مآآآآ خاب من أستشآآآآآر

[رآعي موآجيب]

السلام عليكم ورحمة الله

ألموضوع الله يسلمكم أني في إيطار الأنتهاء من تصميم الخرائط أنا وأخوي

أراضينا جنب بعض وراح نبني فلتين نفس التصميم بالملاحق والمجالس

وفيه كم نقطه بوضحها لكم ومن ثم بطرح اسألتي

مساحة البنيان لكل بيت 650 متر مربع
مساحة البنيان للملاحق والخدمات لكل بيت 75 متر مربع
مساحة بنيان المجالس لكل بيت 90 متر مربع **

** بالنسبه للمجالس بتكون 90 متر مربع في ارض و90 متر مربع في الأرض الثانيه ، لكن بتكون كمجلس واحد في نص البيتين بمساحة 180 متر مربع

الأستفسارات

1- انا افكر اني استلم المشروع كامل وأحاول اوظف مهندس مع عمال حتى انهاء البلستر ، والهدف هو التوفير ومحاولة تفادي أفخاخ بعض شركات المقاولات

فــ أيش رايكم في هالشور ؟

2- راي ثاني يقول اسلم المشروع لشركة مقاولات للبلستر فقط , وانا اكمل التشطيبات

الهدف اني ما ادخل في متاهات يمكن اكون غير ملم بها , وأعطي الخباز خبزه

3- انا عندي كهربائي وبايب فيتري اثق فيهم جدا ، آمينين ومجربهم في أكثر من عمل
وأفكر لو اعطيت المشروع لشركه ما اخليهم يشتغلون كهرباء وتمديدات

بعد محتاج شوركم في هالنقطه

4 - وقت التشطيب إذا الله اشاء ، هل السفر للصين لتشطيب الفلتين والمجالس والملاحق مجدي وبه توفير ، وإلا الموضوع مسألة زبو فقط ؟

مع العلم اني ناوي أأثث من المسمار لأطقم النوم والكهربائيات ماعدا المكيفات والتلفزيونات والثلاجات في سفره وحده .

أرحب بأقتراحات ونصائح الجميع بمن فيهم اصحاب شركات المقاولات

وبيكون هالموضوع مفيد لي ولكل مقبل على البناء

وجزاكم الله خير الجزاء

[بوفصول]

احفر الارض ابروحك عقب مااتشوف كما واحد ، واختار الارخص .

شوف لك مقاول باكستاني او ايراني شغل خرسانة مسلحة فقط (العظم) عنده رخصة عشان ختم تعهد البلدية. ويشتغل على الخريطة ، واختار الارخص.

ويب عمال باكستانين حق الطابوق .. من الشبرا .. بعد مااتورد لهم الطابوق والرمل

وبالنسبة للبلاستر .. شوف لك بنغالي .. وجيب له الاسميت والرمل . واعمله تست في طوفه خارجية .

والكهرباء والبيفيتر اتعرفهم .. بس حاسبهم على شغل اليد فقط .. وانت يب لهم المواد .. بتوفر وايد انشاء الله. وشوف غيرهم ، يمكن اتحصل ارخص منهم .. واهم شي اتوقع معاهم عقود واتوثقها ..مع تحمل الكهربائي ختم ورخصة معتمدة لتوصيل الكهرباء للمنزل عند الانتهاء

واذا عندك ناطور او واحد على كفالتك اتحطه في الموقع .. مع توفير درامات الماي للموقع .

وبالتوفيق اخوي

[محمد الجفيري]

الله يتمم عليك انت واخوووك

وعقبااال ما تسكنوا ياا رب هههه

بالتوفيق وان شالله الاعضااء يسااعدوك اخوي تستاهل كل خير .

:)

[المريش]

شوف أخوي ، البلدية ما تسمح لك بالبناء الا بعد تعهد مقاول، يعني لازم مقاول يعطيك تعهد وما ادري اذا فيه مقاولين يرضون بالشي هذا.

اذا عندك خبرة بالبناء يمكن اذا حصلت تعهد مقاول انك تشرف بنفسك على البناء لأنك اكيد بتوفر وإذا ما عندك خبرة ، نصيحتي تشوفلك مقاول جيد يبني لك عظم وانت شطب، هذا بعد توفير، بس لازم العمال اللي تستخدمهم للتشطيب يكونون ممتازين، لأنه والله لو شريت أغلى مواد التشطيب والعمالة اللي نفذت كانت تعبانة بتكون اكبر خسارة لك
أما بالنسبة لمواد التشطيب من الصين ما عندي خلفية فية، بس في ناس شطبوا من السعودية ووفروا
وبالتوفيق
أنا بعد بدخل في مرحلة بنيان قريب، فإذا حصلت معلومات لا تبخل علينا

[رآعي موآجيب]

جزاكم الله خير ياشباب

وننتظر باقي الأخوان

[[vip]]

موفق وجعله الله منزل مبارك لكم والله يهنيكم

اما بخصوصةالموضوع ف أنا متابع لان مثل حالتك ادور لي مقاول

[المسك1969]

السلام عليكم
الله يوفقك وييسر لك الصعب اللهم امين.. طبعا لو في شركه تتكفل لك بكل شي من الالف الى الياء فهذا احسن لك انت من التعب وكل اتدور وتشوف الاسعار ويمكن يطلع لك احد مب شيء والله اعلم...
بالنسبه للأثاث انا بعد فيني حيره...والله يوفقكم وتخلصون على خير يارب

[خبير صيانة]

شوف علشان ماتدوخ راسك وتجي في وسط المباني تمل المباني
واللي اقترح عليك اقول شوف شركه محترمه
تنفذالبيت عظم اسود
وانت دورك من هنا يبدء
شطب ظبط رتب كيفك
اهم شئ عصب البيت الخرسانات
فاهمني الخرسانات عصب البيت
اذ حابب اعرف مهندس تركي امين جدا وشاطر وسعره معقول

[قطري قديم]

بالتوفيق اخوي والله يجعله منزل السعادة وعموما انا حاضر طال عمرك عندي مقاول فنان وسريع وشغله ميه ميه وسعرة رخيص واهم من هذا كله انه خايف الله لو حاب طال عمرك انا تحت امرك

[بن غيث]

انا من راي خبير صيانة

[رآعي موآجيب]

;7308810']موفق وجعله الله منزل مبارك لكم والله يهنيكم

اما بخصوصةالموضوع ف أنا متابع لان مثل حالتك ادور لي مقاول


وياك ان شاء الله ياخوي

والله يسهل علينا وعلى المسلمين

[رآعي موآجيب]

السلام عليكم
الله يوفقك وييسر لك الصعب اللهم امين.. طبعا لو في شركه تتكفل لك بكل شي من الالف الى الياء فهذا احسن لك انت من التعب وكل اتدور وتشوف الاسعار ويمكن يطلع لك احد مب شيء والله اعلم...
بالنسبه للأثاث انا بعد فيني حيره...والله يوفقكم وتخلصون على خير يارب


والله يالمسك خلها على ربك

ودنا بالشي الزين والمعقول

وبعض الشركات كلامهم زين قبل الشغل , وعقب الشغل وتوقيع العقد تتغير الأمور

وهالشي اللي الكل يبغي يتفاداه .

[رآعي موآجيب]

شوف علشان ماتدوخ راسك وتجي في وسط المباني تمل المباني
واللي اقترح عليك اقول شوف شركه محترمه
تنفذالبيت عظم اسود
وانت دورك من هنا يبدء
شطب ظبط رتب كيفك
اهم شئ عصب البيت الخرسانات
فاهمني الخرسانات عصب البيت
اذ حابب اعرف مهندس تركي امين جدا وشاطر وسعره معقول


بيض الله وجهك يالخبير

شورك طيب وأنت أطيب

هذا اللي افكر فيه الحين طال عمرك وادرسه هاليومين

عسى عمرك طويل وحالك جميل

[رآعي موآجيب]

بالتوفيق اخوي والله يجعله منزل السعادة وعموما انا حاضر طال عمرك عندي مقاول فنان وسريع وشغله ميه ميه وسعرة رخيص واهم من هذا كله انه خايف الله لو حاب طال عمرك انا تحت امرك

وياك ان شاء الله طال عمرك

ما يامر عليك عدو وراسلتك على الخاص

بيض الله وجهك

[رآعي موآجيب]

انا من راي خبير صيانة


رأيه طيب وجاز لي

لاهنت طال عمرك :nice:

[badarameen]

اقول احسنلك تشوفلك شركة لين البلاستر
والباقي عليك