تجربتي لمطعم ( علي بابا ) في زيلامسي

[alhajri-100]

السلام عليكم ورحمة الله وبركاته

هذا مطعم عربي عند بحيرة زيلامسي
وبتحديد عند grand hotel
بصراحه المطعم مايتفوت كلش وعنده ماكولات عربيه
وخليجيه والمعامله ولا احلى انا وصلت امس وتفاجئت بوجود هالمطعم
وكله خليجين واكل ولا اروع
والهم من كل هذا موقعه المتميز
الي بيروح زيلامسي انصحه بهالمطعم
وبحاول انزل لكم صور عنه وعن زيلامسي

اسمه ( علي بابا )
وفاتحين بعد سوبر ماركت يبعد عنه تقريباً 70 متر وفيه كل شي
وشكــــراً :shy:

[ورقــة أمــل]

ان شاء الله يستفيدون منه اللي المتواجدين والمسافرين الى زيلامسي

[Bin Hood]

شكرا اخي الهاجري على النصيحة

وبالهنا والشفاء

[سويسرا]

صح كلامك انا جربته (علي بابا)روووعه وايد حلو....

مقابله محل صغير تاجير سياكل هوائيه واخبر اجرت سيكل ومشيت فيه عالبحيره....

جرب تأجر لك سيكل وايد حلوووو


وفيه مطعم بيتزا اخر الشارع لا يفوتك

جرب وقول لنا تجربتك....

[خشوف]

يعطيك العااافيه اخوي

[القلم الصريح]

كلت من عنده عجييييييييييييييييب المطعم والحلو موقعه استراتيجي وكله خليجييين وعرب فيه ماتحس انك في

غربه ، وفي مطاعم ثاني مثل مطعم تركي ومطعم الباكستاني

على فكره في حديقة براتر في فينا في بعد مطعم على بابا

[alhajri-100]

ان شاء الله يستفيدون منه اللي المتواجدين والمسافرين الى زيلامسي

ان شالله
ومشكور عالمرور

[alhajri-100]

شكرا اخي الهاجري على النصيحة

وبالهنا والشفاء

العفوو طال عمرك

[alhajri-100]

صح كلامك انا جربته (علي بابا)روووعه وايد حلو....

مقابله محل صغير تاجير سياكل هوائيه واخبر اجرت سيكل ومشيت فيه عالبحيره....

جرب تأجر لك سيكل وايد حلوووو


وفيه مطعم بيتزا اخر الشارع لا يفوتك

جرب وقول لنا تجربتك....

لا طال عمرك مقابله مطعم ثاني
بس مادري وشهو شكله بار
وحتى لو فيه سياكل ماقدر اسوق مكسور :tease:
مشكور على المرور

[alhajri-100]

يعطيك العااافيه اخوي

الله اعافيس اختي
ولاهنتي عالمرور

[alhajri-100]

كلت من عنده عجييييييييييييييييب المطعم والحلو موقعه استراتيجي وكله خليجييين وعرب فيه ماتحس انك في

غربه ، وفي مطاعم ثاني مثل مطعم تركي ومطعم الباكستاني

على فكره في حديقة براتر في فينا في بعد مطعم على بابا

اي والله صدق
احلى مافيه موقعه
والناس الي ياكلون منه
كلهم خليجين وشوي منهم عرب من جنسيات ثانيه
اما بخصوص الحديقه والله مادري عنها الاسبوع الاجاي بزورها
لان موعد قطاري الساعه 7:10 م رايح ميونخ
بس مهما ادور واروح اماكن مالي غنى عن قطر
والله اتمنى طيارتي بكره بس الله كريم :weeping:

[بــوسعــد]

ان شاء الله بجربه ^^

[alhajri-100]

ان شالله وعطني رايك :)

[كاسر الامواج]

فيه له فرع ثاني داخل التاون صوب شقق سيقل .. جرب ورق عنب ماعليه كلام

[alhajri-100]

مارحت له والله طايح عنده علي بابا
لاهنت على المرور

[سهم قطر]

اخوي شلون اسعارهم

[بوجوزيف]

اخوي الهاجري ابي اسألك ..... من اي سفاره طلعت الشنقن حق زيلامسي ؟

[سويسرا]

لا طال عمرك مقابله مطعم ثاني
بس مادري وشهو شكله بار
وحتى لو فيه سياكل ماقدر اسوق مكسور :tease:
مشكور على المرور


ههههههههه
سلامات اخوي ماتشوف شر

انا متاكده ان حوله في محل تأجير سياكل هوائيه

انا ماجره مع الاهل وخذنا لفه عالبحيره

[مشتاقة لقطر]

مشكور عالافادة

[بدوي]

ههههههههه
سلامات اخوي ماتشوف شر

انا متاكده ان حوله في محل تأجير سياكل هوائيه

انا ماجره مع الاهل وخذنا لفه عالبحيره


كلكم صادقين :nice:

اللي مقابل مطعم علي بابا .. مطعم ثاني ولكن بجانب المطعم عاليسار

فندق صغير اعتقد ويأجر سياكل وللنزلاء بلاش وهالنظام في اغلب فنادق زيلامسي :victory:

في مطعم هندي جديد توه فاتح السنة اللي طافت :nice:

بجانب فندق Neue Post - Apartments

وانصح بهذا الفندق لعدة اسباب :

1- الفندق عبارة عن نظام شقق وفيه غرفة وغرفتين و3 غرف طبعآ مع الصالة وحمامات عزكم الله ومطبخ وبلكونة مطلة عالبركة ( بالطلب )

2- في نفس مبنى الفندق تحت عالشارع فيه سوبرماركت فيه كلللل شي وكل مانحتاجه احنا كخليج وعرب واللي يبيعون نساء اتراك

3- مطعم فيه بعض الاكلات العربية والبحرية في نفس مبنى الفندق عالشارع

4- احلى شي افتتاح مطعم هندي بجانب السوبرماركت مساحات كبيرة فيه واطلالة على شارع المشاء وبإمكانك تطلب وتاكل في شقتك من قريب :nice:

5- حديقة الفندق حلوة وملمومة وشرحة وخاصة اذا غطوا بركة السباحة وقت المطر

6- أهم شي ماتسمع ازعاج القطار اللي اشوفه سلبيه كبيرة في فندق غراند ( الغرف اللي مطلة عالقطار) :anger1:


مكان الفندق بالضبط .. وانت طالع من غراند تكمل سييييييدة لين آخر شارع المشاة وتلف اجباري يسار وتمشي لين النافورة بتلقى جمعية لوحتها صفرا خلها على يمينك ودش مع الشارع وبتلقى الفندق على يسارك

ووووووووبس

يعطيكم العافية