لو أنا المسؤولة في البلد .. تعالوا شوفوا شبسوي .. [الأرشيف]

مشاهدة النسخة كاملة : لو أنا المسؤولة في البلد .. تعالوا شوفوا شبسوي ..

نور الحور

09-05-2011, 09:25 AM

السلام عليكم ورحمة الله وبركاته ،،

جات فكرة على بالي وقلت أشارككم فيها .. أبي أخليكم تتسيحون في عقلي :secret:

هههههههه

الفكرة باختصار .. إن أكيد الكثير منا شاف حجم التذمر الشعبي اللي حاصل .. من أمور كثيرة .. وأكيد كل منا له رغبة بانصلاح الحال لكثير من مجالات الحياة العامة .. وكل له وجهة نظر ..

تخيلت نفسي لو كنت أنا المسؤولة عن أمر البلاد .. يا ترى شالأمور اللي بسويها في البلد ؟؟
أحياناً الواحد لما يتخيل أو يلقى نفسه محل المسؤولية بتختلف نظرته واحتمال تتغير نظرته لأسباب كثيرة ..

على العموم وايد أشياء يمكن نتفق على حاجتها للاصلاح مهما اختلفت الأساليب .. وأمور ثانية نختلف على مدى حاجتها للتغيير ..
حبيت أشارككم (مخططاتي) هههه فيما لو كنت أنا المسؤولة في كللل البلاد .. << ويمكن هالأمور تساعد في توصيل بعض أفكارنا للمسؤولين .. وبطريقة مختلفة عن الشكوى والتذمر .. ليش لأ ؟؟

أفكاري هي باختصار كالتالي :

1. البدء بالبنية التحتية والأساسيات :

*تطبيق أعلى معايير الجودة على الخدمات الرئيسية في الدولة وخاصة الطرق وخدمات الكهرباء والماء والصرف الصحي .. يعني بتقولون باي باي للمطبات والحفر والزحمة وانقطاع أو ضعف الكهرباء ..الخ

كذلك الأساسيات :

أ. التعليم : الحرص على تقديم تعليم حكومي متميز ومتطور جداً للمواطنين مجاناً ، وبالنسبة للمدينة التعليمة بيكون فيها تطبيق غير مخل لقيم البلد الإسلامية والأعراف السليمة .. لا للكليات والجامعات الدينية المسيحية، لا للاختلاط ، نعم لتوفير بيئة محترمة وجادة و(إسلامية قطرية) في هذه الجامعات ..
جامعة قطر بينطبق عليها نفس الشي التطوير والتحسين .. و ألغاء بعض القوانين الغبية كلزوم اجتياز اختبارات اللغة كالتوفل حتى للتخصصات الإسلامية واللغة العربية !!

من ناحية ثانية بسهل أمور الابتعاث للمتميزين ..
طبعا لتشجيع التعليم لازم بتكون فيه مكافآت تشجيعية مالية ومعنوية للجميع وللمتميزين خاصة ..

ب. الصحة: .. بوفر أكثر من مستشفى وعلى أعلى المواصفات وبالمجان للقطريين وبرسوم رمزية للمقيمين .. لكن (ومع احترامي للكل ) بفصل تام بينهم .. في الأماكن أو على الأقل في الأوقات..

بشجع زيادة النسل بصرف مكافأة مالية لكل طفل قطري يولد ، مستمرة الصرف له حتى التخرج من الثانوية .

2.بتنحل مشاكل ديون المواطنين للأبد .. لأني بمنع البنوك الربوية تماما من العمل في البلد << أفكاري وكيفي خلوني أشطح ههههه

ولأني من ناحية ثانية برفع قيمة الرواتب والمميزات ومستوى التدريب في كافة القطاعات الحكومية ..
ومن ناحية ثالثة بيكون فيه إلزام قانوني بتحديد مجالات الاقتراض للمواطن والسقف الأعلى للاستدانه.
من ناحيةرابعة بشجع العمل الحر بإنشاء صندوق مشابه لصندوق خليفة في الإمارات لدعم أفكار ومشروعات الشباب ..

