النظره الشرعيه ليش ماتصير اجباريه قبل عقد القران ؟؟

[شمعة الدوحه]

السلام عليكم ورحمة الله وبركاته


عندي اقتراح فماادري يعجبكم أو لا

الكلام موب موجه للكل .. حق الفئه اللي للحين ضد النظره الشرعيه قبل عقد القران

http://www.al-arabeya.net/images/472519.jpg

طبعا هذا موضوع عن زيادة حالات الطلاق عندنا

http://www.qatarshares.com/vb/showthread.php?t=449901

ومن ضمن الحلول اللي عندي :

انه تصير النظره الشرعيه إلزاميه قبل عقد القران حالها حال الفحص الطبي .

والا مايتم عقد القران

لانه فيه ناس للحين ضد هالشي مع انه في الدين حلال بس لانه العادات والتقاليد تمنعهم من هالشي

فبهالقرار الكل راح يخضع حق هالأمر .. وهالشي في صالح المقبلين على الزواج

أسبابي:

اقتناع الزوجين ببعض وعدم التأثير عليهم من أهاليهم

يعني أغلبية الاهالي يقولون والله احنا ماراح نغشه أهم شي البنت صاحيه ومافيها شي

حسووني انها بضاعه

أو يقولون والله الصور تكفي

انزين ممكن تكون الصوره حلوه سواء الشاب أو البنت .. بس مايصير قبول بينهم لو اقعدوا مع بعض

أو العكس ممكن تكون صورتهم عاديه .. بس يصير بينهم قبول وتوافق


لاتقولون لي اللحين انه معقوله فيه ناس مايشوفون بعض .. لا وازيدكم من الشعر بيت البعض مايشوف شريك حياته الا ليلة العرس .. وينحط بالامر الواقع .. والبعض يرضى بنصيبه حتى لو ماكان مقتنع


هل أنتوا مع أو ضد ؟؟

والاسباب للي ضد النظره الشرعيه ؟

[انتر ميلان]

أنا مع النظرة الشرعية

وماراح أتزوج وأعقد القران قبل النظرة الشرعية

وهذا حقي وحقها

وبخصوص الصور
الكل صار يعدل الصور في غاية الأحلام ... والصورة عكس الواقع

[شمعة الدوحه]

أنا مع النظرة الشرعية

وماراح أتزوج وأعقد القران قبل النظرة الشرعية

وهذا حقي وحقها

وبخصوص الصور
الكل صار يعدل الصور في غاية الأحلام ... والصورة عكس الواقع


كلام سليم 100 % وانا معاك في هالشي

هذي حياه .. موب يوم ولا يومين

[A.L.I]

أنا مع النظرة الشرعية

وماراح أتزوج وأعقد القران قبل النظرة الشرعية

وهذا حقي وحقها

وبخصوص الصور
الكل صار يعدل الصور في غاية الأحلام ... والصورة عكس الواقع




:nice::nice::nice::nice::nice::nice::nice:

[شبح الصمت]

يعطيج العافيه أختي

كل واحد بيقول انا ضد هالنظرة الشرعيه أتوقع أنه ينقاض عمره

مافي أحد ما يبي الزين لنفسه والاخلاق الطيبه

مهب غلط لو جاني واحد يخطب بنتي من حقه أنه يشوفها وأنا موجود معاه وله دقيقة وحده تدخل يشوفها تشوفه وتطلع !! حتى دقيقة احسها وايد :shy:

أتفقوا توكلنا على الله

ما أتفقنا ولا كأنه شاف شيء :secret:

أختي تدرين شنو القهر لي جاء واحد وقاعد يدور على البيوت بس يطالع بنات خلق الله وعقب يروح يتكلم في المجالس وإلا عند فلان وعلان شفت بنت فلان واطلعت مب شيء وإلا وإلا ..

استغفر الله العظيم ترى مثل هالاشكال موجودة ( الله يهديهم ويصلحهم ) ما يدرون أنه عندهم شوفات وكما تدين تدان ..

المهم كلا له وجة نظر وتحفظ في الموضوع

[chillis]

من حق الرجل والمراه بالنظره الشرعيه لان في زيجات تتم بدوم النظره الشرعيه ومن بعدها يتم الطلاق

[MAZEN37]

انا اتسائل من الطرح ؟
هل يعقل يوجد ناس يتزوجوا من غير ما يشوف خطيبته قبل ؟
وان شافها هل في ناس ينظرون نظره شرعيه وناس نظره غير شرعيه ؟

[قلم ساخن]

وبعد ممكن ننغش من هالنظرة

الرجل او المرأة لازم يترقبون الحلال اولا ويخلصون النية ومع نفسهم اولا قبل الغير

[محمد]

هالشي حلله الدين .. لكن في ناس الاعراف عندها فوق الدين والعياذ بالله ,, وانا دائما اقول العادات و التقاليد اذا تعارضت مع الدين مكانها سلة المهملات ..

وللاسف الكثير ينظر لهالموضوع انه مهم فقط للرجل !!
لا مب للرجل بس .. حتى البنت من حقها تشوف الرجال وتشوف شكله وتبني قرارها سواء تتقبله او لا ولا ماكان الرسول صلى الله عليه وسلم حلل هالشي للمسلمين الا لاهمية الشكل طبعا للرجل و البنت .. الزواج بالاخير مثل ما عرفه ديننا السمح شركة بين طرفين .. مب من حق طرف ان يسلب حقوق الطرف الثاني !

لكن شنقول .. كل هالاشياء تدخل فيها ثقافة الاهل اولاً و اخيراً ..

والله يرزق الجميع الزوجة الصالحة من الشباب .. والله يرزق بناتنا الازواج الصالحين ..

تحياتي

[شمعة الدوحه]

يعطيج العافيه أختي

كل واحد بيقول انا ضد هالنظرة الشرعيه أتوقع أنه ينقاض عمره

مافي أحد ما يبي الزين لنفسه والاخلاق الطيبه

مهب غلط لو جاني واحد يخطب بنتي من حقه أنه يشوفها وأنا موجود معاه وله دقيقة وحده تدخل يشوفها تشوفه وتطلع !! حتى دقيقة احسها وايد :shy:

أتفقوا توكلنا على الله

ما أتفقنا ولا كأنه شاف شيء :secret:

أختي تدرين شنو القهر لي جاء واحد وقاعد يدور على البيوت بس يطالع بنات خلق الله وعقب يروح يتكلم في المجالس وإلا عند فلان وعلان شفت بنت فلان واطلعت مب شيء وإلا وإلا ..

استغفر الله العظيم ترى مثل هالاشكال موجودة ( الله يهديهم ويصلحهم ) ما يدرون أنه عندهم شوفات وكما تدين تدان ..

المهم كلا له وجة نظر وتحفظ في الموضوع


الله يعافيك شبح

هههههههههههه شنو دقيقه .. ترى المفروض يتكلمون بعد

يمكن الأصوات تلعب دور بعد :secret:

كلامك صحيح وهالشي هو اللي مخلي بعض الاهالي يتخوفون من النظره الشرعيه

بس الولد اذا حسيت فيه خير وماعليه كلام هني الواحد مايتردد ..

وهالفئه اللي تكلمت عنها مااقول الا الله يهديهم

[قطري !]

نسبة الطلاق مالها دخل في النظره الشرعيه




أبوي و أبوك وجدي وجدك ماكن على ايامهم نظره شرعيه ونسبة الطلاق عندهم يمكن 0 %



انا ما ارفض النظره الشرعيه لاكن ليست هي سبب الطلاق





سبب الطلاق شباب مستهتر ولايعرفون الواجبات الشرعيه عليهم ونفس الشي البنات اللي ماعلموهم اهلهم احترام الزوج وتقديره

[محمد]

نسبة الطلاق مالها دخل في النظره الشرعيه




أبوي و أبوك وجدي وجدك ماكن على ايامهم نظره شرعيه ونسبة الطلاق عندهم يمكن 0 %



انا ما ارفض النظره الشرعيه لاكن ليست هي سبب الطلاق





سبب الطلاق شباب مستهتر ولايعرفون الواجبات الشرعيه عليهم ونفس الشي البنات اللي ماعلموهم اهلهم احترام الزوج وتقديره

يمكن كلامك صحيح ان مب هو السبب الوحيد .. لكن قد يكون احد الاسباب ..

اهلنا قبل يتشفقون على زول المره .. فـ القناعة كانت موجودة بـ اي شي ..

اما الان المغريات كثيرة .. و الحياة تغيرت .. وهالشي محد يقدر ينكره ياخوي !
اول ابوي و ابوك و جدي و جدك .. زواجهم بـ دزه و طقطقه وانتهى .. الحين انت بتحط ديون على ظهرك لين الله يشوف لك .. لازم على شي يسوى ههههه

[بنـت الغالـي]

اكيييد انا مع النظره الشرعيه
حتى وحده من اهلي لما شافها خطيبها
طلب من ابوها انها تقوم وتمشي قدامه
لان زوجته اللي قبلها كانت تعرج وهي تمشي
يعني انغش مسكين

الله يهدي بعض الناس

لاهنتي اختي ع الموضوع الحلوو

[شمعة الدوحه]

من حق الرجل والمراه بالنظره الشرعيه لان في زيجات تتم بدوم النظره الشرعيه ومن بعدها يتم الطلاق

أعرف حاله تم الطلاق ليلة العرس بسبب عدم القبول

[برق لمع]

الشرع حلل

[ANONYMOUS]

ضروري النظره الشرعيه


بس سؤال


كم نسبة الطلاق من هالنوع من الزيجات ؟ اللي السبب يكون عدم حصول نظره شرعيه ؟

[سهم احمر]

نسبة الطلاق مالها دخل في النظره الشرعيه




أبوي و أبوك وجدي وجدك ماكن على ايامهم نظره شرعيه ونسبة الطلاق عندهم يمكن 0 %



انا ما ارفض النظره الشرعيه لاكن ليست هي سبب الطلاق





سبب الطلاق شباب مستهتر ولايعرفون الواجبات الشرعيه عليهم ونفس الشي البنات اللي ماعلموهم اهلهم احترام الزوج وتقديره

كلامك سليم 80%

و 20% أختلف معاك بشأن النظرة الشرعية

وهذي نسبة بالنسبة للواقع البشري القطري

[قطرية فذة]

وعليه

كل الموظفين بالعمل نشوفهم ويشوفونا

جات على ولد الحلال هالفقير المسكين

[BIG-VEGA]

يعني الحين اذا انا بغيت اتزوج وبغيت اشوف العروس واهل العروس رفضوا ... اقدم بلاغ عليهم في الشرطه مثلا :rolleyes2:


طيب اذا اهل العروس رافضين النظره الشرعيه ... وانا مصر ... ممكن اروح واتقدم حق وحده ثانيه وخلاص .... ليش المشاكل والمحاكم :)

[شبح الصمت]

اكيييد انا مع النظره الشرعيه
حتى وحده من اهلي لما شافها خطيبها
طلب من ابوها انها تقوم وتمشي قدامهلان زوجته اللي قبلها كانت تعرج وهي تمشي
يعني انغش مسكين

الله يهدي بعض الناس

لاهنتي اختي ع الموضوع الحلوو



اشدعوه يعني اخبر اهم يجلسون في المجلس الأبو والمتقدم

وقول للمره قومي نادي البنت خليها تجي تدخل واتوقع انه يشوفها يوم تدخل علينا ويشوف مشيها !!!

شكله هذه متملل راعي طويله !!!

[شمعة الدوحه]

يعني الحين اذا انا بغيت اتزوج وبغيت اشوف العروس واهل العروس رفضوا ... اقدم بلاغ عليهم في الشرطه مثلا :rolleyes2:


طيب اذا اهل العروس رافضين النظره الشرعيه ... وانا مصر ... ممكن اروح واتقدم حق وحده ثانيه وخلاص .... ليش المشاكل والمحاكم :)



لا القصد .. انه يكون من بين شروط عقد القران اللي لازم تكتمل

علشان يتم عقد القران ..

هني الناس بيضطرون يتبعون تعاليم دينهم طيب غصب

وبلا أعراف ضد الدين

[شبح الصمت]

الله يعافيك شبح

هههههههههههه شنو دقيقه .. ترى المفروض يتكلمون بعد

يمكن الأصوات تلعب دور بعد :secret:

كلامك صحيح وهالشي هو اللي مخلي بعض الاهالي يتخوفون من النظره الشرعيه

بس الولد اذا حسيت فيه خير وماعليه كلام هني الواحد مايتردد ..

وهالفئه اللي تكلمت عنها مااقول الا الله يهديهم


أشفيك دقيقة عندي كأنها سنه :shy:

فديتها الغالية لازم

اشدعوه الصوت مقدار الجمال يعني يمكن تكون حلوه وصوتها خشن :shy:

ويمكن تكون شينـه وصوتها ناعــــــــــــــــــــم الي يسمعها خاطره يقولها ممكن صوتج على فلاش :shy:

المهم دقيقة اش بيسالها أهي نظرة اسمها نظرة شرعيه

بس يشوفها وتشوفه وسلامن عليـكم

عسى ما شر ليكون بقلطه وسوالف وهههههه واهي جالسه

لا بعد يحط في باله لو صار ما صار أن زعلها بسوي له ملعب كرة قدم امريكي وبجيب الربع نلعب عليه :shy:

[شمعة الدوحه]

انا اتسائل من الطرح ؟
هل يعقل يوجد ناس يتزوجوا من غير ما يشوف خطيبته قبل ؟
وان شافها هل في ناس ينظرون نظره شرعيه وناس نظره غير شرعيه ؟


الاجابه نعم ..

بس السؤال الثاني مافهمت الشق الثاني منه ..

[انتر ميلان]

الله يعافيك شبح

هههههههههههه شنو دقيقه .. ترى المفروض يتكلمون بعد

يمكن الأصوات تلعب دور بعد :secret:

كلامك صحيح وهالشي هو اللي مخلي بعض الاهالي يتخوفون من النظره الشرعيه

بس الولد اذا حسيت فيه خير وماعليه كلام هني الواحد مايتردد ..

وهالفئه اللي تكلمت عنها مااقول الا الله يهديهم

شرايج يخليها تطبخ وتسوي العشا
ويتعشون مع بعض
وعقب تنظف المجلس

يبي يشوفها راعية بيت ولا :tease:

[شمعة الدوحه]

أشفيك دقيقة عندي كأنها سنه :shy:

فديتها الغالية لازم

اشدعوه الصوت مقدار الجمال يعني يمكن تكون حلوه وصوتها خشن :shy:

ويمكن تكون شينـه وصوتها ناعــــــــــــــــــــم الي يسمعها خاطره يقولها ممكن صوتج على فلاش :shy:

المهم دقيقة اش بيسالها أهي نظرة اسمها نظرة شرعيه

بس يشوفها وتشوفه وسلامن عليـكم

عسى ما شر ليكون بقلطه وسوالف وهههههه واهي جالسه

لا بعد يحط في باله لو صار ما صار أن زعلها بسوي له ملعب كرة قدم امريكي وبجيب الربع نلعب عليه :shy:

هههههههههههههههههههه

الله يخليك لها ان شاء الله ويطول بعمرك وتفرح ببناتك

[هبوب الكوس]

على ايام لول البعض

النظره بالصور

تشوف الصوره كشخة والرجل مستانس :(

ولين الدخله ينصدم مسكين حسباله :rolleyes2:

[BIG-VEGA]

لا القصد .. انه يكون من بين شروط عقد القران اللي لازم تكتمل

علشان يتم عقد القران ..

هني الناس بيضطرون يتبعون تعاليم دينهم طيب غصب

وبلا أعراف ضد الدين

مشكوه اختي

الي يرفضون النضره الشرعه ...تقريبا معروفين

والي جاد في الزواج ... بيلاقي الف طريقه للنظر للبنت :shy:

[HiTec]

المهم الأنطباع الأول .. والقبول

[ANONYMOUS]

طلب من ابوها انها تقوم وتمشي قدامه




ليش ماعنده ام او خوات شافوها قبل وقالو له الاكو والماكو

يبدوا لي انه يبي يشيك على اشياء ثانيه جليل الحيا :anger1:

[شمعة الدوحه]

شرايج يخليها تطبخ وتسوي العشا
ويتعشون مع بعض
وعقب تنظف المجلس

يبي يشوفها راعية بيت ولا :tease:

موب عن

بس انا اللي اعرفه في حالات انه تناقشوا مع بعض

اسأله بسيطه علشان كل واحد يعرف عن الثاني ويتعرفون على شخصية بعض

[شمعة الدوحه]

وبعد ممكن ننغش من هالنظرة

الرجل او المرأة لازم يترقبون الحلال اولا ويخلصون النية ومع نفسهم اولا قبل الغير


صدقت أخوي

ويعطيك العافيه :)

[شمعة الدوحه]

هالشي حلله الدين .. لكن في ناس الاعراف عندها فوق الدين والعياذ بالله ,, وانا دائما اقول العادات و التقاليد اذا تعارضت مع الدين مكانها سلة المهملات ..

وللاسف الكثير ينظر لهالموضوع انه مهم فقط للرجل !!
لا مب للرجل بس .. حتى البنت من حقها تشوف الرجال وتشوف شكله وتبني قرارها سواء تتقبله او لا ولا ماكان الرسول صلى الله عليه وسلم حلل هالشي للمسلمين الا لاهمية الشكل طبعا للرجل و البنت .. الزواج بالاخير مثل ما عرفه ديننا السمح شركة بين طرفين .. مب من حق طرف ان يسلب حقوق الطرف الثاني !

لكن شنقول .. كل هالاشياء تدخل فيها ثقافة الاهل اولاً و اخيراً ..

والله يرزق الجميع الزوجة الصالحة من الشباب .. والله يرزق بناتنا الازواج الصالحين ..

تحياتي


للأسف هذا اللي صاير

آمين ..

والله يوفق الجميع ويبعد عنهم المشاكل والطلاق

[MAZEN37]

ما اعتقد الحين 2011 ناس ترفض النظره الشرعيه يمكن مستحيل اظن
وان وجد بصراحه عن نفسي ارفض نسبهم لانه الفكره في عقليات بتعامل مستقبلا معاها

[بوخالد911]

هلا

النظرة الشرعية حق للطرفين

بس شنقووول لبعض الناس !!!!

[شمعة الدوحه]

نسبة الطلاق مالها دخل في النظره الشرعيه




أبوي و أبوك وجدي وجدك ماكن على ايامهم نظره شرعيه ونسبة الطلاق عندهم يمكن 0 %



انا ما ارفض النظره الشرعيه لاكن ليست هي سبب الطلاق





سبب الطلاق شباب مستهتر ولايعرفون الواجبات الشرعيه عليهم ونفس الشي البنات اللي ماعلموهم اهلهم احترام الزوج وتقديره


صحيح كلامك .. وانا ماقلت انه هذا حل

قلت انه هو واحد من الحلول

وترى على ايام ابونا وجدنا .. كانوا يشوفون الحريم موب بالنظره الشرعيه

كانت المره تقوم بكل أشغال البيت حتى باستقبال الضيوف ومرات اذا اضطر الامر تحط لهم القهوه

وهني تصير النظره ساعتها يتقدم لهم الشخص

هذي عاده عندهم

[بوخالد911]

اكيييد انا مع النظره الشرعيه
حتى وحده من اهلي لما شافها خطيبها
طلب من ابوها انها تقوم وتمشي قدامه
لان زوجته اللي قبلها كانت تعرج وهي تمشي
يعني انغش مسكين

الله يهدي بعض الناس

لاهنتي اختي ع الموضوع الحلوو


هلا

المفروض يسأل عنها
يسأل اخته ولا أمه


ولكن قمة الاحراج ان يطلب تمشي جدامه

:eek5::eek5::eek5::eek5::eek5:

[طماطه]

مفروووض يخلوونها اجباريه ..

من حق البنت تشوف خطيبها .. والريال يشوف مرته .. والبنت لو فيها اي عيب ما كان وصلوا لمرحلة النظره الشرعيه ..

واصلا من النظره الشرعيه غالبا تصير الفه بينهم .. :)

[شمعة الدوحه]

يمكن كلامك صحيح ان مب هو السبب الوحيد .. لكن قد يكون احد الاسباب ..

اهلنا قبل يتشفقون على زول المره .. فـ القناعة كانت موجودة بـ اي شي ..

اما الان المغريات كثيرة .. و الحياة تغيرت .. وهالشي محد يقدر ينكره ياخوي !
اول ابوي و ابوك و جدي و جدك .. زواجهم بـ دزه و طقطقه وانتهى .. الحين انت بتحط ديون على ظهرك لين الله يشوف لك .. لازم على شي يسوى ههههه

أما على سالفة القناعه

صارت مفقوده في زمننا الحالي :)

[شبح الصمت]

اعرف واحد من الشباب راح يشوف المره الي ارتبط فيها يقولي ياخي يوم دخلت

تخيل انا جالس واثنين من اخوانها جثث كل واحد ما يدش من الباب تصدق وانا جالس خايف اطالع اختهم والا ما اطالعها ياخي قلت يمكن اشوفها يدخلوني العنايه المركزه

هههههه

المهم الرجال شافها وارتاح لها وكاهم الحين عصافير يحليلهم مع بعض

مشكلة لي طاح بين قشران اوووووه يا ويله راحت عليه 10 - صفر

:shy:

[شمعة الدوحه]

اكيييد انا مع النظره الشرعيه
حتى وحده من اهلي لما شافها خطيبها
طلب من ابوها انها تقوم وتمشي قدامه
لان زوجته اللي قبلها كانت تعرج وهي تمشي
يعني انغش مسكين

الله يهدي بعض الناس

لاهنتي اختي ع الموضوع الحلوو


معقوله محد من اهله قاله عن زوجته الأولى .. والا اشلون اخطبوها ؟؟

بس موقف محرج صراحه .. شلون يتجرأ يطلب هالطلب

أصلا مجرد ماتدش عليهم او تطلع بيلاحظ

ولاهان من قال اختي

[شمعة الدوحه]

الشرع حلل

:nice:

[هبوب الكوس]

مفروووض يخلوونها اجباريه ..

من حق البنت تشوف خطيبها .. والريال يشوف مرته .. والبنت لو فيها اي عيب ما كان وصلوا لمرحلة النظره الشرعيه ..

واصلا من النظره الشرعيه غالبا تصير الفه بينهم .. :)

ذيك الحزه تقدر تشوف الرجال انا اخبر تستحي وماترفع راسها :(

[ولدالمنتدي]

لالالالالالالالالاتعليق

[شمعة الدوحه]

ضروري النظره الشرعيه


بس سؤال


كم نسبة الطلاق من هالنوع من الزيجات ؟ اللي السبب يكون عدم حصول نظره شرعيه ؟


مااقدر اعطيك نسبه .. لكن تصير حالات طلاق بسبة هالشي ماننكر

.. وفيه حاله انا ذكرتها تمت ليلة العرس

المعرس شرد وترك مرته وآخرتها طرش لها ورقة الطلاق

[شمعة الدوحه]

كلامك سليم 80%

و 20% أختلف معاك بشأن النظرة الشرعية

وهذي نسبة بالنسبة للواقع البشري القطري


اسعدني رايك اخوي :)

[AbdullA-Qtr]

مااقدر اعطيك نسبه .. لكن تصير حالات طلاق بسبة هالشي ماننكر

.. وفيه حاله انا ذكرتها تمت ليلة العرس

المعرس شرد وترك مرته وآخرتها طرش لها ورقة الطلاق


للأمانه هذا مايستحي على وجهه ...

[شبح الصمت]

مااقدر اعطيك نسبه .. لكن تصير حالات طلاق بسبة هالشي ماننكر

.. وفيه حاله انا ذكرتها تمت ليلة العرس

المعرس شرد وترك مرته وآخرتها طرش لها ورقة الطلاق



بل بل شرد لا اختي اشدعوووه قبل العرس ما شافها !!

وين الملجه وحفلة الخطوبه والا على طول حار بحار شافها وعرس

لا لا لا الموضوع فيه أنا !!

:anger1:

[شمعة الدوحه]

وعليه

كل الموظفين بالعمل نشوفهم ويشوفونا

جات على ولد الحلال هالفقير المسكين

تناقض بمجتمعنا :)

[شمعة الدوحه]

بل بل شرد لا اختي اشدعوووه قبل العرس ما شافها !!

وين الملجه وحفلة الخطوبه والا على طول حار بحار شافها وعرس

لا لا لا الموضوع فيه أنا !!

:anger1:


هالموضوع قديم .. من 17 سنه تقريبا أو اقل

وماشافها ولا شافته

ولو فيه إن في الموضوع ماكنت ذكرت المثال

السبب كان بعدم القبووووووووول

[شبح الصمت]

هالموضوع قديم .. من 17 سنه تقريبا أو اقل

وماشافها ولا شافته

ولو فيه إن في الموضوع ماكنت ذكرت المثال

السبب كان بعدم القبووووووووول



اي قولي من 17 سنه

اختي زين سوى فيها تصدقين
ولا يقعد يعذبها في هالدنيا وينغص عيشتها يمكن خيره لها اهي شافت حياتها وهو يشوف حياته

يعني توقعين اقدر اعيش مع شخص قلبي ما يتقبله !!!

لا لا صعبه صعبه صعبه


انا اعرف واحد من الربع يوم دخلته ثاني يوم طلق

الاسباب مب معروفه

العالم فيها رب العالمين

:weeping:

[طماطه]

ذيك الحزه تقدر تشوف الرجال انا اخبر تستحي وماترفع راسها :(

هي تشوفه وهو داش الميلس او باي طريقه :)

اما هو يشوفها بوجود اخوانها هذا قصدي ..

[ابو محمد7]

هالموضوع تناقشنا فيه من قبل في المنتدى ومن فترة قريبة وكان في فئة كبيرة ضد النظرة الشرعية ومادري وينهم الحين مختفين ! وحتى كان منهم بعض الاخوات اللي يرفضون النظرة الشرعية !

طبعا خلاصة الموضوع ان البعض يقدم العادات والتقاليد على الدين !

والبعض كنا نقول له هذي وصية الرسول عليه الصلاة والسلام وماكان يعجبه الكلام ! يقعد يتفلسف ويبرر

الدين مقدم على كل شيء وهو مرجعيتنا هذا اللي ابي اقوله

[هبوب الكوس]

هي تشوفه وهو داش الميلس او باي طريقه :)

اما هو يشوفها بوجود اخوانها هذا قصدي ..

ماينخاف عليكم

[شمعة الدوحه]

اشدعوه يعني اخبر اهم يجلسون في المجلس الأبو والمتقدم

وقول للمره قومي نادي البنت خليها تجي تدخل واتوقع انه يشوفها يوم تدخل علينا ويشوف مشيها !!!

شكله هذه متملل راعي طويله !!!

مايندرى عنه :omen2:

[STAR]

هالموضوع تناقشنا فيه من قبل في المنتدى ومن فترة قريبة وكان في فئة كبيرة ضد النظرة الشرعية ومادري وينهم الحين مختفين ! وحتى كان منهم بعض الاخوات اللي يرفضون النظرة الشرعية !

طبعا خلاصة الموضوع ان البعض يقدم العادات والتقاليد على الدين !

والبعض كنا نقول له هذي وصية الرسول عليه الصلاة والسلام وماكان يعجبه الكلام ! يقعد يتفلسف ويبرر

الدين مقدم على كل شيء وهو مرجعيتنا هذا اللي ابي اقوله






:nice::nice::nice::nice:


http://www.qatarshares.com/vb/showthread.php?t=374663&highlight=%C7%E1%E4%D9%D1%C9+%C7%E1%D4%D1%DA%ED%C9

[شمعة الدوحه]

على ايام لول البعض

النظره بالصور

تشوف الصوره كشخة والرجل مستانس :(

ولين الدخله ينصدم مسكين حسباله :rolleyes2:


الله يعينه :(

[الحال مايساعد]

والله دامها في حدود الشرع وبوجود الأهل أنا اعتقد انها ضرورة

[ANONYMOUS]

مااقدر اعطيك نسبه .. لكن تصير حالات طلاق بسبة هالشي ماننكر

.. وفيه حاله انا ذكرتها تمت ليلة العرس

المعرس شرد وترك مرته وآخرتها طرش لها ورقة الطلاق


انا معاج في حالات زي هاذي


بس باعتقادي نادره جدا

عموما النظره الشرعيه وصى بها رسولنا افضل الصلوات عليه



قال صلى الله عليه وسلم: ( إذا خطب أحدكم امرأة فلا جناح عليه أن ينظر إليها، إذا كان إنما ينظر إليها لخطبتها، وإن كانت لا تعلم ).
وقال صلى الله عليه وسلم: ( إذا خطب أحدكم المرأة، فإن استطاع أن ينظر منها ما يدعوه إلى نكاحها، فليفعل ) وذلك لأن النفس إذا نظرتْ فاطمأنَّتْ، وقعتْ الألفة، وهذا أدعى إلى دوام المحبة.


وانا مع الاخت اللي قالت " هي جات عالفقير المسكين"

[شبح الصمت]

انا معاج في حالات زي هاذي


بس باعتقادي نادره جدا

عموما النظره الشرعيه وصى بها رسولنا افضل الصلوات عليه





وانا مع الاخت اللي قالت " هي جات عالفقير المسكين"


عليه افضل الصلاة والسلام


يا أخوك اليوم في بنات يحطون عيونهم فيك ويبحلقون يحس مسكين الي جاي يخطب انه نثيه وهي شنب

الحياة حلووووه حلوووووه

وأنا أقول ليش الشباب قبل ما يروحون اقرب حمام مغربي عشان الويه يصير حمر تمويه هههههههههه عشان يبين انه منحرج ومستحي

والعكس البنت تبين كانها قطنه طحين طابه فيه

:tease:

[بـــــــنت النوخـّــــذه]

موضوعج مهم

انا احاول بشتى الطرق اني اغير من وجهة ألي في محيطي لان فيه تشدد من هالناحيه على الرغم من التطور ألي نواكبه ألا انهم مازالوا متمسكين ب :

المعرس مايشوفها الا ليله العرس
ولا يكلمها بالتلفون
والحين قرار جديد الملكه يوم العرس:(

ف كنت احاول معاهم تغيير هالنظره لاني نهائيا" مهب مقتنعه بها

على الاقل قبل العرس يشوفها 000على الاقل بعد الملكه يكلمها بالتلفون على الاقل يجي البيت يجلس معاها مع وحده من هله 000 اما صكه مره وحده مافضل هالطريقه00:rolleyes2:

لما نرجع للاسباب اشوفها مقنعه على الرغم من معارضتي لبعض الامور من الاسباب:

* شباب هالزمن مالهم امان :shy: ومهب قد مسؤوليه وممكن باي لحظه يترك البنت ماعنده مشكله خصوصا" اذا واجهتهم بفتره الخطوبه بعد الملكه مشاكل بسيطه على طول طلاق 00 وبالمثل البنت مافي رجاحه عقل00

فمادري يعني تدرون الخلاصه تعتمد النظره على شخصيه ورجوله المتقدم اذا والنعم فيه وينشهد له الامور سهالات معاه :nice:

[انتر ميلان]

انا مقتنع اقتناع تام بالنظرة الشرعية

بس عندي سؤال بسيط:
لو الشاب شاف البنت (( النظرة الشرعية )) وماعجبته

شلون يبلغهم ؟؟
وماهي رده فعل البنت وابوها واخوانها ؟؟؟؟

[قلم طموح]

انا مع النظرة الشرعية وهي افضل طريقة لتجنب زياده معدلات الطلاق. ولكن تصبح الزاميه اتوقع بعض الأباء راح يرفض ذلك واتوقع ان عقد القران راح يكون خارج قطر. ولكن افضل طريقة هي التوعية التوعية التوعية

[شبح الصمت]

موضوعج مهم

انا احاول بشتى الطرق اني اغير من وجهة ألي في محيطي لان فيه تشدد من هالناحيه على الرغم من التطور ألي نواكبه ألا انهم مازالوا متمسكين ب :

المعرس مايشوفها الا ليله العرس
ولا يكلمها بالتلفون
والحين قرار جديد الملكه يوم العرس:(

ف كنت احاول معاهم تغيير هالنظره لاني نهائيا" مهب مقتنعه بها

على الاقل قبل العرس يشوفها 000على الاقل بعد الملكه يكلمها بالتلفون على الاقل يجي البيت يجلس معاها مع وحده من هله 000 اما صكه مره وحده مافضل هالطريقه00:rolleyes2:

لما نرجع للاسباب اشوفها مقنعه على الرغم من معارضتي لبعض الامور من الاسباب:

* شباب هالزمن مالهم امان :shy: ومهب قد مسؤوليه وممكن باي لحظه يترك البنت ماعنده مشكله خصوصا" اذا واجهتهم بفتره الخطوبه بعد الملكه مشاكل بسيطه على طول طلاق 00 وبالمثل البنت مافي رجاحه عقل00

فمادري يعني تدرون الخلاصه تعتمد النظره على شخصيه ورجوله المتقدم اذا والنعم فيه وينشهد له الامور سهالات معاه :nice:


صدقيني أختي أغلب الشباب مساكين ما يقطقون باب بيت العروس إلا أهو معزم عليـها وعاقدها خلاص خلاص لا رجعه لا رجعه إلى الامام زواج زواج بيت بيت بتشا بتشا :shy:

لا تظلمونا عاد كله علينا احنا مساكين
:shy:

[Doha Sun]

مع النظرة الشرعية .. بس الصور ماافضلها

[ANONYMOUS]

انا مقتنع اقتناع تام بالنظرة الشرعية

بس عندي سؤال بسيط:
لو الشاب شاف البنت (( النظرة الشرعية )) وماعجبته

شلون يبلغهم ؟؟
وماهي رده فعل البنت وابوها واخوانها ؟؟؟؟


يقول المثل

وجه ماشافك مالامك

sms

:shy:

[شجاع]

المجتمعات تختلف مو كلها نفس الشي والقبائل والعائلات اللي داخلها تختلف من وحدة الى وحدة
ممكن البعض يرضى والبعض الاخر يرفض
الدين احل النظرة الشرعية وبعض الناس يفهمون النظرة الشرعية غلط لازم نرجع الى تعاليم ديننا الحنيف وكيفية النظرة الشرعية انا من وجهة نظري ضد النظرة الشرعية

[شبح الصمت]

المجتمعات تختلف مو كلها نفس الشي والقبائل والعائلات اللي داخلها تختلف من وحدة الى وحدة
ممكن البعض يرضى والبعض الاخر يرفض
الدين احل النظرة الشرعية وبعض الناس يفهمون النظرة الشرعية غلط لازم نرجع الى تعاليم ديننا الحنيف وكيفية النظرة الشرعية انا من وجهة نظري ضد النظرة الشرعية



فهمت قصدك اخووي

يعني في ناس تحلل حق نفسها وحق غيرها تحرم

وهالشيء أيدك فيه 100%

ليش مدري يا ناس يا مسلمين اسمها

النظرة الشرعيه

النظرة الشرعيه

اش بقى الكلمه ادل على معانيها ما يحتاج لو جاهل يفهمها

[ANONYMOUS]

عليه افضل الصلاة والسلام


يا أخوك اليوم في بنات يحطون عيونهم فيك ويبحلقون يحس مسكين الي جاي يخطب انه نثيه وهي شنب

الحياة حلووووه حلوووووه

وأنا أقول ليش الشباب قبل ما يروحون اقرب حمام مغربي عشان الويه يصير حمر تمويه هههههههههه عشان يبين انه منحرج ومستحي

والعكس البنت تبين كانها قطنه طحين طابه فيه

:tease:


تبدل خبرك عن لول تبدل


كان ماتجي ايام اتروح البنت تشوف الريال نظره شرعيه هههههههههههههههه

تذكرت طاش ماطاش

[شبح الصمت]

تبدل خبرك عن لول تبدل


كان ماتجي ايام اتروح البنت تشوف الريال نظره شرعيه هههههههههههههههه

تذكرت طاش ماطاش




ههههههههه صج سوت هالحلقه بلبله :eek5:

يوم تزوجت اربعه وطلقتهم

وتمشيهم على كيفها

اخرتها النغزه انها تزوجت شامي

اظنتي كانت تبي مهند :shy: اسمه بالتركي ( بهلول )

ههههههههههههههههههههههاي

[ابو محمد7]

المجتمعات تختلف مو كلها نفس الشي والقبائل والعائلات اللي داخلها تختلف من وحدة الى وحدة
ممكن البعض يرضى والبعض الاخر يرفض
الدين احل النظرة الشرعية وبعض الناس يفهمون النظرة الشرعية غلط لازم نرجع الى تعاليم ديننا الحنيف وكيفية النظرة الشرعية انا من وجهة نظري ضد النظرة الشرعية

اخوي شجاع ممكن توضح لي شي مافهمته في مشاركتك !

انت تقول الدين احل النظرة الشرعية واحنا لازم نرجع حق تعالم الدين
وبعدين تقول انا ضد النظرة الشرعية ! شلون !

يعني الدين مع النظرة الشرعية وانت مع الدين بس ضد النظرة الشرعية :rolleyes2:

[freespirit]

طريقه الطرح غلط ..

النظره مالها شغل فالطلاق... ياما ناس تزوجو ولا نظره ولا هم يحزنون وعاشو احسن عيشه ..

النظره اللي بتفلح فيه شي واحد ... بتخلي السالفه هل البنت حلوه ولالا ... الواحد ما بيبتلش اول وعقب يشوف الاخلاق ههههههاي

انتو الحين تظلمون الرجال اللي شكله مش ولا بد .. والبنت اللي شكلها نص كم ..

وبعدين النظره الشرعيه هذي انتو طالعين فيها طلعه عجيبه .. ليش كل هالضغط يعني عشان الوحده تشوف الواحد ؟ لاحظو صياغه الجمله لانه اغلب هالمواضيع تجي من بنات :s

عالعموم انا مو ويه عرس .. ف ما فرقت معي :]

[qatari 111]

الغلط على الاثنين انهم يوافقون من غير النظره الشرعيه والعادات والتقاليد ماراح تنفعهم وقت الطلاق الرجال بيخسر الفلوس اللي تدينها من البنك وبيتم حافي وعزوبي والبنت بتخسر الحياة الزوجيه واذا بعد في بينهم عيال فهنا الطامه الكبرى ضياع مستقبلهم وتفكك اسري

الله يهديهم ويعقلهم للصواب

[ابو محمد7]

طريقه الطرح غلط ..

النظره مالها شغل فالطلاق... ياما ناس تزوجو ولا نظره ولا هم يحزنون وعاشو احسن عيشه ..

النظره اللي بتفلح فيه شي واحد ... بتخلي السالفه هل البنت حلوه ولالا ... الواحد ما بيبتلش اول وعقب يشوف الاخلاق ههههههاي

انتو الحين تظلمون الرجال اللي شكله مش ولا بد .. والبنت اللي شكلها نص كم ..

وبعدين النظره الشرعيه هذي انتو طالعين فيها طلعه عجيبه .. ليش كل هالضغط يعني عشان الوحده تشوف الواحد ؟ لاحظو صياغه الجمله لانه اغلب هالمواضيع تجي من بنات :s

عالعموم انا مو ويه عرس .. ف ما فرقت معي :]


الاخ العزيز

اتفق معاك بان النظرة الشرعية يمكن ماتكون السبب الوحيد والمباشر للطلاق و لا يمكن الربط بينهم بسهولة والعلاقة بينهم معقدة ولكن اخالفك الرأي لما تقول مالها شغل بالطلاق

صارت حالات كثيرة من حالات الطلاق بسبب ان الزوجين يشوفون بعض للمرة الاولى ويتفاجأون

وحصل ايضا مثل ماقلت ان البعض تزوجوا بدون مايشوفون بعض ونجح زواجهم

ايضا فهمك وتفسيرك للموضوع غير موفق

من قال لك ان النظرة الشرعية فقط علشان يعرف جمال الزوج او الزوجة وبس !!! هذا كلام غير صحيح

النظرة الشرعية هدفها مايسمى بالقبول

الجمال شي نسبي انا ممكن اشوف بنت حلو وانت تشوفها مب حلوة والعكس صحيح وكذلك البنت ممكن تشوفني حلو وممكن غيرها تشوفني غير ذلك

كما يقال الجمال في عين الناظر

الهدف هو القبول والراحة

وبعدين هذي تعاليم دينا و وصية الرسول عليه الصلاة والسلام اللي يوحى له من رب العالمين يعني ما اي داعي اي واحد فينا يتفلسف ويقلل من اهمية النظرة الشرعية

[qatari 111]

طريقه الطرح غلط ..

النظره مالها شغل فالطلاق... ياما ناس تزوجو ولا نظره ولا هم يحزنون وعاشو احسن عيشه ..

النظره اللي بتفلح فيه شي واحد ... بتخلي السالفه هل البنت حلوه ولالا ... الواحد ما بيبتلش اول وعقب يشوف الاخلاق ههههههاي

انتو الحين تظلمون الرجال اللي شكله مش ولا بد .. والبنت اللي شكلها نص كم ..

وبعدين النظره الشرعيه هذي انتو طالعين فيها طلعه عجيبه .. ليش كل هالضغط يعني عشان الوحده تشوف الواحد ؟ لاحظو صياغه الجمله لانه اغلب هالمواضيع تجي من بنات :s

عالعموم انا مو ويه عرس .. ف ما فرقت معي :]
المقضد اخوي النظره الشرعيه مب كل واحد يشوف الثاني هل هي حلوه او هل هو حلو النظره هاذي سبحان الله تحسها بقلبك مب في نظرتك القلب اذا ارتاح للشخص اللي قدامك راح يجاريه ويصادقه سواء كزوجة المستقبل او صديق :)

[freespirit]

الاخ العزيز

اتفق معاك بان النظرة الشرعية يمكن ماتكون السبب الوحيد والمباشر للطلاق و لا يمكن الربط بينهم بسهولة والعلاقة بينهم معقدة ولكن اخالفك الرأي لما تقول مالها شغل بالطلاق

صارت حالات كثيرة من حالات الطلاق بسبب ان الزوجين يشوفون بعض للمرة الاولى ويتفاجأون

وحصل ايضا مثل ماقلت ان البعض تزوجوا بدون مايشوفون بعض ونجح زواجهم

ايضا فهمك وتفسيرك للموضوع غير موفق

من قال لك ان النظرة الشرعية فقط علشان يعرف جمال الزوج او الزوجة وبس !!! هذا كلام غير صحيح

النظرة الشرعية هدفها مايسمى بالقبول

الجمال شي نسبي انا ممكن اشوف بنت حلو وانت تشوفها مب حلوة والعكس صحيح وكذلك البنت ممكن تشوفني حلو وممكن غيرها تشوفني غير ذلك

كما يقال الجمال في عين الناظر

الهدف هو القبول والراحة

وبعدين هذي تعاليم دينا و وصية الرسول عليه الصلاة والسلام اللي يوحى له من رب العالمين يعني ما اي داعي اي واحد فينا يتفلسف ويقلل من اهمية النظرة الشرعية

طويل العمر .. انا بتكلم عن نفسي .. مستحيل اني بطلق بنت عشان شكلها ما عجبني عقب العرس ... واظن معظم شباب قطر تفكيرهم نفس الشي

وبعدين انتو شوفو حالات الطلاق ترتفع في اي شريحه من المجتمع؟ مافيه احصائيات تثبت كلامكم انه عدم وجود النظره ممكن يكون سبب في الطلاق ..

والطلاق في مجتمعنا اقل من مثلا المجتمع الامريكي .... اللي ما يتزوجون الا عاشو مع بعض سنتين وفووووق .... فكر معاي ليش؟ هل نفعتهم النظره ؟ هل نفعهم انهم عرفو شخصيه الشخص الثاني؟

تفكير وايد سطحي مع احترامي لك اخوي واحترامي لصاحب الموضوع... لازم نفهم ان الزواج عشره .. it's a marathon not a sprint ....

وتحياتي

[freespirit]

المقضد اخوي النظره الشرعيه مب كل واحد يشوف الثاني هل هي حلوه او هل هو حلو النظره هاذي سبحان الله تحسها بقلبك مب في نظرتك القلب اذا ارتاح للشخص اللي قدامك راح يجاريه ويصادقه سواء كزوجة المستقبل او صديق :)

وهالراحه حق الشخص بتحصل من النظره ؟

انا اشوف اصرف تكلمها تلفون .... لانك على الاقل بتعرف شخصيتها قبل لا تعرف شكلها وبتعرف ترتاح لها ولالا ... ولا شرايك ؟

لو تبي صديق ماتفكر في ويهه شلون بيكون ... تفكر في افعاله واخلاقه ..

سوري بس تعليق بسيط على تحسها في قلبك .. فديت خشمك لاننا ما شفنا خير .. من نشوف بنت شكلنا بنتزوجها فالمستقبل القلب يطيح في الريل ههههههههه مب من شي ... الا من الموقف الغريب..

تحيآتي

[قلم طموح]

مع النظرة الشرعية .. بس الصور ماافضلها


الصورة مب مثل الطبيعة

[ابو محمد7]

طويل العمر .. انا بتكلم عن نفسي .. مستحيل اني بطلق بنت عشان شكلها ما عجبني عقب العرس ... واظن معظم شباب قطر تفكيرهم نفس الشي

وبعدين انتو شوفو حالات الطلاق ترتفع في اي شريحه من المجتمع؟ مافيه احصائيات تثبت كلامكم انه عدم وجود النظره ممكن يكون سبب في الطلاق ..

والطلاق في مجتمعنا اقل من مثلا المجتمع الامريكي .... اللي ما يتزوجون الا عاشو مع بعض سنتين وفووووق .... فكر معاي ليش؟ هل نفعتهم النظره ؟ هل نفعهم انهم عرفو شخصيه الشخص الثاني؟

تفكير وايد سطحي مع احترامي لك اخوي واحترامي لصاحب الموضوع... لازم نفهم ان الزواج عشره .. It's a marathon not a sprint ....

وتحياتي


غريب ردك صراحة اشعر انك رديت بدون ماتقرا مشاركتي !

انا ماقلت ان غياب النظرة الشرعية سبب مباشر ورئيسي للطلاق وعارضت هالشي وانت رجع اواتهمتني بهالكلام وانا ماقلته وعلاوة على اني وقفت ضده ولكني ذكرت شي حاصل في الواقع

عالعموم خلاص انا بقول لك الكلام اللي انت تبي تسمعه بما انك تشوف اني سطحي لاني ادعوا الى الالتزام بالدين وبنصيحة الرسول عليه الصلاة والسلام:

"ماشاء الله عليك اقنعتني وكلامك وفلسفتك وذكائك صح وانا من اليوم ورايح بتبع منطقك العجيب وكلامك وامثلتك وبترك تعاليم الدين اللي توصي بالنظرة الشرعية وبترك وصية الرسول عليه الصلاة والسلام "

بعد كلامك صراحة صرت افكر غريبة ليش الرسول اوصانا بشي ما منه فايدة وماله داعي

شرايك جذي اوكي ارتحت الحين انا مب سطحي صح !

[محمد الجفيري]

نظره شرعيه

وخمس دقايق اشوفها واسمع صوتها قدام اهلهااا

لان اذاا كان شكلها مقبول يمكن تكون خرساا

الدين حلل لناا كل شي ودينا يسر ومو عسر

ولو يطبق
بس لو يطبق

ما بتم مشاكل .

:) مشكووووره عالموضوع .

[ضي البدر]

ههههههههه صج سوت هالحلقه بلبله :eek5:

يوم تزوجت اربعه وطلقتهم

وتمشيهم على كيفها

اخرتها النغزه انها تزوجت شامي

اظنتي كانت تبي مهند :shy: اسمه بالتركي ( بهلول )

ههههههههههههههههههههههاي




ماشاءالله ماشاءالله .. من أفضل متابعين الدراما التركية .. عجل قلت اسمه بهلووول..!! تبارك الرحمن البحث شغال وجاري التحديث.. ويقولووون الحريم كله هم الي ميتين على المسلسلات التركية..:tease::tease:

[freespirit]

الاخ العزيز

اتفق معاك بان النظرة الشرعية يمكن ماتكون السبب الوحيد والمباشر للطلاق و لا يمكن الربط بينهم بسهولة والعلاقة بينهم معقدة ولكن اخالفك الرأي لما تقول مالها شغل بالطلاق

صارت حالات كثيرة من حالات الطلاق بسبب ان الزوجين يشوفون بعض للمرة الاولى ويتفاجأون
ة

تفضل اخوي المكان اللي قلت فيه انه النظره لها شغل بالطلاق وسببت حالات كثيره..

وبعدين انتو تسألون عن رأي وتطرحون نقاش .. هالشي المفروض ماينطرح دام ان الموضوع على سنه النبي صلى الله عليه وسلم... صح ولالا؟ ... بس خلك معي شوي

عن جابر بن عبد الله قال : قال رسول الله صلى الله عليه وسلم : ( إذا خطب أحدكم المرأة
فإن استطاع أن ينظر إلى ما يدعوه إلى نكاحها فليفعل ) قال : " فخطبت جارية فكنت أتخبأ لها ،
حتى رأيت منها ما دعاني إلى نكاحها وتزوجتها "

فان استطاع ... السالفه استطاعه ومو فرض... انتو تعاملون الموضوع كأنه فرض واجب على كل مسلم ؟

[nadeemy]

يعطيج العافيه أختي

كل واحد بيقول انا ضد هالنظرة الشرعيه أتوقع أنه ينقاض عمره

مافي أحد ما يبي الزين لنفسه والاخلاق الطيبه

مهب غلط لو جاني واحد يخطب بنتي من حقه أنه يشوفها وأنا موجود معاه وله دقيقة وحده تدخل يشوفها تشوفه وتطلع !! حتى دقيقة احسها وايد :shy:

أتفقوا توكلنا على الله

ما أتفقنا ولا كأنه شاف شيء :secret:

أختي تدرين شنو القهر لي جاء واحد وقاعد يدور على البيوت بس يطالع بنات خلق الله وعقب يروح يتكلم في المجالس وإلا عند فلان وعلان شفت بنت فلان واطلعت مب شيء وإلا وإلا ..

استغفر الله العظيم ترى مثل هالاشكال موجودة ( الله يهديهم ويصلحهم ) ما يدرون أنه عندهم شوفات وكما تدين تدان ..

المهم كلا له وجة نظر وتحفظ في الموضوع

لا فض فوك يا اخي الكريم
وما تفضلت به هو اللي يكره الناس في موضوع النظره الشرعيه

[ابو محمد7]

تفضل اخوي المكان اللي قلت فيه انه النظره لها شغل بالطلاق وسببت حالات كثيره..

وبعدين انتو تسألون عن رأي وتطرحون نقاش .. هالشي المفروض ماينطرح دام ان الموضوع على سنه النبي صلى الله عليه وسلم... صح ولالا؟ ... بس خلك معي شوي

عن جابر بن عبد الله قال : قال رسول الله صلى الله عليه وسلم : ( إذا خطب أحدكم المرأة
فإن استطاع أن ينظر إلى ما يدعوه إلى نكاحها فليفعل ) قال : " فخطبت جارية فكنت أتخبأ لها ،
حتى رأيت منها ما دعاني إلى نكاحها وتزوجتها "

فان استطاع ... السالفه استطاعه ومو فرض... انتو تعاملون الموضوع كأنه فرض واجب على كل مسلم ؟


اذا انت مب حاب النظرة الشرعية لاسبابك الشخصية فهذا امر يرجع لك محد فرض عليك لكن لاتحاول تبرر وتقنع احد بان النظرة الشرعية مالها داعي

[freespirit]

اذا انت مب حاب النظرة الشرعية لاسبابك الشخصية فهذا امر يرجع لك محد فرض عليك لكن لاتحاول تبرر وتقنع احد بان النظرة الشرعية مالها داعي

فديت خشمك انت ليش زعلان بس؟

اختلاف الرأي لا يفسد للود قضيه : )

وبعدين الموضوع مطروح للنقاش .. من حقي اطرح وجهه نظري .. انا ماحاول اقنع احد انا اقول رأيي والاسباب اللي خلتني اخذ هالرأي وبس ..

بس معليه انا عرفت من يوم شفت السالفه فيها شرعيه فالبدايه الناس بيهبون فيني لوول ...

يله اسحب نفسي من الـ"نقآش"

عن اذنكم

[بـــــــنت النوخـّــــذه]

:nice::nice::nice::nice:


http://www.qatarshares.com/vb/showthread.php?t=374663&highlight=%C7%E1%E4%D9%D1%C9+%C7%E1%D4%D1%DA%ED%C9

ياربي يسلم العجيز بنت النوخذه اهههههه الموضوع السابق كان بتاريخ 8/6/2010م

وكان لي رد يطابق تماما" ردي المتواجد في الموضوع الحالي :p يعني مافي تناقض بشخصيتي ورأيي سواء طال الزمان ولا قصر ,,<< اشدخل:nice:

بس تعالي ليش مغلق موضوعج

[ابو محمد7]

فديت خشمك انت ليش زعلان بس؟

اختلاف الرأي لا يفسد للود قضيه : )

وبعدين الموضوع مطروح للنقاش .. من حقي اطرح وجهه نظري .. انا ماحاول اقنع احد انا اقول رأيي والاسباب اللي خلتني اخذ هالرأي وبس ..

بس معليه انا عرفت من يوم شفت السالفه فيها شرعيه فالبدايه الناس بيهبون فيني لوول ...

يله اسحب نفسي من الـ"نقآش"

عن اذنكم

اسمح لي يا اخوي اذا شديت معاك باختصار شديد

اتضايق اذا شفت الناس تقدم العادات والتقاليد والافكار المتوارثة عالدين

الله معاك

[qatari 111]

وهالراحه حق الشخص بتحصل من النظره ؟

انا اشوف اصرف تكلمها تلفون .... لانك على الاقل بتعرف شخصيتها قبل لا تعرف شكلها وبتعرف ترتاح لها ولالا ... ولا شرايك ؟

لو تبي صديق ماتفكر في ويهه شلون بيكون ... تفكر في افعاله واخلاقه ..

سوري بس تعليق بسيط على تحسها في قلبك .. فديت خشمك لاننا ما شفنا خير .. من نشوف بنت شكلنا بنتزوجها فالمستقبل القلب يطيح في الريل ههههههههه مب من شي ... الا من الموقف الغريب..

تحيآتي

راي كلامك غلط وانا احترمه ..

والله اذا انت من هالنوع اذا شفت البنت وقلبك يطيح عالرييل فألله يعينك ..
والحمدلله ان قلبي وعقلي متزن .


:nice:


الظاهر راح اكتفي بهذا القدر ...

[بنتلي]

السؤال الأول : ما هو حدود رؤية الخاطب للمخطوبة ، وهنا اعني الشاب الذي يقابل الفتاة أول مرة بوجود أهلها بقصد الخطبة هل يحق لها أن تظهر عليه بالزينة التي اعتادت الظهور بها أمام إخوتها وأهلها ؟؟

وقبل أن أجيب على هذا السؤال أود أن أبين أن الإسلام شرع للرجل رؤية مخطوبته قبل الزواج من أجل أن يؤدم بينهما كما جاء في الحديث الصحيح ، وبخاصة أن الأرواح قد تتعارف وتتآلف وقد تتنافر وتختلف ، لما ثبت من حديث عَائِشَةَ - رَضِي اللَّه عَنْهَا - قَالَتْ : سَمِعْتُ النَّبِيَّ صَلَّى اللَّه عَلَيْهِ وَسَلَّمَ يَقُولُ : ( الْأَرْوَاحُ جُنُودٌ مُجَنَّدَةٌ ، فَمَا تَعَارَفَ مِنْهَا ائْتَلَفَ ، وَمَا تَنَاكَرَ مِنْهَا اخْتَلَفَ ) ( متفق عليه ) ، وقد يؤدي عدم رؤية المخطوبة قبل الزواج في كثير من الأحيان إلى الطلاق ، لأن الرؤية فيهات فائدة عظيمة ، فقد يرتاح الخاطب إلى مخطوبته وتقبلها نفسه زوجة له ، وقد لا يكون ذلك ، ومن هنا جاءت السنة تبيح تلك النظرة 0

سئل سماحة الشيخ العلامة عبدالعزيز بن عبدالله بن باز عن رؤية المخطوبة ، فأجاب – رحمه الله - : ( لا شك أن عدم رؤية الزوج للمرأة قبل النكاح قد يكون من أسباب الطلاق ، إذا وجدها خلاف ما وصفت له 0 ولهذا شرع الله سبحانه للزوج أن يرى المرأة قبل الزواج حيث أمكن ذلك 0 فقَالَ رَسُولُ اللَّهِ صَلَّى اللَّه عَلَيْهِ وَسَلَّمَ : ( إِذَا خَطَبَ أَحَدُكُمُ الْمَرْأَةَ فَإِنِ اسْتَطَاعَ أَنْ يَنْظُرَ مِنْهَا إِلَى مَا يَدْعُوهُ إِلَى نِكَاحِهَا فَلْيَفْعَلْ ، فإن ذلك أحرى إلى أن يؤدم بينهما ) ( أخرجه الإمام أحمد في مسنده ، وأبو داود في سننه – كتاب النكاح ، والحاكم في المستدرك بإسناد حسن ) 0



أما بخصوص الحدود التي يجوز أن يراها الرجل في مخطوبته ، فقد اختلف في ذلك أهل العلم ، فمنهم من قال : تكشف وجهها ويديها ورأسها ومكان قلادتها ، وقال البعض الآخر يكفي الوجه والكفان ، والقول الراجح في تلك المسألة أنه يجوز لها أن تكشف له ما تكشفه على محارمها وهو :

1)- رؤية الوجه والشعر 0
2)- رؤية مكان قلادتها 0
3)- رؤية يديها حتى الدبلج ( أعلى المرفق بقليل ) 0
4)- قدميها ، والله تعالى أعلم 0
سئل العلامة الشيخ عبدالعزيز بن عبدالله بن باز عن حدود رؤية المخطوبة ، فأجاب – رحمه الله : ( فإذا كشفت له وجهها ويديها ورأسها فلا بأس على الصحيح 0 وقال بعض أهل العلم : يكفي الوجه والكفان ، ولكن الصحيح أنه لا بأس أن يرى منها رأسها ووجهها وكفيها وقدميها للحديث المذكور – حديث مسلم آنف الذكر – 0 ولا يجوز ذلك مع الخلوة بها ، بل لا بد أن يكون معهما أبوها أو أخوها أو غيرهما ، لأن النبي صلى الله عليه وسلم قال : ( لَا يَخْلُوَنَّ رَجُلٌ بِامْرَأَةٍ إِلَّا وَمَعَهَا ذُو مَحْرَمٍ )

[نور الحور]

أنا مع ما قاله الرسول (صلى الله عليه وسلم) عن النظرة الشرعية و أهميتها للطرفين مو للرجل بس ..و .. آدابها ..

ومقترحج وايد حلو يا شمعة ..
اللي يفر الراس صج .. إن الأهل يرضون على بنتهم تكشف جدام دكتور الجامعة وبوي الكافتيريا وزميلها الطالب أو الموظف والدريول و تكشف لما تسافر دول أوروبا وغيرها .. ولما تجي على سالفة الزواج يمنعون النظرة الشرعية .. ومثل ما قال أحد الإخوان وغير الشرعية .. أقصد بعد الملكة .. خلاص هي صارت حلاله لكن الأهل الله يهداهم لا وألف لا .. يحرمون الحلال الله يصلحهم .. ويشددون ويمكن يمنعون حتى المكالمات وطبعاً الزيارات :secret::telephone:

واللي قصدته بآداب النظرة الشرعية هي عدم المغالاة في التبرج من ناحية ثانية .. بعض الناس يتطرفون يخلون البنت بكامل زينتها وبدون حجاب قدام الرجل المتقدم لها .. وأحياناً بكم قصير أو فستان كاشف .. ويتركونهم في خلوة !!
وبعد الملكة طلعات ومطاعم وزيارات مع بعض !!

التطرف مو حلو .. النظرة الشرعية تكون فيه البنت محجبة تظهر كفيها ووجهها و بدون خلوة .. ويمكن يدور حوار قصير بينهم ..وبعد الملكة مكالمات وزيارات في بيت أهلها ..
وكان الله غفوراً رحيما ..
صراحة وايد في ناس مصعبين الموضوع مع إنه أحفظ لكرامة الرجل والمرأة .. وأدعى لبدء حياتهم على بينة وراحة ..

جزاج الله خير على الموضوع الحلو والمهم :)

[إينشتاين]

باقولكم قصة قالها لي نفس الشخص الي صارت عليه...

يقول إن امه اقترحت عليه وحده من البنات وقامت توصف في اخلاقها وفي جمالها وطولها وجسمها و و و...

يقول تخيلت اني خلاص باخذ ملكة جمال وقال لامه خلاص توكلي على الله واخطبيها لي وبالفعل صارت الخطبه وهو اقتنع في كلام امه وماشاف البنت وعلى طول صار العرس وصارت ليلة الدخلة !!!!

يقول في ليلة الدخلة انصدمت صدمة العمر وماقدرت اطالع البنت من كثر ماهي غير جميلة (حاولت اخفف اللفظ).

المهم الرجال قعد مع البنت 3 شهور مثل الأخوان ومايشوفون بعض الا دقايق في اليوم لانه طول اليوم شارد برا البيت وخلاها في ذمته ثلاث شهور عشان ماحد يتكلم عليها وبعدين طلقها....

وفي عرسة الثاني تعلم الدرس وقال لامه لو تنطبق السما على الارض ماراح اتزوج الا بعد ماشوف البنت واقعد معاها...

سالفته قالها لي يوم عرف اني باتزوج ونصحني اني لازم اشوف الي باتزوجها واتمقل عدل عشان ماندم بعدين ويصير لي مثل الي صار له...

[تباشير الفجر]

النظرة الشرعية من حق البنت والريال ومب من حق الاهل يرفضون هالشي ويايما وياما صارت مشاكل بسبة عدم وجود هالنظرة الشرعية

انا يوم النظرة الشرعية كلمني اخوي العود وقالي كلميه واساليه باللي تبينه عشان تعرفين اسلوبه وشلون يتكلم غض النظر عن الشكل بس للاسف يوم صار الصج ماقدرت اتكلم حسيت المكان زحمة الكل موجود هلي وهله ومافي فرصه اقول اللي ابيه والسبب الثاني الحيا طبعا بس الحمدلله اقتنع فيني واقتنعت فيه والله يتمم على خير ..

[دااانة قطر]

يعني الحين اذا انا بغيت اتزوج وبغيت اشوف العروس واهل العروس رفضوا ... اقدم بلاغ عليهم في الشرطه مثلا :rolleyes2:


طيب اذا اهل العروس رافضين النظره الشرعيه ... وانا مصر ... ممكن اروح واتقدم حق وحده ثانيه وخلاص .... ليش المشاكل والمحاكم :)



:nice::nice::nice:

عليكم ردود

[مرتبش]

من له حيلة فليحتال

بس لا يسألها امشي ووقفي وطالعي يمين

[كازانوفا]

النظره الشرعيه من حق الطرفين ومش من حق حد من الاهل يمانع

[na7ees]

اسمها نظره شرعيه. يعني الرجل أشوف البنت بدون ماتدري والعكس صحيح

اما انه أشوفها وجه بوجه ويسمع صوتها وشوف مشيتها ودق ابتسامات

أصير الموضوع لقاء شرعي. اشك انه شرعي

[واحد دوت كوم]

إلزاميه

لا

داخل تتزوج او تتهاوش

[شمعة الدوحه]

إلزاميه

لا

داخل تتزوج او تتهاوش


شدخل الهواش

انا ماقلت دش وقولهم اشوف البنت او مافي زواج وصراخ وحاله

انا قلت إلزامي كقرار يطبق عند المشايخ اللي يعقدون القران يعني حاله حال الفحص الطبي

وعدم اكتمال أي شرط من شروط العقد لايتم القران

لانه حق شرعي للطرفين

اذا اهما بالحلال ومعارضين

شخليتوا حق الشباب والبنات اللي يطلعون مع بعض وسوالف وعزايم بنطاق غير شرعي

والا بتحللون اللي الله حرمه . وتحرمون اللي الله حلله

[شمعة الدوحه]

طريقه الطرح غلط ..

النظره مالها شغل فالطلاق... ياما ناس تزوجو ولا نظره ولا هم يحزنون وعاشو احسن عيشه ..

النظره اللي بتفلح فيه شي واحد ... بتخلي السالفه هل البنت حلوه ولالا ... الواحد ما بيبتلش اول وعقب يشوف الاخلاق ههههههاي

انتو الحين تظلمون الرجال اللي شكله مش ولا بد .. والبنت اللي شكلها نص كم ..

وبعدين النظره الشرعيه هذي انتو طالعين فيها طلعه عجيبه .. ليش كل هالضغط يعني عشان الوحده تشوف الواحد ؟ لاحظو صياغه الجمله لانه اغلب هالمواضيع تجي من بنات :s

عالعموم انا مو ويه عرس .. ف ما فرقت معي :]

شدخل

شهالتفكير اللي عليكم ؟؟

وبعدين أول غير القناعه عندهم موجوده

وترى سبق وذكرت انه يمكن يكون واحد فيهم موب حلو بس فيه قبول وارتياح

هذا القصد من النظره الشرعيه

يعني لاتتوقع ان البينت بتذبح عمرها صالون وميك اب وفستان وكشخه

والنظره الشرعيه ترى تنصف الرجل اللي مش ولابد على قولتك

لانه يمكن ترتاح له مع ان شكله عادي

ودام ماافرقت معاك لاتشتط وايد بالموضوع :victory:

[بوحارب]

انا عشرين مرة قلت خلال هالمنتدى اني مع النظرة الشرعية:)

واللي معارض هالشي فليتأكد انه خالف امر الله ورسوله صلى الله عليه وسلم

[شمعة الدوحه]

انا مقتنع اقتناع تام بالنظرة الشرعية

بس عندي سؤال بسيط:
لو الشاب شاف البنت (( النظرة الشرعية )) وماعجبته

شلون يبلغهم ؟؟
وماهي رده فعل البنت وابوها واخوانها ؟؟؟؟

عادي يقول لاخته والا أمه انه مافي نصيب

وبعدين

عادي يعني عدم ارتياح وقبووول موب شرط انه يكون عيب بالولد او البنت

علشان ماتصير حساسيه بين الطرفين

ومن البدايه يتم هالشي والا انه عقب يندمون

[شمعة الدوحه]

انا عشرين مرة قلت خلال هالمنتدى اني مع النظرة الشرعية:)

واللي معارض هالشي فليتأكد انه خالف امر الله ورسوله صلى الله عليه وسلم

:nice:

[شمعة الدوحه]

باقولكم قصة قالها لي نفس الشخص الي صارت عليه...

يقول إن امه اقترحت عليه وحده من البنات وقامت توصف في اخلاقها وفي جمالها وطولها وجسمها و و و...

يقول تخيلت اني خلاص باخذ ملكة جمال وقال لامه خلاص توكلي على الله واخطبيها لي وبالفعل صارت الخطبه وهو اقتنع في كلام امه وماشاف البنت وعلى طول صار العرس وصارت ليلة الدخلة !!!!

يقول في ليلة الدخلة انصدمت صدمة العمر وماقدرت اطالع البنت من كثر ماهي غير جميلة (حاولت اخفف اللفظ).

المهم الرجال قعد مع البنت 3 شهور مثل الأخوان ومايشوفون بعض الا دقايق في اليوم لانه طول اليوم شارد برا البيت وخلاها في ذمته ثلاث شهور عشان ماحد يتكلم عليها وبعدين طلقها....

وفي عرسة الثاني تعلم الدرس وقال لامه لو تنطبق السما على الارض ماراح اتزوج الا بعد ماشوف البنت واقعد معاها...

سالفته قالها لي يوم عرف اني باتزوج ونصحني اني لازم اشوف الي باتزوجها واتمقل عدل عشان ماندم بعدين ويصير لي مثل الي صار له...


البنت هنا تتعب نفسيتها

موب لما تنرفض وقت النظره الشرعيه

وذنبها بيكون على ولي أمرها

عاد ان شاء الله يعتبرون

والنار ماتحرق غير رجل واطيها

يعطيك الف عافيه اخوي على هالمثال

وازيدك من الشعر بيت

عندي قصه ثانيه

وحده متزوجه من سنه تقريبا عاشت مع زوجها 10 ايام مثل الاخوان

وماكان له أي حقوق كزوج

وبعدها اطلبت الطلاق

[موضي قطر]

ليش ماعنده ام او خوات شافوها قبل وقالو له الاكو والماكو

يبدوا لي انه يبي يشيك على اشياء ثانيه جليل الحيا :anger1:



http://up4.al-qatarya.org//uploads/images/al-qatarya-0cb5aea668.png (http://up4.al-qatarya.org//uploads/images/al-qatarya-0cb5aea668.png)

[بو خليفه 123]

حتى لو كانت اجباريه ولا يتم عقد القران الا بعد النظره الشرعيه و اجتياز الفحص الطبي

يجب تثقيف بعض اولياء الأمور ان ديننا الحنيف يحثنا على هذه الخطوه ولا هي بمعيوبه عندنا .


أنا مؤيد و مع النظره الشرعيه للطرفين .. القبول بالشكل للطرفين شيء مهم جداً حتى تتوالد مشاعر المحبه والالفه بينهم ..



تقبلي تحياتي شمعه

[شمعة الدوحه]

مشكوه اختي

الي يرفضون النضره الشرعه ...تقريبا معروفين

والي جاد في الزواج ... بيلاقي الف طريقه للنظر للبنت :shy:

العفوو اخوي

هالنظره الشرعيه وسط الاهل أحسن بألف مره من الالف الطريقه اللي تقول عنها :victory:

[شمعة الدوحه]

المهم الأنطباع الأول .. والقبول

هذا هو المهم أكثر من الجمال والشكل :nice:

[شمعة الدوحه]

مفروووض يخلوونها اجباريه ..

من حق البنت تشوف خطيبها .. والريال يشوف مرته .. والبنت لو فيها اي عيب ما كان وصلوا لمرحلة النظره الشرعيه ..

واصلا من النظره الشرعيه غالبا تصير الفه بينهم .. :)


صدقتي طماطه

وفعلا في الغالب تصير ألفه وقبول بعد تردد

[شمعة الدوحه]

هلا

النظرة الشرعية حق للطرفين

بس شنقووول لبعض الناس !!!!



الله يهديهم للصواب :)

[شمعة الدوحه]

اعرف واحد من الشباب راح يشوف المره الي ارتبط فيها يقولي ياخي يوم دخلت

تخيل انا جالس واثنين من اخوانها جثث كل واحد ما يدش من الباب تصدق وانا جالس خايف اطالع اختهم والا ما اطالعها ياخي قلت يمكن اشوفها يدخلوني العنايه المركزه

هههههه

المهم الرجال شافها وارتاح لها وكاهم الحين عصافير يحليلهم مع بعض

مشكلة لي طاح بين قشران اوووووه يا ويله راحت عليه 10 - صفر

:shy:

:rolleyes2: الله ستر

والحمدلله انه الله وفقهم :victory:

[شمعة الدوحه]

ذيك الحزه تقدر تشوف الرجال انا اخبر تستحي وماترفع راسها :(

هو اكيد بيكون فيه حيا من الطرفين بعد موب البنت وبس شي طبيعي

بس الا ماتقزه ولو لمحه :discuss:

[شمعة الدوحه]

لالالالالالالالالاتعليق

ننتظر التعليق

سواء كان محايد او معارض أو مؤيد

:victory:

[ابوخالد السل]

اما الالزام فلا لانه ممكن تترتب عليه مفاسد اكثر
مثل القطيعة بين الفتاة واهلها المعارضين
والزواج يفترض فيه ان يحوز على موافقة الجميع
ولكن يبين الشيخ الذي يعقد القران
ضرورة ان يرى الخاطب مخطوبته
وان يرغب المعترض في طاعة الله ورسوله
وانه افضل
وان كان يمكن للخاطب ان يرى مخطوبته بشكل غير مباشر
يعني يراها في مكان عام من غير ترتيب
وان يرى منها ما يرغبه فيها
ان كانت موظفة يمثل دور المراجع مثلا ويرى منطقها
الى اخره
وفي كل الاحوال لن تعدم بنات حواء وادم وسيله
ان كيدكن عظيم !!
وسامحونا

[صعبة وصوفه]

مساكين الشباب، بعضهم اصلا مايدري إنه عنده حق شرعي بالنظر لخطيبته،،
والا البنت عادي تدبر عمرها، تقدر تشوفه هنا والا هناك :tease:

[ابوخالد السل]

عشان جذيه قلنا ان كيدكن عظيم !

[الخـود]

الجمال شي نسبي وكل واحد/ة له مقاييس في الجمال
علشان جذي لازم هو بنفسه يشوفها..

عن أبي هريرة رضي الله عنه: "قال رجل إنه تزوج امرأة من الأنصار، فقال رسول الله صلى الله عليه وسلم: أنظرتَ إليها؟ قال: لا؛ فاذهب فانظر إليها، فإن في أعين الأنصار شيئاً".

وصح عنه صلى الله عليه وسلم أن رجلاً – قيل المغيرة – خطب امرأة، فقال له النبي صلى الله عليه وسلم: "انظر إليها فإنه أحرى أن يؤدم بينكما".6

وعن جابر رضي الله عنهما يرفعه: "إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل".

وسلامتكم

[e B a y]

مع النظرة الشرعية

[بنت صقار]

يمكن يراوونه وحده ويزوجنه الثانيه...<----صارت في دوله مجاورة..قريت عنها في جريده!!
طيب..
هو شرعاً من حق الطرفين..
والعرب ما بيطلعون بنتهم الا لواحد ثقه اسئلوا عنه وسمعته طيبه..ومن حقه(حتى يؤدم بينهما)كما في الحديث الشريف..
وبوجود محرم وماتطول النظرة..
مع ان اهل قطر غاااااااااالباً غير مؤيدين

[1HAMAD1]

للاسف صار بعض يجعل العادات والتقاليد محل الدين

[ابوخالد السل]

للاسف صار بعض يجعل العادات والتقاليد محل الدين


احسنت
والنظرة الشرعية هنا متبادلة يراها وتراه
اعتقدنا انا خلصنا من هذه القضية
فإذاهي مازالت مستمرة ؟!

[فرحة ايامي]

السلام عليكم ورحمة الله وبركاته


عندي اقتراح فماادري يعجبكم أو لا

الكلام موب موجه للكل .. حق الفئه اللي للحين ضد النظره الشرعيه قبل عقد القران

http://www.al-arabeya.net/images/472519.jpg

طبعا هذا موضوع عن زيادة حالات الطلاق عندنا

http://www.qatarshares.com/vb/showthread.php?t=449901

ومن ضمن الحلول اللي عندي :

انه تصير النظره الشرعيه إلزاميه قبل عقد القران حالها حال الفحص الطبي .

والا مايتم عقد القران

لانه فيه ناس للحين ضد هالشي مع انه في الدين حلال بس لانه العادات والتقاليد تمنعهم من هالشي

فبهالقرار الكل راح يخضع حق هالأمر .. وهالشي في صالح المقبلين على الزواج

أسبابي:

اقتناع الزوجين ببعض وعدم التأثير عليهم من أهاليهم

يعني أغلبية الاهالي يقولون والله احنا ماراح نغشه أهم شي البنت صاحيه ومافيها شي

حسووني انها بضاعه

أو يقولون والله الصور تكفي

انزين ممكن تكون الصوره حلوه سواء الشاب أو البنت .. بس مايصير قبول بينهم لو اقعدوا مع بعض

أو العكس ممكن تكون صورتهم عاديه .. بس يصير بينهم قبول وتوافق


لاتقولون لي اللحين انه معقوله فيه ناس مايشوفون بعض .. لا وازيدكم من الشعر بيت البعض مايشوف شريك حياته الا ليلة العرس .. وينحط بالامر الواقع .. والبعض يرضى بنصيبه حتى لو ماكان مقتنع


هل أنتوا مع أو ضد ؟؟

والاسباب للي ضد النظره الشرعيه ؟

مساء الخير ...

اوافق يا شمعة الدوحة على هذا المقترح أوافق بشدة...

[صوت الضمير]

انا اتسائل من الطرح ؟
هل يعقل يوجد ناس يتزوجوا من غير ما يشوف خطيبته قبل ؟
وان شافها هل في ناس ينظرون نظره شرعيه وناس نظره غير شرعيه ؟

اخواني تزوجوا وشافوا العروس يوم العرس

العروس شافت صورة المعرس.. واجد عليهم :)

ياتعجبه ماتعبجيه كيفيه.. راحت عليها خلاص لازم يرضا بالامرالواقع

للحين موجود ذا الشي عندنا

أبداع

[صوت الضمير]

انا اتسائل من الطرح ؟
هل يعقل يوجد ناس يتزوجوا من غير ما يشوف خطيبته قبل ؟
وان شافها هل في ناس ينظرون نظره شرعيه وناس نظره غير شرعيه ؟


موضوعج مهم

انا احاول بشتى الطرق اني اغير من وجهة ألي في محيطي لان فيه تشدد من هالناحيه على الرغم من التطور ألي نواكبه ألا انهم مازالوا متمسكين ب :

المعرس مايشوفها الا ليله العرس
ولا يكلمها بالتلفون
والحين قرار جديد الملكه يوم العرس:(

ف كنت احاول معاهم تغيير هالنظره لاني نهائيا" مهب مقتنعه بها

على الاقل قبل العرس يشوفها 000على الاقل بعد الملكه يكلمها بالتلفون على الاقل يجي البيت يجلس معاها مع وحده من هله 000 اما صكه مره وحده مافضل هالطريقه00:rolleyes2:

لما نرجع للاسباب اشوفها مقنعه على الرغم من معارضتي لبعض الامور من الاسباب:

* شباب هالزمن مالهم امان :shy: ومهب قد مسؤوليه وممكن باي لحظه يترك البنت ماعنده مشكله خصوصا" اذا واجهتهم بفتره الخطوبه بعد الملكه مشاكل بسيطه على طول طلاق 00 وبالمثل البنت مافي رجاحه عقل00

فمادري يعني تدرون الخلاصه تعتمد النظره على شخصيه ورجوله المتقدم اذا والنعم فيه وينشهد له الامور سهالات معاه :nice:

:shy: علموا اللي عندنا

انا بيتزوج بالنظرة الشرعية ..مابي اطب في بحر عميق وانا عمياء

يكون على دوري اقتنعوا بالنظرة الشرعيه:)

[همسه]

كان المفروض ان الدين يطبق و تتم النظره الشرعيه هم مش احرص من الرسول صلى الله عليه و سلم

دام بدو العادات و التقاليد على الدين اوافق على هذا الاقتراح تكون النظره الشرعيه احد الشروط اللي عليها يتم عقد القران

[الطيبة كلها]

طبعا لازم بوجود الاهل عمرنا ما تزوجنا من غير النظرة الشرعيه ترى الصور شئ والواقع شئ ثاني

[منيرة الطواش]

من المتابعين


موفقين خيــــــــــــــر

[العـوا]

موضوعج قيم الشي المتعارف عليه النظرة الشرعيه تتم قبل اوبعد القران وفي كل الاحوال يعتمد عل موافقة الاهل

[ام السعف]

نسبة الطلاق مالها دخل في النظره الشرعيه

أبوي و أبوك وجدي وجدك ماكن على ايامهم نظره شرعيه ونسبة الطلاق عندهم يمكن 0 %

انا ما ارفض النظره الشرعيه لاكن ليست هي سبب الطلاق

سبب الطلاق شباب مستهتر ولايعرفون الواجبات الشرعيه عليهم ونفس الشي البنات اللي ماعلموهم اهلهم احترام الزوج وتقديره

بغض النظر عن سبب الطلاق المذكور في المشاركة

الاانني اتفق معاه في كل ما سبقه من رد ،،

النظرة الشرعية مب سبب في الطلاق ،، والدليل كثيرة حالات الطلاق اللي
تكون ما بين زوجين دارسين بعض قبل الملجة مب الزواج حتى ،،

[R 7 A L]

طيب واذا الشاب ماتهمة النظرة الشرعيـــة
فية أشياء أهم من الشكل والجمال

[ام السعف]

طيب واذا الشاب ماتهمة النظرة الشرعيـــة
فية أشياء أهم من الشكل والجمال

واذا البنت تبي النظرة الشرعية ؟

:(

[سهيل قطر]

النظره الشرعيه مطلوبه وقبل ماكاانت مهمه بالنسبه للاباء والاجداد لقلة النساء واهم شيء كأن النسب عندهم مهما كانت النواقص الموجوده فكانوا حتى اذا تطلقت وحده ابوها فارس او كريم او معروف عنه برر الوالدين او اي صفه حميده يتسابقون اليها ويخبرر كل منهم الاخر
مع انهم لم يروؤهاا أبد
اما الان وللاسف انقلبت الموازين وصارو يأخذون حتى غير الملتزمه بدينهاا ولاا ينظرون للصفات الحميده المطلوبه في العائله من اب او ام او أخوان للبنت
ويهمهم المظهر الذي هو اصلا زاايل

والله المستعان

اما عن النظره الشرعيه فا أنا معهاا ولكن ان تكون جاد وليس فقط للتمتع بالنظر لبنات الناس .

[سهيل قطر]

وزاد الماء على الطحين كل بيت فيه على الاقل 5 بنات
لم يتزوجن بعد فلذلك بداا الرجل يتشررط ابي طويله والثاني ابي قصيرره

[R 7 A L]

واذا البنت تبي النظرة الشرعية ؟

:(

:omg:

هني الله يعين الشاب على هالموقف

[غايه الطواش]

بنت جيرانه زوجها ماشافها الا يوم العرس وماعجبته وطلقها في نفس الشهر...

وهذه البنت عمرها 20 وعندنا بيبي .....

الي صار الحين في ذمه مين؟؟؟؟؟

[انا حره]

انا ضد النظره الشرعيه

بسبب عدم احساس الشاب والفتاه بالمسؤليه بهاذ الوقت البنت بتشوفه ماعجبها عشان شي تافه بتقول لا مابيه مع انه رجال وفيه خير

والشاب نفس الشي بيشوفها ولا بتعجبه وياليته بيروح وبيسكت لا بيتكلم وبيقول مو حلوووه

واعرف بنات عقب النظره الشرعيه رفضها الشاب وتحطمت نفسيا وتعقدت انها مرفوضه مع ان مايعيبها شي بس الشاب كان حاط تصور معين بباله

[MAZEN37]

انا ضد النظره الشرعيه

بسبب عدم احساس الشاب والفتاه بالمسؤليه بهاذ الوقت البنت بتشوفه ماعجبها عشان شي تافه بتقول لا مابيه مع انه رجال وفيه خير

والشاب نفس الشي بيشوفها ولا بتعجبه وياليته بيروح وبيسكت لا بيتكلم وبيقول مو حلوووه

واعرف بنات عقب النظره الشرعيه رفضها الشاب وتحطمت نفسيا وتعقدت انها مرفوضه مع ان مايعيبها شي بس الشاب كان حاط تصور معين بباله
الله اكبر
بالنهايه انتي حره:secret:

[Mili]

انا ضد النظره الشرعيه

بسبب عدم احساس الشاب والفتاه بالمسؤليه بهاذ الوقت البنت بتشوفه ماعجبها عشان شي تافه بتقول لا مابيه مع انه رجال وفيه خير

والشاب نفس الشي بيشوفها ولا بتعجبه وياليته بيروح وبيسكت لا بيتكلم وبيقول مو حلوووه

واعرف بنات عقب النظره الشرعيه رفضها الشاب وتحطمت نفسيا وتعقدت انها مرفوضه مع ان مايعيبها شي بس الشاب كان حاط تصور معين بباله

ليش بكيفج اهو...

[مملوحة الفال]

النظرة موجودة في الدين ليش يحرمونها


طبعاً مب كل واحد يبي يشوف البنت الا اذا اعرف خلقة وانه قد انه يشوف بنات الناس


والخيره فيما اختاره الله

[المتضرعه لله]

مع النظره الشرعيه ووووووبقوه

[انا حره]

يمه كليتوني والله مو قصدي شي الا ان في فئه تكلمت عنها

وادري ان فيه ناس قد هالشي ويطبقونه بالطريقه الصح بس انا رايي اذا الاهل يحسون ان اولد مو قد هالشي من البدايه مايقربون ولا يخلونه يشوف بنتهم يعني لازم يكونون واثقين منه

امكن انا ماعرفت اصيغ الكلام الي ابي اوصله لكم

[بوحارب]

^

مرة ثانية بنحكم عليج بالقصاص @@

[أحاول]

انا ضد النظره الشرعيه

بسبب عدم احساس الشاب والفتاه بالمسؤليه بهاذ الوقت البنت بتشوفه ماعجبها عشان شي تافه بتقول لا مابيه مع انه رجال وفيه خير

والشاب نفس الشي بيشوفها ولا بتعجبه وياليته بيروح وبيسكت لا بيتكلم وبيقول مو حلوووه

واعرف بنات عقب النظره الشرعيه رفضها الشاب وتحطمت نفسيا وتعقدت انها مرفوضه مع ان مايعيبها شي بس الشاب كان حاط تصور معين بباله

يفضل النظرة الشرعية حتى لا يطلقها وتصبح مطلقه فماذا تفضل ان يقول ما فيه نصيب او ياخذها ثم تتحطم نفسيتها وتتطلق وحدث من هذا الكثير او نظرة لخمس دقائق بعد ذلك يقول ما عجبتني او ما حصل قبول قد تكون في نظره غير جميله وفي نظر اخر ليس كذلك كذلك البنت ولابد ان نراعي الفروق الفرديه في اختيار الشريك حتى لو سبها للاخرين لهم وجهة نظر اخر ى خير من ان يحمل كلاهما لقب مطلق وهو لم يكن له اختيار لشريكه ان ما يحدث ليس من الاسلام بل هي عادات ومفاهيم متوارثه بشكل لا يتناسب مع هذا الجيل

[شمعة الدوحه]

ياجمااااعه انا ماقلت انه سبب رئيسي للطلاق

بس يعتبر سبب لبعض حالات الطلاق

ودكم انه من البدايه مايصير نصيب

أو تتطلق بعدين من أول شهر أو شهرين

ومثل ماذكر البعض لازم يكون الشاب ثقه وسائلين عنه يعني موب كل من هب ودب

واللي اذكروا ان البنت تصيدها حاله نفسيه

أكيد انها كانت حاطه أمل .. لاتحط أمل في شي لين ماتصير النظره

ويمكن هي تكون جميله وكل الصفات فيها بس هو مايرتاح

يعني لازم يكون فيه قبول من الطرفين

[أخت الكل]

انا مع النظرة الشرعية لكن بدون لا تحس البنت يعني واحد من اهلها يسهل للخاطب يشوفها على طبيعتها وبدون علمها واذا اعجبته يتوكل على الله وفي المقابل البنت اذا طلبت تشوفه فيرتبون الاهل لها الشوفه ويجلس معها لكن صدقوني غالبيه البنات يبون الستر والاستخارة ابدى مية مرة من الشوفه

[الموضوعي]

انا مع النظرة الشرعية لكن مب كل واحد يخطب تسمح له بالنظرة الشرعية لازم يكون الشاب عاقل ورزين وسمعته زينه وراعي صلاة ، اما يجيك شاب مستهتر وراعي سفرات ومغازل وخرابيط وسباق سيارات ويبي نظرة شرعية هذا نقول له معصي اقلب وجهك

[حـ ن ـيـ ن]

لا بأس بها لمن اراد ...

ولكن يابنات لا تعبون نفسكم لانكم ماراح تشوفون شي:shy:

[doha1]

ياجماعة الخير ابي اعرف ماهي شروط النظره الشرعيه

ايش المسموح لي كرجل اشوفه فالبنت وقت النظره الشرعيه

[Rashid554]

معقوله محد من اهله قاله عن زوجته الأولى .. والا اشلون اخطبوها ؟؟

بس موقف محرج صراحه .. شلون يتجرأ يطلب هالطلب

أصلا مجرد ماتدش عليهم او تطلع بيلاحظ

ولاهان من قال اختي

في ناس يخلون حريمهم في المقلط وورى الستاره واول مايدخل العريس يفتحون الستاره يشوفها
بعدين يسكرون الستاره من غير ماتمشي

[شمعة الدوحه]

انا مع النظرة الشرعية لكن مب كل واحد يخطب تسمح له بالنظرة الشرعية لازم يكون الشاب عاقل ورزين وسمعته زينه وراعي صلاة ، اما يجيك شاب مستهتر وراعي سفرات ومغازل وخرابيط وسباق سيارات ويبي نظرة شرعية هذا نقول له معصي اقلب وجهك

كلام سليم 100 %

[شمعة الدوحه]

لا بأس بها لمن اراد ...

ولكن يابنات لا تعبون نفسكم لانكم ماراح تشوفون شي:shy:

في هذي صدقتي :shy:

[ام السعف]

ياجماعة الخير ابي اعرف ماهي شروط النظره الشرعيه

ايش المسموح لي كرجل اشوفه فالبنت وقت النظره الشرعيه

ويهها من غير مكياج ،، وجزء من شعرها ،، وحتى قريت ممكن يشوف جزء من ريلها
عاد هالشي قريته من زمااان في كتاب تحفة العروس ،،

واللي يقول دقيقة او دقيقتين او يقول يشوفها في وجود اخوها او ابوها

اقول طبعا صعبة على البنت او الشاب انه ينظر هالنظرة في وجود الرجل
فلو حبذا يكون في وجود الأمهات او الأخوات الكبار ،،

[غير البشر]

يمه كليتوني والله مو قصدي شي الا ان في فئه تكلمت عنها

وادري ان فيه ناس قد هالشي ويطبقونه بالطريقه الصح بس انا رايي اذا الاهل يحسون ان اولد مو قد هالشي من البدايه مايقربون ولا يخلونه يشوف بنتهم يعني لازم يكونون واثقين منه

امكن انا ماعرفت اصيغ الكلام الي ابي اوصله لكم

اختي انا فهمت مقصدج
اصلا مش اي واحد يتقدم حق وحده يقولون تعال ادخل والقى النظره الشرعيه
اكيد بيكونون اهل البنت موافقين مبدئيا
وبالتالي اكيد انهم اسألو عنه وعن اخلاقه وعن كل شي فيه من جذي وافقو عليه
وبعدها تجي النظر الشرعيه

[ريم الشمال]

النظره الشرعيه ممكن يفسرها لي احد من منظوركم
وإذا يوافق منظورنا ... فلا داعي للشرح
يعني تظهر الفتاه على الشاب بحجابها وعباتها وما تظهر غير وجهها من دون تزين بمعنى
رؤية شرعيه وحديث في الجلسه مع وجود المحرم
إذا هذا مفهومكم للنظره شرعية فأنا من المؤيدين لذلك
لكن تظهر الفتاة كاشفه ومكياج وخرابيط ... آسف هذه ليست نظره شرعية !!!

ريم الشمال

[Bin Hood]

عندي سؤال

الشاب يبغي يشوف البنت لعدة اسباب

لكن هل البنت تبغي تشوف الشاب ؟؟؟؟

وليش ؟؟؟

[حسن]

النظره الشرعيه الي اعرفه انها ان الخاطب يحق له ان يرى المره ويشوف وجها ويدها الكفين وحتا القدمين وان يكون هناك ابوها اواخوها واذا جازت له وهو جازلها توكلو على الله واذا ماصار نصيب كلن في حال سبيله