تصفع زوجها في جلسة قضائية

[leeth]

القاضي وبَّخها ومحاميها انتقدها والزوج طلب المهر
مُشْرفة تربوية تصفع زوجها في جلسة قضائية بمحكمة الرياض!
أقدمت مُشْرفة تربوية على صفع زوجها خلال جلسة بين الطرفَيْن في المحكمة الكبرى بالعاصمة الرياض.

وتعود تفاصيل القضية إلى رفع الزوجة قضية خلع ضد زوجها إثر خلافات بينهما، رغم تمسك الزوج بمبدأ الصلح. وفي الجلسة القضائية حدثت مناوشات بين الزوجة وزوجها؛ فأقدمت الزوجة على صفع الزوج أمام القاضي ووسط ذهول محاميها والزوج.

القاضي بعد مشاهدته اعتداء الزوجة على زوجها داخل المحكمة اتجه إلى توبيخها وطردها، وحاول بعد ذلك إقناع الزوج إما بالصبر عليها أو الطلاق، ولكن الزوج طلب المهر الذي دفعه، وأصدر القاضي حُكْماً بخلعها مقابل استرجاع المهر.

محامي الزوجة قال إنها أخطأت؛ فهي لم تحترم القاضي ولا الجلسة؛ حيث حوَّلت الجلسة القضائية إلى حلبة مصارعة، وإن الزوجة أدانت نفسها بنفسها. مشيراً إلى أنه اتجه للسكوت بعدما أقدمت على صفع زوجها أمامه وأمام القاضي؛ حيث لم يعد للمحامي أي كلام بعد هذا الحدث الغريب.

[bohilal191]

مشرفة تربوية وتسوي هالشي

تستاهل

[المليونير الفقير]

استغفرالله العظيم الله يعافينا

[آلملآزم]

ختامها مسك يالطيب :nice:

[الأصيلة]

ماعليها شرهه...
هو الرابح ..ارتاح منها...

[ع.م]

الشرهة مب عليها.. الشرهة على "الريال" اللي حط نفسه في موقف يترجى زوجته اللي ماتبيه ويدور حد يقنعها بعدم الطلاق..

الحين المرة ماتبيك وكارهة أمٍ يابتك.. وين كرامتك..

أنا مادري اشلون الناس يروحون المحاكم وعقب يردون يعيشون مع بعض عادي.. يمكن أنا اللي قلبي أسود وماأسامح اللي بيسحبني في المحاكم ويقول جدام الله وخلقه إنه مايبيني!! وين أرجع أجابل ويهه عقب والله مب بس صعبة.. إلا الموووت بعينه وعلمه..

[مشتاقة لقطر]

يمكن بط جبدها .. ومكرهها العيشة بردت حرتها بطررررررررررررررراق هههههه

[امـ حمد]

الله ااكبر معقول زوجه تصفع زوجها امام القاضي

[المليونير الفقير]

الله ااكبر معقول زوجه تصفع زوجها امام القاضي

لامعقوله انها تصفع بالخش:omg:

[ابو ضمير]

هههههههه والله زين سوت هي رافعة قضية وتبي الخلع لانها ما تبيه ما تدانيه عوووع وهذا ما يفهم انها ما تبيه لزقة خذ طراق عساك تفهمها بس تستاهل الي جاك كان طلقتها من قبل

[فيروزه]

قووووووية والله

[قناص الخليج]

نسوان اخر زمن :rolleyes2:

[chillis]

يستاهل ماعنده كرامه هي رافعه قضيه تبي الخلع كان قطها من اول شي وريح راسه

[دلة الرسلان]

يمكن وراء الصفعة حكاية :(

[أخو من طاع ربه]

الاخ يبيها من الله ويرجع المهر
ومشرفة تربويها ماسوتها غير ان كانت مواقف
قبلها في ألبيت ،،،،

[بوخالد911]

غريييييييييييب

[Doha Sun]

تستاهل اللي جاها

[المتحدث الرسمي]

جلللللييييييلة الحيا:secret:

[دااانة قطر]

أما سكت بعد الصفعه .. حر قلبي



بس بعد ماتدرون ايش كاان يصير في البيت ؟؟!!
للصبر حدود

[نوفا91]

عشى ماشر قدام العالم !!

[wadha-qa]

بل والله كسر خاطري
مب لهالدرجه الوحده تتمادى عيب !
مساكين بعض الرجال مظلومين شكله طيب هذا لو واحد غيره داس بطنها و نساها حليب امها ههههههه
والله مب كل الحريم طيبات اعوذ بالله من هالاشكال الله يعوضه بوحده احسن منها مليون مره

[ضوى]

شي غريب والله

اخر الزمان هذا

[حلم قطري]

السلام عليكم
اسعد الله صباحكم بكل خير
باختصار البيات اسرار ولا نعلم من المخطي من المصيب ، لعلها حيلة من حيّل الرجل نرفزها بطريقته الخاصة ليكون ف الصورة هو الحمل الوديع المظلوم ، ساعات الواحد فينا يخطى عليه ولكن لايملك نفسه فيقابل الخطأ بخطأ اكبر ويصبح من مجني عليه الى الجاني.
الله يهديهم لعلها المظلومه
او

بداية النهاية لها متعوده على ضربه وطاحت في شر اعمالها

لانحكم مجرد نسمع خبر .

[قطري !]

يستاهل ماجاه


والله انها بنت اصول



هي اصلا عارفه ان مافيه خير

[bo_hamad]

يا كثرهم في هاي الزمن وكثير ما نسمع حريم عصاة لا حول ولا قوة الا بالله العلي العظيم

[barod]

شكله سكت لانه طامع في المهر الفلوس عنده اهم من كرامته وحده ما تبيه وهو متمسك فيها بكيته

[برق لمع]

يمكن بط جبدها .. ومكرهها العيشة بردت حرتها بطررررررررررررررراق هههههه

والله ضحكتيني وانا مالي خلق
بس يالله كسبتي فيني اجر
بس جد حلوة بطراااااااااق هههه

[basma222]

هههههههههههههه

شر البالية مايضحك

[موضي قطر]

:omg:



انا للحين اتخيل المنظر اذا استوعبت

بتكون لي عودة إن شاء الله :(

[مهل]

يادافع البلا .. صفعته ؟ و امام قاضي !

ماتجرأت الا انها من قبل عارفه ان الزوج الله بالخير

يالله لاتبلانا

[ANONYMOUS]

الله يسامحها احرجته

كان تنطر لين توصل البيت وتلعن والدي والديه بروحهم

لامن شاف ولا من دري

[دلة الرسلان]

الله يسامحها احرجته

كان تنطر لين توصل البيت وتلعن والدي والديه بروحهم

لامن شاف ولا من دري

بل أخذته على حين غرة :(

[هبوب الكوس]

ياهي كبيرة :omg:

[شبح الصمت]

مردها تحسف قد شعر راسها

ظل رجال والا ظل حيط

[حقيقه]

اكيد كانت متأذيه منه

وبخاطرها من زمان اتبرد حرتها

يستاهل المفروض مب بس طرااق

لاتلومونها محد يدري شالاسباب اللي خلتها تطلب الخلع

وانا اقول ظل حيطه ولا ظل رجال مب رجال

[شبح الصمت]

اكيد كانت متأذيه منه

وبخاطرها من زمان اتبرد حرتها

يستاهل المفروض مب بس طرااق

لاتلومونها محد يدري شالاسباب اللي خلتها تطلب الخلع

وانا اقول ظل حيطه ولا ظل رجال مب رجال



اختي لو متاذيه وبنت ناس ما تهجم على رجال قدام خلق الله

يمكن الرجال يبيها وشاريها ويمكن اهي عايفته ما ندري الاسباب

بس اسمحي لي نفس هالبنات وقوة عين فيها تصفقه كف هذه لو تحفر الارض على حركتها الحين وتبي اطلع لها رجال ياخذها صراحة الي بياخذها مدمغ وانسان ما عنده سالفه

وبقولج مبين من حركتها انها اقصدت الحركة مليون بالميه قالت دامه ما يبي يفك وكل يوم محاكم خلني اخلي القاضي يطلع الكلمة من تحت مطرقته

وختامها مسك

بس للاسف الرجال طلع مب رجال لانه ما رد عليها لو منه وتعطيني كف مستعد الصقها في قفص الاتهام

[وافق شنن طبقة]

والله اعلقها واتزوج عليها وحده وصباحية الزوجه الجديده اطرش ورقتها مطلقه


بس فالاول والاخير شكل زوجها ..مسيكين

[مهل]

والله اعلقها واتزوج عليها وحده وصباحية الزوجه الجديده اطرش ورقتها مطلقه


بس فالاول والاخير شكل زوجها ..مسيكين

المعلقه .. في الدين لايجوز للزوج ترك الزوجه معلقه .. امساك بمعروف او تسريح باحسان

[فتى الجود]

اهو اللى دفع نفسه الى هذا المواقف

في الاخير هو مايبي الصلح

هو يبي افلوسه

[بوراشد82]

ماعطته كف من شي هين...

[المريش]

لا حول ولا قوة إلا بالله
اللهم استر على المسلمين والمسلمات

أن كان هو غلطان عز الله إنها بنت رجال ، وإن كانت هي غلطانة فالله ربنا وربها

الحياة الزوجية مشاركة ما هيب معاركة

إمساك بمعروف أو تسريح بإحسان

[المخفي]

هي وحدة من ثنتين

يا الرجال داهية و قدر يرد المهر
يا هذي كيد الحريم عشان تتطلق منه

[العـوا]

مشرفه تربويه
بس المهم افتك منها

[black@white]

يمكن بط جبدها .. ومكرهها العيشة بردت حرتها بطررررررررررررررراق هههههه


احيانا يتظاهر بالصلح امام القاضي ولكن ..... اعتقد يستاهل ما جاه

[بوحارب]

هههههههههههههههههه

وش اقول بس

لا تعليق :)

[لاجل QT]

والله ماندري بظروف الناس يمكن في شي مقهورة منة

بس انا ضد تصرفها ..مايسوة عليها افضحوها في الجرايد

[مسمس12]

أأأاكيد شافت الويل منه وحطت الحره بالكف ههههههههه


بس بعد عيب جدام الناس

[بدون]

لكل قصة أكثر من جانب و لم نعلق سوى على جانب الضرب

لم يبين المقال سبب اصرارها على الخلع ، فلعلها كانت قد صبرت بما فيه الكفاية ووصلت إلى آخر المطاف

البيوت أسرار و لا تصل المرأة إلى ذا الحد إلا بعد تراكمات عديدة

[ANONYMOUS]

بل أخذته على حين غرة :(



أنا اشهد


بس عساه استرجل شوي

[هارودز]

استغفرالله العظيم

[مهل]

سبحان الله .. اليوم تذكرت هذا الموضوع


كنت اتابع قناه اسمها دليل مادري تشوفونها ولا لا .. هي قناه دينيه نوعا ما و فيها برنامج روعه .. المذيع شاب متدين و يستضيف محاضرين و دكاتره نفسيين متدينين و يختص البرنامج بحل الاشكالات العائليه و الاستشارات ايضا و اتصالات كثيره توصل البرنامج .

اليوم اتصلت وحده تقول للمطوع و هي جاده .. انا مافيه بيني و بين زوجي تفاهم احيانا يغيضني و هو بعد يعصب و مانتفاهم ابد و اي نقاش نتهاوش .. قالها الشيخ .. كيف يعني تهاوشون .. قالت نعصب بالكلام . قال لها و بعدين .. ماكان يتوقع المطوع الاجابه .. قالت اخذ اي شي في يدي و افره عليه جوال او ريموت او اي شي و بعدين اروح :rolleyes2:
المطوع من الصمده ضن انه ماسمع عدل
خلته يتلعثم والله

يالله لاتبلانا

[بيرق قطر]

الصراحة

مدام أهي اشتكت علية وما عز نفسه وطلقها بخيرها وشرها

قبل لا يدنس سمعته ويدخل المحكمة يستأهل ما جاه

لان مدام أطلبت الطلاق منة واشتكت علية في المحكمة

كيف نفسيته تتقبل رجوعها علية تحت سقف واحد

وهو يدري أنها ما تريده , أكيد فيه مشكلة واعتقد أنة رجل ابتزازي

ويريد إرجاع المهر إلى راح وهذا يدل على عدم رجولته

ويستأهل ما جاه

[مطراش]

الشرهة مب عليها.. الشرهة على "الريال" اللي حط نفسه في موقف يترجى زوجته اللي ماتبيه ويدور حد يقنعها بعدم الطلاق..

الحين المرة ماتبيك وكارهة أمٍ يابتك.. وين كرامتك..

أنا مادري اشلون الناس يروحون المحاكم وعقب يردون يعيشون مع بعض عادي.. يمكن أنا اللي قلبي أسود وماأسامح اللي بيسحبني في المحاكم ويقول جدام الله وخلقه إنه مايبيني!! وين أرجع أجابل ويهه عقب والله مب بس صعبة.. إلا الموووت بعينه وعلمه..


موب هنا المشكله المشكله اذا كان في اطفال صعبه والله صعبه اش بيكون مصير الاطفال

[نورالهدى]

لاحول ولاقوة إلا بالله العلي العظيم

[الخزرجي قطر]

اعتقد ان المشكله بينهم اكبر من الطراق الي جاه
يستاهل لانه لو عنده كرامه ماخلاها على ذمته يوم واحد اذا هي ماتبيه
بس بعض الاوقات العناد يوصل الى مرحله اكبر من ذلك وهي ردة فعل
من الطرف الاخر من الشي الي شافته منه والله اعلم :omg:

[MAZEN37]

الله ااكبر معقول زوجه تصفع زوجها امام القاضي

اكيد سبب من الاثنين
1- هبله ومستهتره
2- مظلومه ومقهوره

[دااانة قطر]

سبحان الله .. اليوم تذكرت هذا الموضوع


كنت اتابع قناه اسمها دليل مادري تشوفونها ولا لا .. هي قناه دينيه نوعا ما و فيها برنامج روعه .. المذيع شاب متدين و يستضيف محاضرين و دكاتره نفسيين متدينين و يختص البرنامج بحل الاشكالات العائليه و الاستشارات ايضا و اتصالات كثيره توصل البرنامج .

اليوم اتصلت وحده تقول للمطوع و هي جاده .. انا مافيه بيني و بين زوجي تفاهم احيانا يغيضني و هو بعد يعصب و مانتفاهم ابد و اي نقاش نتهاوش .. قالها الشيخ .. كيف يعني تهاوشون .. قالت نعصب بالكلام . قال لها و بعدين .. ماكان يتوقع المطوع الاجابه .. قالت اخذ اي شي في يدي و افره عليه جوال او ريموت او اي شي و بعدين اروح :rolleyes2:
المطوع من الصمده ضن انه ماسمع عدل
خلته يتلعثم والله

يالله لاتبلانا



عجبتني
بس تنفع مخده مو ريموت ولا جواال



الحمدلله والشكر