ابــــي محامـــي جزاكـــــم اللــــــه خيــــــر وخايفــــة علـــــــى ولـــــــــدي

[مملوحة الفال]

السلام عليكم ورحمة الله وبركاته ,,,





اخواني وخواتي انا في مشكلة من 4 سنوات واكثر وانا اعاني منها الا وهي زوجي السابق



اخذ ولدي مني ومارجعه وحالي مايعلم فيه الا الله هو خذاه من سنة للعلم ودخله المدرسة - تمهيدي


وتوسطوا ناس بينا على اساس انا مابي شوشره في المراكز والمحاكم قال بس يخلص المدرسة بيرده لي


وقلت يابنت الحلال اهم شي الولد خليه يخلص والله يعلم بحالي كل ليلة مثل اي ام والله العظيم

نفسيتي متحطمة ولليوم ماجاب الولد ...


وفيه مشكلة ثانية خذت له سلفية من البنك كان متوهق وبينسجن نص مليون على اساس ببيع



ورثة من ابوه وبيعطيني اياهم خاصة ان السلفة مع الفوايد مليون وربع او اكثر ولليوم ماشفت



شي وكل شهر البنك يخصم مني القسط وغير هذا كان عنده توكيل وانا الغيته وهو يدري راح



البنك بالتوكيل اللي معاه وسحب فلوس من حسابي مع علمه انه ملغي بس يدري اني ماقدر


اشتكي عشان ولدي مايشوف ابوه في المحاكم ولا في السجن ..


بكون صريحة معاكم وحده من خواتي استشارت محامي خاصة اني خذيت نسخة من سحبه



للفلوس وتوقيعه وصورة بطاقته خذتهم من البنك والمحامي قال بيروح فيها ..


بس المشكلة مادري شسوي هو ابو ولدي وبينا عشرة وانا بنت ناس ومابي اطلع قليلة اصل


وهو مستغل اني ماقدر اشتكي للأسباب المذكورة وانا حاليا تعبت ابي اشتكي عليه بس خايفة


على مشاعر ولدي



انصحوني شسوي للعلم ماعندي اخوان كبار وابوي واحد كبير

[بو راشد 1]

لا احب ان اكون محضر شر، و لكن ان صدق ما قلتيه، فانا اسف ان اقول ان ريلج حرامي، ولازم يعاقب بالقانون و يعرف ان الله حق.

[..er..]

اول شي الله يعينك على مابتلاك

وتقر عينك بولدك

وثاني شي صراحه مادري وش انصح فيه لاني ماعرف انصح نفسي علشان انصح غيري

جربي تستشيرين بعض المحاميين ويعطونك خبر عن الموضوع كامل سواء من السلفيه او ولدك

وراح اسال عن بعض المحاميين واعطيك اسمائهم

واعتقد لو تروحين لـ حقوق المرأه والطفل راح يفيدونك اكثر

والله يفك كربتك ويعينك :)

[مملوحة الفال]

لا احب ان اكون محضر شر، و لكن ان صدق ما قلتيه، فانا اسف ان اقول ان ريلج حرامي، ولازم يعاقب بالقانون و يعرف ان الله حق.



والله ياخوي اني اكتب الحين ودموعي ماتوقف شوق لولدي وحسرة على عمري والله بعزته وجلاله شاهد علي اني ماكذبت بشي حتى انا اختصرت لأنه في اشياء الله العالم فيها

وجزاك الله خير ياخوي

[غير البشر]

اختي الله يكون في عونج :(


امممممممم على الخاص

[محمد الجفيري]

السلام عليكم ورحمة الله وبركاته ,,,





اخواني وخواتي انا في مشكلة من 4 سنوات واكثر وانا اعاني منها الا وهي زوجي السابق



اخذ ولدي مني ومارجعه وحالي مايعلم فيه الا الله هو خذاه من سنة للعلم ودخله المدرسة - تمهيدي


وتوسطوا ناس بينا على اساس انا مابي شوشره في المراكز والمحاكم قال بس يخلص المدرسة بيرده لي


وقلت يابنت الحلال اهم شي الولد خليه يخلص والله يعلم بحالي كل ليلة مثل اي ام والله العظيم

نفسيتي متحطمة ولليوم ماجاب الولد ...


وفيه مشكلة ثانية خذت له سلفية من البنك كان متوهق وبينسجن نص مليون على اساس ببيع



ورثة من ابوه وبيعطيني اياهم خاصة ان السلفة مع الفوايد مليون وربع او اكثر ولليوم ماشفت



شي وكل شهر البنك يخصم مني القسط وغير هذا كان عنده توكيل وانا الغيته وهو يدري راح



البنك بالتوكيل اللي معاه وسحب فلوس من حسابي مع علمه انه ملغي بس يدري اني ماقدر


اشتكي عشان ولدي مايشوف ابوه في المحاكم ولا في السجن ..


بكون صريحة معاكم وحده من خواتي استشارت محامي خاصة اني خذيت نسخة من سحبه



للفلوس وتوقيعه وصورة بطاقته خذتهم من البنك والمحامي قال بيروح فيها ..


بس المشكلة مادري شسوي هو ابو ولدي وبينا عشرة وانا بنت ناس ومابي اطلع قليلة اصل


وهو مستغل اني ماقدر اشتكي للأسباب المذكورة وانا حاليا تعبت ابي اشتكي عليه بس خايفة


على مشاعر ولدي



انصحوني شسوي للعلم ماعندي اخوان كبار وابوي واحد كبير



اختي هو ما احترم العشره
وما شاالله عليج صبرتي واتحملتي بس الحين لازم تتصرفي

\المثل يقول (( اذا كان حبيبك عسل لا .... ))

وزوجج مستغل طيبتج وخوفج على ولدج
ولا تخافي اذا بتطلبين حقج تضلين اصيله وبنت ناااس وعز
وان شالله يرجع لج ولدج ويتربى عندج

:)

[مملوحة الفال]

اول شي الله يعينك على مابتلاك

وتقر عينك بولدك

وثاني شي صراحه مادري وش انصح فيه لاني ماعرف انصح نفسي علشان انصح غيري

جربي تستشيرين بعض المحاميين ويعطونك خبر عن الموضوع كامل سواء من السلفيه او ولدك

وراح اسال عن بعض المحاميين واعطيك اسمائهم

واعتقد لو تروحين لـ حقوق المرأه والطفل راح يفيدونك اكثر

والله يفك كربتك ويعينك :)



اختي اسشارت محامي قال سالفة البنك بروحها والتوكيل الملغي بتوديه في داهية وكان قبل وانا عنده ياخذ راتبي والأفلام مالت البنك واللي على ال atm تثبت هالشي بس المشكلة مثل ماقلت حاولت اتفاهم معاه طول هالسنين كان يستقوي علي ويغلط علي انا ماعندي احد يخاف منه بس اللي كاسر ظهري ولدي والله العظيم وربي شاهد علي مابي احد يعايره بأبوه يمكن انتوا تشوفوني ضعيفة لا والله ادل المراكز وادل المحاكم بس والله ما منعني الا سمعة ولدي اللي هي سمعة ابوه لو دش السجن

[رياني qtr]

القصة طويلة وانا ماتعودت اصدق اي شي الا اسمع الطرفين عموما اختي اذا تبغين محامي كبير وبشهادة الجميـــــــــع واسعاره معقولة عندج الاستاذ مبارك جوهر العلي وموقع مكتبه في مدينة خليفة وتقدرين تاخذين رقم مكتبه مو كيوتل وان شاءالله بتاخذين حقج وبالتوفيق

[..er..]

اختي اسشارت محامي قال سالفة البنك بروحها والتوكيل الملغي بتوديه في داهية وكان قبل وانا عنده ياخذ راتبي والأفلام مالت البنك واللي على ال atm تثبت هالشي بس المشكلة مثل ماقلت حاولت اتفاهم معاه طول هالسنين كان يستقوي علي ويغلط علي انا ماعندي احد يخاف منه بس اللي كاسر ظهري ولدي والله العظيم وربي شاهد علي مابي احد يعايره بأبوه يمكن انتوا تشوفوني ضعيفة لا والله ادل المراكز وادل المحاكم بس والله ما منعني الا سمعة ولدي اللي هي سمعة ابوه لو دش السجن

دام العشره والسنين اللي راحت ماحترمها

ماعتقد راح تكون مشكله اذا خذيتي حقك

وماعتقد بيصير للولد شي بالعكس راح يرجع لك ويعيش في حضنك

حاولي تكلمين احد يقعد معه ويحاول فيه بالطيب اذا مانفع

مافيه غير المحكمه بعد الله سبحانه تاخذ حقك :)

وطبعآ كل شي وله حد وهذا الشي وصل حده :(

[N7eEeS]

بناء على كلامج اعلاه.
هذا متخالف مع الرجوله الرجوله في صوب وهو في صوب.
طبعا لعدة اسباب.
اهمها انج خذتي سلفيه علشانه واخرتها طلقج ولا بين في عينه ومن قوة عينه راح وسحب فلوس من حسابج على الرغم انج الغيتي التوكيل المبلغ هذا تقدرين تاخذينه من البنك بدون محامي وماعليج منهم ولا روحي اشتكي عليهم في البنك المركزي وتقدرين تقدمين الشكوى عن طريق النت.
طبعا كنت باقولج شوفي حد كبير ويكلمه بس هذا ماينفع معاه الكلام بناء على تصرفاته معاج ومشكلتج بنت وضعيفه ولو اني في الدوحه كان خدمتج.
توكلي على الله وكلي محامي وانا ارشح محمد احمد المهندي او ناصر الكعبي والله ايسر امورج، وولدج الله بيحفظه لانج مش جالسه اتسوين شي غلط واللي ابتلى شيسوي امر وانجبرتي عليه

[La.Queen]

اختي الحين الموضوع موضوع الولد والا الفلوس ...

الولد .. مادري شاقولج

والفلوس... زوجج السابق حرامي وخلي القانون ياخذ مجراه وكلي حد من هلج وخليهم وراه فالمحاكم لاتدخلين انتي المحاكم اذا ما يتطلب هالشي - ماعندي خلفيه عن البروسيجر - لكن الله يفرجها عليج ان شاء الله

[سلمان_1]

السلام عليكم
اسمحي لي اختي بالدلاء برايي

اولاً : بالنسبة للفلوس اللي خذاها من البنك بناء على توكيل منج فلا اعتقد ان لج اي حق فيها لانه انتي عطيتيه الفلوس برضاج.


ثانياً: بالنسبة لحضانة الطفل فهو من حقج اذا ما رجع الولد اشتكي عليه بيعطونج الحضانة و بيخلونه يدفع لج جزء من راتبه صرفيه للولد.

[مملوحة الفال]

اخواني وخواتي اعذروني ماقدر ارد على الكل والله من اللي في قلبي الأخوان اللي قالوا الولد ولا الفلوس انا ابي ولدي وما ابيه حتى يصرف عليه ومسامحته بس القرض حرام باقي سنين لين اخلص

القاضي بيحلفه وبعدين اكيد محد بيكون معانا لما خذت له السلفية لأنه زوجي وابو ولدي وكان بينسجن


يعني القاضي مب مصدقني


وحبيت اوضح اني سكت لأني خايفو على مشاعر ولدي فديت قلبه مابي ابوه يتشوه في عينه

والله

[عيون الدوحة]

يابنات لا حد يتهور وياخذ دين حق أي شخص الا نفسة
لان الدنيا مابها أمان مثل قبل

[مملوحة الفال]

يابنات لا حد يتهور وياخذ دين حق أي شخص الا نفسة
لان الدنيا مابها أمان مثل قبل



فديتج اذا كان ابو ولا اخو ولا زوج ماراح تفكرين وماتبين الا امورهم تنحل
المهم محد يتنكر للثاني واذا فلت في الدنيا الحساب يوم الحساب وين بيروح

[ANONYMOUS]

خياراتج صعبه

بس لازم تختارين


وانا رايي على قولة اخوي بوراشد 1 .. مابي اكون محضر شر.. بس غالبا القانون معاج بإذن الله

[STAR]

انا لو بمكانج بشتكي عليه ولا همني,,,,


واذا عالياهل طبعا ماراح اقوله شي .. خاصةً انه ياهل مايدري شسالفة...


هذا حقج وهو قاعد يستغلج .....


لا تصيرين مغفلة.....


كافي استغلاااااااااااااااااااااااااال...

[الشامخ]

الله يعيينك ، موضوعك موضوع شخصي

كان من المفترض منك عدم طرح موضوعك بهذا الشكل ، الكل قام يقول راي مع احترامي الشديد ، والمفترض انك ترجعين للاستشارات العايلية ، او المشايخ المعروفين في حل مثل هذي القضايا

[مطراش]

الموضوع بصيط جدا جدا وهدش من الكلام الي ما منه فايده
لانه المنتدى مش ستشارات عائليه عشان تتناقشين فيه في هذي الموضيع الحساسه جداا مع حترامي الك
وارجو من المشرفين اغلاق الموضوع في اسرع موقة ممكن
بس نصيحه الحل هو انك ترجعين حق زوجك وتتفاهمون لانه صار بينكم نفس ما اتقولين عشره وولد يعني الموضوع معقد وموب بسيط ارجوا انك ما تجني على طفلك المسكين ويارب يوفقكم مع بعض ام بنسبه حق الولد شلون اتشوفينه تلفون صغير حق الاستشارات العائليه وهما ما بقصرون معك وبخلونك اتشوفينه وبحلون جميع مشاكلك وارجوا انك ما اتكبري الموضوع وتدورن على مصلحتك ومصلحة ولدك وزوجك اللحين انتي لازم اتكونين جنبهم على فكره الناس اتحب اتسوي سولف وقصص وعلى فكره موب كل الناس اتحب بعض على فكره كل الناس عندها مشاكل موب بس انتي بس الاهم انا انحل مشكلنا بروحنا احسن

[حدالكلمه]

خليه يرد الولد مقابل عدم الشكوى عليه

[مملوحة الفال]

الله يعيينك ، موضوعك موضوع شخصي

كان من المفترض منك عدم طرح موضوعك بهذا الشكل ، الكل قام يقول راي مع احترامي الشديد ، والمفترض انك ترجعين للاستشارات العايلية ، او المشايخ المعروفين في حل مثل هذي القضايا



ياخوي الله يرضى عليك انا ماقلت من انا ولا من هو


وانا ماطرحته الا لأنه استقوى علي وحاولت من 4 سنين ومنها من سنة ولدي عنده اتفاوض معاه


يقولي بلطي البحر


الاسشارات ابشرك على حسب معارفك من الموظفين تمشي امورك


غير هذا انا ماغيت اسوي شوشره لولدي ولا اضايقه ولا شي يكدره هذا جزاي


وانا دخلت ناس قص عليهم بالكلام وآخرتها يا يسكر التلفون في وجيهم يا يروحون له ويتهرب

بعد انا غلطانه يعني لازم استقوي وادخله مراكز وافضحه قدام الله وخلقه

ياخوي بغيت آرائكم يمكن يكون فيها شور انا ماقدرت اوصله بغيت مساعدتكم


لا تلوموني تراني بنت ناس والله العظيم وماحب المشاكل

[مطراش]

اسف على الاخطاء الاملائيه كنت منفعل في الموضوع

[مملوحة الفال]

الموضوع بصيط جدا جدا وهدش من الكلام الي ما منه فايده
لانه المنتدى مش ستشارات عائليه عشان تتناقشين فيه في هذي الموضيع الحساسه جداا مع حترامي الك
وارجو من المشرفين اغلاق الموضوع في اسرع موقة ممكن
بس نصيحه الحل هو انك ترجعين حق زوجك وتتفاهمون لانه صار بينكم نفس ما اتقولين عشره وولد يعني الموضوع معقد وموب بسيط ارجوا انك ما تجني على طفلك المسكين ويارب يوفقكم مع بعض ام بنسبه حق الولد شلون اتشوفينه تلفون صغير حق الاستشارات العائليه وهما ما بقصرون معك وبخلونك اتشوفينه وبحلون جميع مشاكلك وارجوا انك ما اتكبري الموضوع وتدورن على مصلحتك ومصلحة ولدك وزوجك اللحين انتي لازم اتكونين جنبهم على فكره الناس اتحب اتسوي سولف وقصص وعلى فكره موب كل الناس اتحب بعض على فكره كل الناس عندها مشاكل موب بس انتي بس الاهم انا انحل مشكلنا بروحنا احسن



ياخوي ضريتك بشي

وين تبوني اروح طلبت شوركم مابيكم انتوا والزمن علي والاستشارات اعيد وازيد مافادوني

ماعندهم الا يتصلون ويهذرون على راسك لين تنسى انت وش جاي علشانه

وبعدين اكون جنب من ؟؟؟؟

جنب اللي قطني وتنكر لي امرك عجيب

[غير البشر]

ياخوي ضريتك بشي

وين تبوني اروح طلبت شوركم مابيكم انتوا والزمن علي والاستشارات اعيد وازيد مافادوني

ماعندهم الا يتصلون ويهذرون على راسك لين تنسى انت وش جاي علشانه

وبعدين اكون جنب من ؟؟؟؟

جنب اللي قطني وتنكر لي امرك عجيب


اختي محد يحب المشاكل
لكن في اشياء تصير غصب علينا نتخذ فيها قرار والتأخير اعتقد ماراح يكون في صالحج وصالح الولد

اخذي الحضانه والنفقه والسكن هذا من حقج
اختي الي خان الامانه يتحمل الي يجيه
وان سكتي عن حقج ضاع كلشي منج

الله يوفقج ويسهل امورج

[بوخالد911]

الله يسهل عليج ويكون بعوونج

[استغفرالله]

اختي انتي ماخذة فكرة غلط عن المحاكم

ثرى حتى البنات اللي فيهم خير يروحون المحاكم ويشتكون

عيل ليش الدولة حاطة محاكم وليش الله سبحانه مسوي جنة ونار

لازم في الدنيا مجرمين مثل طليقج ولازم تاخذين حقج منه

اختي روحي اقرب محامي واشتكي ولا ولدج مب شايفته ولا فلوسج


وسوي توكيل للمحامي يحضر عنج

[مملوحة الفال]

