ليش التهافت على عضويه المجلس البلدي ؟

[الأصيل]

السلام عليكم ورحمه الله

انا ما انتخبت اي عضو من قبل للمجلس ولا راح انتخب ابدا لاني عارف ان المجلس البلدي لا يحل ولا يربط وان اجتماعاتهم للظهور الاعلامي والتصوير :omen2:
انا كمواطن ليش اتعب نفسي واضيع وقتي واطلع بطاقه انتخابيه واروح اصوت لاي واحد لاني ببساطه ما استفدت شي من المجلس البلدي ولا من اعضائه ولا سمعت ان احد او منطقه استفاد منهم شي :secret:
السؤال احنا كمواطنين مب متحمسين للموضوع لانا مب مستفيدين منه بس هم اقصد اعضاء المجلس البلدي ايش استفادتهم من هالعضويه الي يتسابقون عليها ويرشحون نفسهم كل مره ورازين صورهم وكاتبين معلقات عن برامجهم الانتخابيه :rolleyes2: الي ولا بند فيها يقدرون ينفذونه لانهم اصلا ما عندهم الصلاحيه :anger1:
ممكن اعرف الي يصير عضو مجلس بلدي ايش فايدته ؟؟؟؟
يمكن ارشح نفسي معاهم :victory:
اذا مب مستفيدين من التصويت يمكن نستفيد من العضويه ؟؟؟؟ :)

[الشقيان]

لظهور الاعلامي اخووي :ok:

انصحك اخوي رشح نفسك :victory: بتصيرمشهور :dance

[مهل]

للمتابعه

[صوت الضمير]

صوتك مسؤولية وواجب اتجاه وطنك

أبداع

[ملاك]

المجلس البلدي في رأي الشخصي

مضيعة وقت (:

[الأصيل]

ما نبي ردود انشائيه وشعارات مثاليه :)
خلوها لاعلانات المرشحين يمكن فيه احد مصدقها :secret:

[راعي القالات]

7000 ريال كل شهر

[بوحارب]

7000 ريال كل شهر

لا ويقولك اللي يفوز يبخونه ب 2 مليون

ننتظر حد من المرشحين يأكد لنا الخبر :telephone:

[الأصيل]

7000 ريال كل شهر


مسكنا اول الخيط :nice: والله يوصلنا لآخره سالمين :eek5:

اخوي 7000 ناشفه والا معاها مكافأت على الاجتماعات الاضافيه ومهمات فيها سفر وبدل سفر وتمثيل مجلس في لجان اخرى عليها مكافأت غير المكافأت اعلاه ؟؟؟؟؟


لا ويقولك اللي يفوز يبخونه ب 2 مليون

ننتظر حد من المرشحين يأكد لنا الخبر :telephone:


اخوي بو حارب البخ بالمليونين للرجل والمرأه والا للذكر مثل حظ الانثيين ؟؟؟؟:omen2:

وهل فيه بخ بمبالغ اقل قبل الفوز للصرف على الصور والاعلانات والخيام والقهاوي والا يقدم فيها المرشح فواتير بعد الفوز ويصرفون له بدل ترشيح :discuss:

[مهل]

لا ويقولك اللي يفوز يبخونه ب 2 مليون

ننتظر حد من المرشحين يأكد لنا الخبر :telephone:

ايحتاج تاكيد يابوحارب ،، مب وزير هو ؟
الله عرفوه بالعقل .. عندي عيال عم و جيران عشره عمر و ٣٠٠ الف ريال تكاليف الحمله الانتخابيه على اكثر تقدير و الفوز مضمون و بحصل ٢ مليون ،، صفقه والله
يعني ترشح نفسك و تبني بيتك بلا بنك تنميه بلا ديون .
مستحيل يعطون المرشح تعديل وضع

[أخر الدنيا]

[QUOTE=بوحارب;7220205]لا ويقولك اللي يفوز يبخونه ب 2 مليون

ننتظر حد من المرشحين يأكد لنا الخبر :telephone:[/QUOTE
ما اعتقد لاعضاء المجلس البلدى و ال 2 مليون للوزير طال عمرك تحت مسمى تعديل وضع

[ابوخالد السل]

انا لا ادري لماذا بعض الناس ينشرون السلبية التي في نفوسهم في وجه الاخرين
يعني لا تشاركون وبعد تحرضون الناس ما تشارك ؟!
رجاءا لا تسقطون ما في انفسكم على الاخرين
واعملوا بالنصيحة النبوية
قل خيرا او اصمت

[الأصيل]

]انا لا ادري لماذا بعض الناس ينشرون القبح وينشرون السلبية التي في نفوسهم في وجه الاخرين يعني لا تشاركون وبعد تحرضون الناس ما تشارك رجاءا لا تسقطون ما في انفسكم من ضعف وهوان وسلبية على الاخرين
واعملوا بالنصيحة النبوية قل خيرا او اصمت[/center]


اذا كان الكلام موجه لي لاني سألت عن فايده عضويه المجلس البلدي فالجهل هو عدو الانسان الاول خاصه في موضوع عام الكل يتكلم فيه ولا يعرف خوافيه :secret:

اما نصيحه سيد الخلق فهذا ليس مكانها لان هذا منتدى عام للتناقش والكل يقول ما لديه ما دمنا ما ذكرنا اسماء ولا قذفنا في عرض احد وان كنت مرشح نفسك او احد اهلك مرشح نفسه فالله يوفقه وذكره يتصدق بشي من المليونين دفعه بلاء عنه :victory:

[مهل]

انا لا ادري لماذا بعض الناس ينشرون السلبية التي في نفوسهم في وجه الاخرين
يعني لا تشاركون وبعد تحرضون الناس ما تشارك ؟!
رجاءا لا تسقطون ما في انفسكم على الاخرين
واعملوا بالنصيحة النبوية
قل خيرا او اصمت

السلام عليكم

قل لا اله الا الله قبل كل شي .. اخوي بوخالد بكل تقدير لك .. انت لاتملك الحق بان تقول للناس اصمت !! الخير وينه الي تقول عنه ؟

مستعد اتناقش معاك لين الصبح في هذا الموضوع و اطلعك غلطان ١٠٠٪ والموضوع مش شجاعه
ولكن انا اكتب الي اشوفه صح من وجهه نظري و انت تكتب الي تشوفه صح و غيرنا يقول ويتكلم و يتناقش .. في النهايه الطرفين مستفيدين اذا التزمنا باداب الحوار و احترام الطرف الاخر

[ابوخالد السل]

يجب ضبط الامور
اعتقد على المنتدى ان يمتنع عن نشر ما يسيء الى الانتخابات البلدية

[تغلبية]

حقيقــــة ...

بأخذ جولة في مواضيع أعضاء المجلس البلدي وبرامجهم الانتخابية .. هناك مطالبات مقنعة أو غير مقنعة .. أو مبالغ فيها ..

ولكن ..

هناك بعض الشهادات من أعضاء المنتدى لبعض المرشحين .. بذكر مناقبهم .. وهم شهود على صلاحهم وكفائتهم

لذلك

هناك بعض المخلصين المتطلعين لغد أفضل لدوائرهم .. ولمصالح الناس ..

والله يجزاهم خير على مبادرتهم في تحمل عناء ومشقة المسؤولية ..

مهما سببت عضوية المجلس البلدي من شهرة ووجاهة .. الا إنها أمانة في عنق كل مرشح ..

يؤمنه عليها الناخبين .. وعرضة لمساءلة رب العالمين يوم الدين



الجواب على سؤالك .. عند المرشحين أنفسهم ..

سؤالك وجيه أخ الأصيل .. لكن أتمنى أن لانخلط الحابل بالنابل

ويكون هدف الموضوع التهكم والازدراء لذات الازدراء

خلونا نسمع الراي والراي الآخر

تحياتي ،،

[ابوخالد السل]

سنذهب و ننتخب ونمارس حقنا الانتخابي
المسؤلية الوطنية تحتم على كل مواطن ان يكون ايجابيا
رجاءا اللي ناقم على شيء لا يدخل الامور في بعضها
يجب الفصل بين نقمتك على شيء والانتخابات البلدية
او اي نشاط وطني آخر

[الأصيل]

الجهل عدو الانسان وتسكير المواضيع ما يعني تسكير العقول:secret:

انا متأكد ان سؤالي تردد في اذهان ناس وايد
وناس وايد عرفوا معلومات ما كانوا يعرفونها
وهالمعلومات ما راح تقلل عدد الي بيصوتون ولا بتزيدهم
لان الي نوى يصوت اصلا عنده سبب شخصي او عام عشان يصوت
والي مب ناوي يصوت كذلك عنده مبرراته الي تمنعه من التصويت :discuss:

المنتدى مليان مواضيع عن المرشحين وبرامجهم الانتخابيه الي اعتبرتوها تنويريه وتثقيفيه وتبين فايده المواطنين من المجلس البلدي
وموضوعي اليتيم الي يتكلم عن استفاده المرشحين من المجلس البلدي هو الي بيشكل خطر على المجلس البلدي ؟؟؟؟:rolleyes2:

[ابوخالد السل]

لا يجوز الدخول في نوايا المرشحين للمجلس البلدي او اي منصب آخر
هل تريدون عمل محاكم تفتيش للناس
انا ارى تجريم اي رأي قادح بدون دليل
وتجريم التحريض على عدم الانتخاب
ليأخذ كل منا موقفه من الانتخابات
بينه وبين نفسه
اما الاساء ة والتحريض فيجب ان تجرما
ليلزم كل انسان حدوده

[ابوخالد السل]

قبل الانتخابات باربع وعشرين ساعة
يجب الامتناع عن نشر ما يثير الاحباط او الاساءة او السلبية
يجب ان يكون هذا هو الموقف الايجابي والاخلاقي من وسائل التعبير

[ذياب]

جواز دبلماسي واظن بعد حصانه

[الأصيل]

انا ما قلت لاحد لا تروح تصوت :)

انا اعلنت موقفي الشخصي في عدم الانتخاب وهو موقف ناس وايد اعرفهم وسألت سؤال محيرني بغيت اعرف الجانب المخفي عنا كمواطنين مطالبين ننتخب ونصوت لاشخاص ما نشوفهم الا في الصور وطول السنه مختفيين ووقت الانتخابات كل واحد حاط صورته في كل دوار وشارع وتحته رقمه وموقعه الشخصي وفاتح له خيمه وقهاوي ولين فاز ذاك وجه الضيف حتى خطه يسكره اذا ما غيره بالمره:secret:

عموما الي بينتخب يدل طريقه والي ماخذ موقف مثلي يلزم بيته بس في كل الاحوال محد
يصادر حريتي وقراري واستفساراتي لاني في بلد ديمقراطي فيه انتخابات وحريه رأي !:discuss:

[ابوخالد السل]

يجب ان نفرق في ان الانتخاب حق شخصي للمواطن وفق قناعاته
وبين التحريض والتسفيه ونشر السلبية

[الأصيل]

اعتقد اني وضحت وجهه نظري وما فيه داعي ارد على اي اعتراض من فئه اغلقوا الموضوع :secret:

نرجع للمهم :)

هل فيه امتيازات اخرى لعضو المجلس البلدي غير 7000 الشهريه والمليونين بعد الفوز وجواز دبلوماسي وحصانه ووجاهه اجتماعيه ؟:discuss:

[5ial al3lya]

لإدلاء بالصوت واجب شرعا، لأنه شهادة، وعندما أعلن عن الانتخاب، فقد دعيت للإدلاء بشهادتك. وفي هذه الحالة، يكون أمامك خيارات ثلاثة. الأول: أن تشهد الحق، فتختار من تراه صالحا للقيام بهذه المهمة. الثاني: أن تشهد الزور، فتبيع ضميرك وتبيع آخرتك بدنيا غيرك. الثالث: أن تمتنع عن التصويت. أما الثاني والثالث – شهادة الزور، وعدم التصويت – فإنك بذلك تكون قد مكنت للفساد، لأن يحكم ويسود، وساهمت في الظلم، وكنت شريكا لهم في كل إثم يرتكبوه، هذا كله بسبب شهادة زور، أو السلبية التي جعلتك لا تدلي بصوتك. ألا تعلم بأنه قد يتوقف نجاح أحد، أو سقوطه على صوت؟ فقد يكون صوتك، مرجحا لكفة أحد على آخر، أو قد يكون الفيصل الذي يحسم حلالا، أو حراما. هذا جانب، والجانب الآخر، أن عدم المشاركة، إنما يعني كتمانا للشهادة (ومن يكتمها فإنه آثم قلبه) وفي الحالتين ارتكاب لكبيرة من أكبر الكبائر.


قال تعالى: (وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ). وقال تعالى: (وَلاَ تَكْتُمُواْ الشَّهَادَةَ وَمَن يَكْتُمْهَا فَإِنَّهُ آثِمٌ قَلْبُهُ وَاللّهُ بِمَا تَعْمَلُونَ عَلِيمٌ) ، ولا يجوز للمسلم، أو المسلمة أن يشهد، إلا بحق فلا يعطي صوته وشهادته، إلا لمن يعرفه معرفة جيدة .

[الأصيل]

موضوعي سؤال برئ عن امتيازات عضو البلدي مب عن فتوى التصويت للاتنخابات ولا عن من احسن المرشحين ولا عن من بيصوت ومن مب مصوت !!!!:(

يا جماعه الخير مواضيع المرشحين وبرامجهم تحت موضوعي ع طول :anger1:

يمكن لان الوقت متأخر ما شفتوهم ودخلتوا غلط ؟؟؟:rolleyes2:

[مهل]

موضوعي سؤال برئ عن امتيازات عضو البلدي مب عن فتوى التصويت للاتنخابات ولا عن من احسن المرشحين ولا عن من بيصوت ومن مب مصوت !!!!:(

يا جماعه الخير مواضيع المرشحين وبرامجهم تحت موضوعي ع طول :anger1:

يمكن لان الوقت متأخر ما شفتوهم ودخلتوا غلط ؟؟؟:rolleyes2:

اخوي الاصيل تاكد انه هدفك من الموضوع و تسائلك واضح جدا .. هذا للعلم

[<اضرب واشرد>]

أولا أعترض على الاسلوب غير المحترم في طرح الموضوع لأنه يسيء للمرشحين بشكل عام ، وأعتذر لهم نيابة عن كاتب الموضوع عن أي اساءة أو سوء ظن بَدَر منه ، وأنتقد اسلوبه اللي يدل على حسد وحقد عليهم.

ثانيا بخصوص كلمة بوخالد اللي نقل الحديث ( قل خيرا أو اصمت ) وطبيتوا في بطنه مسكين.





اما نصيحه سيد الخلق فهذا ليس مكانها لان هذا منتدى عام للتناقش والكل يقول ما لديه ما دمنا ما ذكرنا اسماء ولا قذفنا في عرض احد وان كنت مرشح نفسك او احد اهلك مرشح نفسه فالله يوفقه وذكره يتصدق بشي من المليونين دفعه بلاء عنه

شلون النصيحة هذا ليس مكانها ! يقول لك قول خير أو اسكت ، بمعنى ثاني قول خير أو لا تقول شر !! وهي صالحة في هالموضوع والمنتدى بكبرة وحياتك كلها.



قل لا اله الا الله قبل كل شي .. اخوي بوخالد بكل تقدير لك .. انت لاتملك الحق بان تقول للناس اصمت !! الخير وينه الي تقول عنه ؟

وللأخ الثاني : ماقال له اصمت قال قول خير أو اصمت.




ثالثا اللي أعرفه أن يمشون له معاش 8000 مدري 7000 مثل ماذكرتوا وجواز دبلماسي ، ويعطونه اعفاء أو تفرغ من الوظيفة اذا كان موظف لمدة 4 سنين مع بقاء راتبه أظن الرئيسي فقط. ( اجازة 4 سنين موت قهر ياراعي الموضوع ههههههه شكلك مابتنام الليلة الله يعينك )

وطبعا المرشح بيخسر على الحملة الاعلانية الكثير.




رابعا كل مرشح ونيته الله أعلم بها ، أما تسفيه الجميع بالاسلوب في هذا الموضوع فهو مرفوض.


ولاني مرشح ولا يقرب لي مرشح ولا راح أصوت بكرة.



وشكرا

[ابوخالد السل]

العجيب ان البعض لا يعرف ان كان للمرشحين اي امتيازات من عدمها ومع ذلك يحرض على عدم الانتخاب اذا كنت لا تملك اي معلومات لم ترجم بالغيب وتفتش في نوايا الناس هلا انشغلت بعيوبك ؟!

[الأصيل]

اخوي الاصيل تاكد انه هدفك من الموضوع و تسائلك واضح جدا .. هذا للعلم


يا خوي انا انا طرحت تساؤلي لمثلك وشرواك من اهل الصج وطوله البال :nice:

ولو تلاحظ روحي رياضيه وما رديت ع احد رد يجرح لان قصدي المعرفه والتعريف :omen2:

يعني انا شخصيا استفدت من الموضوع وعرفت اشياء لو عرفتها قبل كنت رشحت نفسي من زمان :shy:

وبينتخبوني لاني ع الاقل واضح في هدفي وهو مصلحتي الذاتيه اولا بما اني كعضو مالي اي صلاحيه لافاده المواطن افيد نفسي كمواطن :victory:

بس اوعدكم اني بخلي خطي مفتوح وبسوي خيمه طول السنه جنب الباب وفي الصيف بارد وفي الشتا قهاوي وزنجبيل وبتصدق بمليون من المليونين لوجه الله شرط انها تنصرف كلها على المحتاجين في قطر وليس خارجها ومب متهاوش مع الاخوه الاعضاء في المجلس ولا برز وجهي في كل صوره وفي كل اجتماع وبطالب بمنع البيبسي في المدارس على غرار قرار منع الشيبس في المدارس :omen2:

[alrheeb2020]

العجيب ان البعض لا يعرف ان كان للمرشحين اي امتيازات من عدمها ومع ذلك يحرض على عدم الانتخاب اذا كنت لا تملك اي معلومات لم ترجم بالغيب وتفتش في نوايا الناس هلا انشغلت بعيوبك ؟!

يبدو ان احدا قريب منك قد رشح نفسه لهذه الانتخابات :secret:

الله يوفقه ويسر اموره ان شاء الله ويكتب اللي في خير وصلاح له ولك اخي :nice:

[alrheeb2020]

العجيب ان البعض لا يعرف ان كان للمرشحين اي امتيازات من عدمها ومع ذلك يحرض على عدم الانتخاب اذا كنت لا تملك اي معلومات لم ترجم بالغيب وتفتش في نوايا الناس هلا انشغلت بعيوبك ؟!

يبدو ان احدا قريب منك قد رشح نفسه لهذه الانتخابات :secret:

الله يوفقه ويسر اموره ان شاء الله ويكتب اللي في خير وصلاح له ولك اخي :nice:

[كحيلان قطر]

الأخ بوخالد
وايد أشوفك متشنج في الموضوع للمعارضين لوجه نظرك ؟ ياخي روق شوي !

بعدين يبدو أنك لاتؤمن بوجود للمعارضه ؟ طبعا لأي طرح ( لاتفهمها بالمعنى الآخر)
إذا أنت مناصر للعمليه الإنتخابيه (المجلس البلدي ) فأعلم بأن هناك طابور طويل وطويل جدا للمعارضين ( لبرامج المرشح . طرحه . وصلاحياته . وحتى إمتيازاته ) .
فلا تسفه طرحهم أو حتى تحجر على آرائهم . مادامت في أدب الحوار

ترى هذي أصول الديموقراطيه , الرأي والرأي الآخر


للعلم ماراح أصوت

[<اضرب واشرد>]

فلا تسفه طرحهم أو حتى تحجر على آرائهم . مادامت في أدب الحوار
ترى هذي أصول الديموقراطيه , الرأي والرأي الآخر


للعلم ماراح أصوت

هل تعتقد أن الأصيل التزم بآداب الحوار اخوي ؟

[الأصيل]

اولا والله الحسد ما عرفته في حياتي لاني اعرف ان الارزاق بيد الرزاق :)

وثانيا انا ما قذفت اي مرشح ولا ذكرت اسم احد ولا ناديت بعدم التصويت انا كتبت الي شفته من المرشحين طوال السنين السابقه :omen2:

ثالثا ردودي كانت بالمنطق مره وبالطرافه مره ولا جرحت في اي حد جرح فيني او قذفني بالحسد او بالتحريض :(

رابعا ليش ما تبون احد يعرف امتيازات عضو البلدي ويوم سألت عنها قامت القيامه وكلن سن سكينه:eek5:

يعني من حقي كمواطن اعرف من انتخب ؟ وليش انتخبه ؟ وايش فايدتي من انتخابه ؟
بس مب من حقي اعرف فايدته من انتخابي له ؟

الناس مب اغبياء يا جماعه :anger1:

كل من شاف تراكض المرشحين على العضويه والوعود الي ترسوا بها برامجهم الانتخابيه عرف ان الموضوع فيه فايده كبيره والا الذيب ما يهرول عبث :discuss:

وما الومهم على انهم يرشحون نفسهم من الي يرفس النعمه ؟؟؟
ويمكن يكون فيم ناس يخافون الله ومب مرشحين نفسهم للامتيازات الي عرفناها :)

بس السؤال :telephone:

لو ما كانت فيه هالامتيازات كم واحد بيرشح نفسه ؟:secret:

[تغلبية]

الأخ بوخالد
وايد أشوفك متشنج في الموضوع للمعارضين لوجه نظرك ؟ ياخي روق شوي !

بعدين يبدو أنك لاتؤمن بوجود للمعارضه ؟ طبعا لأي طرح ( لاتفهمها بالمعنى الآخر)
إذا أنت مناصر للعمليه الإنتخابيه (المجلس البلدي ) فأعلم بأن هناك طابور طويل وطويل جدا للمعارضين ( لبرامج المرشح . طرحه . وصلاحياته . وحتى إمتيازاته ) .فلا تسفه طرحهم أو حتى تحجر على آرائهم . مادامت في أدب الحوار

ترى هذي أصول الديموقراطيه , الرأي والرأي الآخر


للعلم ماراح أصوت

كلام جميل ...

بودنا أن تظهر معارضة تتكلم عن وجهة نظرها بكل أريحية .. بدون تشنج أو عصبية
وبدون تهكم أو سخرية .. ودنا بطرح موضوعي منهم .. دام هم يشوفون شي يغلط خلهم يوعونا معاهم ...
احنا كل اللي شفناه ما يتعدى خانة التحريض والطنايز .. مع احترامي

[الأصيل]

المنتدى اليوم حامي الوطيس والمرشحين كثر وربعهم اكثر:eek5:
الله يوفقكم يا جماعه وتفوزون اليوم :)

مع ان موضوعي دخلته ردود كثيره مب مكانها بس شكرا لمرورهم واهتمامهم بالرد :nice:

المهم طلعت بجواب شافي لسؤالي واظن ناس وايد توضحت لهم الصوره :discuss:

امتيازات عضو البلدي كما اخبرنا الاخوان الله ينور عليهم:omen2:

راتب شهري 7000
تفرغ او اعفاء من العمل اربع سنوات مع بقاء راتبه
مليونين في حال الفوز
جواز دبلوماسي
حصانه
وجاهه اجتماعيه


خلصنا وعرفنا الاجابه وايش نقص من الاخوه المرشحين يوم عرفنا ؟؟؟
ما كان فيه داعي للخلاف والتخويف

موضوع وحيد لمعرفه استفاده العضو المنتخب الاكيده
مقابل مواضيع كثيره عن استفاده الاعضاء المنتخبين الموعوده

الحين روحوا ناموا وعينوا من الله خير
وراكم انتخابات ومرشحين ينطرونكم
وبعد الفوز بنشوف الانجازات الي بيحققونها
والوعود الي بينفذونها
ونعرف الصادق من الكاذب والطامع من النزيه :victory:

[كحيلان قطر]

تغلبيه

من يحرض من ؟ ترى كلمة التحريض كبيره ومعناها أكبر ! فلا نطلقها او نتهم أحدا بها جزافا وكما تطلق دائما في بداية الثورات !!!!

وبعدين إذا كانت تعليقات الإخوه تعتبر طنايز وأنا أستبعدها وإن كانت لاتخلو من التندر ببعض مايطرح من برامج وإنجازات . ماتقرأينه في المعني يختلف عن ما أقرأه بمفخومي لها .

أرجو منك ومن القراء الإطلاع على رأي أحد المرشحين في زميل ومرشح سابق في أحد الدوائر حول نسب كافة الإنجازات السابقه في دائرته لنفسه ؟؟؟؟؟؟؟؟ أتمنى ان أكحل عيني برأيكم .

عدد اليوم في جريدة الرايه بين ( مفتاح وعباس )

وكل أنتخابات وأنتم بخير

[الأصيل]

كاريكتير جاي ع الجرح وفرش توه طالع من فرن الرايه :)


http://www.m5zn.com/uploads/2011/5/9/photo/050911180508y4jx4jm0foyb.jpg (http://games.m5zn.com/cooking_games.html)

[كحيلان قطر]

المنتدى اليوم حامي الوطيس والمرشحين كثر وربعهم اكثر:eek5:
الله يوفقكم يا جماعه وتفوزون اليوم :)

مع ان موضوعي دخلته ردود كثيره مب مكانها بس شكرا لمرورهم واهتمامهم بالرد :nice:

المهم طلعت بجواب شافي لسؤالي واظن ناس وايد توضحت لهم الصوره :discuss:

وهذا كان الهدف :discuss:

موضوع وحيد لمعرفه استفاده العضو المنتخب الاكيده
مقابل مواضيع كثيره عن استفاده الاعضاء المنتخبين الموعوده

الحين روحوا ناموا وعينوا من الله خير
وراكم انتخابات ومرشحين ينطرونكم
وبعد الفوز بنشوف الانجازات الي بيحققونها
والوعود الي بينفذونها
ونعرف الصادق من الكاذب والطامع من النزيه :victory:

أخوي لاتذهب للنوم ؟؟

سوف تتهم بالهروب والإنهزاميه والتخاذل !!!!
ومحاربا للنجاح وانت سبب تأخرنا الديموقراطي ؟

كل الشكر على موضوعك وفعلا مثل ماقلت الفايده كانت كبير اتمنى من الكل الاستفاده ؟؟:rolleyes2:وأن لاندخل في حوار بيزنطي :anger1:

وصبح ,, صبح

[كحيلان قطر]

كاريكتير جاي ع الجرح وفرش توه طالع من فرن الرايه :)


http://www.m5zn.com/uploads/2011/5/9/photo/050911180508y4jx4jm0foyb.jpg (http://games.m5zn.com/cooking_games.html)

لاهذي مايعتبرونها طنايز هذي عندهم نقد صحفي وقلم شريف !!!!!!:tease:

ويبونا نكون :secret:

[<اضرب واشرد>]

رابعا ليش ما تبون احد يعرف امتيازات عضو البلدي ويوم سألت عنها قامت القيامه وكلن سن سكينه

ههههههه

حاول مرة أخرى ؟

بالعكس احنا شاركنا ووضحنا معاكم ( امتيازات ) الأعضاء ومافيها شي خل يعرفها الكل.

اعتراضنا وسكاكينا مثل ماتقول مب على توضيح الامتيازات ، على الاسلوب والأخلاق في الموضوع ، اللي ماترتقي لمستوى منتديات شبكة الأسهم القطرية الصراحة ، يعني لو منتدى أغلبيته مراهقين ممكن نسامحك فالاسلوب.

عرفت شلون يالأصيل

ونيابة عن راعي المنتدى وإدارييه ومشرفيه وأعضاءه أقول للمرشحين سامحوا الأصيل وامسحوها بوجهي واعذروه خذه الحماس شوي يوم سمع أن السالفة فيها فلوس وفاته موعد الترشيح.

[الأصيل]

أخوي لاتذهب للنوم ؟؟

سوف تتهم بالهروب والإنهزاميه والتخاذل !!!!
ومحاربا للنجاح وانت سبب تأخرنا الديموقراطي ؟

كل الشكر على موضوعك وفعلا مثل ماقلت الفايده كانت كبير اتمنى من الكل الاستفاده ؟؟:rolleyes2:وأن لاندخل في حوار بيزنطي :anger1:

وصبح ,, صبح


لو خليت خربت :)

انت والطيبين مثلك وشرواك تسدون مكاني وتردون غيبتي :nice:

ما طرحت الموضوع عشان اخلق اعداء واثير خلافات هدفي كان واضح للي قرأ بدون تحيز او تعصب :discuss:
احنا مواطنين في هالبلد ومن حقنا نعرف الي لنا والي علينا والي على المرشح والي له :victory:

عشان ما نكون من ضمن القطيع ونعطي اصواتنا لمرشح مب كفو ولا امين:anger1:

يعني ياخذ اصواتنا ويغني فيها على ليلاه واحنا نظل سنه كامله خرس بدون اصوات :shy:

[الأصيل]

ههههههه

حاول مرة أخرى ؟

بالعكس احنا شاركنا ووضحنا معاكم ( امتيازات ) الأعضاء ومافيها شي خل يعرفها الكل.

اعتراضنا وسكاكينا مثل ماتقول مب على توضيح الامتيازات ، على الاسلوب والأخلاق في الموضوع ، اللي ماترتقي لمستوى منتديات شبكة الأسهم القطرية الصراحة ، يعني لو منتدى أغلبيته مراهقين ممكن نسامحك فالاسلوب.

عرفت شلون يالأصيل

ونيابة عن راعي المنتدى وإدارييه ومشرفيه وأعضاءه أقول للمرشحين سامحوا الأصيل وامسحوها بوجهي واعذروه خذه الحماس شوي يوم سمع أن السالفة فيها فلوس وفاته موعد الترشيح.


الله يهديك لنفسك كلامك هو الي يبغي له اعتذار منك لي ولاعضاء المنتدى
وانا عموما مسامحك :nice:
واذا جيت للصج انا فعلا متحسف انا ما رشحت نفسي :(
ليش انكر وارفع شعارات مثاليه ما تعرف ريحه الصج :secret:
انا ما استفدت من المجلس البلدي ولا من الاعضاءه المحترمين اربع سنوات ليش ما استفيد من العضويه بدل ما ارشح غيري :shy:
والسالفه كلها ما تحتاج الحده والعصبيه الي في ردودك الا لو ان الكلام مسك بدون قصد
او مس مرشح من صوبك :omg:
الله يوفقكم وتفوزون :)

[كحيلان قطر]

هل تعتقد أن الأصيل التزم بآداب الحوار اخوي ؟

وماهي مقاييس آداب الحوار في ظنك ؟

لأنه هناك في المقابل مايطلق عليه تطبيل ومسح جوخ وامدحه وخذ بشته ووووو ,

لاتكون ورى مقولة ( من ليس معي فهو ضدي ) .

[<اضرب واشرد>]

لحد الحين ماعرف حد رشح نفسه لكن اذا حصل فالسنين الجاية أبشر باعرفك عليه وبنطلع نتعشى مع بعض وباوصيه يعطيك مما عطاه الله لعل وعسى تهدى أمورك وأعصابك.

ويومها بتنزل موضوع تمدح فيه المرشحين والانتخابات.

بخصوص أنك ماتشوف شي مادري عنك لكن عن دائرتي تغيرت وايد ماشاء الله والكل راضي عن العضو اللي مسكها الله يجزاه خير ويوفقه.

أخيرا إذا عندك مشكلة مالية اخوي سكر هالموضوع وراسلني بالخاص يمكن أقدر أساعدك!

[كحيلان قطر]

ههههههه

حاول مرة أخرى ؟

بالعكس احنا شاركنا ووضحنا معاكم ( امتيازات ) الأعضاء ومافيها شي خل يعرفها الكل.

اعتراضنا وسكاكينا مثل ماتقول مب على توضيح الامتيازات ، على الاسلوب والأخلاق في الموضوع ، اللي ماترتقي لمستوى منتديات شبكة الأسهم القطرية الصراحة ، يعني لو منتدى أغلبيته مراهقين ممكن نسامحك فالاسلوب.

عرفت شلون يالأصيل

ونيابة عن راعي المنتدى وإدارييه ومشرفيه وأعضاءه أقول للمرشحين سامحوا الأصيل وامسحوها بوجهي واعذروه خذه الحماس شوي يوم سمع أن السالفة فيها فلوس وفاته موعد الترشيح.

تبي تعتذر أعتذر عن نفسك لا تشمل الأعضاء معاك
فهم ليسو بقطيع يقاد ولا ماسحي جوخ ؟؟؟؟؟

[الأصيل]

لحد الحين ماعرف حد رشح نفسه لكن اذا حصل فالسنين الجاية أبشر باعرفك عليه وبنطلع نتعشى مع بعض وباوصيه يعطيك مما عطاه الله لعل وعسى تهدى أمورك وأعصابك.

ويومها بتنزل موضوع تمدح فيه المرشحين والانتخابات.

بخصوص أنك ماتشوف شي مادري عنك لكن عن دائرتي تغيرت وايد ماشاء الله والكل راضي عن العضو اللي مسكها الله يجزاه خير ويوفقه.

أخيرا إذا عندك مشكلة مالية اخوي سكر هالموضوع وراسلني بالخاص يمكن أقدر أساعدك!


الله يجزاك خير على العرض بس انا واياك في خير
الله يهديك تراجع نفسك في كل كلمه كتبتها ضدي بدون وجه حق:)
بس مقدر ان الغضب يعمي ويصم:anger1:
تعوذ وتوضأ واذكر الله وارجع اقرأ ردودك وبتعرف انك خرجت في ردك على اخلاقيات الحوار وآدابه الي تنادي بها :(

[<اضرب واشرد>]

وارجع اقرأ ردودك وبتعرف انك خرجت في ردك على اخلاقيات الحوار وآدابه الي تنادي بها

شاسوي اخوي يقول لك الصاحب ساحب وأنا في هالموضوع صحبتك فسحبتني.

[الأصيل]

يا جماعه الخير ليش نتعادى لبعض على وجهات نظر في موضوع عام مب شخصي ؟؟؟

اخوي كحيلان طول بالك :omen2:

اخوي اضرب واشرد تعوذ من ابليس واضرب وارقد :discuss:

يومكم سعيد :)

[الأصيل]

شاسوي اخوي يقول لك الصاحب ساحب وأنا في هالموضوع صحبتك فسحبتني.


يا خوي خلك انت صاحبنا واسحبنا للخير لا تسحبنا لعداوه ما لها داعي وتجريح :(
وارجع اقولك مسامحك :)
وشكرا لانك عطيتني من حسناتك اليوم :shy:

[كحيلان قطر]

زادت قناعاتي في عدم جدوى وجود (( البرلمان ))

إذاكانت حوارات المجلس البلدي فيها كفخ ومكافخ عيل بكره شلون وتقول رايك في مرشحين البرلمان ؟؟؟

ياولي ويلاه ,, ألا بكون لمشادخ بعلمه !!!!!!!!!!!!!!!
الله يستر

[تغلبية]

تغلبيه

من يحرض من ؟ ترى كلمة التحريض كبيره ومعناها أكبر ! فلا نطلقها او نتهم أحدا بها جزافا وكما تطلق دائما في بداية الثورات !!!!

وبعدين إذا كانت تعليقات الإخوه تعتبر طنايز وأنا أستبعدها وإن كانت لاتخلو من التندر ببعض مايطرح من برامج وإنجازات . ماتقرأينه في المعني يختلف عن ما أقرأه بمفخومي لها .

أرجو منك ومن القراء الإطلاع على رأي أحد المرشحين في زميل ومرشح سابق في أحد الدوائر حول نسب كافة الإنجازات السابقه في دائرته لنفسه ؟؟؟؟؟؟؟؟ أتمنى ان أكحل عيني برأيكم .

عدد اليوم في جريدة الرايه بين ( مفتاح وعباس )

وكل أنتخابات وأنتم بخير


وأنت سالم وبخير ..

المعارضين يحرضون غير المعارضين على عدم التصويت في موضوع يستطلع الاراء عن التصويت من عدمه .. لذلك انا طريت التحريض ..
وابدا ابدا ما القى التهم جزافاً لآني دائماً أعني ما اقول وأقف وافكر قبل لا أكتب أي كلمة.

لو تلاحظ في اول رد لي على الاخ الأصيل .. أنا أيدت طرحه .. وفعلاً سواله جوهري
كان ودنا النقاش يكون موضوعي علشان نطلع منه بفايده
لكنكم خليتو لب الموضوع وركزتوا على معارضينكم !

من كلامك يبين انك مطلع ومهتم بالانتخابات البلدية وكان ودنا نستفيد منك ومن ارائك
وبتم متابعة الموضوع لاني ابي استفيد من الاراء المطروحة
لان ان كنت انا من المويدين واللي بيصوتون .. مو معناته اني موافقة على كل مايخص المجلس البلدي ..
عندي تحفظات كثيرة ولكن ما انطرح الموضوع اللي يعرض وجهات النظر المخالفة

وسلامتك ،،

[الأصيل]

الموضوع موضوعكم خذوا راحتكم :nice:

الي يبي يطرح وجهه نظر يطرح
الي يبي يرد على رد ثاني يرد
الي يبي يتهاوش يتهاوش
الي يبي يصلح بينهم يصالح

انا عرفت اجابه سؤالي :)

فاصل ونواصل :secret:

رايح وبرجع للموضوع بعدين وان شاء الله تكون الحظره صايده:victory:

[كحيلان قطر]

وأنت سالم وبخير ..

المعارضين يحرضون غير المعارضين على عدم التصويت في موضوع يستطلع الاراء عن التصويت من عدمه .. لذلك انا طريت التحريض ..
وابدا ابدا ما القى التهم جزافاً لآني دائماً أعني ما اقول وأقف وافكر قبل لا أكتب أي كلمة.

لو تلاحظ في اول رد لي على الاخ الأصيل .. أنا أيدت طرحه .. وفعلاً سواله جوهري
كان ودنا النقاش يكون موضوعي علشان نطلع منه بفايده
لكنكم خليتو لب الموضوع وركزتوا على معارضينكم !

من كلامك يبين انك مطلع ومهتم بالانتخابات البلدية وكان ودنا نستفيد منك ومن ارائك
وبتم متابعة الموضوع لاني ابي استفيد من الاراء المطروحة
لان ان كنت انا من المويدين واللي بيصوتون .. مو معناته اني موافقة على كل مايخص المجلس البلدي ..
عندي تحفظات كثيرة ولكن ما انطرح الموضوع اللي يعرض وجهات النظر المخالفة

وسلامتك ،،

التحفظات كثيره وليس الآن وقتها حتى لا نتَهم باننا مفشلين ( العرس ) الانتخابي !


المصوتون : القبيله + العايله + الاصدقاء = مرشح منتخب

[هبوب الكوس]

يستفيد العضو

التفرق من العمل

تمشيله 7000 شهرياً

غير المؤتمرات الخارجية

حلوين

[سهم احمر]

السلام عليكم ورحمه الله

انا ما انتخبت اي عضو من قبل للمجلس ولا راح انتخب ابدا لاني عارف ان المجلس البلدي لا يحل ولا يربط وان اجتماعاتهم للظهور الاعلامي والتصوير :omen2:
انا كمواطن ليش اتعب نفسي واضيع وقتي واطلع بطاقه انتخابيه واروح اصوت لاي واحد لاني ببساطه ما استفدت شي من المجلس البلدي ولا من اعضائه ولا سمعت ان احد او منطقه استفاد منهم شي :secret:
السؤال احنا كمواطنين مب متحمسين للموضوع لانا مب مستفيدين منه بس هم اقصد اعضاء المجلس البلدي ايش استفادتهم من هالعضويه الي يتسابقون عليها ويرشحون نفسهم كل مره ورازين صورهم وكاتبين معلقات عن برامجهم الانتخابيه :rolleyes2: الي ولا بند فيها يقدرون ينفذونه لانهم اصلا ما عندهم الصلاحيه :anger1:
ممكن اعرف الي يصير عضو مجلس بلدي ايش فايدته ؟؟؟؟
يمكن ارشح نفسي معاهم :victory:
اذا مب مستفيدين من التصويت يمكن نستفيد من العضويه ؟؟؟؟ :)


نفس شعورك ويمكن أقوى بعد

[الجسراوي]

والله العظيم معرف شسالفه بس الله اعلم بان المجلس البلدي ماشوفهم يسون شي كله يطلعون بالجرايد ويكتبون كلن يشعر في ليلاه يعني فريجه وبس مدري والله ماحس انهم سووا لنا شي ظول المده اللي راحت لان اصلا هم مالهم خص في شغل الدوله :

الفرجان اشتبي عشان يجون ناس ويتكلمون عنها

الشوارع شغل اشغال
المجاري شغل الصرف الصحي
وايرات التلفونات والانترنت شغل كيوتل
كيابل الكهربا وبيبات الماي شغل الكهربا الماي مدري كهرماء
والتخطيط للاراضي والبناء ,, الخ شغل التخطيط العمراني
البر وتنظيفه شغل البيئه
مدري اشبقى بعد ايه صج تذكرت
الصحه والدكاتره والمراكز الصحيه شغل هيئه الصحه
دكاكين بابو وماشاالله وراعي الخضره وباقي المحلات شغل البلديه وحماهي المستهلك النايمين

مدري اشباقي بعد ياربي ايش نسيت

ايه صج الشوارع وتخطيطها والثبوت والرادارات والمخالفات والفحض الفني واللياسن .. الخ شغل الداخليه

مدري شالفايده من هالعضو البلدي غير مصلحته الماديه وبس يمكن والله اعلم والا في حد يراكض هالايام لاجل عيوني وعيون غيري بدون اي فايده ..؟؟؟؟؟؟؟؟؟؟ بالمنظق والعقل ما يصير

الله عرفناه بالعقل

[الأصيل]

يستفيد العضو

التفرق من العمل

تمشيله 7000 شهرياً

غير المؤتمرات الخارجية

حلوين



نرجع نجمع الامتيازات الي عرفناها لعضو البلدي للي ما قدر يتابع معانا من كثر المداخلات الي في الموضوع والي خارجه :(


فلوس لزوم الدعايه الانتخابيه
مليونين بعد الفوز
7000 شهريه
تفرغ من الوظيفه اربع سنين مع بقاء راتبه
جواز دبلوماسي
حصانه
وجاهه اجتماعيه
مؤتمرات خارجيه وبدل تمثيل


هل من مزيد ؟؟؟؟:omen2:

[كحيلان قطر]

نرجع نجمع الامتيازات الي عرفناها لعضو البلدي للي ما قدر يتابع معانا من كثر المداخلات الي في الموضوع والي خارجه :(


فلوس لزوم الدعايه الانتخابيه
مليونين بعد الفوز
7000 شهريه
تفرغ من الوظيفه اربع سنين مع بقاء راتبه
جواز دبلوماسي
حصانه
وجاهه اجتماعيه
مؤتمرات خارجيه وبدل تمثيل


هل من مزيد ؟؟؟؟:omen2:

إذا كان المرشح بقوم بكل وعوده اللتي أطلقها من زراعة المسطحات الخضراء ورصف الشوارع وتركيب الانترلوك وإنارة الشوارع وبناء الانديه للفتيات (حلوه ذي) أغنية المرشحين !!
كذلك إنشاء المراكز الطبيه وتقليل مخالفات المرور ؟

فأنني اشوف الإمتيازات قليله عليهم , كفايه بدل شحططه ومراكضهم في لشموس .

يارب تتحقق أمانيهم إن كانت صادقه ؟

[الأصيل]

إذا كان المرشح بقوم بكل وعوده اللتي أطلقها من زراعة المسطحات الخضراء ورصف الشوارع وتركيب الانترلوك وإنارة الشوارع وبناء الانديه للفتيات (حلوه ذي) أغنية المرشحين !!
كذلك إنشاء المراكز الطبيه وتقليل مخالفات المرور ؟

فأنني اشوف الإمتيازات قليله عليهم , كفايه بدل شحططه ومراكضهم في لشموس .

يارب تتحقق أمانيهم إن كانت صادقه ؟


اذا الانترلوك شغلتهم فوالله ما قصروا بيض الله وجوهم :nice:

شغالين عليه ليل نهار وما خلوا رصيف ولا داعوس يعتب عليهم :discuss:

حتى الي زارعين نخل قدام بيوتهم وحولها شلوه وحطوا بدااله انترلوك لونين مثل الشطرنج يعني موديل جديد 2011 :shy:

لو اشتغلوا في مساكن كبار الموظفين وفي الشوارع الخارجيه والابراج وملاعب الاولمبياد بنفس همتهم في تركيب الانترلوك يمكن يخلصونها في سنه سنتين :victory:

وين عنهم اشغال ؟؟؟؟:secret:

[<اضرب واشرد>]

اذا الانترلوك شغلتهم فوالله ما قصروا بيض الله وجوهم

شغالين عليه ليل نهار وما خلوا رصيف ولا داعوس يعتب عليهم

حتى الي زارعين نخل قدام بيوتهم وحولها شلوه وحطوا بدااله انترلوك لونين مثل الشطرنج يعني موديل جديد 2011

لو اشتغلوا في مساكن كبار الموظفين وفي الشوارع الخارجيه والابراج وملاعب الاولمبياد بنفس همتهم في تركيب الانترلوك يمكن يخلصونها في سنه سنتين

وين عنهم اشغال ؟؟؟؟

واضح من كلامك اخوي أنك ضايع ولا تعـرف شنهي صلاحيات العضو.

على بالك العضو يتصل في شركة بلاط وسيراميك ويتفق معاهم يبلطون الفريج.

لذلك لا أستغرب منك السخرية الطفولية.

[الأصيل]

واضح من كلامك اخوي أنك ضايع ولا تعـرف شنهي صلاحيات العضو.

على بالك العضو يتصل في شركة بلاط وسيراميك ويتفق معاهم يبلطون الفريج.

لذلك لا أستغرب منك السخرية الطفولية.


هلا باضرب واشرد :nice:

ما هدت اعصابك شويه :(

يا خوي خلص العرس الديمقراطي والمعازيم راحوا بيوتهم :)

ليش ماخذ الامور يا معاي يا ضدي ؟؟؟

يعني هم يفوزون واحنا نتهاوش سبه مجلس بلدي لا راح ولا جا ؟؟؟:secret:


نرجع لموضوعنا عشان الكل يستفيد :discuss:

انا فعلا ما اعرف صلاحيات المجلس البلدي ولا صلاحيات اعضاءه بالتفصيل :(

بس الشي الوحيد الي اعرفه ومتأكد منه عن المجلس البلدي انه مجلس استشاري يرفع توصيات ما لها اي صفه الزاميه لاي جهه رسميه والا غير رسميه :omen2:

وبما انك تتكلم عن صلاحيات عضو البلدي وشكلك خبير فيها فياليت نسمع منك مع الشكر مقدما :nice:

[تغلبية]

هلا باضرب واشرد :nice:

ما هدت اعصابك شويه :(

يا خوي خلص العرس الديمقراطي والمعازيم راحوا بيوتهم :)

ليش ماخذ الامور يا معاي يا ضدي ؟؟؟

يعني هم يفوزون واحنا نتهاوش سبه مجلس بلدي لا راح ولا جا ؟؟؟:secret:


نرجع لموضوعنا عشان الكل يستفيد :discuss:

انا فعلا ما اعرف صلاحيات المجلس البلدي ولا صلاحيات اعضاءه بالتفصيل :(

بس الشي الوحيد الي اعرفه ومتأكد منه عن المجلس البلدي انه مجلس استشاري يرفع توصيات ما لها اي صفه الزاميه لاي جهه رسميه والا غير رسميه :omen2:
وبما انك تتكلم عن صلاحيات عضو البلدي وشكلك خبير فيها فياليت نسمع منك مع الشكر مقدما :nice:


بجد والله يا لأصيل .. ودي أعرف وين المشكلة لما يكون المجلس استشاري غير ملزم !؟

الله قال وشاورهم في الأمر .. ما قال شاورهم والزمهم !

[االشامخ]

7000 ريال وجواز خاص وبدل تمثيل وتفرغ من الشغل اربع سنوات وشتبين يالاصيله بعد؟

[االشامخ]

7000 ريال وجواز خاص وبدل تمثيل وتفرغ من الشغل اربع سنوات وشتبين يالاصيله بعد؟

اسف غلطت في اسمك يالاصيل

[الأصيل]

بجد والله يا لأصيل .. ودي أعرف وين المشكلة لما يكون المجلس استشاري غير ملزم !؟

الله قال وشاورهم في الأمر .. ما قال شاورهم والزمهم !


هلا بتغلبيه :nice:
اذا ما كان له اي صلاحيه في اصدار قرار ينفع الناس او منع قرار يضرهم ليش حاطينه ومسوين انتخابات ومخسرين فلوس كان الاولى تنصرف على مشاريع تنفع البلد والناس بدل ما تنفع مجموعه اشخاص عرفوا الطبخه قبل غيرهم؟؟؟

البلديه لها نفس اختصاصات المجلس البلدي وهي جهاز اداري وتنفيذي وتشريعي ومب محتاج قلص يجره وراه بحجه شوفوا ان عندنا انتخابات ديمقراطيه :secret:

انا اقول انتخابات المجلس البلدي تجربه ع صغير لانتخابات البرلمان الي نسمع عنه من سنين
يعني يدربون الناس ع الموضوع ويشوفون ردود الفعل وهالشي مقبول لو انهم جربوا على انتخابات لشي يهم الناس فعلا ويحسون انه له مرود عليهم مب مجلس اجتماعات وهوشات ونتائجه صفر ع ارض الواقع :(

[تغلبية]

كلام سليم وعقلاني جداً

زين .. يمدحون حمود آل شافي .. والجفيرية كلن بمنطقته .. يعني في اثار لهم على ارض الواقع!

الحكومة مناحسة ... و ماتبي تعطي صلاحيات للمجلس .. شنو الحل ؟

.. نهجره ... والا نطالب باسلوب عقلاني ونرفع صوت المطالبات بكل وقت وحين علشان يعطون المجلس صلاحيات مثل ماعطوهم جواز دبلوماسي ... ايهما أهم !!

مثل ما قلت لك سؤالك وجيه جداً والمواطن اللي ما يستفيد من تصويته لاحد المرشحين كان بامكانه يدخل الانتخابات ويستفيد هو على الاقل من مزايا المجلس !!

خسارة ما رشحت نفسك .. ترى يجي منك:nice:

[الأصيل]

اسف غلطت في اسمك يالاصيل


مسموح يا الشامخ:nice:

فيه ناس غلطوا في اكثر من اسمي وبعد مسموحين :(
يمكن عندهم حسنات وايد ويبون يوزعون ع الناس منها :)

[الأصيل]

كلام سليم وعقلاني جداً

زين .. يمدحون حمود آل شافي .. والجفيرية كلن بمنطقته ..

يعني في اثار لهم على ارض الواقع

الحكومة مناحسة ... والا ماتبي تعطي صلاحيات للمجلس

شنو الحل .. نهجرة والا نطالب باسلوب عقلاني ونرفع صوت المطالبات بكل وقت وحين علشان يعطون المجلس صلاحيات مثل ماعطوهم جواز دبلوماسي ... ايهما أهم !!

مثل ما قلت لك سؤالك وجيه جداً والمواطن اللي ما يستفيد من تصويته لاحد المرشحين كان بامكانه يدخل الانتخابات ويستفيد هو على الاقل من مزايا المجلس !!

خسارة ما رشحت نفسك .. ترى يجي منك:nice:


تغلبيه انتي خوش بنيه :nice:

ترا يجي مني وايد مب شوي :shy:

يقولون الله يسلمج ان عشقت اعشق قمر وان سرقت اسرق جمل :discuss:

انا مخلي نفسي للانتخابات الكبيره الي تنطبخ ع نار هاديه :victory:

قاعد اكتب معلقه لبرنامجي الانتخابي من الحين واسوي بروفايل واضبط الصور :)

بالنسبه لسؤالك ايش الحل ؟

اعضاء المجلس سواء كانوا ناس فيهم خير ويبون يخدمون الوطن والمواطن مثل ما يقولون او ناس داخله ع طمع وتبي تفيد نفسها والي يعز عليها مثل ما يضمرون :secret: هم ما يقدرون يسوون شي غير الكلام والمطالبه والاستفاده من الوضع قد ما يقدرون لانهم مب ضامنين يرجعون لكراسيهم الانتخابات الجايه :eek5:

الحكومه هي الي تقدر تغير الوضع يعني العضو كفايه عليه امتياز ثقه الناس فيه وتصويتهم له وكفايه عليه الوجاهه وكفايه عليه امتياز خدمه الوطن والمواطن مثل ما يدعون :omen2: ونقطع باقي الامتيازات عنهم وزين ان شفتي ربع عدد المرشحين الي تشوفينهم الحين :rolleyes2:

الحكومه تقدر تعطي صلاحيات فعليه تخلي للمجلس هيبه ومكانه واهميه وتخلي للاعضاء دور وصلاحيه عشان يخدمونا مثل ما يقولون :)

[ابوخالد السل]

ياساتر من المعارضة الصبيانية
اللي ما تعرف اختصاصات المجلس البلدي
وتعارض ؟!!!

[ابوخالد السل]

زين واللي يبي يجهز نفسه لانتخابات اهم واكبر
مب يدخل المعترك الاصغر من باب التدريب
والتسخين والاختلاط بجموع المواطنين
صحيح انكم معارضة صبيانية ؟!

[ابوخالد السل]

الحقيقة اننا بصدد معارضة صبيانية حمقاء
تعتقد ان دور عضو المجلس البلدي
المراكض من اجل رصيف انترلوك
وماتدري هذه المعارضة
الصبيانية
ان اخطر دور للمجلس البلدي
هو الدور الرقابي على اعمال
الوزارات والهيئات ذات العلاقة
؟!!!

[الأصيل]

ياساتر من المعارضة الصبيانية
اللي ما تعرف اختصاصات المجلس البلدي
وتعارض ؟!!!


الحقيقة اننا بصدد معارضة صبيانية حمقاء
تعتقد ان دور عضو المجلس البلدي
المراكض من اجل رصيف انترلوك
وماتدري هذه المعارضة
الصبيانية
ان اخطر دور للمجلس البلدي
هو الدور الرقابي على اعمال
الوزارات والهيئات ذات العلاقة
؟!!!

يا خوي اذا موضوعي ينرفزك تجاهله وكنك ما تشوفه ترتاح وتريح :)

وعموما الانتخابات خلصت وطارت الطيور بارزاقها وما فيه داعي تخاف نحرض الناس والا تقل نسبه التصويت الي هي اساسا مب ذاك الزود كل واحد انتخبه كم واحد من اهله وجيرانه وربعه والاغلبيه الصامته مريحه راسها :secret:

يا جماعه سياسه تكميم الافواه والي يعارضني يعني عدوي لازم تنتهي
البلد محتاجه حزب معارضه عشان تكون فيه ديمقراطيه على اصولها والا نصير كلنا موافقون ومؤيدون ما تصير ديمقراطيه عدل !!!

وبدل ما تعيد وتزيد معارضه صبيانيه ومعارضه صبيانيه على بالك تكلم صبيان في مدرسه اعداديه عطنا من خبرتك وحكمتك وعلمنا احنا المساكين اختصاصات المجلس البلدي واعضاءه الموقرين الفعليه مب الشرفيه وايش الانجازات الي حققوها غير قرار منع الشيبس في المدارس ؟؟؟:discuss:

[ابوخالد السل]

نحن مع المعارضة الايجابية اما المعارضة الصبيانية فهي مرفوضة
انتوا ناس تحملون قدر كبير من الاحتقار للناس
مرشحين وناخبين
وهذا واضح من تطاولكم عليهم
والسخرية منهم
يعني انتوا لا .... ولا ....
؟!!!!!

[الأصيل]

مع ان الموضوع لقى معارضه وهجوم من ربع المجلس البلدي واتهامات بالسلبيه والتحريض والتخريب وما بقى الا انهم يطلعوني ارهابي :eek5: الا اني اشوفه احسن دعايه لانتخابات المجلس البلدي :)

واتوقع ان يتضاعف عدد المرشحين للانتخابات البلديه القادمه اضعاف مضاعفه عن عدد السنه :rolleyes2:

بس المشكله لو زاد عدد المرشحين و قل عدد الناخبين او زاد عدد المرشحين عن الناخبين:tease:


بالنسبه لي الموضوع ادى الغرض منه وانتهى الكلام فيه وعرفت اجابه سؤالي:nice:


واذا ما كان فيه اضافه مفيده للموضوع فما داعي نطولها وهي قصيره :omen2:

اما الردود الي تتهجم ع الشخص بدل ما ترد على رأيه والكلام الانشائي والتلميع فما علينا منها والرد عليها ما وراه خير :secret:



شكرا لكل من شارك في الموضوع وادلى بدلوه او طعن بسكينه :(

والى اللقاء في مواضيع اخرى او انتخابات جديده حتى ذلك الحين نستودعكم الله :)

[ღLady Qtrღ]

محسسيني انهم بيحلون مشاكل الامه اخرتها لايهشون ولا ينشون
اكي الحفره الي قدام بيتنا صار لها سنه ونص
والشارع صارله خمس سنين كله حفريات عنبوه توه يدي سوه وردو حفروه

[ابوخالد السل]

رجعنا مرة ثانية الى الاساءات والطنايز ؟!!
من تكون انت حتى احنا نتهجم عليك !
احنا نناقش ادعاءاتك ودعاويك ونرد عليها
واضح جداً انك شخص غير سوي
ولا تقدر الناس ولا تحترمهم
؟!!!

[ابوخالد السل]

رجعنا مرة ثانية الى الاساءات والطنايز ؟!!
من تكون انت حتى احنا نتهجم عليك !
يبدو انك تعاني من عقدة الاضطهاد !
احنا نناقش ادعاءاتك ودعاويك ونرد عليها
واضح جداً انك شخص غير سوي
ولا تقدر الناس ولا تحترمهم
؟!!!

[مستثمر اول]

متابع

[تغلبية]

تغلبيه انتي خوش بنيه :nice:

ترا يجي مني وايد مب شوي :shy:

يقولون الله يسلمج ان عشقت اعشق قمر وان سرقت اسرق جمل :discuss:

انا مخلي نفسي للانتخابات الكبيره الي تنطبخ ع نار هاديه :victory:

قاعد اكتب معلقه لبرنامجي الانتخابي من الحين واسوي بروفايل واضبط الصور :)

بالنسبه لسؤالك ايش الحل ؟

اعضاء المجلس سواء كانوا ناس فيهم خير ويبون يخدمون الوطن والمواطن مثل ما يقولون او ناس داخله ع طمع وتبي تفيد نفسها والي يعز عليها مثل ما يضمرون :secret: هم ما يقدرون يسوون شي غير الكلام والمطالبه والاستفاده من الوضع قد ما يقدرون لانهم مب ضامنين يرجعون لكراسيهم الانتخابات الجايه :eek5:

الحكومه هي الي تقدر تغير الوضع يعني العضو كفايه عليه امتياز ثقه الناس فيه وتصويتهم له وكفايه عليه الوجاهه وكفايه عليه امتياز خدمه الوطن والمواطن مثل ما يدعون :omen2: ونقطع باقي الامتيازات عنهم وزين ان شفتي ربع عدد المرشحين الي تشوفينهم الحين :rolleyes2:

الحكومه تقدر تعطي صلاحيات فعليه تخلي للمجلس هيبه ومكانه واهميه وتخلي للاعضاء دور وصلاحيه عشان يخدمونا مثل ما يقولون :)


في ذمتي ... دررررررررر :nice:

لما يكون الكلام منطقي من فكر واعي وقاعد يفكر ويطبخ على نار هادية ..
أفضل بكثير من اسلوب التهكم والسخرية او الطرفة مثل ما تسميه
ودنا بعقليات الناس الجادة اللي ترفع ما تنزل

حلو انك فاهم وقاعد تجهز نفسك من الحين ..
وفي موضوع ثاني يخص الانتخابات قلت ياناس خلنا نعتبر هالمجلس بروفا للبرلمان المنتخب .. خلونا نتفاعل ونتعايش مع الانتخابات وامور المجلس علشان لما يجي البرلمان العود قدنا فاهمين وعارفين وش لنا ووش علينا ...
في كثير من الاخطاء والسلبيات .. لكن بالتتفاعل والتعاطي والكلام الجاد ممكن يكون في وعي باهمية هذي الانتخابات .. وممكن نتلافى شوي من السلبيات الظاهرة ... وتراها في كل دول العالم موب عندنا بس !

[بومحمد911]

لاترفسون النعمة بايدينكم

المجلس البلدي لكم ومنكم والسلام عليكم

[بوناصر1]

رجعنا مرة ثانية الى الاساءات والطنايز ؟!!
من تكون انت حتى احنا نتهجم عليك !
يبدو انك تعاني من عقدة الاضطهاد !
احنا نناقش ادعاءاتك ودعاويك ونرد عليها
واضح جداً انك شخص غير سوي
ولا تقدر الناس ولا تحترمهم
؟!!!

خف شوي يابو الشباب وش الي مزعلك !!!
ممكن لو تسمح اطلب منك طلبين
الاول هو:
انك تفسر لي كلمة الاضطهاد واشلون عرفت ان الرجال فيه هلمرض او العاده
لاني ماعرفت معناتها خبرك من كثر ماالعالم تكتب
كلمات مادري من وين يجيبونها ويحسسونا انهم فلاسفه احنا المساكين نتعلم ونستفيد

والطلب الثاني:
انك تذكر لي شي معيين ذكره احد المرشحيين قبل انتخابه وبعد مافاز بلانتخابات سوى هل شي
ملاحضه: لاتقول لي انتر لك وزرع حشيش ومادري وشو هلاشياء البلديات ماتقصر فيها
ياحبيبي اذكر لي شي فيه تكاليف وعاليه او مشروع ضخم مثل احد المرشحين الي يقول بيسوي ابراج !!!!!!

وفي الاخير انا ماشوف ان صاحب الموضوع تهجم علي احد الناخبين او قل شي غلط
بلعكس كان سواله واضح انه يبي يعرف وش صلاحيات المرشحين وشنو الفايده الي بيستفيدون منها اذا فازو بلانتخابات وهذا حق من حقوقه بس المشكله في الناس الي تحب تتفلسف وتسوي نفسها فاهمه

قال ايش قال فيك عقدة الاضطهاد الاخ دكتور:tease:

[واحد دوت كوم]

1. التفرغ من العمل 2. الراتب ( 8000 ) ريال 3. الجواز الدبلوماسي
هذي الركضة على شنهو , مجلس استشاري فقط ( لايهش ولاينش )

[الاسير55]

انتوا بس شوفوا عدد الناخبين وبتعرفون ان هالمجلس ماله فايده

وحتى لو له فايده فراح تكون على المرشح اكثر من غيره

[ابوخالد السل]

حدد موقفك له فايده او ماله فايده ؟!
تبدو غير واثق من رايك !
ان ما يجعل المجلس فاعلاً وذو فائدة
هو الناخب نفسه !

[كحيلان قطر]

إن مايجعل المجلس فاعلا وذو فائدة هو الناخب نفسه !
!!!!!!!!!!!!!! هذي من عندي زياده شوي

ممكن توضح لنا ذلك ؟ لماذا,, وكيف ,, وأين ؟

[ابوخالد السل]

حااااااضر سأرد في موضوع منفصل

[So Lonely]

money ^_^

[سهم مديون]

مع علمنا بمحدودية صلاحيته على الاقل فيه ريحة ديمقراطية

[NEMO]

اي موضوع في ريحة لفلوس يتحول لهواش


الظاهر فيكم حساسية

[الأصيلة]

لازم نتفائل ونظن الخير ونطلبه..
اعتقد أغلب من مر علينا في السابق
حاولوا قدر إمكانياتهم في انجاز بعض المشاريع لـ مناطقهم
بعضهم من استطاع والبعض لم يكن بيده شيء
بما أنه لم يعطي مجال من قبل وزارة البلدية أو أشغال..
المفروض نشجعهم ومانكسر عزومهم ونقودهم للإحباط...
كل واحد فينا يقدم على عمل أي شيء يحتاج تشجيع
ولما يلقى من يسبب له الإحباط والتشاؤم والخذلان
تضعف همته ويركن للكسل بحيث أن جهوده تذهب سدى ..
ولـ نقيس أنفسنا في مجالات العمل وما يسببه لنا التشجيع والكلمة الطيبة
من قبل المدير أو المسؤول...
في نفس الوقت ما نشعر به من إحباط عندما نسمع الكلمات المحبطة ,وعدم الإلتفات لـ إنجازاتنا مهما كانت صغيرة..

[ابوخالد السل]

لازم نتفائل ونظن الخير ونطلبه..
اعتقد أغلب من مر علينا في السابق
حاولوا قدر إمكانياتهم في انجاز بعض المشاريع لـ مناطقهم
بعضهم من استطاع والبعض لم يكن بيده شيء
بما أنه لم يعطي مجال من قبل وزارة البلدية أو أشغال..
المفروض نشجعهم ومانكسر عزومهم ونقودهم للإحباط...
كل واحد فينا يقدم على عمل أي شيء يحتاج تشجيع
ولما يلقى من يسبب له الإحباط والتشاؤم والخذلان
تضعف همته ويركن للكسل بحيث أن جهوده تذهب سدى ..
ولـ نقيس أنفسنا في مجالات العمل وما يسببه لنا التشجيع والكلمة الطيبة
من قبل المدير أو المسؤول...
في نفس الوقت ما نشعر به من إحباط عندما نسمع الكلمات المحبطة ,وعدم الإلتفات لـ إنجازاتنا مهما كانت صغيرة..



احسنتي يا الاصيلة
من قال هلك الناس فقد اهلكهم
بعض الناس يسقط من ذاته على الاخرين
وهذا شخص جدير ان يحجر عليه
اليك هذا الرابط /
http://www.qatarshares.com/vb/showthread.php?t=453790

!!

[فريج النجادة]

لازم نتفائل ونظن الخير ونطلبه..
اعتقد أغلب من مر علينا في السابق
حاولوا قدر إمكانياتهم في انجاز بعض المشاريع لـ مناطقهم
بعضهم من استطاع والبعض لم يكن بيده شيء
بما أنه لم يعطي مجال من قبل وزارة البلدية أو أشغال..
المفروض نشجعهم ومانكسر عزومهم ونقودهم للإحباط...
كل واحد فينا يقدم على عمل أي شيء يحتاج تشجيع
ولما يلقى من يسبب له الإحباط والتشاؤم والخذلان
تضعف همته ويركن للكسل بحيث أن جهوده تذهب سدى ..
ولـ نقيس أنفسنا في مجالات العمل وما يسببه لنا التشجيع والكلمة الطيبة
من قبل المدير أو المسؤول...
في نفس الوقت ما نشعر به من إحباط عندما نسمع الكلمات المحبطة ,وعدم الإلتفات لـ إنجازاتنا مهما كانت صغيرة..

:nice: :nice: :nice: