طلب مساعده

[alfahad1]

هل بالأمكان لشخص اجنبي بالألتحاق في جهه للعمل لمدة شهر لانه يدرس بالجامعه

ومطلوب منه يشتغل بالاجازه وهو مهندس كهربائي وين ممكن يقدم

ابو الولد طلب مني وانا طقيت صدري وقلتله ابشر ورحت كيوتل قالولي الاولويه للقطري

وشكرا

[كازانوفا]

هههههههههه
الله يجزيك خير لانك حاولت تساعده
وان شالله الاعضاء بيساعدونك بالرد الصريح والمناسب

[راعي ال VXR]

حتى لو ماصار ...لكن تاكد انك حصلت اجر على نيتك انك تساعده

[ANONYMOUS]

اعتقد انت تسأل عن التدريب العملي لطلبة الجامعه وهو شهر او شهرين في اي من مواقع العمل


انا اعرف ان الجامعه تنسق بين الطالب وبين جهة العمل ( حتى لو كان اجنبي) ..

صححوا لي المعلومه لو خطا يا أخوان

وليس الطالب يذهب للبحث عن مكان

والله اعلم

[alfahad1]

هههههههههههه

بخصوص المساعدات ياما ساعدناهم كل شهر يطلعلي واحد اللي يبيلي اروح وياه او يتصلي اترجمله بالعربي

ولا اتوسطله ولا مسوي حادث ........ لكن يستاهلون والله .

اخوي anonymous الولد مقيم في بلاده وبيجي بعد شهر ومعاي اوراقه

تحياتي لكم

وشكرا على تعاونكم

[أسد الجزيرة]

هذي تضبطها بينك و بين المدير بس ما اعتقد اي شركة تعطيه ورقة رسمية انه عنده خبرة

[حيهور]

أنا قايلك في المسجد جيبه وانا أتصرف

بس لان مسلم يستاهل أخونا الكندي

[sendarala]

ان شاء الله في ميزان حسناتك لانك تحب تساعد وتحب الخير للغير

ما شاء الله كندي ويبي يشتغل عندي في قطر ( اكيد سمع عن رواتبهم اللي هي ضعف رواتبنا ) <<<< اضحك معاك

الله يسهل لك وله الامور

[alfahad1]

يالربع اشدخل كندا في السالفه الولد باكستاني