مشروع مقهى إنترنت

[طاير]

السلام عليكم
يا جماعه انا عندي مشروع وهو عمل مقهى إنترنت وحالياً في مرحلة عمل الجدوى على أمل ان ينزل سعر مصرف الريان بسعر زين عشان نبدا المشروع :)

الأسئلة اللي في بالي وأتمنى من اخواني في المنتدى يردون عليها هي :

1- هل التراخيص التجاريه لمقاهي الإنترنت لازالت مفتوحه في قطر والا ممنوعه لأني سمعت من واحد من الشباب ايقول انهم مقفلينها ولازم اشتريها من واحد واذا كانت مقفله كم تسوى في السوق ؟

2- كم ايكلف شراء السيرفر الخاص بالمقهى وكم استيعابه وكم أجار كيوتل وهل هو شهري والا سنوي وهل هناك مبلغ مالي كضمان لكيوتل ؟


اخوكم : طاير

[ذات]

الله يوفقك

وان شاالله تلقي اللي يفيدك

[طاير]

مشور يا بومحمد على المرور . اتصدق فقدت الأمل انه حد يرد علي:(

[23سلطان]

مشور يا بومحمد على المرور . اتصدق فقدت الأمل انه حد يرد علي:(

1. من خلال خبرتي المتواضعة في التجارة لم اسمع ان مقاهي الانترنت موقوفة .. بل متوفرة

2. نجاح مقهى الانترنت يعتمد على:

- مكان المقهى (وحاول ان تاخذ المناطق الراقية او المجمعات التجارية المعروفة) .. اذكر ان محل انترؤنت اغلق لانه في حي فقير والاجانب الفقراء لايستخدمون الانترنت .. ومحل آخر اغلق لانه في منطقة سكنية للقطرين .. ومافيه بيت قطري مافيه انترنت .. ركز على الاجانب الاغنياء

- خلك كبير (يعني اذا بتفتح انترنت كوفي براس مال 150 الف ريال فانصحك توفر فلوسك .. العب على نص مليون وفوق لان السوق اصبح للكبار فقط)

- لاتركز على السعر .. واعرض اسعار عالية مع خدمة ممتازة حتى ياتيك الراقيين والاغنياء بدل الدخل المحدود الي يتهاوش على ساعة بريالين ونص

- لا اعرف كم الاجار الشهري للسيرفر ولكن اذكر ان الشركة التي اعمل به اجرته على 13 الف ريال كل 3 اشهر ان لم تخني الذاكرة .. فالسيرفر التجاري يختلف في السعر عن السيرفر المقدم للمستهلك العادي في السعر. واتصل على 111 وهم سيساعدونك في معرفة التفاصيل

- ركز على خدمات اخرى مثل صيانة الكمبيورت والتدريب والكوفي شوب في المقهى والتوصيل للمنازل ... واجعل كل عمالك يتقنون اللغة الانجليزية

واخيراً

الله يعينك على الاجار

لان الانترنت كوفي يحتاج 3 ابواب على الاقل وكل باب اجار 3000 ريال وفوق

اتمنى لك التوفيق يالغالي ولكن خذ نصيحتي ولاتدخل هذا السوق

واذا احتجت مساعده ابعث لي على الخاص

والسلام ختام

[سحايب]

الله يوفقك ان شاء الله

[طاير]

ما قصرت يا سلطان على المرور والتعليق .... خوفتني يوم قلت لا تدخل هالسوق وانا بروحي خايف
اذكر شريت محل حلاقة في شارع السلام ما تم واحد من العايله ما اتصل علي
بتخسر بتخسر .. شعرفك في المحلات :(

ليمن سكرت المحل :)



-----------------------
سحايب : مشكورة على المرور

[23سلطان]

ما قصرت يا سلطان على المرور والتعليق .... خوفتني يوم قلت لا تدخل هالسوق وانا بروحي خايف
اذكر شريت محل حلاقة في شارع السلام ما تم واحد من العايله ما اتصل علي
بتخسر بتخسر .. شعرفك في المحلات :(

ليمن سكرت المحل :)


مب بس انت

حتى انا مابقى احد ماتصل فيني وقال خسران

اذا حبيت تدخل مشروع كبير خبرني والربح مضمون 100%

خلك على المشاريع الكبيرة

والله يوفقك

[طاير]

سلطان 23
سجل إعجابي .... :)
انا نا شاء الله مفكر جديا اسوي مشروع لو ما يبقى عندي ريال لواحد :)

وان شاء الله خير
اول ما باكون جاهز لازم يكون عندكم خبر :)

[ملكة البورصة]

اخوي سلطان تعليق بسيط اذ تقول انت الاغنياء والراقين هم اللي بيرتادون الانترنت كوفي ماطن لان اغلبيتهم عندهم برق وارخص لهم من ان يدفعون عالساعه 10 او 15 ريال.............................

[عتيج الصوف]

مشروع ياأخوي له مشاكل كثيره من اصحلب خبره في هذا المجال..والله اعلم

[23سلطان]

اخوي سلطان تعليق بسيط اذ تقول انت الاغنياء والراقين هم اللي بيرتادون الانترنت كوفي ماطن لان اغلبيتهم عندهم برق وارخص لهم من ان يدفعون عالساعه 10 او 15 ريال.............................

هلا اخت ملكة البورصة

عندما قصدت الاغنياء الاجانب فانا اقصد الذين ياتون بعقود لمدة سنتين او اقل

او هؤلاء الذين ياتون لفترة بسيطة مثل شهر او شهرين

على سبيل المثال

انا اعمل في شركة ولدينا موظفيين يستخدمون الانترنت كوفي الذي في السيتي سنتر مع العلم ان راوتبهم اعلى من راتبي

ومن ثم يجب ان اكون صريحاً اكثر واكثر

احد اسباب هبوط استخدام الانترنت بقطر هو توقف محلات الانترنت عن اختراق سيرفر كيوتل

[طاير]

مشروع ياأخوي له مشاكل كثيره من اصحلب خبره في هذا المجال..والله اعلم

مشكور على المعلومه ياغالي وياليت اخوي تفيدني اكثر شنوع المشاكل اللي ممكن تواجهني :)

[Al-Kuwari]

احد اسباب هبوط استخدام الانترنت بقطر هو توقف محلات الانترنت عن اختراق سيرفر كيوتل


وانت ادرى ليش يبون يخترقون سيرفر كيوتل ;)
فهل بترضى انك تاخذ اثام ذول كلهم :)
عالعموم الله يوفقك في مايحبه ويرضاه...

[طاير]

الحين حسب معلوماتي صاحب الكافيه هو اللي يتحكم في سيرفره
يخليه مفتوح والا ايسكره
كيوتل معطتهم الحرية والدليل شوف الأماكن الإباحية تفتح في كافيهات وكافيهات لا

[الأختصاصي]

اخوي طاير انت لازم تمر على اي محل انتر نت وتسئله مباشره علشان تكون فكره عن الاسعار وعن متطلبات المحل صدقني هذا احسن حل وبعدها تبني الخطط الي انت تبيها والموقع والديكور ولاتنساني وانا اخوك

بالقهوه الطيبه عند الافتتاح

وبالتوفيق ان شاء الله

[طالب علم]

إخوي إسمحلي أعطيك رأي واحد فتح محل إنترنت كافيه وخسر فيه كل شي. وهذا الرجال هو انا

أول شي فتحت المقهي في موقع ممتاز وصرفت عليه بحدود المعقول وكان جداً مميز. بس بعد شهرين بدت المشاكل معي.
أول شي لازم يكون عندك مبرمج وفني للشبكات. ما تدري متى توقف الشبكة ولا تتعطل ولا يدخلك واحد من زباينك ويدخلك فايروس. وما تدري المبرمج وفني الشبكات كم رواتبهم وأنا صراحة كانو يكلفوني فوق 8000 ريال شهرياً.
ثاني شي لما فتحت كان في سنة 1998 كان ما في خط برق ولا نت مباشر على التلفون على 166 وكان أرخص جهاز كمبيوتر ثمنه 4000 ريال. وكان الإشتراك عندي (الساعة 10ريال ) (10 ساعات 80 ريال) (50 ساعة 300 ريال) (100 ساعة 500 ريال) وكنت أدفع لكيوتل 8000 ريال شهرياً.
والمشروع خسر عشان :
1- خلال 5 شهور نزلت كيوتل خدمات البرق وخدمة 166 وصار الواحد من أي تلفون يقدر يتصل بالنت. وكل ما كنت أنزل سعري كانوا يقدمو عرض أنقص مني. وهاذي حالة كيوت يدفعونك ثمن الخدمة ويضاربون عليك.
2- ثاني شي صار الشباب يجو على النت ويصير صراخ عالنت وشات كلام فارغ وخسرت زبائني من العائلات والبنات.
3- ثالث شي في قانون يحتم على المحلات تقفل على ساعة معينة وانت ممنوع تتأخر في المحل وممنوع تفتح 24 ساعة. والناس تخلص من شغلها في الشركات على 8 .
4- شغلك راح يكون من 8 الصبح للساعة 11 يعني 15 ساعة في اليوم بس للأسف محد راح يجيك الصبح وكل الزبائن راح تيجيك بين الساعة 7 المساء والساعة 10 يعني بس 3 ساعات راح ما يكون عندك مكان والباقي ما راح تستفيد منه.
وإذا بتسألني شلون بعض المحلات ربحانه؟ اول شي ما يعتمدون عالنت بس يعتمدون على بيع بطاقات الإتصال الدولية وعلى المكالمات الدولية اللي تكسب ذهب بس غير قانونية وإذا صادوك كيوتل قفلو المحل.
ثاني شي بعض المحلات تخترق البروكسي وتجذب الشباب وساعتها بتكره شركتك.
أخوي بقولك شي. لما تفتح تجارة لازم تفكر لعشر سنين على الأقل. وبمجال التكنولوجيا المتطورة بسرعة لا تستثمر إلا إذا ضامن مجالات كثيرة عشان قبل 3 سنين كانت الساعة بكيوتل 15 ريال واليوم خط 24 ساعة بس 200 ريال وتعتقد إيش بصير بعد 3 سنين.
والله يوفقك أخوي

[23سلطان]

إخوي

أخوي بقولك شي. لما تفتح تجارة لازم تفكر لعشر سنين على الأقل. وبمجال التكنولوجيا المتطورة بسرعة لا تستثمر إلا إذا ضامن مجالات كثيرة عشان قبل 3 سنين كانت الساعة بكيوتل 15 ريال واليوم خط 24 ساعة بس 200 ريال وتعتقد إيش بصير بعد 3 سنين.
والله يوفقك أخوي

سمعت احد الاصحاب العالمين بتقنية الكمبيوتر انه سياتي يوم يكون النت بالكهرباء وليس بالهاتف كما هو الآن

اضف ان هناك شركات الكوفي شوب مثل ستار بوكس وغيرها بدات تطرح للجمهور خدمة مجانية استخدام الانترنت بالمقاهي عن طريق (اللاسلكي)

وقد شاهدت هذا بام عيني في دبي

تطلب قهوة وتجلس على اي من الطاولات وتستخدم اللاب توب الخاص بك وتشبكه على الانترنت مجاناً

وبالتوفيق

[طاير]

اخوي طاير انت لازم تمر على اي محل انتر نت وتسئله مباشره علشان تكون فكره عن الاسعار وعن متطلبات المحل صدقني هذا احسن حل وبعدها تبني الخطط الي انت تبيها والموقع والديكور ولاتنساني وانا اخوك

بالقهوه الطيبه عند الافتتاح

وبالتوفيق ان شاء الله

مشكور ياغالي على النصيحه وانا عندي واحد من الشباب عنده كافيه كبير وله سمعته بالدوحه بس ياخوك انا خايف افاتح حد اعرفه بالمشروع ايشردني منه :)

بانسبه للقهوة : حاظرين :) نقهويك بالبيت قبل لا انقهويك بالمقهى

[طاير]

سمعت احد الاصحاب العالمين بتقنية الكمبيوتر انه سياتي يوم يكون النت بالكهرباء وليس بالهاتف كما هو الآن

