المساعد الشخصي الرقمي

مشاهدة النسخة كاملة : ايهما افضل عند البناء توقيع عقد للعظم ام لتسليم المفتاح !!



Qt.1
07-05-2011, 12:54 AM
طبع الكثير منا قد بدء او سيبدء مرحلة البناء , سوؤالي لكم اخواني ايها افضل ان اوقع العقد لعمل العظم والبلاستر ام اوقع العقد لتسليم المفتاح والتشطيب الكامل ولماذا ؟
:)

مسمس12
07-05-2011, 12:56 AM
اتوقع التشطيبات تكون عليك احسن واضمن لان يمكن شغلهم يطلع اي كلام او يحطون لك شي مايسوا سعرة

فتى الجود
07-05-2011, 01:36 AM
السلام علييكم

بو عبدالله
طبعاً العظم احسن لك واحسن للمقاول
اكتب العقد معاه للعظم فقط وشطب على ر احتك

لكن

اذا عقدك والتمويل من بنك التمية
لازم بتكتب العقد مع المقاول تسليم مفتاح "" عشان بنك التنمية ""
اكتب عقد لبنك لتنمية تسليم مفتاح
لكن اكتب
عقد " داخلي " بينك وبين المقاول عظم فقط

بو نايف
07-05-2011, 01:37 AM
اخوي الافضل تتفق معاه على سعر المفتاح
وتوقع معاه عظم.
وخلال البناء يبين اذا هو ملتز وشغله عدل او لا

اذا اوكي توقع تشطيب

naklan
07-05-2011, 01:38 AM
هلا فيك اخوي بوعبدالله
طبعاً تسليم المفتاح افضل واريح لك خاصه اذا الشركه جيده وشغلها نظيف
والافضل يكون شراء السراميك والاطقم للحمامات عليك علشان تكون من اختيارك
والتركيب عليهم والحديد المشغول والنوافذ والابواب ايضاً عليك كلها بتكون اختيار وعقود
وما فيها تعب ومشقه عليك ,,

وتحدد معهم في العقد نوع الرخام والالوان وكل شي بيتركب في البيت نوعه ومصدره
ومن اي بلد يعني عظم واعمال التشطيب كامله عليهم والكهرباء والسباكه باغراضها عليهم
وانت تحدد مواصفاتها بدقه لضمان الجودة والالتزام بالتحديد لما هو بالعقد ,,

منها انت بتكون مرتاح وكل شي من اختيارك ومنها تضمن جوده الي تركب في بيتك
والاسباب اخوي انك تبني وما تشقا مع البناي ولتحمي نفسك من شغل العماله
الغير ماهرة ولتضمن بنيان باشراف شركه موهله ,,

موفق اخوي بوعبدالله
اخوك/naklan

فتى الجود
07-05-2011, 01:40 AM
مر على هالرابط يمكن يفيدك بشي



http://qatarshares.com/vb/showthread.php?t=327085

مهل
07-05-2011, 01:43 AM
السلام عليكم


من كلام الشباب الي اثق في رايهم ... انك توقع معاه تسليم مفتاح ولكن يكون عقد مفصل و فيه تحديد للاسعار ،، يعني تركيب سيراميك حمام سيراميك سعودي بقيمه مثلا ٣٠٠٠ ريال .. ويكون في العقد بند انك تقدر تلغي اي شرط و تخصم قيمته من قيمه البناء .. فمثلا انت تبي تركب سيراميك ايطالي بيكلفك ٥٠٠٠ .. تخصم من المقاول الـ ٣٠٠٠ و تشتري السيراميك الايطالي و التركيب بيكون محسوب على المقاول اساسا

اتمنى انك فهمتني

Qt.1
07-05-2011, 01:09 PM
بيض الله اوجيهكم اخواني , وجزاكم الله خير الصوره اوضحت اكثر بالنسبه لي وماخاب من استشار :)

السد
08-05-2011, 08:15 AM
باختصار
تبغي توفر فلوس = عظم وبلاستر وكهرباء وصرف صحي ppr على المقاول والتشطيب عليك
تبغي توفر عوار راس = تسليم مفتاح + اقل شي بيستفيد منك المقاول 200 ألف ريال وانت تضحك !!

Qt.1
08-05-2011, 08:43 AM
باختصار
تبغي توفر فلوس = عظم وبلاستر وكهرباء وصرف صحي ppr على المقاول والتشطيب عليك
تبغي توفر عوار راس = تسليم مفتاح + اقل شي بيستفيد منك المقاول 200 ألف ريال وانت تضحك !!

هذا الي حاصل بالضبط

khalid.qtr
08-05-2011, 10:07 AM
موضوع حلو يعطيك العافية أخوي

مضارب دوسري
22-05-2011, 08:05 AM
باختصار
تبغي توفر فلوس = عظم وبلاستر وكهرباء وصرف صحي ppr على المقاول والتشطيب عليك
تبغي توفر عوار راس = تسليم مفتاح + اقل شي بيستفيد منك المقاول 200 ألف ريال وانت تضحك !!

كلامك عين العقل:nice:
بس العازل مب يكون عليه افضل:telephone:

+abc
25-05-2011, 09:47 PM
باختصار
تبغي توفر فلوس = عظم وبلاستر وكهرباء وصرف صحي ppr على المقاول والتشطيب عليك
تبغي توفر عوار راس = تسليم مفتاح + اقل شي بيستفيد منك المقاول 200 ألف ريال وانت تضحك !!


هذا الكلام الصح وضيف على الكهربا والصرف العازل وشطب براحتك

وبالتوفيق

بوخالد911
26-05-2011, 12:14 AM
انا موقع عظم وبلاستر داخلي وخارجي

ولو شفت شغله ممتاز

بكمل معاه تشطيب

وقااايل للمقاول : اعتبر نفسك تحت الاختبار اثناء العظم واثبت نفسك عشان أكمل معك


صح فكرتي ولا لأ؟

Qt.1
26-05-2011, 01:54 AM
انا موقع عظم وبلاستر داخلي وخارجي

ولو شفت شغله ممتاز

بكمل معاه تشطيب

وقااايل للمقاول : اعتبر نفسك تحت الاختبار اثناء العظم واثبت نفسك عشان أكمل معك


صح فكرتي ولا لأ؟

شغلك عدل لكن لو انك ضايف العازل والصرف والسور مع التمديدات احسن , وعقب اذا اعجبك كمل تشطيب معاه .

ام خويلد
27-05-2011, 02:11 PM
انا المهندس نصحني بأن يكون التوقيع مع المقاول على التشطيب لان اذا استلمت البيت عظم بتجيب لك عمال تسلك الكهرباء والماء وتركيب الجبس وغيرة بيكون اول شي مكلف لان حق كل شي بتجيب لك عمال وماتعرف هل شغلهم زين اولا وثاني شي يمكن يطلعون لك عيوب في شغل المقاول اللي بنى لك العظم وبيقومون بالتكسير وغيره وهذي بعد تكلفه اضافية.
فريح نفسك واختار لك مقاول زين مشتغل حق ناس من قبل،وانت تتفق مع هالمقاول انك تشتري مثلا البلاط والحمامات وتخصمهم من الفلوس اللي عنده.

مضارب دوسري
27-05-2011, 02:58 PM
ام خويلد
الكلام اللي قاله الاستشاري مب صحيح
التشطيب معناه المقاول بياخذ عليج مثل ماقال اخوي السد مبلغ وقدره وكل هذا بيكون على حساب جودة المواد
يعني متر السيراميك مثلا بيتفق معاج على 30 وبيجيب سيراميك سعر المتر حقه 22
وبيكون كسب مبلغ
بلاط الحمامات الله يكرمج متفق معاج ب 25 بيجيب لج شي ب 18 او يمكن 20 وبياخذ مبلغ
وعلى كل شي بياخذ مبلغ والنتيجه بيكون استفاد من عندج على حساب جودة المواد اللي ركبها
فالافضل الاتفاق مع مقاول عظم وبلاستر وكهربا وعازل وبايب فيتر
واذا شغله كان جيد اتفقي معاه على تركيب البلاط والسيراميك فقط تركيب وانتي تروحين تشترين البلاط والسيراميك بالسعر اللي تبينه
بهالطريقه بتكونين اشتريتي شي انتي عارفه سعره ووفرتي على نفسج وكسبتي جودة المواد اللي ركبتيها فهذا افضل من التشطيب اللي معظمه يكون نصب

ام خويلد
27-05-2011, 04:14 PM
اي هذا انا اقصده انه يشطب لي وانا اشتري المواد

AL-ANSARI
27-05-2011, 08:13 PM
العظم احسن واوفر لك خصوصا اذا المقاول الي بيركب لك يخاف الله

بن غيث
29-05-2011, 11:27 AM
مع احترامي لكل الاعضاء
العظم هو المربح الاساسي لاي شركه مقاولات
والمقاول وده يقولك عطني عظم بس
لان العظم ما ياخذ من المقاول شهرين وربحه مش اقل من 60 % الى 70 % من البنيان
الي يتم اكثر من سنه