حكايتي مع الكاشير الهندي ؟؟؟

[simsim1963]

كل شهر اذهب الى سوبرماركت اللولو ولما ارجع للبيت افرغ مجموع السعر في جدول شهري عملته لمراقبه صرفي لاحظت كل شهر زياده عن الشهر الذي قبله في اسعار المواد التموينيه سألت الكاشير الهندي ليش أسعاركم تزيد كل شهر ؟ تعرفون ايش رد ؟ قال لي بابا انا مافيه زيادة انت فلوس ناقص . قلت له شلون ؟ قال : كل مرة بترول زياده سعر دولار نقص واذا دولار ناقص لازم ريال ناقص . قلت بل يعني راتبي ينقص كل شهر وانا ما أدري ؟؟؟؟؟؟ :(:(:(:( ياريت يطبقون علاوة غلاء معيشه

[التيما]

اول مره انتبه لهالشي ..

[saryalia4u]

هندي ذكي

[البرجوازي]

يامخطرالتجار الهنود الطيبين علينا واحنا نايمين

[الساهر 17]

يامخطرالتجار الهنود الطيبين علينا واحنا نايمين


الهنود لابد من القضاء عليهم كتجار لانهم بلاء مثل السرطان لايرحمون الا من هم امثالهم هنود مثلهم واتمنى من الدولة تقليص عددهم والله من كل قلبي شرهم اكثر من خير ( انا اتكلم عن التجار فقط من الهنود اما العماله فلابس بهم )

[مهل]

محلل اقتصادي مب كاشير

[هدهد سليمان]

الهنود بسيطرون على العالم .. لا تحاتون التاريخ يعيد نفسه :)

[غايه الطواش]

السوبرماركتات >>>>>>>>صح والا مهب صح .....

مسيطيرين عليهم الهنود سيطره مب طبيعيه ....

[Gh2o]

هو يقصد ان الريال مرتبط بالدولار وبعدين شفيكم تحطتوا بالهندي مسكين الا كاشير وشلي مخليكم تعتقدون انكم احسن منه ؟

[mannoo66]

الكاشير وضح له حقيقه هو غافل عنها..وضح له اسباب ارتفاع السلعه..انا اشوف انه يستحق الاحترام على مصداقيته هالهندي...بعدين الهنود شطار بالتجارة والمحاسبه يعني مايفوته شئ حتى لو كاشير..اللولو اهون بكثير من غيره

[Anas_G]

انت كلمت المدير المالي والا كاشير شعرفه فهالسوالف

[بوخالد911]

كلموا المدير


ولا تستحوون

[مهاوي الشمال]

الله يجزاه خير اذا كان مسلم ويهديه اذا ماكان على هالمعلومات المفيده

ورجاء لللأخوان عدم ادخال نظرية المؤامرة في كل مناحي الحياة، واتمنى ورؤية الأمور بنظرة إيجابية

[فقيه زمانه]

الهنود بسيطرون على العالم .. لا تحاتون التاريخ يعيد نفسه :)

وانا اكد على كلامك شوف لندن من تدخل لين تطلع مافيه الا لهنود ولبنغاليين واحنا عندنا يقولك باعطيك 2000 او عطني اسمك باشتغل في التجارة

[simsim1963]

بصراحه وضح لي نقطه كنت اجهلها . جزاه الله خير على فكرة صاحب اللولو هندي مسلم وله أعمال خيريه كثيرة في الهند وهذي ارزاق الله يوزعها . ومشكورين على الردود

[intesar]

