مع او ضد ؟

[بيرق قطر]

السلام عليكم ورحمة الله وبركاته


كثرت في الآونة الأخيرة حفلات الدي جي سواء كانت الخاصة أو غير خاصة

طبعاً تلك الحفلات يتبعها تجهيز كامل من ملابس فاضحه وغير كذا رقص وحركات شواذ وغير ذلك....!!!!؟؟؟؟

إلى أبي افهمه لهدرجه بعض بناتنا وأبنائنا متأثرين بالغرب وين ديننا وين عادتنا وين تقاليدنا

البنات والشباب أهلهم وينهم أمهاتهم وين ؟؟ آبائهم إخوانهم وين ؟؟


أبي اعرف آرائكم هل انتم مع أو ضد حفلات الدي جي ؟

هل شاهدتم في حفلات الدي جي مثل إلى وصفته ؟

هل برأيكم أن حفلات الدي جي تعني التطور والتقدم أم أنها فساد لامتنا وأبنائنا ؟

اابي اسمع أرائكم جميعا وبكل صراحة خلونا نتناقش حول ها لموضوع بجدية

لان الحالة كل يوم تزيد عن اليوم إلى قبلة

والله يستر علينا وعلى امة المسلمين أجمعين

[قطري طموح]

اخوي هات خشمك احبه وربي ضد والف ضد في المليون مع كل ماقلته ولا نرتضي لاهلنا ولا لاهل كل مسلم يعيش على هذه الارض
واقسم بالله لن اسمح لاحد من محارمي من النساء ان يتمادى احد منهن كما ورد في ماقاله الاخ بيرق قطر

اخوي الحبيب بيرق قطر اكثر الله من امثالك فانت رافد مهم نستعين به في هذا المنتدى العظيم .
الى الامام اخوي الحبيب بيرق قطر .

[سكرمر]

انا ضد هالحفلات

يازين العزايم العائليه العاديه


وياليت ان الاب والالم / او الاخ او الاخت الكبار انهم يهتمون فى المراهقين



ومشكور اخوي على طرحك هالموضوع المهم

[nadeemy]

اللي اعرفه عن حفلات الدي جي انها حريم يحتفلون بمناسبه خطوبه او ما شابه ويجيبون في البيت وحده عندها مسجل واشرطه ااغاني ويحتفلون , والحقيقه انا ما اشوف فيها شيء بالعكس انا عندي احسن من انهم يجيبون فرقه وخرابيط , ولا عمري سمعت ان فيها حركات شواذ الا اذا انت تتكلم عن شي اخر
وشكرا على الطرح

[ALRAYYAN]

هل انت منتظر حد يقولك انا مع بعد كل ماذكرت اخي الكريم ؟!!


الموضوع مع كل احترامي لك .. دون مستوى الطرح

هذا رايي واتمنى تتقبله

[العـوا]

هل انت منتظر حد يقولك انا مع بعد كل ماذكرت اخي الكريم ؟!!


الموضوع مع كل احترامي لك .. دون مستوى الطرح

هذا رايي واتمنى تتقبله





اتفق معك في ذهبت اليه

[ابوخالد السل]

السلام عليكم ورحمة الله وبركاته


كثرت في الآونة الأخيرة حفلات الدي جي سواء كانت الخاصة أو غير خاصة

طبعاً تلك الحفلات يتبعها تجهيز كامل من ملابس فاضحه وغير كذا رقص وحركات شواذ وغير ذلك....!!!!؟؟؟؟

إلى أبي افهمه لهدرجه بعض بناتنا وأبنائنا متأثرين بالغرب وين ديننا وين عادتنا وين تقاليدنا