امممممم بعد ممكن نوفر فرص العمل في الإجازات لجميع الطلاب في أماكن توفر التدريب المتميز والعائد المجزي << متعوب عليها الكلمة ترى :shy:

3.ولازم تكون لكل مواطن منحة للسكن (بدل القرض الحالي) مليونين ريال لبناء بيت العمر، غير منح منفصلة للأثاث.

ا4.لمتقاعدين اللي أفنوا عمرهم في خدمة هالبلد نخصص لهم رواتب مجزية .. ومن دون خصومات من الراتب لصندوق التقاعد .
المستحقين لضمان الاجتماعي .. ترفع لهم المساعدات بما يوفر لهم العيشة الكريمة.

5.تعميق الولاء للدين والوطن والحد من الاحتفالات المبالغ فيها .

6.محاولة (تجفيف منابع ) << تذكرونها مالت أووووووول :victory: امممم تجفيف منابع ..(الواسطة) .. طبعا قدر الإمكان ..

7.الحد من استجلاب الأجانب إلا في أضيق الحدود (عمالة أو خبراء فقط)

8.إشاعة الثقافة الإسلامية في كل المجالات بتوفير المساجد والمراكز الدعوية و دعوة الجاليات ، و تطبيق قوانين الحشمة واحترام القيم في كل الجهات .

9.توفير أماكن راقية للترفيه للأطفال والشباب والعوائل .

10.زيادة المراكز التعليمية التخصصية ومراكز التعلم والثقافة والكتب .

11.توفير بيئة آمنه للمرأة القطرية في كل المجالات وخاصة التعليمية والعمل، وزيادة عدد أيام إجازات الوضع وساعات الرضاعة وتوفير حضانات في مقر العمل .

12. مراعاة ساعات العمل بما يتوافق مع المناخ الحار .

13. تفعيل دور أعضاء المجلس البلدي .. وتفعيل دور المواطن عموما وتشجيعه على المبادرة والإيجابية << طبعاً الوسائل كثييييرة .

امممممم هذا اللي حاضرني اللحين << بس لا تفتكرون إني مرشحة للمجلس البلدي هههههه وإن هذا برنامجي الانتخابي ..
هذي مجرد أفكار تمنيت تطبق في بلادي .. أتوقع بتكون في الصدارة إن طبقناها وأتخيل نفسية المواطنين شلون بتكون ..:)

أدري يمكن ما ذكرت أمور ثانية أو طريقة العرض مو متسلسلة في الأفكار .. بس هو موضوع وليد اللحظة .. اللي عندي كتبته بعفوية ..

الدور عليكم .. أفكاركم ؟ .. خلونا نتسيح في عقولكم :)

غير البشر

09-05-2011, 09:43 AM

عزيزوف

09-05-2011, 09:48 AM

يعني صدقني يعني

درع الوطن

09-05-2011, 09:53 AM

ام السعف

09-05-2011, 09:58 AM

يعني صدقني يعني

بصراحة تستحق الاشادة على الأقل حطت افكار زينة :nice:

STAR

09-05-2011, 10:02 AM

نور الحور

09-05-2011, 10:06 AM

افكاااااااار ممتازه اختي نووور
ياريت لو تتطبق معظمها حتى لو مش كلها:(

معظمها سهل تطبيقها وماراح تتأثر الدوله بشي بالعكس بتزيد نشاطهم وولائهم

وان شاء الله الاخوان ينورونا بأفكار حتى لو محد سمعنا على الاقل نطلع الي في قلوبنا :rolleyes2:

يعطيج العافيه اختي نور على الاقترحات الجميله :victory:

جزاك الله خير غير البشر..

