المساعد الشخصي الرقمي

مشاهدة النسخة كاملة : سؤال لأهل الخبرة والتجربة مع upvc



الاسكافي
05-05-2011, 03:41 PM
سلام يا شباب

حقيقة انا في حيرة بشبابيك البيت بين الالمونيوم وال يو بي في سي .. ومعظم الاراء تميل لاستخدام اليو بي في سي لجماله وعزله .. والامور طيبه
وتوكلت على الله افتريت شركات ال بي في سي واجمع في الكوتيشنات
وانصدمت من الارقام اللي عطوني اغلبها فوق ال 100 الف طبعا هذا السعر للالماني والبلجيكي واللون الماهوجني

سؤالي : ايش الفرق في القطاع والصناعة بين الالماني ولتركي مع ان فرق السعر قريب ال 20 الف
وهل تنصحون بالتركي واي الشركات تفضلون التعامل معها

ومشكورين على النصيحة مقدما

فتى الجود
05-05-2011, 07:21 PM
السلام عليكم

100 الف

اكيد عندك مساحات الشبابيك كبيرة

الفيلا العادية تكلف 46 الف ومحاولها

عموماً انا استخدمت الاملاني واشوفه ناجح
خصوصاً انى الفترة الللى راحت كان الغبار قوى واذا تبي لنصيحة سوى عند شركة

قطر لليوبي في سي اللى مشاهد المجموعه بطريق سلوى قبل دوار قطر للديكور

Chambray
06-05-2011, 12:42 AM
اكيد الي خيرك بين التركي والالماني هو ( الاختيار الالماني ) :)

naklan
06-05-2011, 01:34 AM
وعليكم السلام والرحمة هلا اخوي الاسكافي

اخوي الفرق بين الالمونيم و upvc كبير ولصالح upvc
منتج 5 نجوم في الشكل والعزل والفخامه وابتعد من المهوقني لقصر الضمان على اللون
وخذ ابيض هو الون الاصلي وما يتغير عكس المهوقني ضمانه قصير وغير معروف
كم يعمر التلبيس الي عليه الي قد يتقشر بعد 5 او 10 سنوات ؟؟؟؟؟؟؟؟

اخوي للتوفير لا تركب البيت كله upvc ركب للفله فقط والملاحق المنيوم ارخص لك
يعني باب للخارج استور ملاصق باب سطح يمشي الالمنيوم والباقي upvc
وبينزل عنك السعر شوي ,,

اخوي انا تعاقدت على upvc مع الاختيار الالماني والتركيب هالاسبوع عندهم
upvc الماني القاطع اعتقد 6.7 ثقيل واغلى من الالماني الي القاطع 5 فقط
وخذت مهوقني مع ان ما عليه ضمان طويل وغالي متره مع دبل قلاص
زجاج بلجيكي في حدود 900 ريال بس اخترته لاقتناعي انه الافضل

upvc يختلف السعر باختلاف المواصفات ينزل السعر اذا الزجاج صيني
واذا صغر القاطع وقل الوزن واذا upvc تركي واذا كانت الاكسسوارات
تركيه او صينيه قد يبتدي السعر من 550 ريال للمتر

ويكون غالي السعر اذا كان الماني واكسسوارات المانيه والقاطع ثقيل نفس مثلاً الي
انا اخترته قاطع 6.7 والزجاج بلجيكي والون المهوقني اغلى من الابيض وقس على هذا

تحياتي اخي الكريم

اخوك/naklan

naklan
06-05-2011, 11:06 AM
عفواً حدث خطا في سمك upvc للنوع الافضل منه
لذالك وجب التصحيح للمعلومه

والسمك هو 7.6 والنوع اسمه
( salamander )

الاسكافي
06-05-2011, 02:30 PM
وعليكم السلام والرحمة هلا اخوي الاسكافي

اخوي الفرق بين الالمونيم و upvc كبير ولصالح upvc
منتج 5 نجوم في الشكل والعزل والفخامه وابتعد من المهوقني لقصر الضمان على اللون
وخذ ابيض هو الون الاصلي وما يتغير عكس المهوقني ضمانه قصير وغير معروف
كم يعمر التلبيس الي عليه الي قد يتقشر بعد 5 او 10 سنوات ؟؟؟؟؟؟؟؟

اخوي للتوفير لا تركب البيت كله upvc ركب للفله فقط والملاحق المنيوم ارخص لك
يعني باب للخارج استور ملاصق باب سطح يمشي الالمنيوم والباقي upvc
وبينزل عنك السعر شوي ,,

اخوي انا تعاقدت على upvc مع الاختيار الالماني والتركيب هالاسبوع عندهم
upvc الماني القاطع اعتقد 6.7 ثقيل واغلى من الالماني الي القاطع 5 فقط
وخذت مهوقني مع ان ما عليه ضمان طويل وغالي متره مع دبل قلاص
زجاج بلجيكي في حدود 900 ريال بس اخترته لاقتناعي انه الافضل

upvc يختلف السعر باختلاف المواصفات ينزل السعر اذا الزجاج صيني
واذا صغر القاطع وقل الوزن واذا upvc تركي واذا كانت الاكسسوارات
تركيه او صينيه قد يبتدي السعر من 550 ريال للمتر

ويكون غالي السعر اذا كان الماني واكسسوارات المانيه والقاطع ثقيل نفس مثلاً الي
انا اخترته قاطع 6.7 والزجاج بلجيكي والون المهوقني اغلى من الابيض وقس على هذا

تحياتي اخي الكريم

اخوك/naklan



تسلم اخوي على ردك الطيب والدقيق وكثر الله من امثالك
معنى كلامك ابتعد عن التركي واروح مع الالماني والزجاج البلجيكي واللون الابيض
لان معظم الشركات تقدم الخيار الارخص التركي وبسمك قطاع 6 سم والاكسسوار الماني
على فكرة في شركة اسمها معماري قطر تقدم ال بي في سي التركي باسعار منافسة بس ما اعرف كيف تعاملها

السد
06-05-2011, 03:09 PM
فقط اخوي اذهب لشركة
قطر يو بي في سي
مكانهم طريق سلوى قبل مطعم البيت الشامي
شغل محترم 100 %

naklan
06-05-2011, 03:41 PM
تسلم اخوي على ردك الطيب والدقيق وكثر الله من امثالك
معنى كلامك ابتعد عن التركي واروح مع الالماني والزجاج البلجيكي واللون الابيض
لان معظم الشركات تقدم الخيار الارخص التركي وبسمك قطاع 6 سم والاكسسوار الماني
على فكرة في شركة اسمها معماري قطر تقدم ال بي في سي التركي باسعار منافسة بس ما اعرف كيف تعاملها


الله يسلمك اخوي الاسكافي وبارك الله فيك
اخوي انت ابحث عن الجوده واترك عنك الرخيص
يوفر معك في طول عمر النوافذ الالماني السميك 7.6 والنوع اسمه
( salamander ) هو الافضل وبعده الالماني القاطع 6 سنتي
وبعدهم التركي وفي الاكسسوارات الالمانيه هي الافضل
وبعدها التركي واخرها الصيني الزجاج البلجيكي الاول وبعده
الاوربي والالماني واخرهم الصيني اذا تبي توفر
قد توفر في الزجاج او تركب upvc الالماني الاقل سمكاً
ولكن لا تتساوى الدرجات الاول اكيد غير عن الثاني
وغير عن الاخير وانت صاحب المسكن ولك
الخيار والقرار موفق باذن الله

اخوك/naklan
:)

حياة
06-05-2011, 11:17 PM
قطر يوبي في سي مسوين البيت كامل والملاحق واخصموا لنا
وهم من اول الشركات اللي فتحت في قطر
واللون اللي اخترناه ابيض

r07
07-05-2011, 02:18 AM
سلام يا شباب

حقيقة انا في حيرة بشبابيك البيت بين الالمونيوم وال يو بي في سي .. ومعظم الاراء تميل لاستخدام اليو بي في سي لجماله وعزله .. والامور طيبه
وتوكلت على الله افتريت شركات ال بي في سي واجمع في الكوتيشنات
وانصدمت من الارقام اللي عطوني اغلبها فوق ال 100 الف طبعا هذا السعر للالماني والبلجيكي واللون الماهوجني

سؤالي : ايش الفرق في القطاع والصناعة بين الالماني ولتركي مع ان فرق السعر قريب ال 20 الف
وهل تنصحون بالتركي واي الشركات تفضلون التعامل معها

ومشكورين على النصيحة مقدما
اخوي انا مثلك كنت في حيرة المنيوم او يوبي في سي...وقعدت ابحث عنهم في النت....المواقع العربيه كلها كلام عام وتحس ان كل واحد يروج لبضاعته...فدورت في المواقع الاجنبيه..اللي عرفته انه صج البي في سي افضل كعازل للحراره ولكنه يتأثر بالحراره والاشعه فوق البنفسجيه ويتغير لونه من البني الى الابيض وهذا يفسر لك قصر مدة الضمان عليه وبعدين حياة البيفسي الافتراضيه 25 سنه وبعدين هو غير قابل لاعادة التدوير ومصيره المحرقه مما ينتج عنه غازات سامه واذا اخترب فريم الدريشه لاي سبب فلا يمكن تصليحه.
اما بالنسبه لل المنيوم فهو موصل للحراره ويمكن التغلب على هالشيء بوضع ثيرمال بريك ولكن هالشيء ممكن يرفع السعر للضعف يعني فوق الالف ريال للمترحسب ما قال لي مدير احد شركات الالمنيوم..وبالنسبه للغبار فالاحسن الواحد يركب الدرايش اللي لها ابواب مب سحاب عشان يمنع الغبار..بعدين الالمنيوم قابل للتدوير والتصليح اذا اخترب..واهم شي انه حياته الافتراضيه اكثر من اربعين سنه وبعضهم يوصلها للستين واغلب البيوت في اليابان تستخدم شبابيك الالمنيوم لأنها تعيش اكثر.

http://www.cibse.org/pdfs/Masif.pdf
هذا الموقع لقيت فيه مقارنه بين الالمنيوم والبيفيسي والخشب الملبس المنيوم والخشب فقط...للي يحب يطلع عليه....

انا بالنسبه لي اتخذت قرار اني باحط المنيوم دبل جليز عشان عزله للحراره احسن من السنجل وبعدين ما يكون سحاب يكون له باب يتسكرعشان يعزل الغبار ويكون عاكس اكيد عشان يخفف من الحراره بعد..وبعدين لانه يعيش اطول ولانه ممكن اعادة تدويره فما ما راح يضر البيئه مثل البيفيسي..
هذا اللي عندي وان شاء الله تستفيدون ومابغي منكم الا الدعاء.