اختي محد يحب المشاكل
لكن في اشياء تصير غصب علينا نتخذ فيها قرار والتأخير اعتقد ماراح يكون في صالحج وصالح الولد

اخذي الحضانه والنفقه والسكن هذا من حقج
اختي الي خان الامانه يتحمل الي يجيه
وان سكتي عن حقج ضاع كلشي منج

الله يوفقج ويسهل امورج


اخوي الفاضل بعض الردود نست او تناست وهم يتهموني بالتشهير بنفسي وبطليقي اني صبرت وماشكيت عاد الشكاوي بأسمائنا تخيل التشهير شلون وقطر صغيرة والشرطة والموظفين اللي في المحكمة يهذرون وهالشي اعرفه مروا فيه ناس اعرفهم
وبعد انا الغلطانة ياجماعة انا صبرت علشان ولدي وسالفة السلفة كان واجب آخذها لأني مب مغفلة مثل ماتفضل البعض الا تعلمت اني اوقف مع زوجي وهو كان معرض للحبس ومجا في بالي اي احتمال انه ممكن يطردني ويعدها يطلقني على فكره هو طلقني عشان بيتزوج وحده ثانية وهي شرطت عليه هالشرط
مب لأني زوجة مغفلة ولا فيني عيب عيبي اني عملت باصلي انا لي الله بياخذ حقي

ولو ابي اشهر فيه ماصبرت هالسنين

[القطري554]

سلام عليكم

اختي اعتقد حقوقك كثيرة بالموضوع انسان بهالصورة لازم تكونين معاة قانونية ومحاكم

دام الطفل عادة صغير قبل لا يكبر ويفهم والله يرجع لك ولدك يارب

[مملوحة الفال]

بناء على كلامج اعلاه.
هذا متخالف مع الرجوله الرجوله في صوب وهو في صوب.
طبعا لعدة اسباب.
اهمها انج خذتي سلفيه علشانه واخرتها طلقج ولا بين في عينه ومن قوة عينه راح وسحب فلوس من حسابج على الرغم انج الغيتي التوكيل المبلغ هذا تقدرين تاخذينه من البنك بدون محامي وماعليج منهم ولا روحي اشتكي عليهم في البنك المركزي وتقدرين تقدمين الشكوى عن طريق النت.
طبعا كنت باقولج شوفي حد كبير ويكلمه بس هذا ماينفع معاه الكلام بناء على تصرفاته معاج ومشكلتج بنت وضعيفه ولو اني في الدوحه كان خدمتج.
توكلي على الله وكلي محامي وانا ارشح محمد احمد المهندي او ناصر الكعبي والله ايسر امورج، وولدج الله بيحفظه لانج مش جالسه اتسوين شي غلط واللي ابتلى شيسوي امر وانجبرتي عليه



الله يوفقك اخوي مشكور وماقصرت

[استغفرالله]

اختي اللي سويتيه انهزام

صيري شجاعة وطالبي بحقج وهذا ما ينقص منج و من ولدج شي

طالبتي بحقج وحق ولدج لمصلحته بعد

[واثق بالله]

الله يكون في عونج

رب العالمين موجود يابنت الناس

وسهوم الليل ماتخطي

بس لام تهزينه على الاقل بقضية

الحضانه والنفقه اللي هي من حقج

وان مافاد فيه صفي باقي القضايا

وانتي الرابحه

بعدين المحاكم صارت شي طبيعي

في هالوقت اللي انتشر فيه الظلم

[مملوحة الفال]

ياجماعة ردي للجميع انا لا مغفلة ولا جبانة ولا انهزامية شرحت لكم الأسباب اللي مانعتني قبل

لا اطرح المشكلة في المنتدى ولدي اهم سبب واعتقد اني شرحت وضعي وخوفي علي والسلفية

قلت خذيتها لأنه صار عنده ظرف طارئ مايصير اتخلى عنه واذا حلف انه ماخذ شي فلا حول ولاقوة إلا بالله

وانا مابي مصروف لا لي ولا لولدي بس يرده لي وشكلي مثل ماقلتوا بشوف محامي ويقول لي

ايش اللي ممكن اسويه في حالتي وربي اعلم اني مارح الجأ للقضاء الا لأنه حدني انا مايصفى لي من راتبي الا بهانس

[halcrow]

اخذي الكلام مني وتركي عنك العواطف وتاكدي ان هذا حقج

للاسف زوجج ماقدر العشره ولا احترمج .... ولاراعى السلفيه الاولى مليون وشي ولا مفتكر

تاكدي ان القانون في صفج ولا تتنازلين عن اي شي

اولا بالنسبه للسلفيه الاولى نص مليون وفوايدها .... هاذي انسيها ...انتي برضاج وموافقتج وبدون اي ضمان تعاقدي .... واعتقد قالج شفوي .... ...والله يعينج

بالنسبه الي بدون توكيل ...استمري في الاجرراءات القانونيه ونشالله تاخذين حقج


طبعا كمطلقه من قانون الاسره القطري
ومن معرفه
لج الحق براتب شهري يستقطع من الزوج مع توفير مسكن ولج الحق في حضانه الطفل ..طبعا تاخذينهم بقوه القانون
انصح لا تستهين فيهم هذا حقج واعتبريه تعويض عن المبلغ الاولي

والله الموفق

[Qtr Denver]

عليكم السلام ورحمة الله وبركاته

الله يعينج اختي ..

شوفي موضوع اخونا الفيصل يمكن يفيدج
http://www.qatarshares.com/vb/showthread.php?t=110024

او كلميه ع الخاص .. وهو ماشاء الله عليه ماراح يقصر معاج ..

[مملوحة الفال]

الله يكون في عونج

رب العالمين موجود يابنت الناس

وسهوم الليل ماتخطي

بس لام تهزينه على الاقل بقضية

الحضانه والنفقه اللي هي من حقج

وان مافاد فيه صفي باقي القضايا

وانتي الرابحه

بعدين المحاكم صارت شي طبيعي

في هالوقت اللي انتشر فيه الظلم


والنعم بالله وصدقت سهوم الليل ماتخطي

[حقيقه]

اخذ ولدي مني ومارجعه خذاه من سنة للعلم ودخله المدرسة - تمهيدي
بس يخلص المدرسة بيرده لي ولليوم ماجاب الولد


اهاااااا خذاه من سنه يعني غسل مخ الطفل وماتوقع بيرد لتس واهو مشتاق لتس كأمه كثر شوقه وحبه لابوه بما انوه عاش معاه كل هالفتره


يدري اني ماقدر اشتكي عشان ولدي مايشوف ابوه في المحاكم ولا في السجن ..



اذا اشتكيتي واثبتي انه نصب عليتس اعتقد بتكون هالنقطه لصالحكم انتي والطفل اعتقد بتكون حضانته من حقتس بما انه ابوه عليه قضيه

المشكلة مادري شسوي هو ابو ولدي وبينا عشرة وانا بنت ناس ومابي اطلع قليلة اصل
وهو مستغل اني ماقدر اشتكي للأسباب المذكورة وانا حاليا تعبت ابي اشتكي عليه بس خايفة
على مشاعر ولدي انصحوني شسوي للعلم ماعندي اخوان كبار وابوي واحد كبير


واهو بااع العشره
وحتى الولد مايبيتس تاخذينه ترى ماخذه مب حباً ف الطفل لااا ماخذه قهراً فيتس ويدري انوه نقطة ضعفك وبيضغط عليتس من خلاله
اذا كان هو مادي مايفكر الا بالفلوس؟

والطفل ماراح يتأثر بما انه بعيد عن هالاجواء
وماعتقد بتشررحين له كل جلسه وش صار فيها

وبالنهايه بتاخذين حقوقتس واهو بيولي تنازلي عن نفقة الطفل مقابل يتركم بحالكم

ترى محد بيفيدتس بهالدنيا كل واحد مشغول بحاله ماغير فالحين بالحكي عن اعراض الناس وخصوصاً اللي منفصله وداخله المحاكم
روحي ارفعي عليه قضيه ولاتخافين انتي مب غلطانه وخلي كل الناس يولووووون

والقرار بالنهايه لتس انتي وبس

ولاتصدقين في عمرتس رجال بعد اللي صار

كوني انتي محاميه لعمرتس اهم شيء الاثباتات كلها موجوده

حسبي الله ونعم الوكيل

[SonOfQatar]

الله يعينك يا إختي عليك بالتوكل على الله و الدعاء بأن الله يهديه و يرجع لك الولد .. فعلا موقفك صعب مالك إلا أحكم الحكماء الله إلجأي له و إدعيه ليل و نهار و بتبشرين بالخير بإذن الله

[عاشق الشهادة]

الله يكون بالعون اختي ,

شيكي الخاص وان شاء الله اقدر اساعدج قدر استطاعتي .

[ღغروريღ]

السلام عليكم ورحمة الله وبركاته ,,,





اخواني وخواتي انا في مشكلة من 4 سنوات واكثر وانا اعاني منها الا وهي زوجي السابق



اخذ ولدي مني ومارجعه وحالي مايعلم فيه الا الله هو خذاه من سنة للعلم ودخله المدرسة - تمهيدي


وتوسطوا ناس بينا على اساس انا مابي شوشره في المراكز والمحاكم قال بس يخلص المدرسة بيرده لي


وقلت يابنت الحلال اهم شي الولد خليه يخلص والله يعلم بحالي كل ليلة مثل اي ام والله العظيم

نفسيتي متحطمة ولليوم ماجاب الولد ...