البنات والشباب أهلهم وينهم أمهاتهم وين ؟؟ آبائهم إخوانهم وين ؟؟


أبي اعرف آرائكم هل انتم مع أو ضد حفلات الدي جي ؟

هل شاهدتم في حفلات الدي جي مثل إلى وصفته ؟

هل برأيكم أن حفلات الدي جي تعني التطور والتقدم أم أنها فساد لامتنا وأبنائنا ؟

اابي اسمع أرائكم جميعا وبكل صراحة خلونا نتناقش حول ها لموضوع بجدية

لان الحالة كل يوم تزيد عن اليوم إلى قبلة

والله يستر علينا وعلى امة المسلمين أجمعين

على ذمة وحده مجربه

اللي تبي تنصك بعين
وتعيش بقية عمرها
في الم ومعاناه !!
تروح مثل هذه الحفلات !
:anger1:

[مخاوي الشيبة]

والله اشوف ازعاج ومالها لازمه خرابيط وسوالف لي درجت اني اشتكيت في يوم من الايام على هل الحفالات

والسبه الصوت المزعج لين الساعه 12ليلا وفي نص الاسبوع

ضد بكل معنى

[كبريت]

كل واحد عنده غيره على محارمه لو ١٪ ضد المسخرة الي قاعده تصير

[بيرق قطر]

شكراً إخواني وأخواتي على مروركم ومشاركتكم الطيبة

ولكن بنسبة إلى أقول

( العين تراء والقلب يحزن )

2020م

(؟)

[ام السعف]

شنو يعني حفلات دي جي ؟

الدي جي جهاز نطلبه حق ليلة الحنة او حفلة الخطوبة او زفة العروس
وان كانت لنا حفلة خاصة مرات كثيرة الاستيريو ما يقول شي او الكمبيوتر مع
سماعات .......................> هذا الدي جي ،،

لكن اذا كان المقصد حفلات الدي جي اللي تكون شبه مستمرة بهدف
الرقص مثل الديسكوات طبعا هذي ما سمعت فيها ،، وان وجدت فهي مثلها مثل
الديسكو ما لا نقبله في الديسكو لا نقبله في مثل هالحفلات ،،

وشكرا

[أم حمد]

انا اعرف ليش طرحت الموضوع


لانك عايش وشايف عكس اللي اعترض ولا يدري ايش صاير !

انا ضد وبوقوووه

وفعلا فالفتره الاخيرة صاير بسبب وبدون سبب حفلات الدي جي

لتجمع الشاذات والمصخره !

الحمدالله لين الحين ماحضرت مثل هالحفلات لكن سمعت من ناس حضرت الله يهديها !

استحضرت كذا موقف يوم قريت الموضوع

احدى الاخوات مربي وطالعه من نفاس تسوي عشا ودي جي !!!

وعكسه والحمدالله

عشا اقيم على سلامة شاب بعد حادث كان بيكون معه دي جي لكن بتوجيه ونصح من احدى الدعايات الله يجزاها خير تحول الى عشا وندوه دينيه والحمدالله وكنت من ضمن الحضور تقدرون تتخيلون فقط الرضى والراحه باالمقارنه بين المناسبتين !


اتمنى من كل اب وام واخ واخت ان يعارضون بشده اقامتها واستبدالها بحلقات الذكر


ولاهنت على الطرح

[همسه]

تقصد الدي جي اللي يجبونه في الاعراس وليلة الهديه اخوي ؟؟

معليش يمكن مافهمت قصدك بس حبيت افهم عشان ارد مع او ضد

عموما اذا قصدك اللي في الاعراس هذا مافيه شي من عرفنا الدنيا والناس يحتفلون باعراسهم

لكن اذا قصدك ان بس بدون مناسبه شلة بنات متجمعين وجايبين دي جي ولبس عاري ورقص و قلة ادب وتقليد الاجانب هذي انا ضدها و بقوه

[نوفا91]

انا كل الحفلات والعزايم اللي رحتها ياعرس او حفله خطوبه وعزايم العايلات عادي ..

اما حفلة دي جي بس بدون سبب ماسمعت فيها ان حد سواها ..

[saryalia4u]

ماعتقد عندنا هالحفلات اللي تقول عنها
الموجوده مثل ماقالوا الاخوات
احتفال بخطوبه او زواج او مناسبه ما
ومايكون فيها خلط ونسائيه


ياليت توضح قصدك اكثر
لان اللي تقول عنه مانعرفه

[أم حمد]

الرجال قصده

حفلات بناااات فقط للرقص والمصخره والتعارف !!

