الشباب والشعر الطويل!!!!! موضه جديده في قطر

[saryalia4u]

السلام عليكم

الشعر الطويل بالنسبه للشباب موجوده من زمن يدي..
لكن الجديد جدا
http://i.dailymail.co.uk/i/pix/2008/04/09/article-1011421-007534CC00000258-689_468x529.jpg

التسريحه اللي معتمدينها شبابنا

طبعا مو كلها بنفس طريقه اللف ع الاطراف.

استغربت ذالك اليوم داشه الاند.. ولفت نظرى هالشاب الكاشخ ولاف اطراف شعره بهالاسلوب..

قلت يمكن ماشفت زيين.

وبعد نص ساعه ااشوف الثاني بنفس الحركه...

لا شكل السالفه مش تخيل... هالحركه حتى البنات ماوصلت لهم.. وطريقة تثبيت الشعر بهالطريقه يحتاج لها فير ومشابيص..

ولا مستحييييل ابد تثبت.

ابي اعرف شالهدف من هالتطور الخطير..
وكم ساعه صار الشاب يجابل المرايه..


اللهم اهدي هالجيل..
يا رب

[asadfg]

انتو مازهقتو من ها الموضوع يخي خلاص كل واحد عليه من نفسه بعد تقعدون تعورون راسكم كيفه الي يبي يطول شعره خل يطول والي مايبي كيفه والي يبي يعطيه زيرو براحته والي يبي يصبغه اخضر بعد براحته فكونا عاد ماتتعبون وانتو تشوفون الناس وتتكلمون عنهم يعني بس هاي الي مجتمعنا شاطر فيه خلصت المواضيع انيي نتكلم عن الشعر

[خليفـة]

يا جماعة اش فيكم على الناس؟
هههههههههه
حرية شخصية يا اخي
كل واحد ينام على الجمب الي يريحة

:nice:

[الرميله]

الله المستعان
والهدف للاسف معروف لجلب انظار حواء بالمجمعات
لكن الصراحه منظرهم مقزز

[بومحمد911]

الله المستعان
والهدف للاسف معروف لجلب انظار حواء بالمجمعات
لكن الصراحه منظرهم مقزز

كلام سليم :victory:

[saryalia4u]

asadfg
خليفه


شكل شعوركم طويله..><


انتوا ناموا ع الجنب اللي يريحكم واحنا بنام ع الجنب اللي يرحنا
ظاهره الشعر الطويل موجوده من زمان لكن الجديد هو اللي شفته

اعتقد الصح صح والغلط غلط ومش معناه ان هالشيء مايسيء لنا جميع
دام انهم قطرين
التنبيه مطلوب .. مثل ماطلعوا عمارات الكورنيش على روس البنات وناقشناها
ضروري نناقش الجديد والمتطور والغير مرغوب من الاغلب
سسواء للبنات والشباب.

[خليفـة]

asadfg
خليفه


شكل شعوركم طويله..><


انتوا ناموا ع الجنب اللي يريحكم واحنا بنام ع الجنب اللي يرحنا
ظاهره الشعر الطويل موجوده من زمان لكن الجديد هو اللي شفته

اعتقد الصح صح والغلط غلط ومش معناه ان هالشيء مايسيء لنا جميع
دام انهم قطرين
التنبيه مطلوب .. مثل ماطلعوا عمارات الكورنيش على روس البنات وناقشناها
ضروري نناقش الجديد والمتطور والغير مرغوب من الاغلب
سسواء للبنات والشباب.

هههههه
شعري مب طويل يالغالي
ولو طويل بقول لك طويل .. لان لا انت ولا اي احد غيرك له الحق يحاسبني على اي تصرف اتصرفه طالما اني لما ادس له على طرف
الي قصدته من كلامي كل شخص يتصرف على هواه
انت عليك من نفسك .. ماعليك من غيرك
او بالأصح .. مالك شغل بغيرك يالغالي
واذا تبي تنصح فيه امور كثيرة أولى وأهم من مسألة الي يطول شعره
فيه شباب ملتزمين دينياً ومربين شعورهم
هل تقدر تقول : هذولي على خطأ !

للنصيحة اسلوب وطريقة في الحوار
وانت شكلك يالغالي من بداية الأمر استنكرت كلامي وكلام الأخ الي معاي
وعلى طول حكمت ان شعورنا طويلة هههههه
وكأنك مشغل كامي بدون علمي

عموما .. للعلم فقط
موضوعك مكرر عشرات المرات

انصحك بموضوع اخر تنصح فيه ولاتنسى استخدام اسلوب طيب وغير منفر

خليفــة
:)

[asadfg]

اتفق مع اخوي خليفه .. وبسكم فضاوه

[sara jsm]

اما جي ههههههههههههههههههههههه
بكرة عادي تلقاهم مسوين كبابه :p
الله يهديهم ان شاءالله ,,

[Dawn]

اشدعوه ما اعتقد انهم بيسوونه بالفير يمكن انتي التبس عليج الموضوع يمكن شعرهم ملولب ومسشورينه بس الاطراف ما سشوروها ... فبين لج انهم لافينه بالرولات والا مسويينه بالفير ... ما ظنتي وصلوا عندنا الشواذ الى هالمستوى .. ( والا وصلوا وانا مادري ؟؟ )

عالعموم هالاشكال معروف انهم بلشتيه وبالعكس الموضه الشكل النظيف والشعر القصير ..

وبسكم قز في خلق الله سواء حريم والا رجال ... الله يهدي الجميع

[بوسعود911]

أنا اعتبره أنا في نقص

[XP.Qatar]

الســلام عليـكم ,,

والله أعلم مرض نفسي لجلب الأنظار , عموما بشكل عام دخلت المجمع صايرة مقززة من مناظر بعض الشباب والبنات إلي مافي أي صبغة إلا وحطتها بوجهها ..

الله يصلحهـم ,,

[بوخالد911]

انا ضد هالتصرف

والله يهديهم


وضد الثياب المخصرة اللي يلوعووون الجبد وكأنهم ............. !!


الله لا يبلانا بس

[XP.Qatar]

يا جماعة اش فيكم على الناس؟
هههههههههه
حرية شخصية يا اخي
كل واحد ينام على الجمب الي يريحة

:nice:

هذا بلا بوك ياعقاب , حرية شخصية يقعد / تقعد فبيتهم , أما وسط العالم يحترم عادات وتقاليد هالبلـد والتشبه بالنساء أو البنات المهرجات ( الفل مكياج وسط المجمع ومطلعة قذلتها ) تضر فالناس إلي حولهم وتشوه صورتنا كمجتمع مسلم محافظ .

[بـــــــنت النوخـّــــذه]

انا ضد هالتصرف

والله يهديهم


وضد الثياب المخصرة اللي يلوعووون الجبد وكأنهم ............. !!


الله لا يبلانا بس

كلام سليم 000

ولو سئلت شخص منهم ليش مطول شعرك بهذي الطريقه بيقول الرسول عليه افضل الصلاة والسلام مطول شعره !!!

استعجب لما يكون هذا الرد طيب والرسول عليه افضل الصلاة والسلام ماخذتوا منه الا هذه الصفه !!!
يا تاخذون كل الصفات او خذوا بس بحكمه وعقل مهب تشديد باشياء وتفريط بامور اخرى

بالمثل في سنه من السنوات انزلت قصه للبنات نسيت اسمها يعني حاشين شعورهم بطريقه تشمئزون من منظرهم فوق الاذن الشعر كامل وورى خفيف كلش ومن جدام قذله اشطولها مثل العنز تكرمون اشله مسبلين بعمركم بهذي الطريقه 000:eek5:


عموما" النصيحه واجبه في كل امور حياتنا صحيح هي حريه شخصيه ولكن انصحني وانصحك والذكرى تنفع المؤمنين ^_^ ومازلنا احنا في مجتمع محافظ يقدس السلوك الايجابي والمنظر المهذب للرجل والمرأه

[خليفـة]

هذا بلا بوك ياعقاب , حرية شخصية يقعد / تقعد فبيتهم , أما وسط العالم يحترم عادات وتقاليد هالبلـد والتشبه بالنساء أو البنات المهرجات ( الفل مكياج وسط المجمع ومطلعة قذلتها ) تضر فالناس إلي حولهم وتشوه صورتنا كمجتمع مسلم محافظ .

الغالي شكلك ما قريت الموضوع من البداية ههههههه
احنا نتكلم عن الشباب الي يطولون شعورهم فديت خشمك مب عن الحريم والمكياج

هههههههههه
حبه حبه اخوي .. ولاتستعجل في الرد عشان ما تحرج نفسك

[XP.Qatar]

الغالي شكلك ما قريت الموضوع من البداية ههههههه
احنا نتكلم عن الشباب الي يطولون شعورهم فديت خشمك مب عن الحريم والمكياج

هههههههههه
حبه حبه اخوي .. ولاتستعجل في الرد عشان ما تحرج نفسك

ياليت تدق سلف للموتر وروح خذ لك لفة بفيلاجيو إذا ودك تفهم مقصد صاحب الموضوع , المشكلة ماجات على تطويل الشعر إلا قصات وشغل دلع ألحين , وأما الحريم والمكياج كان مجرد مثال عن الحرية الشخصية , وكلمة الحق مافيها أحراج ..

[خليفـة]

ياليت تدق سلف للموتر وروح خذ لك لفة بفيلاجيو إذا ودك تفهم مقصد صاحب الموضوع , المشكلة ماجات على تطويل الشعر إلا قصات وشغل دلع ألحين , وأما الحريم والمكياج كان مجرد مثال عن الحرية الشخصية , وكلمة الحق مافيها أحراج ..

انا يالغالي .. ما ادش هالأماكن الا اذا لي حاجه فقط
ما ادش عشان اشوف تصرفات الناس
الناس لها رب يحاسبها
علي من نفسي فقط

وبعدين يا خوي يقول لك المثل :
مافيه ديرة الا وفيها مقبرة
ولا به بيت من غير حمام الله يعز القراء

[الكبير الله]

الحمدلله الذي عافانا من ما ابتلا به كثير من الناس

[اسعاف]

الي امطولين شعورهم ويدورون في المجمعات

هذول هم طليعة الأمة للدفاع عنا ضد هجوم الفرس

[XP.Qatar]

انا يالغالي .. ما ادش هالأماكن الا اذا لي حاجه فقط
ما ادش عشان اشوف تصرفات الناس
الناس لها رب يحاسبها
علي من نفسي فقط

وبعدين يا خوي يقول لك المثل :
مافيه ديرة الا وفيها مقبرة
ولا به بيت من غير حمام الله يعز القراء

بحكم أنك بنفسك قلت ماتدش هالأماكن دايم , صعبة تحكم وترد بهالطريقة وتقول حرية شخصية أو حسابه عند ربه ,, مابينهم وبين الله يغفره لك إذا شاء ولكن ما بينكم وبين الناس سيحاسبون عليه اشد الحساب .. وهم يعدون فتنة للناس تمشي عالأرض ..

وإذا أنت انسان ماتـئـذيـت منهم , غيرك سكان أحذا هالمجمعات وكل يوم له قعدة يروح فيها عن همومه ويقعد فيها مع زوجته أو واحد من ربعه في أحد المقاهي , ومن يوم مايدش لين مايقعد أنسدت نفسه من شوفة هالإمعات ..

إذا نبي مجتمع أحسن , لازم نطبق نظرية " لحل مشكلة يجب معرفة ان هناك مشكلة " ..

تحياتي

[captin]

المنظر مخز وقبيح
لرجل او شاب مطول شعره

الله يهديهم

الحياة فيها أمور أهم وأكثر جدية للإهتمام بها

[العقل الحر]

http://up4.al-qatarya.org//uploads/images/al-qatarya-21ef9c33a5.jpg (http://up4.al-qatarya.org//uploads/images/al-qatarya-21ef9c33a5.jpg)


:victory::victory:

على فكرة شعري مب طويل

ولا دخل للشعر بالرجولة ابدا

والرجال رجال كان شعره طويل او قصير

والعكس صحيح

[هبوب الكوس]

هذي يسمونها ربشه

[امـ حمد]

الله يهديهم هل الشباب

[بوسلمان 2010]

الله المستعان والله يهديهم ويصلحهم ان شاء والمشكله يااخوي وايد يربون اشعورهم ومن جنسيات ثانيه


وتطويل الشعر في حدود المعقول المنظر مقبول وفي ناس الله يصلحهم تعدو الصراحه الاحترام وهذي راي الشخصي


مع احترامي للجميع

[Right]

للأسف أن هالموضة موجودة

أنا أشمئز إذا شفت حد شعره طويل

هناك مقولة:

" ليس كل ذكر رجل ولكن كل رجل ذكر "

[هارودز]

الله كريم

[AL3NA]

الله يهيدهم او ياخذهم ويفكنا منهم


.. واذا ماكان فيه نصيحه ولا قوة هذا خطاء وهذا صح على الدنيا السلام

[حقيقه]

http://www.dohaup.com/up/2009-08-11/dohaup_1856463053.jpg


اتوقع يلبسون باروكه

[سـ ع ـود]

http://www.alnabkvb.net/vb/uploaded/442_1198585385.jpg


مالي خص :secret:

[al saad]

الله المستعان
والهدف للاسف معروف لجلب انظار حواء بالمجمعات
لكن الصراحه منظرهم مقزز

صح 100٪:victory:

[أزهلها]

المشكله على بالهم منظرهم حلو ولامقطعين البنات بطول الشعر ..
أحس أن الواحد يقعد اسبوع مايعرف الماي عشان ماتخرب التسريحه

[قطر70]

والله اني اشوفهم واضحك عليهم
الحمدلله الذي عافنا مما ابتلاهم به

[saryalia4u]

ياليت تدق سلف للموتر وروح خذ لك لفة بفيلاجيو إذا ودك تفهم مقصد صاحب الموضوع , المشكلة ماجات على تطويل الشعر إلا قصات وشغل دلع ألحين , وأما الحريم والمكياج كان مجرد مثال عن الحرية الشخصية , وكلمة الحق مافيها أحراج ..


تسلمين اختي
وياليت الكل يفهم القصد من الموضوع
وانا ماقصد اجرح باحد ابد
لكن ذولا شبابنا واللي نتمناهم احسن ناس
مو قصات غريبه ولبس ضيق مشيات مادري شلون

دووم شباب قطر فيهم الخير والبركه
بس ياليت الكل يتقبل اذا صار في خطىء نناقشه
ممكن اي حد يقرى وينصح ويتعض
ونكون ايجابين بموضوعنا
مونشوف الخطاء ونسكت

[saryalia4u]

http://up4.al-qatarya.org//uploads/images/al-qatarya-21ef9c33a5.jpg (http://up4.al-qatarya.org//uploads/images/al-qatarya-21ef9c33a5.jpg)


:victory::victory:

على فكرة شعري مب طويل

ولا دخل للشعر بالرجولة ابدا

والرجال رجال كان شعره طويل او قصير

والعكس صحيح


كلامك صحيح
والقصد من الموضوع شيء ثاني

ياليت تنتبهون اني كتبت في بدايه الموضوع
ان الرجل يطول شعره من ايام جدودنا لكن المشكله التطور اللي وصل له هالشعر الطويل
من قصات بنات وتسريحات ماتليق بالشباب

[R 7 A L]

خلونا نكون واقعيين واحد يشوف صور ابوة او عمة او خالة او اخوة الكبير ايام السبعينيات مطول شعرة ولا مسوي كديش وشعر صدرة طالع ولابس فانيلة علاق ضيقة وهاف وانتم بكرامة صغير .

