حاسبوا من آلاعيب بعض البنوك

[مفكّر]

أخذت قرض من سنتين تقريباً وذهبت الى بنك hsbc لسداد ما تبقى علي ، وقيل لي عليك بسداد قرضك + 3% سداد مبكر ، واستفسرت من أحد الاخوان من المصرف المركزي عن آلية السداد المبكر والقوانين المنظمة لمثل هذه الحالات فأخبرني بأن السداد المبكر يترتب عليه 1% عمولة وليس 3% كما قيل لي وذهبت مرة اخرى لموظفي البنك الذين اصروا على عمولة السداد المبكر ومقدارة 3% وعندما أخبرتهم بأن ما تقومون به يتعارض مع قوانين مصرف قطر المركزي أجابوني فوراً نحن اسفين فعلاً النسبة 1% وليست 3% .
يا اخوان اتصلت بنفس الشخص من البنك المركزي الذي أخبرني بان البعض في البنوك يتلاعب على الذين عليهم قروض عند قيامهم بالسداد ويتقاضون 3% بدلاً من 1% وهي النسبة المعتمدة من المصرف المركزي ويقومون أولئك الموظفين بدفع النسبة 1% كرسوم دفع مبكر من خلال المعاملات الداخلية عندهم والمتبقي 2% يوزع على بعض القائمين على القروض بالبنوك .
ارجو من أي شخص يفكر في دفع قرضه الشخصي اذا كان عليه قرض ان يتأكد من النسبة التي سيسددها كرسوم تسديد مبكر وهي 1% فقط والله الموفق .

[ضوى]

سبحان الله عكس البنوك الاسلامية ، يعطونك مكافاة على السداد المبكر

[ثرية]

بارك الله فيك وجزاك الله خيراا عالتنبيه وفعلا
انا اعتبر نفسي من الاشخاص الغير ملمين في الاجراءات والمعاملات البنكيه وومممكن يمررون لي اوراق ولاني عارفه محتواها وهو ماترتب عليه امور عكسيه اعاني منها ليحد الان

[شيزكيك]

ليتني عرفت المعلومه قبل ما ادري كم النسبة الي خذوها علي

نسدد لهم مبكر وياخذون فايده

الحمدلله الي فكني منهم

[Most Wanted]

معلومه إضافيه اذا بغيت تسدد كامل دينك من غير ما تدفع عمولة تسديد مبكر ادفع مبلغ وخل اخر قسط يمشي عادي
مثلا لو كان المبلغ اللي عليك ١٠٠٠٠ ريال والقسط ١٠٠٠ ادفع ٩٠٠٠ وخل ١٠٠٠ لين اخر الشهر في هالحاله ما راح تدفع اي عمولة

وسلامتكم

[شمعة الدوحه]

يعطيكم الف عافيه عالمعلومات

على اني شغاله في بنك بس تجهلني هالامور بحكم اني مااشتغل في شي يتعلق بالقروض

وعقب قرض خذته من احدى الشركات وتوقيعي لاوراق بدون مااقرى اللي فيها

خذت درس من الغلط اللي غلطتها

لانه بالعاده من كثر استعجالنا مانسأل اكثر عن هالامور ومانقرى كل اللي مكتوب

[هام السحاب]

عجزنا واحنا نتكلم عن مساوئ البنوك الربويه

[بوحارب]

كانت علي سلف في المصرف كبيرة

وعندما نقص المبلغ لين 300000 فكرت اسددها كاملة

وسألت الموظف كم تعطوني من الأرباح وقالي قريب ال 30000

من صجكم تروحون حق البنوك الربوية !!!

[شمعة الدوحه]

عجزنا واحنا نتكلم عن مساوئ البنوك الربويه

على فكره هذا تلاعب موظفين بينهم بين بعض
لو الاداره تدري عنهم تفنييييييييييييش على طول
واتمنى ان راعي الموضوع يشتكي عليهم عند مدير قطري لانه لو شكى عند واحد من طختهم بيسكت عنهم

[ام ناصر1]

معلومه إضافيه اذا بغيت تسدد كامل دينك من غير ما تدفع عمولة تسديد مبكر ادفع مبلغ وخل اخر قسط يمشي عادي
مثلا لو كان المبلغ اللي عليك ١٠٠٠٠ ريال والقسط ١٠٠٠ ادفع ٩٠٠٠ وخل ١٠٠٠ لين اخر الشهر في هالحاله ما راح تدفع اي عمولة

وسلامتكم
مشكور على هاي المعلومة ، بطبقها المرة الثانية

[رشدان]

معلومه إضافيه اذا بغيت تسدد كامل دينك من غير ما تدفع عمولة تسديد مبكر ادفع مبلغ وخل اخر قسط يمشي عادي
مثلا لو كان المبلغ اللي عليك ١٠٠٠٠ ريال والقسط ١٠٠٠ ادفع ٩٠٠٠ وخل ١٠٠٠ لين اخر الشهر في هالحاله ما راح تدفع اي عمولة

وسلامتكم


شكرا لصاحب الموضوع وشكرا لك موست ونتد على المعلومات المفيده

[مساهمة بسFresh]

معلومه إضافيه اذا بغيت تسدد كامل دينك من غير ما تدفع عمولة تسديد مبكر ادفع مبلغ وخل اخر قسط يمشي عادي
مثلا لو كان المبلغ اللي عليك ١٠٠٠٠ ريال والقسط ١٠٠٠ ادفع ٩٠٠٠ وخل ١٠٠٠ لين اخر الشهر في هالحاله ما راح تدفع اي عمولة

وسلامتكم
يعني لو دفعت في هالحالة 9000 مب ماخذين عمولتهم على التسديد الجزئي؟:shy:

على فكره هذا تلاعب موظفين بينهم بين بعض
لو الاداره تدري عنهم تفنييييييييييييش على طول
واتمنى ان راعي الموضوع يشتكي عليهم عند مدير قطري لانه لو شكى عند واحد من طختهم بيسكت عنهم

لاتغتر ترى بعض الساعات القطري يكون اخس من الاجنبي عندهم:shy:

[Most Wanted]

كانت علي سلف في المصرف كبيرة

وعندما نقص المبلغ لين 300000 فكرت اسددها كاملة

وسألت الموظف كم تعطوني من الأرباح وقالي قريب ال 30000

من صجكم تروحون حق البنوك الربوية !!!

كلامك صحيح بوحارب في حالة المرابحة وبغيت تسكر القرض راح ترجع لك بعض من الأرباح اللي المفروض تدفعها للبنك لان هم يأخذون الربح من اول شي يعني أوكان قرضك مثلا 10000 والأرباح تطلع 2000 ريال اللي يصير هني يجمعون المبلغين وقسمونهم على المده في حالة التسديد المبكر يرجعون لك من تقريبا نسبه ما تتعدى 60٪ من باقي الأرباح يعني لو باقي من الأرباح 1500 ريال راح ترجع لك في هالحاله 900 ريال بس


البنوك الربوية الفائدة تنحسر كل شهر بشهره وهاي يسمونها فايده مركبه وهذي اللي ودت الناس في مصيبه

نصيحه لا احد ياخذ قرض من غير حاجه وان احتاج يروح بنك إسلامي والله يعين اللي تورط مع البنوك الربوية وربي يفرجها عليه

[Most Wanted]

لا اختي مساهمه بس ماراح يأخذون اي شي يعني خلي اخر قسط يمشي ويندفع عادي

أنا سويتها وايد

[مساهمة بسFresh]

لا اختي مساهمه بس ماراح يأخذون اي شي يعني خلي اخر قسط يمشي ويندفع عادي

أنا سويتها وايد

يعني لو في شخص عليه مليون في بنك ربوي ودفع منها تسعمية وتسعين الف مب ماخذين منه عمولة؟:rolleyes2:

[مساهمة بسFresh]

يعني لو في شخص عليه مليون في بنك ربوي ودفع منها تسعمية وتسعين الف مب ماخذين منه عمولة؟:rolleyes2:

؟؟:shy:

[almaf1a]

سبحان الله عكس البنوك الاسلامية ، يعطونك مكافاة على السداد المبكر

البنوك الاسلاميه
تدفع المبلغ + الارباح كامله ويعطونك مكافاة
اما الربوي
تدفع المبلغ + ال1%

مثال
لو اخذت 100 الف من بنك ربوي وطلعت مع الارباح 140 الف
وبعد شهر جيت تسددها تدفع ال100 الف + 1% = 101 الف
اما الاسلامي
لو خذت 100 الف وطلع المبلغ مع الارباح 140 الف
وبعد شهر جيت تسددها تدفع ال140 الف ويعطونك مكافاة 2000 ريال فتكون دافع 138 الف

[Most Wanted]

؟؟:shy:

اي اختي والله يعينك اذا صح علوج مليون:secret:

[التيما]

معلومه إضافيه اذا بغيت تسدد كامل دينك من غير ما تدفع عمولة تسديد مبكر ادفع مبلغ وخل اخر قسط يمشي عادي
مثلا لو كان المبلغ اللي عليك ١٠٠٠٠ ريال والقسط ١٠٠٠ ادفع ٩٠٠٠ وخل ١٠٠٠ لين اخر الشهر في هالحاله ما راح تدفع اي عمولة

وسلامتكم

:eek5: صراحة معلومة وااااايد ترحم الكثير من بوق البنوك .. بطبقها حرفيا مايستاهلون ريال ..

[shadad]

البنوك الاسلاميه
تدفع المبلغ + الارباح كامله ويعطونك مكافاة
اما الربوي
تدفع المبلغ + ال1%

مثال
لو اخذت 100 الف من بنك ربوي وطلعت مع الارباح 140 الف
وبعد شهر جيت تسددها تدفع ال100 الف + 1% = 101 الف
اما الاسلامي
لو خذت 100 الف وطلع المبلغ مع الارباح 140 الف
وبعد شهر جيت تسددها تدفع ال140 الف ويعطونك مكافاة 2000 ريال فتكون دافع 138 الف

ما عليه اخوي انا مالي بالبنوك وحسبتها مع اني it . بس انا شايف ان البنوك الربويه تاخذ اقل من الاسلامية بوايد ؟ ليش ما الاسلاميه تاخذ نسبة قليله مثلها مثل الربويه ( لان في ناس تفكر تقول ياخي الربوي اللي هو ربوي ما ياخذ ربح قد الاسلامي والعياذ بالله ) . فياليت تذكر مشكورا اذا عندك خلفيه عن هاي النقطه وهي نسبة الفائده ليش اكثر بالاسلاميه .

** السؤال يقدر عليه بقية الاعضاء اذا واحد فيهم يقدر يفيدني **

ويعطيكم الف عافيه .

[القمه]

بمايختص من قروض بنكيه او سلفه على راتب يعتبر في نظري كسر ظهر

((البنوك +كيوتل =إفلاس
الصناديق البريديه بالله عليكم شنو تعني تعني مجموعة فواتير محتواها
يامن البنوك او كيوتل والقليل من صديق نادر
يعني مابه استفاده ،،وربي يعين للي ماخذ سلفيات او قروض شخصيه

[بوخالد911]

الله يبعدنا عن البنوك الربوية

[مساهمة بسFresh]

:eek5: صراحة معلومة وااااايد ترحم الكثير من بوق البنوك .. بطبقها حرفيا مايستاهلون ريال ..

التيما حبيبتي حاولت اطرش لج على الخاص وماقدرت :shy:

[almaf1a]

ما عليه اخوي انا مالي بالبنوك وحسبتها مع اني it . بس انا شايف ان البنوك الربويه تاخذ اقل من الاسلامية بوايد ؟ ليش ما الاسلاميه تاخذ نسبة قليله مثلها مثل الربويه ( لان في ناس تفكر تقول ياخي الربوي اللي هو ربوي ما ياخذ ربح قد الاسلامي والعياذ بالله ) . فياليت تذكر مشكورا اذا عندك خلفيه عن هاي النقطه وهي نسبة الفائده ليش اكثر بالاسلاميه .

** السؤال يقدر عليه بقية الاعضاء اذا واحد فيهم يقدر يفيدني **

ويعطيكم الف عافيه .

اخوي من خلال تجربتي مع البنوك اقولك المصرف الاسلامي يعطي معدل فائدة اقل من كل البنوك في قطر
نصيحه مع البنوك الاسلاميه اذا خذت قرض لاتفكر تسدده بعد فتره
لان ماراح تستفيد شئ
اما في الربويه فالوضع مختلف
الارباح تكون اعلى لكن لما تسدد السلفه تدفع الي خذته + نسبه صغيره والي هي 1%

ما ابغي احث الناس تتعامل مع الربوي لكن يجب ان يتم التوضيح
شرعا لا يمكن اسقاط الارباح فهي تعتبر جزء من المبلغ كامل
لانك لو خذت سيارة ب200 الف عن طريق بنك اسلامي راح يبيعها عليك ب270 الف على عدد من السنين
ماتقدر ترجعلهم ال200 بعد يوم وتقولهم طيحوا ال70 الف
وعلى النقيض تماما بالنسبة للربوي لهذا السبب ارباح الربوي تكون اعلى
وتأخذ 90 % من القسط للارباح و10% لتسديد المبلغ المأخوذ