والتعري طبعا !

هذا اللي منتشر فالفتره الاخيره

[Miss]

اي دي جي تقصد؟؟

احنا ما نعرف الا الدي جي اللي يكون في عرس او خطوبه او هديه او ليلة حنّا ..

هذا هو الدي جي ..

ووضح شتقصد بالدي جي !!

[saryalia4u]

الرجال قصده

حفلات بناااات فقط للرقص والمصخره والتعارف !!

والتعري طبعا !

هذا اللي منتشر فالفتره الاخيره


لله الحمد مانعرفها ولا عمري سمعت بها:anger1:

[بوحارب]

ضد لكن من اللي يسمع :)

[بيرق قطر]

أشكركم على مروركم الطيب

وشكر خاص للأخت أم حمد

والمقصود بكلمة (الدي جي)

مثل ما ذكرتم سابقاً شبة (ديسكو) بس من نوع ثاني

وبما إن عقولنا مختلفة

فطبعاً كلن بنظر لدي جي بشكل إلى يريحه

إما بنسبة إلى هذا طرح ومشاركة منى من واقع حزن شديد ومؤلم

لما أفكر في 2020م

مع خالص تحياتي للجميع

[Diamond]

أشكركم على مروركم الطيب

وشكر خاص للأخت أم حمد

والمقصود بكلمة (الدي جي)

مثل ما ذكرتم سابقاً شبة (ديسكو) بس من نوع ثاني

وبما إن عقولنا مختلفة

فطبعاً كلن بنظر لدي جي بشكل إلى يريحه

إما بنسبة إلى هذا طرح ومشاركة منى من واقع حزن شديد ومؤلم

لما أفكر في 2020م

مع خالص تحياتي للجميع

يعني متوقع في احد بيقولك مع...نفس ما قال اخوي الريان واسمحلي ان الموضوع ما يستاهل...واذا بوليتم فاستتروا...بس تدري في ناس مساكين رادين عليك ع بالهم انك تقصد حفلات الاعراس والخطوبه اللي يحطون فيها دي جي..

[بوخالد911]

ضد

و

ضد

و

ضد

[بيرق قطر]

شكراً بوخالد911 على المرور

[تغلبية]

ضد والا موب ضد ..من بيطيعكم وبيسمعكم ..؟!

هالحفلات صايرة عند الشباب الفاضي .. الا ماهمه غير التعارف وبمعنى أصح الشباب الضايع من الجنسين .. والشرهة على اللي يعطيهم فلوس من أهاليهم ويطاوعهم على كل شي وكله بمسمى ترفيه !! مادري وين جاهم الهم علشان يرفهون عن أنفسهم .. :rolleyes2:

قول ابوالعتاهية في ذلك:

أَنَّ الشَبابَ وَالفَراغَ وَالجِدَه******* مَفسَدَةٌ لِلمَرءِ أَيُّ مَفسَدَة

والجدة هي وفرة المال


فهل من متعظ من الآهالي والاباء ؟!

[صوت الضمير]

شاليهات حياة جراند والغاريه تشهد لها المسخره

الله يصلحهم ويهديهم

موجوده هالحفلات .. لا واللحين طالعين بطلعه حفلة توديع العزوبيه

اللي يسونها الاجانب ..بنتنا وعيالنا يقلدون

كنت قاعده انطر المحاضره .. وحده قدامي تكلم بالتلفون تقول اعزمك على حفلة توديع العزوبيه
انا قعد اسمع ماتوقعت ذا الشي وصل عندنا.. لا وحاجزين اضاءات نفس الديسكو

لاتقولون موب عندنا قولوا الله يهديهم ..