أشوف بعض الأفكار ممكن تطبق ليش لا ؟؟:telephone:

وبشكل سهل مثل ما تفضلت ..
بس ما قلت لنا .. وين اقتراحاتك ؟؟؟

نور الحور

09-05-2011, 10:08 AM

يعني صدقني يعني

:eek5::eek5::eek5:

عيل لو أنا مو كاتبه (لو) .. وشارحة مقصدي شكان كتبت ؟؟؟

على العموم مشكور على المشاركة .. وترى الأحلام والأفكار ببلاش :victory:

الفرحه

09-05-2011, 10:08 AM

اتمنى ذلك وبعد عندي فكرة ان الزامي الاعيال اللي عمرهم من خمس وطالع يدخلون مسجد لحفظ القرآن يكون الزامي نفس المدرسه ياليت يتطبق هلشي بيكون ابوهم ملزوه ياخذهم وماراح يتكاسل

المليونير الفقير

09-05-2011, 10:09 AM

منع التبرعات الخارجيه وتحويلها داخليه

لابس بشت

09-05-2011, 10:12 AM

امين يارب نشوفج مسؤوله عن قريب
ولو حطوني مسؤول ماراح اسوي شي غير خير البلد اهل البلاد اولى فيه وبس

نور الحور

09-05-2011, 10:13 AM

وعليكم السلام ورحمة الله وبركاته

نور الحور >> متى بترشحين نفسج لإنتخابات مجلس الشورى الجديد :victory:

من السهل الواحد يتخيل ويحلم ويتمنى ويمني النفس ووووووووووو .. إلخ إلخ

بس مثل ماقلتي .. الواحد ممكن تتغير نظرته عقب مايستلم المنصب لإعتبارات كثيره
أهمها إن المسؤول مايقدر يتحكم في الحالة الإقتصادية للبلد بحكم أنه ملتزم بقوانين دولية
تجبرة بسن قوانين معينة لتجنب التدهور الإقتصادي للبلد .. وغيره وغيره ...

بس حلو ان الواحد يحلم حلم وردي وجميل ... على شرط ماتقعده أم السعف والليف من هالحلم :tease:

أنا لو مسؤول >> ولا بلاااااااااااااااااااااااااش :secret:

يسلمو حضرة المسؤولة على الحلم اللي عيشتينا فيه .. ياسلااااام ياقدعااااان لسه الدنيا فيها خير

أفكر .. يمكن هالسنة أرشح نفسي :secret:

الحمدلله مقصدي وصل لك (سليم ميه ميه :victory: )

وترى يا ناس كل اللي تشوفونه بدى بفكرة .. حتى الفكرة بيحاكمونا عليها ؟؟؟
خلونا نفكر ونتحمس ونحلم ونسعى لتحقيقه .. وترى هالموضوع منكم وإليكم << صرت مقدمة برنامج :rolleyes2:

يعني هو موضوع غرضة طرح ومناقشة الأفكار وتوصيلها لصاحب القرار..
بدل التذمر والشكوى ..
وترى الخير موجود ..(الخير في وفي أمتي ) كما قال الرسول (صلى الله عليه وسلم ) ..

بس .. تعال .. لا مفر .. لو إنك مسؤول .. قول لنا شبتسوي ؟؟

هبوب الكوس

09-05-2011, 10:18 AM

مشكلتي ما ارشح حريم ولا هي تستاهل صراحه افكار جيده

ام السعف

09-05-2011, 10:21 AM

منع التبرعات الخارجيه وتحويلها داخليه

غصة في قلب اغلب القطريين :telephone:

شمعة الدوحه

09-05-2011, 10:22 AM

منع التبرعات الخارجيه وتحويلها داخليه

:nice:

بـــــــنت النوخـّــــذه

09-05-2011, 10:27 AM

نور الحور

09-05-2011, 10:40 AM

بصراحة تستحق الاشادة على الأقل حطت افكار زينة :nice:

والله إشادتك ياأم السعف على العين والراس .. بس ننطر منج الأفكار والمقترحات ..
ولا شكلكم حاطيني بوجه المدفع .. وصدقتوا صج إني بترشح ؟؟؟؟:omen2:

نور الحور

09-05-2011, 10:43 AM

توفير راوتب للعاطلين للعمل

صرف راتب شهري لكل مولود

محاربة الغلاء الفاحش

انشاء قاعات للاعراس والمناسبات ويكون سعر استأجارها معقوول جدا

انشاء صندوق زواج للعزاب القطريين المقبلين على الزواج ويصرف لهم مبلغ لا يقل عن 80 الف...

إي جذي يا ستار .. نبي أفكار .. نبي مقترحات ..
بس بالنسبة للعاطلين اممممممم .. مادري بس أشوف لو يتم توفير راتب لهم بس مقابل الانخراط <<< أهم شي الانخراط أحسها معبرة .. في برنامج تأهيلي .. عشان ما يزيدون البطالية .. صح ؟ ولا شرايج يا ستار ؟؟؟

ام السعف

09-05-2011, 10:50 AM

والله إشادتك ياأم السعف على العين والراس .. بس ننطر منج الأفكار والمقترحات ..
ولا شكلكم حاطيني بوجه المدفع .. وصدقتوا صج إني بترشح ؟؟؟؟:omen2:

اهم شي التعليم .. ما اقدر ادعي اني افهم من اصحاب التخصص واحط افكار
يمكن اشوفها زينة ،، بس تطلع وبال على الاجيال،،

خاطري والله التعليم يتعدل في البلاد ...........> عيالنا ضايعين يا مسؤولين
ضااااااااايعين :weeping:

نور الحور

09-05-2011, 10:52 AM

اتمنى ذلك وبعد عندي فكرة ان الزامي الاعيال اللي عمرهم من خمس وطالع يدخلون مسجد لحفظ القرآن يكون الزامي نفس المدرسه ياليت يتطبق هلشي بيكون ابوهم ملزوه ياخذهم وماراح يتكاسل

والله اهتمامج بتحفيظ القرآن فكرة مميزة .. بس يمكن لو خليناها في المدارس ورياض الأطفال أحسن .. لأن حتى الطفل ممكن يمل خاصة لو عمره صغير وشكلج مريتي أو سمعتي عن معاناة تكاسل الوالد في هالأمر ..

انزين شرايج لو مثلا نقترح إلزامية تدريس وتحفيظ القرآن بحيث ما يتخرج الطالب من الثانوية إلا خاتم القرآن كاااامل ..
والأهم يكون فيه حصص تطبيقية .. يعني التأسي بالقرآن فعلا مو قولاً وبس .. وتكون ضمن المنهج .. مثال .. أطفال الروضة ممكن نحفظهم آيات الاهتمام باليتيم والمسكين ونوديهم رحلات للميتم أو يشوفون بيوت بعض الفقراء ويعطونهم الصدقات أو زيارة المرضى ...
يعني نحول القرآن الكريم لمنهج عملي بسيط يتشربه الأطفال بسهولة ..

جزاج الله خير على المداخلة الجميلة :)

نور الحور

09-05-2011, 10:55 AM

منع التبرعات الخارجيه وتحويلها داخليه

:con2::con2::con2:

وأنا أقووووووول كأني نسيت فكرة مهمة ...؟؟

جبتها بالملي يالمليونير ...على العوق بالضبط هههه:victory:

STAR

09-05-2011, 10:59 AM

إي جذي يا ستار .. نبي أفكار .. نبي مقترحات ..
بس بالنسبة للعاطلين اممممممم .. مادري بس أشوف لو يتم توفير راتب لهم بس مقابل الانخراط <<< أهم شي الانخراط أحسها معبرة .. في برنامج تأهيلي .. عشان ما يزيدون البطالية .. صح ؟ ولا شرايج يا ستار ؟؟؟

اي يعني راتب بسيط يعني 2000-3000 ر.ق مع وضع لجنة تقوم للبحث عن وظايف لهم وتوظيفهم خلال اقل من سنة...

الغالي!

09-05-2011, 11:00 AM

لولا اتمني لمات الفقير
اقول انشأالله ماينحذف الموضوع بس

معيوف

09-05-2011, 11:29 AM

أ. التعليم : الحرص على تقديم تعليم حكومي متميز ومتطور جداً للمواطنين مجاناً ، وبالنسبة للمدينة التعليمة بيكون فيها تطبيق غير مخل لقيم البلد الإسلامية والأعراف السليمة .. لا للكليات والجامعات الدينية المسيحية، لا للاختلاط ، نعم لتوفير بيئة محترمة وجادة و(إسلامية قطرية) في هذه الجامعات ..
جامعة قطر بينطبق عليها نفس الشي التطوير والتحسين .. و ألغاء بعض القوانين الغبية كلزوم اجتياز اختبارات اللغة كالتوفل حتى للتخصصات الإسلامية واللغة العربية !!

