ابي رايكم بالتصميم

[بوجاسم@قطر]

السلام عليكم ورحمه الله وبركاته


ابي رايكم في التصميم واذا حد عنده اقتراح اتمنى ان يفيدني

وعندي استفسار اذا كبرت في مساحه الغرف او اني زدت عدد الغرف لازم الخريطه اوديها مره ثانيه للبلديه والكهرباء والماء واستخرج رخصه بناء مره ثانيه


للعلم البلديه والكهرباء والماء تم الانتهاء منه بس نبي نغير شوي بالمساحات


و بالنسبة للأرض 450 متر مربع كم مسموح البناء عليها؟

[r07]

بالنسبه لتكبير المساحات اللي اعرفه انك ممكن تغير في الرسمه من داخل بس ما تقدر تكبر على برا..واذا تبي تكبر مساحة البيت ككل لازم تستخرج الرخص من جديد هذا اللي اعرفه وممكن الاخوان يفيدونك اكثر..بالتوفيق

[بوجاسم@قطر]

أخوي استخرج جميع الرخص من جديد ولا بس رخصه البناء من البلديه ؟

[فتى الجود]

مشاء الله علييك

تصميمك حلو

أولاً:


بالنسبة للخرايط اتفق انت مع المقاول على الزيادات اللى تبيها

وفي اتمام البناء سو تعديل على الخرايط
لاتعدل الحين وتظيع وقتك ،وافلوسك

ولاتنسى ان من المحتمل لما يقوم البنيان
تتغير افكارك او تجيك افكار جديده

خل التعديل مره واحده

ثانياً :


بالنسبة للمساحة

اهم ماتتجاوز المساحة اللى يبنى على البيت الــ 70 % من المساحة الاجمالية

يعنى

450 × 70 % = 315 على الارض
" المساحة المغطية الارض وليس مساحه بناء الطوابق "


يعنى الدور الارضي والملحق مايتجاوز الــ 315 متر مربع

لكن عندك الارتفاع لابالأدوار

وفي شرط :


بشرط ان المساحة نا تبعد الواجهه الخارجية للفيلا و سور الفيلا الخارجي لا يقل عن االــ 5 متر

تقريباً عندك مساحة الطابق = 190 تقريباً

فعادي تقدر تزيد

وعندك امتداد الطابق 19 متر ونقول ملحق بالخلف 4 متر + 2 ارتداد بين الفيلا والملحق
يبقى للواجهه 5 متر

فالأفضل لك انك تخلي الملحق بجانب البيت

وتستفيد من الارتداد الامامي بصير 8 متر تقريباً

و ماعندك مشاكل

والله يوفقك

[أسد الجزيرة]

الغرفة اللاصقة في المطبخ تكفيها حمام واحد
سوي مدخل المجلس بعيد عن مدخل البيت
سوي غرفة للغسيل و الكوي مع البنت هاوس
خل مدخل الحمامات من داخل الغرف

[بوجاسم@قطر]

يعطيكم العافيه شباب على الاقتراحات


بس اذا غيرت شوي في المساحه والاستشاري كان من الاساس مطلع لي ترخيص فيلا وحده على الارض وغيرت مكان الفيلا الي كانت بالنص وخليتها على جنب وخليته يسوي لي فيلا ثانيه احذاها والفيلا الاولى مطلع لها التراخيص بس في هالحاله لازم ارجع اطلع التراخيص للفيلا الاولى مره ثانيه من رخصه بناء صرف صحي كهرباء وماء ؟ ولا عادي على نفس التراخيص؟

[أسد الجزيرة]

تاكد من البلدية انه تسمح لك تبني فلتين على ارض وحدة

[بوجاسم@قطر]

أخوي تأكدت بس قالي عندك مساحات ضايعه حاول انك تكبر شوي بالفيلا و كبرت بس إلي أبي أعرفه ان تغير مكان الفيلا في الأرض من الوسط إلى الجنب اليمين تحتاج أعاده في إظهار التراخيص