شلون تبون يكون ردة فعلة وهل بيقبل النصيحة من ابوه او خاله او عمه !!!

[saryalia4u]

الله يهيدهم او ياخذهم ويفكنا منهم


.. واذا ماكان فيه نصيحه ولا قوة هذا خطاء وهذا صح على الدنيا السلام


قول الله يهديهم
وادعي لهم.. اي انسان ممكن يتصرف خطاء ولكن المهم مايستمر في خطاءه

[ANONYMOUS]

http://i.dailymail.co.uk/i/pix/2008/04/09/article-1011421-007534CC00000258-689_468x529.jpg

قصّة الحَولي هههههههههههههههه

[دلة الرسلان]

بيطولون شعورهم وبعدين بيزهقون ويقصرونها وحتى لوطولوا شعورهم كيفهم حرية

شخصية المهم ما تكون تسحب على الأرض ويعثرون فيها الناس .

[احمـد]

دينا وتربيتنا وقيمنا وعاداتنا موب نفس اوروبا والعالم

يعني لاتستغربوا اذا انطرح مثل هالمواضيع , بالعكس استغربوا للي يقول هذه حرية شخصيه . انا اتكلم بشكل عام عن البلاوي الي صايره , بنت مسترجله قالوا حريه شخصيه , رجال مستانث قالوا حريه شخصية , حريم فاصخين الحياء قالوا حريه شخصية .. قوتنا كانت بتطبيقنا للدين وتطبيقنا للدين يحثتنا على التناصح بينا احنا موب غرب كل واحد ماله بالثاني , ولا حد يقص على عمره ..

الله يصلح الكل ان شاء الله , وعلى طاري هالموضوع اخبر قبل فتره نزلوا كاركتير في جريده الرايه راسمين شاب ويسالونه :
ليش ماتصلي ..! ماجاوب
ليش تغازل ..! ماجاوب
ليش تستعرض ..! ماجاوب
ليش تسمع اغاني ..! ماجاوب
اخر شي اسالوه , ليش مربي شعرك وزالغ شنبك ؟ : قال : قال النبي صلى الله عليه وسلم ((اعفوا اللحى وحفوا الشوارب .)) والنبي صلى الله عليه وسلم كان شعره طويل .

! ! !

يعطيج العافية

[بـو هـمـيـان]

استغفر الله العظيم ... من كل ذنب عظيم
أنا أوافق صاحب الموضوع الرأي وفعلا هالتصرفات مش شيء عادي لأنها تصير في أماكن مفتوحه و عامه ... يعني احنا نربي عيالنا ونزرع فيهم قيمنا وعاداتنا وتقاليدنا ونعلمهم السلوكيات الصحيحه .. وبطلعه وحده لهالمجمعات يخترب عندهم كل شيء يشوفون هالشباب اللي مسويين تساريح عجيبه ف شعورهم والبنات اللي مسوين مهرجان واحتفال ف نفسهم وهالأجانب وتفصخهم وملابسهم الفاضحه .. واللي يقول حرية شخصيه .. يا أخي الحريه تكون ف حدود المعقول مثل ما احنا نطالب بمنع التفصخ ف المجمعات أاحنا مانقبل نشوف هالاشكال ... واللي يبي يطول شعره بهالطريقه الغريبه يطوله ويروح يقعد ف مجلسه أو في مجالس ربعه ويفكنا من شره ..
تسلمين أختي صاحبة الموضوع وفعلا الساكت عن الحق شيطان أخرس

[saryalia4u]

دينا وتربيتنا وقيمنا وعاداتنا موب نفس اوروبا والعالم

يعني لاتستغربوا اذا انطرح مثل هالمواضيع , بالعكس استغربوا للي يقول هذه حرية شخصيه . انا اتكلم بشكل عام عن البلاوي الي صايره , بنت مسترجله قالوا حريه شخصيه , رجال مستانث قالوا حريه شخصية , حريم فاصخين الحياء قالوا حريه شخصية .. قوتنا كانت بتطبيقنا للدين وتطبيقنا للدين يحثتنا على التناصح بينا احنا موب غرب كل واحد ماله بالثاني , ولا حد يقص على عمره ..

الله يصلح الكل ان شاء الله , وعلى طاري هالموضوع اخبر قبل فتره نزلوا كاركتير في جريده الرايه راسمين شاب ويسالونه :
ليش ماتصلي ..! ماجاوب
ليش تغازل ..! ماجاوب
ليش تستعرض ..! ماجاوب
ليش تسمع اغاني ..! ماجاوب
اخر شي اسالوه , ليش مربي شعرك وزالغ شنبك ؟ : قال : قال النبي صلى الله عليه وسلم ((اعفوا اللحى وحفوا الشوارب .)) والنبي صلى الله عليه وسلم كان شعره طويل .

! ! !

يعطيج العافية


انا استغرب الاكثر صاير يقول حريه شخصيه؟؟؟
اللي اشوفه ان الناس تعودوا يشوفون الخطاء وتعودت عيونهم على هالمناظر

يعني لو ولدك طلع بشعر مسرحه تسريحة بنات عااااادي
ولو استخدم ادوات البنات في تسريحه عااادي

ولو مشى مشية بنات عااادي


كله حريه شخصيه عندكم!!!!!






عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

الشرح
ترتبط خيرية هذه الأمة ارتباطا وثيقا بدعوتها للحق ، وحمايتها للدين ، ومحاربتها للباطل ؛ ذلك أن قيامها بهذا الواجب يحقق لها التمكين في الأرض ، ورفع راية التوحيد ، وتحكيم شرع الله ودينه ، وهذا هو ما يميزها عن غيرها من الأمم ، ويجعل لها من المكانة ما ليس لغيرها ، ولذلك امتدحها الله تعالى في كتابه العزيز حين قال : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) .





وعلاوة على ذلك فإن في أداء هذا الواجب الرباني حماية لسفينة المجتمع من الغرق ، وحماية لصرحه من التصدع ، وحماية لهويته من الانحلال ، وإبقاء لسموه ورفعته ، وسببا للنصر على الأعداء والتمكين في الأرض ، والنجاة من عذاب الله وعقابه .



ولخطورة هذه القضية وأهميتها ؛ ينبغي علينا أن نعرف طبيعة الأمر بالمعروف والنهي عن المنكر ، ونعرف شروطه ومسائله المتعلقة به ؛ ومن هنا جاء هذا الحديث ليسهم في تكوين التصور الواضح تجاه هذه القضية ، ويبين لنا كيفية التعامل مع المنكر حين رؤيته .





لقد بين الحديث أن إنكار المنكر على مراتب ثلاث : التغيير باليد ، والتغيير باللسان ، والتغيير بالقلب ، وهذه المراتب متعلقة بطبيعة هذا المنكر ونوعه ، وطبيعة القائم بالإنكار وشخصه ، فمن المنكرات ما يمكن تغييره مباشرة باليد ، ومن المنكرات ما يعجز المرء عن تغييره بيده دون لسانه ، وثالثة لا يُمكن تغييرها إلا بالقلب فحسب .





فيجب إنكار المنكر باليد على كل من تمكّن من ذلك ، ولم يُؤدّ إنكاره إلى مفسدةٍ أكبر، وعليه : يجب على الوالي أن يغير المنكر إذا صدر من الرعيّة ، ويجب مثل ذلك على الأب في أهل بيته ، والمعلم في مدرسته ، والموظف في عمله ، وإذا قصّر أحدٌ في واجبه هذا فإنه مضيّع للأمانة ، ومن ضيّع الأمانة فقد أثم ، ولذلك جاءت نصوص كثيرة تنبّه المؤمنين على وجوب قيامهم بمسؤوليتهم الكاملة تجاه رعيتهم – والتي يدخل فيها إنكار المنكر - ، فقد روى الإمام البخاري و مسلم عن عبد الله بن عمر رضي الله عنهما ، أنه سمع رسول الله صلى الله عليه وسلم يقول : ( كلكم راع ومسؤول عن رعيته ، فالإمام راع وهو مسؤول عن رعيته ، والرجل في أهله راع وهو مسؤول عن رعيته ، والمرأة في بيت زوجها راعية وهي مسؤولة عن رعيتها ، والخادم في مال سيده راع وهو مسؤول عن رعيته ، فكلكم راع وكلكم مسؤول عن رعيّته ) ، بل إن النبي صلى الله عليه وسلم قد بيّن عاقبة الذين يفرطون في هذه الأمانة فقال : ( ما من عبد يسترعيه الله رعية فلم يحطها بنصحه إلا لم يجد رائحة الجنة ) .





فإذا عجز عن التغيير باليد ، فإنه ينتقل إلى الإنكار باللسان ، كما قال النبي صلى الله عليه وسلم : ( فإن لم يستطع فبلسانه ) ، فيذكّر العاصي بالله ، ويخوّفه من عقابه ، على الوجه الذي يراه مناسبا لطبيعة هذه المعصية وطبيعة صاحبها .





فقد يكون التلميح كافيا – أحيانا - في هذا الباب ، كما كان النبي صلى الله عليه وسلم يقول: ( ما بال أقوام يفعلون كذا وكذا ؟ ) ، وقد يقتضي المقام التصريح والتعنيف ، ولهذا جاءت في السنة أحداث ومواقف كان الإنكار فيها علناً ، كإنكار النبي صلى الله عليه وسلم على أسامة بن زيد - رضي الله عنه - شفاعته في حد من حدود الله ، وإنكاره على من لبس خاتم الذهب من الرجال ، وغير ذلك مما تقتضي المصلحة إظهاره أمام الملأ.





وإن عجز القائم بالإنكار عن إبداء نكيره فعلا وقولا ، فلا أقل من إنكار المنكر بالقلب ، وهذه هي المرتبة الثالثة ، وهي واجبة على كل أحد ، ولا يُعذر شخص بتركها ؛ لأنها مسألة قلبيّة لا يُتصوّر الإكراه على تركها ، أو العجز عن فعلها ، يقول علي بن أبي طالب رضي الله عنه : " إن أول ما تغلبون عليه من الجهاد : جهادٌ بأيديكم ، ثم الجهاد بألسنتكم ، ثم الجهاد بقلوبكم ، فمتى لم يعرف قلبه المعروف وينكر قلبه المنكر انتكس " .





وإذا ضيعت الأمة هذا الواجب بالكلية ، وأهملت العمل به ، عمت المنكرات في المجتمعات ، وشاع الفساد فيها ، وعندها تكون الأمة مهددة بنزول العقوبة الإلهية عليها ، واستحقاق الغضب والمقت من الله تعالى .





والمتأمل في أحوال الأمم الغابرة ، يجد أن بقاءها كان مرهونا بأداء هذه الأمانة ، وقد جاء في القرآن الكريم ذكر شيء من أخبار تلك الأمم ، ومن أبرزها أمة بني إسرائيل التي قال الله فيها : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون } ( المائدة : 78 – 79 ) .





وتكمن خطورة التفريط في هذا الواجب ، أن يألف الناس المنكر ، ويزول في قلوبهم بغضه ، ثم ينتشر ويسري فيهم ، وتغرق سفينة المجتمع ، وينهدم صرحها ، وفي ذلك يضرب لنا رسول الله صلى الله عليه وسلم مثلا رائعا يوضح هذه الحقيقة ، فعن النعمان بن بشير رضي الله عنهما أن النبي صلى الله عليه وسلم قال : ( مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مرّوا على من فوقهم ، فقالوا : لو أنا خرقنا في نصيبنا خرقا ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا ) رواه البخاري .





إن هذا الواجب هو مسؤولية الجميع ، وكل فرد من هذه الأمة مطالب بأداء هذه المسؤولية على حسب طاقته ، والخير في هذه الأمة كثير ، بيد أننا بحاجة إلى المزيد من الجهود المباركة التي تحفظ للأمة بقاءها ، وتحول دون تصدع بنيانها ، وتزعزع أركانها.



اعتقد هالدرس درسناه من كنا في ابتدائي
ومو معقوله نتعلم ولا نطبق
على الاقل التنبيه بوجود ظااهره خاطئه في المجتمع

السالفه مش سالفة تدخل او تهجم ، الموضوع مختلف جدا
ونتمنى ان يكون مجتمعنا كامل صالح ويرضى سبحانه .

[saryalia4u]

استغفر الله العظيم ... من كل ذنب عظيم
أنا أوافق صاحب الموضوع الرأي وفعلا هالتصرفات مش شيء عادي لأنها تصير في أماكن مفتوحه و عامه ... يعني احنا نربي عيالنا ونزرع فيهم قيمنا وعاداتنا وتقاليدنا ونعلمهم السلوكيات الصحيحه .. وبطلعه وحده لهالمجمعات يخترب عندهم كل شيء يشوفون هالشباب اللي مسويين تساريح عجيبه ف شعورهم والبنات اللي مسوين مهرجان واحتفال ف نفسهم وهالأجانب وتفصخهم وملابسهم الفاضحه .. واللي يقول حرية شخصيه .. يا أخي الحريه تكون ف حدود المعقول مثل ما احنا نطالب بمنع التفصخ ف المجمعات أاحنا مانقبل نشوف هالاشكال ... واللي يبي يطول شعره بهالطريقه الغريبه يطوله ويروح يقعد ف مجلسه أو في مجالس ربعه ويفكنا من شره ..
تسلمين أختي صاحبة الموضوع وفعلا الساكت عن الحق شيطان أخرس


يعطيك الف عافيه اخوي على ردك ومداخلتك المهمه وتنبيهك الاهم

[La.Queen]

هالنوعيه من المواضيع مع احترامي لكاتبه الموضوع
هدفها شو بس لا اكثر ولا اقل ... تتعايووووووووووون وفالاخير ما توصولون الا حق شي واحد يتسكر الموضوع بدون هددددددددددددددددددددددددددددددددف

بيدخلنا كم واحد بيقول انا الحمدلله مب مطول شعري
وبيدخل الثاني بيقول انا اتبع سنه الرسول صلئ الله عليه وسلم وبيدخل الثالث بيقول ما ربوهم اهلهم

نفس نوعيه مواضيع البنات الله يهديهم طبختي لليوم.. وتجربتي مع البلاك بيري ..

ويدخلون بعضهم شوفوني انا اعرف اسوي ويبه.. والثانيه لا انا اعرف اسوي هريس
والثالثه تدخل الحمدلله انا ما استخدم هالتخلف البلاك بيري

ما عيزتو ...

[بوحارب]

تطويل الشعر ماشوف فيه شي بس اهم شي لايحف الوجه عشان ما يطلع حرمه :(

واما اللي يسوي تسريحات وخرابيط في شعره فهذا يسمحلي اقوله انه مب رجااااااال

الله يرحم ايام ما كان شعري طويل صج رزة:(:secret::omen2:


خليفة تخبر يوم كان شعرك طوويل سنه 88 مادري 89 ههههههههههههههههههههههههههه

[saryalia4u]

هالنوعيه من المواضيع مع احترامي لكاتبه الموضوع
هدفها شو بس لا اكثر ولا اقل ... تتعايووووووووووون وفالاخير ما توصولون الا حق شي واحد يتسكر الموضوع بدون هددددددددددددددددددددددددددددددددف

بيدخلنا كم واحد بيقول انا الحمدلله مب مطول شعري
وبيدخل الثاني بيقول انا اتبع سنه الرسول صلئ الله عليه وسلم وبيدخل الثالث بيقول ما ربوهم اهلهم

نفس نوعيه مواضيع البنات الله يهديهم طبختي لليوم.. وتجربتي مع البلاك بيري ..

ويدخلون بعضهم شوفوني انا اعرف اسوي ويبه.. والثانيه لا انا اعرف اسوي هريس
والثالثه تدخل الحمدلله انا ما استخدم هالتخلف البلاك بيري

ما عيزتو ...


ردي لمشاركه 43 واقري المكتوب باللون الاحمر وبتعرفين:rolleyes2:

[saryalia4u]

تطويل الشعر ماشوف فيه شي بس اهم شي لايحف الوجه عشان ما يطلع حرمه :(

واما اللي يسوي تسريحات وخرابيط في شعره فهذا يسمحلي اقوله انه مب رجااااااال

الله يرحم ايام ما كان شعري طويل صج رزة:(:secret::omen2:


خليفة تخبر يوم كان شعرك طوويل سنه 88 مادري 89 ههههههههههههههههههههههههههه


احنا قلنا مافيه شي
بس ماااايتبع تطويل الشعر فيه وفيييه وفيه:omen2:

[أم حمد]

والله مرات نفسي اقولهم

هالتصرفات تنفر ماتجذب !!!

[مستر بن]

خخخخخخخخخخخخخخخخخ

[مسمس12]

منظر مقرف الشعر الطويل للرجال

[ms-qtr]

هذا يسمونه تلوث مرئي بصراحة
كل شي وله حدود

[Anas_G]

زورق ايران في الطريق الكل يقرع ويجهز نفسه

[بوخالد911]

الله يهديهم بس

[alfahad1]

مشكلتنا العرب لازم نلبس ونكشخ نفس الشي عشان اللي حولنا يرضوا علينا

في الدول المتقدمه كل واحد يلبس اللي يريحه وزار جنز هاف اللي يخطر على باله ومحد يكلمه

لكن عندنا يحققون معاه .................. هذا يسمى تخلف مع احترامي للجميع

[شبح الصمت]

تطويل الشعر ماشوف فيه شي بس اهم شي لايحف الوجه عشان ما يطلع حرمه :(

واما اللي يسوي تسريحات وخرابيط في شعره فهذا يسمحلي اقوله انه مب رجااااااال

الله يرحم ايام ما كان شعري طويل صج رزة:(:secret::omen2:


خليفة تخبر يوم كان شعرك طوويل سنه 88 مادري 89 ههههههههههههههههههههههههههه




,, أنشــهد ,,

,, لزوم نبلغ ابو ساهر بالسالفه ,,

:shy:

[naklan]

http://www10.0zz0.com/2011/05/14/20/521716470.jpg (http://www.0zz0.com)

:)

[Abdullah_89]

لو بتتكلمون عن الشعر الطويل عند الشباب

خلونا بعد نتكلم عن موديلات العبايات وطريقة المكياج اللي طايحين فيها البنات هالايام

والرجال مايعيبه شي

ومثل ماقال الكل حريه شخصيه

[AL_MUTAEM]

الموضوع وووووووووين ومعظم الردود ووووووووووين ؟؟؟

تطويل الشعر للرجل ليس بخطأ او بحرام عرفا وشرعا ..

واستغرب من البعض بقوله مقزز او مقرف او عمره ماغسل شعره او من الردود الضعيفه فكريا وادبيا ..!!

الموضوع الاساسي لصاحب الموضوع هو التسريحات والاعتناء الكثير بالشعر من قبل الرجال وهذا من وجهة نظري خطأ .. اما تطويل الشعر فهو موضوع عادي وحرية شخصيه .

اتمنى قراءة الموضوع لعدة مرات للي مايفهم من اول مره او الشرح من قبل صاحب الموضوع يعني ايصال الهدف لهم واذا مافهموا ياريت تتبع الرسائل لافهامهم ..:nice:

بكرا بشوف موضوع ليش الشباب يركبون جيااات اكثر من النياسين :anger1:

قلنا قسم حوار فهل هذه المواضيع التي تسمى حواريه ..؟

[al-sadd]

ههههههههههههههههه
انا واحد سافرت امريكا وتحسسسسسسفت اني مطول شعري!
حلقته وخليته مرتب! والله الحين اشوف صورتي قبل واضحك على عمري!!
يازين الرجال يوم يكون شعره قصير ومرتب


وبخصوص التسريحات
لا صبرو عليهم بيسون لكم عجايف

[مشتاقة لقطر]

سبحان الله الشعر القصير.. لللرجل يطلع شكله راااقي جدا ..

حتى الزيروو بعد فلته .. استانس على شكل الصلعة انها جخ وصيييية يعني .. ههههولدي بصف ثالث يحب يقرع قرعة ماعرف ليش .. اقول له ما تستحي يقول عادي .. عايش زمن رونالدو .. ههه مال اول

[BIG-VEGA]

يازين شعري وانا صغير:shy:

http://bb.ta7a.com/upfiles/ta7a-wKB37813.jpg

لاحد يبوقها ويحطها في البي بي

[رجل الجزيرة]

إنشدوا شيبانكم في الستينات والسعينات في السعودية أي واحد شاب من الشباب إلي مطول شعره على طول تمسكه الهيئة وعنده مكينة حلاقة ويحلقه على شكل زايد ويخليه علنا قدام الناس.

[شبح الصمت]

ما دريت انه الشعر ينقاس بالرجول !!

غريب رد بعض الناس

مع أني فهمت الكاتب أو الكاتبه اشتقصد !!

انه الي ينعم الشعر ويسوي له تمليس وحركات ويكون حاط له كريم ومطلعه على جمب بشيء مبالغ فيه !!

بس أبي أعرف !!

سؤالي هل ينقاس الشعر برجولة الرجل !!

اغلبنا عندنا ربع وشعورهم طويله وفي بعضهم لين ظهورهم

وعن نفسي كنت اعرف رجال شعره لين وسط ظهره ورجال رجال بمعنى الكلمة لحيته سوده سواد الليل وناعمه وماشاء الله عليه ما يحتاج ورجال ينحط على يمناك وما كان يطلعه احنا ربعه ندري انه شعره طويل بس ما قدر مره شفناه يطلعه !!

في ناس تحب تربي شعورها مب لي والا لكم والا للعالم له اهو غاية في نفسه

[Doha Sun]

سالنا واحد ليش مطول شعرك قال على ايام الصحابة كان شعر الرجال طويل ..
حزنت على الرد

[شبح الصمت]

http://2.bp.blogspot.com/_RaOrchOImw8/SKzgsxfscAI/AAAAAAAACtE/N0mA8DgJuJI/s400/Aaron+Studham

[ام السعف]

امممم
قريت اغلب الردود ،، هناك اللي منقرف واللي عادي واللي اعتبر تطويل الشعر مب
من الرجولة ،، واللي حط صورة الشهيد الخطاب كدليل على تطويل الشعر عند الشباب ،،

ان كان البعض يعد الأمر هذا حرية شخصية ،، فهو حر بنفسه
لكن لو بنتكلم عنا كتربية لعيالنا ،، مستحيل نسمح لهم يطولون شعورهم
عني يقص قصات غربية ولا يطول له شعره مثل الحريم ،،

يا زينهم وشحلاة اشكالهم مهذبة ومرتبة يوم يحلقون ويرتبون شعورهم
وما بالكم لو قاصين الشعر الطويل ،،

فعني يوم اشوف ريال وشعره طويل اقول في نفسي :
" اللهم عافنا مما بليتهم "
وخاصة لما يطلعهم من تحت الغترة ويقطهم على كتوفه
شكله كلش مب حلو ويخرب الواجهة الحضارية للبلاد :secret:

[ام السعف]

ما دريت انه الشعر ينقاس بالرجول !!

غريب رد بعض الناس

مع أني فهمت الكاتب أو الكاتبه اشتقصد !!

انه الي ينعم الشعر ويسوي له تمليس وحركات ويكون حاط له كريم ومطلعه على جمب بشيء مبالغ فيه !!

بس أبي أعرف !!

سؤالي هل ينقاس الشعر برجولة الرجل !!

اغلبنا عندنا ربع وشعورهم طويله وفي بعضهم لين ظهورهم

وعن نفسي كنت اعرف رجال شعره لين وسط ظهره ورجال رجال بمعنى الكلمة لحيته سوده سواد الليل وناعمه وماشاء الله عليه ما يحتاج ورجال ينحط على يمناك وما كان يطلعه احنا ربعه ندري انه شعره طويل بس ما قدر مره شفناه يطلعه !!

في ناس تحب تربي شعورها مب لي والا لكم والا للعالم له اهو غاية في نفسه

شبح ممكن سؤال ؟

اول مرة اسمع ان هناك لحية ناعمة :eek5:

[Abdulraman]

ذبحتونا مع الموضه وين ايام التواليت, تقعد على الكرسي ولاتتكلم ولا تقول شي هو فاهم شغله تواليت تواليت واكيد معظم الناس مايعرفون معنى تواليت الحين
:nice:

[الحبتور]

موضوع سخيف ..

ومن كثر السخافه احس انه يقطر سسسخخخف ..

[ام السعف]

ذبحتونا مع الموضه وين ايام التواليت, تقعد على الكرسي ولاتتكلم ولا تقول شي هو فاهم شغله تواليت تواليت واكيد معظم الناس مايعرفون معنى تواليت الحين
:nice:

تواليت الله يسلمك يحلق على رقم 4 :shy:

[ضوى]

امممم
قريت اغلب الردود ،، هناك اللي منقرف واللي عادي واللي اعتبر تطويل الشعر مب
من الرجولة ،، واللي حط صورة الشهيد الخطاب كدليل على تطويل الشعر عند الشباب ،،

ان كان البعض يعد الأمر هذا حرية شخصية ،، فهو حر بنفسه
لكن لو بنتكلم عنا كتربية لعيالنا ،، مستحيل نسمح لهم يطولون شعورهم
عني يقص قصات غربية ولا يطول له شعره مثل الحريم ،،

يا زينهم وشحلاة اشكالهم مهذبة ومرتبة يوم يحلقون ويرتبون شعورهم
وما بالكم لو قاصين الشعر الطويل ،،

فعني يوم اشوف ريال وشعره طويل اقول في نفسي :
" اللهم عافنا مما بليتهم "
وخاصة لما يطلعهم من تحت الغترة ويقطهم على كتوفه
شكله كلش مب حلو ويخرب الواجهة الحضارية للبلاد :secret:

:nice::nice::nice:

مساكين الشباب اللي عندي كله على رقم 2 ماكينة ياحلو شكلهم والله :)

[chillis]

انتو مازهقتو من ها الموضوع يخي خلاص كل واحد عليه من نفسه بعد تقعدون تعورون راسكم كيفه الي يبي يطول شعره خل يطول والي مايبي كيفه والي يبي يعطيه زيرو براحته والي يبي يصبغه اخضر بعد براحته فكونا عاد ماتتعبون وانتو تشوفون الناس وتتكلمون عنهم يعني بس هاي الي مجتمعنا شاطر فيه خلصت المواضيع انيي نتكلم عن الشعر

:omg: سكنهم مساكنهم

[ضوى]

تواليت الله يسلمك يحلق على رقم 4 :shy:

لا لا لا تواليت رقم 2 او ان كثر 3 يام السعف اشفيج نسيتي :rolleyes2:

[شبح الصمت]

شبح ممكن سؤال ؟

اول مرة اسمع ان هناك لحية ناعمة :eek5:



أي أختي في ناس ماشاء الله عليهم لحاهم ناعمه وتحصلينها كانها سواد الله ماشاء الله صج يعني يوم تسلمين عليه ما تحسين انه شعر لحيته مثل شعر راسه بس اثقل اشوي !!

:nice:

[chillis]

هههههه
شعري مب طويل يالغالي
ولو طويل بقول لك طويل .. لان لا انت ولا اي احد غيرك له الحق يحاسبني على اي تصرف اتصرفه طالما اني لما ادس له على طرف
الي قصدته من كلامي كل شخص يتصرف على هواه
انت عليك من نفسك .. ماعليك من غيرك
او بالأصح .. مالك شغل بغيرك يالغالي
واذا تبي تنصح فيه امور كثيرة أولى وأهم من مسألة الي يطول شعره
فيه شباب ملتزمين دينياً ومربين شعورهم
هل تقدر تقول : هذولي على خطأ !

للنصيحة اسلوب وطريقة في الحوار
وانت شكلك يالغالي من بداية الأمر استنكرت كلامي وكلام الأخ الي معاي
وعلى طول حكمت ان شعورنا طويلة هههههه
وكأنك مشغل كامي بدون علمي

عموما .. للعلم فقط
موضوعك مكرر عشرات المرات

انصحك بموضوع اخر تنصح فيه ولاتنسى استخدام اسلوب طيب وغير منفر

خليفــة
:)

:omg: طلعت منهم شعرك فير :anger1:

[ام السعف]

:nice::nice::nice:

مساكين الشباب اللي عندي كله على رقم 2 ماكينة ياحلو شكلهم والله :)

عيالي وهم صغار كله كبورية :secret:
وغرامهم القرعة .........> تقولين بيحصلون جائزة
بس بعد كبورية يعني كبورية ،،

واشوي اشوف الجل دخل البيت .........> اشحقى الجل يا ماما ؟
لا بس يثبت الشعر .........> اللي يقول حراير شعورهم ،،

اشوي سبايكي تقولين قنفذ متخرع :(

اشوي والله هداهم وبطلوا هالحركات ،، :shy:




لا لا لا تواليت رقم 2 او ان كثر 3 يام السعف اشفيج نسيتي :rolleyes2:

اوبيه صج 3 او 2 ؟
يووووممممة ذاكرتي راحت فيها :(

[Abdulraman]

اول مافي رقم تقوله تواليت وخلاص ويقعد الحلاق بالمقص لين يخلص شعرك ويخلي شوي وكل واحد على حسب راسه
:nice:

[ام السعف]

أي أختي في ناس ماشاء الله عليهم لحاهم ناعمه وتحصلينها كانها سواد الله ماشاء الله صج يعني يوم تسلمين عليه ما تحسين انه شعر لحيته مثل شعر راسه بس اثقل اشوي !!

:nice:

اتصدق يا شبح اثرت الفضول فيني :(

خاطري اشوف لحية ناعمة :(

هالاجانب شعورهم مكتتة ولحاهم خشنة ،، اما هذيلا اللي تقول عنهم
وين ممكن ناخذهم مثال للحية الناعمة ؟ :telephone:

[شبح الصمت]

اتصدق يا شبح اثرت الفضول فيني :(

خاطري اشوف لحية ناعمة :(

هالاجانب شعورهم مكتتة ولحاهم خشنة ،، اما هذيلا اللي تقول عنهم
وين ممكن ناخذهم مثال للحية الناعمة ؟ :telephone:



هذولي تحصلينهم مقنايص كله ديارهم شمال جنوب غرب مب حول المجمعات

:nice:

[chillis]

اتصدق يا شبح اثرت الفضول فيني :(

خاطري اشوف لحية ناعمة :(

هالاجانب شعورهم مكتتة ولحاهم خشنة ،، اما هذيلا اللي تقول عنهم
وين ممكن ناخذهم مثال للحية الناعمة ؟ :telephone:

المنطقة الصناعيه ههههه :secret:

[ام السعف]

هذولي تحصلينهم مقنايص كله ديارهم شمال جنوب غرب مب حول المجمعات

:nice:


والله مب موضوع مجمعات او فرجان يا شبح ،،

الأفلام الأجنبية على كثر ما مرت علي ولا مرة شفت اجنبي شعره طايح
ولحيته ناعمة :(

فمن جذيه مب متخيلة الموضوع ،، حتى رحت جوجل ادور على لحية ناعمة
ما لقيت :(




المنطقة الصناعيه ههههه :secret:

هذي اللي تبي اتوهقني بطرشني صوب مسيد سارة :(

[شبح الصمت]

والله مب موضوع مجمعات او فرجان يا شبح ،،

الأفلام الأجنبية على كثر ما مرت علي ولا مرة شفت اجنبي شعره طايح
ولحيته ناعمة :(

فمن جذيه مب متخيلة الموضوع ،، حتى رحت جوجل ادور على لحية ناعمة
ما لقيت :(


هذي اللي تبي اتوهقني بطرشني صوب مسيد سارة :(


هذولي مب اجانب

هذولي عيال قبايل عيال عرب اهل قطر مب قوقل الي يطلعهم

يبطي عضم ياخذ صور لهم
:eek5:
اشفيج متملله ههههههههههههههههههههههه

يا كثرهم ترى ربعي الي جذيه وماشاء الله ازيدك من الشعر بيت ماشاء الله عيونهم مكحله بعد تقولين حرار

ماشاء الله ماشاء الله

اخاف اعطيهم بعين وترى ما ابالغ من صجي اتكلم

[ام السعف]

هذولي مب اجانب

هذولي عيال قبايل عيال عرب اهل قطر مب قوقل الي يطلعهم

يبطي عضم ياخذ صور لهم
:eek5:
اشفيج متملله ههههههههههههههههههههههه

يا كثرهم ترى ربعي الي جذيه وماشاء الله ازيدك من الشعر بيت ماشاء الله عيونه مكحله بعد تقولين حرار

ماشاء الله ماشاء الله

اخاف اعطيهم بعين وترى ما ابالغ من صجي اتكلم

خاطري اصدق :p

لا تلومني يا شبح ،، بعد الواحد ما يصدق الا اللي عيونه تشوفه

بس تدري ،، مرة شفت وحدة كانت تعاني من كثافة الشعر في منطقة
الذقن وكان الشعر مايل للنعومة بس ما كان ناعم ،،

بينما كثيرات يعانون من خشونة الشعر في هالمنطقة وان كانت شعورهم ناعمة،،

صدق المثال اللي قال عاشر من تعاشر فلابد من الفراق :eek5:

ووبس اقصد ان الواحد كل ماعاش يوم شاف اشياء يديدة
والحين امنيتي اشوف لحية ناعمة :(

[شبح الصمت]

خاطري اصدق :p

لا تلومني يا شبح ،، بعد الواحد ما يصدق الا اللي عيونه تشوفه

بس تدري ،، مرة شفت وحدة كانت تعاني من كثافة الشعر في منطقة
الذقن وكان الشعر مايل للنعومة بس ما كان ناعم ،،

بينما كثيرات يعانون من خشونة الشعر في هالمنطقة وان كانت شعورهم ناعمة،،

صدق المثال اللي قال عاشر من تعاشر فلابد من الفراق :eek5:

ووبس اقصد ان الواحد كل ماعاش يوم شاف اشياء يديدة
والحين امنيتي اشوف لحية ناعمة :(


يعني لو شفتي لحيه ناعمه اشلون بتعرفين


مثلا

من الشوف

وإلا بتقولين له ياخوك ولا عليك امر ممكن امسك لحيتك !!

:eek5:

[ضوى]

يعني لو شفتي لحيه ناعمه اشلون بتعرفين


مثلا

من الشوف

وإلا بتقولين له ياخوك ولا عليك امر ممكن امسك لحيتك !!

:eek5:


:rolleyes2::rolleyes2::rolleyes2:

[شبح الصمت]

:rolleyes2::rolleyes2::rolleyes2:



اشله معصبه

!!


شوفي اشلون اسألتها

ههههههههههههه

ما شفت وخاطري اشوف شالسالفه

ترى كفايه الحمص والفول الي كلته من الصبح

بعد أسئلة ترفع السكر فيني

:weeping:
:omen2:

[ام السعف]

يعني لو شفتي لحيه ناعمه اشلون بتعرفين


مثلا

من الشوف

وإلا بتقولين له ياخوك ولا عليك امر ممكن امسك لحيتك !!

:eek5:

ووبس احراج ،،

هاهاها
يقطع سوالف ابليسك ،، يعني اللحين شعر توم كروز مثلا يبي له امسكه علشان
اعرف انه ناعم ؟ :shy:

اكيد بالنظر :shy:

[شيط ويط]

لقد هرمنا هرمنا .. نبي شعر .. لم يبقى سوى بعض الشويعرات :(

[ام السعف]

اشله معصبه

!!


شوفي اشلون اسألتها

ههههههههههههه

ما شفت وخاطري اشوف شالسالفه

ترى كفايه الحمص والفول الي كلته من الصبح

بعد أسئلة ترفع السكر فيني

:weeping:
:omen2:

اهااا

وانا اقول ليش يقول لحية ناعمة

طلع من الفول والحمص .......> مسموح يا شبح خلاص :unsure:

انزين خلاص لا تعصب ولا تنرفز ولا تشل بخاطرك

بخلي امنيتي في قلبي ومب معبرة عنها خلاص :secret:

[شبح الصمت]

ووبس احراج ،،

هاهاها
يقطع سوالف ابليسك ،، يعني اللحين شعر توم كروز مثلا يبي له امسكه علشان
اعرف انه ناعم ؟ :shy:

اكيد بالنظر :shy:



مدري من توم كروز

تبين مثال وحي

تبين تشوفين ناس الحاهم ناعمه

بكل صراحة وجديه

الهواجر ماشاء الله عليهم

[Abdulraman]

ام السعف صراحه عليج سوالف عجيبه وغريبه بس حلوه هههههههه

[جلمود]

يعني لو شفتي لحيه ناعمه اشلون بتعرفين


مثلا

من الشوف

وإلا بتقولين له ياخوك ولا عليك امر ممكن امسك لحيتك !!

:eek5:

عادي يصير حنا بعصر الانفتاح والحريه :rolleyes2:

[ضوى]

مدري من توم كروز

تبين مثال وحي

تبين تشوفين ناس الحاهم ناعمه

بكل صراحة وجديه

الهواجر ماشاء الله عليهم

:eek5::eek5::eek5:

[شبح الصمت]

تعالي ام السعف نسيت ما أقولج

بخليج تشوفينهم صح صح

ادلين الحلاق شوبير الي قبل كان لاصق في وجه الديوان الأميري من شرق بس الحين شلووه

روحي لمحله وبتشوفين انواع الحلا الناعمه والخشنه

شوبير يصلك اينما كنت

[مشتاقة لقطر]

تعالي ام السعف نسيت ما أقولج

بخليج تشوفينهم صح صح

ادلين الحلاق شوبير الي قبل كان لاصق في وجه الديوان الأميري من شرق بس الحين شلووه

روحي لمحله وبتشوفين انواع الحلا الناعمه والخشنه

شوبير يصلك اينما كنت
خوش دعاية

والله بتفتح له سوق هالشوبير ..

كلمه باخذ لي ركن عنده .. باخترع كلونيا لبعدالحلاقة..

[ام السعف]

مدري من توم كروز

تبين مثال وحي

تبين تشوفين ناس الحاهم ناعمه

بكل صراحة وجديه

الهواجر ماشاء الله عليهم

خلاص بوصي ام الزين تشيك على اخوانها :secret:


ام السعف صراحه عليج سوالف عجيبه وغريبه بس حلوه هههههههه

اعذرني يا عبدالرحمن ........> صح اسمك عبدالرحمن ؟

الواحد يجمع معلومات من اهنيه وهناك ،، فإاذا ييت بتكلم عن اللحية مثلا
ما يصير اقول لحية ناعمة وانا ما مرت علي لحية ناعمة ولا قريت عنها ،،

والسموحة من الجميع
واتمنى طلعنا بفايدة من الحوارات السابقة ...............> ( لحية ناعمة ؟ ) :eek2:

[ام السعف]

عادي يصير حنا بعصر الانفتاح والحريه :rolleyes2:

ولو يا جلمود ،، اشدعوة ،، ما بتصير عصر حرية وانفتاح
بتصير عصر تفسخ وانسلاخ :)



تعالي ام السعف نسيت ما أقولج

بخليج تشوفينهم صح صح

ادلين الحلاق شوبير الي قبل كان لاصق في وجه الديوان الأميري من شرق بس الحين شلووه

روحي لمحله وبتشوفين انواع الحلا الناعمه والخشنه

شوبير يصلك اينما كنت

امممم

امممممم

خلاص ما يحتاي اروح محله ،، بساءل الرجل صوبنا ،، عن الموضوع
وبشوف هل هناك لحى ناعمة ،، وبسجلها في ذاكرة مخي ،، كمعلومة جديدة علي :shy:

[Al-Kuwari]

انا لحيتي ناعمه :shy:

صج خشنت شوي مع تقدم العمر لكن للحين ناعمه يا ام السعف :shy:

[جلمود]

انا لحيتي ناعمه :shy:

صج خشنت شوي مع تقدم العمر لكن للحين ناعمه يا ام السعف :shy:

هههههههههههههههههه, يعل عمرك طويل

اي والله العمر له دور امس بالحلاق وانا احدد وله أشوف شعره بيضه وحده صادني احباط :shy:

[مساهمة بسFresh]

:shy:انا اشوف الشعر الطويل احلى :shy:

[شبح الصمت]

انا لحيتي ناعمه :shy:

صج خشنت شوي مع تقدم العمر لكن للحين ناعمه يا ام السعف :shy:

ماشاء الله عليك

كاهو مثال حي

الوو يا ام السعف لحقي على الرجال كاهوو مثال حي

الكواري يعل عمرك طويل

:nice:


هههههههههههههههههه, يعل عمرك طويل

اي والله العمر له دور امس بالحلاق وانا احدد وله أشوف شعره بيضه وحده صادني احباط :shy:



ياخي حلاته شعره بيضه تحلي اللحيه

لي متى تبيها سوده

خلها تستانس اشوي تفرفش لحيتك تعبر على الكبت

اشكره ياخوك من كثر التفكير ياجلموود

[بـــــــنت النوخـّــــذه]

تبين تشوفين ناس الحاهم ناعمه

بكل صراحة وجديه

الهواجر ماشاء الله عليهم

ياااااا عاد لاتبخس حق نعومه اللحى لباقي القبايل اهههههههههه:p

ترى الموس يخشن الشعر ويخلي اللحيه مثل الشوك <<اشدخل

بال تخيلو نجلس نتهاوش هذي القبيله احس لحيتهم وذيلن احسن وانعم اهههه

[جلمود]

ماشاء الله عليك

كاهو مثال حي

الوو يا ام السعف لحقي على الرجال كاهوو مثال حي

الكواري يعل عمرك طويل

:nice:





ياخي حلاته شعره بيضه تحلي اللحيه

لي متى تبيها سوده

خلها تستانس اشوي تفرفش لحيتك تعبر على الكبت

اشكره ياخوك من كثر التفكير ياجلموود

أي والله ياخوي من التفكير مب بس اللحيه غدت بيضه , حتى رودات السياره أنعدمت من الأرصفه إللي ادعمها أسج وسرح ماخذ اله بهزه بالموتر , الله كريم :rolleyes2:

باجر بتسمعني أردد , عيرتني بالشيب وهو وقار ياليتها عيرتني بماهو عار

يبيلك ناظم الغزالي الحين :telephone:

[paypal]

هههههههههههههههههه, يعل عمرك طويل

اي والله العمر له دور امس بالحلاق وانا احدد وله أشوف شعره بيضه وحده صادني احباط :shy:

يا حيك ولك طولة العمر

انا ادور شعره سوده مب لاقي الله المستعان

[Al-Kuwari]

جلمود والشبح

ومن قال يالغاليين

بنت النوخذه انا بعد استعمال الموس ل8 سنين بدت اللحيه عندي تخشن شوي لكن للحين ناعمه ولا قبل على ايام الصبا لحيتي وشعري واحد ماتفرقين بينهم :(

[شبح الصمت]

أي والله ياخوي من التفكير مب بس اللحيه غدت بيضه , حتى رودات السياره أنعدمت من الأرصفه إللي ادعمها أسج وسرح ماخذ اله بهزه بالموتر , الله كريم :rolleyes2:

باجر بتسمعني أردد , عيرتني بالشيب وهو وقار ياليتها عيرتني بماهو عار

يبيلك ناظم الغزالي الحين :telephone:



الله يعينك يا جلمود

شكلك كله صوب ميزانية دبي

المهم لو صادك موقف والا شيء اتصل على الخبير النفسي ( بوحارب ) للحالات المستعصيه كل ما هو مستعصى او يحتاج إلى حل ..