اضف ان هناك شركات الكوفي شوب مثل ستار بوكس وغيرها بدات تطرح للجمهور خدمة مجانية استخدام الانترنت بالمقاهي عن طريق (اللاسلكي)

وقد شاهدت هذا بام عيني في دبي

تطلب قهوة وتجلس على اي من الطاولات وتستخدم اللاب توب الخاص بك وتشبكه على الانترنت مجاناً

وبالتوفيق

موجوده هالخدمه في المجمعات التجارية الكبيرة مثل السيتي سنتر والحياة بلازا وانا مجربها وشغاله حلاوة ومجانية :( وكذا مره دشيت عن طريقها الشبكه من جهازي الآيميت وكذلك موجوده في الشيراتون ايام مؤتمر الإتصالات
اما اللي بفلوس فهي خدمة الهوت سبوت وجربتها من الي فرانس :) بس غاليه شوي وماتحمل همها :)

[طاير]

إخوي إسمحلي أعطيك رأي واحد فتح محل إنترنت كافيه وخسر فيه كل شي. وهذا الرجال هو انا

أول شي فتحت المقهي في موقع ممتاز وصرفت عليه بحدود المعقول وكان جداً مميز. بس بعد شهرين بدت المشاكل معي.
أول شي لازم يكون عندك مبرمج وفني للشبكات. ما تدري متى توقف الشبكة ولا تتعطل ولا يدخلك واحد من زباينك ويدخلك فايروس. وما تدري المبرمج وفني الشبكات كم رواتبهم وأنا صراحة كانو يكلفوني فوق 8000 ريال شهرياً.
ثاني شي لما فتحت كان في سنة 1998 كان ما في خط برق ولا نت مباشر على التلفون على 166 وكان أرخص جهاز كمبيوتر ثمنه 4000 ريال. وكان الإشتراك عندي (الساعة 10ريال ) (10 ساعات 80 ريال) (50 ساعة 300 ريال) (100 ساعة 500 ريال) وكنت أدفع لكيوتل 8000 ريال شهرياً.
والمشروع خسر عشان :
1- خلال 5 شهور نزلت كيوتل خدمات البرق وخدمة 166 وصار الواحد من أي تلفون يقدر يتصل بالنت. وكل ما كنت أنزل سعري كانوا يقدمو عرض أنقص مني. وهاذي حالة كيوت يدفعونك ثمن الخدمة ويضاربون عليك.
2- ثاني شي صار الشباب يجو على النت ويصير صراخ عالنت وشات كلام فارغ وخسرت زبائني من العائلات والبنات.
3- ثالث شي في قانون يحتم على المحلات تقفل على ساعة معينة وانت ممنوع تتأخر في المحل وممنوع تفتح 24 ساعة. والناس تخلص من شغلها في الشركات على 8 .
4- شغلك راح يكون من 8 الصبح للساعة 11 يعني 15 ساعة في اليوم بس للأسف محد راح يجيك الصبح وكل الزبائن راح تيجيك بين الساعة 7 المساء والساعة 10 يعني بس 3 ساعات راح ما يكون عندك مكان والباقي ما راح تستفيد منه.
وإذا بتسألني شلون بعض المحلات ربحانه؟ اول شي ما يعتمدون عالنت بس يعتمدون على بيع بطاقات الإتصال الدولية وعلى المكالمات الدولية اللي تكسب ذهب بس غير قانونية وإذا صادوك كيوتل قفلو المحل.
ثاني شي بعض المحلات تخترق البروكسي وتجذب الشباب وساعتها بتكره شركتك.
أخوي بقولك شي. لما تفتح تجارة لازم تفكر لعشر سنين على الأقل. وبمجال التكنولوجيا المتطورة بسرعة لا تستثمر إلا إذا ضامن مجالات كثيرة عشان قبل 3 سنين كانت الساعة بكيوتل 15 ريال واليوم خط 24 ساعة بس 200 ريال وتعتقد إيش بصير بعد 3 سنين.
والله يوفقك أخوي


طلب علم يعطيم العافيه على الشرح الوافي وسلمت يمينك ...
انا ياغالي من جد افكر في مصدر دخل ثاني ... وللحين نشاور ... ما خاب من استشار ولا ندم من استخار