مقابلة في مشيرب العقارية مع هندي [الأرشيف] - منتديات شبكة الأسهم القطرية

مشاهدة النسخة كاملة : مقابلة في مشيرب العقارية مع هندي

المحقق كونان

05-05-2011, 10:47 PM

السلام عليكم و رحمة الله و بركاتة

بما اني مواطن خريج و عاطل عن العمل رحت اقدم على كذى جهة في المعرض المهني 2011

و جاني اتصال من شركة مشيرب العقارية ( دوحة لاند سابقا ً )

و حددو لي موعد للمقابلة

و رحت للبرج .. و ياليتني مارحت

حصلت فلبينيه في الاستقبال :rolleyes2: قلت لها عندي مقابلة و قالت لي اقعد

و كنت اتلفت ادور حد لابس ثوب و غترة بس ماحصلت

و جاني التي بوي و جاب لي قهوة .. و بعدين قالو لي ادخل على القاعه

و يوم دخلت حصلت هندي و لبناني ماسكين اوراقي

الاخ الهندي مدير التوظيف و اللبناني مدير مادري شنو

و صكوني بالاسئلة :weeping: و عقب قالو مشكور و بنرد عليك

و طلعت من البرج و شفت هندية راكبه اكس 6 و كانت بتدعمني

و اليوم وصلني ايميل اعتذار من الاخ الهندي

يقول مافي شواغر

:weeping:

مالت على المعرض

مخطط قطري

05-05-2011, 10:51 PM

عندنا وعندك خير بس ماتدري ياخوي يمكنها خيرة ويجيك شي افضل وبعدين اغلب الشركات الي رواتبها خياليه وكل المميزات عندهم من تامين صحي وتعليمي وتذاكر سفر وخلافه نادر ماتحصل قطري فيها
مادري شسبب بالضبط يليتني اعرف واغلب هل قطر في الوظايف الداقه والي رواتبها ضعيفه وهبابها تكفيه لين اخر الشهر مع انهم ماقصرو اكثرهم جامعيين وشهادتهم مطلوبه ف سوق العمل يليت اقدر احل لغز هالمعادله الصعبه:)

بويوسف

05-05-2011, 11:32 PM

كبريت

05-05-2011, 11:37 PM

ارقي سنود ياقطر

ANONYMOUS

05-05-2011, 11:44 PM

طالما مافي شواغر ليش قابلوك من الاساس

احتمال انت طلبت تصير مدير

فكان الرد مافي مكان مدير شاغر

عيون الدوحة

06-05-2011, 12:27 AM

تصدق من العنوان علا بالي أنت الي مقابل الهندي

STAR

06-05-2011, 12:37 AM

آآآه ياقطر...

آلملآزم

06-05-2011, 01:18 AM

يمكن بعد كم سنه الهنود اللي يبون يتوظفون في بلدانهم يقابلونهم مدراء قطريين يشتغلون فالهند لانه مافي شواغر في قطر
وبالتوفيق أخوي والله يكتب لك اللي فيه خير وصالح

الخزرجي قطر

06-05-2011, 01:29 AM

الله يوفقك ويفتحها عليك من اوسع ابوابه ان شاالله
يمكن حسوا انك بتاخذ مكان حد فيهم

مـــفاهــيم

06-05-2011, 01:34 AM

لاخـاب ظنـي بالرفيـق الموالـي .... مالي مشاريه علـى نايـد النـاس

لعـل قصـر مـا يجيلـه ظـلالـي.... ينهد مـن عـال مبانيـه للسـاس

لاصار مـا هـو مدهـل للرجالـي .... وملجا لمن هو يشكي الضيم والباس

Realistic

06-05-2011, 02:25 AM

هممم انا سويت 3 مقابلات مع دوحة لاند ..
وفي الثلاث مقابلات كانوا الي يسوون لي المقابله قطريين ..

ونفس حالتك .. بعد المقابلات قالوا لي مافي شواغر .. :nice:

االشامخ

06-05-2011, 02:40 AM

الله ايوفقك اخوي راحو هل قطر

حيهور

06-05-2011, 02:47 AM

قهرتني ياخي ياريتني ماقريت موضوعك

المفروظ تبهدله وتخاطب الي اعلى منه سبب الرفض الغبي اذا ماكو شاغر ليش يقابل!!!!

كحيلان قطر

06-05-2011, 05:59 AM

ماأقول إلاّ الحمد لله
قهر التقاعد ولا مذلة توسل الوظيفه ؟؟

أقول بس ,,, فوق أصعدي فوق أصدي

R 7 A L

06-05-2011, 09:10 AM

عليك بازعاج الاخوة في ادارة العمل
كل يوم قم الساعة 8 وافطر في اي مطعم واهجم عليهم وخل دمك بارد وضيق عليهم

صدقني مايجي اسبوع الا وانت موظف

نتفـه

06-05-2011, 09:23 AM

الله كريم بس ,,

نورهان88

06-05-2011, 10:04 AM

إن الله مع الصابرين .... والله يوفك أخوي بعمل أفضل منه

qatarlands

06-05-2011, 10:23 AM

عادي ياجماعه ماشفتوا شي
اذا شي بسيط من الاي حاصل

هام السحاب

06-05-2011, 10:38 AM

ويقولون مافي بطاله
ههههههههههههههههههاااااي
فوق اصعدي فوق اصعدي

إعلامي قطر

06-05-2011, 10:56 AM

خطوة جيدة ان الهندي قابلك لأني اعرف الكثير من المهندسين الذين قدموا في تلك الشركة العقارية ولم يرد عليهم احد ابدا :)

وبعدين الهندي واللبناني يقابلك من باب الواجب فقط عشان يقول كاني قابلت قطريين .. ولن يعين الا هندي مثله ..

إذا الهندي لن يعين إلا هندي مثله ؟

إذن ليش القطري لا يعين إلا أجنبي ؟

ليش دايماً خيرنا للغريب ؟

سؤال موجه لكافة مدراء القطاع الخاص لدينا
خصوصاً قطاع البترول والغاز إللي جهاتهم
ممكن تستوعب الشعب القطري بالكامل ؟

مع الأخذ بعين الاعتبار تغريدهم المتكرر فيما يتعلق
"بكذبة التقطير" أكبر كذبة بتاريخ قطر الحديث والمعاصر ؟

..

vipqtr

06-05-2011, 11:06 AM

لاحول ولا قوة الا بالله
وين التقطير والاولوية للمواطنيين!!!!!!!!
اتمنى لك التوفيق وتصير بدرجة مدير من اول ماتتوظف بعد ..

simsim1963

06-05-2011, 11:29 AM

لابد من فهم قانون من قوانين الطبيعه . (ان الموظف القطري يشكل خطوره على وظيفه الاجنبي مهما طال الزمن او قصر ) لا تثق في الاجنبي لأنه بالأول والأخير اتى لقطر ليتكسب ويوفر قدر ما امكن والرجوع لبلاده أذن سوف يقاوم اي محاوله للتقطير بحجه ان القطري غير كفئ وسوف يقاتل بجميع قوته للدفاع عن وظيفته أو [/COLOR[COLOR="Red"]](الدجاجه التي تبيض ذهبا)

koketa

06-05-2011, 02:17 PM

انت شنو تخصصك اخوي ؟

intesar

06-05-2011, 02:36 PM

الى كل من يهمه الأمر
التقطير. التقطير. التقطير
لبناني مدير .. الله أكبر .. اكشفوا على حسابه في البنوك ..
وهندي مديرجيه الزمن اللي يكون فيه القطري شغال عند هندي .. الله أكبر .. مو قصدي تفرقة ولا عنصرية .. بس فعلا انقلبت الموازين .. يعني اللبناني في بلاده بياع .. وفي بلادنا مدير ليش .. شنهو الامتيازات كلام معسول .. والهندي لو كان فيه خير في بلاده ما جيه عندنا ..
حسبي الله ونعم الوكيل .. حتى لو كانوا كفاءات. .. القطري قلبه على البلد والاجنبي قلبه على الفلوس
ودمتم بود ..*

بـن عدوان

06-05-2011, 03:03 PM

الله كــريـــم

qatari1

06-05-2011, 03:32 PM

باختصار: في مثل هذه الجهات التوظيف بواسطة.

بومحمد911

06-05-2011, 04:08 PM

عنزة الفريج ما تحب الا التيس الغريب

فتى الجود

06-05-2011, 07:38 PM

عليك بازعاج الاخوة في ادارة العمل
كل يوم قم الساعة 8 وافطر في اي مطعم واهجم عليهم وخل دمك بارد وضيق عليهم

صدقني مايجي اسبوع الا وانت موظف

والله موضوع الاجانب والوظايف يجيب المرض وضايع كثرة الحكي فيه
المهم اخوى

وكلامك صحيح اخوى / r 7 a l

واخوى راعى الموضوع - خل عنك الاماكن هذي وخلك مع الحكومي احسن لك

علشان تروح سيده على جهة الاختصاص
روح

المكان :
وزارة العمل
ببرج برزان - عند اشارات نادي قطر
بالدور الارضي للبرج
ادارة القوى العاملة - قسم التوظيف
عند مديرهم / يوسف السعدي.

وهم هناك يشوفون الاماكن الشاغره بالبلاد
بس يبيلهم متابعه مثل ماقالك اخونا /R 7 A L
يعنى تقعد لهم قعده

khaldoon

06-05-2011, 08:22 PM

اخي العزيز....لقيت هندي و لبناني ....بتعتقد بتتوظف؟؟!!....مع احترامي للجنسيتين بس اللبناني ما يعين الا لبناني و الهندي ما يعين الا هندي

هم لما يقولون لك ما في شواغر يكذبون و يعتبرونه اعتذار مهذب من طرفهم

زين انهم ردوا عليك وما قالوك البروفايل مالك ما يناسب الوظايف اللي عندنا

Muslim Investor

06-05-2011, 09:53 PM

أنت لو سمعت اشلون مدير مشيرب العقارية (القطري) يتكلم عن التقطير، جان أصلا ما رحت المقابلة لما اتصلوا فيك

بوخالد911

07-05-2011, 12:03 AM

شي يحزز بالقلب والله

والشرهة ع اللي حط الهندي والاجنبي بهالوظيفة الحساسة

ورقة غار

07-05-2011, 12:17 AM

آآآآآآآآآآآآخ يالقهر .... فعلا قطر لغير القطريين

المحقق كونان

07-05-2011, 08:45 PM

مشكوورين يا جماعة على الردود و التعليق

قسم بالله ..انا لو كنت ادري ان المقابلة بتكون مع الهندي و اللبناني كان مارحت

لكن قدر الله و ما شاء فعل

المهم رديت على الايميل برد محترم للشركة

اما بخصوص وزارة العمل فأنا معاهم من شهر 1 ولا منهم فايدة في اول شهرين كانو اوووكي و يتواصلون معاي و عقبها انقطعووو

هرمنا ..... هرمنا :weeping:

المحقق كونان

07-05-2011, 08:46 PM

http://www9.0zz0.com/2011/04/11/17/991641761.jpg

انا مواطن بطالي

غير البشر

07-05-2011, 08:53 PM

ايزو

07-05-2011, 10:12 PM

يمكن ترجمة التقطير مش مفهومة عند الاجانب يظنون انه التوظيف بالقطارة......

دلة الرسلان

07-05-2011, 10:23 PM

طبعا ما نلوم الهندي او اللبناني اللي حصل فرصة عمل وبيستميتون من اجل الحفاظ عليها

اللوم على اللي عينهم .

غير البشر

07-05-2011, 10:26 PM

طبعا ما نلوم الهندي او اللبناني اللي حصل فرصة عمل وبيستميتون من اجل الحفاظ عليها

اللوم على اللي عينهم .

من زمان اقول :nice:

محمد الجفيري

07-05-2011, 10:37 PM

المحقق كونان

07-05-2011, 10:38 PM

dear ,

thank you for the time you spent with msheireb properties management.
After careful deliberation about your potential contribution to the company, we would like to inform you of our inability to shortlist you on this occasion. However, we would like to keep your details on file.
Should any suitable vacancy arise we will contact you again.

We do advertise a number of current vacancies on dl website. Please feel free to check these vacancies, which are regularly updated, and to apply directly to any positions you feel suit your profile.
Thank you once again for the interest expressed in our company.
We wish you a successful career.

Kind regards,
msheireb properties recruitment
هذا اقتباس من ايميل شركة مشيرب العقارية ... دوحة لاند سابقا ً

المحقق كونان

07-05-2011, 10:43 PM

اخوي على الله الرزق .

يعني لازم الهندي يشتغل فراش ومساح وينظف شوارع ويغسل سيارات

حرام نتفاجئ ان في هندي مدير .

اخوي الارزاق على الله .

وخلي عندك يقين انه الله اختار لك الافضل .

الله يوفقك يا رب . ويرزقك الشغل والوظيفه الزينه اقرب وقت .
.

وليش يحطونه مدير التوظيف .. يعني مافي قطري يشغل هالمنصب ؟؟

و للعلم ان الشركة تابعة لمؤسسة قطر للتربية و العلوم و تنمية المجتمع

و الله يوفق الجميع

qatari1

08-05-2011, 12:24 AM

وليش يحطونه مدير التوظيف .. يعني مافي قطري يشغل هالمنصب ؟؟

و للعلم ان الشركة تابعة لمؤسسة قطر للتربية و العلوم و تنمية المجتمع
و الله يوفق الجميع

هي بالأصح joint venture!

مشتاقة لقطر

08-05-2011, 08:35 AM

كل شي جايز

عش رجباترى عجبا

والله يكتب لك الوظيفة الزينةيارب

إعلامي قطر

08-05-2011, 08:59 AM

http://www9.0zz0.com/2011/04/11/17/991641761.jpg

انا مواطن بطالي

ياجماعه العطيه بمنصبه الحالي للأسف قاعد يوصل صوره مغلوطه لكبار المسؤولين
بالدوله وعلى رأسهم سمو الأمير وسمو ولي العهد..

كيف يقول هذا الكلام وللأسف دائماً يروج
لأكبر كذبه بتاريخ قطر الحديث والمعاصر وهي:

"كذبة التقطير بالقطاع الخاص"

وكيف يقول سياستنا الرجل المناسب بالمكان المناسب وهو من ساهم بإقصاء
فيصل السويدي مدير عام قطر غاز مدري راس غاز من مكانه وللأسف
وصل عنه صوره خطأ لكبار المسؤولين بالبلد وحرمنا من كفاءه
قياديه تتمناها دول المنطقه !!

وبالنسبة للتقطير إللي فيكم يعرف ناس بالإج آر بشركات القطاع الخاص راح يعرف
إن الداخل من قطريين لهذا القطاع أقل بأضعاف من الخارج من هذا القطاع !!

السنه الماضيه بأحد شركات الغاز 3 قطريين توظفوا مقابل 15 واحد تقريباً طلعوا !!

هذي أمانه على كل مدير وصاحب صلاحيات بالتوظيف أدوا الأمانه يا ناس وأفزعوا
لأهل قطر وخلكم شوكه في بلعوم كل قطري يحاول يوظف أجانب على حساب القطريين !!

لين متى بنحط روسنا بالتراب وكأن الواحد مايشوف هالمهازل وعلى قولة غانم السليطي:
بسنا خرابيط !!

حتى لو توصلون الموضوع لأمن الدوله بمعرفتكم وهم ماراح يقصرون خصوصاً
إن فيه مسؤولين كثار بالتوظيف يغيروا مسميات الأجانب عشان يضمنون إن
أوراقهم تعدي على أمن الدوله وذولا من وجهة نظر متواضعه "خانوا الأمانه"

..

ام السعف

08-05-2011, 09:40 AM

عليك بازعاج الاخوة في ادارة العمل
كل يوم قم الساعة 8 وافطر في اي مطعم واهجم عليهم وخل دمك بارد وضيق عليهم

صدقني مايجي اسبوع الا وانت موظف

اقتراح ممتاز ،، وبالمرة خذ لك لوحة اعلانية واكتب عليها
قطري عاطل عن العمل ورص مؤهلاتك :(

دمي حمر

08-05-2011, 12:39 PM

انا مالي مشاركات وايد بس احب اجيك على الوضع كل يوم:)
وهالموضوع صج بط جبدي لان نفس قصتي تقريبا
قدمت فالمعرض المهني وطبعا اطلبوني مقابله في qfc بعد 3ايام من المعرض
جان استانس واركض لهم ودخلت تحت الرسبشن كله بوفلبن
قلنا عادي جان اروح فوق الرسبشن اللي فوق شاميات
قالوا لي استريحي استرحنا والله وانا قاعدة كل الموظفين اجانب ولا قطري
بس للامانة لله جفت قطريه سالتها شسالفه قالت لي هالمبنى بكبره مافي الا 5 موظفات قطريات
شوي الا نادوني دشيت المقابله صدمة حياتي لبنانية مديرة الاتش ار ورفيجتها انجليزية
وطبعا لما خلصت قالو بنرد عليج وطبعا هذا ويه الضيف

اخ بس اخ صج من قال قطر مب للقطريين

بوحارب

08-05-2011, 01:20 PM

الله المستعان

بوحارب

08-05-2011, 01:21 PM

اقتراح ممتاز ،، وبالمرة خذ لك لوحة اعلانية واكتب عليها
قطري عاطل عن العمل ورص مؤهلاتك :(

ترى الأخ يدور على وظيفة ما يبي يسوي مظاهرات ههههههههه

قناص الخليج

08-05-2011, 01:29 PM

مدير الموارد البشريه هندي والثاني لبناني وتبي تتوظف

أبو عبدالعزيز

08-05-2011, 01:32 PM

اقتراح ممتاز ،، وبالمرة خذ لك لوحة اعلانية واكتب عليها
قطري عاطل عن العمل ورص مؤهلاتك :(

وربي لو سواها أعتقد 99% إنه بيتوظف

ديمه

08-05-2011, 03:00 PM

كاني انتظر مقابلة لوظيفة المدير اللي بقابلني بريطاني من اصل فلسطيني
يقولون انه يشترط خلع النقاب وباقابله واكيد بيقول لاتنطبق عليج الشروط لأني منقبة ولان 75 في المئة من الموظفين فلسطينيين واردنيين اما احنا القطريين حق الوظائف الدنيا

بس باقابله علشان ابرد خاطري ويمكن اسمعه كلام ما يتوقع يسمعه

الله كريم
و الرزق بيده سبحانه

ام السعف

09-05-2011, 11:59 AM

ترى الأخ يدور على وظيفة ما يبي يسوي مظاهرات ههههههههه

خله يجرب هذا هو بو عبدالعزيز يقول انه يعتقد ان 99% بيتوظف :(

وربي لو سواها أعتقد 99% إنه بيتوظف

وينه راعي الموضوع ؟

:telephone:

جغرافي قطر

09-05-2011, 12:02 PM

نفس اللي صار معاي العام بالضبط

لا ويمكن انت احسن حال مني

لانه انا شقيت ويه الهندي في المقابله وكانت ردودي قويه شوي

وفي اخر المقابله قال لي انت بروفيشنال واحنا نتشرف انه واحد مثلك يشتغل معانا

ومن يومها لي يومك لا حس ولا خبر

على الاقل انت اعتذروا منك انا محد عبرني كلش

وهالهندي ما يدري وين الله قاطه

حمد بن خالد

09-05-2011, 12:22 PM

سالفتك والردود ذكرتني بهالقصيدة

وش عاد يا دار ٍ بها صار ( توطين ) *** و في مكتب التوظيف سوسن و ميسون !

مديرهم مدحت و نائبْته نسرين *** و على الرسبشن حمّص وفول وزيتون !

كل ما اتصلت اسمع ألو مرحبا مين ؟ *** بدّك وظيفه ؟ .. مين دلّك على هون ؟

اقول انا لي اتصل صار شهرين *** و انتوا وعدتوني متى بس توفون ؟

اسمي ( مواطن ) ( جامعي ) طيب وزين *** كني ابخطب عندكم و اتّغلون !

عندي شهاده طايحه بجبدي سنين *** عشش عليها شي له ستة عيون !!

لو للشهاده لسان قالت على وين *** ناوي توديني .. تلف فيني الكون ؟

من كثر ما صورتها غارق بدين *** للهندي راعي المطبعة صرت مديون

لا ليلي ليل ولا نهاري نوى يبين *** دقيت راسي لين ما صرت مينون !

مطلوب خبره عالأقل في مجالين *** ولا تجينا بواسطه و سير مدهون !

ولا انثبر في بيتك .. افرك بكفين *** يومك يشابه امسك و عيش مغبون

تعدادنا ويّاهم اربع ملايين *** و اهل البلد للحين ما صاروا مليون !!

ويلاه من باكر اذا وضعنا الحين *** و احنا اقل من الربع حالنا شجون !

و اللي ابتسم له حظه والله مسكين *** حصّل وظيفه .. بس في وين .. تدرون ؟

ساكن في راس الخيمة حطوه في العين *** و اللي سكن في الذيد في السلع مدفون !

يشوف أهله بس في الأسبوع يومين *** و اذا حسبتوا الدرب كم ساعة .. تبكون

يعني في كل احواله ذاق الأمرين *** شغّال محزون و بلا شغل محزون

و الأجبني اللي راتبه فوق عشرين *** فله و سياره و تذاكر .. و طاعون

عنده بدل كل شي عالراتب ألفين *** حتى بدل معجون اسنان و صابون !

و من بعد ما يجمع من بلادي فلسين *** و يربّي من القعده على الكرسي بطون

و يصير في بلاده غني و عنده برجين *** يرحل و هو جاحد .. و كم مثله ملعون !

و حتى الجماعه قوم مدحت و نسرين *** مردّهم لبلادهم لو يطولون

يرضون بشوية دراهم .. و شفتين *** صبح و عصر .. لو حتى في الليل يرضون

بس لو سمعتوا همسهم بينهم بين *** وسط القهاوي يلعنون و يسبون !

لا تحسبوني عنصري .. كلنا طين *** و الخل لو عاتب محبينه يمون

داري و انا اولى بها من الغريبين *** ما يوصلون لحبها لو يموتون

و ( الأقربون أولى ) .. كلام ٍ من الدين *** ما جبته من شعري مع الهام و ظنون

ولد البلد ما يبغي لبلاده الشين *** بالروح بالدم يفتديها ولا يخون

لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!!

شعارهم معروف ( راجعنا بعدين ) *** و باين من التأجيل .. انهم يخافون

اذا معك خبره .. يا اهلين و سهلين *** و اذا شهاده بس .. عنك يصدون

ما عندنا شاغر .. و بطلنا تعيين *** ولو تحرق الهاتف ترى ما يردون !

من وين أجيب الخبره ؟ من وين من وين ؟ *** دام الوظيفه عند سوسن و ميسون !

عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟!

ولا أهاجر و آخذ الخبره في الصين ؟ *** صح العيون صغار .. لكن يقدْرون

سؤال يا دار ٍ ..صراحه بترضين ؟ *** اني أسافر و اطلب الغرب لي عون ؟

و سؤال يا ناس ٍ على الراس و العين *** صدق الوظايف واسطه و سير مدهون ؟

اما الجواب الشافي يجيني الحين *** او هاتوا تأشيره .. اذا كنتوا ترضون !

abn qatar

09-05-2011, 12:45 PM

عادي اخوي انت في قطر اصبح القطريي غريب في بلاده واصبح الهندي والمصري واللبناني

الكل بالكل في البلد هم اللي يقابلونك ويقروون توظيفك من عدمه لان المسوول اللي فوقهم

القطري مو فاضي يقابل احد بس فاضي حق مقابله الشاميات

المحقق كونان

19-05-2011, 05:52 PM

اقتراح ممتاز ،، وبالمرة خذ لك لوحة اعلانية واكتب عليها
قطري عاطل عن العمل ورص مؤهلاتك :(

لو معاي كذى واحد بطالي .. قدااااااااااااااااااااام :nice:

بنوقف جدام وزارة العمل و بنرفع اللوحات و بنلصق عليها الشهادات :deal:

لكن يد وحده ماتصفق :no2:

Al Capone

19-05-2011, 06:29 PM

آلشقب

19-05-2011, 07:16 PM

القهر = شاب من دوله عربيه حامل شهاده اعداديه قدم اوراقه عن طريق معارفه في الدوحه وهو عمره ماشاف الدوحه ضمن الموافقه دخل الدوحه كمل الاجرائات وتم توظيفه براتب لايقل عن 15000 + سكن !!!!!

تخيلوا وين متوظف؟

في

>>> بروه <<< :) اللي معروفه بشعار (التوظيف بالواسطات فقط) طبعاً لأقارب الأجانب بس
اما القطريين حتى واسطاتهم صارت مادق سلف عندها

ياترى بروه على اي خطى تسير؟ :)

ليتني طلعت في زمن آخر ولا اني اعاصر هالمصخره اللي قاعده تصير

اذَا حَكّا الْوَاحِ بُيْقُوْلُوْ الْوَاحِ حَكّا ! (:secret:)

وَاذّا مَا حَكّا الْوَاحِ بُيْقُوْلُوْ الْوَاحِ مَاحِكا ! (:nop:)

وْشُو بَدْوٍ يَحْكِيْ الْوَاحِ تيَحْكِيّ الْوَاحِ ! (:looking: )

http://music-sham24.com/di3a-m-0.jpg

fashon.freak

05-10-2011, 09:41 PM

اخواني انا عندي مقابله بكره في مشيرب
ومتردده اروح او ما اروح من بعد ماشفت ردودكم الي ما تبشر بلخير
فياليت لو حد يعرف شلسالفه او هل في امكانيه يقبلوني :)

fashon.freak

05-10-2011, 09:42 PM

ادرررررررري الموضوع قديم بس اتمنى الرررررررد :)

ابوسعود

05-10-2011, 10:11 PM

اذاشفت الهندي والبناني
قاعدين خذ للخلف دور
اطلع على طول لان النتيجه معروفه مسبقاااااا
الحين بدون واسطه تحلم تشتغل
لاتروح مكان الا والواسطه سابقه الملف
الواسطه شي اساسي والاستثناء ان التوظيف بدون واسطه

الرايــق

05-10-2011, 10:32 PM

صوت الضمير

05-10-2011, 10:56 PM

انا قابلوني جهة حكومية 3 مرات ..

اخر مقابله قالوا بنتصل لج .. ولاحد اتصل .. رديت اتصلت قلت لهم ادري ماقبلوتني بس ليه ماتقولونها لي كاش

العذر لاني ماعندي خبره على قولتهم .. من وين اجيب الخبره بجيبها :(

وانا ادري هم بس سووا الواجب بالمقابله . والا الوظائف محجوزه لربعهم

الله كريم

انا نفسك ياخوي

مطلوب واحد واسطه موب ثنين :)

أبداع