اين حماية المستهلك عن ... محطات البترول !!!

[رضى]

السلام عليكم ورحمة الله وبركاتة


موضوعي عندي شركة ومسلم الموظفين سيارات ..


فتلاحظ للمحاسب كثرة استخدام البترول وبشكل يومي لكل سيارة بمعدل 30 ريال بترول ممتاز .. طبعاً يكون هناك فاتورة بالمبلغ من قبل عامل محطة البترول وموقع عليها ..


فعند سؤالي لأحد الاخوان من اصحاب الشركات الاخرى قال لي .. بأن العامل يزور الفاتورة ..

يعني مثلاً.. الموظف عندي يعبي بـ 20 ريال ممتاز
وعامل المحطة يسجل الفاتورة بـ 30 ريال ويأخذ بخشيش ريال واحد .. و9 للموظف ..

فقمت بفرز الفواتير وحددت المحطات المستخدمة من قبل الموظفين ..

فعشان اتأكد من الغش طلعت بأحدى سيارات الشركة ولبست رياضة وعبيت 10 ريال بأول محطة وقام العامل وسجل لي 20 ريال واخذ ريال بخشيش ..
والثاني نفس الشي .. اما الثالث فكانت السيارة فوق النص وعبيت بـ 10 ريال وطلبت ان يزور الفاتورة ويسجل 40 ريال قال اوكي بس راح اسجلها سوبر لانه اغلى عشان يصير التزوير مصدق وطلب ريالين بخشيش ..


الحل يأخوان طبعاً بالنسبة لموظفيني ... كلمت مدير محطة بترول قريبة من المكتب عشان اخذ منه كوبونات شهرية بأرقام السيارات عشان نتفادي الغش .. ولما كلمته عن الغش وطلبت منه ان يجعلو للفواتير اللي يقدمونها العمال للمستخدمين ان يكون لها مسودة يحتفظ بها العامل ويسلمها بعد نهاية دوامة حتى لا يسرق في عدد اللترات.. ولكن قال الي مالنا خص بهذا الغش لان النظام ماشي من زمان وعلى جميع المحطات ..




اين حماية المستهلك من هذا الغش ...!!!!

[ANONYMOUS]

هذي مايبيلها حماية مستهلك

هذي محتاجه حماية ضمير

[رضى]

هذي مايبيلها حماية مستهلك

هذي محتاجه حماية ضمير

واذا كان مافي ضمير ..


فأين الحماية .. من بعد الله عز وجل


على الاقل حماية المستهلك تلزم إدارة المحطات بفواتير لها مسودات عشان المتابعة .. او يكون هناك طرق وحلول أخرى

[بوحارب]

حرامية بعض الهنود حسبي الله عليهم

[ANONYMOUS]

واذا كان مافي ضمير ..


فأين الحماية .. من بعد الله عز وجل


على الاقل حماية المستهلك تلزم إدارة المحطات بفواتير لها مسودات عشان المتابعة .. او يكون هناك طرق وحلول أخرى



اعتقد ان الموضوع صعب عليهم.. وخصوصا ان 90 % من الناس تصب بترول وتمشي.. لافواتير ولا ايصالات ولا هم يحزنون..


شوف.. حاول تفول السياره.. وشوف كم كيلو تمشي..

وقارن بين الاستهلاك والكيلومترات

اذا كان 40 ريال تمشي السياره 500 كيلو .. مثلا..

اذا قل الممشا عن 460 كيلو .. اجلد العامل اللي عندك

---


بعدين تعال..

اذا العامل اللي عندك ماقدرت تسوي له كنترول.. شلون تبي الشركات تكنتر عمالها :p

[شميرام]

اين حماية المستهلك من هذا الغش ...!!!!
معروف مكانهم معروفه تلفوناتهم معروف موقعه هم و البلديه وغيرهم هم مب مجبورين يدخلون كل منتدى
8005000
مسج 92656
موقعهم www.mbt.gov.qa

[شميرام]

انا الحين دخله موقع البلديه بشتكي على حديقه الحيوان ههههه

[muraikhi77]

في نظام في محطات البترول غير الكوبونات . تفتح حساب شهري معهم وفي نهاية كل شهر تتحاسب معاهم . بس شنهي اليته ما اعرف لكن مدير محطة في مدينة خليفة اللي فيها وكالة التيوتا .قال للشركات عندنا نظام احسن من الكوبونات او الفواتير

[مخطط قطري]

حمايه المستهلك مالها شغل بهالشي في لجنه مختصه بهالامور يمكنك تراسلها اسمها لجنه محطات الوقود
موقعهم الدور الرابع الرويال بلازا اعتقد تتبع لقطر للبترول اي مخالفات على اي محطه هم المسؤلين عنها وهم المزود الرئسيي للبترول داخل المحطات حتى حق شركه وقود نفسها كم الحصص الواجب توافرها في المحطات
واغلاق محطات وامور الامن والسلامه والبيئة وحتى تهريب الديزل والغش الي تقول عنه هم المسؤلين عنه
لاتكتب هنيه مر عليهم بالاوراق الي عندك وموضوعك ان شاءالله خالص في نفس اليوم:)

