49 درجة .. اليوم درجة الحرارة الساعة 1 الظهر .. أرجووكم أرحمونا يا إدارة المرور !

[الوسيط العقاري]

والله ياجماعة الخير ..

49 درجة اليوم درجة الحرارة الساعة 1 الظهر ونا راجع من الدوام ..

هلكنا .. تعبنا

الجو متعب جدا .. نفسية الواحد تضيق مع شمس الظهاري

:(

أرجوكم أرحمونا ياإدارة المرور ..

بس ع الأقل سنويا تصرحون بالمخفي كامل من شهر 5 الى شهر 10 بنسبة 50 %

لاتقولون لي حوادث ولا شي ؟ ولاتطلعون لنا اعذار من الحين ؟

[boamir]

هههههههه والله يالغالي اليوم دقيت سلف حق الموتر وانا طالع من الدوام
السكان ماقدرت امسكه من كثر ماهو حاار
وموتري لونه اسوود <<الله يعيينا والله

على الاقل مخفي حق السواق والعبري 30% مانبي شي زيااده

[عاشق ميونخ]

الصراحة اليوم الجو الظهر لاتعليق الله يرحمنا برحمته

[a7medooo]

ان شاء الله يكون في تساهل من ادارة المرور في هذه الفترة على الاقل

[بوحارب]

غلطان يالحبيب اليوم 51 والصورة عندي:)

[عين قطر]

لا حياة لمن تنادي

[Markato]

اطرح الموضوع في برنامج وطني الحبيب صباح الخير بس اهم شي تعطيهم كلام من الزين واهم شي تقول اللي يبي يركب يركب واللي مايبي هو حر عشان لايقولون لك حوادث وخرابيط ( بسنا خرابيط )

واخر شي قولهم هرمنا هرمنا هرمنا من اجل هذا الوقت اللي نركب فيه مخفي

[سكرمر]

اخوي اللى انا اعرفه وجربته ان المخفى الكامل اهو اللى يجيب الحر لان لونه اسود


ليش ماتحط العازل الحراري ؟؟؟


المخفى الاسود يسبب حوادث ومشاكل كثـيره

[مستر بن]

هههههههه والله يالغالي اليوم دقيت سلف حق الموتر وانا طالع من الدوام
السكان ماقدرت امسكه من كثر ماهو حاار
وموتري لونه اسوود <<الله يعيينا والله

على الاقل مخفي حق السواق والعبري 30% مانبي شي زيااده




30 مسمووح ,,



اما انا خربتها ’’


ركبت ’’ اللي ورا 100

السواق والعبري 70 ,,

واللي جداام كلش 100 ’’


والله محد صاادني ’’

بعدين عمي خذ الموتر ’’ العصر ’’ ,,

رجعه المغرب بدوون مخفي ,, شايلهم كلهم :shy:


قلت له ليش ,,

يقووول ما اشووف خخخخخخخخخخخخخخخخخ

قههههههر ’

[strong pilot]

صادقين صراحة الاخوان فيما طرحوا
الحرارة اليوم وانا طالع من الدوام ٥١
لين نزلت تحت نفق الشيخ جوعان الا الحرارة ٥٢
فهل صحيح ان درجة الحرارة تقاس فالظل لتعطي قراءة صحيحة



ملاحظة ارجو ان تؤخذ فالاعتبار :-
الله يعينك يا اصحاب النياسين

[MAZEN37]

اطلب المستطاع حتى تطاع
يعني المرور يقولون احنا نحمي الشباب وخساره للوطن في سيلين
والحين بالحر هذا بيخسرون الامه كلها
وحياتك بكره الموتر مخفي كامل والي يصير يصير

[boamir]

صادقين صراحة الاخوان فيما طرحوا
الحرارة اليوم وانا طالع من الدوام ٥١
لين نزلت تحت نفق الشيخ جوعان الا الحرارة ٥٢
فهل صحيح ان درجة الحرارة تقاس فالظل لتعطي قراءة صحيحة



ملاحظة ارجو ان تؤخذ فالاعتبار :-
الله يعينك يا اصحاب النياسين

هههههههههههههه
اي والله الله يعينهم اصحاب النياسين القديمه
مواترهم بتزووع بهالحر

[ضحية البورصة]

حر يا جماعه حر ،، موتري عليه عازل والحراره 48 ،، الله يعين مواترنا في هالشمس تنقع

[هام السحاب]

وللحين فنص خمسه
عيل شلون فسته وسبعه
الله يجيرنا من حر جهنم

[عيون الدوحة]

الحل الامثل تقديم ساعات العمل من 7ونص لين 6 ونص

[mask53]

انا اضم صووتي معاكم قسسسم الجو حار خصوصا اللي موتره اسود ومن داخل جلد:rolleyes2:يعني يبيلك نص ساعه عشان تقدر تسوق سيارتك واذا محد مصدقني يحط بيض فوق الطبلووون ويشوف النتيجه:nice:

[khaleeji]

والله هوز الرديتر انشلخ من الحر
من بكره ان شاء الله,,,,,,مخفي كامل وبدون تردد

واعتقد ان المرور ناس متفهمين وما راح يخالفوننا

[بوخالد911]

اليوم ووووصلت 50


حطوا عازل وبنسبة 30 %


وبسكم عن التحلطم ال+

[ابوسعود]

جونا ماينفع معاااااااااااااه لاعازل ولامخفي
الحل غيمه صنااااااااااعيه على الدوحه :nice:
:nice:نفس مابيسون 2022

[منآكير]

ههههههههههههه عجبتني فكره (ابو سعود)

ان شاء الله ينفذونها هههههههه ... <<< طبعا عشم ابليس بالجنه

[بوحارب]

جونا ماينفع معاااااااااااااه لاعازل ولامخفي
الحل غيمه صنااااااااااعيه على الدوحه :nice:
:nice:نفس مابيسون 2022

ههههههههههههههههههههههه ولو يسوون لنا مطر صناعي بعد يا سلاااااااام :nice:

[jeep-srt8]

ههههههههههههههههه

ماعليكم ركبوووووو

خوي مركب عازل على الموتر

50 % امامي

30 % عبري

50% خلفي

50 % الجامه الخلفية كلش

والله تحس انك في بيتكككك ماتحسسسسسس بالشمسسسسسسسس

ماعلكيم منهم

[بعيد النظر]

طلعت من الدوام اليوم ..
وكنت منسم ع الدرايش , عشان الموتر ما يكتم الحر !

وللاسف انشوييييييييييييييييييييييييييييييييييييييييييت @@
مع اني مركب عازل 30 % !

[محمد الجفيري]

الله يكون بالعون ويحمينا من ناار جهمنم ..

اصلاا دوامنا لازم يكون في الليل هههههه

.

[الجوكر90]

ههههههههههههههههههه
والله كل صيف نفس المواضيع
ترى مافي فايده لو تتكلمون من اليوم لين بكره
مافي مخفي كامل انسوا لو تحترقون هم مافي

[ALRAYYAN]

انا مركب عازل 30% الموتر كااااامل وفوقه 30% مخفي كامل الا الزجاج الامامي
وبصراحه مرتاااااح ولا ادري عن هالحر اللي تتكلمون عنه الا برا الموتر
اما في الموتر اموري طيبه

[سداوي&مدريدي]

والله قهر .. كل دول الخليج سامحه بالمخفي الا قطر ليش ؟؟

[سداوي&مدريدي]

انا مركب عازل 30% الموتر كااااامل وفوقه 30% مخفي كامل الا الزجاج الامامي
وبصراحه مرتاااااح ولا ادري عن هالحر اللي تتكلمون عنه الا برا الموتر
اما في الموتر اموري طيبه

30% ومحد خالفك ؟

[قطرية فذة]

لا اله الا الله

فكرتوا تموتون من الحر

الله يرحمنا برحمته من حر القبر

الله يرحمنا برحمته ويجعلنا من اهل ذكره وطاعته ويبرد علينا بالدنيا والآخره يارب

استحملوه من باب الجلد

ماتشوفون شر

[حسن]

والمرور مانعكم الحين من تركيب العازل الحراري انا كل سياراتي اللي استخدمها عليها عازل واعمل لها استمارات ولحد وقفني واستغرب من اللي يقول نطالب من المرور وبعدين في سياره مافيها مكيف الحين حتا المعدات سارت مكيفه

[al saad]

احسن شي ركب عرشه فوق السياره وركب عليه اطبيله اتغطي السياره وماعندك مشكله اطبيله متنقله
هيهيهيه
نفس الاندروفر القديم مال افريقيا له سقفين فسياره كله في الطبيله

[حسن]

احسن شي ركب عرشه فوق السياره وركب عليه اطبيله اتغطي السياره وماعندك مشكله اطبيله متنقله
هيهيهيه
نفس الاندروفر القديم مال افريقيا له سقفين فسياره كله في الطبيله

صراحه مالها حل وانت داش مواقف السيتي ماتاخذ الا العرشه وراك

[علي حسن علي]

الله المستعان

[HiTec]

والله ياجماعة الخير ..

49 درجة اليوم درجة الحرارة الساعة 1 الظهر ونا راجع من الدوام ..

هلكنا .. تعبنا

الجو متعب جدا .. نفسية الواحد تضيق مع شمس الظهاري

:(

أرجوكم أرحمونا ياإدارة المرور ..

بس ع الأقل سنويا تصرحون بالمخفي كامل من شهر 5 الى شهر 10 بنسبة 50 %

لاتقولون لي حوادث ولا شي ؟ ولاتطلعون لنا اعذار من الحين ؟



حقوق الأنسان تقول ان تعدت درجة الحرارة او وصلت 50 يتوقف الخروج من البيت
لا مدارس ولا عمل

:secret:

[HiTec]

الله يكون بالعون ويحمينا من ناار جهمنم ..

اصلاا دوامنا لازم يكون في الليل هههههه

.

اؤيد :tease:

[MAZEN37]

حقوق الأنسان تقول ان تعدت درجة الحرارة او وصلت 50 يتوقف الخروج من البيت
لا مدارس ولا عمل

:secret:
يعني 49-48-47-46-45
بتكون برد وثلج علينا
الحمدلله

[الوسيط العقاري]

لاحياه لمن تنادي كأننا طالبين من إدارة المرور المستحيل في هالدنيا !

استغفر الله العظيم

[مدرسة]

صادقين صراحة الاخوان فيما طرحوا
الحرارة اليوم وانا طالع من الدوام ٥١
لين نزلت تحت نفق الشيخ جوعان الا الحرارة ٥٢
فهل صحيح ان درجة الحرارة تقاس فالظل لتعطي قراءة صحيحة



ملاحظة ارجو ان تؤخذ فالاعتبار :-
الله يعينك يا اصحاب النياسين


فعلا القياس في الظل يعطي القراءة الصحيحة لكن هالشي ما ينطبق على النفق لأن الحرارة فيه مكتومة مو مثل المكان المفتوح

الحرارة بالفعل لا تطاق و لا يخفي على المتابع ان هذي الرياح جاية من الربع الخالي

فارحمووووووونا يالمرور :weeping:

[مرتبش]

السواقة الله بالخير
وبعد تبون مخفي كامل..يعني كم انسان لازم يموت عشان تقتنعون ان طلبكم غلط في غلط

[ALRAYYAN]

30% ومحد خالفك ؟

قول لا اله الا الله :anger1:

ترى 30 + 30 يطلع لك 60% مخفي

لكن الحمد لله للحين اموري طيبه

[gamal503]

30 مسمووح ,,



اما انا خربتها ’’


ركبت ’’ اللي ورا 100

السواق والعبري 70 ,,

واللي جداام كلش 100 ’’


والله محد صاادني ’’

بعدين عمي خذ الموتر ’’ العصر ’’ ,,

رجعه المغرب بدوون مخفي ,, شايلهم كلهم :shy:


قلت له ليش ,,

يقووول ما اشووف خخخخخخخخخخخخخخخخخ

قههههههر ’

ههههههههههه والله عمك داه :nice:

[Ţĥę őήę]

http://www5.0zz0.com/2011/05/14/11/811913240.jpg

:weeping::rolleyes2:

[gamal503]

http://www5.0zz0.com/2011/05/14/11/811913240.jpg

:weeping::rolleyes2:

اليوم كم :nice:

[شبح الصمت]

أنا ناطر بس اجدد الموتر اخر الشهر

بركب على جمب ووراء 100 والسايق والعبري 30 وقدام 20

ياخي هلكنا المكيف تمشي نص ساعة عقب يبرد وان وقفت اوووف ما قصر فيك الموتر

[Rider]

العازل عادي مب ممنوع بس خفيف مايتعدى 30 %