الغيره بين الموظفين

[الفرحه]

أنا بديت العمل من شهر تقريباً ومعاي موظفات أصغرمني بس لهم خبره في الشغل صار لهم سنه تقريباً وأحاول أتأقلم معاهم بس موب قادره لاني أحس أنهم مايبغوني معاهم في الغرفة وموهوب عارفة ويش أسوي وأشوف هالشي من أسلوبهم ونظرتهم حق بعض وغير أنهم يخلوني ويجتمعون في غرفة ثانية المشكله أني أنتقلت غرفة ثانية بس يجون ويسألون ليش قاعدة بروحج وأحس بالاحرا ج فقلت مالي الا ارجع فيدوني ايش اسوي

:weeping::weeping::weeping::weeping::weeping::weep ing:

[eXpert*]

شئ طبيعي يبيلج فترة لين تتأقلمين عليهم ويتأقلمون عليج .

هذه عادة متعارف عليها لين يعرفون طبيعتج ،، يمكن حاطين في بالهم انج مدزوزة من المدير .

اصبري اشوي لين يرتاحون لج والامور بتمشي أوكي :)

بالتوفيق في الوظيفة .

[الفرحه]

الله يعيينا ومشكوره أختي eXpert

[تحداني]

راح تتأقلمين ان شاء الله
وعبال ما يعرفون اطباعج واتعرفين اطباعهم .. ياخذ اشوي وقت
ولا تاخذينها من باب الغيره .. ومن باب العمر " صدقيني راح تطلع ضنونج مو في محلها مع الايام "


هدي بالج ووسعي خاطرج
تذكرت نفسي يوم اشتغلت .. حسيت ان الكل ضدي
مع العلم الكل كان يحاول يعلمني وينصحني .. ويكسبني
وراح يضلون هم اقدم منج ويعرفون بعض اكثر وراح اتحسين نوعا ما انج غريبه
بس هم معليه




جملك الله برضى الرحمن

[deema117]

عادي حبيبتي . . كلنا تقريباً مرينا في الموقف ويبيلج مدة لين ما تتعودين عليهم ويتعودون

عليج وبتكتشفين أنهم طيبين إن شاء الله . . سبحان الله البعض لشافوا موظف جديد ينفرون

منه . . خلج عادية معاهم وحاولي تستغلين الوقت بأن تتعلمين الشغل حتى لو تعلمين نفسج

بنفسج دائماً كوني مطّلعة على كل شيء .

[قطرية فذة]

موضوع عادي جداً تفضل الاخوان بشرحهة

امداها يعني الغيره؟ كل واحد يدش العمل مشتط عقب لما يكتشف الوضع يهدي الاندفاع شويه

[M!$s ĀŁ!eN]

عندي وعندج خير ..
البنات يغارون من بعض ..
بس من يتعودون عليج راح يكسرون الايس .. بيرك ذا ايس ..

يعني في حواجز
انا قضيتي غير ترا
انا ارودي باخد مكانا ... اهي ما تداني ولا اللي معاها .. لان كلهم بيطيرونهم
مو ذبني .. بس اهم اللي سوه لفسهم
ترا صج ارد البيت والنفسه كلش مااالي خلق زعلانه ..
من التطرفات بس .. الله كريم

[Dawn]

عااااادي صارت معاي واااايد بحكم اني غيرت شغلي اكثر من مره

الحل كالآتي

ادفني نفسج في الشغل ،،،، ماعليج من اي حد ولا تكلمين اي حد الا للضروره ،،، العلاقات الاجتماعيه خليها بالبيت اما اللي في الشغل لا تحتكين فيهم ابدا الا في حدود الشغل وبسسسسس

واذا ما عجبج الوضع او لقيتي الناس يتلزقون فيج اشردي عنهم روحي دوري لج وظيفه ثانيه ... احذري من صداقة العمل هذا اهم شي لان الناس هالايام ما يبون الا المصلحه واستغلالج باي طريقه ... هذي خلاصة تجربتي في العمل مدة 6 سنوات .. شغله بسيطه جدا بس يبيلها قوة شخصيه

وبالتوفيق ان شا الله

[ANONYMOUS]

غريبه

مع ان في العاده الناس تحب الوجوه الجديده في العمل

ع الاقل في اكشن

[ام السعف]

غالبا البدايات يكون فيها تنافر ،، لكن مع الوقت راح تلقين انجذاب كبير منهم

اهم شي خلج مبتسمة ونفسج طيبة ،، و الحواجر راح تنلغي من نفسها ،،

بعدج شهر يبي لج كم شهر وبتصيرون سمن على عسل ،،

[ضي البدر]

الله يعينج اختي هذة فقط في المراحل الأولى وبعدها اشةي اشةي بيدى يبان كل شي وبترتخي هالحواجز الوهمية امبينكم والله يوفقج في الوظيفة واهتمي في شغلج بالأول ماعليج من صداقات العمل لاحقة عليها..

[الفاخر]

غريبه

مع ان في العاده الناس تحب الوجوه الجديده في العمل

ع الاقل في اكشن

حلوووووووه سالفة الاكشن :omen2:

اي والله صج ليش دوم كذا ياجماعه
ليش مانشوف حل لذي المشكله
خاطري اشوف اي موظف جديد توه مشتغل يحس انه موظف قديم والسبب المعامله الطيبه من اول يوم
مش معناة كلامي ان ذا الشي معدوم لا موجود بس نادر
عموما كل ذي الامور ترجع على تركيبة الاشخاص

[الفرحه]

مشكورين ع الردود الطيبه والله يوفقكم ويوفقنا وياكمقولول آمين

[wadha-qa]

عااااادي صارت معاي واااايد بحكم اني غيرت شغلي اكثر من مره

الحل كالآتي

ادفني نفسج في الشغل ،،،، ماعليج من اي حد ولا تكلمين اي حد الا للضروره ،،، العلاقات الاجتماعيه خليها بالبيت اما اللي في الشغل لا تحتكين فيهم ابدا الا في حدود الشغل وبسسسسس

واذا ما عجبج الوضع او لقيتي الناس يتلزقون فيج اشردي عنهم روحي دوري لج وظيفه ثانيه ... احذري من صداقة العمل هذا اهم شي لان الناس هالايام ما يبون الا المصلحه واستغلالج باي طريقه ... هذي خلاصة تجربتي في العمل مدة 6 سنوات .. شغله بسيطه جدا بس يبيلها قوة شخصيه

وبالتوفيق ان شا الله

اتمنى تتبعين هذي النصيحه انا مطبقه هالامر من 3 سنوات و الحمد لله مرتااااحه لا مشاكل ولا عوار راس ولا قيل وقال خبرج البنات اذا اجتمعوا في مكان زادت المشاكل و الامراض النفسيه :secret:

بس انا ضد تغيير الوظيفه اذا عاجبني الشغل ما اغيره عشان سوالف مالها داعي و حلها بيدي !!

[الفرحه]

مشكوري ع الدود الطيبه

[بـــــــنت النوخـّــــذه]

أنا بديت العمل من شهر تقريباً ومعاي موظفات أصغرمني بس لهم خبره في الشغل صار لهم سنه تقريباً وأحاول أتأقلم معاهم بس موب قادره لاني أحس أنهم مايبغوني معاهم في الغرفة وموهوب عارفة ويش أسوي وأشوف هالشي من أسلوبهم ونظرتهم حق بعض وغير أنهم يخلوني ويجتمعون في غرفة ثانية المشكله أني أنتقلت غرفة ثانية بس يجون ويسألون ليش قاعدة بروحج وأحس بالاحرا ج فقلت مالي الا ارجع فيدوني ايش اسوي

:weeping::weeping::weeping::weeping::weeping::weep ing:

يبيلج تتأقلمين :omen2: انا اشتغل اكثر منج ومابيني وبينهم غير السلام عليكم وعليكم السلام واوجبهم في مناسباتهم واحزانهم فقط اذا سمحت ليّ الظروف00 اما طق سوالف وانسير على بعض:telephone: مادري افضل اتكونين ماسكه العصى من المنتصف بلا تفريط ولا تشدد لان مجتمع الحريم مايبيله انفتاح زايد :p خصوصا" في مجال العمل اههههه

عليج اتكونين انسانه لبقه ومتحدثه جيده وصبـــــــــــــــــــوره لما يقال وينقل لج ولاتحكمين على الاشخاص إلا بعد المعاشرة والتأكد والحذر الحذر من نقل الكلام لي ياتج وحده اتعقر خلج مستمعه فقط اهههههههه وهزي راسج وبس عقبها قولي الله يصلح الحال:nice:

بس سؤال ليش سميتيها غيره 000 ترى العزوف لايعني الغيره في كل الاحوال:)

[حنان الدنيا]

صدقيني احسن لج خلي في حواجز ولا تفتحين لج باب مب عشان الغيره وهالخرابيط لالالا

بس انتي رايحه شغل وماتبين عوار راس وتعالي شوفي هاذي ايش سوت ولا ايش حطت

ومادري وين راحت ومشاكل


نصيحه مني بحكم اني اشتغل خلي علاقتج بس السلام فقط و اول مادوامت مشاكل واحزاب وكل

حزب يبي يضمني صوبه عسى ماشر في حرب وانا مادري والكل يقولي ليه قاعده بروحج

وماروح هالتجمعات اللى يسونها :victory:

خلصي شغلج واذا مافي شغل اشغلي نفسج بأي شى وهذا اللى انا اسويه حتى لدرجه حتى اني

افطر في مكتبي وبحكم تجربتي انا بعيده عنهم وماخلوني في حالي ومع ذلك توصلني مشاكلهم

[missperfect]

وي سكتي اختي الفرحه أعاني منها لي يومج بس ما ادير لهم بال وايد واخليهم اخر اهتمامي بالشغل وماعليج منهم ماعليج الا من مديرج وشغلج بس ،، وترى في من هالبنات واااايد في كل مكان
حتى مديري كان يحذرني منهم
ربي يعيينج ويوفقج في الشغله الجديده

[بنت الريان]

أختني ماعليج من أحد خلج بشغلج ولاتدققين وايد رغم اني اجتماعيه الا في الدوام رسميه علاقتي طيبه مع الكل ولااحب التجمعات ووايد يشتكون يقولون لى ليش ماتمرين علينا اقولهم مشغوله حتى لو مب مشغوله مامر الا نادر وان قعدت ماطول عن 5 دقاايق :) والله يوفقج للى فيه الخير

[بوحارب]

وش هالدوام اللي كله غرف:unsure::D

ماعندكم غرفة فاضية تراني من النوع اللي يحب ينام في الدوام :looking::funny:


اختي نصيحة احقريهم ولا تفتكرين فيهم وخليهم يغيرون من اليوم لين بكرة

انتي رايحة تشتغلين مب رايحة عشان فلانه ولا علانه

والله يوفقج:)

[mrs.spoon]

اول شي مبرررررروك الوظيفة الجديدة، ثانيا لاتسؤين الظن، هي فترة وبتتعودين عليهم وبيتعودون عليك ، لاتحطين في بالك غيرة ولا شوفة نفس هذا شي طبيعي بس شكلك انتي حساسة شوي، اختي فكري بالشغل وخليها ع الله ومع الوقت بتصيرون اكثر من ربع وبيتصير بينكم عشرة وبتعاشرينهم اكثر من هلك.