المساعد الشخصي الرقمي

مشاهدة النسخة كاملة : شباب بغيت مكتب استشاري لعمل الخريطه نصايحكم !!



Qt.1
08-05-2011, 01:37 PM
بغيت اسوي خريطه للبيت , شباب بغيت نصيحتكم في مكتب استشاري شغله حلو وسعره معقول والله يجزاكم خير :)

Qt.1
08-05-2011, 09:14 PM
للرفع

محمد الجفيري
08-05-2011, 10:08 PM
ان شالله يساعدوك الاعضاااء

بالتوفيق اخوي

AL-ANSARI
08-05-2011, 10:47 PM
موفق اخوي

المركز القطري للاستشارات الهندسية جيد وسعره معقول خذ رقمه من الاستعلامات

بوخالد911
08-05-2011, 11:03 PM
مكتب شعاع

بشارع الأمير

موووفقين

Chambray
08-05-2011, 11:25 PM
يمدحون شغل برع
هني شغلهم تجاري بحت
نسخ ولصق وادفع 12 الف اقل شئ

صــوت قطــر
08-05-2011, 11:39 PM
البيت القطري للاستشارات الهندسيه قريب اشارات العاصمه حاليا ..

شغل ممتاز ومواعيد دقيقه وسعر مناسب :)

بوفهد 5555
09-05-2011, 08:04 AM
اسمع اخوي انا تعاملت مع مكاتب وايد الصراحة احسن مكتب تعاملت معه المركز القطري للاستشارات الهندسية في معيذر مكتب سريع وشغلهم نظيف اذا رحت لهم قول بغيت المهندس محمد (مصري) مكتبه في الدور الاول اذا عندك فكرة معينة مستعد يرسم لك الخارطة كامله في نفس اليوم واذا اعجبتك تدفع لهم عربون وعلى طول بيحولها حق البلدية وبتاخذ كم يوم علشان يسون لك خارطة الكهرباء والماي والحديد . روح له وراح تدعيلي انشا الله

بوفصول
09-05-2011, 06:06 PM
شوف لك مكتب محترف .. يوفر لك في الحديد والخرسانات المختلفة مثل عدد العواميد والقواعد وسماكة الجسوروالاسطح .

ادفع زيادة على الخريطة ، بترتاح وبطلع قيمة الخريطة عشر وقت البنيان

بالتوفيق اخوي

qtr-1st
14-05-2011, 08:23 AM
مكتب الفجر. الخريطه 9000 ريال

شغل محترم ونظيف ويوفر كل طلباتك

الحـ قطر ــب
09-07-2011, 11:47 PM
للرفع يا شباب وخلو الكل يستفيد

رآعي موآجيب
11-07-2011, 12:27 PM
القطري في المعيذر

تعاملهم قمه وشغلهم نظيف

بس المشكله دايما زحمه

بوشاهين2
11-07-2011, 12:36 PM
مكتب شعاع للأستشارات الهندسية .. وأنت طالع من نفق مدماك بأتجاه الشمال قبل مسجد الأنصاري .. شغلهم أوكي بس بينقعونك تقريباً من شهرين إلى الثلاث شهور.

captin
12-07-2011, 06:16 AM
لا تدور الرخيص
روح للجودة قبل كل شي

الرخيص ممكن يورطك
ويخسرك في البنيان يحط لك خرسانة وحديد
أكثر من المطلوب
بتوفر لك 5 الآف في الخريطة
وبتدفع لك مبلغ يفوق الـ 50 الف في حديد وخرسانة على الفاضي.

واحب أقدم مجموعة من النصايح في التصميم

- انتبه للمساحات لاتكون كبيرة جدا ولا صغيرة
- تكون جميع دورات المياه فوق بعض اذا البيت دورين او أكثر بحيث لو صار تسريب
من العازل في المستقبل يكون على الحمام اللي تحت مب على الصالة او المجلس او غرفة نوم
- عندك درايش الحمامات تكون صغيرة وبوضع يتناسب مع بوكس الشاور
ما تجي تركب وبعدين يطلع بوكس الشاور في نص الدريشة.

- حاول تسوي لك حمام صغير يخدم الصالة ومستخدمي الصالة بدال ما تستخدم حمام الغرف.

- ارتفاع الاسقف يكون ما يقل عن 4 أمتار بحيث انك تقدر تسوي الديكور اللي يعجبك
او تركب تكييف نظام دكت سبليت.

- مواقع مكيفات الاسلبيت ما تكون في زاويا الغرف او فوق الشباك مباشرة او بين شباكين عشان ما تتلعوز في تركيب الستائر .

- توزيع نقاط الكهرباء والخدمات في الاماكن والغرف بشكل عملي ومناسب ما يكون الساكت ورى الكبت ولا ورى التسريحة مثلا حاول انك تسوى تصور لتوزيع الأثاث من البداية وتتخيل شلون بتستخدم كل مساحة.

- وزع المبنى والملاحق بشكل مناسب على الأرض بحيث انك تستفيد مساحة للمستقبل لمجلس خارجي او ملحق لأحد العيال او بناء مخزن أو مواقف سيارات.

- يفضل كراج السيارات يكون على السور مع غرفة سايق.

هاذي مجموعة من النقاط يمكن انك تحطها في الاعتبار قبل ما تبتدي ترسم بيت العمر
وخصوصا أن معظم المكاتب عندنا تنسخ شغل الآخرين وتعيطك اياه أو بعض المهندسين يفرض عليك اللي في باله.


بالتوفيق ان شاء الله .