المساعد الشخصي الرقمي

مشاهدة النسخة كاملة : استشاره طبيه


ام سلمى
14-05-2011, 04:02 AM
السلام عليكم ورحمة الله وبركاتة
بغيت استشيركم في موضوع انشالله تقدرون تساعدوني فيه / انا عندي بنت عمرها 10 سنوات دايما من وهي صغيره يجيلها التهاب في الاذن والام فضيعه ودايما مزكمه وعندها احتقان ولوز واحس بدا سمعها يخف/ المهم وديتها للدكتور توماس استشاري اذن وحنجرة وانف وقال لازم تشيل اللوز واللحميه وعنها ماي ورى الطبله لازم ينشفط وهذا كله ببنج كامل / وابي استشيركم بعد الله شرايكم من احسن دكتور في قطر/ او احسن اوديها المستشفى الامريكي في دبي لان هناك دكتور زين للاذن بس ماعرف اذا عندهم دكتور زين للوز واللحميه والبنج / تكفون ابي مشورتكم واللي ماعنده خلفيه ياليت يسال لي
وجزاكم الله خير *
قطري طموح
14-05-2011, 04:03 AM
اختي ام سلمى بدون تردد روحي بها للدكتور عبدالعزيز الجفيري وابشري انشالله ؟
المليونير الفقير
14-05-2011, 04:11 AM
اختي ام سلمى نصيحة من اخوج انسي تومس والماي الى ورى الطبله الي من 20سنه يكررها بدليج على دكتور ممتاز وماعنده لف ودوران بيعطيج من الاخر استشاري اذن وانف وحنجره اسمه دكتور غازي زبيب عيادته فالمعموره ممكن تاخذين رقمه من180 والنصيحه الاخرى لاتروحين للمستشفى الامريكي دبي لانه صار تجاري وماهمه الا الفلوس هذا واسال الله العظيم ان يشفي بنتج ويطمنج عليها
سكرمر
14-05-2011, 04:18 AM
ماتشوف شـر فديتها والله يقومها بالسلامه


لكن حاب اقول لج ان توماس ابتعدي عنده


لانه سبب مشكله لابوي فى اذنه
بيرق قطر
14-05-2011, 04:20 AM
أختي أم سلمى ولد عمي عنده مشكلة في طبلة الإذن وطبعاً ما عندنا دكتور ممتاز لطبلة الإذن في قطر اعتقد لو تقدمين
أوراقها على الاستشاريين في مستشفي حمد واخذ العلاج في الخارج يكون أفضل . لان أقلبية الأطباء كانوا ينصحون
ولد عمي بعمل عملية طبلة الإذن بالخارج وذلك لصعوبتها ودقتها . ورأى الأول والأخير لكم .


والله يشفي بنتك في الغريب العاجل
الحياة الخالدة
14-05-2011, 05:07 AM
اختي ام سلمى بدون تردد روحي بها للدكتور عبدالعزيز الجفيري وابشري انشالله ؟


و أنا مع أخي قطري طمــــــوح في رأيه ..

الدكتور عبدالعزيز الجفيري .. طبيب ممتاز علماً و تعاملاً ..

و ما عليها شر بنتج باذن اللـــــه .. :)
ام سلمى
14-05-2011, 08:13 AM
الله يعطيكم العافيه ماقصرتو عسى ماتشوفون مكروة
بسالكم الدكتور الجفيري عنده عياده خاصه ولا في مستشفى حمد
عناد2009
14-05-2011, 08:53 AM
ماتشوف شر بنتك..

عندك د.حندوسه في المغربي ود. اقنيشن في حمد..
روحي لهم وانتي مغمضه
أسد الجزيرة
14-05-2011, 11:44 AM
د. اقنيشن في حمد
deema117
14-05-2011, 12:29 PM
الله يشفيها ويعافيها ياارب
الحياة الخالدة
14-05-2011, 12:48 PM
الله يعطيكم العافيه ماقصرتو عسى ماتشوفون مكروة
بسالكم الدكتور الجفيري عنده عياده خاصه ولا في مستشفى حمد


عنده في مستشفى حمد .. بس طبعا بالمواعيد ..

و عنده عيادة خاصة .. مقابل محطة بترول بوهامور .. :)

و ما عليكم شر ان شاء اللــــــه ..