بورحاب والله احبك فالله ياخوك

بوحارب انترناشونال

[ام السعف]

انا لحيتي ناعمه :shy:

صج خشنت شوي مع تقدم العمر لكن للحين ناعمه يا ام السعف :shy:

خشنت اللحية اشوي يالكواري ...............> اعذرني يمكن فكرتي مبنية
على مواضيع متعلقة باللحية قريتها من فترة واحاول ابحث عنها علشان
استدل بها بس مب لاقيتها ،،

حسب ما قريت فاليعذروني الأخوان الرجال ،، مر علي موضوع عن اللحية
وكان يتكلم عن مكانة اللحية عند بني البشر والأعراق والشعوب المختلفة ،،

فتم تصنيف شعر الشارب واللحية على انه من الشعر الخشن
اما الشعر الناعم هو اللي ينمو في منطقة الخد وتحت العينين غالبا ،،

فلما نقول شعر ناعم ،، لما تمسكه اتحس بنوع من النعومة ،،
اليوم لما نقول شعر فلانة ناعم ،، فهو ناعم بالفعل وان كان قفة
لأن الشعرات ملمسها ناعم ،
لكن مرات كثيرة الشعر ما يكون قفة بس مب ناعم ،،و ملمسه خشن ،،
فلما نقول خشن مب معناته ليفة ،، وايد ناس شعورهم كيرلي
لكن ملمسها يا ناعم او خشن او قفة ما ينعم الا بالتمليس ،،
بنفس الوقت
يعني مب كل وحدة شعرها طايح نقول عنه ناعم ،، ممكن شعرها ما يحتاج
سشوار بس مب ناعم ،، تلقون الشعرة ملمسها خشن ،، على عكس شعور
البعض اللي يكون ملمسها ناعم على الرغم من ثخانة الشعرة ،،

فالرجل منبت الذقن عنده يكون خشن فإذا رباها زيادة يبين نوع الخشونة
ما تكون لحيته طايحة مثل شعر راسه ،،

وحسب ما قريت ايضا : ان كثيرين من الرجال يلجؤون الى الليزر
علشان يستبدلون الشعر الخشن في منطقة الذقت بشعر ناعم ،،

فالليزر يأثر على البصيلة ،، فبدل ما تنبت شعرة قوامها سميك
تنبت شعرة ضعيفة تفتقد الخشونة وتميل الى النعومة ،،

فاعذرني يا اخوي الكواري // مب تشكيك في كلامك ،، بس معلوماتياً
احس صار عندي تضارب :rolleyes2:

[علي رشيد]

.


بصراحه منظرهم مقزز ..


ومافي شي اسمه حريه شخصيه في هالأمور ..

العيب عيب !!



بعدين في واحد يطوّل شعره شوي و يكون شكله مقبول بس بعض الشباب مبالغين من قلب و شعورهم واصلــه .............. !!


ما أقول إلا الحمدلله و الشكر ..


باقي البنات يسوّون عارض هههههههههههههههههه

[هبوب الكوس]

http://p.mozat.com/full/200903/11/7096749f_1309043.jpg



يا شيخ مهاوش

المهلي مايولي

[شبح الصمت]

http://p.mozat.com/full/200903/11/7096749f_1309043.jpg



يا شيخ مهاوش

المهلي مايولي



الأخو داعم طوفه !!!

[بوعبدالرحمن5]

أي والله ياخوي من التفكير مب بس اللحيه غدت بيضه , حتى رودات السياره أنعدمت من الأرصفه إللي ادعمها أسج وسرح ماخذ اله بهزه بالموتر , الله كريم :rolleyes2:

باجر بتسمعني أردد , عيرتني بالشيب وهو وقار ياليتها عيرتني بماهو عار

يبيلك ناظم الغزالي الحين :telephone:


الحين شالموضوع ؟؟


والمشكله يقولون منتدى حوار العام !!


تحياتي لمشرف الحوار العام :nice:

[جلمود]

الحين شالموضوع ؟؟


والمشكله يقولون منتدى حوار العام !!


تحياتي لمشرف الحوار العام :nice:

هلا وغلا أخوي بوعبد الرحمن

مايمنع أخوي لو نشكي حال الدهر فينا بمشاركه أو أخرى

حبيب والله يابو عبدالرحمن وشكراً مره أخرى على التنبيه :victory:

[شبح الصمت]

الحين شالموضوع ؟؟


والمشكله يقولون منتدى حوار العام !!


تحياتي لمشرف الحوار العام :nice:



اخوي الله يجزاك خير

أحنا اعتمدنا نغير المسار اولا لانه صارت مشاحنات فغيرنا الموضوع وكان القريب من الراس لين الويه !!


يعني ما طاح الا انبطح
:shy:
:victory:

[saryalia4u]

الموضوع وووووووووين ومعظم الردود ووووووووووين ؟؟؟

تطويل الشعر للرجل ليس بخطأ او بحرام عرفا وشرعا ..

واستغرب من البعض بقوله مقزز او مقرف او عمره ماغسل شعره او من الردود الضعيفه فكريا وادبيا ..!!

الموضوع الاساسي لصاحب الموضوع هو التسريحات والاعتناء الكثير بالشعر من قبل الرجال وهذا من وجهة نظري خطأ .. اما تطويل الشعر فهو موضوع عادي وحرية شخصيه .

اتمنى قراءة الموضوع لعدة مرات للي مايفهم من اول مره او الشرح من قبل صاحب الموضوع يعني ايصال الهدف لهم واذا مافهموا ياريت تتبع الرسائل لافهامهم ..:nice:

بكرا بشوف موضوع ليش الشباب يركبون جيااات اكثر من النياسين :anger1:

قلنا قسم حوار فهل هذه المواضيع التي تسمى حواريه ..؟

:nice::nice::nice:


انا اصلن باوقف مناقشته
عدت وزت وفهمت ولكن الردود عن موضوع آآخر

والبعض فهم القصد من الموضوع لله الحمد

والاغلب يحوروون لموضوع الشعر الطويل .

لهدرجه هالموضوع صعب فهمه:rolleyes2:
تسلم اخوي على ردك الطيب

[saryalia4u]

ما دريت انه الشعر ينقاس بالرجول !!

غريب رد بعض الناس

مع أني فهمت الكاتب أو الكاتبه اشتقصد !!

انه الي ينعم الشعر ويسوي له تمليس وحركات ويكون حاط له كريم ومطلعه على جمب بشيء مبالغ فيه !!

بس أبي أعرف !!

سؤالي هل ينقاس الشعر برجولة الرجل !!

اغلبنا عندنا ربع وشعورهم طويله وفي بعضهم لين ظهورهم

وعن نفسي كنت اعرف رجال شعره لين وسط ظهره ورجال رجال بمعنى الكلمة لحيته سوده سواد الليل وناعمه وماشاء الله عليه ما يحتاج ورجال ينحط على يمناك وما كان يطلعه احنا ربعه ندري انه شعره طويل بس ما قدر مره شفناه يطلعه !!

في ناس تحب تربي شعورها مب لي والا لكم والا للعالم له اهو غاية في نفسه


اكيد ماينقاس
الرجل رجل بتعامله واخلاقه ودينه
مش بطول شعره

لكن اللي اقصدهم صعب نطلق عليهم هالكلمه:omen2:

[نــــظــــره]

والله حلو الشعر الطويل الغير مبالغ فيه للشباب

انا عن نفسي احرض اخواني يطولون شعورهم

بالنسبه للتسريحات الغريبه لبعض الشباب منظر ترفضه العين :(

بس شنسوي مانقدر نمنعهم حريه شخصيه

[saryalia4u]

اول مافي رقم تقوله تواليت وخلاص ويقعد الحلاق بالمقص لين يخلص شعرك ويخلي شوي وكل واحد على حسب راسه
:nice:


يعني اش رايكم نفتح صالون في الموضوع:shy:

[هبوب الكوس]

والله حلو الشعر الطويل الغير مبالغ فيه للشباب

انا عن نفسي احرض اخواني يطولون شعورهم

بالنسبه للتسريحات الغريبه لبعض الشباب منظر ترفضه العين :(

بس شنسوي مانقدر نمنعهم حريه شخصيه





نظره حلمت ان اذبحوا القذافي بالقصف

له تفسير الحلم :telephone:

[saryalia4u]

نظره حلمت ان اذبحوا القذافي بالقصف

له تفسير الحلم :telephone:


احلفي عااد ... اكملت:rolleyes2:

[هبوب الكوس]

احلفي عااد ... اكملت:rolleyes2:

احلفي عااد :telephone:

[شبح الصمت]

احلفي عااد :telephone:



:protest:

[هبوب الكوس]

:protest:

اتصدق محد من قبل قالي احلفي كله يقولون احلف :(

[نــــظــــره]

نظره حلمت ان اذبحوا القذافي بالقصف

له تفسير الحلم :telephone:


(( قالوا أضغاث أحلام ومانحن بتأويل الأحلام بعالمين ..))

[شبح الصمت]

اتصدق محد من قبل قالي احلفي كله يقولون احلف :(



الله يعينج اختي

:shy:

[نــــظــــره]

اتصدق محد من قبل قالي احلفي كله يقولون احلف :(


مادري تقصدك ولا تقصدني

نبي توضيح ...... :telephone:

[هبوب الكوس]

الله يعينج اختي

:shy:

ويعينج اختي :shy::shy:

[هبوب الكوس]

مادري تقصدك ولا تقصدني

نبي توضيح ...... :telephone:

تقصدني :)

[saryalia4u]

اتصدق محد من قبل قالي احلفي كله يقولون احلف :(


لان نظرتي ثاقبه:shy:

[نــــظــــره]

تقصدني :)


اههههههههههههههه

تعيش وتاكل غيرها

[saryalia4u]

مادري تقصدك ولا تقصدني

نبي توضيح ...... :telephone:



لاا تقصددك:omen2:

[بوحارب]

انا قررت اطوله مره 2:(

[هبوب الكوس]

اههههههههههههههه

تعيش وتاكل غيرها

ههههههههههه

طلعت تقصدج تعيشين وتاكلين غيرها :nice:

[saryalia4u]

اقصدكم كلكم
عفستوا موضوعي
وقلبتوه حلاق وتفسير احلام باقي بس حد يقرى الفال:omen2:

[هبوب الكوس]

اقصدكم كلكم
عفستوا موضوعي
وقلبتوه حلاق وتفسير احلام باقي بس حد يقرى الفال:omen2:

هههههههههه

صراحه مانتبهت ان موضوعج السموحه

احلفي :nice:

[نــــظــــره]

اقصدكم كلكم
عفستوا موضوعي
وقلبتوه حلاق وتفسير احلام باقي بس حد يقرى الفال:omen2:


والله موضوعج مادري
فديت عمرج لاتزعلين وسعي صدرج علينا
الدنيا مافيها شي يونس وين نروح :(

عل العموم تسلمين ع الموضوع ماقصرتي

وتقبلي مروري

خيتك ....نظره

[هبوب الكوس]

والله موضوعج مادري
فديت عمرج لاتزعلين وسعي صدرج علينا
الدنيا مافيها شي يونس وين نروح :(

عل العموم تسلمين ع الموضوع ماقصرتي

وتقبلي مروري

خيتك ....نظره

انا السبب نظره اقحمتج في الحلم :(

[نــــظــــره]

انا السبب نظره اقحمتج في الحلم :(




:weeping:




:secret:

[بوحارب]

بعض الناس عقب ماقفلوا عليهم موضوع ليبيا وسوريا قاموا يتكلمون عن الشعر الطويل ياااااااااااااااو

[نــــظــــره]

بعض الناس عقب ماقفلوا عليهم موضوع ليبيا وسوريا قاموا يتكلمون عن الشعر الطويل ياااااااااااااااو


اتشمت بوحارب :(
اشوف فيك يوم ماتلاقي فيه كرك

[saryalia4u]

والله موضوعج مادري
فديت عمرج لاتزعلين وسعي صدرج علينا
الدنيا مافيها شي يونس وين نروح :(

عل العموم تسلمين ع الموضوع ماقصرتي

وتقبلي مروري

خيتك ....نظره


اشدعوه آزعل :pilot:... ليما الحين مابوزت:waiting:
خيتك سرياليه :shy:

[AL_MUTAEM]

فعني يوم اشوف ريال وشعره طويل اقول في نفسي :
" اللهم عافنا مما بليتهم " وخاصة لما يطلعهم من تحت الغترة ويقطهم على كتوفه
شكله كلش مب حلو ويخرب الواجهة الحضارية للبلاد :secret:


بصراحه ردك هذا غير اشياء كثيره كنت متخيلها :eek5: اللهم عافنا مما بليتهم علشان شعره طويل !!!!!!!!!!!!!!!!!!!!!

لا وكلش يا الواجهه الحضاريه مايخربها اللا اذا الشباب مطولين شعورهم بصراحه ام السعف ضحكتيني بهالكلمه :nice:

[AL_MUTAEM]

اتمنى تغير العنوان الى شات الحوار العام ..

[Dana’1]

على فكرة شعري مب طويل

ولا دخل للشعر بالرجولة ابدا

والرجال رجال كان شعره طويل او قصير

والعكس صحيح

سبحانة الله جاء على بالي وأن اقرأ الموضوع الله يرحمة ويتقبلة بالشهداء آمين يارب العالمين
هذولا ما عندهم وقت لمقابل المراية بالساعات يضبط شعرة
تلاقية يسبح بالبحيرة وينظف شعرة ويطلع ينشفة وهو ماشي
يمكن حتى ما عندهم وقت يقصونة او عشان يرهبون بأشكالهم العدو الله ينصرهم ويتقبل من توفي منهم بالشهداء آمين يارب العالمين

أما الاخت أظن تقصد الشباب الي ياقبلون المراية بالساعات عشان يصبطون خصلة والا زلف وشعر ودوارة بالاسواق
على العموم اتوقع فترة وبتزول تعرفون شباب وماوراهم شي يشغلهم من قلب عادي يعني
هذا والله أعلم

[الجوهرة الثمينة]

الشعر الطويل يعطي نوع من الجمال والجاذبيه للشاب


مدري وجهة نظر

[حفيدعمر]

انتو مازهقتو من ها الموضوع يخي خلاص كل واحد عليه من نفسه بعد تقعدون تعورون راسكم كيفه الي يبي يطول شعره خل يطول والي مايبي كيفه والي يبي يعطيه زيرو براحته والي يبي يصبغه اخضر بعد براحته فكونا عاد ماتتعبون وانتو تشوفون الناس وتتكلمون عنهم يعني بس هاي الي مجتمعنا شاطر فيه خلصت المواضيع انيي نتكلم عن الشعر

شرح حديث ( الدين النصيحة )



خالد بن سعود البليهد


عن تميم بن أوس الداري أن النبي v قال ( الدين النصيحة ثلاثا قلنا لمن يا رسول الله قال لله ولكتابه ولرسوله ولأئمة المسلمين وعامتهم ) رواه مسلم.

هذا الحديث أصل عظيم في وجوب النصيحة وبيان فضلها ومنزلتها في الدين وذكر مجالاتها. قال محمد بن أسلم " هذا الحديث أحد أرباع الدين " وقد ورد في السنة أحاديث عامة في النصح لكل مسلم وأحاديث خاصة في النصح لولاة الأمور ونصحهم لرعاياهم . وفي الحديث مسائل:

الأولى: قوله ( الدين النصيحة ) فيه دلالة صريحة على أن النصيحة تشمل خصال الإسلام والإيمان والإحسان كما فسر الدين بذلك في حديث جبريل المشهور ، فإن النصح لله يقتضي القيام بأداء الفرائض واجتناب المحرمات ويستلزم ذلك الإجتهاد بالتقرب إليه بنوافل الطاعات وترك المكروهات. والنصيحة (لغة): الخلوص من الشوائب ، و(اصطلاحا): قيام الناصح للمنصوح له بوجوه الخير إرادة وفعلا. والنصيحة ضربان:
1- نصيحة واجبة لله بإتباع محبة الله في أداء الفرائض وترك المحرمات.
2- نصيحة مستحبة بإيثار محبة الله على محبة نفسه في فعل المسنونات واجتناب المكروهات.

الثانية: من النصيحة لله صحة الإعتقاد في وحدانيته وإخلاص النية في عبادته وتنزيهه عن جميع النقائص والعيوب وإثبات أسمائه وصفاته على الوجه اللائق به وتوحيده في أفعاله وأفعال الخلق بالتأله له وعدم الإشراك به أحدا من خلقه وتحكيم شرعه والقيام بطاعته واجتناب معصيته والحب فيه والبغض فيه وتعظيمه وخشيته ورجاؤه ومحبته وجهاد من كفر به والإعتراف بنعمه وشكره عليها.

الثالثة: من النصيحة لكتاب الله الإيمان بأنه كلام الله حقيقة نزل به جبريل على رسوله v ولا يشبهه شيء من كلام البشر ، وتعظيمه وتلاوته حق التلاوة والذب عنه والتصديق بأخباره والوقوف مع أحكامه وتحليل حلاله وتحريم حرامه و الإيمان بمتشابهه والعمل بمحكمه وتدبر معانيه والإعتبار بمواعظه وتعلمه وتعليمه ونشر فضائله وأسراره وحكمه والاشتغال بتفسيره وفق مراد الله ومراد رسوله ورد عنه إنتحال المبطلين وتحريف المبتدعين وغلو الغالين.

الرابعة: من النصيحة لرسول الله v الإيمان به وتصديق أخباره وطاعة أوامره واجتناب نواهيه وتعزيره وتوقيره وتعظيمه حيا وميتا والذب عن سنته ونشر أحاديثه في الورى والرد على كل من أساء إليه وآذاه ، واتباعه في كل كبير وصغير وتقديم محبته على محبة النفس والولد والناس أجمعين وعدم الخروج على شريعته واعتقاد أنه سيد الخلق وخاتم الأنبياء ، وعدم إطرائه والغلو في محبته ورفعه فوق منزلته التي أنزله الله تعالى ، قال تعالى ( وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا ) وقال ( لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآَخِرَ وَذَكَرَ اللَّهَ كَثِيرًا ).

الخامسة: المراد بأئمة المسلمين الذين تلزم طاعتهم الحكام ومن ينوب عنهم في الولايات والعلماء الربانيون أهل الحل والعقد الذين شهدت لهم الأمة بالإمامة قال تعالى ( يَا أَيُّهَا الَّذِينَ آَمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ) قال ابن عباس " هم الفقهاء والعلماء الذين يعلمون الناس معالم دينهم " وقال أبو هريرة " هم الأمراء والولاة ". قال ابن كثير " والظاهر والله أعلم أنها عامة في كل أولي الأمر من الأمراء والعلماء "

السادسة: من النصيحة لولاة المسلمين السمع والطاعة لهم ومعاونتهم على الحق وتذكيرهم به وإعلامهم بما غفلوا عنه أو لم يبلغهم من حقوق المسلمين وترك الخروج عليهم وتأليف قلوب المسلمين على طاعتهم والدعاء لهم في ظهر الغيب والصبر على أذاهم وجورهم . قال رسول الله v ( ثلاث لا يغل عليهن قلب امرىء مسلم إخلاص العمل لله ومناصحة ولاة الأمر ولزوم جماعة المسلمين) رواه أحمد. وقال v ( عليك السمع والطاعة في عسرك ويسرك ومنشطك ومكرهك وأثرة عليك ) رواه مسلم. وهذا أصل من أصول أهل السنة والجماعة قد استفاض العمل به عند السلف الصالح وصار شعارا عظيما يميزهم عن أهل البدع ، وكل من خرج على الولاة وقع في حرج ومشقة وفساد من الأمر أشد مما كان هو فيه من الظلم وضيق الحال . وتلزم طاعة الإمام في كل أمر سواء أمر بواجب أو سنة أو مباح ما لم يأمر بمعصية فلا يجوز طاعته ، وكذلك يلزم طاعته في نهيه ما لم ينه عن واجب قال رسول الله v ( على المرء المسلم السمع والطاعة فيما أحب وكره إلا أن يؤمر بمعصية فإن أمر بمعصية فلا سمع ولا طاعة ) متفق عليه.

السابعة: المشروع في نصيحة الولاة أن تكون سرا ولا يجوز أن تكون علانية على رؤوس الأشهاد في غيبته لأن ذلك تحريضا بالرعية وإغراء بالسلطان وسبيل لحصول الفتنة والفرقة وإذا فتح الباب لغوغاء الناس حصل فساد عظيم ، وسئل ابن عباس رضي الله عنهما عن أمر السلطان بالمعروف ونهيه عن المنكر فقال " إن كنت فاعلا ولا بد ففيما بينك وبينه" . أما الإنكار على الوالي الشرعي علانية والجهر بذلك فوق المنابر فليس من طريقة أهل السنة والجماعة وإنما شيء أحدثه الخوارج وعرف عنهم وقد أفتى شيخنا ابن باز رحمه الله بمنع ذلك وعده من عمل الخوارج. أما من شهد المنكر في حضرة السلطان فيجب عليه الإنكار إن قوي على ذك ولم يخش سوطا أو سيفا وقد ورد فيه فضل عظيم.

الثامنة: للعلماء المقتدى بهم منزلة عظيمة في الدين فهم ورثة الأنبياء ومصابيح الدجى وزينة البلد بهم يرفع الجهل وتكشف الغمة وتنجلي الظلمة وهم المفزع بعد الله عند نزول الحوادث والفتن وهم حصن الإسلام وقلعته يدرأون عن الإسلام وأهله كيد الأعداء وفجور المنافقين وجهل السفهاء بذلوا أموالهم وأوقاتهم وأعراضهم لله في سبيل نشر الحق والذب عنه ، فلهم حق عظيم على كل مسلم والواجب على أهل الإسلام توقيرهم وتعظيمهم وإحسان الظن بهم والستر على معايبهم والإقتداء بهم ونصرتهم وموالاتهم والذب عن أعراضهم ونصحهم بالمعروف ، ويحرم على المسلمين ذمهم أو تنقصهم والطعن فيهم أو إساءة الظن بهم ولا يجوز للعامي الإستخفاف بهم في مجامع الناس ووسائل الإعلام. وقال v (فضل العالم على العابد كفضلي على أدناكم إن الله وملائكته وأهل السموات والأرض حتى النملة في جحرها وحتى الحوت ليصلون على معلم الناس الخير ) رواه الترمذي. وقال طاووس: إن من السنة توقير العالم .

التاسعة: من النصيحة لعامة المسلمين إرشادهم إلى مصالحهم وتعليمهم أمور دينهم ودنياهم وتعليم جاهلهم وتذكير غافلهم وإسداء النصح لهم وستر عوراتهم وسد خلاتهم ونصرتهم على من ظلمهم ومجانبة الغش والحسد لهم وأن يحب لهم ما يحب لنفسه ويكره لهم ما يكره لنفسه ، ومن أعظم ذلك أن ينصح لمن استشاره في أمره خاصة قال رسول الله v ( حق المسلم على المسلم ست) وذكر منها ( وإذا استنصحك فانصح له ) رواه مسلم ، وفي الصحيحين عن جرير قال بايعت النبي v على إقام الصلاة وإيتاء الزكاة والنصح لكل مسلم. ومن فقه النصيحة للمسلم أن ينصحه برفق وتلطف ولا يعنف عليه وأن يكون ذلك سرا لا يجهر به عند الناس لأن ذلك ينفره عن اتباع الحق ويفضحه ويؤدي إلى العداوة والقطيعة ، وكان السلف إذا أرادوا نصيحة أحد وعظوه سرا حتى قال بعضهم من وعظ أخاه فيما بينه وبينه فهي نصيحة ومن وعظه على رؤوس الناس فقد وبخه. وقال الفضيل " المؤمن يستر وينصح والفاجر يهتك ويعير" . والنصيحة خاصة بالمسلم أما الكافر فلا يشرع نصحه قال الإمام أحمد " ليس على المسلم نصح الذمي وعليه نصح المسلم ".

العاشرة: من أجل أنواع النصح لله ولرسوله وأشرفها رد الأهواء والبدع المضلة بالكتاب والسنة والرد على أهل البدع المخالفين لسنة النبي v وكذلك رد الأقوال الضعيفة من زلات العلماء وبيان ما يصح من الأحاديث وما لا يصح من الأحاديث الضعيفة والمنكرة بتبيين حال رواتها الضعفاء أو سماعهم أو غلط الثقات منهم ، وهذا الباب العظيم خاص بالعلماء الراسخين ومن قاربهم أما طلاب العلم وآحاد الناس وعوامهم فليس لهم الدخول في هذا الأمر الجليل لأنهم يفسدون أكثر مما يصلحون والغيرة الدينية ومحبة الخير لا تكفي في هذا الباب ، وقد توسع كثير من المنتسبين للعلم في الردود والمناظرات مع الخصوم مع عدم الأهلية ومراعاة القواعد الشرعية والآداب المرعية في هذا الباب.

بقلم : خالد بن سعود البليهد
عضو الجمعية العلمية السعودية للسنة

[ام السعف]

بصراحه ردك هذا غير اشياء كثيره كنت متخيلها :eek5: اللهم عافنا مما بليتهم علشان شعره طويل !!!!!!!!!!!!!!!!!!!!!

لا وكلش يا الواجهه الحضاريه مايخربها اللا اذا الشباب مطولين شعورهم بصراحه ام السعف ضحكتيني بهالكلمه :nice:

صباح الخير المتيم ،،

اولا ابي اقول اني اعاني من مشكلة في بعض الخطوط العربية ،، وبهذه المناسبة
خطك هو احد الخطوط اللي تظهر لي بشكل حروف صينية ما ادري تايلندية :(

اما بخصوص اللهم عافنا مما بليتهم ،، لا تاخذ الجملة بشكلها الوسيع
اليوم لو اشوف صورة الشهيد خطاب، ما اقدر للحظة اقول اللهم عافانا مما بليتهم ،،

ولا لو كنت مثلا انت مطول شعرك واحنا ما ندري عنه اقول اللهم عافانا مما بليتهم ،،

الجملة هذي تخص اللي مطولين شعورهم ، وتلقاهم جدام الناس اللي مطلع شعره وقاطه على كتوفه ،، والمؤذن يقيم الصلاة وهو يتمشى او قاعد على الكوفي شوب ( فشعره اهنيه للشو مب لسنة او غيرها ) ،،

فالشعر الطويل للحريم ،، وان كان تطويله لا يخالف السنة النبوية ولكن هل من السنة ان الرجل يطول شعره وما يصلي الجماعة في المسجد ؟

ومن ثم اقول : اليوم على كثر ما يمرون علينا مشايخ الدين ما شفنا شيخ دين مطول شعره وقاطه على كتوفه ( اشكالهم اتضحك للأسف ) ،، ومع هذا حسب الموضوع تقول الأخت
انه صاير بوشعر السادس عشر او الخامس عشر من طريقة تسريحته او تكسيره لشعره ،،

وعذرا اذا رايي قبل ازعجك ،، :shy:

[الـقـاسـي]

مب كل من طول الشعر صار جنس ثالث ولا مب رجال ,, لكن الصراحة شكل الرجال وهو مطول الشعر يسد النفس المشكله يجي الواحد واثق يحسب انه مقطع الجمال بهالحركة مادرى انه يسد النفس ..

[ام السعف]

مب كل من طول الشعر صار جنس ثالث ولا مب رجال ,, لكن الصراحة شكل الرجال وهو مطول الشعر يسد النفس المشكله يجي الواحد واثق يحسب انه مقطع الجمال بهالحركة مادرى انه يسد النفس ..

هل يعني مثلا
لو شفت رجال وشعره طويل وانت يوعان وطالب غداك ،،، تنسد نفسك وتدفع
الحساب وتطلع :(

والا تنسد نفسك من مشاهدة ويهه ؟ :shy:

[عذب الكلام 1]

هلا هلا يابو شعر ثاير شعرك غطي على الستاير هلا هلا يابو شعر ثاير هلا على قوله بو عبدو هلا هلا والشعر الثاير حق القمل والصيبان هلا هلا يابو شعر مغبر هلا هلا شعرك غطى على التواير هلا هلا هلا وكل يوم تمليس وشوار اقصد استشوار هلا هلا الظاهر ما راح اخلص هلا هلا

[AL_MUTAEM]

صباح الخير المتيم ،،

اولا ابي اقول اني اعاني من مشكلة في بعض الخطوط العربية ،، وبهذه المناسبة
خطك هو احد الخطوط اللي تظهر لي بشكل حروف صينية ما ادري تايلندية :(

اما بخصوص اللهم عافنا مما بليتهم ،، لا تاخذ الجملة بشكلها الوسيع
اليوم لو اشوف صورة الشهيد خطاب، ما اقدر للحظة اقول اللهم عافانا مما بليتهم ،،

ولا لو كنت مثلا انت مطول شعرك واحنا ما ندري عنه اقول اللهم عافانا مما بليتهم ،،

الجملة هذي تخص اللي مطولين شعورهم ، وتلقاهم جدام الناس اللي مطلع شعره وقاطه على كتوفه ،، والمؤذن يقيم الصلاة وهو يتمشى او قاعد على الكوفي شوب ( فشعره اهنيه للشو مب لسنة او غيرها ) ،،

فالشعر الطويل للحريم ،، وان كان تطويله لا يخالف السنة النبوية ولكن هل من السنة ان الرجل يطول شعره وما يصلي الجماعة في المسجد ؟

ومن ثم اقول : اليوم على كثر ما يمرون علينا مشايخ الدين ما شفنا شيخ دين مطول شعره وقاطه على كتوفه ( اشكالهم اتضحك للأسف ) ،، ومع هذا حسب الموضوع تقول الأخت
انه صاير بوشعر السادس عشر او الخامس عشر من طريقة تسريحته او تكسيره لشعره ،،

وعذرا اذا رايي قبل ازعجك ،، :shy:



صباح الخيرات يا ام السعف ..

زززين رديتي علي مع انه تطلع لك الحروف تايلنديه .. سباااايدي .

يعني اللهم عافنا ... اخذها بشكلها الضيق هههههههههههههه

عاد انا مطول شعري ولا يمكن اصلع البلية ما ابتلاك واتمنى تاخذيها بشكلها الضيق مش الوسيع:eek5:

ترا اختي ام السعف انا ما دخلت لا السنه ولا الفرض بردي والشعر حريه شخصيه لكل شخص واصلا منبداية الموضوع اتمنى تقرين ردي بس اللي خذيته من ردك اتوقع فهمتيه في المجال الواسع .. يعني لو اذن واللي مطول شعره راح يصلي مافيها شي واذا ماراح وقاعد على كوفي ولا يتمشى فهذا خطأ .. بصراحه ضحكتيني ضحك الله سنك :nice:

يعني سؤال يبيله موضوع خاص وهو هل من السنه الرجل يطول شعره ومايصلي جماعه في المسجد ؟؟؟ زززين واذا مقصر شعره فهل من السنه ان يصلي جماعه في المسجد ام هي فرض على المسلم اللي مقصر شعره ؟؟؟ لوووووووووووول استغفر الله نربط الدين باطاله الشعر ..!!

اما على الازعاج فكلا حر بما يكتبه الاهم هو القناعه الشخصيه
بس بصراحه افحمتيني بردك :eek5:

[طير حوران]

الحكم عليهم وعلى القصد من موضتهم سيكون من خلال كثر تواجدهم في المساجد من عدمه

[La.Queen]

ردي لمشاركه 43 واقري المكتوب باللون الاحمر وبتعرفين:rolleyes2:

اخوي مع احترامي لرايك الشخصي ووجهه نظرك وودي هالهدف اللي ذكرته باللون الاحمر يتحقق وانا ادري انه مب متحقق ولا بيتحقق لان الكل يفقد جوهريه النقاش في صلب الموضوع

احنا لو نترك الشو كان امورنا طيبه ياخوي ... ابي واحد يتكلم بعقلانيه .. مب قصور في البعض لكن الاغلب يخربون ع البعض
لو تذكر اسباب وطرق عشان نخفف هالظاهره او نقضي عليها مب ننتقد لمجرد الانتقاد والشو شوفوني تراني عاقل ما هفني هواهم

يعطيك الف عافيه ... اتمني كلامي ما يزعلك

[مساهمة بسFresh]

هالنوعيه من المواضيع مع احترامي لكاتبه الموضوع
هدفها شو بس لا اكثر ولا اقل ... تتعايووووووووووون وفالاخير ما توصولون الا حق شي واحد يتسكر الموضوع بدون هددددددددددددددددددددددددددددددددف

بيدخلنا كم واحد بيقول انا الحمدلله مب مطول شعري
وبيدخل الثاني بيقول انا اتبع سنه الرسول صلئ الله عليه وسلم وبيدخل الثالث بيقول ما ربوهم اهلهم

نفس نوعيه مواضيع البنات الله يهديهم طبختي لليوم.. وتجربتي مع البلاك بيري ..

ويدخلون بعضهم شوفوني انا اعرف اسوي ويبه.. والثانيه لا انا اعرف اسوي هريس
والثالثه تدخل الحمدلله انا ما استخدم هالتخلف البلاك بيري

ما عيزتو ...

:nice:

[بوحارب]

صباح الخيرات يا ام السعف ..

زززين رديتي علي مع انه تطلع لك الحروف تايلنديه .. سباااايدي .

يعني اللهم عافنا ... اخذها بشكلها الضيق هههههههههههههه

عاد انا مطول شعري ولا يمكن اصلع البلية ما ابتلاك واتمنى تاخذيها بشكلها الضيق مش الوسيع:eek5:

ترا اختي ام السعف انا ما دخلت لا السنه ولا الفرض بردي والشعر حريه شخصيه لكل شخص واصلا منبداية الموضوع اتمنى تقرين ردي بس اللي خذيته من ردك اتوقع فهمتيه في المجال الواسع .. يعني لو اذن واللي مطول شعره راح يصلي مافيها شي واذا ماراح وقاعد على كوفي ولا يتمشى فهذا خطأ .. بصراحه ضحكتيني ضحك الله سنك :nice:

يعني سؤال يبيله موضوع خاص وهو هل من السنه الرجل يطول شعره ومايصلي جماعه في المسجد ؟؟؟ زززين واذا مقصر شعره فهل من السنه ان يصلي جماعه في المسجد ام هي فرض على المسلم اللي مقصر شعره ؟؟؟ لوووووووووووول استغفر الله نربط الدين باطاله الشعر ..!!

اما على الازعاج فكلا حر بما يكتبه الاهم هو القناعه الشخصيه
بس بصراحه افحمتيني بردك :eek5:


المتيم ما شاء الله عليك للحين مطول شعرك :omg:

انا حشيته من زمان وتحسفت شوي بس :weeping:

[شبح الصمت]

أنزين والي شعره لين حد رقبته بس ومسكين من الله يجي مثل اللاف وناعم شيسوي وما يطوله بس حده جذيه !!

أي فئة يدخل فيـه من وجهة نظر الاخوة والاخوات !!

:omg:

[saryalia4u]

اخوي مع احترامي لرايك الشخصي ووجهه نظرك وودي هالهدف اللي ذكرته باللون الاحمر يتحقق وانا ادري انه مب متحقق ولا بيتحقق لان الكل يفقد جوهريه النقاش في صلب الموضوع

احنا لو نترك الشو كان امورنا طيبه ياخوي ... ابي واحد يتكلم بعقلانيه .. مب قصور في البعض لكن الاغلب يخربون ع البعض
لو تذكر اسباب وطرق عشان نخفف هالظاهره او نقضي عليها مب ننتقد لمجرد الانتقاد والشو شوفوني تراني عاقل ما هفني هواهم

يعطيك الف عافيه ... اتمني كلامي ما يزعلك


انا وين موضوعي
وانتو وين ردودكم
مادري ليش احس اني كاتب الموضوع باللغه الاتينيه
ياليت تعرفون قصد الكاتب وماتحورون الموضوع
وهاللي خلاي اسكت واسكر الموضوع:omen2:

[العـوا]

هل الشعر الطويل يعني المياعه؟؟؟
اخو العيال!!!!

[La.Queen]

انا وين موضوعي
وانتو وين ردودكم
مادري ليش احس اني كاتب الموضوع باللغه الاتينيه
ياليت تعرفون قصد الكاتب وماتحورون الموضوع
وهاللي خلاي اسكت واسكر الموضوع:omen2:

sorry im not in ur track

يعطيك العافيه

[الموضوعي]

هذا امر شخصي ، وان كان في ناس الشعر الطويل عليهم يضحك خاصة المتين او القصير او الضعيف المنقطع ، والشعر الطويل مايصلح مع الغترة والعقال

[المعضادي]

انا اقول ان الشعر الطويل حق الرجال مب حلو وشكله قبيح جدأ

هذاك الاول يوم الرجاجيل فيهم خير واهل غارات وغزوات ، اما الحين تخدي والشعر

طايح على الكتف والله العظيم من ادخل اي مجمع اضحك عليهم :nice:

لايزعلون هل الشعر الطويل بس هذا الصدق وانا حر في رايي مع احترامي لشخصهم ورغبتهم

لكن البلا مب الشباب !!!!!!!!!!!!!!!!!!!!!!!!!!!!

البلا لا جاكم واحد عمره فوق الاربعين ولا نقللها شوي نقول في آخر الثلاثينات مربي شعره

هههههههههههههههههههه ، الله لا يبلانا انا اسميه اللي خبل ( يتشبب :shy: ) ؟ ؟

والمصيبه الاكبر إذا لقيته حاط كفر حق البيبي :nice: لونه غريب وولده جنبه

اقول بس عسى الله يردلك عقلك وتثقل ولا نص الشعر اشيب ، امحق ذرابه في ذمتي

والله لو بيدي اقسم بالله لا أنزل قرار ان اللي يربي شعره لا اقزه بالمكينه زيرو

خل يسطلبون الرجاجيل اشوي

[alrheeb2020]

العكس الموضه انهم يلحقون قرعه ويخففون العارض

هاللي ملاحظه

[alrheeb2020]

انا اقول ان الشعر الطويل حق الرجال مب حلو وشكله قبيح جدأ

هذاك الاول يوم الرجاجيل فيهم خير واهل غارات وغزوات ، اما الحين تخدي والشعر

طايح على الكتف والله العظيم من ادخل اي مجمع اضحك عليهم :nice:

لايزعلون هل الشعر الطويل بس هذا الصدق وانا حر في رايي مع احترامي لشخصهم ورغبتهم

لكن البلا مب الشباب !!!!!!!!!!!!!!!!!!!!!!!!!!!!

البلا لا جاكم واحد عمره فوق الاربعين ولا نقللها شوي نقول في آخر الثلاثينات مربي شعره

هههههههههههههههههههه ، الله لا يبلانا انا اسميه اللي خبل ( يتشبب :shy: ) ؟ ؟

والمصيبه الاكبر إذا لقيته حاط كفر حق البيبي :nice: لونه غريب وولده جنبه

اقول بس عسى الله يردلك عقلك وتثقل ولا نص الشعر اشيب ، امحق ذرابه في ذمتي

والله لو بيدي اقسم بالله لا أنزل قرار ان اللي يربي شعره لا اقزه بالمكينه زيرو

خل يسطلبون الرجاجيل اشوي


اختلف معاك لانه السنه تربية الشعر لين الكتف مع اللحيه وحف الشنب طبعا ,, مع الالتزام بكامل السنه والاخلاقيات الاسلاميه

يعني مب وااحد بس يطول شعره ويقول عالسنه وهو اصلا اغاني طول الليل ومحلق لحيته واخلاقه زفت

[المعضادي]

اختلف معاك لانه السنه تربية الشعر لين الكتف مع اللحيه وحف الشنب طبعا ,, مع الالتزام بكامل السنه والاخلاقيات الاسلاميه

يعني مب وااحد بس يطول شعره ويقول عالسنه وهو اصلا اغاني طول الليل ومحلق لحيته واخلاقه زفت

طال عمرك كان بنرجع للسنه كان مالقيت هالاشكال موجودة !!!!

يعني سنه في الشعر بس ؟؟؟؟؟ في سنه في تقصير الثوب وعدم التمشي في الاسواق وغيرها

وخلني افيدك بشي لو هي سنه من الرسول عليه الصلاة والسلام ، لكنها مب سنة مؤكدة .

هذا للعلم ابو بكر رضي الله عنه وعمر ماكانت شعورهم طويله ولا سيدنا بلال !!!!!!

كان هم احق الناس في تربية شعورهم .

وبدال مايروحون يجهدون نفسهم ربعنا في اتباع سنه غير مؤكدة خل يتبعون سنن مؤكدة

واحترامي لرايك وشخصك .

توضيح لما اقول سنه غير مؤكدة :

اي يجوز للشخص اتباعها ام لا استحبابا منه وليست ملزمة هذا ما لزم توضيحه .

[ثابت]

الشعر للحريم عيب الرجال يربي شعر

[مشاكل]

البلا لا جاكم واحد عمره فوق الاربعين ولا نقللها شوي نقول في آخر الثلاثينات مربي شعره

هههههههههههههههههههه ، الله لا يبلانا انا اسميه اللي خبل ( يتشبب :shy: ) ؟ ؟



ماعتقد يالمعضادي
ربعنا فوق الاربعين الواحد منهم راسه يلق او على وشك
الا اذا كان حاله نادرة:weeping:

[شاهين]

ودي أطول شعري بس الله وكيلكم
الذبانه لين انزلت على راسي تشربكت :weeping:

سمعت يابوحارب خل عنك تطويل الشعر
ويازين قصة الجيلو هههههههههه
وعطني بنق:)

[AL_MUTAEM]

المتيم ما شاء الله عليك للحين مطول شعرك :omg:

انا حشيته من زمان وتحسفت شوي بس :weeping:


تدري بوحارب كنت افكر اقصه بهالصيف لاني ما اتوقع بسااافر بس من ردود البعض اللي اعتبرها ردود للشو لا اكثر :secret: بطوله وبطوله واللي يقول مش رجوله خله يجي وبيغير رايه:nice:

[بوحارب]

ودي أطول شعري بس الله وكيلكم
الذبانه لين انزلت على راسي تشربكت :weeping:

سمعت يابوحارب خل عنك تطويل الشعر
ويازين قصة الجيلو هههههههههه
وعطني بنق:)
ههههههههههههههههههههه

اذا تبي شعرك يطول ادهنه بفطس 3 مرات في اليوم :secret:




تدري بوحارب كنت افكر اقصه بهالصيف لاني ما اتوقع بسااافر بس من ردود البعض اللي اعتبرها ردود للشو لا اكثر :secret: بطوله وبطوله واللي يقول مش رجوله خله يجي وبيغير رايه:nice:


هههههههههههههههههههههههههههههههااايي


:nice:

[Bothayna]

وشفيها إذا الشباب طولو شعورهم ؟ انا وحده ما اشوف فيها شي

[سمسمه]

امبيييييييييييه


معظم الي امطولين اشعورهم
من فصيله الصروال أ لأصفر
الشعر مدهن ومليان قشره
والأسنان نصها بني والنص الثاني اصفر
الغتره معفوسه والثوب فيه نقط آيل
والأنعال حجمها أصغر من رجله
او لابس جزمه سوداء يابلفيت أنيق والثوب معفوس
بس تكفون تعطرو قبل لاتجون من الحوطه للمجمع
ويييييييييييييييييييييييع
وياكثرهم في اللاند مارك وفي سوق الخميس والجمعه
يابلفيت نمر بن عدوان

الله لايبلانا

[AL_MUTAEM]

عيني عليج بارده سمسمه معظم اللي مطولين شعورهم شفتي سراويلهم ..!:shy:

[ابو علاوي]

انا اشمئز من اللي مطول شعره

وخصوصاً اذا كان شعره مجعد ومسويله سيشوار مدري حمام مدري شنو
وبالغصب فاك شعره ومحترق من السيشوار

واحيانا اشوف شباب مسوين جدايل وخصوصاً الاجانب وبعض ربعنا المقيمين العرب

الصراحة منظر مقزز لما اشوف رجال ومطول شعره مثل البنات


وجهة نظر:nice:

[ابو علاوي]

انا اقول ان الشعر الطويل حق الرجال مب حلو وشكله قبيح جدأ

هذاك الاول يوم الرجاجيل فيهم خير واهل غارات وغزوات ، اما الحين تخدي والشعر

طايح على الكتف والله العظيم من ادخل اي مجمع اضحك عليهم :nice:

لايزعلون هل الشعر الطويل بس هذا الصدق وانا حر في رايي مع احترامي لشخصهم ورغبتهم

لكن البلا مب الشباب !!!!!!!!!!!!!!!!!!!!!!!!!!!!