من ناحية ثانية بسهل أمور الابتعاث للمتميزين ..
طبعا لتشجيع التعليم لازم بتكون فيه مكافآت تشجيعية مالية ومعنوية للجميع وللمتميزين خاصة ..
ترى قطر تصرف وايد على التعليم و التعليم عندنا ممتاز الا من الي يتنططون في التعليم و الي يديرون المدارس المستقله الكل يتذمر منهم ومب معقوله الناس غلط و المسؤولين صح بنسبة الى الحكومة مامقصره على التعليم قطر اكثر دول المنطقة صرف على التعليم ولابتكار ولكن وين المسؤول الواعي اليعنده امانه يقترح بدون مجامله ولا تطبيل ويقول لا لو تسوون جذه احسن ولو تمنعون هذا افضل لان التعليم عندنا التعليم المتتقل صار طماشة و الي مايشتري يتفرج

ب. الصحة: .. بوفر أكثر من مستشفى وعلى أعلى المواصفات وبالمجان للقطريين وبرسوم رمزية للمقيمين .. لكن (ومع احترامي للكل ) بفصل تام بينهم .. في الأماكن أو على الأقل في الأوقات..

بشجع زيادة النسل بصرف مكافأة مالية لكل طفل قطري يولد ، مستمرة الصرف له حتى التخرج من الثانوية .
فعلا ناقصنا التشجيع بزيادة مخصص لكل بنت وولد حتى الثانويه لان الطلبات زادت
بنسبة الى مخصصات الدوله في الصحة كبيره ولكن كالعادة ماتعرف وين تروح حسافة على الملايين الي مهدوره بدون ناس ترعاها
نبي تامين صحي بدراسة لان قريت ان لمؤسسة حمد ميثاق شرف موجود في بعض الاماكن العامة في المستشفى توضح حق المواطن حق العلاج وتوفيره له دون النظر لتكاليف اي كانت
ايضا فيه عناية كبيره لطففل وتطعيماته ترى قطر تصرف ملايين على الاطفال من الولاده و هذا بس حق الطفل القطري له تطعيمات الناس الفاهمه تحسدنا عليها ان لها جدول مطول علشان الطفل ياخذ كل هذي التطعيمات جزاهم الله خير

2.بتنحل مشاكل ديون المواطنين للأبد .. لأني بمنع البنوك الربوية تماما من العمل في البلد << أفكاري وكيفي خلوني أشطح ههههه
سالفة الديون مطاطه انا اشوف تدرس كل حاله ونتحل بنفسها

ولأني من ناحية ثانية برفع قيمة الرواتب والمميزات ومستوى التدريب في كافة القطاعات الحكومية ..
ومن ناحية ثالثة بيكون فيه إلزام قانوني بتحديد مجالات الاقتراض للمواطن والسقف الأعلى للاستدانه.
من ناحيةرابعة بشجع العمل الحر بإنشاء صندوق مشابه لصندوق خليفة في الإمارات لدعم أفكار ومشروعات الشباب ..
ماعندي فكره عن صندوق خليفة ولكن الي اعرفه ان هناك صندوق التنمية للمشاريع الصغيره بعد مب عارف تفاصيله لو حد يعرف عنه شي يفيدنا اكثر

3.ولازم تكون لكل مواطن منحة للسكن (بدل القرض الحالي) مليونين ريال لبناء بيت العمر، غير منح منفصلة للأثاث.لو زاد القرض بيزيد سعر البناء من المقاوليين ومافيه فايده

ا4.لمتقاعدين اللي أفنوا عمرهم في خدمة هالبلد نخصص لهم رواتب مجزية .. ومن دون خصومات من الراتب لصندوق التقاعد .
المستحقين لضمان الاجتماعي .. ترفع لهم المساعدات بما يوفر لهم العيشة الكريمة.
اخبر عطوهم بوك ومسباح وهذا تقدير جيد ماردي شمطري عليهم ذيج السنه

5.تعميق الولاء للدين والوطن والحد من الاحتفالات المبالغ فيها .
نعم وعمل الافراح في اليوم الوطني للمكان ولارض وليس القبيله لانه يوم الوطني صار يوم القبليه

