نبي نسوي صيانة كاملة للفيلا - و بغيت مساعدتكم

[A.Al-Kuwari]

السلام عليكم خواني..

احنا ناويين إن شاء الله نعدل البيت (صيانة شاملة و توسعة و ديكور)

و عندي سؤاليين:
1) شنو الخطوات اللي لازم أسويها عشان ابداء؟

2) ممكن تدلوني على مقاول و استشاري شاطر و سمعته زينة؟

مشكورين و ماتقصرون.

[محمد الجفيري]

ان شالله يساعدوك يا رب بالتوفييييييييق

[المريش]

الشيخ، جميع ما ذكرت من تغييرات تحتاج الى تفصيل

اولا. التوسعة المراد عملها كم مساحتها، لأن البلدية ترضي بسكتش عادي اذا كانت مساحة بسيطة، أما اذا كانت توسعة كبيرة فلابد من استشاري يعمل لك التصميم وتدخ في اجراءات الترخيص كما في عملية البناء من جديد.

ثانيا. اذا كانت التوسعة بسيطة، عندها لابد التأكد من تحمل الكهرباء للإضافة.

ثالثا. عمل الصيانة ايش تفاصيلها، لانها بتحدد ما هو المقاول المناسب لك.

رابعا. أعمال الديكور ما أنصحك يكون هو نفسه المقاول اللي ينفذ لك إلا إذا كانت شركته عدها فرع للديكور، لأنه بيلعوزك.

وفي الأخير يعتمد الموضوع على ميزانيتك.

أنا عملت توسعة وصيانة شاملة لبيت الوالد مع الديكورات كلفتني حوالي 700000 ولكن هذا ايام الغلا

واي استفسار انا حاضر

[بوفصول]

شوف لك شركات مختصة محترفة في صيانة المباني بس .. وخلهم يسون لك عروض اسعار ،، واختار الانسب

بالتوفيق اخوي

[A.Al-Kuwari]

مشكورين خواني على ردودكم.

بالنسبة للتوسعة نبي نبني غرفة إضافية في الطابق الثاني. يعني البنيان بيبتدي من الطابق اللي تحت.

و نبي نبني مثل ملاحق ورى البيت لمطبخ خارجي و ستور و غرفة غسيل و تكرمون حمام ضيوف.
و داخل البيت نبي نكسر و نفتح جم غرفة على بعض مع تغيير شامل للديكور.

ياليت احد ايفيدني بمحلات ممكن اتعامل معاهم.

ماقصرتوا.

[بوحبيب 2003]

اعرف شركة وايت زينة واللع اعلم اسمها النايف للانشاء والتعمير ولديهم فرع خاص بالديكور

[jwar7]

شيك الخاص

[A.Al-Kuwari]

جزاكم الله خير و ماقصرتوا

بكلم الشركات اللي اقترحتوها لي و الله ييسر الأمور