[شموخ دائم]

,

,


مرحبا اخوي

الله يعطيك العافيه

هذا الموضوع ماله علاقه في حمايه المستهلك ولو اني اتفق معاك
ان الفواتير المفروض تكون من نسختين نسخه للزبون ونسخه للاداره في المحطه


وما يحدث لك هو عمليه ( سرقه ) منظمه
بين موظف المحطه وبين العامل عندك
وهو مسئوليه ( الشرطه ) وليس حمايه المستهلك
انت من حقك تشتكي على العامل في المحطه وعلى العامل لديك
لانهم مشتركين بهذه ( السرقه ) من شركتك

بتحويلك الموضوع الى الشرطه ومعاقبه العامل لديك ومعاقبه العامل في المحطه
راح يخاف باقي العمال من هذا الموضوع
اما اذا ما في حد يشتكي راح تستمر
السرقه لديك ولدى باقي الشركات

,

,


اخوك


شموخ دائم

[@north_star@]

,

,


مرحبا اخوي

الله يعطيك العافيه

هذا الموضوع ماله علاقه في حمايه المستهلك ولو اني اتفق معاك
ان الفواتير المفروض تكون من نسختين نسخه للزبون ونسخه للاداره في المحطه


وما يحدث لك هو عمليه ( سرقه ) منظمه
بين موظف المحطه وبين العامل عندك
وهو مسئوليه ( الشرطه ) وليس حمايه المستهلك
انت من حقك تشتكي على العامل في المحطه وعلى العامل لديك
لانهم مشتركين بهذه ( السرقه ) من شركتك

بتحويلك الموضوع الى الشرطه ومعاقبه العامل لديك ومعاقبه العامل في المحطه
راح يخاف باقي العمال من هذا الموضوع
اما اذا ما في حد يشتكي راح تستمر
السرقه لديك ولدى باقي الشركات

,

,


اخوك


شموخ دائم

أنا أتفق مع أخونا شموخ لانه اللي يصير عملية سرقةوخيانة أمانة

[محمد الجفيري]

حسبي الله ونعم الوكيل

لا حول ولا قوة الا بالله

ان شالله تحصل الحل المناسب

وخليهم كل يومين انته قدر اللازم للبترول وعطيهم .

مو ع كيفهم .

موفق اخوووي والله يصلح حالك وييسر لك اولاد الحلال .
:)

[عاشق الشهادة]

انا الحين دخله موقع البلديه بشتكي على حديقه الحيوان ههههه




الحين ايش دخل موضوع حديقة الحيوان بموضوع غش بعض عمال محطات البترول ؟

[OREO]

الحل الوحيد هو تزويد و تركيب مكاين الكاشير مثل الدول الاوروبيه ،، لان جهاز الكاشير مرتبط بجهاز تزويد البترول و بعد تعبئة البترول راح تصدر فاتوره عن طريق الكاشير اتوماتيكيا بناء على عدد اللترات اللي انصبت في السياره من خلال مكينة التعبئه ،،، في الحاله هذه راح تستلم فاتوره ممعتمده و بالكمبيوتر ،،،

طبعا الاليه هذه لازم تقوم بها شركة وقود و هذا حرصا على اموال الناس ،،،

[OREO]

الحين ايش دخل موضوع حديقة الحيوان بموضوع غش بعض عمال محطات البترول ؟

عشان تدخل الحديقه لازم تصب بترول و تاكل حبة كيوي احمر ،،

[شميرام]

هههههههههههههههه قصدي انا عندي شكوى عليهم بدخل موقعهم بشتكي انت عندك شكوى عند حمايه المستهلك قدم شكواك هناك خلنا نجرب طريقه التواصل معهم

[{راشد}]

سنع وزارتك

[hasss1969]

في الكويت عندهم نظام بطاقة مسبقة الدفع كل ما يعبي الشخص بمبلغ معين ينسحب من البطاقة بشكل اوتوماتيكي على قدر البنزين اللي تعبت فيه السيارة ومافيها مجال لنصب والاحتيال...وكل ما يخلص الرصيد تعيد تعبئتها...ياليت يطبق عندنا هذا النظام في قطر...

[abdo222]

الله يعينك !!

سو كرت الكتروني نفس كردت كاردت لمحطه وحده بس ،، مثلا كدرت كارد لكل سياره في محطه التيسير عندهم هال الخدمه ،، فالموتر رقم 2200 له كردت كارت ما ينصرف الا في التيسير لهال السياره بس،،