المساعد الشخصي الرقمي

مشاهدة النسخة كاملة : الفرق بين شركة تجهيزات المتحده وبين مركز الرخام والجرانيت


Miss Merna
13-05-2011, 12:17 PM
سؤالي لأهل الخبرة ماهو الفرق بين رخام المتحدة ومركز الرخام الي في قرية بروة مع العلم ان نفس الرخام كرخام كريم مارفل وكريم نوفا والدارك والأيت امبرادور ونخب اول على قولة الاثنين بس الأسعار مختلفة فهل الارتفاع في السعر الى الى عند المتحدة معناه ان رخامهم احسن ياليت الي عندة خبرة يًرد على
خالد32
13-05-2011, 01:03 PM
ايش اسعارهم؟
Miss Merna
13-05-2011, 01:53 PM
المتحدة أغلى
na7ees
13-05-2011, 02:30 PM
المتحده أغلا
والمتحدة ماعندهم عمال يركبون بس تشتري منهم. عكس مركز الرخام
Miss Merna
13-05-2011, 02:39 PM
يعني تنصحوني بمركز الرخام والجرانيت نفس جودة الرخام الى عند المتحدة
خالد32
13-05-2011, 07:06 PM
اعتقد التركيب عند مركز الرخام 150 للمتر
و الرخام الاسباني من 400 ريال للمتر
في محل في الصناعيه عنده 280 المتر سلاب للاسباني و التركيب 70 بس نسيت اسمه
على شارع المناجر في زاوية كنت عنده من يومين
لو رحت هناك بحط اسمه
Miss Merna
13-05-2011, 07:46 PM
اعتقد التركيب عند مركز الرخام 150 للمتر
و الرخام الاسباني من 400 ريال للمتر
في محل في الصناعيه عنده 280 المتر سلاب للاسباني و التركيب 70 بس نسيت اسمه
على شارع المناجر في زاوية كنت عنده من يومين
لو رحت هناك بحط اسمه

اخوي في فرق تقريبا خمسين ريال بس لوبتحسبها على مساحات كبيرة بيكون الفرق كبير بس مركز الرخام والجرانيت سعر التركيب عندهم يشمل الجلي اذا انت تعاملت مع محل وتثق فيه ياليت اتطرشلي رقم واسم المحل
شموخ دائم
13-05-2011, 08:23 PM
,

,


مرحبا

انا تعاملت مع مركز الرخام
وماقدر اقول الاحسن بهذه المقارنه لاني للاسف ما تعاملت مع المتحده نهائيا

لو تعطين المحلين خريطه بيتك ويكون فيه ديزاين معين للبيت توريد وتركيب
ويعطونك عرض كوتيشن شوفي الاسعار بين المحلين وكم الفرق بينهم

وبعدها تشوفين كل محل ركب وين وشنو نوع الشغل
والي بترتاح له نفسك من ناحيه نظافه الشغل والسعر توكلي على الله ناحيته

الاسعار تختلف من مكان الى مكان حسب جوده البضاعه وصعب نعرف النخب الاول من الثاني
وايضا صعب نعرف مصدر البضاعه على سبيل المثال

الكريم مارفيل
ممكن يكون تركي وممكن يكون اسباني وممكن يكون ايطالي بكل دوله الاسم موجود
ولا اكبر مهندس او استشاري يقدر يفرق بينهم فما بالك في الانسان العادي

البضاعه الزينه تعتمد على ذمه المكان وسمعته وشهرته
المحلات الكبيره تخاف على اسمائها والخوف من المحلات الصغيره
ولذلك احنا نتجه الى المحلات المعروفه لتجنب الوقوع في الغش من ناحيه
ومن ناحيه اخرى عندهم الامكانيات الكبيره في تقطيع الرخام لو احتجنا
تقطيع خاص او ديزاين صعب يقدرون ينفذونه بسهوله واتقان
ولو نقص الرخام يقدرون يوفرون لنا الكميه المطلوبه

الشي المهم ايضا تركيب الرخام يحتاج الى عماله ماهره والعامل الماهر سعره غالي ومن المهم نتجنب السعر الرخيص لانه
معروف كيف بيكون الفنش ماله يعني نحاول نلاقي سعر متوسط
لا هو غالي ولا رخيص والاحسن نشوف شغله السابق ونحكم عليه

الرخام شغل تشطيب وبيكون ظاهر للعين
ومن الضروري يكون تركيبه ممتاز جدا يضيف جمال للبيت وليس العكس

مو معقوله نشتري رخام بمبلغ كبير ونجيب واحد يركبه وشغله مو نظيف وراح نتحسف على الرخام


لذلك الرخام والحجر اصعب شغلتين في البيت
من ناحيه الاختيار ومن ناحيه التركيب والمنظر الجمالي
علينا نختار الشركه بعنايه ونشوف شغلهم هذا شي ضروري قبل نتعاقد معاهم

انا ارشح للرخام

مركز الرخام والجرانيت

فنار

الرخام الذهبي

والي يقدر يدفع اكثر يجرب محل اسمه

( كيو مارمي ) قبل قطر للديكور

ولكن سعره مو بسيط

وبالتوفيق للجمع

,

,


اخوكم


شموخ دائم
Miss Merna
13-05-2011, 10:17 PM
الف شكر لك اخوي شموخ دائم يعني افهم من ردك أني اختر مركز الرخام والجرنيت اذا لقيت ان سعرة اقل من المتحدة لان مبدائيا هو الاقل في السعر لأني الصراحة مترددة بينة وبين المتحده
Miss Merna
15-05-2011, 05:21 PM
محد عنده إضافات بعد