اكيد ضد ياخوي.. وياليت الاهل ينتبهون لبناتهم وعيالهم

أبداع

[P!nk@P!nk]

انا ما اعرف الا الدي جي اللي يحطونه في حفلات الخطوبه و الاعراس

اللي تتكلم عنه اول مره اسمع عنه و اذا موجود عندنا طبعاً ضد لا هو من دينا و لا عاداتنا و لا تقاليدنا هالنوع من الحفلات .. و لا ارضى اختي او بنتي تروح بالتأكيد ..

[آلملآزم]

أكيد ضد ياخوي
ولا أظن أن فيه أي أحد عاقل سليم العقل يخاف ربه ويدري أن فيه موت وحساب وبعث بيقول لك مع
واللي باقوله اللهم لاتؤاخذنا بما فعل السفهاء منا

[bohilal191]

ضد في حالة بدون مناسبة،،،،

[فيروزه]

حسبي الله ونعم الوكيل الله يهديهم

[بيرق قطر]

شكراً إخواني وأخواتي على مروركم القيم

وصدقوني إني حاس فيكم لان ما فيه واحد منكم يرضي على نفسه أو على أهلة بها التصرف

بس إنا طرحت الموضوع عسى وعل افتح بها قلوب قافلة وعيون مغمضة

أما بنسبة لأختي أبداع لما تقول :

كنت قاعدة انطر المحاضره .. وحده قدامي تكلم بالتلفون تقول اعزمك على حفلة توديع العزوبيه

انا قعد اسمع ماتوقعت ذا الشي وصل عندنا.. لا وحاجزين اضاءات نفس الديسكو

أنا أقول إذا كانت البنت تحتفل بتوديع العزوبية بنقول الحمد الله بتصير في ذمة زوج وبتنحل مشاكلها

المصيبة الأكبر لما تقول امرأة عندها أبناء وزوج وطالبة الطلاق وتهد إلى بنته طوال حياتها

( أعزمكم يا بنات على الرجوع للعزوبية ) في ذمتكم مو قهر ؟؟؟؟؟؟؟؟؟؟؟

مع خالص تحياتي للجميع

[sh50]

انا ضد اذا كان مثل ما تقول
وانا بعد ماشفتها
لكن اللي اعرفه ان الدي جيه يجيبونه في بعض الاعراس وحفلات الخطوبه
وحفلات الحنا بس
وهو ارخص لهم بدل ما يجيبون طقاقين او مطرب00

[ANONYMOUS]

وين يسوونه هاي

شكثر نسمع بس ماشفنا شي

[مساهمة بسFresh]

هل انت منتظر حد يقولك انا مع بعد كل ماذكرت اخي الكريم ؟!!


الموضوع مع كل احترامي لك .. دون مستوى الطرح

هذا رايي واتمنى تتقبله




اتفق معاك

[ام السعف]

شكراً إخواني وأخواتي على مروركم القيم

وصدقوني إني حاس فيكم لان ما فيه واحد منكم يرضي على نفسه أو على أهلة بها التصرف

بس إنا طرحت الموضوع عسى وعل افتح بها قلوب قافلة وعيون مغمضة

أما بنسبة لأختي أبداع لما تقول :

كنت قاعدة انطر المحاضره .. وحده قدامي تكلم بالتلفون تقول اعزمك على حفلة توديع العزوبيه

انا قعد اسمع ماتوقعت ذا الشي وصل عندنا.. لا وحاجزين اضاءات نفس الديسكو

أنا أقول إذا كانت البنت تحتفل بتوديع العزوبية بنقول الحمد الله بتصير في ذمة زوج وبتنحل مشاكلها

المصيبة الأكبر لما تقول امرأة عندها أبناء وزوج وطالبة الطلاق وتهد إلى بنته طوال حياتها

( أعزمكم يا بنات على الرجوع للعزوبية ) في ذمتكم مو قهر ؟؟؟؟؟؟؟؟؟؟؟

مع خالص تحياتي للجميع

شوف يا اخوي ،، كل حسب اللي في قلبه راح يحتفل ،، سواء بيهد العزوبية
او بيدخل العزوبية ،، احنا خلافنا اهنيه على حفلات الدي جي اللي تتكلم عنها ،،