وفيه مشكلة ثانية خذت له سلفية من البنك كان متوهق وبينسجن نص مليون على اساس ببيع



ورثة من ابوه وبيعطيني اياهم خاصة ان السلفة مع الفوايد مليون وربع او اكثر ولليوم ماشفت



شي وكل شهر البنك يخصم مني القسط وغير هذا كان عنده توكيل وانا الغيته وهو يدري راح



البنك بالتوكيل اللي معاه وسحب فلوس من حسابي مع علمه انه ملغي بس يدري اني ماقدر


اشتكي عشان ولدي مايشوف ابوه في المحاكم ولا في السجن ..


بكون صريحة معاكم وحده من خواتي استشارت محامي خاصة اني خذيت نسخة من سحبه



للفلوس وتوقيعه وصورة بطاقته خذتهم من البنك والمحامي قال بيروح فيها ..


بس المشكلة مادري شسوي هو ابو ولدي وبينا عشرة وانا بنت ناس ومابي اطلع قليلة اصل


وهو مستغل اني ماقدر اشتكي للأسباب المذكورة وانا حاليا تعبت ابي اشتكي عليه بس خايفة


على مشاعر ولدي



انصحوني شسوي للعلم ماعندي اخوان كبار وابوي واحد كبير

انتي بنت ناس وماتحبين المشاكل و لا الفضائيح وخايفة على مشاعر ولدك وناشره غسيلكم في المنتدى ايش تتوقين الرد من ناس ماتعرفينهم ولا يعرفونك يعني انتي ماتعرفين انك لو ساكته ومحتسبة الاجر والله اعظم.

والله "كفايا نشر غسيلكم" المنتدى مراح ينفعكم في شي.

[السندان]

اعتقد لما يشوف انه فيه اجراءات قانونيه ابتدت ضده يمكن يبدأ يفهم ويتراجع

والله يكون في عون المظلوم

[التيما]

اختي شدخل انج بنت ناس في انج ماتاخذين حقج ؟ معليه مو لهالدرجه اسمحي لي اختي .. في حالتج اروح لمحامي واعطيه الاوراق وارفع قضيه عشان ولدي يرجع لحضني وحقي في البنك يرجع لي .. المحاكم لاهي مكان شبهه ولا مكان غلط .. وللعلم مب شرط تروحين ويكفي يروح عنج المحامي .. وولدج مرده بيكبر وبيعرف الصح والغلط .. ونصيحة اختي الانسان اللي يفرط في ضناه سهل يفرط في اي حق له ثاني وانتي سكتي عليه على فرض ماتبين تدشين محاكم لا حد نفعج ولا قلبج ارتاح ولا بيرتاح لان الله تعالي امرنا باسترداد حقوقنا ..
انا مادش وايد للمنتدى بس الاخ الفيصل على حد علمي محامي وناس تشهد له بوقوفه معاهم لوجه الله كلميه وشوفي شبيقولج وانا متاكده انه ماراح يقصر .. ولو لج حق بيعينج تردينه وولدج اول الحقوق ..

[مملوحة الفال]

انتي بنت ناس وماتحبين المشاكل و لا الفضائيح وخايفة على مشاعر ولدك وناشره غسيلكم في المنتدى ايش تتوقين الرد من ناس ماتعرفينهم ولا يعرفونك يعني انتي ماتعرفين انك لو ساكته ومحتسبة الاجر والله اعظم.

والله "كفايا نشر غسيلكم" المنتدى مراح ينفعكم في شي.




بعض الأعضاء انتوا قريتوا الموضوع ولا قريتوا الجزئية اللي تحبونها بس


علشان مشاعركم وعشان ما ذيكم اطلب فضلاً لا أمراً من ادارة المنتدى اغلاق الموضوع


عشان مشاعر الأعضاء اللي انا حطيت لهم صورة بطاقتي واسمي كامل واسم ابو ولدي وعنوانه ورقم جواله


خافوا الله ياناس اقولابي شور احد يفهم وضعي مابي احد يحسسني ان قطر فاضية واني المره الوحيده اللي فيها وكلكم عرفتوني





للإدارة الموقره الموضوع للإغلاق

[Locale]

الله يكون في عونج

[سهم قطر]

اختي خلي المحامي يساومه
يعني تاخذين فلوسج وحظانه ولدج مقابل انه مايدخل السجن ولاينفضح
واكيد بيوافق اذا شاف الموضوع جد
وهني بتسترين على نفسج وعلى ولدج وعلى ابوه

[عبدالمحسن]

السلام عليكم ورحمة الله وبركاته



اولا : بيّض الله وجهش على الحرص الشديد بعدم اذيّة الطفل بذنبٍ لم يغترفه

ثانياً: بيض الله وجهش على أعطاء الأب الفرصه الكامله لعل وعسى أن يرجع عن جهله وظلمه.


وهذا أن دل يدل على طيب الأصل والعقل والدين أن شاء الله .




في البدايه اعتقد أن طرح مثل هذا الموضوع ماهو الأ للفضفضه من جور الأمر وكبر المصاب.

ولكن لا ننسى أن المنتدى فيه جميع المراحل السنيّه ، فمنهم الكبير والصغير والعاقل والجاهل وقد يكون بيننا مِن مَن يتكلمون بلهجتنا ولا يتبعون ديننا وسنة نبينا صلى الله عليه وسلم ، فيصفون لنا ما لا يتناسب مع ديننا وقيمنا وعاداتنا وتقاليدنا ،و لذلك انصح بأن تلجأي إلى الاستشارات العائلية ، وايظاً استشيري عدد من المحامين حتى تكون الصوره كامله وواضحه ، واسأل الله لش التوفيق






نصيحتي : أن تتفقي مع محامي بأستدعاء الزوج السابق عنده في المكتب أو عن طريق جهاة رسميه ، وتوضيح مدى تورطه في الدين ( ويكتب على نفسه لدى المحامي مايثبت أن الدين له ، وان يتم تسديده ، بأقتطاع من راتبه ).


وإذا لم ينصاع إلى الحق وابتدى في التهرب فهذا يعطيش العذر بأنش اتبعتي جميع الطرق السلميه ، ولا يدع للنفس فرصه للومها فيما بعد اذا ما كبرت المشكله ووصلت للقضايا في المحكمه.




إحترامي

[االشامخ]

اختي الله يجمع بينج وبين والدج في اقرب وقت وبعدين السالفه جايده ولاينسكت عليها من بكره اتشوفين محامي شاطر وتوكلينه وبالتوفيق ان شاء الله

[دكان عباس]

الله يعينك

[سكرمر]

اختى مملوحه الفال


بيض الله وجهج على هالصبر


ماقصرتي معاه


صبرتي عليه ووقفتي معاه



لكن للاسف ان هالشي ما بين في عينه



اقتراحي اختى ان موضوع سحب الفلوس والتوكيل ملغي


هالشي في صالحج 100%


تقدرين تقايضينه بأن تسكتين عنه مقابل ان الولد يرجع لج



اهو شكله عارف ومتاكد انج مابتسوين شي عشان الولد


لكن لاتخافين كل هالاشياء فى صالحج ومن حقج الولد


حاولى تقايضينه بهشي ويمكن بمجرد انه يعرف انج تقدرين تشتكين عليه يمكن يخاف


ويوصل معاج اللى حل يرضيج


تحياتي لج والله يكون في عونج اختى

[مملوحة الفال]

سامحوني ياجماعة


ماعاد ابي ادش الموضوع وياريت يتسكر الله يوفقكم كلكم سواء اللي رد علي برد طيب ولا غيره برغم اني شرحت الأسباب بس حسيت انه فيه اللي مايبي يقراها او حتى يشوفها


كافي عطيتوني من وقتكم وكتبتوا ردودكم واجركم على رب العباد


وإن شاء الله باخذ بالنصايح


وسامحوني اني رديت على احد فيكم بانفعال ولا شي

[الفهد]

اختي غلطتي بحق نفسج وحق ولدج

كيف تصبرين عن ولدج سنه ؟؟؟

وكيف تضمنين له حياه طبيعيه مع شخص بدون ذمه ....... شلون تنامين ؟؟؟ شلون قادره

تفكرين وتعيشين حياتج بدونه ؟؟؟ ياقلبج

جايه بعد سنه تقولين خايفه عليه ......

سنه ؟؟؟؟ وعادي قادره تدخلين المنتدى وتكتبين ..... انا لو مكانج ساعه ماصبر يا انجلط ولا افقد عقلي


شوفي اختي انا داري انج منفعله الله يهون مصيبتج ،كبدايه لحل هالمأساه:

بكره الصباح روحي الاستشارات العائليه الي بمحكمة السد عندهم فرع هناك سألي أي دور

تكونين مجهزه جواز الطفل وشهادة ميلاده وهم عن طريقهم بيخاطبون الأب اذا تعاون معاهم

ورجع الولد ولا يتخذون معاه اجراء قانوني بتحويل ملفج لقاضي الاحوال الأسريه بطلب ضم

الحضانه لج وهذا قانونآ من حقج

بعد الحكم طالبي بحقوقه لأنج مسؤوله عنه امام الله .

اما حقوقج سلبها حسب القانون بالوكاله .....تنازلي والله يعوضج

الضنا اهم من المال

[الفهد]

سامحوني ياجماعة


ماعاد ابي ادش الموضوع وياريت يتسكر الله يوفقكم كلكم سواء اللي رد علي برد طيب ولا غيره برغم اني شرحت الأسباب بس حسيت انه فيه اللي مايبي يقراها او حتى يشوفها


كافي عطيتوني من وقتكم وكتبتوا ردودكم واجركم على رب العباد


وإن شاء الله باخذ بالنصايح


وسامحوني اني رديت على احد فيكم بانفعال ولا شي



يا الله


اختي الي رد بانفعال اعذريه من القهر


ماتنلامين ..... الله ياخذ حقج

[بلاميعاد]

الله يعينك

[إينشتاين]

اخي عبدالمحسن بيض الله وجهك على الرد وعزالله انك قلت الي بخاطري ووفرت على الكلام الي كنت باكتبه....

بس فيه ناس لازم ارد عليهم



انتي بنت ناس وماتحبين المشاكل و لا الفضائيح وخايفة على مشاعر ولدك وناشره غسيلكم في المنتدى ايش تتوقين الرد من ناس ماتعرفينهم ولا يعرفونك يعني انتي ماتعرفين انك لو ساكته ومحتسبة الاجر والله اعظم.

والله "كفايا نشر غسيلكم" المنتدى مراح ينفعكم في شي.

إذا عندك ضعف نظر ولا عمى الوان رجاءً لا عاد تدخلين المنتدى وتردين على الناس :anger1:

وين نشر الغسيل الي تكلمين عنه انا ماشفت اسم ولا رقم تلفون ولا أي اشارة تدل على صاحبة الموضوع ولا على حد من الي تكلمت عنهم...

الإنسانه قالت مشكلتها مثل الكثير من المشاكل الي نقراها في الجرايد في صفحة (أريد حلاً) ولا سمعنا حد يقول إن الجرايد تشهر في الناس...

والإخت قالت مشكلتها تبي الفزعة من الناس العقلاء في المنتدى وتبي فزعتهم بالشور الطيب بس.... فإذا ماعندك شور خل كلامك في بطنك واسكت.

وردي على راعية الموضوع اقول إن كان الموضوع كما ذكرتي فأن فيه ناس الله اعمى بصيرتهم بحب المال والجشع وذهاب المروءه وتلقينه مع زوجته الجديده مثل القليصة ومثل النوعية هذي ماتجي إلا بالعين الحمرا وماتعرف التفاهم وانتي ذكرتي إن ماعندك اخوان والوالد الله يحفظه كبير في السن فأنتي ماعندك حد يرويه العين الحمرا إلا المحاكم والخوف من السجن فتوكلي على واخذي حقك وشيبانا قالوا (الحقوق تبي حلوق) يعني ماتجي بالساهل...

وفي وقتنا الراهن لجوء المرأه للمحاكم لأخذ حقها مهوب عيب بالعكس الحين الحريم تارسين المحاكم وماخذين حقوقهم وبعضهم ماخذ فوق حقه ومطلعه عيون طليقها فأنتي أولى بالمحاكم منهم.*

[بدون]

الله يعينج على بلواج ،، زوج انعدمت عنده صفات الرجولة و حرمان من الضنا

في أكثر من رد يجيبون المرض و يتكلمون و كأنج أجرمتي في حق الرجل و شهرتي به

لو كانوا في نفس موقفج ما اعتقد بيصبرون يوم على الظلم

الله ياخذ حقج منه كامل ،،، نصيحتي لج اختي بعد كل هالردود انج تصلين ركعتين استخارة و تاخذين الرد اللي ارتحتي له من الردود السابقة و اعتقد الرد اللي قال بانج توكلين محامي يبدا يتصل بطليقج و يحاول معاه و إذا ما فاد تبدأين بالاجراءات الرسمية

حسبي الله و نعم الوكيل
حسبي الله و نعم الوكيل
حسبي الله و نعم الوكيل

[ღغروريღ]

اخي عبدالمحسن بيض الله وجهك على الرد وعزالله انك قلت الي بخاطري ووفرت على الكلام الي كنت باكتبه....

بس فيه ناس لازم ارد عليهم




إذا عندك ضعف نظر ولا عمى الوان رجاءً لا عاد تدخلين المنتدى وتردين على الناس :anger1:

وين نشر الغسيل الي تكلمين عنه انا ماشفت اسم ولا رقم تلفون ولا أي اشارة تدل على صاحبة الموضوع ولا على حد من الي تكلمت عنهم...

الإنسانه قالت مشكلتها مثل الكثير من المشاكل الي نقراها في الجرايد في صفحة (أريد حلاً) ولا سمعنا حد يقول إن الجرايد تشهر في الناس...

والإخت قالت مشكلتها تبي الفزعة من الناس العقلاء في المنتدى وتبي فزعتهم بالشور الطيب بس.... فإذا ماعندك شور خل كلامك في بطنك واسكت.

طيب انت ليش ماتقول لي مشكلت اختك مع زوجها او امك مع ابوك ولا انت وزجتك يمكن اقدر اساعدك بعد طرش لي على الخاص بطايقكم افيدك اكثر انت العمي الظاهر ماتشوف الردود.

[ع.م]

جعل يسلم راس من رباج يا بنت الأجاويد..

والنعم فيج..

الحين اللي صار صار.. انتي تصرفتي بمعدنج الأصلي وهو تصرف بمعدنه الرخيص..

راح وقت اللوم، راح وقت الندم، سواءاً انتي غلطتي بحسن عشرته أو ماغلطتي.. هالكلام مارح يصلح شي، مانبي نضيع وقتج ونخرب نفسيتج بهالكلام، الأفضل إن نركز على الوضع الحالي وكيف نقدر نريح قلبج..

أنا حاسة فيج والله العظيم..

وأدري إني لو في مكانج، يمكن أنا بعد مارح أقدر أشتكي عليه، وأدري إن من أصعب الأشياء اللي بتصير للولد إن صورة ابوه تخترب في باله، بالذات إذا كان أبوه زين معاه..

وتأكدي إن رحمة الله بج أكثر من رحمتج بوليدج.. وإن الله يحبج..

بس شنو أهم عندج؟ إن الولد يعيش بدونج على حساب صورة ابوه ماتخترب؟ ولا يعيش مع ابوه وتخترب صورتج انتي عنده إذا كان أبوه يخربها؟ ولاّ تقدرين تخلين صورتكم انتو الاثنين حلوة في باله ويعيش معاج؟؟

شوفي اللي تقدرين عليه ..

القرار لج.. انتي اللي تقيمين وضعج حسب ظروفج و استطاعتج..

والأهم من كل هذا.. في نقطة في صااااالحج..وهي إنج مظلووومة..

تعرفين يعني شنو مظلومة؟ يعني مابين دعوتج وبين الله حجاااب.. توووصل سييييدة.. تخيلي الكااافر وهو كاافر ينكر وجود الله إذا انظلم ورفع يده بالفطرة بس جي وقال يارب ! ترفع دعوته مباشرة لرب العزة جل جلاله!

المظلوم يا حبيتي لين دعا رب العالمين يرد عليه ويقول له ( وعزتي وجلالي لأنصرنك ولو بعد حين) ..الله سبحاانه يحلف بينصرج! مافي شي أكبر من كذا..! ( ولو بعد حين) : انتي الحين عايشة فترة "حين" وجاي لج "بعد حين" أكيد!!

ادعي واااايد.. ادعي وبتشوفين الأبواب اللي بتنفتح لج.. بتتحذف عليج الحلول من كل صوب.. عاد انتي لا جا الحل لين عندج تمسكي فيه.. سوي اللي تقدرين عليه ولو كان شوي فهو وايد لأن هاي اللي قدرتي عليه حسب استطاعتج النفسية.. مريم ابنة عمران بعد آلام الوضع ماكان فيها شدة تهز النخلة.. من يقدر يهز النخلة؟ بس هزتها حسب استطاعتها وتساااقط عليها رطباً جنياً.. سبحانك ياربي.. الله مايعجزه سبحانه ينزل عليها الرطب من السما بدون ماتتحرك.. بس احنا لازم نتحرك هذي سنة الحياة.. الله يبينا نتحرك باللي نقدر عليه، وحجم النتائح بيكون بكرم الله علينا مب بحجم اللي سويناه لأن اللي نسويه ممكن يكون شوي بالنسبة للشي اللي بيجينا، بس هو وايد بالنسبة حق اللي نقدر عليه، وهذا هو المهم..

ولاتستعجلين وايد يالغالية طولي بالج.. الله خلق الأرض والسماوات في ستة أيام وهو سبحانه قادر يخلقهم بدون ماياخذون أي وقت.. سبحانه يبي يعلمنا الصبر، وإن كل شي وله وقته.. هذي سنة الكون.. وبعد تأكدي إن مابين طرفة عين وانتباهتها.. يغير الله من حال إلى حال..

شوفي الشيخة.. الله يقول (أنا عند ظن عبدي بي ) .. انتي أكيد عقب الأزمة اللي مريتي بها نفسيتج تعبت، وغالباً الشيطان لعب براسج وخلاج بدال ماتقولين الحمدلله هذا اختبار من الله وبانجح فيه تقولين (حتى لو بينج وبين نفسج) اشمعنى أنا، كل الحريم متهنين بعيالهم، ورياييلهم عدلين، أنا الله عطاني ريال حرامي باقني وبهدلني وحتى ولدي مافرحت فيه..

عزيزتي ، ترى ردة فعل طبيعية لو قلتي هالكلام لأن الدنيا لاعبة فينا ونسينا انها دار ابتلاء، لكن كلامنا العفوي هذا مافيه حسن ظن بالله عز وجل، أنا مابيج تصيرين ملاك، بس أبيج تصيرين قوية لأن رب العالمين ماحطج في هالموقف إلا إنتي قده لأن (لايكلف الله نفساً إلا وسعها) يعني الله يعلم إنج قادرة على هالشي وإن فيج قوة تستحملين وبتصبرين على هالأزمة لين ماتعدي بإذن الواحد الأحد.. حبيبتي في ناس دخلوا سجون تحت الأرض تعذبوا فيها سنين ومايأسوا من الله و طلعوا عقبها و الله عوضهم بأمور ماكانوا يحلمون بها.. ترى الله قادر على كل شي سبحانه، وأمره بين الكاف والنون..

والله إني أكتب هالكلام وأنا عندي يقين كبير إن الله بيجمعج بولدج وبيعوضج خير فوق ماتتخيلين.. تخيلي الصحابي الجليل أبو سلمة لما مات والناس عزوا زوجته أم سلمة وقالوا لها الله بيعوضج وماتوقعت إن في ريال في الدنيا بيكون خير من أبي سلمة.. لكن الله عوضها بالرسوووول صلى الله عليه وسلم اللي تزوجها.. تخيلي خذت نبي!

انتي خلج مع الله .. اتجهي له بكل جوارحج.. كثفي الدعاء.. اقري سورة البقرة بيقين.. دوري شخص مبتلي وفرجي عن كربته..

خلج متأكدة إن اللي تبينه بيصير..اسمعي محاضرات واقري عن اليقين والتوكل لين ماينترس قلبج يقين ورضا وتوكل.. الله بياخذ لج حقج ويسخر لج عباده من الجن والإنس.. انتي نامي متطمنة وتأكدي إن اللي عينه ماتنام سبحانه ييسر أمورج (لايضل ربي ولاينسى)..

أختي تأكدي إن اللي صار لج فيه خير عظيم لج.. انتي الحين ماتدرين اشلون.. بس يمكن في يوم من الأيام تكتشفين إن كل اللي صار لج خير.. وإنه بيجيب لج خير عظيم.. ومنع عنج شر عظيم.. إن مادريتي في الدنيا بتدرين في الآخرة.. لو علمتم الغيب لاخترتم الواقع..

أنا متأكدة إن الله بيلهمج الصواب.. وبيخليج تتصرفين بالشي الصح اللي بيرجع لج ولدج ويقر عينج به.. الله يرد لج ولدج مثل ما رد يوسف على يعقوب، وموسى على أمه.. اللهم آميــــــــن..

وصدقيني في قصص وايد نفسج وأكثر.. مب انتي الوحيدة.. وايد ناس في الدنيا مظلومين.. وحالتهم أصعب من حالتج.. ووايد ناس عقب ما انظلموا لقوا خير كبير والله عوضهم بصبرهم وبإيمانهم.. طليقج في أشياء وايد يقدر عليها، بس مب منها إنه يحطمج داخلياً، هم مايذبحوننا يا مملوحة الفال إحنا اللي نستسلم و نسوي كذا في أنفسنا، ترى روحج ملك ربج و في يدج تحمينها من هالريال ومن غيره، ويغذيها إيمانج الكبير بالله بحسن عبادتج له..

قوي نفسج يمكن الصبر صعب في البداية بس والله العظيم بتوصلين مرحلة يصير فيها للصبر لذة وتصيرين حاسة ومتأكدة إن الفرج قريب وقريب جداً.. بيصير عندج ترقب حلو وبتدرين إن الفرج قرب.. اشلون مادري.. بس هذا اللي يصير.. وبيجي الفرج.. الحياة كذا لازم اليسر بعد العسر..لازم..

الدنيا للحين بخير يالغالية.. والناس للحين فيها الخير.. انتي شفتي الجانب الشرير من البشر.. وبإذن الله الجانب الخيّر بيوقف معاج وبتعدين هالأزمة..

أسأل الله العظيم إنه يرزقج ويعوضج ويفرح قلبج..

اسم الله عليج وماعليج شر..

وآسفة إني طولت بس لأني حاسة فيج.. ولو مب مضطرة أسكر الحين كان طولت أكثر :secret:

[إينشتاين]

طيب انت ليش ماتقول لي مشكلت اختك مع زوجها او امك مع ابوك ولا انت وزجتك يمكن اقدر اساعدك بعد طرش لي على الخاص بطايقكم افيدك اكثر انت العمي الظاهر ماتشوف الردود.

ولو عندي مشكلة ليش ماقولها في المنتدى إذا ابغي حد يدلني على الرأي الي يمكن يكون غايب عني وأكيد فيه ناس مرت عليهم اوضاع مشابهه ويمكن افهم مني في طريقة حلها...

المنتدى بكبره محد يعرف اسمي ولا اي معلومة تدل علي فليش اخاف !!!!*

[ღغروريღ]

ولو عندي مشكلة ليش ماقولها في المنتدى إذا ابغي حد يدلني على الرأي الي يمكن يكون غايب عني وأكيد فيه ناس مرت عليهم اوضاع مشابهه ويمكن افهم مني في طريقة حلها...

المنتدى بكبره محد يعرف اسمي ولا اي معلومة تدل علي فليش اخاف !!!!*

ممتاز انا احب الحوار الصريح يعني انت تعتقد طرح موضوع عائلي حساس تترتب عليه امور كثيرة من خراب بيوت وقضايا في المنتدى وكل انسان يتفلسف من عنده اوكي ممكن تقولي الناس الحلوين الي يبون يكلمونها على الخاص على اي اساس بتقولي ينصحونها زين والعام ماينفع صح؟ اوكي الله يشهد عليك لو حد من هلك فاتح مثل هل الموضوع في منتدى انت بتكون راضي سوى كان ظالم او مظلوم؟الاخت تقولك مسكينه ماتعرف حد و بخط يدها تقول كلمت ناس وبعدين اختها راحت تساءل محامي وبعدين ترجع تقول انا ماعندي اخوان كبار وابوي رجال كبير شوف شلون تلعب على العاطفه الحين بترجع تقول اختها يمكن اصغر منها زين والمحامي ليش اذا تبي تنشر غسيلهم راحت له ال انها تبي ترفع قضية وتبي تشوف هل البشر متعاطفين معها ولا لهم راي ثاني يمكن تعيد حسابتها
وبعدين انا محتار تقول خذ الولد وبعدين تقول انها تفاهمت معاه انه يخلص التمهيدي يعني ماعرفنا هو خاطفه ولا ماخذه ولا شسالفة وانتي كلش ماتعرفين مدرسة الولد سبحان الله المهم ياخوي لاتزعل مني ولا زعل منك والله اذا المنتدى تم حق من هب ودب يطرح مواضيع زوجي وامي وبنتي ولدي عيل على المنتدى السلام.

[بوعلي-Qtr]

اختي توكلي على الله وصلي صلاة الاستخارة
والله يكتب اللي فيه الخير لج

[إينشتاين]

الإنسان الي يعتمد سوء النوايا في الناس أكيد بيقرأ الموضوع بشكل مختلف وبيقعد يحاول يتصيد الأخطاء....

سبحان الله انتي مادخلتي في نوايا صاحبة الموضوع بس ،، حتى الأخوان الي يبون يساعدونها وراسلوها عالخاص دخلتي في قلوبهم واعتمدتي سوء النية !!!!

وهذا يبي له موضوع ينفتح لحاله (لييييش نعتمد سوء النية والدخول في الضمائر والقلوب ؟؟؟)

[المليونير الفقير]

خل عنج الكلام واخذي نصيحة اخوج لاتشتكين ولاشي والفلوس بدالها عوض بس الابن والزوج مايتعوضون حاولي انج تصلحين الي بينج وبين زوجك وترجعون على بعض ولو مافي مجال او ماتفاهمتو خلي علاقتج فيه زينه مهما سوا لانه فالاخير ابو ولدج واسم ولدج مرتبط باسمه واصبري على كل شي وربج كريم ولاهو غافل عن شي واسال الله العظيم ان ييسر امورج ويحل مشاكلج

[ღغروريღ]

الإنسان الي يعتمد سوء النوايا في الناس أكيد بيقرأ الموضوع بشكل مختلف وبيقعد يحاول يتصيد الأخطاء....

سبحان الله انتي مادخلتي في نوايا صاحبة الموضوع بس ،، حتى الأخوان الي يبون يساعدونها وراسلوها عالخاص دخلتي في قلوبهم واعتمدتي سوء النية !!!!

وهذا يبي له موضوع ينفتح لحاله (لييييش نعتمد سوء النية والدخول في الضمائر والقلوب ؟؟؟)

غريبة شفت شلون انت الي عندك سوء النية انا اقول ليش النصح مايكون على العام الكل يستفيد مب احسن من الخاص ولا شرايك بس انا فرحان انت طحت في الفخ بس مالوك لانك تحاول تشقح عن الموضوع.

[ღغروريღ]

خل عنج الكلام واخذي نصيحة اخوج لاتشتكين ولاشي والفلوس بدالها عوض بس الابن والزوج مايتعوضون حاولي انج تصلحين الي بينج وبين زوجك وترجعون على بعض ولو مافي مجال او ماتفاهمتو خلي علاقتج فيه زينه مهما سوا لانه فالاخير ابو ولدج واسم ولدج مرتبط باسمه واصبري على كل شي وربج كريم ولاهو غافل عن شي واسال الله العظيم ان ييسر امورج ويحل مشاكلج

الحمدالله قطر بخير اذا فيها مثلك الله يرحم والديك وينك من اول الموضوع كنت حتى مافكر اكتب حرف لانه الموضوع عاطفي وانا برنامجي سياسي.

[إينشتاين]

غريبة شفت شلون انت الي عندك سوء النية انا اقول ليش النصح مايكون على العام الكل يستفيد مب احسن من الخاص ولا شرايك بس انا فرحان انت طحت في الفخ بس مالوك لانك تحاول تشقح عن الموضوع.


باخلي الناس يقرون كلامك الي كتبتيه في السابق وهم يحكمون.....

[إينشتاين]

غريبة شفت شلون انت الي عندك سوء النية انا اقول ليش النصح مايكون على العام الكل يستفيد مب احسن من الخاص ولا شرايك بس انا فرحان انت طحت في الفخ بس مالوك لانك تحاول تشقح عن الموضوع.


باخلي الناس يقرون كلامك الي كتبتيه في السابق وهم يحكمون.....

[آلملآزم]

الله يكون في عونج أختي وييسر لج أمورج
أنا من رأيي أنج أول شي تروحين الأستشارات العائليه وتخلينهم يحاولون يحلون المشكله ودياً أذا تفهم الأخ وأنحلت المشكله كان بها وأذا أصر على خطأه وتمادى ألجأي إلى القضاء ووكلي لج محامي وخلي القانون ياخذ لج حقج ويفكج من عوار الراس والمحكمه وطلب الحق ليست عيباً ولا شبهه ويكفي أنج صابره فتره مب بسيطه املاً منج فالحصول على حقج دون اللجوء الى المحاكم وهذا أكبر دليل على أنج أنسانه محترمه وبنت أصول الله يبارك فيج ويجمع بينج وبين ولدج على خير

[انصار جليري]

اختي انتي مطلقة وعرضج للموضوع فيه يبان حاجتج لمن يساعدج (ماعندج اخوان وابوج كبير بالسن )


بس اللي بيساعدونج ليسوا محارم حتى يتم بينكم اتصال وتفاهم:telephone:


الافضل تستشيرين محامي


والمحاكم الدخول لها مب عيب


اما العيب هو عرض الموضوع وكل بيدق الصدر بنية يعين ويعاون


(اربط صبعك وكلن بينعت لك دوا )


ابعدي نفسج عن القيل والقال

[مشتاقة لقطر]

الله يعينج على ما ابتلاج .. وييسر لج شوفة ولدج .. يارب ..

اصبري شوي يمكن من يتزوج الثانية بيستثقل مسوولية الولد وبيرده لج

[.Q a T a R.]

لاحول لله

الله يكون بعونج

[العـوا]

القصة طويلة وانا ماتعودت اصدق اي شي الا اسمع الطرفين عموما اختي اذا تبغين محامي كبير وبشهادة الجميـــــــــع واسعاره معقولة عندج الاستاذ مبارك جوهر العلي وموقع مكتبه في مدينة خليفة وتقدرين تاخذين رقم مكتبه مو كيوتل وان شاءالله بتاخذين حقج وبالتوفيق




صدقت مالها الا بو جوهر خصوصا انه تخصصه في هذا المجال ( محامي النخبة)

[قطرية فذة]

فرج الله همك اختي حاسه فيك

جزاك الله خير اخو عبدالمحسن

وجزاك الله خير اخوي انشتاين بردك على غروري

وجزاك الله خير اختي ع.م

وجزى الله خير اخوي انصار جليري على كلامه





أختي الكريمه صاحبه الموضوع من نصحك بالمحامي رأيهم أقرب للصواب

اقدر مشاعرك وهمك والطفل

لكن احياناً مضطرين نكون قساه على من تجاهل مشاعرنا

المحاكم صايره مثل غيابة الجب

وفيه ناس عايشه سنين يبون عيالهم ووضعك ارحم بكثير من وضعهم

لكن كون المسائل احترام لنظره ابوه
طيب ابوه ماقدر امه ولا فكر في ولده يحرمه من امه
انتي مب قليله اصل يوم وقفتي معه لكن الاصل اصبح بتصرفك اتقللينة وتتجرعين مرارته حداك تتكلمين حتى ادورين حل لو في منتدى

بعد عمري تحت الألم مانشوف بعينا
لو تاخذين خطوه ايجابيه بحق نفسك
قربي الحلول بين الاهل اذا ماصارت يمكن حد يستطيع
واذا ماصارت مالك الا محامي شاطر يمسك على الحبه

وخله هو عقب يبلط البحر بقدرته


عشان يعلم بدعوه المظلوم كيف استعان بمن اقدر عليه وخذ بالاسباب و كيف الله كاف عبده


فرج الله همك اختي فرج الله همك

[آلملآزم]

لاحول لله

الله يكون بعونج

لايجوز قولك بارك الله فيك (لاحول لله ) لأنه لاحول ولاقوة الابالله

[الخبير العقاري]

أختي مملوحة الفال.


عرض موضوعك بالموقع ليس نهاية لحل مشكلتك والكل بيشارك برأية ويدلي به حول هذا الجانب ولهذا أنصحك بسحب الموضوع البته من عرضه بالموقع أو المطالبة بإغلاق الموضوع ولدي ثلاث حلول لك حيال مشكلتك ممكن التوصل إليها..

وهي أحد الأتية:

1- مراجعة محامي من أجل الأستشارة إذا كانت هناك نية في رفع قضية للمطالبة بالولد والمال المسلوب مع الملاحظـــة أن السلفة السابقة قبل إللغاء التوكيل قد لايحكم لك فيها بشئ كونه محض إرادتك.

2- مراجعة المجلس الأعلى للاسرة فهناك لجنة مكونة من بعض الباحثات الاجتماعيات للبحث في حالتك وتحويلها إلى لجنة الصلح ذات البين وأنا عضو بهذه اللجنة إن كان هناك ثمة رغبة في الصلح بينك وبين زوجك السابق للرجوع إليه أو للصلح من أجل الولد وهذا أعتقد أنه الأفضل قبل البدء في المحاكم والتي قد تؤثر على نفسية الولد في المستقبل مع أن الأمر يجب أن يحسم فانتي من حقك تشاركي في تربية ابنك ومن حقك التمتع برؤيته وبقاءه معك اما بشكل دائم أو على فترات قريبة فهو فلذة كبدك وتعبك لزمن فليس من حقه أخذ الولد منعه من زيارتك مهما كان الخلاف بينكما.



3- الذهاب إلى المحاكم قسم الشؤون الزوجية لرفع قضية عليه للمطالبة بالولد وما اخذه من مال يثبت عليه كا أخذ أخر مبلغ بعد إللغاء التوكيل مع ان البنك سوف يتحمل المسؤولية بصرف مبلغ بدون توكيل ساري المفعول للعلم...

[ummalaz]

جعل يسلم راس من رباج يا بنت الأجاويد..

والنعم فيج..

الحين اللي صار صار.. انتي تصرفتي بمعدنج الأصلي وهو تصرف بمعدنه الرخيص..

راح وقت اللوم، راح وقت الندم، سواءاً انتي غلطتي بحسن عشرته أو ماغلطتي.. هالكلام مارح يصلح شي، مانبي نضيع وقتج ونخرب نفسيتج بهالكلام، الأفضل إن نركز على الوضع الحالي وكيف نقدر نريح قلبج..

أنا حاسة فيج والله العظيم..

وأدري إني لو في مكانج، يمكن أنا بعد مارح أقدر أشتكي عليه، وأدري إن من أصعب الأشياء اللي بتصير للولد إن صورة ابوه تخترب في باله، بالذات إذا كان أبوه زين معاه..

وتأكدي إن رحمة الله بج أكثر من رحمتج بوليدج.. وإن الله يحبج..

بس شنو أهم عندج؟ إن الولد يعيش بدونج على حساب صورة ابوه ماتخترب؟ ولا يعيش مع ابوه وتخترب صورتج انتي عنده إذا كان أبوه يخربها؟ ولاّ تقدرين تخلين صورتكم انتو الاثنين حلوة في باله ويعيش معاج؟؟

شوفي اللي تقدرين عليه ..

القرار لج.. انتي اللي تقيمين وضعج حسب ظروفج و استطاعتج..

والأهم من كل هذا.. في نقطة في صااااالحج..وهي إنج مظلووومة..

تعرفين يعني شنو مظلومة؟ يعني مابين دعوتج وبين الله حجاااب.. توووصل سييييدة.. تخيلي الكااافر وهو كاافر ينكر وجود الله إذا انظلم ورفع يده بالفطرة بس جي وقال يارب ! ترفع دعوته مباشرة لرب العزة جل جلاله!

المظلوم يا حبيتي لين دعا رب العالمين يرد عليه ويقول له ( وعزتي وجلالي لأنصرنك ولو بعد حين) ..الله سبحاانه يحلف بينصرج! مافي شي أكبر من كذا..! ( ولو بعد حين) : انتي الحين عايشة فترة "حين" وجاي لج "بعد حين" أكيد!!

ادعي واااايد.. ادعي وبتشوفين الأبواب اللي بتنفتح لج.. بتتحذف عليج الحلول من كل صوب.. عاد انتي لا جا الحل لين عندج تمسكي فيه.. سوي اللي تقدرين عليه ولو كان شوي فهو وايد لأن هاي اللي قدرتي عليه حسب استطاعتج النفسية.. مريم ابنة عمران بعد آلام الوضع ماكان فيها شدة تهز النخلة.. من يقدر يهز النخلة؟ بس هزتها حسب استطاعتها وتساااقط عليها رطباً جنياً.. سبحانك ياربي.. الله مايعجزه سبحانه ينزل عليها الرطب من السما بدون ماتتحرك.. بس احنا لازم نتحرك هذي سنة الحياة.. الله يبينا نتحرك باللي نقدر عليه، وحجم النتائح بيكون بكرم الله علينا مب بحجم اللي سويناه لأن اللي نسويه ممكن يكون شوي بالنسبة للشي اللي بيجينا، بس هو وايد بالنسبة حق اللي نقدر عليه، وهذا هو المهم..

ولاتستعجلين وايد يالغالية طولي بالج.. الله خلق الأرض والسماوات في ستة أيام وهو سبحانه قادر يخلقهم بدون ماياخذون أي وقت.. سبحانه يبي يعلمنا الصبر، وإن كل شي وله وقته.. هذي سنة الكون.. وبعد تأكدي إن مابين طرفة عين وانتباهتها.. يغير الله من حال إلى حال..

شوفي الشيخة.. الله يقول (أنا عند ظن عبدي بي ) .. انتي أكيد عقب الأزمة اللي مريتي بها نفسيتج تعبت، وغالباً الشيطان لعب براسج وخلاج بدال ماتقولين الحمدلله هذا اختبار من الله وبانجح فيه تقولين (حتى لو بينج وبين نفسج) اشمعنى أنا، كل الحريم متهنين بعيالهم، ورياييلهم عدلين، أنا الله عطاني ريال حرامي باقني وبهدلني وحتى ولدي مافرحت فيه..

عزيزتي ، ترى ردة فعل طبيعية لو قلتي هالكلام لأن الدنيا لاعبة فينا ونسينا انها دار ابتلاء، لكن كلامنا العفوي هذا مافيه حسن ظن بالله عز وجل، أنا مابيج تصيرين ملاك، بس أبيج تصيرين قوية لأن رب العالمين ماحطج في هالموقف إلا إنتي قده لأن (لايكلف الله نفساً إلا وسعها) يعني الله يعلم إنج قادرة على هالشي وإن فيج قوة تستحملين وبتصبرين على هالأزمة لين ماتعدي بإذن الواحد الأحد.. حبيبتي في ناس دخلوا سجون تحت الأرض تعذبوا فيها سنين ومايأسوا من الله و طلعوا عقبها و الله عوضهم بأمور ماكانوا يحلمون بها.. ترى الله قادر على كل شي سبحانه، وأمره بين الكاف والنون..

والله إني أكتب هالكلام وأنا عندي يقين كبير إن الله بيجمعج بولدج وبيعوضج خير فوق ماتتخيلين.. تخيلي الصحابي الجليل أبو سلمة لما مات والناس عزوا زوجته أم سلمة وقالوا لها الله بيعوضج وماتوقعت إن في ريال في الدنيا بيكون خير من أبي سلمة.. لكن الله عوضها بالرسوووول صلى الله عليه وسلم اللي تزوجها.. تخيلي خذت نبي!

انتي خلج مع الله .. اتجهي له بكل جوارحج.. كثفي الدعاء.. اقري سورة البقرة بيقين.. دوري شخص مبتلي وفرجي عن كربته..

خلج متأكدة إن اللي تبينه بيصير..اسمعي محاضرات واقري عن اليقين والتوكل لين ماينترس قلبج يقين ورضا وتوكل.. الله بياخذ لج حقج ويسخر لج عباده من الجن والإنس.. انتي نامي متطمنة وتأكدي إن اللي عينه ماتنام سبحانه ييسر أمورج (لايضل ربي ولاينسى)..

أختي تأكدي إن اللي صار لج فيه خير عظيم لج.. انتي الحين ماتدرين اشلون.. بس يمكن في يوم من الأيام تكتشفين إن كل اللي صار لج خير.. وإنه بيجيب لج خير عظيم.. ومنع عنج شر عظيم.. إن مادريتي في الدنيا بتدرين في الآخرة.. لو علمتم الغيب لاخترتم الواقع..

أنا متأكدة إن الله بيلهمج الصواب.. وبيخليج تتصرفين بالشي الصح اللي بيرجع لج ولدج ويقر عينج به.. الله يرد لج ولدج مثل ما رد يوسف على يعقوب، وموسى على أمه.. اللهم آميــــــــن..

وصدقيني في قصص وايد نفسج وأكثر.. مب انتي الوحيدة.. وايد ناس في الدنيا مظلومين.. وحالتهم أصعب من حالتج.. ووايد ناس عقب ما انظلموا لقوا خير كبير والله عوضهم بصبرهم وبإيمانهم.. طليقج في أشياء وايد يقدر عليها، بس مب منها إنه يحطمج داخلياً، هم مايذبحوننا يا مملوحة الفال إحنا اللي نستسلم و نسوي كذا في أنفسنا، ترى روحج ملك ربج و في يدج تحمينها من هالريال ومن غيره، ويغذيها إيمانج الكبير بالله بحسن عبادتج له..

قوي نفسج يمكن الصبر صعب في البداية بس والله العظيم بتوصلين مرحلة يصير فيها للصبر لذة وتصيرين حاسة ومتأكدة إن الفرج قريب وقريب جداً.. بيصير عندج ترقب حلو وبتدرين إن الفرج قرب.. اشلون مادري.. بس هذا اللي يصير.. وبيجي الفرج.. الحياة كذا لازم اليسر بعد العسر..لازم..

الدنيا للحين بخير يالغالية.. والناس للحين فيها الخير.. انتي شفتي الجانب الشرير من البشر.. وبإذن الله الجانب الخيّر بيوقف معاج وبتعدين هالأزمة..

أسأل الله العظيم إنه يرزقج ويعوضج ويفرح قلبج..

اسم الله عليج وماعليج شر..

وآسفة إني طولت بس لأني حاسة فيج.. ولو مب مضطرة أسكر الحين كان طولت أكثر :secret:

الله يعطيك الف عافيه على الكلام الطيب
في ميزان حسناتك يارب العالمين
دعواتي للأخت كاتبة الموضوع ان يفرج
الله همها وييسر أمرها

[P!nk@P!nk]

اولاً صباح الخير

اختي ما شاء الله عليج الله قوى قلبج سنه ما شفتي ولدج انا لو يوم استخف الله يخلي لنا عيالنا و يطرح فيهم البركه

هذا يدل على انج انسانه صبوره صبرتي عليه يوم على ذمته و الحين يحرمج من ولدج و بعد صبرتي الله يعوض صبرج خير يا رب.

من رايي انج تخلين القانون ياخذ مجراه صبرتي و سكتي في ناس ما تبين في عينهم الطيبه الا يشوفونها ضعف و يستغلونها و انتي معاشرته و عارفه طبعه.

ولدج ما عليه شر ان شاء الله و لا تفكرين هو الوحيد اللي اهله انفصلوا و صارت مشاكل بينهم. اذا خايفه على مشاعر ولدج لا تشتكين على الفلوس اللي سحبها بالتوكيل الملغي و اشتكي بس مطالبه بحضانة الولد و النفقه و هذا من حق الولد ياخذ نفقه من ابوه و لا تقولين انا بصرف عليه اكيد انتي مب مقصره بس لازم يعرف حجم المسؤوليه اللي هو فيها و مثل ما قلت لج هذا حق الولد لا تتنازلين عنه و حتى المدرسه انقليه عندكم

من حقه ياخذه يوم في الاسبوع و عقبها يرجعه اما انه يحرمج من ضناج بدون سبب مب حقه

و ما يضيع حق وراه مطالب

الله يوفقج و يقر عينج بشوفة ولدج في حضنج الله لا يفرق بينكم

[بوعلي 8]

ماقدر اقول الا انج بنت ناس واصيله لو وحده ثانيه زمانها اشتكت عليه ومرمرته فالمحاكم ... عسا الله يصلحه لطريق الخير ويقدر ....

[السهم الشمالي]

أختي الفاضلة أستخيري الله ( صلي ركعتين إستخارة ) وبإذن الله بترتاحين بعدها .
والله يهون عليك ويسر أمرك .