###طالب قطري متوهق###

[1HAMAD1]

السلام عليكم اخواني اخواتي اعضاء منتدى الاسهم القطريه الكرام,لن اطيل عليكم بالمقدمه سأدخل في قلب الموضوع, عجز صوتي عن التعبير مما اعانيه فأتخذت هذا المنتدى لعله يوصل صوتي لمن له الشأن . انا طالب قطري طموح كأي طالب قطري اخر تخرجت من الثانويه العام وبنسبه 87.5% في القسم العلمي لدي قبول من ثلاث جامعات على تخصصات الهندسه المدنيه ,الكهربائيه وتخصص قانون وكلها من جامعات معترف فيها من المجلس الاعلى ولكن ما قد يكون السبب في عدم الحصول على سبونسر هو ان عندي ايلتس 5 . لدي الكثير من شهادات التقدير اكثر من 15 شهاده ما اريده هو اني الاقي سبونسر لاي تخصص من تخصصات الهندسه وانا اوراقي كامله يعني موب محتاج الا فيتامين واو على قوله احد الموظفين في قطر للبترول قالي انت اوراقك كامله بس لو تعرف احد اكيد بتروح تكمل دراستك . اللي ابي اقوله انه معقوله ان الواسطه راح توقف مستقبلي الواسطات صارت في كل مكان حتى في المستشفيات والله حرام. كير من الشركات قدمت عليها وكانوا مستانين على اوراقي وايد واخرتها شركه الديار القطريه قالت لي الموظفه انت اوراقك كامله واكيد بيوافقون عليك بس ما ردوا واكتشفت انهم قابلين ناس نسبهم في السبعيات ومطرشينهم يدرسون لغه موب جامعه . اخواني اخواتي هذا القلليل مما ارت قوله ولكن هل هناك حل لمشكلتي؟؟؟؟

[wadha-qa]

والله ياخوي هذا حال الغالبيه اخوي نفس حالتك نسبه عاليه و شروط متوفره بس ما عنده واسطه لين فقد الامل و راح العسكريه والفاشلين اللي نسبهم تفشل بالواسطه تم ابتعاثهم و ترشيحهم لكليه احمد

اتمنى يساعدونك الشباب .. بالتوفيق

[sendarala]

ان شاء الله يساعدونك الاعضاء

بس خل في بالك ان الله فوقهم كلهم

كثر من الاستغفار في انصاف الليالي

[روح الاطلس]

جرب السدرة

ياخذون سبونسر بشكل محدود لتخصصات غير طبية

ويبعثون غير قطريين بعد :)

[2022qtr]

السلام عليكم اخواني اخواتي اعضاء منتدى الاسهم القطريه الكرام,لن اطيل عليكم بالمقدمه سأدخل في قلب الموضوع, عجز صوتي عن التعبير مما اعانيه فأتخذت هذا المنتدى لعله يوصل صوتي لمن له الشأن . انا طالب قطري طموح كأي طالب قطري اخر تخرجت من الثانويه العام وبنسبه 87.5% في القسم العلمي لدي قبول من ثلاث جامعات على تخصصات الهندسه المدنيه ,الكهربائيه وتخصص قانون وكلها من جامعات معترف فيها من المجلس الاعلى ولكن ما قد يكون السبب في عدم الحصول على سبونسر هو ان عندي ايلتس 5 . لدي الكثير من شهادات التقدير اكثر من 15 شهاده ما اريده هو اني الاقي سبونسر لاي تخصص من تخصصات الهندسه وانا اوراقي كامله يعني موب محتاج الا فيتامين واو على قوله احد الموظفين في قطر للبترول قالي انت اوراقك كامله بس لو تعرف احد اكيد بتروح تكمل دراستك . اللي ابي اقوله انه معقوله ان الواسطه راح توقف مستقبلي الواسطات صارت في كل مكان حتى في المستشفيات والله حرام. كير من الشركات قدمت عليها وكانوا مستانين على اوراقي وايد واخرتها شركه الديار القطريه قالت لي الموظفه انت اوراقك كامله واكيد بيوافقون عليك بس ما ردوا واكتشفت انهم قابلين ناس نسبهم في السبعيات ومطرشينهم يدرسون لغه موب جامعه . اخواني اخواتي هذا القلليل مما ارت قوله ولكن هل هناك حل لمشكلتي؟؟؟؟