ما بين فترة وفترة نسمع عن حفلات بمسميات كثيرة ،، واسترجعت ذاكرتي
وتذكرت وحدة كانت تبي اضاءات لحفلة بتسويها في البيت ،، وكانت بتحط
ستيريو واغاني وبيرقصون البنات اشوي لكن من غير ما يلجئون
الى العري او ازعاج الآخرين ،،

فاللي فهمته منك ،، ان تصير حفلات كبيرة او صغيرة ،، الهدف منها
الرقص على صخب الاغاني والعيش داخل جو خاص للحفلة هذي
من اضاءات وصخب وازعاج والرقص المستمر ،، وفوق هذا
الملابس حدث بلا حرج ،، وحركات شواذ ( هذي ضد وبقوة ) ،،

[بيرق قطر]

اشكركم اخواني واخواتي على تفاعلكم وغيرتكم


والله يبارك بالجميع

[سهم احمر]

ضـــــــــــــــــــــد وبـــــــــــــــــــــقــــــــــــــــــــــوة

[nadeemy]

انا الحقيقه اول مره اسمع عن مثل هذه الحفلات , والاحظ ان الاغلبيه ما يعرفها وفئه قليله سمعوا عنها ولا احد شافها بعينه او حضرها
سؤالي لصاحب الموضوع انت مثل الباقين سمعت عنها والا شفت بعينك وعلى هالاساس حطيت الموضوع ؟

[الحال مايساعد]

أعتقد هي موجودة من زمااااان
بس
الكبار يسونها لكن الحين الكبار والصغار

[ღLady Qtrღ]

عـآدي مافيها شي اذا كانت ماتتعدى حدود الادب
دايم اروح مافيها شي ومافيها شي يتعدى الذوق العام

[La.Queen]

حتى لو الواحد له وجهه نظر في موضوعك اخوي ما عتقد يقدر يبديها بعد هالكلام اخوي

اتمني يكون الموضوع للنقاش وتبادل وجهات النظر مب فرض راي وهجوم

هالحفلات انواع والناس اللي عادي عندهم مشكلتهم ومشكله المجتمع اللي اهم فيه .. لكن اذا كانت حفله الدي جي بحدود الادب فانا ما اشوف انه فيها شي..

[المتورع]

احيو الحق بذكره واميتو الباطل بهجره

[تحداني]

مساء الخير على الجميع


في مجلس من مجالس الناس الي نعرفهم .. يتجمعون فيه الشباب
عاده في اجازات نهايه الاسبوع .. او في العطل .. او حتى ايام الشتا وقعده الخيام
مع الضو.. ونسمع شباب يدندنون على العود .. نسألهم شسالفه .. يقولون والله قاعدين نتسلى وانفرفش عن نفسنا .. وتلقى شله ثانيه تلعب ورق .. وشله مع الكيرم
جلسه بدون اضاءات .. وبلبس عادي .. لكن الحلو فيها قعدتهم مع بعض

حفله دي جي نسائيه .. ما اعرف يمكن المسمى حديث .. او يمكن ناس تحب تستحدث امور عشان تطلع من الروتين القاتل بصرعه جديده .. وبموضه كموضه الحفلات التنكريه .. وحفله للحيوانات .. وحفله ليوم الزراعه العالمي .... الخ


حضرت حفلات فيها دي جي .. بس كل الي اذكره ان حفلات لها مناسبه
اما التخرج من الثانويه او الجامعه اوحصولهم على مراتب جامعيه عليا
او حفله نهايه سنه دراسيه .. او العاب ومسابقات .. " والدي جي " يكون موجود
فكره الدي جي ان الناس تتسلى البعض يحط اناشيد
والبعض يحط اغاني


اما دي جي والناس تتجمع حوله .. والله ما شفتها ولا سمعتها




جملك الله برضى الرحمن

[كازانوفا]

اخي الكرم دام انهم مضايقنك ليش ما تشتكي عليهم صدقني احسن حل للاشكال الضاله


الله يرحمنا برحمته والله اخاف من اعمالهم رب العالمين يسلط غضبه علينااااا