6.محاولة (تجفيف منابع ) << تذكرونها مالت أووووووول امممم تجفيف منابع ..(الواسطة) .. طبعا قدر الإمكان ..
في المشمش

7.الحد من استجلاب الأجانب إلا في أضيق الحدود (عمالة أو خبراء فقط)
بالعكس تضييق في جلب العماله الاجنيبه من ما يسمون خبراء وجلب عمال يبنون ويصوون ارصفه بس
لان عندنا كوادر تمسك البلد متعلمين بس مصفوطين على جنب حتى اشعار اخر ولا نحتاج الى علماء لان الي عندنا فيهم البركة القطرين

8.إشاعة الثقافة الإسلامية في كل المجالات بتوفير المساجد والمراكز الدعوية و دعوة الجاليات ، و تطبيق قوانين الحشمة واحترام القيم في كل الجهات .
اي والله ياريت

9.توفير أماكن راقية للترفيه للأطفال والشباب والعوائل .
صحيح

10.زيادة المراكز التعليمية التخصصية ومراكز التعلم والثقافة والكتب .
ابصم بالعشره

11.توفير بيئة آمنه للمرأة القطرية في كل المجالات وخاصة التعليمية والعمل، وزيادة عدد أيام إجازات الوضع وساعات الرضاعة وتوفير حضانات في مقر العمل .
على حسب مكان العمل
يفترض

12. مراعاة ساعات العمل بما يتوافق مع المناخ الحار .
القانون القطري واغلب قوانين العالم تنص صراحة على ان يتوقف العمل حين وصول درجة الحرارة الى 50 في الضل السنة الي فاتت صارت الحرارة 55 وخبر خير بس شكلهم توهقوا مع هذا القانون يعني اذا بيمشون بالقانون بيكون عندنا اجازه شهرين على الاقل كل سنة
و القطرية الي قلت البيض على البلاط فله جريدة الشرق

13. تفعيل دور أعضاء المجلس البلدي .. وتفعيل دور المواطن عموما وتشجيعه على المبادرة والإيجابية << طبعاً الوسائل كثييييرة .
كلام سليم

امممممم هذا اللي حاضرني اللحين << بس لا تفتكرون إني مرشحة للمجلس البلدي هههههه وإن هذا برنامجي الانتخابي ..
هذي مجرد أفكار تمنيت تطبق في بلادي .. أتوقع بتكون في الصدارة إن طبقناها وأتخيل نفسية المواطنين شلون بتكون ..

أدري يمكن ما ذكرت أمور ثانية أو طريقة العرض مو متسلسلة في الأفكار .. بس هو موضوع وليد اللحظة .. اللي عندي كتبته بعفوية ..

الدور عليكم .. أفكاركم ؟ .. خلونا نتسيح في عقولكم

بنسبة الى عقليم افيه شي فاضي بالعربي مالي خص خخخخخ

نور الحور

09-05-2011, 11:44 AM

امين يارب نشوفج مسؤوله عن قريب
ولو حطوني مسؤول ماراح اسوي شي غير خير البلد اهل البلاد اولى فيه وبس

ههههههه ... شكلها طالعة من قلب ..
بس انت لابس بشت يعني ممكن ياخذونك قبلي .. عاد أنت عرفت أفكاري طبقها وزيد عليها من عندك ..
انزين اللي فيه خير البلاد شنهو من وجهة نظرك ؟؟ قول أفكارك .. شاركنا :)
يعني اللحين اللي قاعدين يطبقونه في التعليم في المدينة التعليمية الهدف منه خير البلد ترى .. بس شوف التجاوزات اللي صايره .. كان ممكن نستفيد من المدينة التعليمة بطريقة أرقى وأحسن .. وأكرم .. مو نجيب قص ولزق .. وين دينكم؟ وين قيمكم ؟وين عاداتكم ؟؟

نور الحور

09-05-2011, 11:50 AM

مشكلتي ما ارشح حريم ولا هي تستاهل صراحه افكار جيده

:anger1::anger1:

الله يسامحك يا هبوب .. ما توقعتك عنصري جذي :weeping:
عاد اللي يقول اللحين مرشحة نفسي صج ..
بس تدري ؟؟ كلامك خلاني افكر بفكرة يديدة أطرحها وهي محاولة القضاء على العنصرية في البلاد:tease: :secret:

نور الحور

09-05-2011, 11:52 AM

غصة في قلب اغلب القطريين :telephone:

:nice:

:victory::victory:

نور الحور

10-05-2011, 10:57 AM

نور الحور لاتنسين هالاقتراح هالله هالله فيه ضيفيه لقائمتج

بجتمع بكل ممثل لقبيله بقطر كبيرها وصغيرها معروفه او غير معروفه بدون تحديد وبشوف شنهي مطالبهم وبنفذها (اذا كانت معقوله وتخدم البلد بشكل مباشر) وشنهي الاقتراحات الي عندهم لتطوير البلد وتنميه المهارات والقضاء على البطاله ورفع كفاءة التعليم والقضاء على بؤرة الفساد بالفنادق وبأخذها بعين الاعتبار واولى الاوليات بالصرف من الميزانية

حتى لو قالو اسقاط الديون اههههه ,,,<<< حلم الشعب القطري :p

والله يعطيكم على قد نيتكم الطيبه ياشعب قطر

بنت النوخذة .. كأنج عادتني مرشحة من صجج ؟؟؟ ههههههه

مقترحاتج عجبتني خاصة عن القضاء على الفساد مو بس في الفنادق .. في كل مكان بالدولة .. ومنها تحريم بيع واستيراد الخمور ومنع المناظر المخلة على الشواطيء و المجمعات ..

بس بالنسبة لمقترح الالتقاء بممثلي القبائل ومعرفة مطالبهم .. أعتقد ممكن تسوي شوية حزازيات .. ممكن نحولها لممثل كل منطقة :victory:

وفي نقطة مهمة ذكرتيني فيها.. تجنيس أصحاب الوثائق القطرية اللي انولدوا وتربوا على هالأرض الطيبة .. وإعطائهم حقوق المواطنة كااااملة :)
شاكرة لج مداخلتج القيمة كالعادة

نور الحور

10-05-2011, 11:00 AM

اهم شي التعليم .. ما اقدر ادعي اني افهم من اصحاب التخصص واحط افكار
يمكن اشوفها زينة ،، بس تطلع وبال على الاجيال،،

خاطري والله التعليم يتعدل في البلاد ...........> عيالنا ضايعين يا مسؤولين
ضااااااااايعين :weeping:

والله أنا وياج يا أم السعف .. التعليم يبيله شي وشويات .. وهو من أهم وأولى أولويات دولة تحرص على النهضة والتقدم (مو بس الشكلي) .. نهضة وتقدم الإنسان وتقدم وتطور وتحضر فكره وأخلاقياته ..

شاكرة لج التركيز على التعليم .. وإضافتج للموضوع :)

نور الحور

10-05-2011, 11:01 AM

اي يعني راتب بسيط يعني 2000-3000 ر.ق مع وضع لجنة تقوم للبحث عن وظايف لهم وتوظيفهم خلال اقل من سنة...

:victory::victory:

نور الحور

11-05-2011, 09:12 AM

لولا اتمني لمات الفقير
اقول انشأالله ماينحذف الموضوع بس

موضوعي ما مس أحد ولا تعرض بسوء لأحد .. ورأينا لازم نبديه .. بسنا خوف ..هي مجرد أفكار أتمنى توصل وأكيد وصلت للمسؤولين .. مو عيب الواحد ليشاف خطأ في بلاده يسعى لإصلاحه .. وإن شافها في خير تمنى الزيادة والرفعة ..
الموضوع ما انحذف ولا بينحذف .. وخلنا من التشاؤم والسلبية والخوف وقلة الطموح ..

شاكرة لك مرورك وتعقيبك .. اللي خلاني أوضح أمور مهمة ..:)

نور الحور

11-05-2011, 09:20 AM

ترى قطر تصرف وايد على التعليم و التعليم عندنا ممتاز الا من الي يتنططون في التعليم و الي يديرون المدارس المستقله الكل يتذمر منهم ومب معقوله الناس غلط و المسؤولين صح بنسبة الى الحكومة مامقصره على التعليم قطر اكثر دول المنطقة صرف على التعليم ولابتكار ولكن وين المسؤول الواعي اليعنده امانه يقترح بدون مجامله ولا تطبيل ويقول لا لو تسوون جذه احسن ولو تمنعون هذا افضل لان التعليم عندنا التعليم المتتقل صار طماشة و الي مايشتري يتفرج

فعلا ناقصنا التشجيع بزيادة مخصص لكل بنت وولد حتى الثانويه لان الطلبات زادت
بنسبة الى مخصصات الدوله في الصحة كبيره ولكن كالعادة ماتعرف وين تروح حسافة على الملايين الي مهدوره بدون ناس ترعاها
نبي تامين صحي بدراسة لان قريت ان لمؤسسة حمد ميثاق شرف موجود في بعض الاماكن العامة في المستشفى توضح حق المواطن حق العلاج وتوفيره له دون النظر لتكاليف اي كانت
ايضا فيه عناية كبيره لطففل وتطعيماته ترى قطر تصرف ملايين على الاطفال من الولاده و هذا بس حق الطفل القطري له تطعيمات الناس الفاهمه تحسدنا عليها ان لها جدول مطول علشان الطفل ياخذ كل هذي التطعيمات جزاهم الله خير

سالفة الديون مطاطه انا اشوف تدرس كل حاله ونتحل بنفسها

ماعندي فكره عن صندوق خليفة ولكن الي اعرفه ان هناك صندوق التنمية للمشاريع الصغيره بعد مب عارف تفاصيله لو حد يعرف عنه شي يفيدنا اكثر

لو زاد القرض بيزيد سعر البناء من المقاوليين ومافيه فايده

اخبر عطوهم بوك ومسباح وهذا تقدير جيد ماردي شمطري عليهم ذيج السنه

نعم وعمل الافراح في اليوم الوطني للمكان ولارض وليس القبيله لانه يوم الوطني صار يوم القبليه

في المشمش

بالعكس تضييق في جلب العماله الاجنيبه من ما يسمون خبراء وجلب عمال يبنون ويصوون ارصفه بس
لان عندنا كوادر تمسك البلد متعلمين بس مصفوطين على جنب حتى اشعار اخر ولا نحتاج الى علماء لان الي عندنا فيهم البركة القطرين

اي والله ياريت

صحيح

.
ابصم بالعشره

على حسب مكان العمل
يفترض

القانون القطري واغلب قوانين العالم تنص صراحة على ان يتوقف العمل حين وصول درجة الحرارة الى 50 في الضل السنة الي فاتت صارت الحرارة 55 وخبر خير بس شكلهم توهقوا مع هذا القانون يعني اذا بيمشون بالقانون بيكون عندنا اجازه شهرين على الاقل كل سنة
و القطرية الي قلت البيض على البلاط فله جريدة الشرق

كلام سليم

بنسبة الى عقليم افيه شي فاضي بالعربي مالي خص خخخخخ

لا .. لك خص :anger1:

هههههه ردك ما شاء الله تطرق بالتعليق لأفكار كثيرة طرحتها .. بس أخالفك في التعليم .. التخبط الحالي واضح .. والمدينة التعليمية كثير يحجمون الدخول في كلياتها بسبة عدة أشياء أولها الجو العام .. اختلاط غير محمود .. وتعليم لا يراعي الكثير من قيم البلد ..

صندوق خليفة فكرة رائعة تعتمد على تبني مشروعات الشباب الواعدة ودعمها مالياً وفنياً بتقديم الاستشارة والمتابعة حتى نجاح المشروع ووقوفه على قدميه ..

وبالنسبة لقرض الإسكان فكرتي هي تحوله لمنحة مو قرض :shy:
يعني لكل مواطن منحة مليونين ريال تخصص لبناء المسكن ..

واتفق معاك بخصوص الاحتفالات في اليوم الوطني صارت قبلية ممجوجة ..
أما المصروفات اللي مالها داعي فحدث ولا حرج ..:secret:

شاكرة لك مرورك وتعقيبك الدقيق والمثري .. بس ننتظر ما تجود قريحتك به من أفكار .. لأنك (لك خص ) :omen2: