هل لنا حق نمنع الخدامه من الجوال ؟

[meeemz]

السلام عليكم اخواتي واخواني ...
وايد نسمع ناس يقولون انه لازم نمنع عن الخدامه الجوال لعده اسباب :
1-تكلم فيه رياييل وتواعدهم .
2- تصادق ناس يساعدونها تشرد .
3 تهمل الشغل لانها معلقه بالتلفون.

وانا كنت مانعه خدامتي الأولى من التلفون لانها تختلط بخدامات الاهل واللي يمشون على سستم مافيه جوال .. هي طلعت لها رقم وكنت ادري عنها لكن مابي اكلمها ويوم صدناها تطلع اكتشفنا انه عندها 4 جوالات :eek5: وسفرناها

ولما جبت الثانيه قلت من انا عشان امنعها لانها مسكينه حياتها تلفونها اغاني وصور ليش امنعها عنه واخليها تكتئب وتكرهني كله ممنوعات بروحه ماعندها اي نوع من الترفيه ..بس كان تلفونها من الاسباب اللي سفرتها عشانه كانت داااايما تخلي اليهال وتروح المطبخ تكتب مسجاات ومرات اتكلم وهي تشتغل كله لاهيه فيه ...


الحين سؤال هل تؤيدون منعهم ؟

لما افكر فيها من احنا عشان نمنعهم واحنا قدامهم 24 ساعه نطقطق ونقرقر فيه ..اللي بلاك بيري واللي واتس اب والحمدلله الله انعم علينا باشياء واايد وانيي نمنعهم ؟

لكن لما نشوف المفاسد اللي يجلبها لنا ، من شردات ومن مواعد وصياعه ماطلعت الا من فتره بسيطه وهي فتره انشار الجوال بينهم .. يعني في التسعينات ماكنا نسمع هالسوالف و ماكنا نسمع عن خدامه بيت فلان شردت وخدامه علان صادوها وخدامتنا احنا بعد اللي عندنا من كم سنه وثقه صدناها تطلع .
الخدامات تغيرو والا الجوال والا الهنود اللي كل واحد يدور له عن حبيبه والله لعوزونا احنا نبي نعطيهم نوع من الحريه لكن لو ارخينا لهم ولو شوي لعبوا لعبتهم .. ومانعرف وشهي الطريقه المثلى والإنسانيه للتعامل معاهم[/COLOR]

[مسمس12]

الخدامة اذا تبي تطلع جوال بطلع من غير علم معزبينها فانا من البدايه اطلع لها وافتك لان الزينه زينه والشينه شينه سواء عندها جوال والا ماعندها

[meeemz]

انا اقول جي .. دام انها مطلعه مطلعه .. بس ممكن على الاقل انها ماتطلعه وقت ماتشتغل .. وشكرا على المرور

[MAZEN37]

من حقها يكون لها موبايل بس قدامي وعلشان تكلم اهلها

[الغالي!]

نصيحه لا تعطينها لان اذا ماتفكر بتفكر عندها الاسباب والعروضات اللي بتخليه تشرد اسال مجرب ولا تسال طبيب وقولي لها اذا تبي جول تستخدم جوالج حق اهلها
لان اذا كان الجوال عندها توقعي شردتهافي اي وقت واذا شردت تفكرين بيصدونه بعد سنه والله مايصدونه هي تروح وتقول ابي اسافر يقولون له روحي جيبي تذكره وتعالي والخسران المسكين انتي تدفعين حول 9000اريال علشان تجي وتشرد والخدم عندهم موضه الشرده وبذات اذا اثيوبيه او فلبنيه لان الحين جاين حق لعبه مش شغل البيوت

[ابوخالد السل]

ممكن يكون عندها جوال ولكن فقط عند الحاجة لها وينسحب منها ويتفتش دايما ويركز على الارقام المتكررة

[..er..]

