ورشة المعايير و حماقة المجلس الأعلى!

[مدرسة]

اقدم اعتذاري بداية للمجلس الأعلى الموقر لكنني لم أجد غير هذا العنوان لموضوعي !

صحيح أنني عملت في المدارس المستقلة لمدة لا تزيد حاليا عن 8 شهور الا انني استطيع و بكل سهولة و كفاءة توثيق مجلد كامل في حماقات المجلس الأعلى للتعليم !!

بس هذي جديدة !! على الأقل جديدة علي :shy:

المكان : مركز التدريب في المطار ورا المول ( بالنسبة لي قلعة واادرين )
الزمان : الأسبوع الماضي
الشخصيات : - معلمو و معلمات المدارس المستقلة ( لازم خلط علشان التطور :secret: )
- موظفة من المجلس الأعلى تحصر الغياب

ملاحظات : الذهاب الى ورشة المعايير تستهلك يوم دراسي من كل اسبوع على مدار الفصل تقريباً .. عادي طبعاً حصص المعلمة لهذا اليوم تتوزع على باقي الأيام و عااادي يكون عندها 5 حصص في يوم آخر ... هي في النهاية مصلحة عليا .. او مثلا تعطي حصتين و تطلع متصرقعة و تجي متنحة و تروح منتهية الصلاحية :rolleyes2:

موظفة المجلس الأعلى لها شخصية حازمة بس سبحانك يا ربي .... ترد على تساؤلاتنا بنفس طريقة المجلس الأعلى و كأنهم مبرمجين ! أول بتشرح لك الأسباب اللي هي حافظتها عن ظهر قلب و عقب سؤال سؤالين من الجمهور بتقول الجملة السحرية مالتهم ( هذا هو القانون و صادر في قرار و انا مالي خص ! )

الحجية جات تاخذ الأسباب مالت غياب اول يوم ( ما قصرت :secret: ) !

و تسجل عندها في السجل : غياب غياب غياب !!

من باب اللواسة و اللقافة سألناها : شنهي الطريقة اللي يحسب بها الغياب و كم مرة نقدر نغيب بعذر ؟؟

الجواب جاهز : تقدرون تغيبون بعذر يومين بس..لأن نظام الورش هو نظام ساعات مكتسبة و يلزم اكتساب الساعات لاجتياز الورشة بنجاح والا تكونون راسبيييييييييييين!

طيب واذا كان عندنا 3 ايام غياب بعذر مقبول شالدبرة يا حجية ؟؟؟

هني ام الحمااااااااااااااااااااااااااااااااااااقة

اكثر من يومين تكونون راسبين بغض النظر عن الأسباب و بحسب تعبير الموظفة نفسها ( حتى لو كنتي وااااااالدة ! ) لأنكم ما اكتسبتوا الحد الأدنى من الساعات ، وراحت عليكم ساعات فما تستحقون الشهادة ،طبعا خرجت مسرعة ........

شهالغباوة ؟ ( أصف القرارات و ليس الموظفة )

عندي نقطتين اللي بيجاوب عليهم بيعيد ثقتي في المجلس الأعلى مشكووووراً !

* اذا كانت الورشة بهذه الأهمية و تلزم تغطية جميع الساعات، ما فكر أحد فيكم بتعويض الساعات المفقودة بعذر ؟؟ مع وضع حد اقصى للفاقد ؟؟ مب احسن من ان الواحد يحضر اسابيع متصلة و عقبها يصيده ظرف صحي او ظرف بالمدرسة و ما يقدر يجي في ايام محددة فيرسب و يضطر يعيد من اول !
* القرار اللي نزل من مدة بسيطة بشأن تقييمات المعلمين ينص بوضوح على ان من يرشح لورشة و يرسب فيها او يعتذر عنها ينزل تقديره بشكل تلقائي الى ( جيد ) بغض النظر عن اي عمل قام به !
فاتقوا الله ..شلون الموظف يغيب بعذر ويعد العذر مقبول لكن يرسب في النهاية و يندمر تقديره!

مع تحياتي

صااامدة في المدارس المستقلة :nice:

[بـــــــنت النوخـّــــذه]

اهم شي انج صامده000 ترى لكم اجر كبير

حتى احمد شوقي قصد فيكم وقال:
قم للمعلم وفه التبجيلا … كاد المعلم أن يكون رسولا:nice:

انزين ندخل بمحور حديثج 000عندي كمن سؤال فضول:omen2: :

ماذكرتي لنا بالضبط وين الدوره كانت هل بمعهد التنميه ولا مكان ثاني

وماذكرتي كم فترة الدوره بالضبط

وماذكرتي شنهي المعايير ألي ناقشتوها ,,,<<< اهم سؤال ابغي الاجابه عليه

ومتابعه موضوعج وانتظر اجابتج ^_^

[بوخالد911]

بل

حالتكم صعبة

الله يعيينكم

[روح الاطلس]

سوري ماقريت الموضوع عدل

بس استوقفتني كلمة حق وكلمة عجيبة قلتيها

موظفين المجلس الاعلى مبرمجين !!

سبحان الله كلمة في محلها فعلا لاحظت هذا الامر على من عرفت فيهم

موظفينهم مبرمجين وكأنه معمول لهم غسيل مخ

الواحد فيهم عقلة محصور بصندوق ( آلة مبرمجة تنفذ اوامر ولا تعي ماتنفذ )

[مدرسة]

اهم شي انج صامده000 ترى لكم اجر كبير

حتى احمد شوقي قصد فيكم وقال:
قم للمعلم وفه التبجيلا … كاد المعلم أن يكون رسولا:nice:

انزين ندخل بمحور حديثج 000عندي كمن سؤال فضول:omen2: :

ماذكرتي لنا بالضبط وين الدوره كانت هل بمعهد التنميه ولا مكان ثاني

وماذكرتي كم فترة الدوره بالضبط

وماذكرتي شنهي المعايير ألي ناقشتوها ,,,<<< اهم سؤال ابغي الاجابه عليه

ومتابعه موضوعج وانتظر اجابتج ^_^




اشكر اهتمامج بقضيتنا ....
عزيزتي شكلج موووو مدرسة ...... :shy:

المدرسات ما يروحون معهد التنمية ، المجلس الأعلى مخصص مركز للتدريب في المطار مثل ما قلت و مقره في مبنى مدرسة الخليج سابقا ً

فترة الدورة تقريبا فصل دراسي كامل .

المعايير معروفة ....هي معايير المناهج ( لكل منهج من مناهج المواد الرئيسية معايير حاطها المجلس الأعلى و احنا ندرس هذه المعايير من خلال الكتب و الملازم واوراق العمل الخ ..)

اغلب الاهالي ما يدرون شسالفة المعايير وانا نفسي ما عرفت الا يوم درست في المستقلة :secret: رغم ان معرفتها تسهل الدراسة على الطالب واايد

[مدرسة]

سوري ماقريت الموضوع عدل

بس استوقفتني كلمة حق وكلمة عجيبة قلتيها

موظفين المجلس الاعلى مبرمجين !!

سبحان الله كلمة في محلها فعلا لاحظت هذا الامر على من عرفت فيهم

موظفينهم مبرمجين وكأنه معمول لهم غسيل مخ

الواحد فيهم عقلة محصور بصندوق ( آلة مبرمجة تنفذ اوامر ولا تعي ماتنفذ )

يعين الله:weeping:

[بـــــــنت النوخـّــــذه]

اشكر اهتمامج بقضيتنا ....
عزيزتي شكلج موووو مدرسة ...... :shy:

المدرسات ما يروحون معهد التنمية ، المجلس الأعلى مخصص مركز للتدريب في المطار مثل ما قلت و مقره في مبنى مدرسة الخليج سابقا ً

فترة الدورة تقريبا فصل دراسي كامل .

المعايير معروفة ....هي معايير المناهج ( لكل منهج من مناهج المواد الرئيسية معايير حاطها المجلس الأعلى و احنا ندرس هذه المعايير من خلال الكتب و الملازم واوراق العمل الخ ..)

اغلب الاهالي ما يدرون شسالفة المعايير وانا نفسي ما عرفت الا يوم درست في المستقلة :secret: رغم ان معرفتها تسهل الدراسة على الطالب واايد

ومازلت اقول لج لكم أجر 0:)00

نرجع لمحور حديثج وشاكره لج الاجابه الوافيه 00

اممم تدرين ليش سئلتج وين مكان دورتج لان اذا معهد التنميه الاداريه الي ينعقد فيه دورات ف كلامها بيكون واقعي بمسئله الغياب لان هذي شروطهم اي تخلف عن الدوره ليومين تسحب الشهاده ويعتبر انه لم يحضر 00

بس انتو ماشاء الله كورس كامل يعني يومين او ثلاثه ايام ماراح أتأثر لان عدد الايام كثيره 00
شوفي مسئله الغياب هذي تعتمد لان اخبر المقاعد محجوزه على عدد المتدربين وغير ان المحاضر في الدوره اذا كان ذا خبره او من خارج الدوله او مستعار لالغاء المحاضره ف هذا كله يلعب دور في تحديد الشروط والالتزام لان هذي مصاريف تصرف ويجب ان يكون على الاقل الكل حاضر يعني غياب اي موظف ل 3 ايام متتاليه ممكن يفقد معلومات كثيره واذا فلان غاب وفلانه غابت فقدت الدوره قيمتها 000

انا ما ادافع عنهم بس اتحدث معاج بصراحه وبقوانين الدورات 00 بس اكيد اذا فيه عذر (طبي ) بيكون العذر اكثر اقناعا" للقائمين على الدوره 00

بالنسبه لمسئله المعايير لاني احب اعرف شنهو نوع المعايير الي تمت مناقشتها صحيح معايير تختص بالمناهج بس تنصب باي جانب بالضبط واي ماده وماهي الطرق الي مشيتوا عليها باختصار 00 فقط ليس إلا وعموما" انتي محور حديثج الغياب مانبغي نفتح موضوع المعايير ولو اني كنت حابه اعرف هل تم التأكيد على مسئله القيم في تطبيق المعايير ولا بس جاهزه من بره بدون تعديل يتناسب مع بيئه ومجتمع الطالب 00


بالنسبه لمسئله البرمجه صراحه انا معاج لان اساسا" المعايير جايتهم مبرمجه كوبي وعليكم على طول بيست 000ف غالبا"تكون غير مقنعه للمحاضر وعليه تسميعها للمتدربين وهذا الواضح من الاسلوب المعتمد على البرمجه والحفظ والتلقين


انقول الله يعينكم مهنة التعليم والتدريب يبغيلها طولة بال ورغبه للارتقاء بالتعليم

سلام (ن) عليكم
:)

[قطريه ماركه]

ورش و معايير و خرابيط يبوون يطفشوون المدرسات القطريات بأي طريقة !!

درسنا قبل و من احسن ما يكوون و طلعنا جيل ناجح ...

لكن يوم تحولت المدارس مستقلة .. طفشنا و خليننا مدارسهم لهم !!

الله يعيينكم يااااااااارب ...

[بدون]

الله يعينكم

بصراحة المعلمين و المعلمات في حالة جهاد من أول يوم في السنة لآخر يوم دوام

أجركم على الله اختي

[Cooki]

الله يعينج.. كله اجر وانا امج ...

عند رب العالمين مايضيع شي

الحين بتدرسون المعايير والقيم .. والاهداف العامه والخاصه

وتعالي شيلي من اهنيه وحطني هناك ووحدي المعايير مع اهداف الوحده ..

وياااااليل مطولك...

مضيعه وقت ومال وجهد على لا شيء

وصدقينها عقب مع التطبيق العملي راح تشوفين ان الموضوه اسهل من كل هالتعقيدات اللي ما لها لزمه...

وباخر حلقه من هالمسلسل الهزلي

بيقولون لكم غيرنا المعايير او عدلنا فيها ..

وتيتي تيتي زي مارحتي جيتي

الشي الوحيد اللي تطلعين به من هالدورات ..



هو التسليم المطلق بتخبط مجلس الخراب الاعلى ...

ولنا الله

[بوحارب]

ابلتي ابشرج الحين قامت تطلع حقائق المجلس الأعلى من خلال كتابات السليطي

وترقبي المقال الجديد يوم ألأحد

أن شاء الله يتغير الوزير وكل اللي اثبتوا فشلهم في المسيره التعليمية

الله يعينكم على هالتخبط الغبي

[حـ ن ـيـ ن]

دخلت التربيه عن طيب خاطر

وحب لهذه المهنة الا وهي مهنة التعليم ...

ولكنني بدأت بالنفور منها :(

نعم للاسف!!! لقد عافكِ الخاطر :weeping:

وهذا نتيجة افعالك انت ايها المجلس الاعلى للتعليم

[المـهـفـة والـســفـرة]

اشكر اهتمامج بقضيتنا ....
عزيزتي شكلج موووو مدرسة ...... :shy:
المدرسات ما يروحون معهد التنمية ، المجلس الأعلى مخصص مركز للتدريب في المطار مثل ما قلت و مقره في مبنى مدرسة الخليج سابقا ً
فترة الدورة تقريبا فصل دراسي كامل .
المعايير معروفة ....هي معايير المناهج ( لكل منهج من مناهج المواد الرئيسية معايير حاطها المجلس الأعلى و احنا ندرس هذه المعايير من خلال الكتب و الملازم واوراق العمل الخ ..)
اغلب الاهالي ما يدرون شسالفة المعايير وانا نفسي ما عرفت الا يوم درست في المستقلة :secret: رغم ان معرفتها تسهل الدراسة على الطالب واايد


للأسف
أستوقفتني عبارة أغلب الأهالي مايدرون شسالفة،،
فعلاً ياأختي الكريمة ,,, الأغلبية مايفهمون ماهي نظرة هالمجلس.
حتى مديريين المدارس ومديرتها مايدرون شنهي آخرتها.

وصدق رسولنا صلوات ربي وسلامه عليه يوم قال:
للأعرابي الذي سأله عن الساعة قال له
إذا ضُيِّعت الأمانة فانتظر الساعة ، قال الأعرابي:
كيف إضاعتها ؟ قال :
إذا وسد الأمر إلى غير أهله فانتظر الساعة.
أخرجه البخاري.

ولدكم:
طالب أول ثانوي.

[التيما]

انا زميله لج وخذت دوره المعايير من سنه ولمدة ٦ شهور ولمن قالوا لي لازم تاخذينها قلت لهم واذا ماخذتها ؟ قالوا تقدير وخرابيطهم خبري خبرج ههههههه قلت لهم جنه العيد وجان زين تعطوي ورقه اني ماصلح بالمره .. ومستحيل اخذ اكثر من ٤ حصص ومو ذنبي ان الورشه تضغط جدولي ! يدوروني .. شوفي اختي المجلس الغبي يبي له ناس تلعب وتعرف اللعب على طريقتهم وهاي انا خبزته ولو تشوفين شسوي فيهم ماتصدقين .. لعبت في حسبتهم بكل ما للكلمه من معنى وكله بالاوراق والادله .. مشكلتهم اغبياء ومفكرين نفسهم اذكياء .. وبما اني استمتع واتفنن في رفع ضغطهم صدقيني استمتع بعملي .. ومرتاحه وحتى المعايير انا من نفسي اشرح للطالبات كل معيار عشان يركزون عليه والحمد لله نتائجهم مرتفعه ..
الله يعينا اختي .. بس لا تقبلون بهالضغوط وصدقيني بتتغير .. اخبر انجبرنا مره نمسك ١٨ حصه .. من مسك الحصص ! انا ! دوريني .. والله مارضيت قلت لهم سوو اللي تبون .. ١٨ حصه لا .. ومشيت كلامي .. لانهم عارفين ان مافي شي يجبرني وبالراحه نبي نطلع وندور السبب عشان هم يقولون لنا اطلعوا .. لا تقبلون بهالضغوط و اصري عليها وشوفي النتيجه .. قالوا لي انذار قلت انذروا .. قالوا لي تحقيق .. قلت جنه العيد .. قالوا خصم ههههه قلت لهم من دخلنا المستقله عمري مانزل راتبي كامل من الخصومات فتعودت ماتفرق هههههههه انصدموا والله من كلامي .. لا تسكتين ولا تقبلين ولو قالوا لكم الدوره ماتنقبل قولي لهم عطوي شهادة بعدد ايام الورشه اللي حضرتها وماراح اعيدها وسوو اللي تبونه صدقيني بيسبونها لج .. شرايج الرخصه المهنيه اللي يقولون ضروريه و و و انا لي ٤ سنوات في المستقله ماخذتها وقالوا بيخالفوني مادري شبيسون هههههههه قلت لهم سوو اللي تبون .. وهذا انا للحين جنه العيد ولا سوو شي .. ولا بيسوون شي صدقيني

[كبريت]

قدمي استقالتك والرزق على رب العالمين

[التيما]

قدمي استقالتك والرزق على رب العالمين

هههههههههه المصيبه حتى الاستقالة ما يقبلونها !!

[الأصيلة]

ابلتي ابشرج الحين قامت تطلع حقائق المجلس الأعلى من خلال كتابات السليطي

وترقبي المقال الجديد يوم ألأحد

أن شاء الله يتغير الوزير وكل اللي اثبتوا فشلهم في المسيره التعليمية

الله يعينكم على هالتخبط الغبي

ركز معانا أخوي بوحارب
تغير وتبديل الوزير مارح يحل شيء
بالعكس إلا بيزيد الطين بله
وبيجي اللي يعقد المجلس ويمارس حقوقه الشخصية
بدون ما أحد يحاسبه ويراقبه
ذيك الحزة بنشوف السليطي ايش يقدر يكتب وإلا يحاسب مثل مايسوي الحين...

[الأصيلة]

دخلت التربيه عن طيب خاطر

وحب لهذه المهنة الا وهي مهنة التعليم ...

ولكنني بدأت بالنفور منها :(

نعم للاسف!!! لقد عافكِ الخاطر :weeping:

وهذا نتيجة افعالك انت ايها المجلس الاعلى للتعليم

وهذا هو الهدف الحقيقي لهم
تطفيش أكبر عدد من القطريين والقطريات
واستقطاب الأجانب
بما أن القطريات لا يحتملون عدد الحصص والدوام والدورات..
لاحول ولاقوة إلا بالله...

[قطرية فذة]

يخربون الجذور من الاساس

ابحثي عن من سوى الورشه وتابعها

[السد]

لو حصلتي فرصة تطلعين من المجلس
اطلعي ابرك لج !!

[sendarala]

يا يمة احنا العام خذنا هذه الورشة كل اللي يقولونه لج من خصم وغياب كله مجرد كلام ولا يسوون شي

حتى في الاخير ما يعطونج شهادة حضور


والنتيجة اللي بتحصلينها ما تاثر ولا هم يحزنون

كفاية يجيبون مدرسين اجانب ما يدروون عن دنيتهم من الشرب اللي يشربونه


يبه توكلي على رب العالمين وسوي اللي انتي تشوفينه صح وما عليج منهم

[غابت الشمس~]

صدق رسولنا صلوات ربي وسلامه عليه يوم قال:
للأعرابي الذي سأله عن الساعة قال له
إذا ضُيِّعت الأمانة فانتظر الساعة ، قال الأعرابي:
كيف إضاعتها ؟ قال :
إذا وسد الأمر إلى غير أهله فانتظر الساعة.
أخرجه البخاري.

حديث جميل يصف حالنا باختصار

1- تطفيش القطريات .
2- توكيل الهنود والباكستانيات والجاليات الأخرى بتعليم عيالنا وهم مب أهل لهذا الشيء
لأن محد بيخاف ويحب ويهتم بعيالكم الا بنت ديرتكم خلووووهم ينفعونكم يالمجلس الأعرج والأصمخ والأعممى وكل عاهات الدنيا فيك .

[al3grab]

قدمي استقالتك والرزق على رب العالمين

في اي قانون مايقبلونها

[qtrose]

انا زميله لج وخذت دوره المعايير من سنه ولمدة ٦ شهور ولمن قالوا لي لازم تاخذينها قلت لهم واذا ماخذتها ؟ قالوا تقدير وخرابيطهم خبري خبرج ههههههه قلت لهم جنه العيد وجان زين تعطوي ورقه اني ماصلح بالمره .. ومستحيل اخذ اكثر من ٤ حصص ومو ذنبي ان الورشه تضغط جدولي ! يدوروني .. شوفي اختي المجلس الغبي يبي له ناس تلعب وتعرف اللعب على طريقتهم وهاي انا خبزته ولو تشوفين شسوي فيهم ماتصدقين .. لعبت في حسبتهم بكل ما للكلمه من معنى وكله بالاوراق والادله .. مشكلتهم اغبياء ومفكرين نفسهم اذكياء .. وبما اني استمتع واتفنن في رفع ضغطهم صدقيني استمتع بعملي .. ومرتاحه وحتى المعايير انا من نفسي اشرح للطالبات كل معيار عشان يركزون عليه والحمد لله نتائجهم مرتفعه ..
الله يعينا اختي .. بس لا تقبلون بهالضغوط وصدقيني بتتغير .. اخبر انجبرنا مره نمسك ١٨ حصه .. من مسك الحصص ! انا ! دوريني .. والله مارضيت قلت لهم سوو اللي تبون .. ١٨ حصه لا .. ومشيت كلامي .. لانهم عارفين ان مافي شي يجبرني وبالراحه نبي نطلع وندور السبب عشان هم يقولون لنا اطلعوا .. لا تقبلون بهالضغوط و اصري عليها وشوفي النتيجه .. قالوا لي انذار قلت انذروا .. قالوا لي تحقيق .. قلت جنه العيد .. قالوا خصم ههههه قلت لهم من دخلنا المستقله عمري مانزل راتبي كامل من الخصومات فتعودت ماتفرق هههههههه انصدموا والله من كلامي .. لا تسكتين ولا تقبلين ولو قالوا لكم الدوره ماتنقبل قولي لهم عطوي شهادة بعدد ايام الورشه اللي حضرتها وماراح اعيدها وسوو اللي تبونه صدقيني بيسبونها لج .. شرايج الرخصه المهنيه اللي يقولون ضروريه و و و انا لي ٤ سنوات في المستقله ماخذتها وقالوا بيخالفوني مادري شبيسون هههههههه قلت لهم سوو اللي تبون .. وهذا انا للحين جنه العيد ولا سوو شي .. ولا بيسوون شي صدقيني



ما شاء الله عليج ، تعجبيني أنج مريحة راسج :nice:

المفروض بصراحة نسوي مثلج ، احنا مش عبيد عندهم !!!

أهم شي ندرس عيال الناس بضمير ونخلي قرراتهم تولي ،

دوراتهم وملفات الانجاز وخرابيطهم بنخليها لهم !!!

ولا شرايكم ؟؟ :)

[بوحارب]

ركز معانا أخوي بوحارب
تغير وتبديل الوزير مارح يحل شيء
بالعكس إلا بيزيد الطين بله
وبيجي اللي يعقد المجلس ويمارس حقوقه الشخصية
بدون ما أحد يحاسبه ويراقبه
ذيك الحزة بنشوف السليطي ايش يقدر يكتب وإلا يحاسب مثل مايسوي الحين...

اختي الأصيلة الحين المجلس في كامل قواه التعقديه \ يعني معقد من قلب وش تبين اكثر من اللي صاير!


أن شاء الله يجي اللي يسنع هالمجلس ويعيد ترتيبه من اول وجدديد

شوفي خواتنا القطرييات كرهوا شي اسمه تعليم بسبب السياساات الغلط !

:(


حديث جميل يصف حالنا باختصار

1- تطفيش القطريات .
2- توكيل الهنود والباكستانيات والجاليات الأخرى بتعليم عيالنا وهم مب أهل لهذا الشيء
لأن محد بيخاف ويحب ويهتم بعيالكم الا بنت ديرتكم خلووووهم ينفعونكم يالمجلس الأعرج والأصمخ والأعممى وكل عاهات الدنيا فيك .

اشدعوة هنديات وباكستانيات !!!

ليكون جايين يعلمونهم البرياني والبراتا :omg:

الله يستر على عيالنا

كلها سنه او سنتين ووضوح بتشرف المجلس الأعلى :weeping:

[^NoOOoR^]

وزير التعليم ما له أي دور
حتى التعاميم اللي توصل لنا من المجلس ما نشوف توقيعه من الأساس .
وبالنسبة لدورة المعايير أعرف وحدة ولدت وقت ما كانت تاخذ هالدورة و اضطرت تعيدها عقب ما ردت من الاجازة .
بالنسبة للرخصة الدولية سجلنا وما شفنا شيء منهم.
هذا كله و صبرنا بس القهر وين لما مديرة مدرسة و صاحبة ترخيص تعلن أن أي وحدة بتولد أثناء السنة الدراسية تحلم بشيء اسمه امتياز .. بالفصيح ضبطوا توقيتكم عدل للحمل و الولادة يبونا حتى في هالشيء على كيفهم .
اللي تغيب الخميس أو الأحد لأي سبب و إن كان مرضي أو مرض حد من اليهال خصم من الراتب و لا تحلم بالامتياز ..
وبالرغم من هذا كله صامدين وبنشوف آخرتها معاكم يالمجلس الأعلى للتعذيب

[التيما]

ما شاء الله عليج ، تعجبيني أنج مريحة راسج :nice:

المفروض بصراحة نسوي مثلج ، احنا مش عبيد عندهم !!!

أهم شي ندرس عيال الناس بضمير ونخلي قرراتهم تولي ،

دوراتهم وملفات الانجاز وخرابيطهم بنخليها لهم !!!

ولا شرايكم ؟؟ :)




شرايج اني لو طلبهم مب من اختصاصاتي ما اسويه .. لا وازيدج اللي يسمونهم زيارات المجلس الاعلى ولازم يدخلون علينا والله ما اخليهم يدشون .. يدوروني.. الا بمزاجي وحده تدخل بس تتفرج شولا ! لا لهم تقييم ولا لهم شي وتترجاني النائبة و المنسقه وان السين ماتدش يعني ما تدش .. واذا دشت وهاي صا مره من كم سنه دخلت غصب وقفت الدرس ووزعت عالطالبات اوراق واجب وقلت لهم حلوها و قعدت .. ولا عادو معاي هالحركه .. عامليهم بنفس الطريقه وبيعيهم وشوفي ..

[التيما]

وزير التعليم ما له أي دور
حتى التعاميم اللي توصل لنا من المجلس ما نشوف توقيعه من الأساس .
وبالنسبة لدورة المعايير أعرف وحدة ولدت وقت ما كانت تاخذ هالدورة و اضطرت تعيدها عقب ما ردت من الاجازة .
بالنسبة للرخصة الدولية سجلنا وما شفنا شيء منهم.
هذا كله و صبرنا بس القهر وين لما مديرة مدرسة و صاحبة ترخيص تعلن أن أي وحدة بتولد أثناء السنة الدراسية تحلم بشيء اسمه امتياز .. بالفصيح ضبطوا توقيتكم عدل للحمل و الولادة يبونا حتى في هالشيء على كيفهم .
اللي تغيب الخميس أو الأحد لأي سبب و إن كان مرضي أو مرض حد من اليهال خصم من الراتب و لا تحلم بالامتياز ..
وبالرغم من هذا كله صامدين وبنشوف آخرتها معاكم يالمجلس الأعلى للتعذيب

حبيبتي في قانون بعدد الايام اللي لو غابها الموظف ما ياخذ معدل امتياز ومو على كيفها ..
قولي لها حددي كم يوم ما استاهل عليه الامتياز لو بغيبها ! وين القانون في هالشي ! ولو رفضت وهاشي متعودينه لا توقعين عالتقرير نهائيا خلي المجلس يحاسبها .. لانها بتتحاسب لو ما وقعتي ..

[السد]

هذا كله و صبرنا بس القهر وين لما مديرة مدرسة و صاحبة ترخيص تعلن أن أي وحدة بتولد أثناء السنة الدراسية تحلم بشيء اسمه امتياز .. بالفصيح ضبطوا توقيتكم عدل للحمل و الولادة يبونا حتى في هالشيء على كيفهم .


اقول
ترى الكلام ما يمشي هذه الايام
المجلس الاعلى للتعليم تمشي معاه فقط الاوراق الثبوتية
كذب اصحاب التراخيص للاسف على المعلمين القطريين

وقولي لمديرة المدرسة ابغي كتاب موقع باسمج عن حالة الولادة في الفصل الدراسي وعدم استحقاقها للامتياز
الحمل اختي يجي من الله مش من صاحبات التراخيص
الحمل مش دورة معايير لها وقت محدد
:victory::victory::victory::victory::victory:

واتوقع من هذه المديرة مصابة بالعقم او ما عندها وقت تنام مع زوجها او مطلقة او ارملة
والعلم عند الله

حكمة للإمام علي ( كرم الله وجه )
غَيْرَة المرأة كُفْرٌ

[بوراشد82]

أختي انا أحضر هالدورة في مركز الخليج واللي يفشل صج انه اللي يعطونا الدورة مب قطريين والمدرسات بعد مب قطريات !!!
كلهم عرب فلسطينين ومصريين واردنيين ,,, وبنات قطر ينعدون عالأصابع .... وطبعا الورشة اللي أحضرها يلقيها واحد مصري أحلفلج اني ما استفدت شي !!! كله كلام مكرر ,,
لدرجة انه احنا اللي نصحح له المعلومات وهو يشهد بكفاءتنا رغم انه الدورة لمستجدين وأنا صارلي 4 سنين فالتدريس!!
شدعوه مستجدين!!!
وبعدين طالبين منا 25 ملف !!! أقسم بالله العظيم 25 ملف !!! طبعا غير الخطط السنوية والشهرية والأسبوعية وملف التحضير وكلام فاضي ماله معنى ,,
جايين ندرس ولا جايين نعدل ملفات !!! والله بس ناقصنا نسوق الباصات ...
طبعا مطالبين بتدريس فئة الاحتياجات الخاصة ووضع خطط علاجية لكل حالة وتصنيف ماأدري ايش مع انه مب مؤهلين ,,, ثلاثين طالب فالصف أدرسهم ولا أتفرغ لطالبات الاحتياجات الخاصة !! ومركز الدعم شوظيفته !!!

والله انهم عيالنا بس ترا احنا لنا طااقة محدودة والمجلس الأعلى يفرض علينا أشيا تضيع وقتنا بدال ما تنفعنا ,,, طبعا غير الراتب اللي ما يتحرك وكله خصم على شنو ماتدرين !!
10000 شتسوي وطبعا غير القرض لأان مافي سلفيات من الدوام فاضطرينا للقرض !!! والله في حسابي 200 ريال وباقي أسبوعين على أخر الشهر ويقولون درسوا حتى لو نفسيتكم فالأرض ,,, ولا سلفيات من الدوام ولا تأمين صحي ولا امتيازات تدفعنا للتدريس ,,,,
والزيادات اللي من 2009 ما شفنا منها شي ,,,كله أصبروا وقريب ان شاء الله وغير ضغط العمل وتتعاملين مع 600 طالب ,,,

أتقوا الله في بنات قطر محد طفشهم غيركم ...

ترا الشغل مرررررررهق جدا فالمدارس المستقلة ,,ما صرنا مدرسات حشى أخطبوط !!

أنا مدرسة وأجر نفسي غصب للدوام بس عشان طالباتي اللي أحبهم ’’’ ولا من بيدرس بناتنا !! نخليهم لمن !!!

حسبي الله ونعم الوكيل عليكم يالمجلس الأدنى ما وراكم خير ,,,, الله يزيلكم من كراسيكم ياللي ضيقتوا علينا وصرنا كارهيين التدريس من تخبطاتكم ,,,

وأبشرج هالحزة المديرة توزع علينا ورقة أرغب أو لا أرغب عشان العقود .. 25 مدرسة قطرية كاتبين لا أرغب وأنا منهم ,, خلاااااااااااص طفح الكيل ,,,,, طبعا هاي كل القطريات اللي فالمدرسة ةالباقي كلهم عرب ,,,
خلهم الأجانب يدرسون الطلاب لأن هاي سياسة المجلس الأدنى .....

[captin]

ويستمر مسلسل فشل التعليم في قطر

حسبي الله على من اتى بهذا النظام الفاشل
لابارك الله فيه ولا وفقه في الدنيا والآخرة

[عنوووود]

وحدة من المعلمات ماغابت ولا مرة وبالصدفة وهي واقفة بجانب الي تاخذ غياب شافت اسمها وعليه كلمة غياب ، إستغربت وقالت لها لو سمحتي هذا اسمي وانا ولا مرة غبت اشلون حاطين غياب لي " قالت بنراجع الكشوووف " والأخت راحت تراجعهم قالوا لها صح ولا مرة .

يعني أنصح كل معلمة تراجع معاهم اول بأول وخاصة آخر يوم في الورشة .

وبعض المعلمات يتأخرون على الورشة والسبب مدارسهم . " والمعلمة والله مسكينة شتقول والله المديرة قبل مطلع قعدتني مع ولية امر ، أو أخصائية المعايير جات في هذا اليوم ، او ما لقت احد ياخذ حصصها يقلون لها والله كيفج لازم تلقين احد ياخذها ، في ذمتكم هذا رد ؟

بس تعبت

[تربوي]

اقدم اعتذاري بداية للمجلس الأعلى الموقر لكنني لم أجد غير هذا العنوان لموضوعي !

صحيح أنني عملت في المدارس المستقلة لمدة لا تزيد حاليا عن 8 شهور الا انني استطيع و بكل سهولة و كفاءة توثيق مجلد كامل في حماقات المجلس الأعلى للتعليم !!

بس هذي جديدة !! على الأقل جديدة علي :shy:

المكان : مركز التدريب في المطار ورا المول ( بالنسبة لي قلعة واادرين )
الزمان : الأسبوع الماضي
الشخصيات : - معلمو و معلمات المدارس المستقلة ( لازم خلط علشان التطور :secret: )
- موظفة من المجلس الأعلى تحصر الغياب

ملاحظات : الذهاب الى ورشة المعايير تستهلك يوم دراسي من كل اسبوع على مدار الفصل تقريباً .. عادي طبعاً حصص المعلمة لهذا اليوم تتوزع على باقي الأيام و عااادي يكون عندها 5 حصص في يوم آخر ... هي في النهاية مصلحة عليا .. او مثلا تعطي حصتين و تطلع متصرقعة و تجي متنحة و تروح منتهية الصلاحية :rolleyes2:

موظفة المجلس الأعلى لها شخصية حازمة بس سبحانك يا ربي .... ترد على تساؤلاتنا بنفس طريقة المجلس الأعلى و كأنهم مبرمجين ! أول بتشرح لك الأسباب اللي هي حافظتها عن ظهر قلب و عقب سؤال سؤالين من الجمهور بتقول الجملة السحرية مالتهم ( هذا هو القانون و صادر في قرار و انا مالي خص ! )

الحجية جات تاخذ الأسباب مالت غياب اول يوم ( ما قصرت :secret: ) !

و تسجل عندها في السجل : غياب غياب غياب !!

من باب اللواسة و اللقافة سألناها : شنهي الطريقة اللي يحسب بها الغياب و كم مرة نقدر نغيب بعذر ؟؟

الجواب جاهز : تقدرون تغيبون بعذر يومين بس..لأن نظام الورش هو نظام ساعات مكتسبة و يلزم اكتساب الساعات لاجتياز الورشة بنجاح والا تكونون راسبيييييييييييين!

طيب واذا كان عندنا 3 ايام غياب بعذر مقبول شالدبرة يا حجية ؟؟؟

هني ام الحمااااااااااااااااااااااااااااااااااااقة

اكثر من يومين تكونون راسبين بغض النظر عن الأسباب و بحسب تعبير الموظفة نفسها ( حتى لو كنتي وااااااالدة ! ) لأنكم ما اكتسبتوا الحد الأدنى من الساعات ، وراحت عليكم ساعات فما تستحقون الشهادة ،طبعا خرجت مسرعة ........

شهالغباوة ؟ ( أصف القرارات و ليس الموظفة )

عندي نقطتين اللي بيجاوب عليهم بيعيد ثقتي في المجلس الأعلى مشكووووراً !

* اذا كانت الورشة بهذه الأهمية و تلزم تغطية جميع الساعات، ما فكر أحد فيكم بتعويض الساعات المفقودة بعذر ؟؟ مع وضع حد اقصى للفاقد ؟؟ مب احسن من ان الواحد يحضر اسابيع متصلة و عقبها يصيده ظرف صحي او ظرف بالمدرسة و ما يقدر يجي في ايام محددة فيرسب و يضطر يعيد من اول !
* القرار اللي نزل من مدة بسيطة بشأن تقييمات المعلمين ينص بوضوح على ان من يرشح لورشة و يرسب فيها او يعتذر عنها ينزل تقديره بشكل تلقائي الى ( جيد ) بغض النظر عن اي عمل قام به !
فاتقوا الله ..شلون الموظف يغيب بعذر ويعد العذر مقبول لكن يرسب في النهاية و يندمر تقديره!

مع تحياتي

صااامدة في المدارس المستقلة :nice:

اختي المدرسة

تحياتي لقلمك المميز ولكن لا تلومين الموظفة او غيرها من من يمثل المجلس فهؤلاء مساكين لاحول ولا قوة
والخوف كل الخوف ان تجيبك على سؤال لايعجب مدرائها فترمى في مكان لا يعلمه الا الله

ولو لاحظتي على هؤلاء المساكين خايفين وجادين ومتأهبين ... وكأنهم في حرب وليس في وظيفة

صدقيني اذا قتلك ان هذه حالة معظم موظفي المجلس

الله يعينهم ويعينا ويعينكم عليهم وعلينا ...

[sendarala]

بس حرااام هذا الظلم



حسبي الله ونعم الوكيل في من دمر التعليم في قطر الله لا يوفقه لا دنيا ولا أخره

[دلة الرسلان]

ماحد يبط عينه باصبعة الا احنا :(

[شمس]

قطريه ماركه من هلي في توقيعج مكفخ ويقول اي ام اوكي ههههههههههههههههههههه
لا يكون المجلس؟

[مدرسة]

صباح الوررررررد عليكم جميعاً

أشكركم جميعاً على الردود ..... وقلت ارد مرة وحدة لضيق الوقت :nice:

- مسألة الحماقات لا آخر لها و بحكم عملي اطلع على الكثير منها ...... بالطبع لما تكون معلم تشوف جزء من الصورة و كل ما طلعت بالسلم الوظيفي تبتدي تشوف اكثر ! :secret:

- مسألة ترك الوظيفة و الانتقال الى غيرها تعتبر خاااارج المناقشة بالنسبة لي و هذي قناعة داخلية . ادري ان الوضع متأزم وووو بس في النهاية كل واحد فينا يسوي اللي يقدر عليه ، فيه ناس يشترون دماغهم و يطلعون ، و فيه ناس يقاومون و يكافحون و يردون يطلعون لظروف ...ما الوم اي احد منهم ، بس في ناس ( منهم انا ) قررنا نستمر - ما هي شطارة و لا بطولة منا - بس في هالوضع و هالحالة ماااا اقدر اخلي مدرستي و اطلع من التعليم !
ارجع و اقول هو اختيار شخصي و اتحمل نتايجة .

خطتي منذووو بداية العام الدراسي هي الارتقا في السلم الوظيفي و احداث تغيير في المكان اللي انا فيه عالاقل، بحمد الله انا في الطريق الى تحقيق ذلك .

- تحياتي و احترامي لاخواني المعلمين سواء اللي انتقلوا الى مجالات اخرى ( ما قصرتوا كفيتوا ووفيتوا ) او اللي صامدين ( احتسبوا الاجر عند رب العالمين )

اعرف ضغط الحصص و الجدول الخ.... عانيت من هالشي في فترة سابقة من عملي ، لذلك رفقا يااا اصحاب التراخيص بالمعلم القطري فهو اغلى ما تملكون في هذه لفترة ولا بينفعونكم الخبرا اللي تجيبونهم من برااا ولا المدرسين اللي تجيبونهم من كافة الاصقاع و انا حكم على اداء معظمهم المتدني و فشلهم في الالتزام بجوهر مهنة التعليم عدااا عن حقدهم على زميلهم المعلم القطري و تحاملهم على الطالب القطري

- على فكرة بخصوص بنت النوخذة عزيزتي وايد عندج امل ! من قالج ان يجيبون لنا خبار يدرسونا ورش المعايير؟؟؟؟ لا و من برا بعد ؟؟؟؟
عزيزتي اللي يدرسون الورش هم عبارة عن معلمون و منسقون في المدارس المستقلة مثلنا بالضبط و مثل ما تفضلوا الزملا اغلبنا نعرف شبيقولون من قبل لا يقولونه ما من جديد و بالنسبة لي كشخص فخبرتي تتجاوز ما يقولون و لله الحمد والمنة و هالورشة ماخذتها لاني ماقدر ارفض الترشيح علشان تقييمي ! للعلم انا عندي شهادات معتمدة كمدربة و اقدر اقدمها للزملاء المعلمين بكفاءة فشنو الهدف اني لازم اخذها عند غيري!!!
و بخصوص العذر اذا كان طبي بيكون مقنع --> عزيزتي الموظفة كانت واضحة و محددة معانا و قالت بالحرف الواح حتى لو كنتي في غرفة الولادة و ووالدة بعد ينحسب غياب و اذا صار اكثر من يومين ما تنجحين بغض النظر ! حتى لو مسوية عملية او كنتي خارج البلاد في مهمة رسمية ...مااا تفرق (انتي مو موجودة مرتين = انتي راسبة )
ورش التنمية الادارية اعرفها زوجي يروح 5 ايام ما يسمح له بالغياب و ووو انا فاهمة كلامج بس موضوعنا غييييييييير مثل ما انتي فاهمي كوورس كامل !

[تربوي]

- مسألة ترك الوظيفة و الانتقال الى غيرها تعتبر خاااارج المناقشة بالنسبة لي و هذي قناعة داخلية . ادري ان الوضع متأزم وووو بس في النهاية كل واحد فينا يسوي اللي يقدر عليه ، فيه ناس يشترون دماغهم و يطلعون ، و فيه ناس يقاومون و يكافحون و يردون يطلعون لظروف ...ما الوم اي احد منهم ، بس في ناس ( منهم انا ) قررنا نستمر - ما هي شطارة و لا بطولة منا - بس في هالوضع و هالحالة ماااا اقدر اخلي مدرستي و اطلع من التعليم !
ارجع و اقول هو اختيار شخصي و اتحمل نتايجة .

خطتي منذووو بداية العام الدراسي هي الارتقا في السلم الوظيفي و احداث تغيير في المكان اللي انا فيه عالاقل، بحمد الله انا في الطريق الى تحقيق ذلك . !

من اروع ما سعته

بوركتي وبوركت مساعيك

[مدرسة]

كل يوم هالمجلس في حال !!!

و صادقة مديرتنا جزاها الله خير يوم تقول يحلمون حلووووووووم omen و لا قاموا الصبح اصدروا القرار الفلاني ساري المفعول في نفس اللحظة دون تبصرة او تفكير ...:court:

ولا يقلبلون اعادة التفكير :rolleyes2:

لما كلمناهم المرة اللي طافت عن الاختبارات الوطنية وكيف بنحضر الورشة واحنا موقعين تعهدات مع المجلس الاعلى بمهام معينة داخل مدارسنا او خارجها كلٍ على حسب وظيفته ....طيب شلون نحضر الورشة ؟؟؟

قاااااالت لنا المدربة الله يعافيها : انا كلمت المسؤلين و قالولي ( مااااااااااافي مجال المفروض ان المدارس عاملين حسابهم و الورش في موعدها خلال اسبوع الاختبارات الوطنية ! )

شلون نعمل حسابنا ؟؟؟؟ يعني نعمل حسابنا على غياب يوم واحد !!!

يا اما هالغياب يكون من نصيب الورشة ، و نحضر الاختبارات في مدارسنا ، او يكون من نصيب الاختبارات الوطنية و هذا مستحيل ! لأنه التزام اكبر .

أليست هذه حمااااقة ؟؟؟ ان الورش في هذا الاسبوع كلها سيغيب عنها المعلمون و المعلمات ! من المستفيد اذاً !!!

وووووو لا يفوتكم ....... هالاسبوع حلموا حلم ثاني ( ان شاء الله خير )
و قالوا لنا خلاص يا جماعة ..... بتوقف الورش اسبوعين ( اسبوع الاختبارات الوطنية و الاسبوع اللي بعده ) -----> الحمدلله

ما كان من الأول !!! --> يالله الطيب احسن يالمجلس الاعلى

[الـخـالـدي]

اصمدي ولج الأجر ان شاء الله ..

المدرسين فهالايام يعانون .. والله ينطبق عليهم حديث الرسول عليه الصلاة والسلام
القابض على دينه كالقابض على الجمر

تخيل الطلاب قدامك مشاغبين ولا تقدر تتخذ معاهم اي اجراء

الله يعينكم وينصركم على المجلس الأسفل الظالم

اللي نزل مستويات عيالنا الى الادنا وضيعهم وظلمهم وظلم الموظفين من مدير الى مدرسين

[مدرسة]

الله كريم :weeping: