الشحن من دبي لقطر

[راعي طموح]

السلام عليكم و رحمة الله و بركاته


شحالكم؟؟ ان شاء الله بخير؟؟

ابي اشتري اثاث من دبي و اشحنه لقطر .. في احد يعرف شركه شحن موثوقه و سعرها زين لنقل الاثاث؟؟


و الله يعطيكم العافيه


اخوكم

راعي طموح

[شموخ دائم]

,

,



مرحبا

الله يعطيك العافيه

هذا موضوع سهل لان الشحن بين قطر ودبي

ما شاء الله منتعش بشكل كبير

امامك خيارين اما تروح للشركات المعروفه الكبيره بالشحن والسعر بيكون شوي مرتفع

واذا تبي سعر احسن المكان الي بتشتري منه الاثاث هو( بيرشح لك ) شركه تقدر تتعامل معاها

وانا انصحك بهذي الطريقه محلات الاثاث بيعطونك اسماء شركات


اهم شي ( اوراق الشحن تكون مختومه )

1- شهاده منشاء
2- شهاده مواصفات
3- الفواتير من المحلات تكون حقيقيه لا تخليهم يلعبون بالسعر وينزلون القيمه
لان بالدوحه يعرفون الاسعار وممكن يعملون لك ( تلاعب في السعر ) وفيها غرامه ماليه
خل الاسعار حقيقيه

اتفق على مكان التنزيل داخل الدوحه

وتخليص الجمركي بالدوحه سهل جدا كثير مكاتب تخلص لك 200 ريال
وامورك طيبه ان شاء الله



والله يوفقكم


,


,



اخوك



شموخ دائم

[راعي طموح]

جزاك الله خير اخوي شموخ على المعلومات .. و خاصه نقطه التلاعب بالسعر .. كنت افكر اخليهم ينقصون من السعر عشان ما ياخذون علي الجمارك واجد بس بعد كلامك ما بخليهم ينقصون من السعر

و الله يعطيك العافيه


اخوك

راعي طموح