وليه اطلع لها جوال ؟


الحمدالله الخدامه اللي عندنا متى مابغى اهلها قالت لي واتصلت لها وكلمتهم وانتهت السالفه

اخذ لها جوال واتوهق فيها عقب وتشرد وتخربط وانا اللي اتوهق ليه ؟

[alfahad1]

الجوال عند الخامه ماله داعي ابدا المعامله الطيبه مع الخدم اهم من الجوال

[نورهان88]

مالكم حق من منع التلفون من الخدامة

حرام خلها تستانس يكون عندها تلفون ترسل مسجات لعائلتها

[بـــــــنت النوخـّــــذه]

الجوال بس حزة ماتطلع او اتروحين معها مكان او اذا بتكلم اهلها

اما جوال وتالي الليل الاخت سوالف وتعارف مع الهنود ومادري من اهههههه لالالا ابعدي عن الشر وغنيله

انا امي الله يطول بعمرها دوم اتقول لنا الخدم مثل اهل البيت مثل ماتخافون على عيالكم خافو عليهم وحافظوا عليهم هم امانه برقبتكم عاملوهم معامله البنات الي في البيت بحدود وشروط التحدث بالهاتف ومراقبه عن بعد ولهم كامل الحريه باستخدام الجوال (وقت الحاجه )

صراحه انا ضد ومتبعين هالقاعده جوال على عيني وراسي والكرت على حسابي وتكلفه المكالمه على حسابي وجوالها على حسابي حتى لو اتخلص الرصيد كامل وهي اتكلم اهلها اجيب لها لكن تحت مراقبتي وبإذني و بحدود التحدث هذولي امانه ياجماعه في ارقبتنا

[الرايــق]

الجوال بس حزة ماتطلع او اتروحين معها مكان او اذا بتكلم اهلها

اما جوال وتالي الليل الاخت سوالف وتعارف مع الهنود ومادري من اهههههه لالالا ابعدي عن الشر وغنيله

انا امي الله يطول بعمرها دوم اتقول لنا الخدم مثل اهل البيت مثل ماتخافون على عيالكم خافو عليهم وحافظوا عليهم هم امانه برقبتكم عاملوهم معامله البنات الي في البيت بحدود وشروط التحدث بالهاتف ومراقبه عن بعد ولهم كامل الحريه باستخدام الجوال (وقت الحاجه )

صراحه انا ضد ومتبعين هالقاعده جوال على عيني وراسي والكرت على حسابي وتكلفه المكالمه على حسابي وجوالها على حسابي حتى لو اتخلص الرصيد كامل وهي اتكلم اهلها اجيب لها لكن تحت مراقبتي وبإذني و بحدود التحدث هذولي امانه ياجماعه في ارقبتنا



:thumbup1:

[^NoOOoR^]

عن نفسي ضد اعطاء الخادمة جوال
بس مثل ما تكرموا اللي قبلي هي تحصل جوال من عند غيري وبأي طريقة ..

[رهيب]

يعني اذا منعتها من الجوال ما بتستخدمه ؟
و بما انه كل ممنوع مرغوب , فانا اخليه مسموح علشان مايكون مرغوب :)

[تغلبية]

أنا ضد الجوال .. لاني مخليه لها تلفون أرضي على حسابها في الصالة .. متى مابغت تتصل او اهلها يتصلون فيها .. الامر متاح لها وتاخذ راحتها .. محد يقولها شي

اما جوال وترقد عليه بغرفتها مرفوض عندي ، ولما كان عندنا خدم مسموح لهم في البيت شفنا البلاوي
لان ان اصلحت هي ما اضمن اللي واياها ..
وفعلا الخدم أمانة في ارقابنا .. واحنا دوم نحسسهم بهالشي علشان نقلل المنكرات اللي تصير .... ويالله نلحق على سوالفهم:rolleyes2:

[ام السعف]

احنا نقول مب امأيدين ،، لكن الواقع يقول عندهم بدل الواحد اثنين وثلاث :(

والحل يعني ؟

[بوخالد911]

الان بعض الخادمات يردن أجهزة اللاب توب

!!!

[تغلبية]

^^^

جاهم وخلصوا << بالنسبة لعاملات الصالون

صالون فريجنا كل وحدة عندها لاب توب وصفحة عالفيسبوك :rolleyes2:..ويكلمون أهلهم بالمسنجر !!!!

[ورقــة أمــل]

كذا خدامة عطيناها جوال وشردت من عندنا

الخدامة اللي عندنا احين منعناها من جوال وقالت مابي اشتغل وعنفصت علينا قلت لها مافي جوال تبين تسافرين ادفعي مصاريف المكتب كلها وخافت واسكتت وطول الفترة كانت تستخدم جوال امي فديتها واي وقت تبي تعطيها والخدامة تشتري الكرت من جيبها لان مب كل يوم تقعد تخلص عشرين وثلاثين وانا اصرف عليها حق شنو،،

بس للاسف عقب ست شهور اكتشفت ان عندها جوال بالصدفة واخذه واشرشحها ويوم قريت المسجات طلعت قاصة على واحد اماراتي وقايلة له ان هي عنده ولد منه و الاهبل يطرش لها فلوس وكله مسجات وكلام وصخ

سحبت الجوال منها وقلت لها لو تقاحصين مافي سفرة ومافي جوال لين تخلصين سنتين،،،

نصيحة لا تعطون الخدم جواويل ع كيفهم وراقبوهم بين فترة وفترة،، عادي يصورون بناتكم وعيالكم وسوالف البيت كلها برررع غير سوالفهم مع الدريولية والبوقات والشردات ما يات الا من الجوال،،

[toomi9]

ضد
بعدين عطينهم ولا لاء عندهم
بذات هـ الفلبن مبلتعات وجايات ومعاهم الجوال اصلا

بعدين لو عطيناهم جوال بـ العقل شـ بتسوي فيه ..؟؟
بتقعد تكلم اهلها اربع وعشرين ساعه على حسابها ؟؟ عيل ليش جايه تستغل ..؟؟؟ اذا الراتب بتصرفه عالتلفون:telephone:
واهلها كلهم عندهم جواالات وبلاك بيري عشان تقعد تكلمهم ..؟ لاتنسون هي جايه من دوله فقيره واهلها فقاره الي عندهم يالله يالله يأكلهم بيقعدون يطلعون حق الكل جوالات ويتكلمون فيه ٢٤ ساعه !!:eek5:

اخبر من كم سنه رحت مدرسة اخوي ابتدائي
وكانت حزة الطلعه وانا ماره بينهم الخدامات الي عندهم جواالات قاعدات عالارض وكل وحده تراوي الثانيه صورهم وهم مب متحشمات :secret:
هاي فايدة الجوال عندهم:omen2:

[sara jsm]

3 تهمل الشغل لانها معلقه بالتلفون.

خدامتنا عندها جوالين وكرتين هلا وفودافون ,,
سحبت منها الفودافون لاني لقيت لها صفحة عالفيس بوك وصورها وهي مب لابسه عدل ,,
استغربت وانصدمت من هالحركة بس سويت نفسي ماادري ,,
وعلى اهمالها مرة عصبت عليها وهاوشتها هواش بغيت اكسر التلفون على راسها ,,
لان مب معقوله تخلي الماي مبطل وتكتب مسج ولا الكهرب شغال ,, في النهاية حرام وهذا اسراف حتى لو مب دافعين شي ,,
وان شاءالله يوم تروح ,, الخدامه اللي عقبها ماراح يكون عندها جوال ,,
لان صج ماينعطون ويه ,, ممكن تستخدم تلفون البيت افضل من تلفونات تالي الليل ,,

[eXpert*]

الخوف تواعد شباب وتسهل لهم يدخلون البيت ،، وعقب ياخذون علي البيت وخصوصا اذا فيه بنات شذنبهم ؟؟

[meeemz]

مشكورين على مروركم الطيب
الغالبيه يؤيد المنع , لكن للأسف مانقدر نمسكهم ومثل ما تفضل احد الاخوه وقال كل ممنوع مرغوب ..
وبصراحه انا ماقدر اقعد افتشها ، كفايه متابعه شغلهم ، افكر احسن طريقه اما نطلع لها ونعطيها وقت الحاجه مثل ماقالت بنت النوخذه عشان نعطيها لو احتجنا ونمنعها عشان ماتطلعه كل دقيقه ، بس نحط في بالنا انه مليون بالاميه بطلع الا اذا كانت عايشه في بيت نائي ما تكلم خدم ثانين او سواقين او تتعامل مع البياعين ..
على سالفه الفيس بوك انا خدامتي الاولى كانت طول وقتها رقاد وهذره اخرتها مشتركه في خدمه الانترنت
!!!!

[هبوب الكوس]

انا مطلع لها بلاك بيري

علشان اذا غرض نقص من البيت تعطيني بينك :(

وتكتب الطلب الي ناقص :rolleyes2:

لا صراحه لا جوال ولا حتى بليب

عندها بس تتصل حق اهلها على تلفون البيت كمستكا مابوتي

[بوحارب]

مالها حاجه في الجوال كلش كلش كلش

[شميرام]

والله مادري بس ساعات اذا انتي مطلعت لها الجوال تقدرين تفتشين وهي ماتدري عن طريق كيوتل لكن كله واحد تلقين عندها غيره ,,,بعد اللي عندهم عيال مشكله لازم في تواصل مع الخدامه
اصلا من طلعت كروت هلا وصار كل وحده عندها جوال والخدامات معتفسين هوانم اخر الزمان

[أزهلها]

ماعاد الا الخدامه عندها جوال !!

اذا تبي اهلها تاخذ كيو كارد او بطاقه الدولي وفيها خصم بعد .. وش لنا في مراقبتها كل اشوي

[راشد محمد]

ماااااااااااااااااااااااا اايد كلش

[طماطه]

من حقها الجوال .. تكلم اهلها .. اما فلييييل اخذه منهااا ..

وتنعرف الخدامه الزينه من الشينه :)

[ضوى]

مالها حق دام محد مانعها تكلم اهلها من تلفون البيت متى ماحبت غير هذا مالها حاجة بجوال

[شبح الصمت]

صراحه مالها حاجه في الجوال !!

محكوره أشله يوم نطلع نطلعها معانا يوم نودي اليهال الالعاب تشوفهم يلعبون تبي تلعب ما عندنا مانع البحر نوديها تلعب يعني حالها من حالهم :shy:

يا زين تجيب لك وحده عمرها 18 وتربيها على يدك

تطلع كدى :nice:

المهم الخدم ينخاف منهم بس هالهنود مع هزت الراس مشكلة لي قلت طلعي لراعي البقاله والا شيء يتم يقرقر

اري انديا

اها اتشى هي وتهز الراس :eek5:

وعاد اشوي اشوي ممكن ياخذ نمبر مال انا اسبيشل عاد الرقم ملحوس خيره سلطه :shy:

وعلى هالاساس تتم العلاقة ويا غافلين لنا الله

يعني الحجم الاكبر اهو عدم اعطاء الخدم الآمان وان اعطيتهم الأمان راحت علينا

1.000.000 - 0

تحياتي قبل لا سفر خدامتي

بوخالد ياخي اسمح لي كله ابوق جملتك
:shy:

[شبح الصمت]

من حقها الجوال .. تكلم اهلها .. اما فلييييل اخذه منهااا ..

وتنعرف الخدامه الزينه من الشينه :)



مشكلة لي جاتك الخدامه عجوز ومصدقه نفسها !!

وتبين قدامج انها ملاك وهي تطلع هلاك

:secret:

[محمد الجفيري]

ما تمنعيها عنه وبنفس الوقت ما تعطيها اياه

يعني اوقاات الشغل والزنس خليه معج ...

ولمااا يكون كل شي تمام وما في شي تعطيهاا اياه مثلا في وقت العصر ساعتين

اما وقت الليل وهي في غرفتهاااا ووقت الشغل لاااا ما تسمحي .

تحياااتي

بالتوفيق للجميع .
:)

[مشتاقة لقطر]

انا كنت مانعة القبلية 3 سنين وزعلت وتوسط عيالي وريلي ووافقت لها اخر سنة..

وماعاد لها نفس تشتغل وسافرت

الجدديدة ممنوووووووووووووع الجوااااااال

بس خدامة اختي عندها تخليها تستخدمه .. بس فلللة تتكلم عالسبيكر .. ههههههه امها هذارة اكثر منها

كل يوم تقريبا ..تقرقر على راسها .. بالسبيكر ..اضحك اقول زود اقول انا على من طالعةهذارة ,,؟؟ على امها ترى ..

بس للحين عارفة سستمي مافيه طلعة مافيه بنك مافيه سوق مافيه جوال ..

بس ابخها فلللوس الين تقول بس وبطايق تليفون .. وهدايا ومشتريات .. على كيف كيفها ,, والحمدلله كملت سنتين بتسافر الشهر الياي وبترد

[هبوب الكوس]

مشكلة لي جاتك الخدامه عجوز ومصدقه نفسها !!

وتبين قدامج انها ملاك وهي تطلع هلاك

:secret:

ذكرتي بخدامة اخوي يابله خدامه شيفه ماتشاهد كلش

يابلفيت يحفضها من عين الحسد :secret:

وقالت تبغي جوال وطلع لها على نياته

وما خذت اسبوع الا متعرفه على راعي البقاله والدوبي و الخضار :rolleyes2:

ياحلاوه صار فلم هندي

[شبح الصمت]

ذكرتي بخدامة اخوي يابله خدامه شيفه ماتشاهد كلش

يابلفيت يحفضها من عين الحسد :secret:

وقالت تبغي جوال وطلع لها على نياته

وما خذت اسبوع الا متعرفه على راعي البقاله والدوبي و الخضار :rolleyes2:

ياحلاوه صار فلم هندي



بااااااااااااااااااااااال

صـج اطلعت ميه من تحت تبن :eek5:

لا بعضهم انترناشنول

يقولك لاب تووب اوووف صج الي عندها وقت قبل لا ترقد تـتزقرت تلبس لها سبونج بوب ورووووووووووووووووح

وتشوف لها كم خروف فارط :shy:

:secret:

[مضاربه]

جاتني خدامه جديده من ثاني يوم قالت ابي اكلم زوجي طرشت لدريول ياب لها كرت والا تقول انا ابي موبايل احسن قلت لها لين صار لج سنه وشفت شغلج زين وصرتي محترمه بطلع لج جوال وكرت بس مابين في عينها قامت تسوي نفسها ماتعرف تشتغل وكل ماخذت يومين قالت بكلم زوجي طرشتها المكتب الصراحه مهما نسوي لهم مايبين في عينهم حسبي الله عليهم وعلى مكاتب الخدم هم ساس البلا

[بوعمير]

أستغرب من الي يقول لازم جوال ولا الشغالة بتشتري واحد وانت مادريت عنها .. لية هي وين عايشة مهب معك في نفس البيت ولا مأجرين لها شقة جنب بيتكم وتالي الليل تروح وتجيكم الصبح، بعدين وش حاجة الشغاله بالجوال غير أنه تكلم أهله هي جاية حق الشغل، بغت تكمل أهلة عندها تليفون البيت تكلمهم متى ما بغت وأخر الشهر تدفع فاتورته.

لكن في بعض العرب معطين الشغالة الخيط والمخيط المرة لاهية في شغلة والرجال مثلها والشغالة هي راعية البيت تطبخ وتخم وتشتري مقاضي البيت وتنظف وتسبح العيال وتلبسهم ولا طلعو برا البيت الشغالة تباري عيالهم ... حق هذول العالم نقول طلعوا جوال حق شغالتكم مهب عشان الشغاله تكلم أهلة لا .. علشانكم أنتوا تتواصل مع الشغالة وتتطمنوا على بزارينكم، والله يعينكم ويعن شغالتكم.

[nor85]

مش من حقها انا طلبت مني عشان اتكلم عيالها قلت لها عندج تلفون البيت ماراح نمنعج وممكن يكون عندها تلفون واحنا ماندري عنها

[ورقة غار]

انا ضد اعطاء الخادمه جوال ولا وحده من خدمنه عندها جوال ... لكن في ناس ظروفهم تستدعي انه يعطون الخادمه جوال ...لكن حرص ولا تخون

[1HAMAD1]

انا طول عمري القول ان الهنود ما ينعطون وجه الا قليل منهم عطهم وجه وش وش بيسوون