ابني العزيز : أحي فيك طموحك واقول لك سر على بركة الله عز وجل ولا تتوقف اويدخل اليأس قلبك, وحاول طرق جميع الابواب المغلقة لان هذا من حقك , اسأل الله تعالى ان ييسر لك دربك ويسخر لك اولاد الحلال في طريق حياتك .
اولا بالنسبه لدرجتك فهي ممتازة جداجدا والله يوفقك الى الاعلى , ولكن حسب علمي وخبرتني هناك الكثير من الجامعات تعطي كورس واحد لمن لم يستطيع ان يحصل على المعدل المطلوب واتوقع ان الكورس يستغرق شهرين ونصف , يعني عندك وقت الان قبل بداية شهر سبتمبر
لذلك اقترح عليك ان تخاطب الجامعة وتستفسر عن هذا الكورس , واقترح عليك ان لم تحصل على سبونسر ان تدرس على حسابك الخاص والله المستعان فقط كم شهر وتتحول بعدها على طول على هيئة التعليم اذا كانت الجامعة موجودة في اللسته.
انا في بريطانيا اذا احتجت اي خدمة او مساعدة ارجوك لا تتردد في طلبها على الخاص .
الله يوفقك واشوفك مع الطلبة القطريين في بريطانيا ان شاء الله .

[هام السحاب]

الله يوفقك ويطرش لك ولد الحلال الي يتوسط لك
للأسف الواسطه والمحسوبية منتشره بكل مكان

[toomi9]

الله يفرجها عليك يارب
مالي غير الدعاء لك

[مابدل العادات]

السلام عليكم

اخوي ترى الحين السبونسر يبغي بس قبول الجامعه يعني لو تروح اي شركه وترويهم قبول الجامعه وخاصه إذا كان تخصصك هندسة علطول بإذن الله ياخذونك لأنه نسبه الأيلز ماتهمهم لأنك اصلا جبت قبول خلاص

ولاكن لازم يكون قبولك للجامعه وليس للكليه وأتوقع من نسبه الأيلز الي عندك أنك لقيت في بريطانيا
فاإذا بريطانيا فالازم قبول سنة أوله وليس فاونديشن

وهاي الي اعرفه والله يوفقك أخوي :)

[intesar]

تستاهل ياولدي انه الدولة تعطيك على حسابها .. حاول مرة و٢ و٣ لين ما يستحون على دمهم ويحسون ..

[احمـد]

اخوي انت قبولك فاونديشن في جامعه معترفه فيها في المجلس الاعلى للتعليم ؟ صح

اذا جيه ليش ماتروح تنبعث عن طريق المجلس الاعلى ..؟

[صعبة وصوفه]

الله يوفقك أخوي ويسر أمورك

إذا ممكن عندي سؤال، إنت قلت تخرجت العام، انزين ايش كنت تسوي خلال هالسنه؟؟
هل التحقت بالجسر الاكاديمي؟؟ والا قاعد في البيت،،
لأنك لو طرحت موضوعك قبل، كنت نصحتك تلتحق بالجسر الاكاديمي بس علشان تطور من لغتك وساعتها ماحد بيكون عنده حجه إنك لازم ترفع درجة الايلتز

بخصوص القبول للجامعة، هل هو قبول للسنة الأولى أو الفاونديشن؟؟
حسب علمي المجلس الأعلى مايبعث للفاونديشن، الابتعاث فقط للسنة الأولى (بس مش متأكده يمكن غيروا نظامهم)،،
سمعت شركات البترول عادي يبعوثون فاونديشن (بس أبي أحد يأكد لي هالمعلومة)،،

الله يوفقك أخوووي ولا تيأس ترى موضوع البعثات شوي يبيله عوار راس ودواره، شي طبيعي غالبية الطلاب مروا بهالمرحلة:)
كثر من الدعااااء والصدقه وتوكل على ربك وصدقني كل شي بتيسر إن شاء الله :)

[مشتاقة لقطر]

الله يوفقك ويكتبلك الخير

[qatar2005]

الله يوفقك ولاتنسى ربك فهو الذي يدبر الكون
واكثر من الاستغفار يجعل لك ربي مخرجا

[So Lonely]

soory but my computer in english

call the radio programm watne al7beb sba7 al5er and may they do some thing to help u

regards

[بوحــمد]

الله يعينك ياخوي

[ِMera]

السلام عليكم و رحمة الله و بركاته،

الله يوفقك اخوي لما يحب و يرضى
مش حالك ببعثه هيئة التعليم، وعقب حول للشركات،

[al-sadd]

اخوي توجه الى شركة الديار او بروه او دولفن ... الى اخره
وقدم لهم القبول واوراقك
وبتجيك بعثه ان شاءالله منهم
وبتوفيق ياخوي

[حسن]

اتمنى لك اللتوفيق

[ღLady Qtrღ]

الله يوفقك
واذا ماحصلت سبونسر مالك غير المجلس الاعلى الداق

[Gentleman]

أخوي إذا عندك cv طرشه لي على الإيميل (راح أطرش لك العنوان على الخاص) وأنا راح أحاول لك عندنا (شركة بترولية).
الله يوفقك.

[ummohammed]

للاسف الواسطة ياولدي فوق القانون
بنتي مجموعها حول التسعين وعلمي وجايبة في الآيلتس 6 وتبي تخصص هندسة... ومع ذلك رفض طلبها من شركة قطر للبترول ومن قطر غاز وتم قبولها عن طريق المجلس الاعلى
فمالك الا المجلس الاعلى

[الفرحه]

فوض أمرك لرب العالمين ولاتيأس والله معاك وان شاء الله ماراح يعطيك اللي في بالك

[أين الحل ؟]

الحـــــــــــــــــــــــــــــــــــــــــــــــ ـــــــــــل ؟

أن تذهب الى العمره وتقف أمام باب الكعبة وتدعو على كل من ظلمك وأعاق أوراق مستقبلك على كل مسؤول ظلمك ولم يتقيد بلأنظمة والقوانين المتبعة . والله راح يأخذ حقك انشاالله

[درع الوطن]

soory but my computer in english

call the radio programm watne al7beb sba7 al5er and may they do some thing to help u

regards

وطني الحبيب !!!!!!!
والله ذكرتني بمعرض قطر المهني .. Just for show .....

وطني الحبيب .. أسعد الله أوقاتك بكل خير ..

[كيفي قطري]

اخوي العزيز اذا كان لديك قبول بجامعة على قولتك من ضمن لستة الجامعات المدرجة لدى هيئة التعليم العالي ،،،، روح قدم عندهم وبيبعثونك ليش اللف والدوران ،،،،،، روح عند واحد اسمه عيد واهو بيخلصك ،،، والريال ذيه الشهادة لله اهو الوحيد اللي يساعد الشباب ويشجعهم ويسهل عليهم كل امورهم ،،، روحله وانت مغمض وبالتوفيق

[تحداني]

صباح الخير على الجميع


في الكثير من المداخلات وجدت حلول كثيره
لكن لننتظر صاحب الموضوع لنرى ماذا يريد بالتحديد هل يريد الابتعاث فقط من جهات العمل
ولا من اي مكان حتى لو كان هيئه التعليم العالي



جملكم الله برضى الرحمن

[ام-سعود]

اللهم يسر امره وارزقه من حيث لا يحتسب . يا رب العالمين .. آمين
اللهم يا رحمن يار حيم ... يا قادر يا كريم .. يسر أمور أبنائنا وبناتنا لما فيه الخير .. آمين

[تحداني]

اللهم يسر امره وارزقه من حيث لا يحتسب . يا رب العالمين .. آمين
اللهم يا رحمن يار حيم ... يا قادر يا كريم .. يسر أمور أبنائنا وبناتنا لما فيه الخير .. آمين



اللهم آمين
يازين هالدعاوي يوم تطلع من قلوب ولسان الامهات
لها رونق .. ولها اطمئنان من نوع ثاني


الله يحفظ لج كل غالي يارب
وجملك الله برضى الرحمن

[ام-سعود]

الله يعلم اني اتمنى اعمل في مكان اقدر اخدم فيه اخواني وخواتي وعيالي وبناتي .. الله يعلم اني رغم الضرر اللي تعرضت له الا اني مصرة في حالة عملي اني انفع كل قطري وقطرية واركض لهم في امورهم لاني احساسي اني انفع أهلي .. دايماً اتذكر قول الرسول صلى الله عليه وسلم " خيركم .. خيركم لاهله وأنا خير لأهلي" يا رب تيسر امورنا كلنا لما فيه الخير ...

[تحداني]

صدقيني دعوتك الخالصه لوجه الله سبحانه وتعالى
وبسعيك في الرد على الاخوان والاخوات بما تجود به نفسك .. انتي قاعده تحققين هالرغبه
يمكن رب العالمين ما رزقج ابوظيفه فيها ما تتناسب مع رغبتج وغايتج النبيله
لكن الانسان يقدر يوصل لها حتى لو بالكتابه والكلام الطيب


الله يوفقك ويعطيك على قد نيتك ان شاء الله


جملك الله برضى الرحمن

[هارودز]

الله يوفقك انشاءالله شوف الطيران المدني او مطار الدوحة الجديد يارب الله يوفقك

[R 7 A L]

دورك لك واسطة وامورك كلها بتسنع



لاتنظر اليها على انها واسطة بل مساعدة من احد الاصدقاء

[eXpert*]

أخوي طرش لي تفاصيلك على الخاص وإن شاء الله يكون لك نصيب شهر 9 .

[مـــفاهــيم]

الله ييسر امرك ويفتحه في وجهك ووجه اخوانك وخواتك اللي في نفس وضعك

والله ييسرها لكل من ييسر على ابناء بلده ومنهم اخواننا واخواتنا في هذا المنتدى الطيب

[ماسة قطر]

مرحبا أخوي

بخصوص دراستك أنت تقدر تروح عن طريق المجلس الأعلى للتعليم أذا عندك قبول غير مشروط من أحد الجامعات ألي باللستة لأن أهم شي لدى التعليم العالي هو قبول غير مشروط من أي جامعه من ضمن اللستة والتعليم العالي يكون لك سبونسر لحد ماتتخرج أو تحصل سبونسر ثاني

تحياتي

[1HAMAD1]

السلام عليكم اخواني اخواتي شكرا لكم للتجاوب مع موضوعي وتعاملكم معي كأحد من اشقأكم او ابنأكم بخصوص المجلس الاعلى, المجلس الاعلى يبون قبول فاونديشن من احد الثمان جامعات للفاونديشن ايير ,وانا عندي قبول للفاونديشن ايير من احد الجامعات الغير مدرجه في لسته الثمان جامعات ولكن في لسته المجلس الاعلى للجامعات المعتر فيها في بريطانيا..اخوي expert حاولت اتواصل معاك عالخاص بس ما قدرت لان مشاركات ما وصلت خمسين اتمنى اتطرش لي ايميلك عالخاص لاني اقدر بس استقبل ما اقدر ارسل . وبخصوص الشركات ,الديار ,بروه يبون واسطه مثل ما قلت والله المستعان . على العموم شكرا لكم جميعا على تفاعلكم معي واي سؤال انا حاظر . تحياتي

[تحداني]

الان عرف السبب وبطل العجب
انا قلت اكيد السالفه فيها " ان"


كذا لو تبي الحقيقه صعب اتحصل على سبونسر غير الطيران المدني
روح عند الاخ " فتحي " وراح يتكفل بكل المهمه ان شاء الله
بعد كليه المجتمع في الدائري الرابع ما اعرف الثالث


بالتوفيق يارب .. وجملك الله برضى الرحمن

[شنايدر]

قدم ايلتز لين ما تجيبه . . . انا مقدم 8 مرات لين جبتها . . . انت الحين في شهر 5 يعني عندك فرصه لين 9

4 شهووووور علشان نص فقط . . . اول ما تجيب الايلتز ابشر يالذيب كلمني اجيب لك قبول في يومين :victory:

[حيهور]

ذكرتني لما كنت في عمرك وابي اكمل واجاهد عشان اكمل

الله يوفقك

[بوحارب]

الله يوفقك ويسهل لك طريقك :)