بخصوص مكيفات الوينوا والغسيل والصيف

[حياة]

السلام عليكم ورحمه الله وبركاته
مطلوب محل لغسيل المكيفات ومضمون انه مايبدل شي في المكيف
انا تعبت كل سنه اغسلهم عند محلات الهنود وعقبه يدمر المكيف مره وحده واذا جبنا حد يصلح قال الكمبريسر والا مادري وشو خربان وتصليحه ب800 وانا طبعا اكنسل المكيف واشتري جديد
بس المشكله الحين من اللي بيامن مره ثانيه
فقلت يمكن فيه شركه لها سمعه لان مكيفاتي مش نوع واحد من كذا شركه وانتوا تعرفونهم ماياخذون الا اللي تبعهم فقط
والله يجزاه خير اللي عنده فكره

[+abc]

سلاام عليكم .. اخوي اذا مكيفاتك ماتبطلت من قبل عند هالمحلات الي تقول عليها نزل المكيف في الحوش وميله شوي وعطه برشر ماي وخله شوي لين يلين الوصخ الي في البيبات وعطه مره ثانيه برشر وخله ينشف وركبه وادعيلي عقب لانه هذا الي يسوونه محلات الهنود ويقولك كمبريسر ويخربط عليك غاز ناقص والدعوه كلها انه طريق الهوا مسدود ويبيله تنظيف بس عشان كذا تلاقي المكيف مايدف ويثلج

وانا لي سنين بهالطريقة ومرتاح

بس اهم شي لاترش الماي على وايرات الكهرب الي قدام يعني حاول مايصيدها

وهالكلام عالويندو والسبلت الداخلي بس لانه الوحدة الخارجيه ماتحتاج تنظيف الا بالهوا بس

[Rider]

كلنا نعاني من المكيف المفروض والواحد يغسل المكيفات قبل الصيف تحصل محلات المكيفات ماعندهم شغل ويغسلون المكيف لك صح ومثل ماقال اخوي الي قبلي اذا الواحد فيه شده ينزل المكيف في الحوش وعنده مكينة برشر خلاص امورك سهالات