المساعد الشخصي الرقمي

مشاهدة النسخة كاملة : ام صلال محمد وام صلال علي والخور ارائكم عن هالمناطق


لبتونه
10-05-2011, 10:36 AM
السلام عليكم


اخواني واخواتي حابه اسئلكم عن منطقه ام صلال محمد وام صلال علي والخور

كل وحده من هالمناطق لها خطط مستقبليه

ودي اشتري فيلا بوحده منهم والكل يقولي بعيد عن الدوحة ومافيها خدمات ومالها خطط مستقبليه وغير العزاب


شورايكم
كــرت احمــر
10-05-2011, 10:43 AM
انصحج بأم صلال محمد ، كامله والكامل الله مدارس مركز صحي مجمع كبير ، وناهيك عن موقعها الأستراتيجي وقربها لمدينة الدوحة وتحياتي لك .
سوق واقف
10-05-2011, 10:45 AM
مستقبل الخور راح يكون مبهر نصيحه ولكن خلف الأكاديمية لا أنصح ريحه الصرف هي المصيبه

خلف النادي

العقده
على البحر
لبتونه
10-05-2011, 10:53 AM
مشكورين جزاكم الله خير
أسد الجزيرة
10-05-2011, 10:59 AM
الوكرة
لبتونه
10-05-2011, 11:04 AM
الوكررررررررررة ضووووووووووووووو على مليونين وفوووق
@ كنترول @
10-05-2011, 11:24 AM
كل الخدمات موجودة في الخور .. مدينة متكاملة .. وبنية تحتية قوية ..
لبتونه
10-05-2011, 11:32 AM
مشكورين
basma222
10-05-2011, 11:40 AM
أم صلال محمد كل شىء فيها موجود

الخور بعيدة
نوفي
10-05-2011, 11:47 AM
الخور صار كل شي فيها بس مافي شي ترفيهي
والخط متعب بس عقب بتعودين عليه:nice:
عنزي قطر
10-05-2011, 02:03 PM
حياك الله انصحك بام صلال محمد وهي اصلا قريبه لدوحه 7 دقائق بالسيارة


واذا حاب اشوف لك فيلا للبيع ابشر :)
بوحارب
10-05-2011, 02:06 PM
ام صلال محمد احسن وافضل ومافيه عزاب واجد
نيساني
10-05-2011, 04:50 PM
ام صلال محمد احسن وافضل ومافيه عزاب واجد



انا اقول بعد نفس بوحارب:nice:

وبالتوفيق
barod
10-05-2011, 04:57 PM
لو تشوفين العمال الي في شوارع الخور بتعافينها انصحج بام صلال محمد او الخيسه لانهم اقرب للدوحه وللخدمات
فتى الجود
10-05-2011, 05:02 PM
توجهك جيد انصحك بالمناطق
سواءً بتسكن او بتستثمر
وابعدعن الخور لما فيه بعد عن العاصمة واماكن العمل (( تقريباً 50 كيلو ))

وبعد لما فيه الكثر من مشاكل العمال والعزوب


ام صلال محمد ام صلال على


واذا ما حصلت انصحك بالمناطق

العب ، العبيب ، جريان جنيحات، الخيسة، الوسيل


وهى تعتبر المنطقة اللى على يدك اليمين من بعد معسكر دحيل بتجاه الشمال

يعنى المقابله للأزغوى والخريطيات وام صلال

و فالك التوفيق ان شاء الله
شموخ دائم
10-05-2011, 05:15 PM
,

,



مرحبا


يعتمد على مكان عملك

السكن لازم يكون الاقرب للعمل

والله يوفقكم


,


,



اخوك



شموخ دائم
al-waheed10
10-05-2011, 05:30 PM
أختي الخور مدينه متكامله فيها جميع الخدمات بالنسبه للخدمات الطبيه فيها مركز صحي وفيها مجمع صحي وجمعيات كثيرة وألحين مجمع اللولو ينبني فيها وإن شاء الله بيكون جاهز قريب بإذن الله وأما بالنسبة لمراكز الترفيه بقولك الصج على العلم إني من سكان الخور ما فيها مراكز ترفيهيه أما بالنسبة لحديقة الخور ألحين يجددونها وبتصير مركز ترفيهي فيه أحلى وأجمل الألعاب أما بالنسبه للعزاب فهذي مشكلة أهالي الخور وأنا منهم متوهجين لأن العزاب تلقينهم ف كل مكان خاصة يوم الجمعة تنقلب الخور كنها مومباي مب الخور هذا أللي أقدر أفيدك فيه
لبتونه
19-05-2011, 10:20 AM
لااله الا الله محمد رسول الله
alsubaiai
19-05-2011, 10:36 AM
ام صلال محمد احسن وافضل ومافيه عزاب واجد



من ناحيتي اشوف ان فيها مشكله وحده ورئيسيه

زحمه لازم اتمرين على الخريطيات لا وبعد وقت الذروه الله يعينكم


بس المنطقه وايد حلوه
مضارب دوسري
19-05-2011, 10:38 AM
انصح بالخور او ذخيره
ذخيره مدينه هاديه ومافيها عزاب وفيها مستشفى حمد

اذا دوامج قريب الخور توكلي على الله وروحي ذخيره
بس اذا مكان العمل فالدوحه الافضل تروحين ام صلال
وعلى فكره الفلل ف ذخيره ف حدود المليون ونص
وفالخور مليون و600 تقريبا
وجه السعد 2
19-05-2011, 12:36 PM
ام صلال علي ما فيها شي كلشششش
انا سكنت قبل ثلاث شهور و متحسف قد شعر راسي !!!!!!
yaser999
19-05-2011, 01:02 PM
الوكرة

تسمحلي راعية الموضوع يا ليت الاخوان اصحاب الخبرة العقارية يفيدونا هل منطقة المشاف حاليا وفي المستقبل القريب بتكون افضل للاستثمار من ام صلال محمد يعني اقصد شراء ارض وبناء بقصد الايجار

هل تتوقعون بانه قيمة الايجار والطلب في المشاف بالمستقبل القريب بيصير افضل من ام صلال لانه اسعار الاراضي في المنطقتين حاليا متقاربه ؟
بحر الكرم
19-05-2011, 01:03 PM
انصحج بام صلال علي هادئه ولا فيها زحمه وكل شي غريب بعد خط الشمال الجديد
وجه السعد 2
19-05-2011, 01:44 PM
انصحج بام صلال علي هادئه ولا فيها زحمه وكل شي غريب بعد خط الشمال الجديد

الله يسامحك بس .. منطقة سكنيه مافيها الا مطعم واحد و سوبر ماركت واحد و حلاق وتقول منطقة زينه
al3grab
19-05-2011, 02:37 PM
انا اشوف الخور ابرك صج فيها عمال ابشرج بشلونهم لا مشاريع البنيه التحتيه في المصانع بتخلص 2013 واهلها طيبن واجتماعين
خليفـة
19-05-2011, 02:45 PM
ام صلال محمد
أفضل الخيارات المطروحة من وجهة نظري
قريبة من الدوحه وشابكة مع الخريطيات
وفيها كل الخدمات تقريباً
وانصح بالمنطقة الجديدة لان كلها تقريبا عوايل قطرية

لا انصح بالخور أبداً
بعيد عن الدوحه وايد
وصعب تلاقين في الخور غير عند الأكاديمية
وهالمنطقة يعاني اهلها من الروائح والرطوبة العاااااااالية

بالتوفيق ان شاء الله
:)

خليفــة
حيهور
19-05-2011, 10:55 PM
وسميسمة ؟ فيها خدمات ومدارس وروضة أطفال ولا ماكو!