البلا لا جاكم واحد عمره فوق الاربعين ولا نقللها شوي نقول في آخر الثلاثينات مربي شعره

هههههههههههههههههههه ، الله لا يبلانا انا اسميه اللي خبل ( يتشبب :shy: ) ؟ ؟

والمصيبه الاكبر إذا لقيته حاط كفر حق البيبي :nice: لونه غريب وولده جنبه

اقول بس عسى الله يردلك عقلك وتثقل ولا نص الشعر اشيب ، امحق ذرابه في ذمتي

والله لو بيدي اقسم بالله لا أنزل قرار ان اللي يربي شعره لا اقزه بالمكينه زيرو

خل يسطلبون الرجاجيل اشوي

صح لسانك يالمعضادي

[سويسرا]

هوا فيه ايه

الولاد بازوا يا جماعه

يا خراااابي

[بوحارب]

عيني عليج بارده سمسمه معظم اللي مطولين شعورهم شفتي سراويلهم ..!:shy:

خخخخخخخخخخخخخخخخخخخخخخخخخخخخ اشدخل الصروال في السالفة :secret:

[ام السعف]

هوا فيه ايه

الولاد بازوا يا جماعه

يا خراااابي

اشوي اشوي عليهم تراهم عيالنا ،، مب تتهور واتسفرهم :(،،
ترى مالنا بد منهم مردهم بيعقلون :(

[سويسرا]

اما جي ههههههههههههههههههههههه
بكرة عادي تلقاهم مسوين كبابه :p
الله يهديهم ان شاءالله ,,



هههههههههههههههههههههههه
حلوووووووووووووووه كبابه

كنت ناسيتها والله :rolleyes2:

ايااااااااااااااااااااام

شخباري كبابه!!

[هبوب الكوس]

عيني عليج بارده سمسمه معظم اللي مطولين شعورهم شفتي سراويلهم ..!:shy:

:happy:

[ثابت]

امبيييييييييييه


معظم الي امطولين اشعورهم
من فصيله الصروال أ لأصفر
الشعر مدهن ومليان قشره
والأسنان نصها بني والنص الثاني اصفر
الغتره معفوسه والثوب فيه نقط آيل
والأنعال حجمها أصغر من رجله
او لابس جزمه سوداء يابلفيت أنيق والثوب معفوس
بس تكفون تعطرو قبل لاتجون من الحوطه للمجمع
ويييييييييييييييييييييييع
وياكثرهم في اللاند مارك وفي سوق الخميس والجمعه
يابلفيت نمر بن عدوان

الله لايبلانا


هههههههههههههههههههههههههههههههههههههه

[: بوحمود :]

هههههههههههههههههههههههههههههههههههههههههههههههههه ههههههههههه

اسمحولي بس فيه رد ضحكني هههههه

[AL_MUTAEM]

امبيييييييييييه


معظم الي امطولين اشعورهم
من فصيله الصروال أ لأصفر
وياكثرهم في اللاند مارك وفي سوق الخميس والجمعه
يابلفيت نمر بن عدوان

الله لايبلانا




عيني عليج بارده سمسمه معظم اللي مطولين شعورهم شفتي سراويلهم ..!:shy:


خخخخخخخخخخخخخخخخخخخخخخخخخخخخ اشدخل الصروال في السالفة :secret:


اتمنى عرفت وشدخل السروال بوحارب ..:victory:

بصراحه فيه بنات مايستحون ولا يخجلون ولا يفكرون بما يكتبونه وكأنهم عايشين بملهى ليلي او ما شابه ..

هي تتكلم عن شباب قطريين وتصفهم بهكذا اوصاف ..!!

والادهى انها تعرف لون ملابسهم الداخليه وهذا ما اثار استغرابي :secret:

الموضوع للمناقشه وتبادل الحوار عن اطالة الشعر للشاب وشووف عاد الردود خاصه من هالبنات والعجايز اللي بالمنتدى اللي تقول مقزز واللي تحرم واللي تكفر واللي تقول انه تشبه بالنساء اي تقصد انه جنس ثالث .. وكلاك اتمنى قراءته بتمعن ولكن ..

هل نسيتم ان هناك رجال من رجالات قطر هم من اصحاب الشعر الطويل ..

فهل هم تتنطبق عليهم هالصفات ؟؟ ولا سروايلهم سموووك ههههههههههههه

يا اخوان اتمنى الرد وعدم التغطرس بالرد وهناك فرق كبير وكل رد هو يبين شخصيه وتربية صاحبه ..

بوحارب عاد شوووف ردود بعض الاخوه المقيمين وربي يضحكون يحسسوني انه من اصحاب الصلعه اللماعيه ويضربها بولش عند سوق العلي ..

اتمنى اغلاق الموضوع من قبل مشرف القسم او مراقبة الردود او ماتسمى بالردود .

[سمسمه]

اتمنى عرفت وشدخل السروال بوحارب ..:victory:

بصراحه فيه بنات مايستحون ولا يخجلون ولا يفكرون بما يكتبونه وكأنهم عايشين بملهى ليلي او ما شابه ..

هي تتكلم عن شباب قطريين وتصفهم بهكذا اوصاف ..!!

والادهى انها تعرف لون ملابسهم الداخليه وهذا ما اثار استغرابي :secret:

الموضوع للمناقشه وتبادل الحوار عن اطالة الشعر للشاب وشووف عاد الردود خاصه من هالبنات والعجايز اللي بالمنتدى اللي تقول مقزز واللي تحرم واللي تكفر واللي تقول انه تشبه بالنساء اي تقصد انه جنس ثالث .. وكلاك اتمنى قراءته بتمعن ولكن ..

هل نسيتم ان هناك رجال من رجالات قطر هم من اصحاب الشعر الطويل ..

فهل هم تتنطبق عليهم هالصفات ؟؟ ولا سروايلهم سموووك ههههههههههههه

يا اخوان اتمنى الرد وعدم التغطرس بالرد وهناك فرق كبير وكل رد هو يبين شخصيه وتربية صاحبه ..

بوحارب عاد شوووف ردود بعض الاخوه المقيمين وربي يضحكون يحسسوني انه من اصحاب الصلعه اللماعيه ويضربها بولش عند سوق العلي ..

اتمنى اغلاق الموضوع من قبل مشرف القسم او مراقبة الردود او ماتسمى بالردود .

اللون الأصفر معناها باللغه العاميه محلط , وكبار الشخصيات اذا طولو شعورهم ينغسل بالعود والعنبر أما بعض المساكين من فصيله تقليد عمامهم يابلفيت منهم , يلبس ثياب عمامه القديمه وينسى يبدل الأندر وير المحلط , عوايده مايتركها :):) , على العموم الي يبي يربي شعره يحرص ان يغسله مره في اليوم , عشان القمل حرام قام يشكي الحال من سوء النظافه في راس الأشخاص الي سبق ذكرهم

[NEMO]

دامكم على كل نقطه بتفتحون موضوع جديد

ابي موضوع لي (علاج ألم الرقبه ) لان رقبتي تعورني من يومين ومب راضي الالم يروح عني والدكتور يقول برد ؟؟؟؟؟؟؟ شالحل

[سمسمه]

عيني عليج بارده سمسمه معظم اللي مطولين شعورهم شفتي سراويلهم ..!:shy:


لا ماشفت
بس البعره تدل على البعير

والروائح المخنزه تدل على قله النظافه الشخصيه للبعض ( محلط)

نسيت أقولك , الحر وصل وياليت اتكلم البعض من أصحاب الشعور المدهنه يغير على الأقل في اليوم مره
رحمه بالأنسان :)

[سمسمه]

هههههههههههههههههههههههه
حلوووووووووووووووه كبابه

كنت ناسيتها والله :rolleyes2:

ايااااااااااااااااااااام

شخباري كبابه!!


بعضهم يتسلف مشابيص وربطات من خواته

وبين الرجاجيل خاش شعره

مادري بعضهم عندهم ميول مثليه بس يحاول أخفائها عن مجتمعه

الله يشفيه من مرضه ويهديه الى درب الرجوله

[تهامي باشا]

امبيييييييييييه


معظم الي امطولين اشعورهم
من فصيله الصروال أ لأصفر
الشعر مدهن ومليان قشره
والأسنان نصها بني والنص الثاني اصفر
الغتره معفوسه والثوب فيه نقط آيل
والأنعال حجمها أصغر من رجله
او لابس جزمه سوداء يابلفيت أنيق والثوب معفوس
بس تكفون تعطرو قبل لاتجون من الحوطه للمجمع
ويييييييييييييييييييييييع
وياكثرهم في اللاند مارك وفي سوق الخميس والجمعه
يابلفيت نمر بن عدوان

الله لايبلانا



ههههههههههههههههههههههههههههههههههههههههههههههه
تسدحت من الضحك
في المقص

[مخاوي الشيبة]

السلام عليكم ورحمة الله وبركاته


والله اللي يطولون شعورهم الاولين الخياله والفرسان اللي ماعندهم وقت حتى يقصه ولا يقصره

اما اليوم الشعر اصبح للتزين وللزبو والزبره على بايق وللدوارة في المجمعات بلا هدف ولا عنوان

الشعر للحريم وليس للرجال والعكس صحيح التقصير للرجال وليس للحريم

وكان الجيش والشرطه رضو بتطويل الشعر في الميادين العسكرية لانهم يخرجون رجال وليس ....... لاتعليق

[بنت صقار]

طيب ..تكلمنا عن الخباله(المرهقه)المتأخره..
شنقول عن اللي يربون شعر عيالهم الصغار..
عيال باربع سنين ولا سبع او ثمان وشعره حرير لين تحت الكتف@_@
ومقصقص..بشكل لافت؟؟
ولدي في مدرسه خاصه..ومعاه ولد كل يوم يلفت انتباهي ..بنعومته وصغير صف أول؟؟واخوانه اللي اكبر منه شعورهم مقصوصه واشكالهم ذربه..
الولد..لقاه زوجي في يوم يصيح؟؟يقول سألته..شفيك؟؟حد طاقك؟؟قال العيال يتطنزون علي..ويسموني(البنيه)
الحين هالولد في ذمة من؟؟
وينكم من عمر بن الخطاب(واخشوشنوا)
بعض عيال الفريج..يربطون على شعرهم ربطات مسوين ذيل حصان؟؟؟؟؟؟؟؟؟؟؟
وبعضهم حسب رواية خواته؟؟عنده استشوار و(سيراميك)<---سيراميك عاد؟؟؟؟؟
اي رجوله تجي من وراهم..
والشرهه مهب عليهم..على اهاليهم..اللي ماعطوا الواحد منهم سطار يعلمه انه للحين(بزر)<<بالله ايش يرجون اهلهم منهم؟؟ولا من بيزوجهم؟؟
الله يرحم ايام(الرجال مخابر)-------->صاروا مظاهر ونعومين..ويتكلمون عن الماركات.....................@-@

[{ آلكــــآدي ~]

http://www.dohaup.com/up/2009-08-11/dohaup_1856463053.jpg


اتوقع يلبسون باروكه

ههههههههه والله شفتهم طبعا شعر صج بس كشه في دول خليجيه مجاوره
صارت موضه يقلدون المطرب عبدالفتاح الجريني :funny:
بس انطروا شوي بتوصلنا :nice:


الله يهديهم

[BIG-VEGA]

ودي أطول شعري بس الله وكيلكم
الذبانه لين انزلت على راسي تشربكت :weeping:

سمعت يابوحارب خل عنك تطويل الشعر
ويازين قصة الجيلو هههههههههه
وعطني بنق:)


انا حاس فيك وبمعاناتك :weeping: :weeping: :weeping:

[AL_MUTAEM]

اللون الأصفر معناها باللغه العاميه محلط , وكبار الشخصيات اذا طولو شعورهم ينغسل بالعود والعنبر أما بعض المساكين من فصيله تقليد عمامهم يابلفيت منهم , يلبس ثياب عمامه القديمه وينسى يبدل الأندر وير المحلط , عوايده مايتركها :):) , على العموم الي يبي يربي شعره يحرص ان يغسله مره في اليوم , عشان القمل حرام قام يشكي الحال من سوء النظافه في راس الأشخاص الي سبق ذكرهم



دائما ماتتركين الموضوع وتذهبين الى الملابس الداخليه ؟؟

واي عمام واي خوال طال عمرج وزمن العبوديه انتهى بس بصراحه اول مره اسمع ان الشعر ينغسل بالعود والعنبر واتوقع بعد يحطون تحته المدخن ..



لا ماشفت
بس البعره تدل على البعير

والروائح المخنزه تدل على قله النظافه الشخصيه للبعض ( محلط)

نسيت أقولك , الحر وصل وياليت اتكلم البعض من أصحاب الشعور المدهنه يغير على الأقل في اليوم مره
رحمه بالأنسان :)


اما البعره تدل على البعير ههههههههههههههه زززين وصفتيهم بالبعير مو بالناقه ..

انا من بكرا بروح هالاماكن التي تعودتي تشمين فيها وبجرب يمكن يطلع كلامك من وحده خبره بالشم .. وانتي عارفتهم زززين ليش تبيني اكلمهم روحي دوري البعره فتجدين البعير وكلميهم ترا يسمعون منك افضل وخاصة ان اسلوبك راقي بالمحادثه ..



بعضهم يتسلف مشابيص وربطات من خواته

وبين الرجاجيل خاش شعره

مادري بعضهم عندهم ميول مثليه بس يحاول أخفائها عن مجتمعه

الله يشفيه من مرضه ويهديه الى درب الرجوله


اصبح اطالة الشعر ترمز الى المثليه ومرض تدعين لهم بالشفاء منه ..

ما اقول اللا جزاكي الله خير واتمنى عمل بحث وتقديمه الى الجمعيات المختصه .

[المتضرعه لله]

كانوا جدانا يطولون شعرهم ويفتاخرون به لكن الاحين حتى بابو دريولنا مطول شعره ويعتمد على النظافه والقمل من عدمه اما اللي شفتي بالمجمع هذا مبروم من العرق وملتف ويابس يعني مش تسريحه مقصوده

الا اذا كان من السيخ هذا شي اخر لان السيخ يبرمون شعرهم

والله اعلم

[<اضرب واشرد>]

لكن الاحين حتى بابو دريولنا مطول شعره ويعتمد على النظافه والقمل من عدمه



اما اللي شفتي بالمجمع هذا مبروم من العرق وملتف ويابس يعني مش تسريحه مقصوده


الا اذا كان من السيخ هذا شي اخر لان السيخ يبرمون شعرهم



بل بل بل ليش هذا القصف العنيف أختي الكريمة والاتهامات.

شدراج من العرق مبروم شافته عينك أم شمه أنفك! ليش مايكون من الجِل مثلا بدال العرق.