سؤال عن الشفاط المركزي

[Miss Merna]

سؤال لأهل الخبرة وين احصل الشفاط المركزي الي يتركب في الحمام وانتو بكرامة نفس الفنادق وهل لازم يكون مخطط له في الخريطة ولا عادي نقدر محطة بعد عمل البلاستر

[Chambray]

شفاط مركزي !
ولا تقصد شفاط الي يجي في السقف ؟؟؟؟
هذا سهل
فتحه في الطوفه بحجم 4 انش
وبايب
وانتهى الموضوع

انصحك تمر على ( المثلث الهندسي ) بجانب اشارات المجنون قبل المحطة على اليمين بتحصله

[مهل]

السلام عليكم

اعتقد بتلقينه في اي وكيل اجهزه .. مثلا انا شفته في جنرال كول في خط سلوى و شفته في سامسونغ
وعندج المانع الي عند اشارات رمادا جمب المطاعم .

انتي شوفي المطبخ شلون توزيع الفرن فيه و فتحه التهويه السابقه .

بحيث يركب فوق الفرن (امر ضروري يكون فوق الفرن) و يتوصل خرطوم الى فتحه التهويه القديمه

المحلات تبيع الشفاط فقط و الخرطوم المعدني انتي تجيبينه .. بس من وين مادري
اعتقد المحل الي تشترين منه بيفيدج

[ZURICH]

في نوع الماني معروف وكثير من الناس تستخدمة سعر المروحة الداخلية 850
ريال

لكن اسم الشركة ماعرفة

[Miss Merna]

شكرًا لكم على الردود بس الى أنا اقصدة هو الشفاط الى في الحمامات بدل المروحة في شفاطات نفس الي في الفنادق فتحة في السقف بس متى نسوية لازم يكون في الخرايط يعني مخطط لهم ولا عادي

[ZURICH]

الي تقصدينها المروحة الي تكون وسط الديكور لدورات المياة مثل الي في الفنادق

تقدرين تركبينها مع تشطيب الحمام في اي وقت ومو ضروري تكون في الخريطة

[مهل]

اها ... هذا يكون وحده من ثنتين

اما يكون نظام التكييف في البيت تكييف مركزي و الي تشوفينه في الحمام هي مروحه الشفط الخاصه بالمكيف .. لان المكيف المركزي يكون فيه فتحتين وحده شفت و وحده دفع الهواء البارد .

و النوع الثاني يمكن هو الي تقصدينه وهو عباره عن فتحه مثل الي تشوفينها في حمامات الفنادق وراها مروحه شفط عاديه مثل الي في الطوفه ولا في الشباك موصوله بانبوب يودي لخارج البيت لفتحات التهويه الخاصه بالمنهولات او تهويه خاصه في الحمام .. طبعا لازم يكون الحمام سقفه نازل الي هو الديكور عشان تصير التوصيلات و البيبات خلف سقف الديكور و تحت السقف الخرساني .

[alwahesh]

اها ... هذا يكون وحده من ثنتين

اما يكون نظام التكييف في البيت تكييف مركزي و الي تشوفينه في الحمام هي مروحه الشفط الخاصه بالمكيف .. لان المكيف المركزي يكون فيه فتحتين وحده شفت و وحده دفع الهواء البارد .

و النوع الثاني يمكن هو الي تقصدينه وهو عباره عن فتحه مثل الي تشوفينها في حمامات الفنادق وراها مروحه شفط عاديه مثل الي في الطوفه ولا في الشباك موصوله بانبوب يودي لخارج البيت لفتحات التهويه الخاصه بالمنهولات او تهويه خاصه في الحمام .. طبعا لازم يكون الحمام سقفه نازل الي هو الديكور عشان تصير التوصيلات و البيبات خلف سقف الديكور و تحت السقف الخرساني .


:nice::nice::nice::nice::nice::nice::nice:

[خالد32]

عند الدرويش شارع المطار جنب دريم سنتر
للحمامات 2 في 2 في حدود 600 ريال و 3 في 3 800 ريال ماركة اكسبلر
يبيله خط كهربا و فتحه 3 انش في الطوفه
يجي مع الدكت و شبك خارجي مانع للغبار
http://www.airtradecentre.com/product/47a6f09827a61589435416.jpg

[ZURICH]

عند الدرويش شارع المطار جنب دريم سنتر
للحمامات 2 في 2 في حدود 600 ريال و 3 في 3 800 ريال ماركة اكسبلر
يبيله خط كهربا و فتحه 3 انش في الطوفه
يجي مع الدكت و شبك خارجي مانع للغبار
http://www.airtradecentre.com/product/47a6f09827a61589435416.jpg



ماركة اكسبلر صناعة وين ؟!!

[Miss Merna]

صح هذا الي اقصدة يعطيكم العافية والله يوفقكم وشكرا

[ريان]

انا شريت اكس بلير من الدرويش

صناعه انجليزيه

يجي عدة احجام

الصغير 466 ريال والمتوسط ؟؟ ناسي الحجم الكبير 570ريال

والتركيب حدود 195 ريال

ويتركب عادي حتى لو ماكان في الخريطه

[الدبلوماسي]

انا شريت اكس بلير من الدرويش

صناعه انجليزيه

يجي عدة احجام

الصغير 466 ريال والمتوسط ؟؟ ناسي الحجم الكبير 570ريال

والتركيب حدود 195 ريال

ويتركب عادي حتى لو ماكان في الخريطه
من الي يركبه ؟؟؟؟؟؟؟؟