بالفعـل .. جامعة قطر لمن يجهلها !!!

[الاسير55]

السلام عليكم ورحمة الله وبركاته..


من: اللجنة التنظيمية لحفل التخرج
الى: دفعة ٢٠١١
الموضوع: توضيح فيما يخص موعد وموقع حفل التخرج

الطلبة الأعزاء دفعة 2011
بالإشارة إلى بعض التساؤلات التي وردت فيما يخص تحديد موعد حفل تخريج دفعة 2011 في شهر نوفمبر، نود توضيح النقاط التالية:

إن السبب الأساسي الذي اضطر الجامعة لتغيير الموعد هو ضرورة تغيير مكان الحفل حيث أن مواقف قاعة الدفنة في فندق الشيراتون والتي جرت العادة أن تستضيف حفلات تخريج طلبة جامعة قطر، تجري فيها أشغال إنشائية تتسبب في عدم توفر مواقف كافية لحضور الحفل. من هنا نبعت الحاجة لاختيار موقع بديل يستوعب أكثر من 3000 شخص وكما يعلم الجميع فإن عدد هذه القاعات محدود في الدولة وتبين لنا بعد البحث أنها غير متوفرة في الفترة المحددة للتخرج. ولذلك رأت الجامعة أن هذه قد تكون فرصة لنقل الحفل إلى حرمها وهي فكرة كانت مطروحة منذ مدة وتجري دراستها لما لها من أهمية في تكريس الاعتزاز بالجامعة ولما لاستضافة حفل بهذه الأهمية على حرم الجامعة من معانٍ قد تعني الكثير للطلبة الذين يودعون أيام دراستهم في بيتهم الثاني. وبما أن الموقع الوحيد الذي يستوعب هذا العدد من الجمهور هو ملعب الجامعة وهو مكان جميل لكنه مكشوف، فكان لا بد من اختيار موعد يكون فيه الجو مناسباً ولطيفاً.

تتفهم الجامعة أن هذا التغيير سيلقى تأييداً من البعض واعتراضاً من البعض الآخر لأسباب مختلفة ولكن كلنا ثقة بأنه سيمثل بداية لمرحلة جديدة وروح احتفالية مختلفة لحفل تخريج طلبة جامعة قطر. وتجدر الإشارة بأن الجامعة كانت حتى عام 2002 تنظم حفلات التخرج في فصل الخريف وعلى حرمها. ولم يبدأ تنظيم حفل التخرج في الصيف إلا بعد انتقاله للفندق.

نأمل أن يوفر لنا الموقع الجديد المرونة الكافية لتنظيم الحفل بطريقة مختلفة وتلبي تطلعات العدد الأكبر من الطلبة.

مع فائق التقدير
اللجنة التنظيمية لحفل التخرج



بالفعل جامعة قطر !! لمن يجهـــل :secret:

شفتوا اخرتها !! حفل التخرج في الملعب :eek5:
يعني 4 ولا 5 سنين وحنا ندرس في هالجامعة ونكرف
وآخرتها حفل التخرج في ملعب الجامعة تخيلوا معاي بس

اجلوا الحفل لين شهر 11 وقلنا يالله مب مشكله
مع ان فرحة التخرج وحلاوتها بتروح لان بننتظر 5 شهور عشان ييكرمونا
واخرتها يقولون لنا الحفل في ويـــن في ملعب الجامعة

شفتوا الفرق بينا وبين المدينه التعليمية هههههه

بس ركزوا في التوضيح يقولون مايقدرون يسونه بشيراتون لان في اشغال انشائيه
وماراح يكون فيه مواقف على اساس ان ملعب الجامعة في مواقف حق 3000 الالف شخص
وعلى اساس ان الاشغال في فندق شيراتون راح تستمر 5 شهور
وعلى اساس ان مافي فندق ولا قاعه في قطر غير شيراتون

ومن هنا اذكر جامعتنا الموقره بالفنادق والقاعات

1- الرتز كارلتون
2- الانتر
3- دبليو
4- لاسيقال
5- فورسيزن
6- ارض المعارض
7- الجيوان

وغيرها من القاعات والفنادق يعني عيب ان اداره الجامعة تطلع لنا بهالتوضيح
يعني بدال لاتعذرون بأعذار ماتدخل الراس قولوا مانبي نخسر ماعندنا ميزانيه

واحب اقول عن هالنقطه ان الجامعة قاعده تنبني على حسابنا من فلوسنا
سواء فلوس التوفل ولا البطاقات الجامعية ولا فلوس المكتبه او فلوس شراء الكتب
وغيرهاااااااااااا من البلاوي وشكلهم الحين فقروا وراحوا وطلعوا اعذار مضحكه ..


المهم احب اقول للخريجين والخريجات اللي يبون يروحون لاينسون الهرنات والاعلام
ترى المباراه منقولة على الدوري والكأس :rolleyes2:

[khalid969]

رد جامعة قطر

سلمان

زعبولا الئلاء

مهندس افندي


يمدحون برجة الجامعة ... او بركة !!!

[bo-ibrahem]

الكلام عن جامعة قطر ضايع

[halcrow]

ع الاقل خيمة ملكية اكرم من ملعب

[Dawn]

قاطعوا الحفل

لحد يحضر التخرج هالسنة

[Thamer_Qat]

ايش بيصير اذا ماحضرت

انت متخرج وشهادتتك الجامعية انطبعت وخلاص وهديتك موجوده وان شاء الله وظيفتك بعد موجوده

[ALRAYYAN]

عدم حضور الحفل هو احسن رد على هالجامعه اللي عانيت منها بدون مادرس فيها

امحق جامعه

[كحيلان قطر]

من المفارقات الطريفه أن أول دفعه في السبعينات تخرجت من جامعة قطر كانت بملعب الجامعه القديمه إذا حد يذكرها ؟
والدفعه الأخيره ونحن في سنه 2011 سوف تتخرج بعد من ملعب الجامعه !!!!!!!


يابختكم بتلعلون معاهم على النهائي ,,,,,

لاتزعلين ترى إدارة الجامعة تعدكم ل 2022


والله قهر ؟؟؟؟؟؟؟؟؟؟؟؟؟؟؟

[الزجاجي]

ههههههه اشفيكم على جامعة قطر ؟

اغلب حفلات تخرج جامعه قطر كانت في الساحه خلف الادارة العليا للجامعه وكان يحضرها اؤمراء وشيوخ
وملعب الجامعه اشوفه من انسب الاماكن حاليا لان القاعات صغيره داخل الحرم لحفل التخرج

وانا اذا بحتج او احنا بنحتج .. افضل ان نحتج بايجابيه كعمل قاعه كبيره (نفس المدينه النعليميه) داخل الحرم تشمل الخريجين وذويهم وما شاء الله الاراضي الفاضيه كثيره في الجامعه

[بو ذياب]

من المفارقات الطريفه أن أول دفعه في السبعينات تخرجت من جامعة قطر كانت بملعب الجامعه القديمه إذا حد يذكرها ؟
والدفعه الأخيره ونحن في سنه 2011 سوف تتخرج بعد من ملعب الجامعه !!!!!!!


يابختكم بتلعلون معاهم على النهائي ,,,,,

لاتزعلين ترى إدارة الجامعة تعدكم ل 2022


والله قهر ؟؟؟؟؟؟؟؟؟؟؟؟؟؟؟
:taunt::funny:


اهم شي انج تخرجتي

و اللف مبروك

[qtr121]

