرة احس في تفاعل من الجهات الرسمية وفزعة للمواطن والمقيم في خلال ساعات تنحل المشكلة .

سبحان اللة خدمات سريعة وجليلة

اللة يرحم زايد الخير

[hamad1990]

شركه ماسكها واحد الله يسامحه ..

ثلاث ارباع الموظفين هنوووووود مع انها من اكبر شركات العالم واسمها القطريه ...

للاسف مافي اي تفاااعل من القطريه هالشركه اللي تحاااااارب القطريين ...

والظاهر سياستهم عاجبك زين مب عاجبك .. اضرب راسك ف اقرب جناااح طياااره ...

والله يسااامح من كان السبب بس ..

[(الكبيسي)]

انا اليوم قاعد مع طيار قطري

هو اللي كان مشرف على هالموضوع

وقال لي ان ام واحد فيهم اتصلت له وكلمته

وفهمها اسباب الفصل

واللي هي انهم ارسبو فالاختبارات 3 مرات مادري مرتين مب متأكد

وقال حق المره اللي اتصلت له

ترضين ولدج يركب مع طيار مايعرف يطير وراسب في اختبارات الطيران

قالت له لا قال لها حتى الناس ماترضى على عيالها وانفسها انهم يركبون مع ناس راسبين ومب قادرين على هالمهنه

[فــهــ قطر ــد]

للرفع ...

[simsim1963]

انا اليوم قاعد مع طيار قطري

هو اللي كان مشرف على هالموضوع

وقال لي ان ام واحد فيهم اتصلت له وكلمته

وفهمها اسباب الفصل

واللي هي انهم ارسبو فالاختبارات 3 مرات مادري مرتين مب متأكد

وقال حق المره اللي اتصلت له

ترضين ولدج يركب مع طيار مايعرف يطير وراسب في اختبارات الطيران

قالت له لا قال لها حتى الناس ماترضى على عيالها وانفسها انهم يركبون مع ناس راسبين ومب قادرين على هالمهنه

كلام سليم :nice:

[Doha Sun]

معاكم قلبا وقالبا وdoha sun من المتابعات للبرنامج ..
اما بخصوص القطرية مافي رد منهم الله يرحم ايام عبدالله المانع (بوفهد ) كانت فيه ردود اما اللحين انسو
وللاسف القطرية صارت لغير القطريين