مساعدة بكمبيوتر السيارة

[borsahdoha]

حاولت فتح الموضوع بمنتدى السيارات بس ما قبل
على كل موضوعي بخصوص سيارتي كروزر
فيها مشكلة أن ال abs و الهاندبريك لمبتهم مضوية
غيرت البريكات و عملت ميزانية للهاندبريك و فصلت البطارية و بعد ما راح الضو
قالوا لي لازم تعمل ريست للكمبيوتر
سؤالي وين يعمل هالريست؟؟؟؟ لازم وكالة؟؟؟؟ و تبيلها آخذ دور؟؟؟؟؟ ولا فيه مكان ثاني غير الوكالة؟؟؟؟؟
شاكرا لكم تعاونكم

[eXpert*]

ممكن اعرف شاللي سبب هالمشكله ؟

هل بعد ما غسلت السياره مثلا ،، او كنت تقود في طريق وعره ؟

اما عن الريست شيك محلات فحص السيارات بالكمبيوتر اعتقد عندهم خبره .

[borsahdoha]

ممكن اعرف شاللي سبب هالمشكله ؟

هل بعد ما غسلت السياره مثلا ،، او كنت تقود في طريق وعره ؟

اما عن الريست شيك محلات فحص السيارات بالكمبيوتر اعتقد عندهم خبره .

أبدا فجأة ظهرت المشكلة

[محمد الجفيري]

ان شالله اللي يعرفوا يساعدوك

بالتوفيق اخوي .

[الزجاجي]

مالك غير الصيانه في الصناعيه والله يعينك

انت جرب حظك روع الفروع الثانيه القريبه عليك مثل الهلال ولا مدينه خليفه او الريان وورهم المشكله يمكن يحلونها لك بالكمبيوتر .. اذا لا قدر الله ما نفع الحال معاهم خذ موعد بالتلفون بالصيانه الي في الصناعيه علشان ما تنطر وايد ليين يجي دورك

[بوسيف الهاجري]

كم موديل موترك

[وافق شنن طبقة]

افصل الكمبيوتر من البانه من داخل عشر دقايق وعقب رجعه


واذا تقدر تدخل النت فيه حركه تسويها بريك وسلف وبريك

من هالسوالف تسوي ريست


والله يوفقنا وياك

[المفترس]

بالتوفيق :)

[borsahdoha]

كم موديل موترك

موديل السيارة 2003 gxr

جزاكم الله خيرا جميعا

[الكبير الله]

يمكن علبة البريك

ادري يتقول مليانة

فيها (خرزة) كورة معدنية او بلاستيكية صغيرة وظيفتها تسكر القناة بين علبة زيت البريك والمواسير اللي توصل الزيت للدرام ويل تعبي العلبة زيت بس هي ناشبة لازم تكون طافحة فالزيت جرب يمكن هي

[بوسيف الهاجري]

روح الصناعيه شارع 10 بعد معرض بدل وانت رايح قبله بتعدى محطة البترول الدوار الي بعدها في على يدك اليمين كراج اسمه القلعه
روح له في واحد هناك بكستاني دب وقصير على مااعتقد اسمه وزير بيضبط لك السياره

[بومسلم181]

جررررب كراج داكار شارع 10 الصناعيه عندهم كمبيوتر وانا كان عندي نفس المشكله جي اكس ار 2008 ليت البريك والايرباق شغاله وسوا لها سكنر ب 200 ريال وضبطت السياره