السلام عليكم ورحمة الله. اخواتي وإخواني أنا تخرجت من الجامعه من الساحة الخلفية والساحة الأمامية من جامعة قطر والشعور كان مختلفا جداً ان أودعها من خلال اخر منصة وموقع كنت انتظره دائماً وانا ادرس وأشوف المجاميع تتخرج ويتدربون أمامنا ونعيش فرحتهم واحنا طلبة وكانت ايام غير عادية .. وكان دائماً هاالشعور يحفزني أني لازم اجد وابلغ يوم التخرج مثلهم في يوم ما. وتخرجت كذلك من جامعات أجنبية قوية ولها مكانتها العلمية والعالمية بس كان في الملعب اول مرة كان في صالة داخلية والثانية كان في ملعب مفتوح للكرة . الشعور هو نفس الشعور الا وهو الشعور بالإنجاز .. الشعور بالفرحة بانجازاتنا لازم ما يتأثر بمكان. لان المكان هو نفسه ومثل مثل غيره بس إحنا اللي نشكل اهميته باحساسنا. أنقدوا بايجاب وانظروا للأمور بنظرة اعلى . شي أخير تخيلوا أنكم تتخرجون من الدنيا بانجازاتكم ومكان تخرجهم مقابركم بعد طول العمر للجميع واللي هي متر في متر بس بتكون جنه بأعمالنا او لحد ضيق. فا صنعوا الفرح وانظروا للجانب الاخر و خلكم من الشكليات.
الزجاجي.. أنا معك ولكم الود جميعا*

[تباشير الفجر]

وعلييييه مساكين يمكن فلسوا ماعندهم فلوس حق القاعه !!!

شرايكم نسوي حطيه عشان تصير الحفلة في قاعه محترمة ؟؟

[الملا]

البعض مادري ليش متحسس منحرج من مكان التخرج

قبل مايحولون مكان التخرج الى شيراتون كان مكان التخرج في الساحة الخلفية لمبنى الادارة ومثل ماقالو الاخوان كانو الشيوخ يحضرون الحفلات وقبل كان مكان التخرج في ملعب الجامعة

[abdo222]

الله يعينكم ياخريجيي جامعه قطر ،، صج حتى حنا الي مب بجامعه قطر انقهرنا !!! شهر ١١ وفي كراسي اسمنت وفي جامعه قطر ،، اي عذر هذا !!!! الله يقويكم ومبروك عليكم التخرج شباب حتى لو الجامعه ما عبرتكم انتم فخر لقطر ،، مبرك التخرج

http://farm4.static.flickr.com/3291/5691994743_ef2a859625_b.jpg

[(العديم)]

أنا والحمدلله تخرجت سنة 2000 وكان الحفل في الملعب وبعد كان ويانا الدفعه الأولى من كلية أحمد بن محمد العسكرية وكنا مبسوطين ومستانسين ولا قاصرنا شي والدفعه اللي عقبنا في الساحة اللي عند مبنى الإدارة وأنا ضد أن ايكون التخرج خارج الجامعة اللي درست فيها ومعظم الجامعات اتقيم حفل التخرج في الحرم الجامعي مب في فندق

[بوحارب]

يالربع ليش ما يسكرون هالجامعة وتفك الناس من شرها

[intesar]

هالجامعة تذكرني بسجن جوانتيمالو
الداخل فيها غائب
أنا درست دبلوم بدل بكالوريوس والسبة دراستهم
هربت بجلدي للتكنولوجية تخرجت بجيد جداً 105 ساعات يعني مساكين حنا في الاخير يقولون انتوا ثانوية هذي نظرة الناس
حسبي الله ونعم الوكيل الحمدلله يعني ما تغيروا

[مـــفاهــيم]

الدكتوره شيخه المسند شرايها في الموضوع

دوله من اغنى الدول وهي عمة زوجه الأمير ما تحصل دعم لأقامه حفل جامعتها في قاعة فندق مناسبه!!!

لو عيالهم درسوا في هالجامعة كان حسوا بشعور الطلاب والطالبات.

والأخوان اللي يقارنون الأول وتخرجنا في ساحة الجامعة هـــــــــــــــــــــــــذا لأول كان قبل ظهور المدينه التعليمية والفرق الواضح بين الأهتمام في كل منهما.

[مسك روز]

جوانتانامو .. للتصحيح

[الاسير55]

اوووول غير والحين غيرررر

انا ماعندي مانع يسون لي حفلة تخرج في الجامعة
بس تكون مشرفة نفس حفلة تخرج المدينة التعليمة

شوفوا حنا من يجي يكرمنا وزير مدري وشو
الله يالدنيا من بعد الشيخ خليفة والشيخ حمد والشيخه موزه
شوفوا من يجينا لا وفوق هذا حفله تخرج وفي ملعب

مأســــــــآآآآآآآآآآه

[راشد محمد]

هههههههههههه لا تعليق

[salman_qtr]

ليس هناك أي حرج في تغيير المكان ..

أخواني الذين ليسوا من طلاب جامعة قطر .. أتوقع أن طلاب الجامعه لديهم القدره أن يدافعوا عن حقوقهم .. أخي خالد .. أن كنت موظف سابق في الجامعه ولديك مشاكل مع أدارة الجامعه ..فلا تعم المشكله على مخرجات الجامعه من طلاب .. الخلاف مع الإداره وإن كنت أتفق معك في بعض النقاط القليله .. ولكن ليس من المفروض أن تدخل مشاكل شخصيه بينك وبين إدارة الجامعه في موضوع التخريج .. للأن الطلاب كفيلون بدفاع عن وجة نظرهم ...

[khalid969]

ليس هناك أي حرج في تغيير المكان ..

أخواني الذين ليسوا من طلاب جامعة قطر .. أتوقع أن طلاب الجامعه لديهم القدره أن يدافعوا عن حقوقهم .. أخي خالد .. أن كنت موظف سابق في الجامعه ولديك مشاكل مع أدارة الجامعه ..فلا تعم المشكله على مخرجات الجامعه من طلاب .. الخلاف مع الإداره وإن كنت أتفق معك في بعض النقاط القليله .. ولكن ليس من المفروض أن تدخل مشاكل شخصيه بينك وبين إدارة الجامعه في موضوع التخريج .. للأن الطلاب كفيلون بدفاع عن وجة نظرهم ...

موظف سابق

الله يسامحك اخوي سلمان

ولا درست فيها حتى ... الحمد لله تخرجت من جامعة بيروت 94 ... صدقني ماعندي مشاكل شخصية مع ادارة الجامعة .. لكن الحق حق ادارة فاشلة بكل معنى الكلمة ، تعين اجانب في وظائف قيادية غير اكاديمية رغم انها وظائف اي خريج قطري او قطرية يقدر يمسكها .. لكن قلة الانتماء للوطن والمحسوبية مع ..... إذا اردت التكملة حاضرين

أبشرك اعمل في المجلس الاعلى للتعليم

الله يوفقك في دراستك

[بوالفاروق]

انزين ليش الضيقة
يمكن المكان في الملعب وبيسون لكم شغل مرتب :)

ان شاء الله خير يالربع

والله يوفق الجميع

[khalid969]

انزين ليش الضيقة
يمكن المكان في الملعب وبيسون لكم شغل مرتب :)

ان شاء الله خير يالربع

والله يوفق الجميع

يعني شوفوا يا لجنة 2022 نخرج الطلاب والطالبات في الملعب

أبتكار جديد خريجيين جامعيين في ملعب

وعلى الهواء الطلق

طيب في حكم ساحة ومساعدين؟

الحرم الجامعي في ملعب

افكار شيطانية من اجانب

مددو لك اربع سنين قادمة هههههههه

شياطين ههههههههه

[صعبة وصوفه]

الله يعينكم والله، مع إني ماإدرس بهالجامعه بس والله انقهرت عشانكم،،
شدعوه يأجلون الحفله عشان مافي مكان يستهبلون يعني!!

أنا عندي اقتراح قوووووي واللي يقدر يوصله للمسؤولين بالجامعه خل يوصله لعلى وعسى يغيرون رايهم ،،
إذا كانت حجتهم العدد كبير ومايكفي انزين ليش مايقسمون حفل التخريج على ثلاثة أو أربعة أيام على حسب كثافة الطلاب بكل كلية؟؟؟ بمعنى إنه
باليوم الأول: يكون الحفل مخصص لطلاب التربية والعلوم + طلاب القانون
اليوم الثاني: طلاب الهندسة + طلاب الادارة والاقتصاد
اليوم الثالث: ......
اليوم ......
وهكذا،،،
وبهالطريقة يكون العدد قل كثيراااا والحفله يتم انجازها سرريعا (بالكثير ساعتين)،، بس طبعا هالطريقة تخلي الواحد يحس إنه فعلااااا تخرررج، بتعطي فرصه لكل الطلاب انهم يطلعون على المنصة (طبعا هذا ااااهم شي) وتخليهم يستانسوووون وياخذون لهم صور بعد وهم يستلمون الشهادة،، :)
والا شرايكم يا جامعة قطر؟؟؟؟ طلابنا مايستهلون مثلااا؟؟ هم مب أقل من غيرررهم، حرااام لااا تحرمونهم فرحة يووووم وااااااحد عقب تعب سنيييييين

للعلم هالنظام بحفلات التخرج تمشي عليه الجامعات الأجنبية (عاد هم ذبحتهم تقليد الاجانب،) قولولهم وان شالله يااااااارب تعجبهم الفكره وتفرررررح قلوبكم وقلوووب اهااااليكم عقب تعبكم وسهررركم،، :)

[القحطاني505]

ما شاء الله تبارك الله

حفل في ملعب ، ما ناقصنا إلا الدوري والكأس وبرنامج المجلس

أغلب الجامعات يكون فيها قاعة احتفالات معدة خصيصاً لاحتفالات الجامعة ومنها حفلات التخرج

لكن جامعتنا متبعة سياسة خالف تعرف

[مخطط قطري]

وينك ياسلمان يالي تشدق بالجامعه ولمن يجهلها اشوف معاد علقت:)
حفل طلبه جامعين قطريين وغير قطريين في بلادهم في ملعب كوره صارله 30 سنه حتى مدرج طبيعي مافيه
هذا غيض من فيض وانا ترا قعدت في الجامعه 4 سنوات ونص واعرفها عدل لادافع عن قضيه خسرانه

[STAR]

لا تروحون الحفل..
وعن العيارة يا جامعة قطر اصلا اللي بيتكرمون ما يتعدون ‏900

[بومحمد911]

شكلها جامعة قطر اصبحت من التراث القديم

[في سبيل الله]

يمدحون جبرة السمج ..

[A 7 M A D]

مادري ليش هالتفكير السلبي في البعض

وهل الغرض منه فعلا انتقاد بناء او انتقاد لمجرد الانتقاد !

جامعات عالميه كبيره جدا تخريج طلابها يكون في الملعب !!

المدينة التعليميه اللي يأخذها البعض كـمثال خرجت طلابها " على قولت احد الاعضاء بالردود " في الهواء الطلق !!

ما المانع من التخريج في الهواء الطلق خصوصا انه سيكون في شهر 11 ! يعني الجو ماعليه كلام !

ملعب الجامعه بمساحته الكبيره سيمنح الجامعه القدره على السماح للطلاب بدعوة اكثر من شخصين للحفل وهاذي حل لمشكلة كانو الكثير يعانون منها !

وللعلم .. التخريج في ملعب جامعة قطر يكلف أكثـــــر من التخريج في قاعة !!

ومن يدري .. ممكن تكون هناك مفاجأت تنتظر الطلاب !!؟

[سويسرا]

عدم حضور الحفل هو احسن رد على هالجامعه اللي عانيت منها بدون مادرس فيها

امحق جامعه


صدقت يا خوي

وانا كل ما احط رد في هذا الموضوع ينحذف ما يبون يقرون الحقيقه

لا بقول الف مره حسبي الله على جامعة قطر تخرجت وما فرحت.....

حتى تأخر تخرجي سنه بس بسبب ماده وحده من 3 ساعات وكان بامكانهم يساعدوني بس بهدلوني من قسم لين قسم

قسما بالله ان الواسطه تلعب دور ووايد اعرف بنات تخرجوا قبلي بطرق اللف والدوران

جامعة قهر مالت عليهم وعلى تطورهم الزفت....
مافي داعي تحذفون الرد

سلام

[مخطط قطري]

مادري ليش هالتفكير السلبي في البعض

وهل الغرض منه فعلا انتقاد بناء او انتقاد لمجرد الانتقاد !

جامعات عالميه كبيره جدا تخريج طلابها يكون في الملعب !!

المدينة التعليميه اللي يأخذها البعض كـمثال خرجت طلابها " على قولت احد الاعضاء بالردود " في الهواء الطلق !!

ما المانع من التخريج في الهواء الطلق خصوصا انه سيكون في شهر 11 ! يعني الجو ماعليه كلام !

ملعب الجامعه بمساحته الكبيره سيمنح الجامعه القدره على السماح للطلاب بدعوة اكثر من شخصين للحفل وهاذي حل لمشكلة كانو الكثير يعانون منها !

وللعلم .. التخريج في ملعب جامعة قطر يكلف أكثـــــر من التخريج في قاعة !!
ومن يدري .. ممكن تكون هناك مفاجأت تنتظر الطلاب !!؟

ممكن تشرحلي شلون يكلف اكثر اذا ماعليك امر يعني؟؟؟؟؟

[سويسرا]

انا اتبرع لهم بأن اكون المعلق على الحدث الظريف!!!!

[سويسرا]

اوووول غير والحين غيرررر

انا ماعندي مانع يسون لي حفلة تخرج في الجامعة
بس تكون مشرفة نفس حفلة تخرج المدينة التعليمة

شوفوا حنا من يجي يكرمنا وزير مدري وشو
الله يالدنيا من بعد الشيخ خليفة والشيخ حمد والشيخه موزه
شوفوا من يجينا لا وفوق هذا حفله تخرج وفي ملعب

مأســــــــآآآآآآآآآآه


عشان تعرفون بس ان الموضوع حق ناس وناس....

للاسف محد يتشرف فينا....

والله العظيم لو يفتخرون فينا ويتشرفون كان الشيخ حمد والشيخه موزا قاموا بتخريجنا



لكن للاسف حسااااااافه

[سويسرا]

رد جامعة قطر

سلمان

زعبولا الئلاء

مهندس افندي


يمدحون برجة الجامعة ... او بركة !!!


حلوووووووووه

عجبني الرد:nice:

[سويسرا]

وعلييييه مساكين يمكن فلسوا ماعندهم فلوس حق القاعه !!!

شرايكم نسوي حطيه عشان تصير الحفلة في قاعه محترمة ؟؟



اي والله نسوي حطيه......

ههههههههههه:victory:

[سويسرا]

يالربع ليش ما يسكرون هالجامعة وتفك الناس من شرها


ياليت والله نفتك منها...

امحق جامعه والله:anger1:

[A 7 M A D]

ممكن تشرحلي شلون يكلف اكثر اذا ماعليك امر يعني؟؟؟؟؟

احسبها بشكل بسيط جدا :)

انت هناك بتأجر القاعه مع الاكل هذا اللي بيختلف بيفرق من اقامة الحفل سواء بالملعب او بقاعه

يعني ( تقريبا ) وبحسبه سريعه جدا انت هناك بتدفع للقاعه والاكل

في المقابل

بتدفع لتأجير الطاولات + الاكل + ستيج لتكريم الطلاب + الإضاءة اكيد ماراح يعتمدون فقط على اضاءة الملعب .. غير بعض الاشياء اللي ما اقدر اذكرها راح تختلف من الاحتفالات السابقه مع هذا الحفل

اتمنى وصلتك الفكره

[سويسرا]

ما شاء الله تبارك الله

حفل في ملعب ، ما ناقصنا إلا الدوري والكأس وبرنامج المجلس

أغلب الجامعات يكون فيها قاعة احتفالات معدة خصيصاً لاحتفالات الجامعة ومنها حفلات التخرج

لكن جامعتنا متبعة سياسة خالف تعرف


يبيله برنامج الكاس:telephone:

[khalid969]

سمعت ان أغلبية الموظفين التابعين لرئيس الجامعة ونوابه .. سكرتير او سكرتيرة وغيره من موظفين أغلبهم مقيمين .. وبراتب اساسي وبدلات خيالية

رد جامعة قطر

صحيح هذا الكلام ؟

نسبة القطريين كم ؟

[الاسير55]

اخوي احمد يعني تكفى لا تدافع
انت شفت الملعب ؟؟؟
يعني حنا نكرف بهالجامعه وندرس وأخرتها ملعب
اي تكاليف اقل الله يهديك ملعب الجامعه يبيله تعديل
وأي إضاءات هذي اللي يبون يسونها بعز الظهر

قلت لك أنا ماعندي مانع يسونها بالجامعة بس تكون بمستوى المدينه التعليمية
وعلى فكره المدينه التعليمية ماخرجت طلابها في ملعب

وبعدين كفائه ان جامعه قطر ماتكرم الا اللي معدلاتهم 2.80 لا ويقولون يمكن يكون 3
يعني شوفوا مدى التقدير للطلاب وكأن اللي يكرمونهم بحفل درسوا والباقي مادرسوا


والله ان تكريم متطوعين المعرض المهني اشرف مسوينه بالرتز

[تغلبية]

سبحان الله !

فرحة التخرج الحين نقيسها بالمكان والا بالحفلة واجواء الاحتفال

معروف شهر 11 من افضل الشهور لعقد المؤتمرات والفعاليات بمختلف أشكالها وهذا السائد حتى في

الاستضافات السياسية في البلاد لان الجو بارد ولطيف وتكون اجواءه حلوة

لذلك كل الفنادق محجوزة احيانا قبل سنتين .. ومرات تطلع تعاميم بالانشغال تحديداً في شهر 11 فلا احد

يسوي احتفالية او يستضيف فعالية لان البلاد كلها على أهبة الاستعداد في هذا الشهر!

جزاهم الله خير .. يبون يحجزون الشيراتون لكنه مشغول ومب فاضي

الملعب افسح مكان وراح يكون فيه ترتيب وتنسيق ..

اذكر حفلة تخرجي كانت في ساحة الجامعة .. والفرحة فيها وفي يوم التخرج لااااااااتوصف ..

شعور حرام الواحد يفوته .. ماهمنا المكان قد ماهمنا وجود الأم والاصدقاء وزملاء واستاذة الجامعة

فعن التحريض لعدم حضور الحفلة .. لان الخسران الوحيد في يوم الفرح هو المتخرج نفسه !!

[khalid969]

خذ وخل

مكتبة الجامعة من مديرها ؟

مقيم عربي .. يوم انكم ضربتو صدركم باانشاء مكتبة خاصة بالجامعة وبا مبنى هائل وحركات ... حبكت عندكم على مقيم .. ولا قطري او قطرية ملوا عينكم .


يرزون المقيمين ... مكتبة مايبلها شي خريج جامعي قطري ملم .. لكن قلة الانتماء والعقدة من هل قطر

آما أن الآوان لتغير جامعة قطر من رأسها آما أن الآوان سيدي

[khalid969]

في ملعب هههه

من الحكم

اما تاكلونها يوم شباهي لا هو حر ولاهو لطيف ولا هو نسناس

ضاع المكياج ههههه

انصح بالامهفات اليدوية العملية منها والاكترونية كذالك هههه

الله يوفقكم ونفرح لكم

[الاسير55]

سبحان الله !

فرحة التخرج الحين نقيسها بالمكان والا بالحفلة واجواء الاحتفال

معروف شهر 11 من افضل الشهور لعقد المؤتمرات والفعاليات بمختلف أشكالها وهذا السائد حتى في

الاستضافات السياسية في البلاد لان الجو بارد ولطيف وتكون اجواءه حلوة

لذلك كل الفنادق محجوزة احيانا قبل سنتين .. ومرات تطلع تعاميم بالانشغال تحديداً في شهر 11 فلا احد

يسوي احتفالية او يستضيف فعالية لان البلاد كلها على أهبة الاستعداد في هذا الشهر!

جزاهم الله خير .. يبون يحجزون الشيراتون لكنه مشغول ومب فاضي

الملعب افسح مكان وراح يكون فيه ترتيب وتنسيق ..

اذكر حفلة تخرجي كانت في ساحة الجامعة .. والفرحة فيها وفي يوم التخرج لااااااااتوصف ..

شعور حرام الواحد يفوته .. ماهمنا المكان قد ماهمنا وجود الأم والاصدقاء وزملاء واستاذة الجامعة

فعن التحريض لعدم حضور الحفلة .. لان الخسران الوحيد في يوم الفرح هو المتخرج نفسه !!


يالطيبه اهم اجلوا حفل التخرج من شهر 6 لين شهر 11
احنا ماقلنا لهم اجلوه لين شهر 11 عشان تقولين لنا في هالشهر يكثر فيه المؤتمرات

ترى الطلاب محتجين على شيئين الاول اهو تأجيل موعد حفل التخرج
من شهر 6 لين شهر 11 يعني ننتظر 5 شهور عشان حفل تخرجنا وغير
اللي تخرج الكورس اللي قبل وناطر يتخرج مع هالدفعه يعني كم شهر ينتظر
ينتظر سنه عشان يتخرج ..

ترى حجتهم ضعيفه اهم اجلوه من شهر 6 عشان الشراتون فيه اشغال
طيب في شهر 6 ولا 7 ولا 8 ولا 9 ولا 10 مافي فندق يستقبلهم
يعني حدث العاقل بما يعقل ..

وبخصوص ان انتي تخرجتي في الساحه فقبل غير والحين غير
اعتقد الدولة مب ناقصها شئ ولا الجامعة بناقصها شئ عشان تسوي حفلة مثل الناس
لطلاب الجامعة كفاية عدم تقدير للطلاب كفايه ..

وبعدين انا قلت في الموضوع ماعندنا مانع يكون الحفل بالجامعة
لكن يكون في مستوى حفل تخرج المدينه التعليمه

وارجع اقول الله يالدنيا

يوم الشيخه روضه الله يرحمها حرم الشيخ خليفه كانت تكرم
والله يالدنيا يوم الشيخ حمد كان يكرم
والله يالدنيا يوم الشيخة موزه كانت تكرم

وكل الشخصيات الكبيرة كانت تحضر بس الحين !!
حتى الحضووور والشخصيات اي كلام ..


نصيحه لجامعة قطر عندكم اراضي شوسعها وفلوس من الطلبة ماشاء الله تاخذون بالهبل
سوو لكم قاعه احتقالات في الجامعة تفيدكم ترى ماتخسر شئ ولا نتمرمط ونتخرج في ملعب كوره

[قطر 88]

حسبي الله ونعم الوكيييل ..

الحل الوحيد هو " لحد يحضر حفل التخرج " !

لحد يحضر حفل التخرج ..

>

[MR.STOP]

من المفارقات الطريفه أن أول دفعه في السبعينات تخرجت من جامعة قطر كانت بملعب الجامعه القديمه إذا حد يذكرها ؟
والدفعه الأخيره ونحن في سنه 2011 سوف تتخرج بعد من ملعب الجامعه !!!!!!!


يابختكم بتلعلون معاهم على النهائي ,,,,,

لاتزعلين ترى إدارة الجامعة تعدكم ل 2022


والله قهر ؟؟؟؟؟؟؟؟؟؟؟؟؟؟؟

ليش دفعه اخيره :eek5:

[1HAMAD1]

زين منهم حطوا حفل تخرج والله شوف برنامج التأسيسي والله قمه المصخره هنود يدرسونك انجليزي عز الله تعلمنا الاكسنت الصح صراحه حرام تكون جامعه تحمل اسم قطر المفروض تكون افضل من كذا هذي جامعه قطر

[طــمــوحــة]

هالجامعه كل مالها تصدمنا اكثر واكثر

لا حول ولا قوة الا بالله

[السلطان]

بالنسبة للجامعة عندها كل الامكانيات ولكن ....

بالنسبة لمكان التخرج بصراحة صدمة كنا متوقعين مكان ارقى :weeping:

من ملعب مغبر

اما يوم التخرج ماراح يكون من اولوياتي الا اذا كنت فاضي
اهم شي الشهادة وخذناها وماعاد نبغي منهم شي

[المستثمرVIP]

يمكن تخصصاتكم كرة قدم :nice:
بعدين فيه قاعة بن خلدون ليش مايحطون حفل التخرج فيها ويفتكون
بعدين حتى اليوم الوطني والفوز بالمونديال في نفس الملعب ارحموا الملعب شوي حتى مظلات مافيه جالسين بالحر

[هارودز]

ادارة فاشلة

[دلة الرسلان]

ابشروا بالخير هناك خطط من قطر فونديشن لتطوير جامعة قطر .