الهنود يعتبرون من الدول الذكية جدا جدا .. شعب عبقري جدا .. لكن الحياة اللي هم فيه ما خدمتهم الفقر وعدد السكان .. خلهم بس اشلون يسدون جوعهم .. شعب مغلوب على أمره .. لكن شوفوا تفوقهم في أغلب المجالات .. دايم نتهكم باسم الهندي ونكتنا عليهم .. لكن الواقع مخالف .. هم أذكى وأشطر منا .. قولوا لي عندنا مصنع يصنع تلفزيونات .... لا مصنع سيارات .... لا .. شعب مجتهد .. بس حنا شعب حاط يده بماي بارد .. مو احنا شعب الغاز والبترول .. طول الوقت تذمر وشكاوي وديون وصياح .. الا هذا عيب أنا القطري فلان ولد فلان اشتغل بهذي الشغلة .. وخي أنا أتزوج واحد ماله أصل .. ليش يالحكومة ما تشيلون الديون .. نبي فلوس .. أووووف ليش اشتغل اذا هم مارفعوا راتبي .... اذا عندك واسطة يالحبيب تعال وقدم .. هذه أمثلة بسيطة من مشاكل كثيرة تحصل عندنا .. غيبنا عقولنا وراء أمور تافهة .. أنا ما أستثني نفسي أو عيالي لكن أتكلم بشكل عام .. التقدير للأيادي القطرية ضايعة .. وع هذي مو ماركة .. ما أعرف وين الخلل .. بس ترى كلها سنوات قليلة وراح تكون الهند في صدارة الدول المنتجة والمتطورة مثلها مثل اليابان .. والنتوا ماسكين علينا بالمفوشر والفشخرة الكذابة والجيب ما فيه ريال وحتى راعي البقالة متسلف منه ..
دمتم بود ..

[intesar]

صاحب اللولو مسلم

[نورالهدى]

السلع فعلا زادت زياده ملحوظه
دجاج دو 900 جم كان ب 87 اصبح الان 99
الزيادة 10%-12%
وذلك على سبيل المثال
وقس على ذلك جميع السلع
الحمد لله على كل حال

[صوت الضمير]

بصراحه جمعية اللولو ارخص بواجد من الميره اللي تدعهما الدولة

يالبا الهنود والله طلعوا احن علينا من غيرهم

وفرق الفاتورة واضح كل ماروح للميره وللولو

واللحين صار اللولو خياري الأمثل

أبداع

[aljaber1]

هذا يسمى تضخم اقتصادي ويعنى فشل القائمين على سياسات الاقتصادية
ألا وهو الحفاظ على الاستقرار العام للأسعار
وتضخم الدخل للفرد يزيد طين بله

[ابوخالد السل]

كل شهر اذهب الى سوبرماركت اللولو ولما ارجع للبيت افرغ مجموع السعر في جدول شهري عملته لمراقبه صرفي لاحظت كل شهر زياده عن الشهر الذي قبله في اسعار المواد التموينيه سألت الكاشير الهندي ليش أسعاركم تزيد كل شهر ؟ تعرفون ايش رد ؟ قال لي بابا انا مافيه زيادة انت فلوس ناقص . قلت له شلون ؟ قال : كل مرة بترول زياده سعر دولار نقص واذا دولار ناقص لازم ريال ناقص . قلت بل يعني راتبي ينقص كل شهر وانا ما أدري ؟؟؟؟؟؟ :(:(:(:( ياريت يطبقون علاوة غلاء معيشه
الخوف من ان علاوة غلاء المعيشة
تغلي العيشه !

[آلملآزم]

مفَتح ماشاء الله عليه

[مشتاقة لقطر]

معلومة حلوة ..

بازيد باسعار بضاعتي باقول نفس الهندي هههههه باتعامل بالدورلار خلاص

اتغشمر .. الله لا يقول اطمع وازيد الاسعار ..

[A bin M]

لازم يكون المعاش مثل البترول يزيد وينقص مثل البترول ههههههههه

[بنت الاول]

سبحان الله وبحمدة ................." تكنولوجيا"ههههههههههههههههههههههه

[paypal]

من الي عطى الهندي فرصه انه يتحكم في المواطن البسيط خلنا احنا هني مع غلا الاسعار وياليت البضايع بعد جودة مثل الناس

او المطاعم اكلهم مثل الناس ويستاهل الافلوس الي قاعدين ندفعها

وغيرنا حتى الخضره والفواكه توصل لهم كل يوم بالطياره لقناعتهم بان السلعه الي في السوق المحلي سيئه

[simsim1963]

مشكورين على الردود الطيبه . بالفعل الأسعار لا تطاق ولا تتناسب مع رواتبنا والتضخم غطانا وتعدانا مثل التسونامي لاحول ولا قوة الا بالله