عقلانيين ام عاطفيين ,, ام الاثنين ؟

[محمد]

السلام عليكم ,,

في هذا المنتدى .. تسرد كل الهموم ..

الديون ..
غلاء المعيشة ..
لا زيادات في الرواتب ..
ارتفاع اسعار البترول ..

الخ الخ .. نتذمر .. نسخط .. وفي الاخير ..

لو نستمع لمثل هذا الفيديو ..

http://youtu.be/s_cpf790vqU

عن نفسي ,, اهدء بعد سماعه خصوصا بصوت هذا الصبي الذي بعمر الزهور ..
تهدء نفسي .. و يقشعر بدني .. وقد تدمع عيني .. فـ اتساءل ؟


هل تتعارض العاطفة مع العقل ؟ وهل يمكن الجمع بينهم ؟

اراءكم .. و لابداء الرأي ضروري سماع ما هو بالرابط :nice: الله يحفظه لأهله ..

[alsubaiai]

الله ياعمري

قطـــــــــــــ فديت اترابج ــــــــــــــــر

[محمد]

شاكر مروركم ..

اخوي العاصف .. والله رايك احترمه بس اخالفك فيه هالطفل صوته فيه شجن وغناها باحساس فعلا جميل ..

وعودة للموضوع .. بما ان في رايك ان احنا عاطفيين ازيد من اللزوم هل معناها راح نتخذ قرارات نندم عليها مستقبلا او نتسرع فيها ؟!

[ام السعف]

لا اله الا الله محمد رسول

هل لما احس بعاطفة تجاه بلادي يعني هذا
اني ارضى ان يسلب حقي او اني اسلتمه ناقص او يقال لي مالك شي ؟

يعني الحين التونسي اللي حرق نفسه ما حرق بلاده ،،
هل حرق نفسه لأنه يحب بلاده ،،
ولا حرق نفسه لأنه مقهور من تصرفات حكومة بلاده ؟

فاحترق العزيزي وطار بن علي ،

واحنا ننتهج منهج العقل بالصراخ حتى يتيغير الحال للأفضل وما نبي
حد يحرق عمره لأن ما نفكر انطير حد :(

واللـــــــــــــــــــه يا عمري قطر

والله يرحمك يا محمد الساعي

[ورقة غار]

تاج راسي بلادي قطر لو شتسوي فيني كفايه الامان اللي احنه فيه

[intesar]

العزيزي يوم حرق نفسه .. لان شعر يإهانة شديدة كون امراة ضربته سطار .. ومنها ثار الشعب على الوضع .. يعني شي مدفون وطلع على السطح .. أنا أحب بلادي وانتقد المعقول .. لكن اللي مو حلو انه فيه ناس تنتقد كل شي .. حنا عايشين بخير وبعز مهما كان الفقر وكانت الديون لكننا مازلنا بنعمة وبخير ..
دمتم بود ..

[ام السعف]

العزيزي يوم حرق نفسه .. لان شعر يإهانة شديدة كون امراة ضربته سطار .. ومنها ثار الشعب على الوضع .. يعني شي مدفون وطلع على السطح .. أنا أحب بلادي وانتقد المعقول .. لكن اللي مو حلو انه فيه ناس تنتقد كل شي .. حنا عايشين بخير وبعز مهما كان الفقر وكانت الديون لكننا مازلنا بنعمة وبخير ..
دمتم بود ..

يقال ان العزيز حرق نفسه ، علشان يفك عمره من عار لبس ملابس الحريم في بلاده
بعدما انتشرت سالفة السطار اللي لقاه ،،
بينما الضابطة تنفي ضربها للعزيزي ،،

بس الظاهر من الحادثة ان العزيزي ضاق بحالته المادية وانتحر
وهناك كثيريين ينتحرون لضيق الحال ( اللهم عافنا مما بليتهم )،،

واحنا ولله الحمد ما نتمنى ان يوصل حد عندنا في قطر لمثل هذا الحال ،،

[محمد]

اختي ام السعف انتي رحتي بعيد بردج ..
انا قصدي هل العواطف تغير من قناعاتنا المبنيه على اساس المنطق والعقل ..
والاغنية مجرد مثال بالعكس اللعب على وتر العواطف يمكن يكون في اكثر من شكل وصوره خاصه بالاعلام المرئي و المقروء ,,

فـ نشوف البعض يوم شايط وحالته حاله .. ويوم راضي و منتشي وكأن شيء لم يكن ..

مثال ابسط .. شوفي عدد المعارضين لاستضافة كاس العالم قبل اعلان فوز قطر .. وشوفي عددهم عقب ما فازت قطر وانعرضت بالشاشات طريقة الفرحة لحظة الاعلان :)

[كادي]

وعليكم السلام ورحمة الله

اخووي انا معاك احنا صج نتذمر من كل شي بس الاكيد واللي مانقدر نقول عنه شي
احنا راضيين وساكتين :)
بس من ناحية العاطفه اقولك ترى الكل فيهم العاطفه اللي تسبق العقلانيه في واايد من الامور ويمكن هالشي حزات يحرجنا او يحطنا بمواقف مش ولابد وكله بسبب العاطفه !:secret:

حبيت اقوولك ترى وانا ارد عالموضوع اسمع الاغنيه ... جد جد لها تأثير <من النوع اللي تجيها العبره مع الاغاني الوطنيه:shy:

[ام السعف]

اختي ام السعف انتي رحتي بعيد بردج ..
انا قصدي هل العواطف تغير من قناعاتنا المبنيه على اساس المنطق والعقل ..
والاغنية مجرد مثال بالعكس اللعب على وتر العواطف يمكن يكون في اكثر من شكل وصوره خاصه بالاعلام المرئي و المقروء ,,

فـ نشوف البعض يوم شايط وحالته حاله .. ويوم راضي و منتشي وكأن شيء لم يكن ..

مثال ابسط .. شوفي عدد المعارضين لاستضافة كاس العالم قبل اعلان فوز قطر .. وشوفي عددهم عقب ما فازت قطر وانعرضت بالشاشات طريقة الفرحة لحظة الاعلان :)

اخوي محمد ،، اللي مقتنع بالمبدأ مستحيل يغير رايه

عني وحدة ما غيرت رايي ،، فرحت لفرح الأمير ،، بس غصتي
تمت في قلبي ،، ولا اذكر اني قلت انا غيرت رايي :(

فاللي غير رايه هذا كيفه ،، يمكن شاف الموضوع بنظرة ثانية :)

لكن بعد اقدر اتفق معاك ان مرات كثيرة المود يكون له دور كبير
في قياس الأمور ،، او التعامل معاها او الرضوخ لها برضا
او اجبار ،،:)

[محمد]

وعليكم السلام ورحمة الله

اخووي انا معاك احنا صج نتذمر من كل شي بس الاكيد واللي مانقدر نقول عنه شي
احنا راضيين وساكتين :)
بس من ناحية العاطفه اقولك ترى الكل فيهم العاطفه اللي تسبق العقلانيه في واايد من الامور ويمكن هالشي حزات يحرجنا او يحطنا بمواقف مش ولابد وكله بسبب العاطفه !:secret:

حبيت اقوولك ترى وانا ارد عالموضوع اسمع الاغنيه ... جد جد لها تأثير <من النوع اللي تجيها العبره مع الاغاني الوطنيه:shy:

لا تكفين لا تصيحين :(

مشكوره على ردج .. وفعلا العاطفه ايجابيه في احيان و سلبية في احيان في وجهة نظري كل ما كانت اساس اتخاذ قرار فـ هي سلبية

[Miss]

عاطفيين للاسف .. ومحد وصلنا لهالحال الا هالعاطفه اللي تجيينا في وقت غلط :(

[بوو جاسم]

العاطفي الي ما يعرف يفرق بين وطنه والمسؤولين الي في وطنه
وما اظن ان الي يطالب بحقوقه نقدر نعتبره عاطفي

[بـــــــنت النوخـّــــذه]

اختي ام السعف انتي رحتي بعيد بردج ..
انا قصدي هل العواطف تغير من قناعاتنا المبنيه على اساس المنطق والعقل ..
والاغنية مجرد مثال بالعكس اللعب على وتر العواطف يمكن يكون في اكثر من شكل وصوره خاصه بالاعلام المرئي و المقروء ,,

فـ نشوف البعض يوم شايط وحالته حاله .. ويوم راضي و منتشي وكأن شيء لم يكن ..

مثال ابسط .. شوفي عدد المعارضين لاستضافة كاس العالم قبل اعلان فوز قطر .. وشوفي عددهم عقب ما فازت قطر وانعرضت بالشاشات طريقة الفرحة لحظة الاعلان :)

عفوا" على المداخله بس عندي تعليق بسيط 000

تعليقك ذكرني بأيام الحروب بمصر 00مره شفت لقاء لاحد القاده المصريين بالجيش وقال يوم هزيمة مصر كنا نستعين بام كلثوم لرفع روح الشعب والجيش ووهم العدوا بالنصر

صحيح كلامك الشعوب (0العربيه ) عاطفيه

واكبر دليل في مصر ايام الثوره 25 يناير كانوا اذا يبون يرفعون حماس المتظاهرين حاطين ستيريو شكبره مشغلين عليه النشيد الوطني لهم فعلا" كان يشعللهم ويرفع حماسهم00

شعوب عربيه عاطفيه :nice:

[مـــفاهــيم]

لا اله الا الله محمد رسول

هل لما احس بعاطفة تجاه بلادي يعني هذا
اني ارضى ان يسلب حقي او اني اسلتمه ناقص او يقال لي مالك شي ؟

يعني الحين التونسي اللي حرق نفسه ما حرق بلاده ،،
هل حرق نفسه لأنه يحب بلاده ،،
ولا حرق نفسه لأنه مقهور من تصرفات حكومة بلاده ؟

فاحترق العزيزي وطار بن علي ،

واحنا ننتهج منهج العقل بالصراخ حتى يتيغير الحال للأفضل وما نبي
حد يحرق عمره لأن ما نفكر انطير حد :(

واللـــــــــــــــــــه يا عمري قطر

والله يرحمك يا محمد الساعي

:nice::nice::nice:

الله يرحمك يا محمد الساعي ويرحم ايامك

[(بوطلال)]

الاثنين معا عقلانيين وعاطفيين.

نبحث عن الافضل ونحن الافضل وفي نفس الوقت عندما نستمع الى اغنيه وطنيه نتجرد من تطلعاتنا ونعيش واقعنا الجميل بلد امان وحاكم ينحط على الجرح يطيب وشعب محب للقياده وتراب الارض.

[بوخالد911]

الاثنين معا عقلانيين وعاطفيين

[ام السعف]

:nice::nice::nice:

الله يرحمك يا محمد الساعي ويرحم ايامك

اي والله ،، الله يرحمه ،، القلب يفز من مكانه لسمعنا الله يا عمري قطر
وفي الوقت نفسه يرقص على الرغم من الألم لو رددنا والله احبج يا قطر ،،

فحب الوطن ابدا ماله خص في الرخاء او الراحة ،، وايد ناس راضيين بالضيم
لحبهم لتراب وطنهم ،، في كل دول العالم مب بس في قطر ،،

[بوو جاسم]

الاثنين معا عقلانيين وعاطفيين.

نبحث عن الافضل ونحن الافضل وفي نفس الوقت عندما نستمع الى اغنيه وطنيه نتجرد من تطلعاتنا ونعيش واقعنا الجميل بلد امان وحاكم ينحط على الجرح يطيب وشعب محب للقياده وتراب الارض.

أقول بو طلال
عيل الشعب السعودي 3.5 مليون مواطن؟
وقطر تصدر 280 ألف برميل في اليوم؟

الصراحة بعد ما شفت ردك وحسبتك عرفت مستوى تفكير الشخص الي امامي
واعلن تبرأي من آراءك في المنتدى
الله يوفقك